23219	MAT 1:6	ዒሴዬ ካኣቲ ዳውቴ ሾዔኔ። ካኣቲ ዳውቴያ ዖሪዮ ማቾይዳፓ ሴሎሞኔ ሾዔኔ።
23233	MAT 1:20	ዬኖ ማሊፆና ዒ ዓኣንቴ፥ ፆኦሲኮ ኪኢታንቾ ዓ'ውቲና ዒዛም ጴዻዖ፦ «ዳውቴ ናዓሦ፥ ዮሴፔ! ኔኤኒ ዖኦጫዛ፥ ማይራማ ጎጳዼሢ ዓያና ጌኤሺዳፓ ማዔሢሮ ማሊ ሂርጉዋዖ ዒዞ ዔዔኬ።
23284	MAT 4:6	« ‹ኔና ካፓንዳጉዲ ፆኦሲ ፔ ኪኢታንቾ ኔኤም ዓይሣንዳኔ፤ ቶካ'' ኔኤኮ ሹጮይዳ ዹይንቱዋጉዲ፥ ዔያታ ፔ ኩጮና ዓርቂ ኔና ቃዛንዳኔ› ጌይንቲ ፃኣፒንቴኔ፤ ዬያሮ ኔ ፆኦሲ ናይ ማዔቶ፥ ሂንዳ ሃይፓ ሊካ ጱሌ''» ጌዔኔ።
23286	MAT 4:8	ዬካፓ ጊንሣ ፃላሄ ዬሱሴ ኮሺ'' ዖዶሲ ዹካ ኬሲ'' ዓጮ'' ካኣቶ'' ቢያሢና ዔያቶኮ ቦንቾዋ ዻዋዖ፦
23330	MAT 5:27	ዬሱሴ ሃሣ፦ « ‹ዓኒ ሃሣ ማቾ ማዒባኣ ዓሲና ላሂፖ› ጌይንቴሢ ዒንሢ ዋይዜኔ።
23334	MAT 5:31	ዬሱሴ ሃሣ፦ «ዬያጉዲ ‹ፔኤኮ ማቾ ዓንጃሢ ቢያ ዒዞ ዓይጎሮ ዓንጄቶዋ ዔርዛ ባኣዚ'' ፃኣፒ ዒንጎንጎ› ጌይንቴኔ።
23335	MAT 5:32	ታ ጋዓንቴ ዒንሢም ሂዚ ጋዓኔ፦ ሜሌ'' ዓሲና ዒኢቲሢ ዛላና ማዒባኣንቴ ፔ ማቾ ዓንጃሢ ቢያ ዒ'ዛ ዞኦስካ ኮኦማንዳጉዲ ማሃኔ፤ ዬኖ ዓንጂንቴዞ ዔካሢያ ዒዞና ዞኦስካ ኮኦማያ ማዓኔ» ጌዔኔ።
23364	MAT 6:13	ፑርታይዳፓ ኑና ካፔ፤ ዻቢሻኒ ጌሾያይዳኣ ኑና ጌልዚፖ፤ ካኣቱሞንታ ዎልቆንታ ቦንቾንታ ናንጊና ኔኤሮኬ ዓኣሜን› » ጌዔኔ።
23512	MAT 10:26	ሃሣ ዬሱሴ፦ «ዓካሪ ዓሲ ዒጊጪፖቴ፤ ዓይጎሮ ጌዔቶ ዓኣቾና ባኣዚ'' ፔጋዹዋዖ፥ ዓኣሺንቴ ባኣዚ'' ዔርቱዋዖ ዓታዓኬ።
23628	MAT 13:20	ሃኣቾ ሳዖይዳ ዜርቂንቴ ዜርፄላ ዻዋሢ፦ ቃኣሎ'' ዋይዛዖ ዎዛና ጉሙርቂ ዔካ ዓሶኬ።
23633	MAT 13:25	ዓሳ ቢያ ላሄ ዎዶ''ና ሞርኬ ሙካዖ ባርቾ ባኣካ'' ዓዦ ዜርቂ ዓኣዼኔ።
23637	MAT 13:29	ዒዚ ጋዓንቴ ‹ዔይዔ! ዓይጎሮ ጌዔቶ ዓዣሢ ዒንሢ ሃርማ ዎዶ''ና ባርቾ ዎላ'' ቱጋንዳኔ።
23638	MAT 13:30	ዬያሮ ሃሹ''ዋቴ፤ ባርቻ ማንፂንታ ዎዶ'' ሄላ''ንዳኣና ባርቾንታ ዓዣሢንታ ዎላ'' ዑጎንጎ፤ ማንፂንታ ዎዶ''ና ጋዓንቴ ማንፃ ዓሶም ዓዣሢ ቤርታዺ ቱጊ ታሚና ሚቺንታንዳጉዲ ናኣራ ናኣራ ቱኩ''ዋቴ፤ ባርቾ ጋዓንቴ ማንፂ ታኣኮ ኮኖይዳ ዋሁዋቴ› ሂዚ ታ ጋዓንዳኔ» ጌዒ ዔያቶም ኬኤዜኔ።
23647	MAT 13:39	ዓዣሢ ዜርቄሢ ሞርካሢ ፃላሄኬ፤ ባርቾ ማንፂፃ ዓጮ''ኮ ጋፒንፆኬ፤ ማንፃ ዓሳ ፆኦሲ ኪኢታንቾኬ።
23648	MAT 13:40	ዓዣሢ ቱጊ ቡኩሲ ታሞይዳ ሚቾሢጉዲ ዓጮ''ኮ ጋፒንፆና ያዺ ማዓንዳኔ።
23649	MAT 13:41	ዓጮ''ኮ ጋፒንፆ ዎዶ''ና ዓሲኮ ናዓሢ ፔ ኪኢታንቾ ዳካንዳኔ፤ ዔያታኣ ዓሶ ዻቢሻዞንሢና ፑርቶ ማዻዞንሢ ቢያ ዒዛ ካኣቱሞይዳፓ ቡኩሲ ኬሳ''ንዳኔ።
23652	MAT 13:44	ሄሊ''ሳዖ ዬሱሴ፦ «ጫሪንጮ ካኣቱማ ጎሺ ሳዛይዳ ዓኣቾና ባኣዚ'' ማላኔ፤ ፔቴ'' ዓሲ ዬኖ ባኬሎ ዴንቃዖ ማሂ ጊንሣ ዓኣቼኔ፤ ሚርጌ ዎዛዼሢሮ ዴንዲ ዓኣ ባኮ ቢያ ሻንቺ ዬኖ ጎዤሎ ሻንቄኔ» ጌዔኔ።
23669	MAT 14:3	ዬያኮ ቤርታ ሄሮዲሴ ዒዛኮ ጌርሲ ፒልጶሴ ማቾ፥ ሄሮዲያዳ ዔኬ ዛሎ''ና ዮሓኒሴ ዓይሢ ቱኡዞ ማኣራ ቱኬ''ኔ።
23721	MAT 15:19	ፑርታ ማሊሢ፥ ዓሲ ዎዺሢ፥ ዓኒ ሃሣ ማቾ ማዒ ባኣያና ላሂሢ፥ ኮይሱዋ ጎይሢና ዞኦስካ ኮኦሚሢ፥ ዉሱሞ፥ ሉኡዙሞ፥ ዓሲ ፑሽኪሢ፤ ዬይ ቢያ ዓሲ ዒናይዳፓ ኬስካኔ።
23768	MAT 16:27	ዓሲኮ ናዓሢ ዓዶኮ ቦንቾና ፆኦሲ ኪኢታንቾና ዎላ'' ሙካንዳኔ፤ ዒማ''ና ፔቴ'' ፔቴ''ሢም ፔኤኮ ማዾ''ጉዲ ዒንጋንዳኔ።
23769	MAT 16:28	ጎኔ ታ ዒንሢም ጋዓኔ፤ ዓሲኮ ናዓሢ ጫሪንጮ ካኣቱሞ ቦንቾና ሙካኣና ዛጋንዳያ ሄላ''ንዳኣና ሃይካ ዔቄ ዓሶ ባኣካ''ፓ ሃይቂንዱዋ ዓሲ ዓኣኔ» ጌዔኔ።
23821	MAT 18:25	ዬይ ማዻ ዓሢ ጋሎ'' ጪጋኒ ዳንዳዒባኣሢሮ ካኣታ''ሢ ዒዛንታ ዒዛኮ ማቾንታ ናኣቶ''ንታ ዓኣ ባካኣ ቢያ ሻንቺንቴም ጋላ'' ጪጊንታንዳጉዲ ዓይሤኔ።
23834	MAT 19:3	ፔርሴ ዓሳ ዒ ዎዚ ጋዓቴያ ዋይዛኒ ዒዛ ኮይላ'' ሙካዖ፦ «ማዔ ባኣዚ'' ቢያና ዓሲ ፔኤኮ ማቾ ዓንጃንዳጉዲ ዎጋ'' ዓይሣ?» ጌዒ ዖኦጬኔ።
23836	MAT 19:5	ሃሣ ‹ዬያ ዛሎ''ና ዓሲ ዓዶና ዒንዶና ሃሺ'' ማቾና ዎላ'' ፔቴ'' ማዓኔ፤ ላምዖንሢያ ፔቴ'' ዓሲ ማዓኔ› ፆኦሲ ጌዔሢ ዒንሢ ናባቢባኣዓዳ?
23838	MAT 19:7	ፔርሴ ዓሳ ጊንሣ፦ «ሂዴቶ ሙሴ ዓይጎሮ ‹ፔቴ'' ዓሲ ላኣሌሎ ዓንጄያ ማዔሢ ዔርዛ፥ ማርካ ማዔ፥ ፃኣፒንቴ ባኣዚ'' ዒንጊ ማቾ ዓንጆንጎ› ጌዒ ዓይሤይ?» ጌዔኔ።
23840	MAT 19:9	«ታ ዒንሢም ሃሢ ጋዓሢ' ማቻ ፔኤኮ ሜሌ''ና ዒኢቲባኣንቴ ማቾ ዓንጂ ሜሌ'' ላኣሊ ዔካሢ ቢያ ዞኦስካ ኮኦማያ ማዓኔ» ጌዔኔ።
23841	MAT 19:10	ዒዛኮ ጊንፆ ሃንታዞንሢ ዬያ ዋይዛዖ፦ «ዓኒና ማቾና ዛላ ባኣዚ'' ያዺ ማዔቴ ዔኪቦኦቴ ሃሣ ሎዒቦኦቴ ቃራኬ» ጌዔኔ።
23849	MAT 19:18	ዓሢያ፦ «ዎንሢ ዓይሢፆንሢ?» ጌዔኔ። ዬሱሴ ማሃዖ፦ «ዓሲ ዎዺፖ፥ ማቾ ሃሣ ዓኒ ማዒባኣያና ላሂፖ፥ ዉኡቂፖ፥ ሉኡዙሞና ማርካዺፖ፥
23926	MAT 21:31	ዓካሪ ዬንሢ ላምዖ ናኣቶ''ንሢዳፓ ዓዶኮ ዓይሢፆ ኩንሤሢ ዎያዳይ?» ጋዓዛ፥ ዔያታ፦ «ቤርታኣ ናዓሢሾ!» ጌዔኔ። ዬሱሴያ ማሃዖ፦ «ጎኔ ታ ዒንሢም ጋዓኔ፤ ኮርሞ ዓሶፓ ሚኢሾ ቡኩሳ ዓሶና ዓኒ ሃሣ ማቾ ማዒባኣ ዓሶና ላሃ ዓሳ ፆኦሲ ካኣቱሞይዳ ዒንሢ ቢሪ ጌላንዳኔ፤
23927	MAT 21:32	ማስካ ዮሓኒሴ ጌኤሹሞ ጎይሢ ዒንሢ ዻዋኒ ዒንሢ ኮራ ሙካዛ ዒንሢ ዒዛሲ ጉሙርቂ ዔኪባኣሴ፤ ሚኢሾ ቡኩሳ ዓሶና ዓኒ ሃሣ ማቾ ማዒባኣ ዓሶና ላሃ ዓሳ ጋዓንቴ ጉሙርቂ ዒዛሲ ዔኬኔ። ዒንሢ ዬያ ዛጌሢኮ ጊንፃኣታዖ ጎሞ ዒንሢኮ ቡኡፂ ጎናሲ ዒዛሲ ዔኪባኣሴ።»
23965	MAT 22:24	«ዔርዛሢዮ! ሙሴ ‹ፔቴ'' ዓሲ ላኣሊ ዔካዖ ሾውዋዖ ሃይቄቶ፥ ጌኤዚ ሃይቄሢ ማቾ ዔኪ ዒዛ ዻካላ ናይ ሾዖንጎ› ጌዔኔ።
23966	MAT 22:25	ኑ ኮይሎ''ይዳ ዎሊኮ ጌርሲንሢ ማዓ ላንካይ ዓሲ ዓኣኔ፤ ዬያቶኮ ቶይዳሢ ላኣሊ ዔካዖ ሾውዋዖ ሃይቄም ሄሌ ጌኤዛሢ ማቾ ዒዛኮ ዔኬኔ፤
23969	MAT 22:28	ዓካሪ ቢያሢ ዒዞ ዔኬሢሮ ጋፒንፆና ሃይባ''ፓ ዓሳ ዔቃኣና ዬና ዎያኮ ማቾ ማዓንዳይ?» ጌዔኔ።
23971	MAT 22:30	ሃይቢዳፓ ዓሲ ዔቄሢኮ ጊንፃ ጫሪንጮይዳ ዓኣ ፆኦሲ ኪኢታንቾጉዲ ማዓኔ፤ ዔኩዋሴ ሃሣ ሎዑዋሴ።
24056	MAT 24:30	ዬኖ ዎዶ''ና ዓሲ ናዓሢኮ ማላታ ጫሪንጮይዳ ጴዻንዳኔ፤ ዓጮ''ይዳ ዓኣ ዓሳ ቢያ ዬኤካንዳኔ፤ ዓሲኮ ናዓሢያ ጫሪንጮ ሻኣሮና ማዒ፥ ዼኤፒ ቦንቾና ሙካንቴ ዔያታ ዒዛ ዛጋንዳኔ።
24057	MAT 24:31	ዒማ''ና ዒዛኮ ኪኢታንቾ ዼኤፒ ዛዬና ዓጮ''ኮ ቢያ ዛሎ'' ዒ ዳኬም ዔያታ ዴንዲ ዒዛም ዶኦሪንቴዞንሢ ዓጫ'' ማዔ ካራ''ፓ ቢያ ቡኩሳንዳኔ» ጌዔኔ።
24062	MAT 24:36	ዬሱሴ ሃሣ፦ «ዬኖ ኬሎ''ና ዎዶ''ና ጋዓንቴ ዓዶይዳፓ ዓታዛ ጫሪንጮ ኪኢታንቾ ማዔቶዋ ናዓሢያ ዔሩዋሴ።
24108	MAT 25:31	ዬካፓ ዬሱሴ፦ «ዓሲኮ ናዓሢ ፔኤኮ ኪኢታንቾ ቢያሢና ዎላ'' ቦንቺንቲ ሙኪ፥ ቦንቾ ካኣቱሞ ዖይቶይዳ ዴዓንዳኔ፤
24118	MAT 25:41	«ዬካፓ ዒዛኮ ሻዉሎ'' ዛሎ''ና ዓኣዞንሢም ሃሣ ‹ዒንሢ ጋዳንቂንቴዞንሢዮ! ፃላሄና ዒዛኮ ኪኢታንቾናም ጊኢጊንቴ፥ ናንጊና ባይቁዋ ታሞይዳ ታ ኮራፓ ዓኣዹዋቴ፤
24128	MAT 26:5	ጋዓንቴ ዔያታ፦ «ዴሮ''ኮ ባኣካ'' ዣላ ዔቁዋጉዲ ቦንቾ ኬሎ''ና ማዖፓ» ጌዒ ዎላ'' ጌስቴኔ።
24130	MAT 26:7	ፔቴ'' ላኣሊስኬና ሹቺፓ ኮሾ''ና ቢልቃፄይዳ ሻንቾናቴ ሚርጌ ሚኢሼ ዔካንዳ ሳውቃ ቲሺ ኩንሢ ዔኪ ሙካዖ፥ ዬሱሴ ሙዖሮ ዴዒ ዓኣንቴ ዒዛኮ ቶኦካ'' ዋሄኔ።
24140	MAT 26:17	ዓይሁዶኮ ላኣዶ'' ሙዒ ቦንቾሢኮ ቤርታሳ ኬሎ''፥ ዒዛኮ ጊንፆ ሃንታ ናኣታ'' ዬሱሴ ኮራ ሙካዖ፦ «ዑሣ ዓኣዺፆ ቦንቾ ኬሎ'' ካዋሢ፥ ዎካ ኔኤም ኑ ጊኢጊሻንዳጉዲ ኔ ኮዓይ?» ጌዒ ዒዛ ዖኦጬኔ።
24141	MAT 26:18	ዒዚ ማሃዖ፦ «ካታሞይዳ ናንጋ፥ ሃያ ማኣሪ ዴንዲጋፓ ‹ዔርዛሢ፥ ታኣኮ ዎዳ'' ዑኬሢሮ ታኣኮ ጊንፆ ሃንታዞንሢና ዎላ'' ዑሣ ዓኣዺፆ ቦንቾ ኬሎ'' ካዋሢ ኔ ማኣራ ታ ሙዒ ቦንቻንዳኔ› ጋዓኔ፥ ጎዑዋቴ» ጌዔኔ።
24142	MAT 26:19	ዒዛኮ ጊንፆ ሃንታዞንሢያ ዒዚ ዓይሤሢጉዲ ዑሣ ዓኣዺፆ ቦንቾ ኬሎ'' ካዋሢ ጊኢጊሼኔ።
24153	MAT 26:30	ዬካፓ ዔያታ ፆኦሲ ቦንቾም ማዓ ዓይኑሞ ዓይናዻዖ፥ ዛይቶ ሪሚቶ ዹኮ'' ኬስኬኔ።
24175	MAT 26:52	ዬሱሴ ጋዓንቴ፦ «ዔዛ ሃይ፥ ጬንቾ ዓፓሮ ጎንጎና ዳኬ፤ ዓፓሮ ቱጋዞንሢ ቢያ ዓፓሮና ሃይቃንዳኔ።
24176	MAT 26:53	ዎንዴ ያዺ ማዓኒ ኮይሳያ ማዔቴ ታ ዓዶ ታ ዖኦጬም ታጶ ላምዖ ቤሲ ፓቂንታ ፖኦሊሶይዳፓ ባሼ፥ ኬኢታንቾ ታኣም ዳኪንዱዋያ ኔኤም ማላ?
24204	MAT 27:6	ቄኤሶኮ ሱኡጋ ዬንሢ ቢሮ''ንሢ ዔካዖ፦ «ሃይ ሚኢሻ ሱጉሢ ሻንቾናያ ማዔሢሮ፥ ጌኤዦ ማኣሮም ዒንጎ ሚኢሾና ዎላ'' ሲኢራኒ ኑም ኮይሱዋሴ» ጋዓዖ፥
24213	MAT 27:15	ሮሜ ዓጮ'' ዎይሣሢ ሌዓ ሌዓ ዓይሁዶኮ ዑሣ ዓኣዺፆ ቦንቾ ኬሎ''ና ዴራ'' ዔያቶም ቡሊ''ንታንዳጉዲ ኮዓ፥ ቱቴ ዓሲ ቡላ''ሢ ዔርቴያኬ።
24408	MRK 4:16	ዬያጉዲ ሓኣቾ ሳዖይዳ ዜርቂንቴሢ ዻዋሢ፦ ቃኣሎ'' ዋይዛዖ ዑኬና ዎዛዺ ዔካዞንሢኬ፤
24414	MRK 4:22	ዎይቴቶዋ ዓኣሺንቴ ባኣዚ'' ፔጋዹዋዖ ዓኣቾና ባኣዚ'' ዔርቱዋዖ ዓታዓኬ።
24493	MRK 6:17	ሄሮዲሴ ፔኤኮ ጌርሲ ፒልጶሴ ማቾ ሄሮዲያዳ ዔኬም፥
24494	MRK 6:18	ዬያ ዛሎ''ና ማስካ ዮሓኒሴ፦ «ጌርሲ ማቾ ዔኮና ኔኤኒ ዻቤኔ» ጌዒ ጎሬሢሮ ካኣቲ ዒዛ ዓይሢ ቱኡሴኔ።
24554	MRK 7:22	ዓኒ ሃሣ ማቾ ማዒባኣያና ላሂሢ፥ ታዻቆ ጌዒሢ፥ ፑርቱሞ፥ ጌሺሢ፥ ፔ ሼኔና ሓንቲሢ፥ ቂኢሩሞ፥ ፑሽኪሢ፥ ዖቶርሞ፥ ማሊሢ ባይሱሞኬ።
24607	MRK 8:38	ፆኦሲ ቦንቹዋ፥ ጎሞ ዓሶ ሾይንቶ ሓያ ቤርታ ታ ዛሎ''ንታ ታኣኒ ዔርዜ ባኮ ዛሎ''ዋ ኬኤዛኒ ቦርሲንታ ዓሲዳ ቢያ ዓሲኮ ናዓሢያ ፔ ዓዶኮ ቦንቾና ሃሣ ጌኤዦ ኪኢታንቾናኣ ዎላ'' ሙካዖ ዬያ ዓሢዳ ቦርሲንታንዳኔ።
24659	MRK 10:2	ፔቴ'' ፔቴ'' ፔርሴ ዓሳ ዬሱሴ ባንሢ ሙካዖ ጌኤሲና ዒዛ ፒራኒ ኮዓሢሮ፦ «ዓሲ ፔ ማቾ ዓንጃንዳጉዲ ዎጋ'' ዓይሣ?» ጌዒ ዖኦጬኔ።
24664	MRK 10:7	‹ዬያሮ ዓሲ ዓዶና ዒንዶና ሓሺ'' ማቾና ዎላ'' ፔቴ'' ማዓኔ፤
24668	MRK 10:11	ዬሱሴ ዔያቶም ማሓዖ፦ «ዖና ማዔቶዋ ፔ ማቾ ዓንጂ ሜሌ'' ላኣሊ ዔካሢ ፔኤኮ ቤርታኣ ማቾ ዒኢሳ''ኔ ጌይሢኬ።
24694	MRK 10:37	ዔያታ ማሓዖ፦ «ኔኤኮ ቦንቺንቴ ካኣቱሞይዳ ዓኣ ቦንቾ ቤዛ፡ ኑጊዳፓ ፔቴ''ሢ ኔኤኮ ሚዛቃ፤ ፔቴ''ሢ ሻውሎ ዛላ'' ኑና ማሂ ዴይሤ» ጌዔኔ።
24765	MRK 12:23	ላንኮ ጌርሲንሢ ቢያ ዒዞ ዔኬያታሢሮ ጋፒንፃ ሓይቄ ዓሳ ዔቃ ዎዶ''ና ዬና ላኣሌላ ዎያኮ ማቾ ማዓንዳይ?» ጌዒ ዖኦጬኔ።
24767	MRK 12:25	ሓይቄ ዓሳ ዔቃዖ ጫሪንጫ ዓኣ ፆኦሲኮ ኪኢታንቾጉዲ ማዓንዳፓ ዓቴም ዔኩዋሴ፤ ሎዑዋሴ።
24781	MRK 12:39	ዔያታ ዓይሁዶ ዓሶኮ ቡኪንቶ ቤዞይዳ ቦንቾ ዖይታ፥ ሙኡዚም ዔኤሎ'' ቤስካ ቦንቾ ቤሲ ዴንቂ ዴዓኒ ሩኡራኔ።
24813	MRK 13:27	ፔኤኮ ኪኢታንቾ ዒዚ ዳካዛ ዔያታ ዖይዶ ዛሎ'' ቢያ ዴንዲ ዓጮ''ኮ ጋፓፓ ጫሪንጮ ጋፖ ሄላ''ንዳኣና ዓኣ ዒዛኮ ዶኦሪንቴዞንሢ ቡኩሳንዳኔ።
24818	MRK 13:32	ዬሱሴ ሃሣ፦ «ጋዓንቴ ዬኖ ኬሌሎና ዎዴሎና ዛላ ዓዳሢፓ ዓቴም ዖኦኒያ ዔራያ ባኣሴ፤ ጫሪንጮይዳ ዓኣ ኪኢታንቾታቶዋ ሓሣ ናዓሢያ ዔሩዋሴ።
24824	MRK 14:1	ዓይሁዴ ዓሳ ዑሣ ዓኣዺፆንታ ላኣዳ ሙዒ ቦንቾ ኬሎ''ንታ ማሊ ቦንቻኒ ላምዖ ዓቢ ዓታዛ ቄኤሶኮ ሱኡጎና ዎጎ ኮሺ'' ዔራ ዓሳ ጌኔ ማሊሢና ዬሱሴ ዓርቂ ዎዾንዶ ጎይሢ ኮዔኔ።
24825	MRK 14:2	ጋዓንቴ ዴራ'' ዑራ ዔቂሳንዳኔ ጌዒ፦ «ኑኡኒ ቦንቾ ኬሎ''ና ዬያ ማዻዓ» ዔያታ ጌዔኔ።
24826	MRK 14:3	ዬሱሴ ቢታኒያ ጎዖ ጉርዶይዳ ዑፃ ኬስካ ፑርቶ ዶርዓሢና ዓርቂንቴዖ ፖዔ፥ ሲሞኦኔ ጎዖሢ ማኣራ ዓኣዖ ካሣ ሙዓኒ ጊኢጊ ዴዒ ዓኣንቴ ፔቴ'' ላኣሊስኬና ሹቺ ቢልቃፄይዳ ናርዶሴ ጎዖያ ቦንቺንቴያ ሓሣ ሻንቾዛ ሚርጌ ሚኢሼ ዔካ፥ ሳውቃያ ዋኣሢ ማዔ ቲሺ ኩንሢ ዔኪ ሙካዖ ዬኖ ቢልቃፄሎ ዎዺ ሳውቃ ቲዤሎ ዬሱሴኮ ቶኦካ'' ዋሄኔ።
24834	MRK 14:11	ዔያታ ዒዛኮ ጎዳ ሻንቾሮ ሙኪፆ ዔራዖ ኮሺ'' ዎዛዺ ሚኢሼ ዒዛም ዒንጋኒ ዎላ'' ጌስቲ ጊኢጌኔ። ዬካፓ ዒዚ ዬሱሴ ዓኣሢ ዒንጋኒ ዒዛም ጊኢጋንዳ ጎይሢ ኮዔኔ።
24835	MRK 14:12	ዬሱሴኮ ጊንፆ ሓንታዞንሢ ዓይሁዴ ዓሳ ዑሣ ዓኣዺፆ ቦንቾ ኬሎ'' ማራቶ ሹኪ ላኣዶዋ ሙዒ ቦንቻ ኬሎ''ኮ ዓይፆይዳ ዒዛ ኮራ ሙካዖ፦ «ዑሣ ዓኣዺፆ ኬሎ'' ማሊ ሙዎ ካዋሢ ሙዓኒ ዎካ ዓኣዺ ጊኢጊሻንዳጉዲ ኔኤኒ ኮዓይ?» ጌዒ ዖኦጬኔ።
24849	MRK 14:26	ዬካፓ ዔያታ ፆኦሲ ቦንቾም ማዓ ዓይኑሞ ዓይናዻዖ ሪሚቲ ዹካ ዓኣዻኒ ኬስኬኔ።
24901	MRK 15:6	ጲላፆሴ ሌዓ ሌዓ ዓይሁዶኮ ዑሣ ዓኣዺፆ ማሊ ቦንቾ ዎዶ''ና ዓሳ ቡሊ''ንቶንጎ ጌዒ ዖኦጬ ዓሲ ፔቴ'' ሌሊ ቱኡዞ ዓሶይዳፓ ቡላ''ያኬ።
24980	LUK 1:18	ዛካሪያሴ ጋዓንቴ ኪኢታንቻሢ ኮራ፦ «ዬይ ባካ ጎኔ ማዓንዳሢ ዓይጎና ታ ዔራንዳይ? ታኣኒ ጋርቼኔ፤ ሃሣ ታ ማቾኮዋ ሌዓ ኮሺ'' ዓኣዼያኬ» ጌዔኔ።
25051	LUK 2:9	ዒማ''ና ዔያቶም ፆኦሲ ኪኢታንቻሢ ጴዼም፥ ፆኦሲኮ ቦንቾ ፖዓ ዔያቶ ዑፃ ፖዔሢሮ ሚርጌና ዔያታ ዒጊጪ ዲቃቴኔ፤
25056	LUK 2:14	«ጫሪንጮይዳ ፆኦሲም ቦንቾ ማዖም፤ ሳዖይዳኣ ዒዚ ናሽካ ዓሶም ቢያ ኮሹሞ ማዖም» ጌዔኔ።
25057	LUK 2:15	ኪኢታንቾንሢ ዔያቶይዳፓ ዱማዺ ሌካ ጫሪንጮ ዴንዴ ዎዶ''ና ቆልሞ ሄንቃ ናኣታ'' ዎሊ ኮይላ''፦ «ዓካሪ ቤኤቴሌሄሜ ኑ ዴንዲ፥ ሃሢ ማዔ ባኮና ጎዳ ኑም ፔጋሲ ዻዌ ባኮ ኑ ዛጎም» ጌዔኔ።
25083	LUK 2:41	ዮሴፔና ማይራሞና ሌዓ ሌዓ ዑሣ ዓኣዺፆ ቦንቾ ኬሎ''ሮ ዬሩሳላሜ ዓኣዻያኬ።
25084	LUK 2:42	ዬሱሴኮ ሌዓ ታጶ ላምዖ ማዔም ቤርታ ዔርቴ ጎይፆጉዴያ ዬኖ ቦንቾ ቦንቻኒ ዔያታ ዓኣዼኔ።
25085	LUK 2:43	ቦንቾ ኬላ'' ጋፔም ዔያታ ማኣሪ ማዓዛ ዬሱሴ ዬሩሳላሜይዳ ዓቴ''ኔ፤ ዮሴፔና ማይራሞና ጋዓንቴ ዒዚ ዒኢካ ዓቴ''ሢ ዔሪባኣሴ።
25113	LUK 3:19	ጌሊላ ዓጮ'' ዎይሣ ሄሮዲሴ ጋዓንቴ ጌርሲ ፒልጶሴኮ ማቾ ሄሮዲያዳ ዔኬሢሮና ሜሌ'' ሚርጌ ፑርታ ባኣዚ'' ማዼሢሮ ዒዛ ዒ ጎሬኔ።
25138	LUK 4:6	«ሓያ ቢያ ቢታንቶና ቦንቾና ኔኤም ታ ዒንጋንዳኔ፤ ሃይ ቢያ ታኣም ዒንጊንቴያ ማዔሢሮ ታኣኒ ኮዔሢም ዒንጋኒ ዳንዳዓኔ፤
25142	LUK 4:10	ዓይጎሮ ጌዔቶ ‹ኔና ዔያታ ካፓንዳጉዲ ፆኦሲ ኪኢታንቾ ዓይሣንዳኔ፤
25327	LUK 8:13	ሃኣቾ ዓጮ''ይዳ ኬዴ'' ዜርፃ ዻዋሢ' ቃኣሎ'' ዋይዚ ዎዛና ዔካዞንሢኬ፤ ጋዓንቴ ዔያታ ጉሙርቂ ጎናሲ ዔካሢ ዻካ'' ዎዴምኬ፤ ፃጲ ዔያቶኮ ባኣሢሮ ሜታ ሄሌ'' ዎዶ''ና ቤዞና ዔያታ ሃሻ''ኔ።
25396	LUK 9:26	ታኣና ታ ቃኣሎ''ና ዛሎ'' ኬኤዛኒ ቦርሲንታሢዳ ቢያ ዓሲኮ ናዓሢ ፔ ቦንቾና ሃሣ ፔ ዓዶ ቦንቾና ዬያጉዲ ጌኤዦ ኪኢታንቾ ቦንቾና ሙካ ዎዶ''ና ዒዛይዳ ቦርሲንታንዳኔ።
25401	LUK 9:31	ቦንቾና ጴዺ ዒዛና ዔያታ ጌስታሢ' ዬሱሴ ዬሩሳላሜይዳ ሃይቂ ፆኦሲ ማሊፆ ኩንሣንዳሢ ዛሎ''ኬ።
25402	LUK 9:32	ዬማና ጴፂሮሴና ዒዛኮ ላጎንሢና ጊንዓ ባሼም ላሂ ዓኣኔ። ጋዓንቴ ዔያታ ጴጪ ዬሱሴ ፔ ቦንቾና ፖዒ ዓኣንቴ ዴንቄኔ፤ ሃሣ ዬያጉዲ ዒዛና ዎላ'' ዓኣ ላምዖ ዓሶንሢያ ዴንቄኔ።
25517	LUK 11:43	«ዒንሢ ፔርሴ ዓሳ ዒንሢና ባዴዔቴ! ዓይጎሮ ጌዔቶ ዓይሁዶኮ ዓሳ ቡኪንታ ቤዛ ቦንቺንታ ዖይቶይዳ ዴዓኒ ዒንሢ ኮዓኔ፤ ዬያጉዲ ቦኦኮ'' ቤዞይዳኣ ዓሲ ዒንሢ ቦንቾ ዔኤሊ''ሢ ዔኤላ''ንዳጉዲ ዒንሢ ኮዓኔ።
25536	LUK 12:8	ዬካፓ ዬሱሴ፦ «ቦርሲንቱዋዖ ዓሲ ቤርቲዳ ታ ዛሎ'' ማርካዺ ኬኤዛሢም፥ ታኣኒ ሃሣ ፆኦሲ ኪኢታንቾም ዒዛ ዛሎ'' ማርካዺ ኬኤዛንዳኔ፤ ታ ዒንሢም ጋዓኣኬ።
25537	LUK 12:9	ዓሲ ቤርቲዳ ታና ዔሩዋሴ ጋዓሢ፡ ታኣኒያ ሃሣ ፆኦዛሢ ኪኢታንቾም ዒዛ ዔሩዋሴ ጋዓንዳኔ።
25555	LUK 12:27	ካዮ ቡና'' ዎይቲ ዑጋቴ ሂንዳ ዛጉዋቴ፦ ዔያታ ማዺ ላቡ''ዋሴ፥ ሱኩዋሴ፥ ማዔቶዋ ካኣቲ ሴሎሞኔታዖ ፔ ቦንቾ ዎዶ''ና ቢያ ዔያቶይዳፓ ፔቴ''ማጉዲ ሚዛጳ ማኣዖ ማይንቲባኣሴ።
25581	LUK 12:53	ዓዴ ናዖ ዑፆይዳ፥ ናዓ ዓዶ ዑፆይዳ፥ ዒንዳ ናዎ ዑፆይዳ፥ ናኣ ዒንዶ ዑፆይዳ፥ ማዔ ናኣዚ'' ማቾ ዑፆይዳ ናኣዚ'' ማቻ ሃሣ ማዖ ዑፆይዳ ፑርቱሞና ዔቂ ዱማዻንዳኔ» ጌዔኔ።
25630	LUK 14:8	«ፔቴ'' ዓሲ ዔፒ ቤሲ ሙኡዚ''ም ኔና ዔኤሌ''ቴ፥ ቦንቾ ቤዛ ሩኡሪ ዴዒፖ፤ ጎዖንቴ ኔ ጊዳ''ፓ ባሼ ቦንቺንቴ ዓሲ ዔኤሊ''ንቴያናንዳኔ፤
25632	LUK 14:10	ጋዓንቴ ሙኡዚ'' ቤሲ ኔ ዔኤሊ''ንታኣና ዴንዲ ሂርኬ ቤሲዳ ዴዔ፤ ዬካፓ ኔና ዔኤሌ'' ዓሢ ኔ ኮራ ሙኪ ‹ታ ዒጊናሢዮ! ሃይካ ዼ'ጌ ቤዛ ኬስኪ ዴዔ› ኔና ጋዓዛ፥ ሜሌ'' ኔኤና ዔኤሊ''ንቴዞንሢ ቤርታ ቢያ ቦንቾ ኔኤም ማዓንዳኔ።
25648	LUK 14:26	«ታ ባንሢ ሙካሢ ቢያ ፔኤኮ ዓዶና ዒንዶና ማቾና ናኣቶ''ና ጌርሲንሢና ጌሮንሢና ሓሣ ፔ ሼምፓሢያ ታ ጊዳ''ፓ ባሼ ናሽካያ ማዔቶ፥ ታ ዓሲ ማዓኒ ዳንዳዑዋሴ።