23225	MAT 1:12	ባብሎኔ ዓጮ'' ዲዒንቶኮ ጊንፃፓ ዮዓኬ ሳላቲያሌ፤ ሳላቲያሌ ዜሬባቡሌ ሾዔኔ።
23226	MAT 1:13	ዜሬባቡሌ ዓብዲዮዴ፤ ዓብዲዮዴ ዔኤሊያቄሜ፤ ዔኤሊያቄሜ ዓዞሬ ሾዔኔ።
23249	MAT 2:11	ናዓ ዓኣ ኬኤፆ ዔያታ ጌላዖ፥ ናዖና ዒንዶ ማይራሞና ዴንቄኔ፤ ዬካፓ ጉምዓቲ ዒዛም ዚጋዖ ሳኣፂኖ ዔያቶኮ ቡሊ'' ዎርቄ፥ ዑንጄ፥ ካርቤ ጎዖ ሳውዎ ባኮዋ ዒንጊ ዒኢሼኔ፤ ዬይ ባካ ሚርጌ ሚኢሼ ኬሳ''ያኬ።
23263	MAT 3:2	ዒዚ ኬኤዜሢ፦ «ፆኦሲ ካኣቱማ ዑኬኔ፤ ጎሞ ቡኡፁዋቴ» ሂዚ ጌዒኬ።
23267	MAT 3:6	ጎሞ ፔኤኮ ቡኡፂ ቡኡፂ ዒዛ ኮይላ'' ዮርዳኖሴ ዎራ ዋኣፆ ማስታኔ።
23269	MAT 3:8	ዓካሪ ሃሢ ዒንሢኮ ጎሞ ቡኡፂፆ ዔርዛ ማላታ ማዹዋቴ።
23272	MAT 3:11	ሓሢ ታ ዒንሢ ጎሞ ቡኡፂፆ ዔርዛያ ማሂ ዋኣሢና ማስካኔ፤ ጋዓንቴ ታኣኮ ጊንፆ ሙካሢ ዓያና ጌኤሺና ሃሣ ታሚና ዒንሢ ማስካንዳኔ፤ ዒ ታጊዳፓ ሚርጌና ባሼታሢሮ ታ ዒዛኮ ቶኮ'' ዱርዞታዖ ኬዳኒ ኮይሳ ዓሲቱዋሴ።
23277	MAT 3:16	ዬሱሴ ዋኣፃፓ ማስቲ ኬኬስካኣና ጫሪንጫ ቡሊ''ንቲ፥ ፆኦሲኮ ዓያና'' ዶኦሌ'' ማሊ ኬዲ'' ዒዛ ዑፃ ዴዓንቴ ዒ ዴንቄኔ።
23295	MAT 4:17	ዬካፓ ዓርቃዖ ዬሱሴ፦ «ፆኦሲ ካኣቱማ ዑኬሢሮ ጎሞ ቡኡፁዋቴ» ጌዒ ጌዒ ዔርዚሢ ዓርቄኔ።
23301	MAT 4:23	ዬሱሴ ዓይሁዶ ዓሶኮ ቡኪንቶ ቤዞይዳ ዔርዚ ዔርዚ ሃሣ ፆኦሲ ካኣቱሞ ዛሎ'' ኮዦ ሃይሶዋ ኬኤዚ ኬኤዚ ጌሊላ ዓጮ'' ቢያይዳ ሃንታዖ፥ ዱማ ዱማ ዶርዖና ሃርጊንቴ ዓሶ ፖዒሴኔ።
23312	MAT 5:9	ፑርቴ ዓሲ ዎላ'' ቡኩሳዞንሢና ካንሣዞንሢ ፆኦሲ ናይ ዔያታ ጌይንታሢሮ ዎዛዾንጎ።
23327	MAT 5:24	ኔ ዒንጋ ባኮ፥ ዒንጎ ቤዞ ኮይላ'' ጌሢጋፓ ዴንዲ ዬያ ዓሢና ዎላ'' ቡኬ፤ ዬካፓ ሙኪ ኔ ዒንጋ ባኮ ዒንጌ።
23339	MAT 5:36	ኔ ቶኦኮ'' ጋፓኖ ዔኤሊ''ያ ጫኣቂፖ፤ ዓይጎሮ ጌዔቶ ኔኤኮ ቶኦኮ'' ጋፓናፓ ፔቴ''ማ ቡኡቂሳኒ ሃሣ ካርሣኒ ኔ ዳንዳዑዋሴ።
23353	MAT 6:2	ዓሲ ዛጎም ጌዒ ጎይፆ ዓጮና ቡኪንቶ ቤዞናይዳ ሄርሺንቲም ኬኤዚ ኬኤዚ ሺራ ዓሶጉዲ፥ ማንቆ ዓሶም ዒንሢ ዔኤቢ ዒንጋ ዎዶ''ና ዓሲ ዛጎም ጌዒ ማዺፖቴ፤ ዬያይዲ ማዻዞንሢ ዒማ''ና ዔያታ ፔኤሲ'' ዴንቂ ጋጋፔኔ።
23356	MAT 6:5	ዬሱሴ ሃሣ፦ «ዒንሢ ሺኢቃ ዎዶ''ና ጉሪ ሄርሺንቶሮ ሺኢቃ ዓሶጉዲ ማዒፖቴ፤ ዔያታ ዓሲ ኑና ዛጎም ጌዒ ዓሳ ቡካ ቤዞና ጎይሢ ዓቺናይዳ ዔቂ ሺኢቃኒ ኮዓኔ። ጎኔ ታ ዒንሢም ጋዓኔ፦ ዔያታ ኮዓ ባኮ ቢያ ዬማና ዔኪ ጋጋፔኔ።
23370	MAT 6:19	ዬሱሴ ሃሣ ኬኤዛዖ፦ «ቁንቁና ሙዓኒ፥ ሳልፒ ፑርታኒ ሃሣ ዉሲያ ቦኦኪ ዉኡቃኒ ዳንዳዓ፥ ሃያ ዓጮ''ይዳ ዒንሢም ማዓ ቆሎ ቡኩሲፖቴ፤
23371	MAT 6:20	ጋዓንቴ ቁንቁና ሙዓኒ፥ ሳልፒ ፑርታኒ ሃሣ ዉሲያ ቦኦኪ ዉኡቃኒ ዳንዳዑዋ፥ ሎ ጫሪንጮ ማኣሮይዳ ዒንሢኮ ቆሎ'' ቡኩሱዋቴ።
23379	MAT 6:28	«ሃሣ ማኣዖ ዛላኣ ዓይጎሮ ዒንሢ ሜታዺ ማላይ? ሂንዳ ካዮ ቡኖ ዛጉዋቴ፥ ዔያታ ሜታዺ ሱኩዋሴ፤
23380	MAT 6:29	ጋዓንቴ ካኣቲ ሴሎሞኔ ቦንቺንቴታቴያ ዬያ ቡኖይዳፓ ፔቴ''ማጉዲታዖ ማይንቲ ሚዛጲባኣሴ፤ ታ ዒንሢም ጋዓኣኬ።
23388	MAT 7:3	ኔ ዓኣፖይዳ ዓኣ ዼኤፖ ቡኡሮ ዴንቁዋዖ ኔ ላጋሢኮ ዓኣፖይዳ ዓኣ ዻኮ'' ቡኡሮማ ዓይጋ ኔ ዛጋይ?
23389	MAT 7:4	ኔ ዓኣፖይዳ ዼኤፒ ቡኡራ ዓኣንቴ፥ ‹ኔኤኮ ዓኣፓፓ ዻኮ'' ቡኡሮማ ታ ኬሶ''ም› ዎይቲ ኔ ጋዓኒ ዳንዳዓይ?
23390	MAT 7:5	ሃይ ኔ ሄርሺንታሢ ሃይ! ቤርታዺ ኔኤኮ ዓኣፓ ዓኣ ዼኤፖ ቡኡሮ ኬሴ''፤ ዬካፓ ኔ ላጋሢኮ ዓኣፓ ዓኣ ዻኮ'' ቡኡሮማ ኔ ዴንቂ ኬሳ''ንዳኔ።
23392	MAT 7:7	ዬሱሴ ሃሣ ኬኤዛዖ፦ «‹ሺኢቁዋቴ ዒንሢም ዒንጊንታንዳኔ፤ ኮዑዋቴ ዒንሢ ዴንቃንዳኔ፤ ካራ'' ዔቂ ዔኤሉ''ዋቴ ካራ'' ዒንሢም ቡሊ''ንታንዳኔ።
23393	MAT 7:8	ሺኢቃሢም ቢያ ዒንጊንታንዳኔ፤ ኮዓሢያ ዴንቃንዳኔ፤ ካራ'' ዔቂ ዔኤላ''ሢማኣ ካራ'' ቡሊ''ንታንዳኔ።›
23432	MAT 8:18	ዬሱሴ ሚርጌ ዓሲ ዒዛ ኮይላ'' ቡኪ ዓኣሢ ዛጋዖ ዒዛኮ ጊንፆ ሃንታዞንሢ ባዞ''ኮ ሶ ሱኮ ፒንቃንዳጉዲ ዓይሤኔ።
23457	MAT 9:9	ዬሱሴ ዴንዲቤቃ ማቲዎሴ ጎዖስኬይ ኮርሞ ዓሶፓ ሚኢሾ ቡኩሳ ቤዛ ዴዒ ዓኣንቴ ዴንቂ፦ «ሃኒ ታ ጊንፆ ሙኬ!» ጋዓዛ፥ ዒዚያ ዔቂ ዒዛ ጊንፆ ዓኣዼኔ።
23458	MAT 9:10	ዬካፓ ዬሱሴ ማቲዎሴ ማኣሮይዳ ሙዓኒ ዴዓዛ ሚኢሾ ቡኩሳ ዓሶንታ ጎሞ ዓሶንታ ሚርጌ ዓሲ ሙኪ ዒዛና ሓሣ ዒዛኮ ጊንጸ ሃንታዞንሢና ዎላ'' ሙዓኒ ዴዔኔ።
23459	MAT 9:11	ፔርሴ ዓሳ ዬያ ዛጋዖ ዬሱሴኮ ጊንፆ ሃንታዞንሢ ኮራ፦ «ዒንሢኮ ዔርዛሢ ሃያ ሚኢሾ ቡኩሳ ዓሶና ጎሞ ዓሶና ዎላ'' ዴዒ ዎይቲ ሙዓይ?» ጌይ ዖኦጬኔ።
23465	MAT 9:17	ዬያጉዲ ሶልኪ ዑሺ ዋሆ ጪንቄ ዖቲዳ ሺሜ ዋሂንቱዋሴ፤ ዋሂንቴቴ ጋዓንቴ ሺሜ ዑዣ ቡርቂ ዖቶ ዹኡሴም ዑዣ ላኣሊንታንዳኔ፤ ዖታኣ ጉሪ ዓታንዳኔ። ዬያሮ ሺሜ ዑሺም ዓኪ ጌኤሺ ዖቲ ኮይሳኔ፤ ዬያይዴቴ ዑዣ ዖቶይዳ ዔኤቢ ዎኦቱዋዖ ዴዓኔ።»
23466	MAT 9:18	ዬሱሴ ዬያ ዓሶም ኬኤዚፆይዳ ዓኣንቴ ፔቴ'' ዓይሁዶ ዓሶኮ ቡኪንቶ ቤዞ ሱኡጌስኬይ ሙኪ ባሊቲና ዒዛ ቤርታ ሎኦማዖ፦ «ታኣኮ ናይስኬና ሃርጊ፥ ሃሢ ሃይቄኔ፤ ሃዳራ፥ ኔኤኒ ሙኪ ዒዞ ዑፃ ኩጮ ጌሤቶ ዒዛ ዻቃንዳኔ» ጌዔኔ።
23471	MAT 9:23	ዬካፓ ዬሱሴ ዓይሁዶ ዓሶኮ ቡኪንቶ ቤዞ ሱኡጋሢ ማኣሪ ሄላ''ዖ ዲንካሢ ዋርቂ ሃሣ ጳሽኪ ዒላቲ ዒላቲ ዬኤካ ዓሶ ዛጊ፥
23476	MAT 9:28	ዬካፓ ዬሱሴ ኬኤፆ ጌላዛ ዓኣፖ ባይቄዞንሢ ዒዛ ጊንፆ ሙኬም፥ ዬሱሴ ዔያቶ ኮራ፦ «ዒንሢኮ ዓኣፖ ታ ቡላ''ንዳሢ ዒንሢ ጉሙርቃ?» ጌዒ ዖኦጬኔ። ዔያታ ማሃዖ፦ «ሂዮ፥ ጎዳሢዮ» ጌዔኔ።
23478	MAT 9:30	ዓኣፓ ዔያቶኮ ቡሊ''ንታዛ ዬሱሴ ዔያቶም፦ «ሃያ ዖኦማኣ ዒንሢ ኬኤዙዋጉዲ!» ጌዒ ዶዲሺ ላቴኔ።
23483	MAT 9:35	ዬሱሴ ዓይሁዶ ዓሶኮ ቡኪንቶ ቤዞይዳ ዔርዚ ዔርዚ፥ ፆኦሲ ካኣቱሞ ዛሎ'' ኮዦ ሃይሶዋ ኬኤዚ ኬኤዚ ዬያጉዲ ሃሣ ዶርዓሢያ ቢያ ፖዒሲ ፖዒሲ ካታሞና ጉርዶናይዳ ሃንቴኔ።
23485	MAT 9:37	ዬያሮ ዬሱሴ ዒዛኮ ጊንፆ ሃንታዞንሢ ኮራ፦ «ቡኩሶንዶ ሃኣካ ሚርጌኬ፤ ሃኣኮ ቡኩሳዞንሢ ጋዓንቴ ዻካ''ታሢሮ፥
23486	MAT 9:38	ሃኣኮ ቡኩሳ ዓሶይዳ ቃሲ'' ዓሲ ዳካንዳጉዲ ሃኣኮ ዓዶ ሺኢቁዋቴ» ጌዔኔ።
23489	MAT 10:3	ፒልጶሴ፥ ቤርቴሌሞሴ፥ ቶኦማኣሴ፥ ሚኢሾ ቡኩሳ ማቲዎሴ፥ ዒልፒዮሴ ናኣዚ'' ያይቆኦቤ፥ ታዲዮሴ፤
23495	MAT 10:9	ዎርቄታቴያ ቢራ ሃሣ ሞኦኖ ዓንጎዋ ቡራሻይዳ ዓጊ ዔኪፖቴ፤
23503	MAT 10:17	ዓሳ ዒንሢ ዎጌም ዓኣሢ ዒንጋንዳኔ፤ ዓይሁዶ ዓሶኮ ቡኪንቶ ቤዛ ዒንሢ ጳርቆንዶኔ፤ ዬያሮ ኮሺ'' ዒንሢና ዔሩዋቴ።
23544	MAT 11:16	ሃሣ ቃሳ''ዖ፦ «ሃያ ዎዶ'' ዓሳ ዓይጎ ማላኔ ታ ጋዓንዳይ? ዞኦዛ ቡኪንቲ ዴዒ ናኣታ'' ፔኤኮ ላጎ ዔኤሊ'' ዔኤሊ''፥
23547	MAT 11:19	ዓሲኮ ናዓሢ ሓሣ ሙዒ ዑሽኪ ዑሽኪ ሙካዛ፥ ‹ሓሣ ሃይ ሙኡዚ''ና ዑሺና ናሽካያኬ፤ ሚኢሾ ቡኩሳ ዓሶና ጎሞ ዓሶናኮ ላጌኬ!› ዔያታ ጌዔኔ። ያዺ ማዔቴያ ዔራቶኮ ጎኑማ ፔ ማዾ''ና ፔጋዺ ዔርታንዳኔ» ጌዔኔ።
23548	MAT 11:20	ዬካፓ ሃሣ ዬሱሴ ሃንጎ ካታሞይዳፓ ባሼና ሚርጌ ፆኦሲ ዎልቄና ማዺንታ ዓኪ ባኣዚ'' ማዺንቴ ካታሞንሢ' ጎሞ ፔኤሲ'' ቡኡፂባኣሢሮ፥
23549	MAT 11:21	«ኮራዚኔ ኔና ባዴዔ! ሃሣ ቤቴሳይዳ ኔና ባዴዔ! ዒንሢዳ ማዺንቴ ፆኦሲ ዎልቆና ማዺንታ ዓኮ ባካ ፂሮሴና ሲዶና ካታሞናይዳ ማዺንቴቴ ሄኤዶ ዔያታ ሲዬ ፓቲሌ ቱኪ'' ቶኦካ'' ቢዲንሢ ዋሂንቲ ጎሞ ፔኤኮ ቡኡፄያ ናንዳንቴኬ።
23567	MAT 12:9	ዬሱሴ ዬኖ ቤዞይዳፓ ዔቂ ዓይሁዶ ዓሶኮ ቡኪንቶ ቤዞ ጌሌኔ፤
23582	MAT 12:24	ጋዓንቴ ፔርሴ ዓሳ ዬያ ዛጌ ዎዶ''ና፦ «ሃይ ዓሢ ፑርቶ ዓያኖ ኬሳ''ሢ ፑርቶ ዓያኖ ሱኡጋሢ ቢዔልዛቡሌ ዎልቆና ማዓንዳኣፓዓቴም» ጌዔኔ።
23585	MAT 12:27	ታኣኒ ፑርቶ ዓያኖ ኬሳ''ሢ ዔያቶኮ ሱኡጋሢ ቢዔልዛቡሌና ማዔቶ ዒንሢኮ ናኣታ'' ዓይጎና ፑርቶ ዓያኖ ኬሳ''ይ? ዬያሮ ዒንሢ ናኣታ'' ዒንሢዳ ዎጋንዳኔ።
23587	MAT 12:29	ዬሱሴ ሃሣ፦ «ፔቴ'' ዓሲ ፔቴ'' ዎልቄና ዓኣ ዓሲ ቤርታዺ ቱኩ''ዋዖ ዎልቆና ዓኣ ዓሢ ማኣሪ ጌሊ ዓኣ ባኮ ቡራኒ ዎይቲ ዳንዳዓንዳይ? ዎልቆሲ ቱኬ''ሢኮ ጊንፃ ዒዛኮ ዓኣ ባኮ ቡራኒ ዳንዳዓኔ።
23588	MAT 12:30	«ታ ዓሲ ማዒባኣሢ ቢያ ታና ዒፃኔ፤ ታኣና ዎላ'' ማዒ ዔኤቢ ቡኩሲባኣ ዓሲ ላኣላያ ማዓንዳኔ።
23599	MAT 12:41	ኔኔዌ ካታሞ ዓሳ ዓጮ''ይዳ ፆኦሲ ዎጋ ኬሎ''ና ሃያ ዎዶ'' ዓሶይዳ ዎጋያ ማዓንዳኔ፤ ዓይጎሮ ጌዔቶ ኔኔዌ ዓሳ ዮናኣሴ ኬኤዜሢ ዋይዜ ዎዶ''ና ዻቢንቶ ዔሪ፥ ጎሞዋ ቡኡፄሢሮኬ። ያዺ ማዔቶዋ ሃሢ ዮናኣሴይዳፓ ባሼ ሃይካ ዓኣኔ።
23603	MAT 12:45	ዬካፓ ፑርቶ ዓያና''ሢ ዓኣዺ ዒዛይዳፓ ባሼ ፑርታ ሜሌ'' ላንካይ ፑርታ ዓያና ቡኩሲ ዔኪ ሙኪ ዒዚ ቤርታ ዓኣ ዓሢዳ ጌሊ ዎላ'' ናንጋኔ፤ ዬያሮ ዬያ ዓሢኮ ጋፒንፆ ናንጋ ቤርታኣስካፓ ባሼ ፑርታ ማዓኔ። ሃያ ዎዶ'' ፑርቶ ዓሶ ዑፃ ማዓንዳ ባካ ዬያ ማላ ባኣዚ''ኬ» ጌዔኔ።
23610	MAT 13:2	ሚርጌ ዴሬያ ዒዛ ኮይላ'' ሙኪ ቡኬሢሮ ዋኣፆና ፒንቆ ጎንጎይዳ ኬስኪ ዴዔኔ፤ ዴራ'' ጋዓንቴ ቢያ ባዞ'' ዓጫ ዔቄኔ።
23626	MAT 13:18	ዬካፓ ዬሱሴ፦ «ዓካሪ፥ ዒንሢ ዜርፆኮ ኮኦኪንሦ ቡሊ''ፆ ዋይዙዋቴ፤
23644	MAT 13:36	ዬካፓ ዬሱሴ ዴሮ'' ሃሺ'' ኬኤፆ ጌሌኔ፤ ዒዛኮ ጊንፆ ሃንታዞንሢ ዒዛ ኮራ ሙኪ፦ «ጎዦኮ ዓዣሢ ኮኦኪንሦ ቡሊ''ፆ ኑም ኬኤዜ» ጌዔኔ።
23648	MAT 13:40	ዓዣሢ ቱጊ ቡኩሲ ታሞይዳ ሚቾሢጉዲ ዓጮ''ኮ ጋፒንፆና ያዺ ማዓንዳኔ።
23649	MAT 13:41	ዓጮ''ኮ ጋፒንፆ ዎዶ''ና ዓሲኮ ናዓሢ ፔ ኪኢታንቾ ዳካንዳኔ፤ ዔያታኣ ዓሶ ዻቢሻዞንሢና ፑርቶ ማዻዞንሢ ቢያ ዒዛ ካኣቱሞይዳፓ ቡኩሲ ኬሳ''ንዳኔ።
23662	MAT 13:54	ፔ ዓጮ'' ናዚሬቴ ካታሞዋ ሙኪ፥ ዒኢካ ዓይሁዶ ዓሶኮ ቡኪንቶ ቤዛ ዔርዛንቴ ዒዛሲ ዋይዛ ዓሳ ቢያ ዲቃቲ ሄርሻዖ፦ «ሃይ ዓሢ ሃያጉዴ ዔራቶና ፆኦሲ ዎልቄና ማዺንታ ዓኮ ባኮና ዓንካፓ ዔሬይ?
23685	MAT 14:19	ዴራ'' ቡጫ'' ዴዓንዳጉዲ ዓይሤኔ፤ ዬካፓ ዶንጎ ካሦንሢና ላምዖ ሞሎንሢና ዔኪ ሌካ ጫሪንጮ ባንሢ ዛጊ ፆኦሲ ሺኢቃዖ ካሦ ቡንፂ ዒዛኮ ጊንፆ ሃንታዞንሢም ዒንጋዛ ዔያታኣ ዴሮ''ም ዒንጌኔ።
23717	MAT 15:15	ጴፂሮሴ ዬሱሴ ኮራ፦ «ዬኖ ኮኦኪንሦኮ ቡሊ''ፆ ኑም ኬኤዜ» ጌዔኔ።
23738	MAT 15:36	ላንካዎ ካሦንሢና ሞሎንሢና ዔኪ ፆኦሲ ሺኢቂ፥ ቡንፂ ጊንፆ ሃንታዞንሢም ዒንጋዛ ዔያታኣ ዴሮ''ም ሺኢሼኔ።
23739	MAT 15:37	ቢያሢ ሙዒ ሚሽኬም ዓቴ'' ዶምቦ ጊንፆ ሃንታዞንሢ ቡኩሲ ላንካይ ዼኤፒ ሌማቴ ኩሙሢ ዔኬኔ።
23760	MAT 16:19	ሃይሾ ታ ኔኤም ጫሪንጮ ማኣሮ ካኣቱሞኮ ካሮ'' ቡሎ'' ቁልፖ ዒንጋንዳኔ፤ ሳዓ ኔ ‹ማዖንጎ› ጌዔ ባካ ጫሪንጫ ዒማዺ ማዓንዳኔ፤ ሳዓ ኔ ‹ማዖፓ› ጌዔ ባካ ጫሪንጫኣ ማዓዓኬ» ጌዔኔ።
23791	MAT 17:22	ጌሊላይዳ ዒዛኮ ጊንፆ ሃንታዞንሢ ቡኪንቲ ዓኣንቴ ዬሱሴ ዔያቶም፦ «ዓሲኮ ናዓሢ ዓሶም ዓኣሢንቲ ዒንጊንታንዳኔ፤
23816	MAT 18:20	ዓይጎሮ ጌዔቶ ላምዖ ሃሣ ሃይሦ ማዒ ታ ሱንፆና ዒንሢ ቡኪንታ ቤዛ ቢያ ታ ዒንሢኮ ባኣካ'' ማዓንዳኔ» ጌዔኔ።
23837	MAT 19:6	ዬያሮ ዔያታ ፔቴ''ኬ፤ ላምዖቱዋሴ፤ ፆኦሲ ዎላ'' ዋኣፄዞንሢ ዓሲ ቡሎ''ፓ» ጌዔኔ።
23897	MAT 21:2	«ሓኖ'' ሴኮ ቤርታ ዓኣ ጉርዴሎ ዓኣዹዋቴ፤ ዒኢካ ዒንሢ ሄሄላ''ዖ ፔቴ'' ቱኡቲ ዓኣ ሃሬ ናዖና ዎላ'' ዴንቃንዳኔ፤ ዬያሮ ዬማ ሃሮ''ማ ቡሊ'' ዔኪ ታኣም ዬዑዋቴ።
23926	MAT 21:31	ዓካሪ ዬንሢ ላምዖ ናኣቶ''ንሢዳፓ ዓዶኮ ዓይሢፆ ኩንሤሢ ዎያዳይ?» ጋዓዛ፥ ዔያታ፦ «ቤርታኣ ናዓሢሾ!» ጌዔኔ። ዬሱሴያ ማሃዖ፦ «ጎኔ ታ ዒንሢም ጋዓኔ፤ ኮርሞ ዓሶፓ ሚኢሾ ቡኩሳ ዓሶና ዓኒ ሃሣ ማቾ ማዒባኣ ዓሶና ላሃ ዓሳ ፆኦሲ ካኣቱሞይዳ ዒንሢ ቢሪ ጌላንዳኔ፤
23927	MAT 21:32	ማስካ ዮሓኒሴ ጌኤሹሞ ጎይሢ ዒንሢ ዻዋኒ ዒንሢ ኮራ ሙካዛ ዒንሢ ዒዛሲ ጉሙርቂ ዔኪባኣሴ፤ ሚኢሾ ቡኩሳ ዓሶና ዓኒ ሃሣ ማቾ ማዒባኣ ዓሶና ላሃ ዓሳ ጋዓንቴ ጉሙርቂ ዒዛሲ ዔኬኔ። ዒንሢ ዬያ ዛጌሢኮ ጊንፃኣታዖ ጎሞ ዒንሢኮ ቡኡፂ ጎናሲ ዒዛሲ ዔኪባኣሴ።»
23945	MAT 22:4	ዬካፓ ካኣቲ ላሚ ሃሣ ሜሌ'' ማዻ ዓሲ ዔኤሊ''ንቴ ዓሶም፦ ‹ቡዋ ጌማይንታ ሃሣ ማሌ'' ባይያ ታ ሹኪ ሙዖ ጊኢጊሼኔ፤ ቢያ ባካ ጊኢጌያ ማዔሢሮ ዔፖ ቤዞ፥ ታ ማኣሪ ሙኩዋቴ ጎዑዋቴ› ጌይ ዳኬኔ።
23951	MAT 22:10	ማዻ ዓሳ ጎይፆ ኬስኪ ዴንቄ ዓሶ ኮዦንታ ፑርቶንታ ቢያሢ ቡኩሲ ዔፖ ማኣሮ ሾኦጮና ኩንሤኔ።
23975	MAT 22:34	ዬሱሴ ሶዶቄ ዓሶ ጎዖንዶ ጎይሢ ባይዚሴሢ ዋይዛዖ ፔርሴ ዓሳ ፔቴ''ይዳ ሙኪ ቡኬኔ፤
23982	MAT 22:41	ፔርሴ ዓሳ ቡኪንቲ ዓኣንቴ ዬሱሴ ዔያቶ ሂዚ ጌዒ ዖኦጬኔ፤
23993	MAT 23:6	ሙዖ ቤዞይዳ ቦንቺንታ ቤሲ፥ ዓሳ ቡኪንታ ቤዞይዳኣ ቤርቶ ዛላ'' ዴዓኒ ኮዓኔ።
24001	MAT 23:14	«ዒንሢ ፂሎ''ቱዋዖ ፔና ‹ፂሎ''ኬ› ጋዓ፥ ሙሴ ዎጎ ዔርዛ ዓሶና ፔርሴ ዓሳ ዒንሢ ባዴዔ! ዓኒንሢ ሓይቄ ላኣሎኮ ማኣሮ ዒንሢ ቡራያታዖ ዓሲ ‹ፆኦሲ ሺኢቃኔ› ዒንሢ ጎዖንጎ ጌዒ ዖዶሲ ሺኢጲሢ ዒንሢ ሺኢቃኔ፤ ዬያሮ ፑርታ ዎጌ ዒንሢዳ ዎጊንታንዳኔ።]
24012	MAT 23:25	«ዒንሢ ፂሎ''ቱዋዖ ፔና ፂሎ''ኬ ጋዓ ሙሴ ዎጎ ዔርዛ ዓሶና ፔርሴ ዓሳ፥ ዒንሢና ባዴዔ! ዋኣፆ ዑሽኮ ዓንዶና ካሦ ሙዖ ዓንዶናኮ ዙሎ'' ዒንሢ ማስኪ ጌኤሻኔ፤ ጋራ ጋዓንቴ ቡሪሢና ዱኡዹሞና ዒንሢኮ ኩሜ''ያኬ፤
24021	MAT 23:34	ዬያሮ ፆኦሲ ማሊፆ ኬኤዛ ዓሶ፥ ዔሮ'' ዓሶንታ ዔርዛ ዓሶ ዒንሢ ባንሢ ታ ዳካንዳኔ፤ ዔያቶይዳፓ ፔቴ'' ፔቴ''ሢ ዒንሢ ዎዻንዳኔ፤ ሃሣ ፔቴ'' ፔቴ''ዞንሢ ዒንሢ ሱፃንዳኔ፤ ዓቴ''ዞንሢ ሃሣ ዒንሢኮ ቡኪንቶ ቤዞይዳ ዢራፓና ዒንሢ ጳርቃንዳኔ፤ ዔያቶ ዒፂ ፔቴ'' ካታማ''ፓ ሜሌ'' ካታማ ዒንሢ ዳውሲ ዳካንዳኔ፤
24024	MAT 23:37	ዬካፓ ዬሱሴ፦ «ዬሩሳላሜ! ኔኤኒ ፆኦሲ ማሊፆ ኬኤዛዞንሢ ዎዻዜሌ፥ ሃሣ ኔ ባንሢ ፆኦሲ ዳካ ኪኢቶ'' ዓሶ ሹጮና ዹዓዜሌ! ኮይዳ ፔኤኮ ጋኣዞ ዴማ'' ናኣቶ'' ቡኩሲ ዓርቃሢጉዲ ታኣኒ ኔ ናኣቶ'' ፔቴ''ይዳ ቡኩሳኒ ሚርጌና ኮዔንቴ! ኔ ዬያ ዒፄኔ።
24054	MAT 24:28	ዔኤቢ ሃይቄ ቤስካ ቢያ ሃምፑራ ቡኪንታኔ» ጌዔኔ።
24057	MAT 24:31	ዒማ''ና ዒዛኮ ኪኢታንቾ ዼኤፒ ዛዬና ዓጮ''ኮ ቢያ ዛሎ'' ዒ ዳኬም ዔያታ ዴንዲ ዒዛም ዶኦሪንቴዞንሢ ዓጫ'' ማዔ ካራ''ፓ ቢያ ቡኩሳንዳኔ» ጌዔኔ።
24088	MAT 25:11	«ዓቴ'' ዉዱሮ ናኣቶ''ንሢ ሃሣ ዻካ'' ኔጊ ሙካዖ፥ ‹ጎዳሢዮ! ካሮ'' ኑም ቡሌ''› ጋዓዛ፥
24109	MAT 25:32	ዴራ'' ቢያ ዬማና ዒዛ ቤርታ ቡኪንታንዳኔ፤ ዒዚያ ሄንቃ ዓሲ ማራቶ ዋኣሮይዳፓ ቁራሢጉዲ ዴሮ ቁሪ ዱማሳንዳኔ፤
24126	MAT 26:3	ዬካፓ ቄኤሶኮ ሱኡጎና ዴሮ''ኮ ጪማ''፥ ቄኤሶ ቢያሢኮ ሱኡጋሢ ቃያፓ ማኣሮ ካሮ''ይዳ ቡኪንቴኔ።
24149	MAT 26:26	ዔያታ ካዋሢ ሙዓኣና ዬሱሴ ካሣ ዔኪ ጋላታ ሺኢጲሢ ሺኢቃዖ፥ ቡንፂ ዒዛኮ ጊንፆ ሃንታዞንሢም፦ «ሃቦቴ ሙዑዋቴ፤ ሃይ ታናኬ» ጌይ ዒንጌኔ።
24180	MAT 26:57	ዬማ''ና ዬሱሴ ዓርቄ ዓሳ' ሙሴ ዎጎ ዔርዛ ዓሶንታ ዴሮ''ኮ ጪሞንታ ቡኪንቲ ዓኣ ቤዞ፥ ቄኤሶ ቢያኮ ሱኡጋሢ፥ ቃያፓ ማኣሪ ዒዛ ዔኪ ዓኣዼኔ።
24213	MAT 27:15	ሮሜ ዓጮ'' ዎይሣሢ ሌዓ ሌዓ ዓይሁዶኮ ዑሣ ዓኣዺፆ ቦንቾ ኬሎ''ና ዴራ'' ዔያቶም ቡሊ''ንታንዳጉዲ ኮዓ፥ ቱቴ ዓሲ ቡላ''ሢ ዔርቴያኬ።
24215	MAT 27:17	ዴራ'' ቡኪንታዛ ጲላፆሴ፦ «ባርባኔና ሜሲሔ ጌይንታ ዬሱሴናይዳፓ ዖና ታ ዒንሢም ቡላ''ንዳጉዲ ዒንሢ ኮዓይ?» ጌዔኔ።
24218	MAT 27:20	ጋዓንቴ፥ ቄኤሶኮ ሱኡጎና ጪሞና ባርባኔ ዔያቶም ቡሊ''ንቴም ዬሱሴ ሃይቃንዳጉዲ ዓሳ ዖኦጮም ዴሮ'' ዴሚና ጌሻኔ።
24219	MAT 27:21	ዓጮ'' ዎይሣሢያ፦ «ላምዖንሢዳፓ ዖኦኒ ዒንሢም ቡሊ''ንታንዳጉዲ ዒንሢ ኮዓይ?» ጋዓዛ፥ ዔያታ «ባርባኔ ቡሊ''ንቶንጎ!» ጌዒ ማሄኔ።
24224	MAT 27:26	ዬማና ጲላፆሴ ባርባኔ ዔያቶም ቡሊ''፥ ዬሱሴ ጋዓንቴ ዢራፓና ጳርቂሴሢኮ ጊንፃ ሱፃንዳጉዲ ዓኣሢ ዔያቶም ዒንጌኔ።
24225	MAT 27:27	ሮሜ ዓጮ'' ፖኦሊሳኣ ዬሱሴ ዔኪ ሮሜ ዓጮ'' ዎይሣ ጲላፆሴ ማኣሪ ዓኣዺ ማርሾ ጋሮ ጌልዛዖ ፖኦሊሶ ቢያ ዒኢካ ቡኩሴኔ።
24244	MAT 27:46	ዬማፓ ማሢ ዶምቦልሳኣና ዬሱሴ፦ «ዔሎሄ! ዔሎሄ! ላማ ሳባቂታኒ» ጌዒ ዼ'ጊዲ ዒላቴኔ። ዬኖኮ ቡሊ''ፃ «ታ ፆኦዛሢዮ! ፆኦዛሢዮ! ዓይጎሮ ኔ ታና ሃሼይ?» ጌይሢኬ።
24250	MAT 27:52	ዬማና ሚርጌ ዱኡፒ ቡሊ''ንቴም ፆኦሲም ዱማዼያ ማዔ ሓይቄ ዓሲያ ሃይባ''ፓ ዔቄኔ።