606	GEN 24:14	Bagula ngaxusunga haing nanung tela ba, ‘Sanga ba uta borima mari bu nganung monga?’ Nabu harua ba, ‘Unung, saing bagula ngasina langa na kamelimdi xauna.’ Nabu bila ba, bing ngabo ba ina naga umogu (ma)na lipuxim oxatama Aisak. Nabu sok bila ba, bing bagula ngaxabia ba uhatanga kubolum xaiyua na lipuxigu haringina.”
632	GEN 24:40	“Baing haxuya ba, ‘Toxoratamona, lipua ngasu mana bungingbunginalo, bagula soxi uleginama ila ranguaung bu libu haxangama aningona. Bila balau bagula oxop haing tela rangua nga sibugu bakbagigudi xaung tibugu sibindi bu garagua yau.
638	GEN 24:46	“Tatua borinoa yaxunoa mari sap saing harua ba, ‘Unung, saing bagula ngasina langa na kamelimdi xauna.’ Binabu nganung, saing sina langa na kameldi xauna.
1357	GEN 44:32	Nga lipuxim oxatama ngahau haruangua ba ngawasa mana gananunoa. Ngaharua ba, ‘Tibugu, nabu ngaxap ma ranguaung muli te, bagula mauxanganoa taga manga maxamia bungingbunginalo!’
1595	EXO 3:15	Urana harua na Moses xauna ba, “Uharua na Isreldi ba, ‘Toxoratamona, Urana mana mugangaimdi—Urana mana Ebraham, Aisak xaung Yekop—soxi nga ma ranguang.’ “Alali yagua bungingbunginalo, yagua ahatumia muli sanga mana bakbak taining tainina disok kimu.
1596	EXO 3:16	Ula, saing uwagi Isreldi yanamidingdi digugunia. Ubaladi ba, ‘Toxoratamona, Urana mana mugangaimdi—Urana mana Ebraham Aisak xaung Yekop—owa masok manga. Bala nga ba, “Ngabaguang saing ngabagu kubolua dilibu mang mana Isip.
1598	EXO 3:18	“Isreldi yanamidingdi bagula dilungung. Baing ung gugabu yanamdi bing ala rangua Isip(di) xaitamoxidinga saing aharua na ba, ‘Toxoratamona, Urana mana Hibrudi, gugunia ranguam ba. Am gaxusungaung ba unai mana am gala xaidap tuwa haxangamia mala long xoliania bu am gahanania na Toxoratamona Urana amia.’
1702	EXO 7:16	Baing uharua na ba, ‘Toxoratamona, Urana mana Hibrudi, soxi nga ma bu ngaharua naung ba: Uyunga lipuxigudi ba dila, bu sanga ba disabu manga long xoliania. Ne ma laing hatata ulungu te.
1744	EXO 9:1	Baing Toxoratamona harua na Moses ba, “Ula rangua Pero saing uharua na ba, ‘Toxoratamona, Urana mana Hibrudi, harua bila li: “Uyunga lipuxigudi ba dila, bu sanga ba disabu manga.”
1756	EXO 9:13	Baing Toxoratamona harua na Moses ba, “Umesa buraraging sibuna, uli Pero maxania saing uharua na ba, ‘Toxoratamona, Urana mana Hibrudi, harua bila li: Uyunga lipuxigudi ba dila, bu sanga ba disabu manga.
23340	MAT 5:37	Uharua bila li ing ganina: ‘Wane, bagula ngalibu,’ kimbo ‘Tegu. Bagula ngalibu te’. Haruangama sanga ba. Bungina uharingia haruangama xaung haruanga tela, alaba ma rangua lipu diana ba.
23389	MAT 7:4	Baruta uharua na riama ba, ‘Riagu, ngabo ba ngaunia xai sangsangina sangua maxama,’ bungina tuxua wa ung sibum maxamia?
23547	MAT 11:19	Lipua Ma Rangua Urana ma saing xang nung, ne daharua ba, ‘Abagu, lipua lo xang xaung nung wain buk, saing wa lipu takis xabinganamdi xaung lipu kubolu dianamdi riadinga!’ Ne lipuadi dahatum sibuna mana kuboluadi Yon tam galibudi, bagula dibagu daxabia ba tam gasu mana xabianga maringina.”
23707	MAT 15:5	Ne ang ba, ang gaharua ba maring nabu lipu tela bala baungtibundi ba, ‘Ngausinga, sanga ba ngahauliang te. Namua na ngahau haruangua ba ngaulia Urana axadi sanga ba ngahauliang manadi.’
23873	MAT 20:12	‘Ai, lipuadi li daxap oxatua kimu ba duwaxata auwa taininau ing ganina, saing ugimdi hasusu mam am gamakasa buraragina sup ma hatata, saing xaidaba xaniam haringina.’
23874	MAT 20:13	“Haxuya tela ba, ‘Riagu, ngalibu doa maung te. Menau ung gunai mana xaidap tela giminaginoa, maxuna?
23916	MAT 21:21	Yesu baladi ba, “Maxung sibuna ngabalang ba, nabu ang hatumingaim haringing sibuna, hatumingaim luwa te, bing sanga ba alibu taininau bila ngalibu mana xaiya pikka li. Baing bagula adali axa na bila aharua na bimbia li ba, ‘Umesa, utinggung mari tegia,’ baing bagula sok.
23923	MAT 21:28	“Ahatumia baru? Lipu tela garang lup luwa. Ila rangua sabangua saing harua ba, ‘Garagua, hatata ula uwaxata wain umangania.’
23953	MAT 22:12	Xusunga ba, ‘Riagu, usau yauyaunga yaungamdi te. Uluxu ma baru?’ Ne lipua ba haruangan te.
24049	MAT 24:23	“Baing mana bungina baguba, nabu lipu tela harua nang ba, ‘Abagu, alali Urana Lipuxing Mogunganama!’, kimbo lipu tela harua ba, ‘Abagu, la lo!’, bing labu ahatum haringina manau tai.
24052	MAT 24:26	“Baing ina naga, nabu lipu tela balang ba, ‘Abagu, wa long xoliania,’ bing labu asok malau tai. Baing nabu balang ba, ‘Wa la li, hisa numa lunia,’ bing labu ahatum haringina manau tai!
24114	MAT 25:37	“Saking lipu maringindi bagula dahaxuya ba, ‘Toxoratamona, bungintabi am gabagung gesagim saing am gauliaung anginga? Bungintabi am gabagung waxumtuanoa mamasa saing am gauliaung lang?
24121	MAT 25:44	“Saking bagula dahaxuya ba, ‘Toxoratamona, bungintabi am gabagung gesagim kimbo waxumtuanoa mamasa kimbo uwa lipu long telama kimbo oxola mana imangdi kimbo ubusi kimbo uwa salak yabania, saing am gahauliung te?’
24338	MRK 2:9	Baru haruanganta mosiu mana ngaharua na lipua ba: ‘Kubolum diandi disup’ kimbo ‘Umesa, oxop uxaingama uhaxa’?
24543	MRK 7:11	Ne ang ba, ang gaharua ba maring nabu lipu tela bala baungtibundi ba, ‘Ngausinga, sanga ba ngahauliang te. Namua na ngahau haruangua ba ngaulia Urana axadi sanga ba ngahauliang manadi.’
24732	MRK 11:23	Maxung sibuna ngabalang ba, lipu gaxarea harua na bimbia li ba, ‘Umesa, utinggung mari tegia’, xaung hatumingang luwa te, ne hatum haringina mana axa harua mana ba bagula sok, bing bagula Urana libu mana.
24807	MRK 13:21	Baing mana bungina baguba, nabu lipu tela harua nang ba, ‘Abagu, alali Urana Lipuxing Mogunganama!’, kimbo lipu tela harua ba, ‘Abagu, la lo!’, bing labu ahatum haringina manau tai.
25257	LUK 6:42	Saing baruta uharua na riama ba, ‘Riagu, ngabo ba ngaunia xai sangsangina sangua maxama,’ bungina ung sibum ubagu tuxa wa maxamia te? Ung lipu manang luwa, muga bing unia tuxa sangua maxama, baing kimuya sanga ba ubagu maringina bu unia xai sangsangina sangua riama maxanoa.
25298	LUK 7:34	Lipua Ma Rangua Urana ma saing xang nung, ne aharua ba, ‘Abagu, lipua lo xang xaung nung wain buk, saing wa lipu takis xabinganamdi xaung lipu kubolu dianamdi riadinga!’
25476	LUK 11:2	Harua nadi ba, “Bungina asabu, aharua bila li: “ ‘Tibumam, yama am gabo ba lipu longgalo dahatum ba maringing sibuna. Yonggaxima bing ma.
25479	LUK 11:5	Baing Yesu harua nadi ba, “Nabu lipu tela yambong lia ila rangua rianoa saing harua ba, ‘Riagu, ngabo ba ulia nga salanga tuwa,
25632	LUK 14:10	Alibu bila bau tai. Ning bungina ula taungia, oxop kabukabu olanggam sibuna, bu bungina taunga moxonoa ma, bagula harua naung ba, ‘Riagu, uma urung kabukabu xaiya.’ Saking lipu longgalo duwa la ba bagula dibagu taunga moxonoa sina yaya naung.
25669	LUK 15:12	Kixinginoa harua na tibuna ba, ‘Tibugu, xalingim hataindi bagula dima rimagia bungina umati, ngabo ba usinadi nanga.’ Binabu tibuding hata xalingindi na dingtang.
25678	LUK 15:21	“Garanoa harua na ba, ‘Tibugu, ngalibu kubolu diana mana Urana xaung ung. Ngaxai te sanga mana uxu nga ba ung garama.’
25686	LUK 15:29	Ne haxuya na tibuna ba, ‘Ai, ubagu! Niani xumana ngawaxata haringina maung, saing ngadali haruangama te. Ne utongtongia taunga kaxukang tela manga te bu ngayaha rangua riagudi.
25688	LUK 15:31	“Tibuna harua ba, ‘Garagu, bungingbunginalo uwa rangua nga, saing xalingigu longgalo ungiadi.
25692	LUK 16:3	“Lipu haulingam hatum xumana saing hatum ba, ‘Si, hatata bagula ngaria baru? Lipuxigu haringina hitixiya oxatagua. Ngaharing te sanga ba ngaki, saing memeyagu ba ngaxusunga lipudi olang olang mana sianga.
25696	LUK 16:7	“Baing xusunga tela ba, ‘Ne, haxuyangama baru?’ “Haxuya ba, ‘Wit daba 100.’ “Bala ba, ‘Oxop xailongim baxangangam saing usisia ubung 80 ing ganina.’
25714	LUK 16:25	“Ne Ebraham haxuya ba, ‘Garagu, uhatum muli bungina uwauyu, walingama baxagi mana axamang xaidi, ne Lasaras xap axamang diandi. Ne hatata wa xai la li, saing ung ba oxop salak sabanga la ba.
25727	LUK 17:7	“Gaxarea angia tela ina lipuxing oxatam, waxata umangia kimbo wasa mana sipsipdi, ne bungina goxoya ma numia harua na ba, ‘Uma, urung oxong to’? Uharua bila ba?
25728	LUK 17:8	Tegu. Harua bila li: ‘Usugu, utau angiagua, saing oxop ma sanga ba ngaxang nganung to. Baing kimuya sanga ba oxong unung.’
25768	LUK 18:11	Parisi mesa saing sabu mana ing sibuna ba, ‘Urana, ngaharua xai sibuna maung ba ngawa bila lipu teladi te—lipu hanaunggamdi, lipu diandi, lipudi dahaxa mauli rangua yaungamdi—kimbo bila lipu takis xabinganamga li.
25770	LUK 18:13	“Ning lipu takis xabinganama li hasoya monga. Memeyana buk mana bagu mahaing long xaiya. Ne turu mari saing harua ba, ‘Urana, usinga nga, nga lipu kubolu dianam.’
26676	JHN 12:27	“Hatata gamogua mauxana, ne bagula ngaharua baru? ‘Tibugu, oxop nga muli sangua xaidap salakkamga li’? Tegu. Namua na mana namua naga ngama mana xaidapka li.
27359	ACT 10:31	harua ba, ‘Konilias, Urana lungu sabungama saing hatumia muli axadi usinadi na lipu haxugindi.
27383	ACT 11:7	Baing ngalungu waxutu tela bala nga ba, ‘Pita, umesa. Ung saing oxong.’
27384	ACT 11:8	“Ngahaxuya ba, ‘Toxoratamona, tegu sibuna! Axamang musunam kimbo axamang sigixinga teguam luxu suxungugia te.’
27472	ACT 13:41	“ ‘Alungu, ang lipu daudaungamdi, bagula ahixi mana saing asup, namua na bagula ngalibu axamang tela xaidabimia sanga ba ahatum haringina mana te, nabu lipu tela balang ba.’ ”
27779	ACT 22:7	Xung nga mari titia saing ngalungu waxutu tela harua nanga ba, ‘Sol, Sol, baruta usina salaga nanga?’
27782	ACT 22:10	“Ngaxusunga ba, ‘Toxoratamona, bagula ngaria baru?’ “Baing Toxoratamona harua ba, ‘Umesa to, uluxu Damaskas, saing baraxintadi ngamogu ba ulibudi, bing bagula ngasoxi lipu tela bu baxanga naung to.’
27791	ACT 22:19	“Ngahaxuya ba, ‘Toxoratamona, lipuadi li daxabia ba ngala Yudadi sabungading numang taining tainina ba ngataha lipudi dahatum haringina maung, ngatadi salak yabania.
27905	ACT 26:14	Am longgalo xunggam mari titia, saing ngalungu waxutu tela harua nanga Arameik xuana ba, ‘Sol, Sol, baruta usina salaga nanga? Kubolua ulibu bila kau tela ting kindi mala mana moxonoa, ning ung xaing maxaxanoa ing ganina.’
27947	ACT 27:24	saing harua ba, ‘Pol, umaxuwau tai. Ung bagula uli Sisa maxania ba suxuya haruangama. Urana xai sibuna, binabu ta lipu longgalo duwa wagia ranguaung bu ang gawa xai.’