23234	MAT 1:21	Isa imoi maguaega agepamauga. Ke imoi egaꞌina, aka ‘Iesu’ fooma, gome isa ifo ega papiau laomai apala eeꞌiai kaniaꞌi ageagamauga,” eoma.
23340	MAT 5:37	Kai aufa kina koꞌa mo foifania, ke kapaꞌina agokapa auga ‘E’ mo fooma, ke afolokapa auga, ‘Laaꞌi’ mo fooma. Ke muniai kapaꞌina agoifania auga tiapolo eegai emai.”
23423	MAT 8:9	Gome lau ifou isafa eꞌu lopia akaikiꞌaꞌi papaꞌiai lapinauga, ke eꞌu ifani auꞌi isafa papauai kepinauga. Lau iꞌina auꞌi agaꞌo lapaina, ‘Molao’ laoma aisama, elao. Ke agaꞌo lapaina, ‘Momai,’ laoma aisama, emai. Ke eꞌu kalaꞌafi lapaina, ‘iꞌina mokapa,’ laoma aisama, ekapa,” eoma.
23984	MAT 22:43	Ega aisama Iesu isa epainiꞌi einaka, “Ala koa iꞌopoga, Davide Deo ega Spirituai eniniꞌani aisama, isa Mesaia eifaga ‘Lopia’ eoma? Gome isa eifa, “‘Lopia lau eꞌu Lopia epainia einaka: “Kaiuai moagu felaolao, oi emu ou auꞌi ifemu guagai alaogeꞌi alogafapiꞌi,” ’ eoma.
23994	MAT 23:7	Ke anina keani afaꞌafa afuꞌiai papiau isa fekepamegoniꞌi keoma. Ke anina keani, papiau isa fekeifaniꞌi ‘Rabai’ fekeomaꞌi keoma.
23996	MAT 23:9	Ke aagoai kai agaꞌo foloifaga ‘amau’ folooma, gome oi Amami koꞌa ipauma agaꞌomo, ke isa auga ufai eague.
25259	LUK 6:44	Au kapa felo o apala auga puagai kekapulaisa. Papiau ini gufugai au aka ‘fik’ puaga afakeafia. Ke papiau ini gufugai isafa aupua puaga afakeafia.
25272	LUK 7:8	Gome lau ifou isafa eꞌu lopia akaikiꞌaꞌi papaꞌiai lapinauga, ke eꞌu ifani auꞌi isafa lau papauai kepinauga. Lau iꞌina auga agaꞌo lapaina ‘molao’ laoma aisama elao. Ke agaꞌo lapaina ‘mai’ laoma aisama emai. Ke eꞌu kalaꞌafi auga lapaina ‘iꞌina mokapa’ laoma aisama ekapa,” eoma.
25892	LUK 20:44	Davide Mesaia eifaga ‘Lopia’ eoma kai ala koa iꞌopoga papiau Mesaia Davide okogai emai auga keoma? Mesaia auga Davide okogai mo aemai kai, isa isafa Davide ega Lopia.
26712	JHN 13:13	Oi lau oifaniau ‘Pamalele Aumu’ ke ‘Lopia’ ooma. Oi lau ega oifa oomaisau auga oifa feloisau, gome lau egaꞌina au.
27179	ACT 6:9	Kai kina agaꞌogai papiau isaꞌi, Iudea papiauꞌi kelaꞌafou Deo keau afagaina afuga kemai. Egaꞌina auꞌi, ‘Peaage’ ikupuga keoma auꞌi, Sairene, ke Aleksandria taoniꞌiai kemai. Isa ke Silisia, Asia agoꞌiai kemai papiauꞌi fou keapafou kai Stefano fou keakekua.
27402	ACT 11:26	Ke elao Tarsus taoninai Saulo eisa aisama, eafiia fou kemue Antiok taonina kelao. Egae Banabas Saulo auniꞌi inipo agaꞌo fofouga keagu, pakoꞌa papiauꞌi maꞌo paisa fou kekaigugu, ke papiau maꞌo kepamaleleniꞌi. Ke egae Antiok taoninai papiau iꞌoiꞌi pakoꞌa papiauꞌi aka mamaga kepeniiꞌi keꞌina keifaniꞌi ‘Kristiano’ keoma.
28762	1CO 14:16	Ke oi emi spirituai mo Deo oau afagaina koa aisama, aufalao agaꞌo oi fou oague auga, oi emi spirituai kapaꞌina oifania Deo oau afagaina, ke tenkiu openia auga aelogo kainai, isa ala koa iꞌopoga agelogo oi akemiai ageafiau ‘Amen’ ageoma?
30172	HEB 8:13	Deo niniꞌani kapula iꞌina auga ‘mamaga’ eoma kainai, ufainagai niniꞌani kapula ekapa kakaua auga ufaina emia elaolao kai agaꞌo afaepapinauga puo agegea.
30177	HEB 9:5	Sikuna egaꞌina laagai, agelo auniꞌi keifaniꞌi ‘Cherubim’ keoma auga egae keagu. Egaꞌina auga Deo eague auga gouga kepakinaiꞌa. Egaꞌina agoꞌiai sakedote lopia faꞌa, papiau fauꞌiai aꞌo ifaꞌi keꞌefaisa aisama, Deo papiau guaꞌi eaniia, eꞌi laomai apalaꞌi eꞌagegeainiꞌi. Kai kapaꞌina maamiai amaifania aoma auga, iꞌina faagagai laaꞌi puo, pau amu maꞌoai agaꞌo agaꞌo okoꞌiai afalapakai feloꞌi.
30191	HEB 9:19	Ega kainai Moses Deo ega iifa maꞌoai papiau maꞌoai maaꞌiai eifafoua, ifa amu maꞌoai laaꞌiai fekeꞌafo eoma. Ega puo isa ifo polomakau gauꞌi ifaꞌi fei fou eoge lapuinia. Ke sipi faaga puina pitoga kepamia auga, ke au maifoga aka ‘hisop’ auga aga fou eafiiꞌi ifai eka fufuinia. Egae kai Deo ega iifa puka isa ifo epapua auga laagai eꞌafoisa, ke papiau isafa eꞌi laomai apalaꞌi fauꞌiai laaꞌiai eꞌafoisa.
30267	HEB 11:28	Egaꞌina afegai Moses emue Isipto elao pugu. Egae kai Deo agelo eulaisa, Isipto papiauꞌi gauꞌi maguaeꞌi faꞌaniauꞌi feaupuguꞌi eoma. Ega aisama Moses Deo epakoꞌania kainai miamia aka ‘Pasover’ epagama. Ke Deo ega iifa kainai, Moses Israel papiauꞌi epainiꞌi aꞌo ifaꞌi paꞌafiai kelakaisa, ega koa Deo ega agelo imoi faꞌaniauꞌi Isiptoai eaupuguꞌi aisama, Israel papiauꞌi gauꞌi faagaꞌi aeafi opogaina.
30433	JAS 5:12	Aau akiu pakoꞌa papiaumi, niniꞌani laifa kakauꞌi epoꞌiai kapa agaꞌo akaikiꞌa ipauma auga alaifania. Oi oniniꞌani alogai, niniꞌani koꞌaꞌi mo foifania. Oi niniꞌani oifaniꞌi auꞌi isaꞌi akaikiꞌaꞌi folopamiaꞌi kai, oniniꞌani alogai, niniꞌani koꞌaꞌi mo foifania. Ke oi kapaꞌina anina oani koa aisama, ‘E’ mo fooma, ke anina aloani koa aisama, ‘Laaꞌi’ mo fooma. Ega koa iꞌopoga, papiau eeꞌiai pakoꞌa iifaga okapa aisama, aagoa ufa fou, ke kapa maꞌoai akaꞌiai pakoꞌa iifaga egaꞌina alomi koꞌagai foloifa kapulania folokapa. Kai oi ega afolokapa oma koa aisama, niniꞌani isaꞌi auga koꞌaꞌi kai pifogeꞌi opamiaꞌi puo, egaꞌina afa iꞌopoga mo Deo agepenimi.