59	GEN 3:3	to Dirava eto “Imea bogaraginai e ginimu auna huahuana basio ania bona basio daua toho, ba mase na garina”.
244	GEN 10:9	Ia danu hetaraki tauna mai goadana Iehova vairanai; una dainai taunimanima edia hereva ta e tomu “Hetaraki tauna mai goadana Iehova vairanai, Nimrod bamona”.
311	GEN 12:12	lau na tomamu Aigupto taudia bae itamu negana ai, idia baeto “Ina na ia adavana”, bena lau bae alagu mase bona oi bae abimu mauri.
360	GEN 14:23	dabua varona ta eiava tamaka varona ta oiemu ai basina abia, gabeamo baoto “Lau ese Abram ena taḡa na henia” na garina.
403	GEN 17:5	Ladamu danu basie hatoa lou “Abram”, a ladamu bae hatoa “Abraham”, badina be bese diaḡau ihavaradia tauna ai vada na halaomu.
413	GEN 17:15	Dirava ese Abraham ma e hamaoroa, eto, Adavamu Sarai ladana basio hatoa lou “Sarai”, a ladana ba hatoa “Sara”.
438	GEN 18:13	Bena Iehova ese Abraham e nanadaia, eto, Dahaka dainai Sara e kirimu, e tomu “Burukagu ai natugu ta baina abia a”?
501	GEN 20:5	Hari tau ese e hamaorogu, eto “Ina na lau taihugu”, ani? Bona hahine ese danu e hamaorogu, eto “Ia na lau taihugu”. Mai lalogu maoromaorona bona mai imaḡu ḡoevaḡoevadia ida ina kara vada na karaia.
509	GEN 20:13	A Dirava ena hahedua dainai, tamagu ena ruma na rakatania negana ai lau ese na hamaoroa, nato, Ini ba bogagu hisi toma: baita lao heni gabudia iboudiai ba herevalaigu, baoto “Ia na lau taihugu”.
599	GEN 24:7	Iehova, guba Diravana, ese tamagu ena ruma amo e abigu oho, egu tano korikori amo e hakaugu lasi, bona e gwau henigu hamata, eto “Ina tano na oi garamu baina henidia”; bena ia ese ena aneru oi vairamu ai baine siaia, bena natugu adavana una tano ai do bavabia.
606	GEN 24:14	Na noimumu, hane-ulato ta baina hamaoroa, bainato “Emu hodu bavatoa diho, ranu kuri ta ba henigu, baina inua”, bena ia baineto “Madi ba inua; emu kamelo danu baina ha-inulaidia”, haneulatona bunai oiemu. abi-hidi ulatona, emu hesiai tauna Isaak ba henia ulatona mo. Unu amo baina diba oi na biagugu vada o bogaia hisimu.
629	GEN 24:37	Bena biagugu ese e haduagu baina gwau hamata; eto “Natugu adavana na Kanaan taudia, bogaragidiai na noho hedoamu taudia, natudia ulatodia ta basio abia,
630	GEN 24:38	a tamagu ena ruma baola, varavaragu bogaragidiai natugu adavana bavabia”.
631	GEN 24:39	Bena biagugu na hamaoroa, nato “O hane-ulato na basine bamogu reana, bena ede baina heto?”
632	GEN 24:40	Bena ia eto “Iehova, vairanai na rakamu Diravana, ese ena aneru baine siaia, baine bamomu bona emu dala baine lailaia; bena varavaragu bona tamagu ena ruma taudia bogaragidiai natugu adavana do ba davaria.
633	GEN 24:41	Unu amo emu gwauhamata baine heruha, varavaragu dekediai ba kau negana ai; a idia na hane-ulato bema rua basiema henimu negana ai danu emu gwauhamata bema heruha”.
635	GEN 24:43	ini boma hamomokania toma: ina ranu gabuna ai na nohomu ai hane-ulato ta ranu utu bainema bena baina hereva henia, bainato “Emu hodu ranuna kuri ta a henigu, aina inua”, bena ia baineto
636	GEN 24:44	“Mani a inua, bona emu kamelo edia ranu danu baina utua”, baina diba hane-ulatona bunai, Iehova ese vada e abia hidi biagugu natuna baine adavaia ulatona.
637	GEN 24:45	Bena dounu na ḡuriḡuriva ai, Rebeka na hodu e ehea ema; e diho ela, guri ai ranu e utua. Bena na hamaoroa, nato “Mani emu kara, ranu kuri ta a henigu, aina inua”.
638	GEN 24:46	Bena ena hodu e atoa diho haraḡa, eto “A inua, bena emu kamelo edia ranu danu baina utua”.
639	GEN 24:47	Bena na nanadaia, nato “Oi be daika natuna?” Bena ia e haere, eto “Lau na Betuel natuna; tubugu na Nahoro bona ia adavana Milka”. Bena gadei na udu-baubauna ai na atoa, bona vaḡivaḡi imana ai.
642	GEN 24:50	Bena Laban bona Betuel e haere, eto, Ina na Iehova ena amo; ai na basia haere henimu diba, basiato “Oibe” eiava “Lasi.”
700	GEN 26:7	A una gabu taudia ese ia adavana e nanadailaia, bena ia eto, Ia na taihugu. “Ia na adavagu” baineto na e gari, badina be ia eto, Ina gabu taudia na bae alagu mase readia, Rebeka dainai, badina ia na hahine namo-hereana.
702	GEN 26:9	Bena ia ese Isaak e gwau henia, eto, Lalogu vada eme parara, hahine na oi adavamu. Dahaka dainai oi oto “Ia na taihugu”. Isaak e haere henia, eto, Badina be na gari, haida ese ia dainai bae alagu mase na garina.
735	GEN 27:7	ia eto “Dia ta ba mailaia, vamu namona ba nadua lauagu; baina ania, bena do basina mase ai Iehova vairanai baina hanamomu guna”.
780	GEN 28:6	Esau vada e diba Isaak ese Iakob vada e hanamoa bona vada e siaia lao, Padan-aram ai baine headava: vada e diba danu e hanamoa negana ai e haḡania, eto “Kanaan taudia natudia ta basio adavaia”;
875	GEN 31:1	Bena Iakob ese Laban natuna mamaruanedia edia maumau e kamonai: idia na e maumau, eto “Iakob ese tamamai ena kohu idoinai vada e abihaia, unu amo ena taḡa idoinai vada e abi”.
882	GEN 31:8	Ia eto “Mai toutoudia na oiemu”, bena seri idoinai ese mai toutoudia ḡaudia mo e havaradia; ma eto “Mai revarevadia na oiemu”, bena seri idoinai ese mai revarevadia ḡaudia mo e havaradia.
885	GEN 31:11	Bena egu nihi ai Dirava ena aneru ta ese e hereva henigu, eto “Iakob”. Lau nato “Lau o ina.”
886	GEN 31:12	Ma eto “A itadia, mamoe bona nani hahinedia e harogorogodiamu mamaruanedia iboudiai na mai toutoudia eiava mai revarevadia eiava koremadia: badina be Laban ena kara iboudiai oiemu ai e karamu vada na ita vaitani.
887	GEN 31:13	Lau binai, Betele Diravana: unuseni ai oi ese boubou nadina dehoro o horolaia, bona o gwau henigu hamata. Benaini, a tore isi, ina tano amo ba raka lasi, o vara gabuna ba lou henia.”
903	GEN 31:29	Harihari, lau na mai siahugu bama hadikamu; ḡau tamona, tamamu ena Dirava ese boi hanuaboi e hahedinarai henigu, eto, “Iakob basio hereva henia, hereva namona eiava hereva dikana.”
933	GEN 32:5	E haduadia, eto, Egu lohia Esau ini ba hamaoroa toma, baoto “Emu hesiai tauna Iakob na e tomu: lau na Laban ida vada na noho ema bona hari;
934	GEN 32:6	lau na mai egu boromakau bona doniki bona mamoe bona nani bona hesiai taudia bona hesiai hahinedia; bena ihamaorolaimu herevana egu lohia emu ai name siaia vasi, oi vairamu ai hebogahisi baina davaria totona”.
938	GEN 32:10	Bena Iakob e ḡuriḡuri, eto, Tubugu Abraham ena Dirava, tamagu Isaak ena Dirava, Iehova e, oi ese o haduagu, oto “Emu tano ba lou henia, varavaramu dekedia baola, bena baina hanamomu”.
941	GEN 32:13	A oi vada oto “Momokani, lau ese baina hanamomu, bona garamu baina hahutumadia kone mirina na heto, asi iduahidia”.
946	GEN 32:18	Bena baine raka guna tauna e haduaia, eto, Kakagu Esau ida ba hedavari negana ai, ia baine henanadai, baineto “Oi na daika ena hesiai tauna? Ede bo laomu? Ina seri be daika ena?”
947	GEN 32:19	Bena oi ese ba haere henia, baoto “Ini na emu hesiai tauna Iakob ena, ena herahia ḡaudia lohia taumu Esau emu; ia danu murimai ai e maimu”.
949	GEN 32:21	Ma baoto “Emu hesiai tauna Iakob na murimai ai e maimu”. Ia na lalona ai eto: Egu herahia ḡaudia amo ena badu baina laoa ahu guna, gabeai ia vairanai baina hedinarai negana ai reana baine abigu dae.
1032	GEN 35:20	Bena Iakob ese nadi pupuna ta e haginia ena gara latanai; ladana na doini e hatoamu “Rahela ena gara pupuna” ema bona harihari.
1101	GEN 37:17	Hari tau eto, Ini amo vada e raka oho; badina be edia hereva na kamonai, eto, “Ita na Dotan baitala”. Taunabunai Iosef ese e ḡavadia ela, Dotan ai e ḡavadia tao.
1104	GEN 37:20	aita alaia mase, ini guri asi ranudia ta ai baita negea dobi; bena baitato “Uda boromana ta ese e alaia mase”; unu amo baita itaia, ena nihi anidia be dahaka.
1275	GEN 42:22	Bena Ruben eto, Lau na hamaoromui, ani, nato “Mero na basio hadikaia”, to umui na asio kamonai, harihari ia rarana na ita latadai.
1284	GEN 42:31	A ia ese a hamaoroa, ato “Ai na hereva momokani taumai, dia hasinadoa;
1285	GEN 42:32	ai na tadikaka gwauta-rarua, tau tamona natuna, a ta vada e mase, bona taumuritai be tamamai dekenai, Kanaan tanona ai.”
1286	GEN 42:33	Bena una tano lohiana eto “Ini amo baina diba umui na hereva momokani taumui eiava lasi: umui ta baina dogoa tao iniseni ai, a orena be uit ba laohaia, varavaramui adia;
1287	GEN 42:34	bena tadimui tau-muritai tauna ba hakaua mai dekegu ai, bena bainadiba umui be hereva momokani taumui; bena tadikakamui na baina henimui lou, bona ina tano ai ba hoihoi danu”.
1294	GEN 43:3	Bena Iuda ese e haere henia, eto, Una tau ena hereva na auka, eto “Tadimui basio hakaua mai, lau vairagu basio itaia”.
1296	GEN 43:5	a basio siaia, ai na basiala, badina be una tau eto “Tadimui basio hakaua mai, lau vairagu basio itaia”.
1298	GEN 43:7	Idia eto, Una tau ese e nanadaimai malakamalaka, eda iduhu herevadia e nanadailai, eto, “Tamamui dounu e mauri nohomu?” bona “Tadimui ta noho?” Bena ai ese a haere henia. Ede baiama diba toma ia baineto “Tadimui ba hakaua mai” a?
1329	GEN 44:4	Hanua e rakatania, a do asie raka daudau ai, Iosef ese ena ruma ireḡuna tauna e haduaia, eto, A tore isi, a ḡavadia; ba lasidia tao negana ai ba gwau henidia, baoto “Badina be dahaka umui ese namo dika vada o davalaia a?
1330	GEN 44:5	Biagugu ena kehere, ena inuinu bona ena baguhaoro ḡauna, vada o henaoa. Umui vada o kerere dikadika”.
1344	GEN 44:19	Egu lohia e, emu hesiai taudia o nanadaimai, oto, “Tamamui eiava tadimui nonoho a?”
1345	GEN 44:20	Bena a haere henimu, ato “Tamamai burukana e nohomu, bona mero ta, tau-badana ai e abia; una mero kakana vada emase, sinana natuna tamona mo na ia, una dainai tamamai ese e lalokau henia badamu”.
1346	GEN 44:21	Bena oi ese o haḡanimai, oto “Ba hakaua mai, lau baina itaia”.
1347	GEN 44:22	Bena ai ese a haere henimu, ato “Tamana na basine kahua nege; badina be ia bema raka oho, tamana bema mase”.
1348	GEN 44:23	Bena oi ese o hamaoromai, oto “Tadimui tau-muritai basio hakaua mai, lau vairagu basio itaia lou”.
1350	GEN 44:25	Bena tamamai eto “A lou lao, ada aniani taina ma bavabia”.
1351	GEN 44:26	Bena ai ato “Tadimai tau-muritai na ai ida baiala be vada baiala; badina be tadimai na ai ida basiala, una tau vairana basia itaia lou”.
1352	GEN 44:27	Bena tamamai eto “Umui dibamui adavagu ese memero rarua e abidia;
1353	GEN 44:28	ta e rakatanigu, bena nato ‘Ḡau ta ese vada e darea patapata’, bena asina itaia lou ema bona harihari.
1354	GEN 44:29	A harihari ina ta danu egu ai bavabia oho, bena dika ta ienai baine kau, lau buruka taugu na umui daimui ai mase gabuna bainala mai lalo-hisihisigu ida”.
1357	GEN 44:32	Badina belau ese tamagu na gwau henia hamata, ina mero bagunai, nato “Basina hakaua lou dekemu ai mai maurina ida, kerere na lau latagu ai baine mia ela bona hanaihanai”.
1368	GEN 45:9	Benaini, vada aola haraḡa-haraḡa tamagu dekenai, ba hamaoroa, baota “Natumu Iosef e tomu: Dirava ese Aigupto tanona idoinai lohiana ai vada e halaogu; lau dekegu baoma, basio halahe.
1370	GEN 45:11	Lau ese baina narimui, bena oi bona emu orea taudia iboudiai basio hitolo. Badina be doe laḡanidia ima na do mimia”.
1376	GEN 45:17	Bena Farao ese Iosef e hamaoroa, eto, Tadikakamu ba hamaorodia, baoto “Emui kohu be emui doniki dorudia ai bavato kau, Kanaan tanona ba lou lao,
1377	GEN 45:18	tamamui bona varavaramui bavabidia, ba hakaudia mai dekegu ai; lau ese Aigupto tanona ena ḡau namodia baina henimui, bona ina tano digarana do bavania”.
1378	GEN 45:19	Ma ba hamaorodia, baoto “Ini ba kara toma: ina Aigupto tanona ai rerue bavabi, ba laohai, natumui bona adavamui ba udadia, ba mailaidia, bona tamamui danu.
1379	GEN 45:20	A emui kohu basio laloa, badina be ina Aigupto tanona ena kohu namodia na bavabi emui”.
1418	GEN 46:31	Bena Iosef ese tadikakana bona tamana ena orea taudia e hamaorodia, eto, Lau bainala, Farao baina hamaorolaia, bainato “Tadikakagu bona tamagu ena orea taudia na Kanaan tanona amo vada ema, lau dekegu ai.
1419	GEN 46:32	Idia be mamoe bona boromakau ireḡudia taudia, edia mamoe seridia bona edia boromakau seridia bona edia kohu idoinai vada e mailai”.
1420	GEN 46:33	Bena Farao ese baine boirimui bona baine nanadaimui, baineto “Emui ḡaukara be dahaka?”
1421	GEN 46:34	Una negana ai umui ba haere, baoto “Ai oi isiaimu ilao-henina taumai na meromai negana amo boromakau vada e reḡudia, senemai bamodia”. Unu amo Gosen bavabia diba, emui tano ai ba halaoa; badina be Aigupto taudia ese seri ireḡudia taudia e dadaraidiamu.
1456	GEN 48:4	eto “Momokani lau ese besemu baina havaraia, baina hahohomu, bese bada-hereana ai bainahalaomu; ina tano danu oi garamu baina henidia, edia tano ai bainela, ela bona hanaihanai”.
1512	GEN 50:5	tamagu e haduagu dainai na gwau henia hamata. Ia eto “Baina mase negana ai, vada na heḡaeḡaelai garana ai ba gurigu, Kanaan tanona ai”. Taunabunai, ba kahugu nege, tamagu do baina guria, bena ma baina lou mai.
1524	GEN 50:17	“Iosef ba hamaoroa, baoto ‘Kakamu edia kerere bona edia kara dika oiemu ai ba lalo nege’; taunabunai ai a noimumu, tamamu ena Dirava isiaina ilao-henina taumai emai dika ba gwau tao”. Ina hereva e kamonai ai, Iosef na e tai.
1593	EXO 3:13	Bena Mose ese Dirava ma e hereva henia, eto Lau na Israel taudia dekedia bainala, baina hamaorodia, bainato “Tamamui edia Dirava ese vada e siaigu dekemui ai”, bena idia ese bae nanadaigu, baeto “Ia ladana be daika?”, lau be ede baina haere henidia toma?
1594	EXO 3:14	Bena Dirava ese Mose e hamaoroa, eto, LAU BINAI NA NOHOMU. Ma eto, Israel taudia ba haere henidia, baoto “LAU NA NOHOMU ese e siaigu dekemui ai.”
1595	EXO 3:15	Dirava ese Mose ma e hamaoroa lou, eto, Israel taudia ba hamaorodia, baoto “Iehova, senemui edia Dirava, Abraham ena Dirava, Isaak ena Dirava, Iakob ena Dirava, vada e siaigu dekemui ai”. Lau ladagu binai ela hanaihanai; uru iboudiai lalodiai ini ba lalogu toma.
1596	EXO 3:16	Aola, Israel tau-badadia ba haboudia, ba hereva henidia, baoto “Iehova, senemui edia Dirava, Abraham ena Dirava, Isaak ena Dirava, Iakob ena Dirava, ese vada e hahedinarai henigu, eto: Momokani, lau ese vada na haḡeremui, Aigupto ai e kara henimui karadia vada na ita;
1597	EXO 3:17	vada na gwau hamata danu, Aigupto hisihisidia amo baina hakaumui lasi, Kanaan taudia bona Hiti taudia bona Amoro taudia bona Perisi taudia bona Hivi taudia bona Iebusu taudia edia tano ai baina hakaumui vareai, rata bona bada-ranuna e arumu tanona bunai”.
1598	EXO 3:18	Bena Israel tau-badadia ese bae hakala henimu, bae bamomu, Aigupto pavapavana dekena baola, baoto “Iehova, Heberu taumai emai Dirava, na vada e hahedinarai; taunabunai, mani ba kahumai nege, dina toi baia laolao tano ḡaḡaena ai, unuseni ai Iehova, emai Dirava, baia boua”.
1603	EXO 4:1	Bena Mose e haere, eto, Mani a laloa, idia na basie kamonai henigu, egu hereva basie abia dae, baeto “Iehova ese se hahedinarai henimu”,
1624	EXO 4:22	Bena Farao ba hamaoroa, baoto “Iehova na ini e gwau tomamu: Israel be natugu roboana,
1625	EXO 4:23	taunabunai na haḡanimumu, natugu a kahua nege, lau isiaigu baine lao heni helaoreana; a boma dogoa tao, oi natumu roboana bama alaia mase.”
1641	EXO 5:8	Ḡau tamona, raro amo e kara nadidia e karamu na basie gadoi, ahudia korikoridia do bae kara; badina be idia na lalahedo, una dainai idia na e tai henigumu, e tomu “Mani ba kahumai nege, emai Dirava baia boua”.
1643	EXO 5:10	Taunabunai ḡaukara biagudia bona heitatao taudia e raka lasi, Heberu taudia e hamaorodia, eto, Farao na e tomu “Uit momona basina hunimui lou;
1644	EXO 5:11	vada baola, sibomui uit momona ba ha tahua; ḡau tamona, emui ḡaukara ahuna basine maraḡi”.
1649	EXO 5:16	Uit momona asie henimai, to e hamaoromaimu, e tomu “Raro amo e kara nadidia a kara”. E dadabamai danu. A kerere be oiemu orea taudia edia kerere.
1650	EXO 5:17	A ia na e haere, eto, Umui na lahedo taumui, lahedo dikadika taumui; una dainai umui na o tomu “A kahumai nege, Iehova baia boua”.
1652	EXO 5:19	Israel taudia edia heitatao taudia vada e diba idia na ihadikadia totona e haduadia, eto “Dina ta ta ai emui ḡaukara ahuna na basine maraḡi”.
1695	EXO 7:9	eto, Farao ese baine hamaoromui, baineto “Hoa karana ta a karaia, baina dibamui”, una negana ai oi ese Aaron ba haduaia, baoto, “Emu itotohi avabia, Farao vairanai ba negea dobi tano ai, gaigai ai bainela”.
1702	EXO 7:16	Bena ba hamaoroa, baoto “Iehova, Heberu taumai emai Dirava, vada eme siaigu dekemu ai, e tomu: Egu orea taudia a kahudia nege, tano ḡaḡaena ai bae toma henigu diho. A oi ese do so kamonai henia.
1704	EXO 7:18	bena Nilo sinavaina gwarumedia bae mase ore bona ranuna baine bodaga; bena Aigupto taudia na Nilo sinavaina ranuna bae dadaraia, basie inua”.
1705	EXO 7:19	Iehova ese Mose ma e hamaoroa, eto, Aaron ba haduaia, baoto “Emu itotohi imamu ai bavabia, ba toia roro Aigupto ranudia daediai, bona edia sinavai badadia bona edia sinavai maraḡidia daediai, bona edia gohu daediai bona edia koupa iboudiai daediai, bena rara ai baela; Aigupto tanona idoinai rara mo baine mia, popou ai bona hodu ai”.
1712	EXO 7:26	Bena Iehova ese Mose ma e haduaia, eto, Farao dekena aola, ba hamaoroa, baoto “Iehova na ini e gwau tomamu: Egu orea taudia a kahudia nege, baela, bae toma henigu diho;
1715	EXO 7:29	Harihari parapara na oi latamu ai bae dae, bona emu orea taudia latadiai, bona emu hesiai taudia iboudiai latadiai”.
1716	EXO 8:1	Iehova ese Mose me e hamaoroa, eto, Aaron ba haduaia, baoto “Emu itotohi imamu ai bavabia, ba toia roro sinavai badadia bona maraḡidia bona gohu daediai, parapara ba hadaedia Aigupto tanona idoinai”.
1727	EXO 8:12	Bena Iehova ese Mose e hamaoroa, eto, Aaron ba haduaia, baoto “Emu itotohi ba toia roro ḡahuna, namo ai bainela, Aigupto tanona idoinai”.
1731	EXO 8:16	Bena Iehova ese Mose e hamaoroa, eto, Daba vaburana ai ba tore isi, Farao ba naria, digu bainela negana ai, bena ba hereva henia, baoto “Iehova ini e gwau tomamu: Egu orea taudia e kahudia nege, bae toma henigu diho.
1734	EXO 8:19	Lauegu orea taudia bona oiemu orea taudia baina hapararadia: kerukeru ina toa ba itaia”.
1744	EXO 9:1	Bena Iehova ese Mose e haduaia, eto, Farao dekenai ba raka vareai, ba hamaoroa, baoto “Iehova, Heberu taumai emai Dirava, ini e gwau tomamu: Egu orea taudia ba kahudia nege, bae toma henigu diho. ?
1747	EXO 9:4	Lau Iehova ese Israel edia seri bona Aigupto edia seri baina hididia: Israel taudia edia ḡau ta basine mase”.
1756	EXO 9:13	Bena Iehova ese Mose e haduaia, eto, Daba matana ai ba tore isi, Farao vairanai ba gini, ba hamaoroa, baoto “Iehova, Heberu taumai emai Dirava, ini e gwau tomamu: Egu orea taudia ba kahudia nege, bae toma henigu diho.
1762	EXO 9:19	Taunabunai, hari dina ai emu boromakau bona emu ḡau iboudiai taora ai e nohomu na ba hakaudia vareai; badina taunimanima bona mauri ḡaudia hahidaosi basio abidia vareai a taora ai bae noho na medu hetarina ese baine aladia bena iboudiai bae mase ore”.
1815	EXO 11:8	Bena ini emu hesiai taudia iboudiai lau dekegu baema, vairagu ai bae goru diho, baeto “A raka lasi, emu orea taudia iboudiai ida”; una murinai baina raka lasi. Bena ia na Farao vairana amo e raka lasi ma badu ḡaraḡarana ida.
1843	EXO 12:26	Bena natumui bae nanadaimui, baeto “Ina toma-diho karana anina be dahaka?”,
1844	EXO 12:27	umui ba haere, baoto “Ina na Iehova ena lagau-hanai boubou karana; Aigupto ai ia ese Israel taudia edia ruma e lagaudia hanai, Aigupto taudia mo e aladia mase, eda iduhu iboudiai e hamauridia”. Bena taunimanima iboudiai e igo diho, e toma diho, e toma diho.
1876	EXO 13:8	Una dina ai natumu do ba hamaoroa, baoto, “Ina na Iehova ese e kahagu Aigupto amo e hakaugu lasi negana dainai”.
1882	EXO 13:14	Bena negana baine kau natumu ese baine nanadaimu, baineto “Ina kara be dahaka?”, oi ese ba haere henia baoto “Iehova imana goadana ese Aigupto, maduna metaudia gabuna, amo e hakaumai lasi;
1883	EXO 13:15	bena Farao ese baine dogomai tao eto negana ai Iehova ese roboa mamaruanedia iboudiai Aigupto tanona ai e aladia mase, taunimanima bona ubu-ubu ḡaudia danu: taunabunai roboa mamaruanedia iboudiai na Iehova ena ihaboulaina ḡaudia ai na halaodiamu, a natugu roboadia na davadia na karamu”.
1885	EXO 13:17	Farao ese Israel taudia e kahudia nege murinai, Dirava ese dala kwadogina, Filistia taudia edia tano ai, se hakaudia; badina be Dirava eto “Idia na tuari mamina bae diba, bena bae helalo kerehai, Aigupto bae lou henia readia”.
1887	EXO 13:19	Mose ese Iosef turiana danu e laohai; badina be Iosef ese Israel taudia taravadia vada e atua, eto “Momokani, Dirava ese baine vadivadi henimui; una negana ai umui ese lau turiagu bavabi kau”.
1893	EXO 14:3	Badina be Farao ese Israel taumui baine herevalaimui, baineto “Idia na tano ḡaḡaena ai e raka hehiri-hehirimu, lalodia vada e haboioboio”.
1895	EXO 14:5	Una negana ai haida ese Aigupto pavapavana e hamaoroa Israel taudia vada e heau; bena Farao mai ena hesiai taudia ida e halalo, lalodia ma e idau Israel taudia ediai. Idia eto “Israel taudia ta kahudia nege, isiaida ilao-henina ai bae doko, anina be dahaka?”
1902	EXO 14:12	Ai na Aigupto ai asia hereva henimu, a, asiato “Emai ai a raka oho, ai na Aigupto taudia isiaidia baia lao heni”, a? Badina be Aigupto taudia isiaidia baiama lao heni be namo, a tano ḡaḡaena ai baiama mase na dika.
1957	EXO 16:9	Bena Mose ese Aaron e haduaia, eto, Israel hegogona idoinai ba hereva henidia, baoto “A raka kahira Iehova vairanai; badina be ia ese emui maumau herevadia vada e kamonai”.
1960	EXO 16:12	Israel taudia edia maumau herevadia vada na kamonai. Harihari ba hereva henidia, baoto “Adorahi ai vamu bavania, bona daba ai aniani bavania, bogamui ba hakunu; bena vada ba diba lau be Iehova, emui Dirava”.
1991	EXO 17:7	Bena una gabu ladana e hatoa Masa bona Meriba, badina be Israel taudia e ḡadeḡade, bona Iehova e dibaḡania, eto “Iehova na dekedekeda ai eiva lasi?”
2031	EXO 19:4	“Aigupto taudia ede na karadia toma vada o itaia, dibamui danu ede na abimui toma, ugava hanidia latadiai na heto, bena na hakaumui mai dekegu ai.
2033	EXO 19:6	Egu hahelaḡa taudia ai baola; bese helaḡana ai baola”. Israel taudia unu ba hamaorodia toma.
2039	EXO 19:12	Hetoa danu bavabia, ororo baine ḡeḡea ahu, bena ba hamaorodia, baoto “Nahuamui ba toho, ororo ai basio dae kau, bona badibadina basiola; daika na ororo ai baine dae kau, vada bae alaia mase;
2040	EXO 19:13	imadia amo basie daua toho, a nadi amo bae hodoa mase eiava diba amo bae tarakia mase; bema taunimanima eiava ubu-ubu ḡauna, to basine mauri. A kibi reḡena daudauna bae kamonai, bena ororo ai bae dara dae”.
2083	EXO 21:5	A hesiai tauna baine hereva hedinarai, baineto “Baigugu bona adavagu bona adavagu bonanatugu na ura henidiamu; una dainai lau basina raka lasi”,
2123	EXO 22:8	Boromakau eiava doniki eiava mamoe eiava dabua bae heailai, bena tau ta baineto “Ḡauna binai egu”, kaha ruaosi na Dirava vairanai bae hahemaoro; bena hahemaoro ai baine kerere tauna ese davana nega harua ia dekena tauna baine henia.
2414	EXO 30:31	Bena Israel taudia ba hamaorodia, baoto “Ina na Iehova ena dehoro helaḡana, uru iboudiai;
2416	EXO 30:33	Tau ta ese dehoro ia heḡereḡerena baine kariai, idau tauna baine dahulaia, ia na ena iduhu amo bae negea daure.”
2447	EXO 32:8	na haḡanilaidia dalana vada e rakatania haraḡa, boromakau natuna laulauna vada e karaia, vada e toma henia diho, vada e boua, e tomu “Israel e, emui dirava binai, Aigupto amo e hakaumui lasi”.
2451	EXO 32:12	Namona be dahaka Aigupto taudia baeto “Ia ese dala dikana amo e hakaudia lasi, ororo ai e aladia mase, tanobada kopina amo e habuadia tari”. Emu badu amo ba raka siri, bona emu orea taudia ialadia amo ba helalo kerehai.
2452	EXO 32:13	Emu hesiai taudia Abraham bona Isaak bona Israel ba lalodia: sibomu o gwau henidia hamata, oto “Umui garamui baina hahutumadia, guba hisiudia na heheto; ina tano idoinai, vada na gwauraia hamata tanona, umui garamui baina henidia, edia tano ai bainela, ela bona hanaihanai”.
2462	EXO 32:23	Badina be idia ese e hamaorogu, eto “Kaivakuku ba karaia emai, ai vairamai ai bainela; badina ba hari Mose, Aigupto amo e hakaumai lasi tauna, na ede ela ai asi dibamai”.
2463	EXO 32:24	Bena lau nato “Mai edia gold taudia na bae koki oho”; bena idia ese e henigu. Lau ese lahi ai na tahoa vareai; bena ina boromakau natuna e lasi.
2475	EXO 33:1	Iehova ese Mose ma e haduaia, eto, Ina gabu amo ba raka lao, oi bona Aigupto amo o hakaudia lasi taudia, lau na gwauraia hamata tanona baola: Abraham bona Isaak bona Iakob na gwau henidia hamata, nato “Umui garamui baina henidia”, tanona bunai.
2479	EXO 33:5	Bena Iehova ese Mose e hamaoroa, eto, Israel taudia ba hamaorodia, baoto “Umui na lalo-auka taumui; nega kwadogi-kwadogi mo bama vasi, bama habuamui tari. Taunabunai, emui herahera ḡaudia ba kokidia oho, bena baina diba ede baina karamui toma”.
2486	EXO 33:12	Mose ese Iehova e hereva henia, eto, Mani a laloa, vada o hamaorogu, oto “Ini taunimanima ba hakaudia lao”; to oi na do so hamaorogu, daika ba siaia baine bamogu. Ma vada o hamaorogu, oto “Ladamu be dibagu, bona na lalo namo henimumu”.
2628	EXO 37:23	Bena lamepa hitu e kara, bona ihaḡoevadia ḡaudia bona momoru iudadia merekidia, iboudiai na gold namo—hereana anmo e kara.
2949	LEV 8:31	Bena Mose ese Aaron mai natuna ida e haḡanidia, eto, Hidiona na ranu ai ba nadua, hebou kalagana iduarana badinai, unuseni ai bavania, bona bosea helaḡana lalonai e miamu flaoana danu, lau na hahedua heḡereḡerena, nato “Aaron mai natuna ida bae ania”.
3098	LEV 13:45	Lepra tauna na dabua hedarena baine hahedokilaia, huina baine ḡiḡia rohoroho, atai bibinana na dabua amo baine koua, baine lolo, baineto “Miro, miro”.
3490	LEV 25:20	Ba henanadai reana, baoto “Laḡani ihahituna ai dahaka baia ania, basia hadohado bona basia taboro negana ai?”
3812	NUM 5:19	Bena ia ese hahine baine taravaia, baineto “Bema adavamu so koia, tau ta ida so heuda hanai, ina ranu iditana, ena be hahedika ḡauna, to basine hadikamu;
3813	NUM 5:20	a bema adavamu o koia, tau ta ida o heuda hanai”
3814	NUM 5:21	(hahelaḡa tauna ese hahine ma baine taravaia, baineto) “Iehova ese kara havara toana bona taravatu itata-utuna toanaai baine halaomu emu bese taudia bogaragidiai; mamumu ruaosi bae mase, bona bogamu baine gudu;
3815	NUM 5:22	momokani, ina hahedika ranuna na bogamu ai baine diho negana ai, bogamu do baine gudu, bona mamumu ruaosi bae mase”. Bena hahine na baineto “Amen, amen”.
4037	NUM 11:12	Ini taunimanima loḡora na lau natugu a? Lau ese na havaradia dainai oi na o tomu “lmamu ai a rosidia, rata e inuamu merona na heto, ela bona senedia na gwau henilaidia hamata tanona ai” a?
4038	NUM 11:13	Vamu na edeseni ai baina abia, ini taunimanima loḡora iubulaidia? Badina be idia na lau vairagu ai e taimu, e tomu “Vamu a henimai, baia ania”.
4043	NUM 11:18	Taunimanima danu ba hamaorodia, baoto: Sibomui ba hahelaḡa ela bona kerukeru, bena vamu bavania; badina be Iehova o tai henia, oto “Daika ese amai vamu baine henimai? Aigupto ai bogamai e kunuva”. Taunabunai, Iehova ese vamu baine henimui, bavania.
4045	NUM 11:20	a hua ena dina iboudiai vamu bavania, ela bona ianina ai ba hesiku, bena ba dadaraia. Badina be Iehova, bogaragimui ai e nohomu Diravana, vada o dadaraia, ia vairanai o tai, oto “Dahaka dainai Aigupto a rakatania?”
4046	NUM 11:21	A Mose eto, Be, egu bese taudia iboudiai be domaga tauratoi aedia amo e rakamu: taudia; a oi na o tomu “Vamu baina henidia, bae ania, ela bona hua ta baine ore”.
4125	NUM 14:16	“Iehova na asi siahuna ina bese na e gwaurai henidia hamata tanona ai baine hakaudia vareai; una dainai ia ese .tano ḡaḡaena ai vada e habuadia ore”.
4137	NUM 14:28	Ba hamaorodia, baoto: Iehova na e tomu “Lau na maurimu dainai, emui hereva lau vada na kamonai heḡereḡeredia unu baina karamui toma;
4144	NUM 14:35	Lau Iehova vada na hereva: momokani, ina orea dikana, lau e inai henigumu oreana, na unu baina karadia toma. Ina tano ḡaḡaena ai taudia bae manori, bona ina tano ḡaḡaena ai bae mase.”
4326	NUM 20:14	Bena Mose ese gwaukau taudia Kade amo e siaidia, Edom pavapavana dekenai, bae hamaoroa, baeto “Tadimu Israel na ini e gwau tomamu: oi dibamu dahaka ḡau dahaka ḡau ese vada e butumai tao;
4329	NUM 20:17	Harihari ai a noimumu, emu tano amo baia raka hanai. Uma ta amo basia raka hanai, eiava vine imeana ta amo basia raka hanai, bona guri ranudia basia inu; Pavapava Dalana ai baia raka. Dala amo basia raka siri, idiba kahana amo eiava lauri kahana amo, ela bona emu tano hetoana baia rakaia hanai.”
4440	NUM 23:23	Mea karadia na asi goadadia Iakob enai, Babalau karadia na asi siahudia Israel enai. Harihari Iakob bona Israel bae herevalaidia, Baeto “Dirava na ede vada e karadia toma?”
4443	NUM 23:26	A Balaam ese Balak e haere henia, eto, Na hamaoromu, ani, nato “Iehova ese e gwauriadiamu herevadia iboudiai na baina kara”.
4460	NUM 24:13	“Ena be Balak ese ena ruma, mai ena silver idoinai bona ena gold idoinai ida, bema henigu, to Iehova ena hereva basinama ha-idaua diba; sibogu egu ura ai kara namonata eiava kara dikana ta basinama karaia diba, a Iehova ena hereva mo baina gwauraia”.
4556	NUM 26:65	badina be Iehova ese vada e herevalaidia, eto “Tano ḡaḡaena ai bae mase”. Taunabunai ta dia mauri; Kaleb lefune bona Iosua Nunu, idia raruosi mo sibodia dounu e mauri nohova.
4731	NUM 32:11	“Momokani, Israel taudia Aigupto amo vada e raka lasi, laḡani ruahui vada e hanai taudia iboudiai, ta ese lau vada na gwauraia hamata, Abraham bona Isaak bona Iakob baina henidia nato, tanona basine itaia, lasi vaitani, badina be idia na asie abidadama henigu;
4732	NUM 32:12	una dainai Kaleb lefune, Kenisi tauna, bona Iosua Nunu mo bae itaia, badina be idia raruosi mo Iehova vada e abidadama henia”.
4922	DEU 1:28	Ede baitala? Tadikakada ese vada e hagarida, eto “Una tano taudia na babada bona lalata; ita na mamaraḡi bona kwakwadogi; edia hanua na babada, maḡudia danu e daemu ela bona guba ai; ina danu, Anakim taudia unuseni ai a itadia”.
4951	DEU 2:11	Haida ese ladadia e hatomu “Refaim”, Anakim taudia e gwauraidiamu heḡereḡerena; a Moab taudia ese ladadia e hatomu “Emim”.
4960	DEU 2:20	(Una tano ladana ta be “Refaim”, badina be gunaguna Refaim taudia unuseni ai e nohova. A Amono taudia ese ladadia e hato “Samsumim”:
4986	DEU 3:9	(Hari Heremon ororona na Sidono taudia ese ladana e hatoamu “Sirion”, a Amoro taudia ese ladana e hatoamu “Seniri”).
4990	DEU 3:13	A Gilead kahana bona Basan, Og ena basileia, idoinai, Aragob tanona idoinai mai Basan ida, lau ese Manase iduhuna kahana taudia na henidia. (Una Basan tanona na ladana e hatoamu “Refaim taudia edia tano”.
4991	DEU 3:14	Iairi Manase ese Basan tanona, Aragob tanona idoinai ela bona Gesuru taudia edia tano bona Maakata taudia edia tano, e abia, unu tano hanuadia ladadia e hato “Havoto-iairi”, ia inemaina; ladana na unu e hatoa tomamu emabona hari.)
5012	DEU 4:6	Ba badinadia, bona karadia ba kara; badina be emui aonega bona emui lalo-parara na unu amobae hedinarai, bese idau-idau vairadiai. Bena ini taravatu iboudiai baekamonai negana ai na baeto “Momokani ina bese badana na aonega bona lalo-parara besena”.
5016	DEU 4:10	Horeb ai Iehova emu Dirava vairanai o gini dinana ai, Iehova ese lau e hereva henigu, eto “Taunimanima ba haboudia vairagu ai, egu hereva bae kamonai, bena lau garigu bae gari, tanobada ai bae noho dinadia iboudiai, bona natudia bae hadibadia, idia danu unu bae kara toma”.
5085	DEU 5:30	Baola, ba haḡanidia, baoto “Emui kalaga ba lou heni”.
5108	DEU 6:20	Nega gabena ai natumu ese baine nanadaimu, baineto “Ini haheḡani bona hahedua bona taravatu Iehova, eda Dirava, ese vada e henida anidia be dahaka?”
5130	DEU 7:17	Readia lalomu ai baoto “Ini bese ese lau e hereagumu: ede baina luludia lasi toma?”
5156	DEU 8:17	Taunabunai, lalomu ai basioto “Lau siahugu bona imagu goadana ese ina taḡa vada na abia, egu”.
5161	DEU 9:2	Unu bese taudia na babada bona lalata; idia na Anakim taudia: dibamui, bona haridia vada o kamonai, e tomu “Anak natuna vairadiai daika baine gini?”
5163	DEU 9:4	Iehova, emui Dirava, ese vairamui ai baine luludia lasi murinai, lalomu ai basioto “Egu kara maoromaoro dainai Iehova ese ina tano vada e henigu”. Lasi; idia edia kara havara daidiai Iehova ese unu bese na vairamui amo baine luludia lasi.
5182	DEU 9:23	Bena Iehova ese Kade-baranea amo ma e siaimui, eto “Vada aola; vada na henimui tanona bavabia”. Una negana ai umui na o gwau edeede, Iehova emui Dirava ena haheḡani asio badinaia, bona asio abidadama henia, bona gadona asio kamonai.
5187	DEU 9:28	emu hahekau dainai a rakatania tanona taudia ese bae kirikirilaimu na garina, baeto “Iehova na asi goadana e gwaurai henidia hamata tanona ai baine hakaudia vareai”, bona “E inai henidia dainai vada e hakaudia lasi tano ḡaḡaena ai, baine aladia mase totona”.
5262	DEU 12:20	Iehova, emui Dirava, ese emui tano baine habadaia, vada e gwau henimui hamata heḡereḡerena, bena gado dainai baoto “Lau na vamu baina ania”, una negana ai vamu do bavania, emui ura heḡereḡerena.
5272	DEU 12:30	una negana ai nahuamui ba toho, idia do bae hebua tari murinai edia dala ai ba raka na garina, bona edia dirava ba herevalaidia, baoto “Ini bese na edia dirava ede e toma henidia diho tomamu Lau danu unu baina kara toma”, na garina.
5276	DEU 13:3	gabeamo ia ese e gwauraia guna toana eiava hoa karana bema vara, bena ia bema toma “Dirava idaudia, umui do asi dibamui diravadia, baita tahudia bona isiaidia baita lao heni”,
5280	DEU 13:7	Readia tadikakamu korikorina eiava natumu maruanena eiava natumu hahinena eiava adavamu lalokauna eiava turamu lalokauna ese lalomu baine ania hehuni, baineto “Dirava idaudia isiaidia baita lao heni”. Unu dirava na readia oi asi dibamu bona senemu asi dibadia diravadia,
5287	DEU 13:14	kara havara taudia haida bogaragimui amo vada e raka lasi, hanua taudia lalodia vada e ani, eto, “Dirava idaudia, umui do asi dibamui diravadia, isiaidia baita lao heni”.
5330	DEU 15:9	Nahuamu ba tohoa danu, lalomu ba hadaia kerere na garina, baoto “Laḡani ihahituna, abi-torehai igwau-taodia laḡanina, vada eme kahikahi”, bena varavaramu ogoḡaminaba vaira hua henia, bona ḡau ta basio henia; bena ia ese Iehova baine tai henia, oi baine habadelaimu, kara dika taumu.
5337	DEU 15:16	A ia ese oi mai emu ruma taudia ida bema lalokau henimui, dekemui ai ena noho na namo dainai, bena bema toma “Lau na asina uramu baina rakatanimu”,
5382	DEU 17:16	Ḡau tamona, ia ese ena hosi basine hahohodia, bona ena orea taudia basine siaidia lou Aigupto ai, hosi ihahohodia totona. Badina be Iehova ese vada e hereva henimui, eto “Nega ta una dala amo basio lou lao”.
5402	DEU 18:16	Horeb ai, hebou badana dinana ai, Iehova, emui Dirava, o noia heḡereḡerena, oto “Mani emu kara Iehova, emai Dirava, erena basia kamonai lou, bona ina lahi badana basia itaia lou, baia mase garina”.
5407	DEU 18:21	Readia oi lalomu ai baoto “Iehova ese se gwauraia herevana na ede baia diba toma?”
5469	DEU 21:20	bena hanua taubadadia bae hamaorodia, baeto “Natumai binai e daḡedaḡemu bona e gwau edeedemu, bona eremai se kamonaimu; ia na aniani dika tauna bona vine ranuna e inu momomu tauna”.
5486	DEU 22:14	bena hemarai herevana bema tahotaholaia, ladana bema hadikaia bema toma “Ina hahine na abia, a ia ida a eno bou negana ai na diba ia na dia rami-hebou ulatona”.
5488	DEU 22:16	Bena hahine tamana ese hanua taubadadia baine hereva henidia, baineto “Natugu na ina tau na henia, baine adavaia, to se ura heniamu dainai
5489	DEU 22:17	ia ese vada e hahemaraia, eto ia na dia rami-hebou ulatona; a natugu ena rami-hebou toadia bini”. Bena idia ese hari dabua na bae papaia, hanua tau-badadia vairadiai.
5556	DEU 25:7	A ihana na iabina basinema ura, hari vabu na hanua tau-badadia dekediabainela, hanua ikoukouna ai; baineto “Ihagu na se uramu tadikakana dihina baine havaraia Israel ai; vabu ihana ena kara ikarana ai e gwau edeedemu”,
5557	DEU 25:8	Bena hanua tau-badadia ese una tau bae boiria, bae hereva henia. Benaena hereva bema ha-aukaia, bema toma “Lau na iabina asina uramu”,
5558	DEU 25:9	vabuna baine raka kahira, hanua tau-badadia vairadiai una tau ena tamaka na aena amo baine veria oho, bona vairana baine kanudia, baineto “Tadikakana garana basine havaradia tauna na ene baine heto”.
5559	DEU 25:10	Bena una tau ena ruma na Israel ai ladana bae hatoa “Tamaka veri-oho tauna ena ruma”.
5571	DEU 26:3	Bena hahelaḡa karadia una dina ai e karamu tauna dekena baola.l, baoto “Hari dina ai na gwauraia hedinaraimu, lau na Iehova ese seneda e gwaurai henidia hamata tanona ani vada na kau”.
5602	DEU 27:15	Laulau ta au amo eiava nadi amo eiava auri amo e koroamu tauna na.bae uduguiraia. Unuhetomana, taunimanima imadia amo e karaiamu bona gabu hehunina ai e haginiamu, be Iehova ese e dadaraiamu. (Bena taunimanima iboudiai bae haere, baeto “Amen”.)
5603	DEU 27:16	Tamana bona sinana se matauraidiamu tauna na bae uduguiraia. (Bena taunimanima iboudiai baeto “Amen”.)
5604	DEU 27:17	Dekena tauna ena tano hetoana e raḡaiamu tauna na bae uduguiraia. (Bena taunimanima iboudiai baeto “Amen”.)
5605	DEU 27:18	Matakepulu tauna e koiamu, dala amo e hakaua sirimu, tauna bae uduguiraia. (Bena taunimanima iboudiai baeto “Amen”.)
5606	DEU 27:19	Idau tauna enai eiava ihareha enai eiava vabu enai hahemaoro e hagagevaiamu tauna na bae uduguiraia. (Bena taunimanima iboudiai baeto “Amen”.)
5607	DEU 27:20	Tamana adavana ida e eno boumu tauna na bae uduguiraia, badina be ia ese tamana vada e haida hahemaraia. (Bena taunimanima; iboudiai baeto “Amen”.)