23239	MAT 2:1	ካኣቲ ሄሮዲሴ ዎዶ''ና ዬሱሴ ዪሁዳ ዓጫ''፥ ቤኤቴሌሄሜ ካታሞይዳ ሾይንቴኔ፤ ዬካፓ ዓባ'' ኬስካ ዛላ''ፓ ዦኦጋሢ ዛጊ ዔራ ዔሮ''ንሢ ዬሩሳላሜ ሙኪ፦
23244	MAT 2:6	‹ዪሁዳ ዓጮ''ይዳ ዓኣ ቤኤቴሌሄሜ ካታሜሌ! ዪሁዳ ዓጫ'' ዓኣ ዼኤፖ ዼኤፖ ካታማ''ፓ ኔ ዻካዓኬ። ዓይጎሮ ጌዔቶ ታኣኮ ዴሮ''፥ ዒስራዔኤሌ ሄንቃንዳያና ዎይሣንዳይ ኔጊዳፓ ኬስካንዳኔ› » ጌይንቲ ፃኣፒንቴሢሮኬ።
23291	MAT 4:13	ዒኢካፓ ናዚሬቴ ካታሞ ሃሺ''፥ ቂፒርናሆሜ ካታሞ ዴንዴኔ። ቂፒርናሆሜ' ዛብሎኦኔና ኒፕታኣሌኤሜ ዓጮ''ና ኮይላ'' ዓኣ ባዚ'' ዓቺ ካታማኬ።
23298	MAT 4:20	ዔያታ ቤዞማና ሞላሢ ዓርቆ ሱዞ ሃሺ''፥ ዒዛ ጊንፆ ዓኣዼኔ።
23300	MAT 4:22	ዔያታኣ ቤዞማና ዋኣፆና ፒንቆ ጎንጎንታ ዓዶንታ ሃሺ''፥ ዒዛ ጊንፆ ዓኣዼኔ።
23321	MAT 5:18	ጎኔ ታ ዒንሢም ጋዓኔ፡ ጫሪንጮና ሳዖና ላኣሚ''ንታንዳያ ሄላ''ንዳኣና ሙሴ ዎጎይዳፓ ፔቴ''፥ ዻካ'' ባኣዚ''ታዖ ላኣሚ''ንታዓኬ፤ ሙሴ ዎጎይዳ ፃኣፒንቴ ባካ ቢያ ኩማ''ንዳኔ።
23410	MAT 7:25	ዼኤፒ ዒርዚ ዋርቄም ዲጳ ኩሚ''፥ ዢባሬያ ዢባርሼኔ፤ ጋዓንቴ ዬይ ማኣራሢ ዶዲ ቤሲዳ ማዢንቴሢሮ ዶዒባኣሴ።
23423	MAT 8:9	ታኣኒ ታ ቶኦኪና ዎይሣ ዓሲም ዓይሢንታያ ሓሣ ታ ዴማ''፥ ታኣም ዓይሢንታ ፖኦሊሴ ዓኣኔ፤ ዔያቶይዳፓ ፔቴ''ሢ ‹ዴንዴ!› ታ ጋዓዛ ዴዴንዳኔ፤ ባጋሢ ሃሣ ‹ሃኒ ዬዔ!› ታ ጋዓዛ ሙካኔ፤ ታኣም ማዻሢ ‹ሃያ ታኣም ማዼ!› ታ ጋዓዛ ዒ ማማዻኔ» ጌዔኔ።
23544	MAT 11:16	ሃሣ ቃሳ''ዖ፦ «ሃያ ዎዶ'' ዓሳ ዓይጎ ማላኔ ታ ጋዓንዳይ? ዞኦዛ ቡኪንቲ ዴዒ ናኣታ'' ፔኤኮ ላጎ ዔኤሊ'' ዔኤሊ''፥
23568	MAT 12:10	ዒኢካ ፔቴ''፥ ኩቺ ዎቦ ዓሲ ዓኣኔ፤ ዒማ''ና ዬሱሴ ዎጎና ዓይሢሳኒ ኮዓ ፔቴ'' ፔቴ'' ዓሳ፦ «ዓይሁዶ ዓሶኮ ሃውሾ ኬሎ''ና ሃርጊንቴ ዓሶ ፓሣኒ ዓይሢንቴያዳ?» ጌዒ ዖኦጬኔ።
23660	MAT 13:52	ዒዚያ፦ «ጫሪንጮ ካኣቱሞኮ ዓኣሺንቴ ባኮ ኮሺ'' ዔራ ዓሲ' ፃኣፒ ዓርቆና ዓኮና ጪሞ ባኮናፓ ዔሪ ዔሪ ኬሳ''፥ ሙሴ ዎጎ ዔርዛ ዓሲጉዲኬ» ጌዔኔ።
23757	MAT 16:16	ዬማ''ና ሲሞኦኔ ጌይንታ ጴፂሮሴ፦ «ኔኤኒ ናንጊና ናንጋ ፆኦዛሢ ናኣዚ''፥ ሜሲሔኬ!» ጌዔኔ።
23811	MAT 18:15	ዬካፓ ዬሱሴ፦ «ታና ጉሙርቃዞንሢዳፓ ፔቴ''፥ ኔኤኮ ዒሾ ማዓይ ኔኤም ዻቤቶ ኔኤና ዒዛና ሌሊ ማዒጋፓ ዒ ዻቤ ጎይፆ ኬኤዜ፤ ኔ ጋዓሢ ዒ ዋይዜቶ ጊንሣ ዒንሢኮ ፔቱሞ ዎንዳሲጉዲ ኔ ማሄኔ ጌይሢኬ።
23823	MAT 18:27	ጎዳሢ ዒዛ ሚጪንታዖ ዒዛኮ ዓኣ ጋሎ'' ሃሺ''፥ ማሂ ዳኬኔ።
23928	MAT 21:33	ሓሣ ዬሱሴ ሜሌ'' ማሊሢ ኮኦኪንሢና፦ «ፔቴ'' ዎይኔ ጎሺ ዓኣ ዓሲ ጎዦኮ ቲኢፆ ዲርቂ፥ ዎይኖ ጩኡጶንዶ ዔቴያ ላሌ ሹቺዳ ቦኦኪ ኮሼ''ኔ፤ ሃሣ ካፒፆም ማዓ ሴኤላኣ ሴኤሊ''፥ ዬካፓ ጎዦ ዒዛማኣ ጎሽካንዳ ዓሲም ዒንጊ ሜሌ'' ዓጪ ዓኣዼኔ።
23954	MAT 22:13	ካኣቲ ማዻዞንሢም ‹ሃያኮ ኩጮና ቶኮና ቱኪ''፥ ኬሲ'' ካሮ''ይዳ ዹሞ ቤዛ ኬኤሩዋቴ፤ ዒኢካ ዒ ዬኤኪ፥ ሜታዺ ዓቺ ዻዓንዳኔ።›
24016	MAT 23:29	«ዒንሢ ፂሎ''ቱዋዖ ፔና ፂሎ''ኬ ጋዓ፥ ሙሴ ዎጎ ዔርዛ ዓሶና ፔርሴ ዓሳ ዒንሢና ባዴዔ! ፆኦሲ ማሊፆ ኬኤዛ ዓሶኮ ዱኡፖ ኬልቂ ኮሺ'' ኮሺ''፥ ሃሣ ጌኤዦ ዓሶኮ ዱኡፖዋ ፓልሚሲ ኮሺ'' ኮሺ''፥
24033	MAT 24:7	ዴራ'' ዴሮ''፥ ካኣታ'' ካኣቶ'' ዖላንዳኔ፤ ዱማ ዱማ ዓጮ''ይዳ ናይዚና ሳዓ ዓጊፂሢና ማዓንዳኔ።
24091	MAT 25:14	ሃሣ ዬሱሴ፦ «ፆኦሲ ካኣቱማ ማዻ ዓሶ ዔኤሊ''፥ ዓኣ ባኮ ‹ዛጉዋቴ› ጌይ ሜሌ'' ዓጪ ዓኣዼ ፔቴ'' ዓሲ ማላኔ፤
24095	MAT 25:18	ዓቴ''፥ ፔቴ'' ሺዮ ሹጮ ቢሮ'' ዔኬሢ ጋዓንቴ ማኣሮ ዓዶኮ ሚኢሾ ዔካዖ ዔቴ ቦኦኪ ዱኡኬኔ።
24110	MAT 25:33	ዬካፓ ማራቶ ሚዛቆ ዛላ''፥ ዋኣሮ ሻዉሎ'' ዛላ'' ዔቂሳንዳኔ።
24126	MAT 26:3	ዬካፓ ቄኤሶኮ ሱኡጎና ዴሮ''ኮ ጪማ''፥ ቄኤሶ ቢያሢኮ ሱኡጋሢ ቃያፓ ማኣሮ ካሮ''ይዳ ቡኪንቴኔ።
24140	MAT 26:17	ዓይሁዶኮ ላኣዶ'' ሙዒ ቦንቾሢኮ ቤርታሳ ኬሎ''፥ ዒዛኮ ጊንፆ ሃንታ ናኣታ'' ዬሱሴ ኮራ ሙካዖ፦ «ዑሣ ዓኣዺፆ ቦንቾ ኬሎ'' ካዋሢ፥ ዎካ ኔኤም ኑ ጊኢጊሻንዳጉዲ ኔ ኮዓይ?» ጌዒ ዒዛ ዖኦጬኔ።
24144	MAT 26:21	ዒኢካ ዔያታ ሙዒፆይዳ ዓኣንቴ ዬሱሴ፦ «ጎኔ ታ ዒንሢም ጋዓኔ፤ ዒንሢዳፓ ፔቴ''፥ ታና ዓኣሢ ዒንጋንዳኔ» ጌዔኔ።
24190	MAT 26:67	ዒማ''ና ዒዛኮ ዔያታ ዓኣፖ ካራ'' ጩቲ''ያ ጩቲ''፥ ኩቺ ሙሊያ ዱላ''ዛ፥ ዛላ'' ሃሣ ዒዛ ባዒ ባዒ፦
24199	MAT 27:1	ዚሮ ጉቴሎ ጉቴ'' ዓማ''፥ ቄኤሶኮ ሱኡጎና ዴሮ''ኮ ጪማኣ ቢያ ዬሱሴ ዎዾንዶ ጎይፆ ዞርቴኔ፤
24224	MAT 27:26	ዬማና ጲላፆሴ ባርባኔ ዔያቶም ቡሊ''፥ ዬሱሴ ጋዓንቴ ዢራፓና ጳርቂሴሢኮ ጊንፃ ሱፃንዳጉዲ ዓኣሢ ዔያቶም ዒንጌኔ።
24236	MAT 27:38	ዒዛና ዎላ'' ላምዖ ሱላ ፔቴ''ሢ ዬሱሴኮ ሚዛቆ ዛላ''፥ ባጋሢ ሻውሎ'' ዛላ'' ማሂ ዔያታ ሱፄኔ።
24258	MAT 27:60	ፔኤም ጌዒ ዶዶ ሹጮ ጳሊ''፥ ቦኦኪ ኮሾ''ና ቆኦፖይዳ ዱኡካዖ ዼኤፒ ሹቺ ቡምባልሲ ዔቶ'' ካሮ'' ዎዺ ዴንዴኔ።
24266	MAT 28:2	ዔያታ ሙኩዋንቴ ቤርታ ዔርቲባኣንቴ ሳዓ ዓጊፃዛ፥ ጎዳኮ ኪኢታንቻ ጫሪንጫፓ ኬዲ''፥ ዱኡፖ ዔቶ'' ካሮ'' ዎዾና ሹጫሢ ቡምባልሲ ዑፃ ዴዔኔ።
24412	MRK 4:20	ቃሮ'' ዓጮ''ይዳ ዜርቂንቴ ዜርፃ ዻዋሢ፦ ጋዓንቴ ቃኣሎ'' ዋይዚ ዔካ ዓሶኬ። ዬያጉዴ ዓሳ፦ ፔቴ''ይ ሓይሢታሚ''፥ ባጋሢ ላሒ''ታሚ''፥ ዓቴ''ሢ ፄኤታ ዓኣፒ ዓኣፓኔ።»
24473	MRK 5:40	ዓሳ ዒዛኮ ሃይሶ ቦሃዖ ሚኢጬኔ፤ ዬሱሴ ጋዓንቴ ጉቤሢ ዙሎ'' ኬሲ''፥ ናዔሎኮ ዓዶና ዒንዶና ሓሣ ዒዛኮ ሓይሦ ጊንፆ ሓንታ ናኣቶ''ንሢና ዎላ'' ናዔላ ዓኣ ቤዞ ጌሌኔ።
24484	MRK 6:8	ዬሱሴ ዔያቶም ኪኢታዖ፦ «ዒንሢ ጎይፆኮ ኮኦሎ''ፓ ዓታዛ ጋላ፥ ጋላ ዓርቆ ሉካ''፥ ሚኢሼታቶዋ ቡራሻይዳ ዓጊ ዔኪፖቴ» ጌዒ ዓይሤኔ።
24532	MRK 6:56	ዬሱሴ ዓኣዼ ቤዞይዳ ቢያ፦ ጉርዶ ባኣካ''፥ ካታሞይዳ፥ ካታሞ ዙላ'' ሓርጊንቴ ዓሶ ዒዛ ቤርቶ ዓሳ ቡኪንታ ቤዞ ዔኪ ዔኪ ሙካኔ፤ ዒዛኮ ዓፒሎ ዓጮ ዓርቃኒያ ዔያታ ሺኢቃኔ። ዓፒሎኮ ዓጮ ዓርቃሢያ ቢያ ዻቃኔ።
24603	MRK 8:34	ዬካፓ ዬሱሴ ዴሮ''ንታ ዒዛኮ ጊንፆ ሓንታ ናኣቶ''ንታ ፔ ባንሢ ዔኤላ''ዖ ሂዚ ጌዔኔ፦ «ዖናታቶዋ ታኣና ዎላ'' ሃንታኒ ናሽካሢ ፔና ሓሺ''፥ ሃይቢም ጊኢጌያ ማዒ ታ ጊንፆ ሓንቶንጎ።»
24688	MRK 10:31	ዬይ ያዺ ማዔቶዋ ቤርቲ ማዔ ጎኦቦ'' ማላ ሜርጌ ዓሳ ጊንሢም፤ ጊንፃ ዓቴ''፥ ላቤያ ማላ ሜርጌ ዓሳ ቤርቲም ማዓንዳኔ።»
24743	MRK 12:1	ሄሊ''ሳዖ ዬሱሴ ዬኖ ኮኦኪንሢና ሂዚ ጌዒ ኬኤዚሢ ዓርቄኔ፦ «ፔቴ'' ዓሲ ዎይኔ ጌይንታ ሙዖ ዓኣፒ ዓኣፓ ሚሢዳ ባልጋ ባኣዚ'' ቱኬኔ፤ ዓጮዋ ኮሺ'' ዲርቂ ዬኖ ካፃዛ ሄ'ርቂ ጩኡጲ ዑሺ ኮሾ''ንዶ ዔቴያ ላሌ ሹቺዳ ቆኦቂ ቦኦኪ ጊኢጊሼኔ፤ ሓሣ ዎይኔሎ ካፓ ዓሶም ዼ'ግ ጌዔ ሴኤላ'' ሴኤሊ''፥ ዬካፓ ዬኖ ቤዞ ጎሽኪ ጎሽኪ ታኣም ካፑዋቴ ጌዒ ጎሽካ ዓሲም ዒንጊ ሓኬ ዓጪ ዴንዴኔ።
24922	MRK 15:27	ዒማ''ና ላምዖ ሱላ ዬሱሴና ዎላ'' ዔኪ ሙኪ ፔቴ''ሢ ዬሱሴኮ ሚዛቆ ዛላ''፥ ፔቴ''ሢ ሻውሎ'' ዛላ'' ሱፄኔ። [
25095	LUK 3:1	ሮሜ ዓጮ'' ካኣቲ ፂባርዮሴ ካኣታዼንቴ ታጶ ዶንጋሳ ሌዖና ጴንፄ ጲላፆሴ ጎዖሢ ዪሁዳ ዓጮ''፥ ሄሮዲሴ ጌሊላ ዓጮ''፤ ዬያጉዲ ሃሣ ጌርሲ ፒልጶሴ ዒፁሪያሴና ፂራክንዶሴ ዓጮ''፥ ሊሳኒዮሴ ጎዖሢ ዓቢላኒሴ ዓጮ'' ዎይሣያኬ።
25096	LUK 3:2	ዒማ''ና ሃኣናና ቃያፓና ቄኤሶ ቢያሢኮ ሱኡጎንሢኬ፤ ዬማና ዛካሪያሴ ናኣዚ''፥ ዮሓኒሴ ዓሲ ናንጉዋ ዳውሎ''ይዳ ዓኣንቴ ፆኦሲ ዒዛም ኬኤዜኔ።
25117	LUK 3:23	ዬሱሴ ዔርዚፆ ማዾ'' ዓርቃኣና ሌዓ ዒዛኮ ሓይሢታሚ'' ጉዴያኬ፤ ዒዚ ዓሶም ዮሴፔ ናይ ማላኔ። ዬይያ ዮሴፔ ዔኤሊ ናኣዚ''፥
25118	LUK 3:24	ዔኤሊ ማቲ ናኣዚ''፥ ማቲ ሃሣ ሌዊ ናኣዚ''፥ ሌዊ ሚልኪ ናኣዚ''፥ ሚልኪ ዮና ናኣዚ''፥ ዮና ዮሴፔ ናኣዚ''፥
25119	LUK 3:25	ዮሴፔ ማታቲዮ ናኣዚ''፥ ማታቲዮ ዓሞፄ ናኣዚ''፥ ዓሞፄ ናሆሜ ናኣዚ''፥ ናሆሜ ዔስሊሜ ናኣዚ''፥ ዔስሊሜ ናጌ ናኣዚ''፥
25120	LUK 3:26	ናጌ ማዖቴ ናኣዚ''፥ ማዖቴ ማታቲዮ ናኣዚ''፥ ማታቲዮ ሴኤሜዬ ናኣዚ''፥ ሴኤሜዬ ዮሴፔ ናኣዚ'' ዮሴፔ ዮዳ ናኣዚ''፥
25121	LUK 3:27	ዮዳ ዮናኔ ናኣዚ''፥ ዮናኔ ሬሴ ናኣዚ''፥ ሬሴ ዜሬባቡሌ ናኣዚ''፥ ዜሬባቡሌ ሳላቲያሌ ናኣዚ''፥ ሳላቲያሌ ኔሪ ናኣዚ''፥
25122	LUK 3:28	ኔሪ ሚልኪ ናኣዚ''፥ ሚልኪ ሃዲ ናኣዚ''፥ ሃዲ ቆሳሜ ናኣዚ''፥ ቆሳሜ ዔልሞዳሜ ናኣዚ''፥ ዔልሞዳሜ ዔሪ ናኣዚ''፥
25123	LUK 3:29	ዔሪ ዮሴዔ ናኣዚ''፥ ዮሴዔ ዔኤሊዔዛሬ ናኣዚ''፥ ዔኤሊዔዛሬ ዮራሜ ናኣዚ''፥ ዮራሜ ማፃቴ ናኣዚ''፥ ማፃቴ ሌዊ ናኣዚ''፥
25124	LUK 3:30	ሌዊ ሲሞኦኔ ናኣዚ''፥ ሲሞኦኔ ዪሁዳ ናኣዚ''፥ ዪሁዳ ዮሴፔ ናኣዚ''፥ ዮሴፔ ዮናኔ ናኣዚ''፥ ዮናኔ ዔልያቂሜ ናኣዚ''፥
25125	LUK 3:31	ዔልያቂሜ ሜሊያ ናኣዚ''፥ ሜሊያ ማይኔኔ ናኣዚ''፥ ማይኔኔ ማፃቴ ናኣዚ''፥ ማፃቴ ናኣታኔ ናኣዚ''፥ ናኣታኔ ዳውቴ ናኣዚ''፥
25126	LUK 3:32	ዳውቴ ዒሴዬ ናኣዚ''፥ ዒሴዬ ዒዮቤዴ ናኣዚ''፥ ዒዮቤዴ ቦዔዜ ናኣዚ''፥ ቦዔዜ ሳልሞኔ ናኣዚ''፥ ሴልሞኔ ናዖሶኔ ናኣዚ''፥
25127	LUK 3:33	ናዖሶኔ ዓምናኣዳኣቤ ናኣዚ''፥ ዓምናኣዳኣቤ ራሜ ናኣዚ''፥ ራሜ ዓርኔ ናኣዚ''፥ ዓርኔ ሄፂሮኔ ናኣዚ''፥ ሄፂሮኔ ፔርሴ ናኣዚ''፥ ፔርሴ ዪሁዳ ናኣዚ''፥ ዪሁዳ ያይቆኦቤ ናኣዚ''፥
25128	LUK 3:34	ያይቆኦቤ ዪሳኣቄ ናኣዚ''፥ ዪሳኣቄ ዓብራሃሜ ናኣዚ''፥ ዓብራሃሜ ታራ ናኣዚ''፥ ታራ ናኮሬ ናኣዚ''፥
25129	LUK 3:35	ናኮሬ ሴሩጌ ናኣዚ''፥ ሴሩጌ ሬዑ ናኣዚ''፥ ሬዑ ፔሌጌ ናኣዚ''፥ ፔሌጌ ዔቤሬ ናኣዚ''፥ ዔቤሬ ሼላሄ ናኣዚ''፥
25130	LUK 3:36	ሼላሄ ቃይኒሜ ናኣዚ''፥ ቃይኒሜ ዓርፓክሳዴ ናኣዚ''፥ ዓርፓክሳዴ ሴኤሜ ናኣዚ''፥ ሴኤሜ ኖሄ ናኣዚ''፥ ኖሄ ላሜሄ ናኣዚ''፥
25131	LUK 3:37	ላሜሄ ማቶሳላ ናኣዚ''፥ ማቶሳላ ሄኖኬ ናኣዚ''፥ ሄኖኬ ያሬዴ ናኣዚ''፥ ያሬዴ ሜላሊዔኤሌ ናኣዚ''፥ ሜላሊዔኤሌ ቃይናኔ ናኣዚ''፥
25132	LUK 3:38	ቃይናኔ ሄኖሴ ናኣዚ''፥ ሄኖሴ ሴቴ ናኣዚ''፥ ሴቴ ዓዳኣሜ ናኣዚ''፥ ዓዳኣሜ ፆኦሲ ናኣዚ''ኬ ዔያታ ጋዓኔ።
25148	LUK 4:16	ዬካፓ ዬሱሴ ዒ ዲጬ ዓጮ''፥ ናዚሬቴ ዴንዳዖ ዒዚ ቤርታ ማዻ ጎይፆ ዓይሁዶ ዓሶኮ ሃውሾ ኬሎ''ና ዔያቶኮ ቡኪንቶ ቤዞ ጌሊ ናባባኒ ዔቃዛ፥
25320	LUK 8:6	ዛሎ'' ዜርፃ ሃኣሻ ሳዓይዳ ኬዲ''፥ ባቃሌ ዎዶ''ና ሳዖኮ ሚርጌ ዎዑሞ ባኣሢሮ ባቃላ'' ሃይቄኔ።
25412	LUK 9:42	ናዓሢ ዬሱሴ ባንሢ ዑኬ ዎዶ''ና ፑርቶ ዓያናሢ ናዖ ሳዓ ሎንሢ ባርዲሳኣና ዬሱሴ ፑርቶ ዓያናሢ ጎሪ''፥ ናዓሢያ ዻቂሺ ዓዳሢም ዒንጌኔ።
25463	LUK 10:31	ዒዛ ቶኪጉዲ ፔቴ'' ቄኤሴስኬይ ዬኖ ጎይፄሎና ዓኣዺቤቃ ጳዺንቲ ላቢ''፥ ላሂ ዓኣ ዓሢ ዴንቄያታዖ ዚቲ ጌዒ ዒዛኮ ኮርሳ ዓኣዼኔ።
25565	LUK 12:37	ዬንሢ ዔያቶኮ ጎዳሢ ዔሩዋንቴ ሙኪ፥ ጴጪ ዔያታ ካፓንቴ ዔያቶ ዴንቆና ማዾ'' ማዻዞንሢ ዎዚጉዲ ጋላቲንቴያዳይ! ጎኔ ታ ዒንሢም ጋዓኔ፦ ዒዚያ ጊኢጊንቲ፥ ቱኡቲ ሙዖ ሙዎ ቤዛ ዔያቶ ዴይሣንዳኔ፤ ሙዖ ሙኡዚ''፥ ዔያቶ ሾኦቺንሣንዳኔ።
25619	LUK 13:32	ዬሱሴ ጋዓንቴ ዔያቶም፦ «ዒንሢ ዴንዲጋፓ ዬያ ዉኡካሢም ‹ሃኖ''ና ዚሮና ፑርቶ ዓያኖ ታ ኬሲ''፥ ሃርጊንቴ ዓሶዋ ፓሣንዳኔ፤ ሃይሣሳ ኬሎ''ና ማዾ'' ታኣኮ ታ ጋፒሳንዳኔ› ጋዓኔ ጎዑዋቴ።
25661	LUK 15:4	«ዒንሢዳፓ ፄኤታ ማራይ ዓኣ ዓሲ ፔቴ'' ማራይ ባይቄቶ ዎይታንዳያ ዒንሢም ማላይ? ታዞጲታሚ ታዞጶ ማራቶ ካያ ሃሺ''፥ ዬያ ባይቄ ማራዓሢ ዴንቃኒ ኮዓኒ ዴንዳዓዳ?
25824	LUK 19:24	«ዬካፓ ዒዛኮ ጎዳሢ ዒኢካ ዔቂ ዓኣዞንሢ ኮራ ‹ሃያ ዓሢኮ ሚኢሾ ዔኪጋፓ ታጶ ጊዳ'' ቃሴ''፥ ማዻ ዓሢም ዒንጉዋቴ› ጌዔኔ።
25905	LUK 21:10	ዬካፓ ሃሣ ዬሱሴ፦ «ዴራ'' ዴሮ''፥ ካኣታ'' ካኣቶ'' ዖላንዳኔ።
25968	LUK 22:35	ዬካፓ ዬሱሴ ፔኤኮ ጊንፆ ሃንታ ናኣቶ'' ኮራ፦ «ሚኢሼ ዓርቆ ቡራሻ፥ ጋላ ዔኮ ሉካ''፥ ዱርሲያ ዒንሢ ዔኩዋንቴ ታ ዒንሢ ዳኬ ዎዶ''ና ዒንሢም ፓጬ ባኣዚ'' ዓኣ?» ጌዔኔ። ዔያታኣ ማሃዖ፦ «ዓይጌያ ፓጬ ባኣዚ'' ኑም ባኣሴ» ጌዔኔ።
26110	LUK 24:50	ዬካፓ ዬሱሴ ዔያቶ ዬሩሳላሜ ካታማፓ ኬሲ''፥ ቢታኒያ ጌይንታ ቤዞ ሄላ''ንዳኣና ዔኪ ዴንዳዖ ዒኢካ ኩጮ ዒዛኮ ዔያቶ ዑፃ ፒሺ ዔያቶ ዓንጄኔ።
26176	JHN 2:12	ዬካፓ ዬሱሴ ፔኤኮ ዒንዶና ጌርሲንሢና ሓሣ ዒዛኮ ጊንፆ ሃንታዞንሢና ዎላ'' ቂፒርናሆሜ ዓጮ'' ኬዲ''፥ ዒኢካ ዻካ'' ኬሊ'' ዴዔኔ።
26253	JHN 4:28	ዬካፓ ላኣሌላ ዋኣፆ ዱዓኒ ዔኪ ሙኬ ጉዞ ሓሺ''፥ ካታሞ ዴንዲ ዓሶም፦
26334	JHN 6:8	ዒዛኮ ጊንፆ ሓንታ ናኣቶ''ይዳፓ ፔቴ''፥ ሲሞኦኔ ጌይንታ ጴፂሮሴኮ ጌርሲ፥ ዒንዲራሴ፦
26377	JHN 6:51	ጫሪንጫፓ ኬዴ''፥ ናንጊና ባይቁዋ ካሣ ታናኬ፤ ሃኖ' ካሦይዳፓ ሙዓሢ ቢያ ናንጊና ናንጋንዳኔ፤ ዓጮ''ም ሼምፖ ማዓንዳጉዲ ታኣኒ ዒንጋ ካሣ ታናኬ ጌዔኔ።
26397	JHN 6:71	ዬያ ዒ ጌዔሢ ሲሞኦኔ ናኣዚ''፥ ዓስቆሮንቶ ዓጮ'' ዓሢ፥ ዪሁዳ ዛሎ''ሮኬ፤ ዓይጎሮ ጌዔቴ ዪሁዳ ዎዚ ታጶ ላምዖንሢዳፓ ፔቴ''ሢ ማዔቴያ ዬሱሴ ዓኣሢ ዒንጋሢ ዒዛ ማዔሢሮኬ።
26619	JHN 11:27	ዒዛኣ፦ «ሂዮ፥ ጎዳ! ኔኤኒ ሃያ ዓጮ'' ‹ሙካንዳኔ› ጌይ ኑ ካፓ፥ ፆኦሲ ናኣዚ''፥ ሜሲሔ ማዔሢ ታ ኔና ጉሙርቃኔ» ዒዛም ጌዔኔ።
26666	JHN 12:17	ዬሱሴ ዓላዜሬ ዱኡፓፓ ዔኤሊ''፥ ሃይባ''ፓ ዔቂሳማና ዒዛና ዎላ'' ዓኣ ዓሳ ቢያ ዒዚ ዓላዜሬ ሃይባ''ፓ ዔቂሴሢ ማርካዻኔ።
26725	JHN 13:26	ዬሱሴ ማሃዖ፦ «ሃይ፥ ካሦ ታ ዎፆና ዓይሢ ዔኪ ኩልሳንዳሢ ዒዛኬ» ጌዔኔ። ዬያ ጌዔስካፓ ካሦ ዎፆና ዓይሢ ዔኪ ዓስቆሮንቶ ካታሞ ዓሢ፥ ሲሞኦኔ ናኣዚ''፥ ዪሁዳ ኩልሴኔ።
26944	JHN 20:8	ዬካፓ ሓሣ ዬይ ቤርታ ሄሌ''፥ ዬሱሴ ጊንፆ ሃንታሢ ዱኡፖ ዔቶ'' ጌሊ ዛጋዖ ዬይ ጎኔ ማዔሢ ጉሙርቄኔ።
27040	ACT 2:22	ጋዓዖ፥ ቃሲ'' ጊንሣ ጴፂሮሴ፦ «ሓይ ኑ ዓሶ ማዔ ዒስራዔኤሌ ዓሳ! ሓያ ታ ኬኤዛ ባኮ ኮሺ'' ዋይዙዋቴ፤ ዒንሢያ ቤርታዺ ዔራሢጉዲ ናዚሬቶ ዬሱሴ ፆኦሲዳፓ ዳኪንቲ ዒንሢ ባኣካ'' ጴዼያ ሃሣ ፆኦሱሞ ቢታንቶ ዒዛኮ ዓኣያኬ፤ ዬይ ፑኡፑማ ዒዛኮ ዔርቴሢ ፆኦሲ ዒዛ ዛሎ''ና ፆኦሲ ዎልቄና ማዺንታ ዓኪ ማዾ፥ ዲቃሣ ባኣዚ''፥ ዼኤፒ ማላታ ማዓ ባኣዚ'' ዒንሢ ቤርታ ማዺፆናኬ።
27143	ACT 5:15	ዳኪንቴዞንሢ ዛሎ''ና ማዺንታ ዲቃሣ ማዾ''ሮ ጌዒ ዓሳ ዺቢ ሃርጊንቴ ዓሲ ጎይፆይዳ ኬሲ'' ኬሲ''፥ ዛሎ'' ሻኣላ''ይዳ ዛሎ'' ሃላሢዳ ላይሣኔ፤ ያዒ ዔያታ ማዼሢ ጴፂሮሴ ዬይና ዓኣዻኣና ዔኤዦ ሺባታዖ ፔቴ'' ፔቴ'' ዓሶ ዑፆ ሄላ''ንዳጉዲኬ።
27221	ACT 7:36	ጊብፄ ዓጮ''ና ዞቄ ባዞ''ናይዳ ዲቃሣ ባኣዚ''ና ፆኦሲ ዎልቄና ማዺንታ ዓኪ ባኣዚ''ና ማዺ ዴሮ'' ዓይሉማፓ ኬሲ''፥ ዓሲ ናንጉዋ ዳውሎ''ይዳ ዖይዲታሚ'' ሌዔ ጉቤ ዔኪ ሓንቴሢ ዬያ ሙሴኬ።
27248	ACT 8:3	ሳውሌ ጋዓንቴ ዬኖ ዎዶ''ና ሺኢጲፆ ማኣሮ ዓሶ ባይዛኒ ሚርጌ ካራ ኮዓኔ፤ ዓሶኮዋ ማኣሮ ቢያ ጌሊ ጌሊ ኪሪስቶሴ ጉሙርቃ ዓሶ ዓቲንቆና ላኣሎና ጎቺ ጎቺ ኬሲ''፥ ቱኡሲ ማኣሪዳ ቱኪ''ሳኔ።
27316	ACT 9:31	ዒማ''ና ዪሁዳ ዓጫ''፥ ጌሊላና ሳማሪያ ዓጮ''ናይዳ ቢያ ዓኣ ሺኢጲፆ ማኣሮ ዓሳ ሓውሾ ዴንቂ ዶዴኔ፤ ሓሣ ጎዳ ቦንቺ ቦንቺ ዓያና ጌኤሺናኣ ዶዲ ዶዲ ፓይዶና ሚርጌኔ።
27335	ACT 10:7	ዬያ ዒዛም ኬኤዜ ኪኢታንቻሢ ዒዛይዳፓ ዱማዺ ዓኣዻዛ ቆርኔሌዎሴ ዒዛም ላምዖ ማዾ ማዻስኬንሢና ጉሙርቂንቲ ማዻ ፔቴ'' ፆኦሲ ጉሙርቃ ፖኦሊሴስኬያ ዔኤሊ''፥
27498	ACT 14:15	«ዒንሢ ሃይ ዓሳ፥ ዓይጎሮ ሓያይዳይ? ኑኢኒያ ዒንሢጉዲ ዓሲኬ፤ ኑኡኒ ሓይካ ሙኬሢ ዒንሢ ሓያ ጉሪ ማዔ ካኣዦ ሓሺ''፥ ሳዖንታ ዼኤፖ ዋኣፆ ባዞ''ንታ ዬያቶኮ ጊዳ'' ዓኣ ባኮ ቢያ ማዤ ናንጊና ናንጋ ፆኦዛሢ ባንሢ ማዓንዳጉዲ ኮዦ ሓይሶ ኑ ዒንሢም ኬኤዛኒኬ፤
27575	ACT 16:23	ሚርጌና ዔያታ ጳርቂንቴስካፓ ቱኡሲ ማኣሪ ጌልዚ ቱኪ''፥ ቱኡዞ ማኣሮ ካፓ ዓሢ ዔያቶ ዛጊ ካፓንዳጉዲ ዓይሤኔ።
27655	ACT 19:1	ዓጲሎሴ ቆሮንቶሴይዳ ዓኣ ዎዶ''ና ጳውሎሴ ኬዶ'' ዛሎ'' ዓጮ''ና ጌዒ ዔፕሶኔ ዓኣዺ ሄሊ''፥ ዒኢካ ዻካ'' ኪሪስቶሴ ጉሙርቃ ዓሲ ዴንቃዖ፦
27733	ACT 21:1	ዔያቶይዳፓ ኑ ዱማዼሢኮ ጊንፃ ዋኣፆ ካኣሚሎ ቶጊ ዔዔቃዖ ቆሴ ጌይንታ፥ ዋኣሢ ሳዛይዳ ዓኣ ዓጪ ኑ ዓኣዼኔ፤ ዬካፓ ዚሮ ጉቴ''ሎ ዋኣፆ ሳዛ'' ዓኣ ሩዴ ጌይንታ ዓጪ ኑ ሄሊ''፥ ዒኢካፓ ጳፂራ ካታሞ ኑ ዴንዴኔ።
27735	ACT 21:3	ዋኣፆ ሳዞ''ይዳ ዓኣ ቆጲሮሴ ዓጮ'' ሻውሎ'' ዛሎ''ይዳ ሓሺ''፥ ሶኦሪያ ዓጮ'' ኑ ዓኣዺቤቃ ባዞ'' ዓጫ ዓኣ ፂሮሴ ኑ ዴንዴኔ፤ ዓይጎሮ ጌዔቶ ዋኣፆ ካኣሚላ ጫኣኒንቴ ባኮ ዒኢካ ኬይሳንዳያ ኮይሳሢሮኬ።
27739	ACT 21:7	ፂሮሴይዳፓ ዒቂ ባዞ'' ጊዴና ሓንቲፆ ኑ ኩርሴስካፓ ጴፄሌማይሴ ጌይንታ ዓጮ'' ሄሊ''፥ ዒኢካ ኪሪስቶሴ ጉሙርቃ ዓሶና ዎላ'' ካኣሚ ዎሊ «ኮሺዳ?» ጌዔስካፓ ዔያቶና ዎላ'' ፔቴ'' ኬሊ'' ኑ ፔኤቄኔ።
27762	ACT 21:30	ዬያሮ ካታማ'' ቢያ ዎኦቶንዶ ጎይሢ ባይዜኔ፤ ዬማና ዴራ'' ቢያ ፔቱሞና ጳሽኪ ጳሽኪ ሙካዖ ጳውሎሴ ዓርቂ ጎቺ ጌኤዦ ማኣራፓ ኬሲ''፥ ጌኤዦ ማኣሮኮዋ ካሮ'' ዑኬና ዎዼኔ።
27802	ACT 22:30	ዚሮ ጉቴ''ሎ ፖኦሊሶ ዓይሣሢ ዓይሁዶ ዓሳ ጳውሎሴ ዎጎና ዓይሢሳሢኮ ፒዜ ማዔ ካራ'' ዓይጎታቴያ ዔራኒ ኮዒ፥ ቄኤሶኮ ሱኡጎና ዎጎ ዎጋ ዓሶና ቢያ ቡኪንታንዳጉዲ ዓይሤኔ፤ ዬካፓ ጳውሎሴ ቱኪ''ንቴ ካኖ ቢራቶ ቡሊ''፥ ዔያቶ ቤርቶ ዒዛ ዒ ሺኢሼኔ።
27963	ACT 27:40	ዓርቄ ሱዞ ቲቂ ዓንጎ ኮንጮ ባዞ''ይዳ ሓሼ''ኔ፤ ዬማና ሓሣ ጊንፆ ዛላ'' ዓኣ፥ ዓጊሢ ዓጊሢ ዒሺ ዔኪ ዓኣዾ ዳልጎ ዖዶዞ ሚፆኮ ሱዞ ቡሊ''፥ ቤርቶ ዛሎ''ና ዓኣ ዳልጎ ሻራሢ ዢባሮ ባንሢ ዼ'ጊዲ ባዞ'' ዓጮ ባንሢ ኬስካኒ ዔያታ ዓኣዼኔ።
27971	ACT 28:4	ማልታ ዓጬ''ሎይዳ ዓኣ ዓሳ ጳውሎሴኮ ኩጫ ሾኦዣ ዻይ ዓርቄሢ ዴንቃዖ፦ «ሓይ ዓሢ ጎኔና ዓሲ ዎዼ ዓሲኬ ጌይሢኬ! ዓይጎሮ ጌዔቶ ባዞ'' ጉዳሢዳፓ ኮሺና ቶሊ'' ኬስኬቶዋ ኑኡኒ ‹ፆኦሲ› ጌዒ ካኣሽካ ፒዜ ዎጋ ፆኦዛሢኮ ዎጊፆይዳፓ ቶሊ''፥ ናንጋኒ ዳንዳዒባኣሴ» ዎሊ ኮራ ጌዔኔ።
28025	ROM 1:27	ዬያጉዲ ሃሣ ዓቲንቃ ላኣሎና ላሂፆ ሃሺ''፥ ዎላ'' ላሃኒ ኮዒሢና ዓቲንቃ ዓቲንቆና ዎላ'' ቦርሲሳ ባኣዚ'' ማዼኔ፤ ዬያሮ ዔያቶኮ ዻቢንቶ ዛሎ''ና ዔያቶም ኮይሳ ሜቶ'' ፔጊዳ ዔያታ ዔኪ ዬዓንዳኔ።
28174	ROM 7:15	ታኣኒ ማዻ ባኮ ታ ዔሩዋሴ፤ ዓይጎሮ ጌዔቴ ናሽካ ባኮ ታ ሓሺ''፥ ታ ዒፃ ባኮ ማዻኔ፤
28324	ROM 12:11	ቤልፁሞ ሃሺ''፥ ጉቤ ዒናፓ ጎዳ ዬሱሴም ዶዲ ማዹዋቴ።
28329	ROM 12:16	ዎላ'' ፔቴ'' ማሊሢና ጊኢጊ ናንጉዋቴ፤ ዒንሢ ቶኦኮ'' ዼ'ጊሲ ዖቶርቂሢ ሃሺ''፥ ማንቆ ዓሶና ዎላ'' ፔቴ'' ማዑዋቴ፤ «ታጊዳፓ ሜሌ'' ዔሮ ባኣሴ» ጌይፖቴ።
28346	ROM 13:12	ዹማ ካራኒ ማዔሢሮ ዹሞ ማዾ'' ሃሺ''፥ ፖዖኮ ዓኣ ዖሎ ዓንጋሞ ኑ ዓርቆም።
28455	1CO 1:24	ፆኦሲ ዔኤሌ''፥ ዓይሁዴ ማዔቴያ ዓይሁዴ ማዒባኣ ጊሪኬ ዓሶም ጋዓንቴ ኪሪስቶሴ ፆኦሲኮ ዎልቄና ዔራቶናኬ።
28461	1CO 1:30	ዒንሢ ጋዓንቴ ፆኦሲ ዬሱስ ኪሪስቶሴና ዎላ'' ፔቱሞ ዓኣያ ማዓንዳጉዲ ማሄኔ። ዬያሮ ኑኡኮ ዔራታ''፥ ፂሉ''ማ፥ ኑኡኮ ፆኦሲም ዱማዼያ ማዒፃ፤ ሃሣ ኑና ዻቂሻያ ማዓሢያ ዬሱስ ኪሪስቶሴ ማዓንዳጉዲ ፆኦሲ ማሄኔ።
28500	1CO 3:22	ጳውሎሴ፥ ዓጲሎሴ፥ ጴፂሮሴ፥ ሃይ ዓጫ''፥ ናንጋ፥ ሃይባ''፥ ሃሢ ዓኣ ባኮ ማዔቴያ ሃጊ ሙካንዳ ባካ ቢያ ዒንሢሮኬ።