39	GEN 2:8	Dirava Iehova ese imea ta e karaia, ladana Eden, mairiveina kahana ai, bena vada e karaia tauna unuseni ai e atoa, baine noho.
41	GEN 2:10	Eden imeana amo sinavai ta e aru ela, imea e hapariparia; e aru parara, sinavai hani ai ela.
44	GEN 2:13	Sinavai iharuana ladana na Gihon: una sinavai be Etiopia tanona e arua heḡeḡe.
45	GEN 2:14	Sinavai ihatoina ladana na Tigris: ia be Asuria tanona mairiveina kahana amo e aru Iaomu. Sinavai ihahanina na Eufrate.
46	GEN 2:15	Dirava Iehova ese hari tau e abia, Eden imeana ai e atoa, ia ese baine biru henis bona baine reḡua.
72	GEN 3:16	Hahine danu e gwau henia, eto, Emu rogorogo hisina lau ese baina habadaia; hisihisi ai ba mara, to adavamu ba ura henia, ia ese biagumu ai bainela.
93	GEN 4:13	Bena Kain ese Iehova e hamaoroa, eto, Egu dika davana na metau herea; egu haheauka basine heḡereḡere.
96	GEN 4:16	Bena Kain na Iehova vairana amo e raka lasi, Nod tanona ai eha noho, Eden mairiveina kahana ai.
97	GEN 4:17	Bena Kain na adavana ida e eno bou; bena hahine na e rogorogo, e mara, Enok e abia. Bena Kain ese hanua ta e hadaia, una hanua ladana e hatoa Enok, natuna ladana heḡereḡerena.
98	GEN 4:18	Enok natuna na Irad. Irad ese Mehuiael e havaraia, bona Mehuiael ese Metusael e havaraia, bona Metusael ese Lamek e havaraia.
106	GEN 4:26	Bena Set ese natuna e havaraia, ladana e hatoa Enos. Una negana ai taunimanima ese Iehova ladana e hahanea matama.
112	GEN 5:6	Set ena mauri laḡanidia na sinahu-ta dikoana ima negana ai, ia ese Enos e havaraia;
113	GEN 5:7	bena Enos e vara murinai Set na laḡani sinahu-taurahani dikoana hitu e mauri nohova, natuna mamaruanedia bona hahinedia e havaradia.
115	GEN 5:9	Enos ena mauri laḡanidia na taurahani-ta-ahui negana ai, ia ese Kenan e havaraia;
116	GEN 5:10	bena Kenan e vara murinai Enos na laḡani sinahu-taurahani gwauta-ima e mauri nohova, natuna mamaruanedia bona hahinedia e havaradia.
117	GEN 5:11	Enos ena mauri laḡanidia iboudiai na sinahu-taurahani-ta dikoana ima: bena e mase.
124	GEN 5:18	Iared ena mauri laḡanidia na sinahu-ta tauratoi-ahui rua negana ai, ia ese Enok e havaraia;
125	GEN 5:19	bena Enok e vara murinai Iared na laḡani sinahu-taurahani e mauri nohova, natuna mamaruanedia bona hahinedia e havaradia.
127	GEN 5:21	Enok ena mauri laḡanidia na tauratoi-ahui ima negana ai, ia ese Metusela e havaraia.
128	GEN 5:22	Metusela e vara murinai Enok na Dirava ida e hebamo heheniva ela bona laḡani sinahu-toi e ore; natuna mamaruanedia bona hahinedia danu e havaradia.
129	GEN 5:23	Enok ena mauri laḡanidia na sinahu-toi tauratoi-ahui ima;
161	GEN 7:1	Iehova ese Noa e hamaoroa, eto, Emu ruma taudia iboudiai lagatoi lalonai ba hakaudia vareai, badina be vada na itamu, ina uru ai oi sibomu kara maoromaoro taumu.
209	GEN 9:3	E maurimu bona e loamu ḡaudia iboudiai na amui vamu; aniani avadia vada na henimui heḡereḡerena, ini danu na henimuimu, amui;
217	GEN 9:11	Egu taravatu lau ese baina badinaia umui emui ai: mauri ḡaudia na utu-utu ta ese basine aladia lou; utu-utu badana ta basine utua dae lou, tanobada basine hadikaia lou.
218	GEN 9:12	Dirava ma eto, Egu taravatu na henimuimu, lauegu bona umui emui danu, mauri ḡaudia umui ida nonoho iboudiai edia danu, ela bona uru iboudiai, toana binai:
235	GEN 9:29	Ena mauri laḡanidia iboudiai na sinahu-taurahani-ta imahui: bena e mase.
239	GEN 10:4	Iavan natuna bini: Elisa bona Tarasisi; bona Kitim besena bona Dodanim besena danu ia ese e havaradia.
245	GEN 10:10	Matamana ai ena basileia na Babel bona Ereke bona Akad bona Kalne, Sinara tanona ai.
251	GEN 10:16	E havaradia besedia danu bini: Iebusu bona Amoro bona Girigasa
256	GEN 10:21	Sem danu, Iafet kakana, Ebere natuna tamadia, natuna mamaruanedia haida ma e havaradia.
257	GEN 10:22	Sem natuna bini: Elam bona Asuru bona Afasad bona Lud bona Aram.
259	GEN 10:24	Afasad ese Sela e havaraia, bona Sela ese Ebere e havaraia.
260	GEN 10:25	Ebere natuna mamaruanedia na rarua. Ta ladana na Peleg, badina be iena nega ai tanobada besedia na e haheparara. Tadina ladana na Iokotan.
265	GEN 10:30	Edia tano na Mesa amo e laomu, mairiveina ororona ladana Sefara kahana ai.
281	GEN 11:14	Sela ena mauri laḡanidia na toi-ahui negana ai, ia ese Ebere e havaraia.
282	GEN 11:15	Ebere e vara murinai Sela na laḡani sinahu-hani dikoana toi e mauri nohova, natuna mamaruanedia bona hahinedia e havaradia.
283	GEN 11:16	Ebere ena mauri laḡanidia na toi-ahui hani negana ai, ia ese Peleg e havaraia.
284	GEN 11:17	Peleg e vara murinai, Ebere na laḡani sinahu-hani toi-ahui e mauri nohova, natuna mamaruanedia bona hahinedia e havaradia.
300	GEN 12:1	Una negana ai Iehova ese Abram e hamaoroa, eto, Emu tano bona varavaramu bona tamamu ena ruma ba rakatanidia, lau ese baina hamaorolaimu tanona baola.
317	GEN 12:18	Bena Farao ese Abram e boiria, e gwau henia, eto, Ede vada o karagu toma? Dahaka dainai oi so hamaorogu ia na oi adavamu?
318	GEN 12:19	Edeheto o koigu, oto ia na oi taihumu; bena na adavaia? Vadaeni, adavamu binai: bavabia, ba raka oho.
320	GEN 13:1	Abram ese Aigupto tanona e rakatania, ia mai adavana ida. Ena kohu idoinai e laohaia; Lot danu e hakaua lao. Idia na diho kahana amo e lou.
338	GEN 14:1	Amarafel ese Sinara tanona e lohiaia, Ariok ese Elasara tanona e lohiaia, Kedoralaomere ese Elam tanona e lohiaia bona Tidala ese Goimi tanona e lohiaia negana ai,
342	GEN 14:5	Bena laḡani ihagwauta-hanina ai Kedoralaomere bona ia e duruava lohiadia na e tore isi, Refaim taudia na Astaroto-karanaimi ai e hadareredia, bona Susim taudia na Ham ai e hadareredia, bona Emim taudia na Savekiriataimi ai e hadareredia,
343	GEN 14:6	Hori taudia danu edia ororo, ladana Seiri, ai e hadareredia, bona e hahavadia lao ela bona El-paran, tano ḡaḡaena badinai.
344	GEN 14:7	Bena e lou ema bona En-mispat (ladana ta be Kade); bena Amalek taudia edia tano e havahua, bona Amoro taudia Hasasono-tamara ai e nohova edia tano danu.
346	GEN 14:9	idia laima-osi ese Kedoralaomere, Elam pavapavana, bona Tidala, Goimi pavapavana, bona Amarafel, Sinara pavapavana, bona Ariok, Elasara pavapavana, hahaniosi na e tuari henidia.
350	GEN 14:13	Bena e heau mauri tauna ta ela, Abram, Heberu tauna, e hamaoroa. Ia na Mamare, Amoro tauna, Eskol bona Anere kakadia, ena au helaḡadia badibadi-diai e nohova, bona idia tatoiosi ida e hetura.
361	GEN 14:24	Egu memero adia aniani mo ba henigu; a kohu be e bamogu taudia tatoiosi, Anere bona Eksol bona Mamare, ahudia ba henidia, vadaeni.
363	GEN 15:2	Bena Abram eto, Ḡaubada Iehova e, dahaka ba henigu? Lau na asi natugu; dihigu be hari Eliesere, Damasko tauna.
379	GEN 15:18	Una dina ai Iehova ese Abram e gwau henia hamata, eto, Lau ese ina tano na oi garamu vada na henidia, Aigupto sinavaina amo ela bona sinavai badana, ladana na Eufrate:
411	GEN 17:13	Emui ruma ai bae vara memerodia bona ba hoidia memerodia, iboudiai ba peritomedia: unu amo egu taravatu toana na kopimui ai baine mia, badina be ia na mia-hanaihanai taravatuna.
415	GEN 17:17	Bena Abraham na tano ai e goru diho, to lalona ai e kiri, eto, Ena mauri laḡanidia na sinahu-ta tauna ese natuna baine havaraia a? Sara danu ena mauri laḡanidiana taurahani-ta-ahui be baine mara a?
417	GEN 17:19	A Dirava ese Abraham e haere henia, eto, Lasi, adavamu Sara ese natumu ta baine havaraia, ladana ba hatoa Isaak. Egu taravatu baina badinaia ienai bona murinai bae vara garana ediai, ela bona hanaihanai.
425	GEN 17:27	Ena ruma tataudia iboudiai danu, ena ruma ai e vara taudia bona bese idau edia amo e hoidia taudia, iboudiai na ia ida e pentomedia nega tamona ai.
430	GEN 18:5	Aniani taina danu mani aina mailaia, taumui ihagoadadia; gabeamo emui dala ai do ba raka. Lau, emui hesiai tauna, egu ai vada o kau badina korikori binai. Idia eto, Emu hereva heḡereḡerena vada ba karaia.
437	GEN 18:12	Taunabunai, Sara na e kiri, eto, Egu nega vada e ore, bona adavagu danu vada e buruka, be, moale baina davaria diba a?
442	GEN 18:17	Bena Iehova eto, Egu kara na Abraham ena amo baina hunia, namo eiava?
460	GEN 19:2	eto, Egu lohia e, lau, emui hesiai tauna, egu ruma ai mani a dae kau, ba noho rani, aemui danu ba huri; bena daba ai ba tore isi, emui dala ai ba raka. Idia eto, Lasi; hanua ariarana ai baia noho rani.
474	GEN 19:16	E halahe, bena raruosi ese ia imana bona adavana imana bona natuna ulatodia raruosi imadia e abi, hanua murimurinai e hakaudia lasi; badina be Iehova ese e bogaia hisi.
475	GEN 19:17	E hakaudia lasi, bena eto, Ba heau mauri, basio roha muri, taora ai basio halahe. Ororo ba heau lao, ba mase na garina.
476	GEN 19:18	Bena Lot ese e noidia, eto, Egu lohia e, dia unuheto.
479	GEN 19:21	Bena Iehova eto, Emu noinoi tamona binai ma na abia daemu; hari o noilaiamu hanuana na basina habuaia tari.
505	GEN 20:9	Bena Abimelek ese Abraham e boiria, eto, Ede vada o karamai toma? Ede na hadikamu toma dainai lau bona egu basileia ini vada o hakereremai toma? Hegwau-tao karana ta vada o kara henigu.
543	GEN 21:29	Abimelek ese Abraham e nanadaia, eto, Ene mamoe natudia hitu kaha ta ai o atodia tabe be dahaka?
572	GEN 22:24	Ena hesiai hahinena Reuma ese danu natuna e havaradia: ladadia na Teba bona Gaham bona Tahasa bona Maaka.
580	GEN 23:8	e hamaorodia, eto, Lalomui bema heḡereḡere egu mase iniseni ai bama guria, Efron Sohara boma noia daigu ai:
582	GEN 23:10	Hari Efron na Hiti taudia bogaragidiai e helaiva. Bena Efron, Hiti tauna, ese Abraham e haere henia, Hiti taudia vairadiai bona ena hanua taudia iboudiai vairadiai, eto,
585	GEN 23:13	Bena Abraham ese Efron e hereva henia, una gabu taudia vairadiai, eto, Mani a hakala henigu: una tano davana mani aina henimu; avabia, bena egu mase unuseni ai baina guria.
586	GEN 23:14	Bena Efron ese Abraham e haere henia, eto,
587	GEN 23:15	Ḡauka e, a kamonai: una tano davana na silver sekeledia sinahuhani. Ita raruosi padadai una na ḡau ta a? Emu mase unuseni ai ba guria.
588	GEN 23:16	Abraham ese Efron ena hereva e kamonai, Hiti taudia vairadiai tano davana unu e gwauraia toma, bena silver sekele dia sinahu-hani, idia edia sekeleheḡereḡeredia, e henia.
589	GEN 23:17	Taunabunai Efron ena tano Makapela ai, Mamare badinai, mai kohuana bona mai auna iboudiai na
606	GEN 24:14	Na noimumu, hane-ulato ta baina hamaoroa, bainato “Emu hodu bavatoa diho, ranu kuri ta ba henigu, baina inua”, bena ia baineto “Madi ba inua; emu kamelo danu baina ha-inulaidia”, haneulatona bunai oiemu. abi-hidi ulatona, emu hesiai tauna Isaak ba henia ulatona mo. Unu amo baina diba oi na biagugu vada o bogaia hisimu.
607	GEN 24:15	Ena ḡuriḡuri do se ore ai, hane-ulato ta ladana Rebeka ena hodu e ehea ema. Ia na Betuel natuna; tubuna hahinena na Milka, Abraham tadina Nahoro adavana.
609	GEN 24:17	Bena hari hesiai tauna e heau ela, e hereva henia, eto, Emu hodu ranuna kuri ta mani aina inua.
615	GEN 24:23	E nanadaia, eto, Oi be daika natuna? Tamamu ena ruma na mai gabuna, ai baia noho, eiava?
635	GEN 24:43	ini boma hamomokania toma: ina ranu gabuna ai na nohomu ai hane-ulato ta ranu utu bainema bena baina hereva henia, bainato “Emu hodu ranuna kuri ta a henigu, aina inua”, bena ia baineto
663	GEN 25:4	Midian ese Efa bona Efere bona Hanok bona Abida bona Eldaha e havaradia. Ini iboudiai na Ketura garana.
668	GEN 25:9	Bena ia natuna raruosi, Isaak bona Ismael, ese e abia, Makapela kohuana ai e guria: una kohua na Mamare kahana ai, Efron Sohara, Hiti tauna, ena tano ai.
676	GEN 25:17	Ismael ena mauri laḡanidia na sinahuta toi-ahui hitu. E mase, varavarana ediai eha hebou.
677	GEN 25:18	Edia tano na Havila ela bona Suru, Aigupto mairiveina kahana ai; tadikakadia iboudiai idia mo mairiveina kahana korikori ai e nohova.
683	GEN 25:24	Ena mara negana e gini dae, bena memero rarua e vara hekapa.
684	GEN 25:25	E vara guna merona na mia kakakaka, derana danu momo, dabua huika-huika na heto; ia ladana e hatoa Esau.
685	GEN 25:26	Gabeai tadina e vara, bena ia imana ese Esau aena geduna e dogoa tao; bena ladana e hatoa Iakob. Isaak ena mauri laḡanidia na tauratoi-ahui, idia raruosi e vara negana ai.
686	GEN 25:27	Memero raruosi na e bada oho bada oho. Esau na labana tauna mai aonegana, bona loaloa tauna; a Iakob na manada tauna bona konenoho tauna.
687	GEN 25:28	Isaak ese Esau e lalokau heniava, badina be ena labana damudia e aniva; a Rebeka ese Iakob e lalokau heniava.
688	GEN 25:29	Dina ta Iakob ese aniani e nadua; bena Esau na gunika amo e lasi mai manorina ida.
689	GEN 25:30	Esau ese Iakob e hereva henia, eto, Ena aniani kakakakana o naduamu na taina a henigu, aina ania, badina be e hitologu mase. Una dainai ia ladana ta e hatoa Edom.
690	GEN 25:31	Iakob eto, Emu roboa ahuna na a henigu, aniani davana.
691	GEN 25:32	Esau eto, Be, mokona ba masemu, roboa ahuna ese ede baine hanamogu toma?
692	GEN 25:33	Iakob eto, A gwau hamata guna. Bena Esau e gwau hamata, roboa ahuna Iakob e henia, aniani davana.