16	GEN 1:16	Dirava ese diari badadia rua e kara: badana ese dina baine lohiaia, bona maraḡina ese hanuaboi baine lohiaia eto. Hisiu danu e kara.
49	GEN 2:18	Dirava Iehova ma eto, Hari tau na sibona baine noho na dia namo; lau ese ia bamona aina karaia.
54	GEN 2:23	Bena Adam eto, Ina na turiagu turiana bona hidiogu hidiona: ladana bae hatoa Hahine, badina be Tau ena amo vada e abia lasi.
62	GEN 3:6	Hahine ese e itaia, una au huahuana be aniani ḡauna namona, ita-itana danu namo, bona lalo-parara ihavarana ḡauna; bena ia ese e abia, adavana danu e henia, ia danu e ania.
69	GEN 3:13	Bena Dirava Iehova ese hahine e gwau henia, eto, Ina na dahaka vada o karaia? Hahine na eto, Gaigai ese e koigu, bena na ania.
72	GEN 3:16	Hahine danu e gwau henia, eto, Emu rogorogo hisina lau ese baina habadaia; hisihisi ai ba mara, to adavamu ba ura henia, ia ese biagumu ai bainela.
76	GEN 3:20	Bena Adam ese adavana ladana e hatoa Heva badina be ia na mauri taudia iboudiai sinadia.
77	GEN 3:21	Bena Dirava Iehova ese boromakau kopidia amo hahedoki dabuadia e kara, Adam ena bona adavana Heva ena, raruosi e hadabualaidia.
81	GEN 4:1	Adam na adavana Heva ida e eno bou: bena Heva e rogorogo, e mara, Kain e abia; eto, Tau ta Iehova ena amo vada name abia.
91	GEN 4:11	Harihari ela, uduna e haḡaia tadimu rarana imamu amo e abia tanona ese baine hadikamu.
92	GEN 4:12	Harihari ela, ba biru negadia ai na tano ese anina basine henimu. A oi na heau bona loa kava tauna ai do baola tanobada ai.
102	GEN 4:22	A Sila na e mara, Tubala-Kain e abia: ia na auri-laboralabora bona auri iḡaukaralaidia tauna ai ela. Hari Tubala-Kain taihuna ladana na Naamaha.
138	GEN 5:32	Noa ena mauri laḡanidia na sinahu-ima negana ai, ia ese Sem bona Ham bona Iafet e havaradia.
148	GEN 6:10	Noa ese natuna mamaruanedia tatoi e havaradia: Sem bona Ham bona Iafet.
173	GEN 7:13	Una dina ai Noa mai adavana ida, bona natuna tatoiosi, Sem bona Ham bona Iafet, mai adavadia ida, lagatoi ai e gui.
198	GEN 8:14	Hua iharuana ena dina iharuahui-hituna ai tanobada e kaukau vaitani.
224	GEN 9:18	Noa natuna mamaruanedia, lagatoi amo e raka lasi taudia, ladadia na Sem bona Ham bona Iafet. Ham na Kanaan tamana.
228	GEN 9:22	Bena Ham, Kanaan tamana, ese tamana na ḡaḡaena mo e itaia; bena e raka lasi, tadikakana raruosi e hamaorodia.
236	GEN 10:1	Noa natuna tatoisi, Sem bona Ham bona Iafet, garadia bini, utu-utu badana murinai e havaradia.
241	GEN 10:6	Ham natuna bini: Kusu bona Misraim bona Put bona Kanaan.
242	GEN 10:7	Kusu natuna bini: Seba bona Havila bona Sabata bona Raama bona Sabateka. Raama natuna bini: Seba bona Dedan.
244	GEN 10:9	Ia danu hetaraki tauna mai goadana Iehova vairanai; una dainai taunimanima edia hereva ta e tomu “Hetaraki tauna mai goadana Iehova vairanai, Nimrod bamona”.
250	GEN 10:15	Kanaan natuna bini: Sidono, tau roboana, bona Het.
252	GEN 10:17	bona Hivi bona Araka bona Sini
253	GEN 10:18	bona Aravada bona Semara bona Hamat. Gabeamo Kanaan iduhudia na e karoho, kaha idau-idau ai eha noho;
255	GEN 10:20	Ini iboudiai, mai edia iduhu idau-idau bona edia gado idau-idau bona edia tano idau-idau bona edia bese idau-idau na Ham ena amo e vara.
258	GEN 10:23	Aram natuna bini: Usu bona Hulu bona Getere bona Masa.
261	GEN 10:26	Iokotan natuna bini: Alamodad bona Selefe bona Hasaramavete bona Iera
262	GEN 10:27	bona Hadoram bona Usala bona Dikila
264	GEN 10:29	bona Ofiri bona Havila bona Iobab. Ini iboudiai na Iokotan natuna.
293	GEN 11:26	Tera ena mauri laḡanidia na hitu-hitu negana ai, ia ese Abram bona Nahoro bona Haran e havaradia.
294	GEN 11:27	Tera garana bini: Tera ese Abram bona Nahoro bona Haran e havaradia. Haran ese Lot e havaraia.
295	GEN 11:28	Tamana Tera do se mase negana ai, Haran e mase guna, e vara gabuna ai, Uru, Kaldea taudia edia hanua ta, unuseni ai eha mase.
296	GEN 11:29	Abram e headava; Nahoro danu e headava. Abram adavana ladana na Sarai. Nahoro adavana ladana na Milka, Haran natuna. Una Haran natuna na Milka bona Iska.
298	GEN 11:31	Tera ese natuna Abram bona tubuna Lot, Haran natuna, bona ravana Sarai, Abram adavana, e abidia, Kaldea taudia edia hanua, Uru, amo e hakaudia lasi, Kanaan tanona baela eto. Bena gabu ta ai e kau, ladana Haran, unuseni ai e noho.
299	GEN 11:32	Tera ena mauri laḡanidia iboudiai na sinahurua dikoana ima Tera na Haran ai e mase.
304	GEN 12:5	Abram ena mauri laḡanidia na hitu-ahui ima, Haran e rakatania negana ai. Abram ese adavana Sarai bona vavana Lot e hakaudia lao, edia kohu iboudiai bona edia hesiai memerodia Haran ai e davaridia danu e laohaidia; e tore tore isi, Kanaan tanona baela eto. Bena Kanaan tanona ai e kau.
337	GEN 13:18	Bena Abram na ena dabua kalagana e lokua, e tore isi, ela, Heberon ai e taruha, Mamare ena au helaḡadia badidiai. Unuseni ai ihaboulaina patana ta e larebaia, Iehova ena.
342	GEN 14:5	Bena laḡani ihagwauta-hanina ai Kedoralaomere bona ia e duruava lohiadia na e tore isi, Refaim taudia na Astaroto-karanaimi ai e hadareredia, bona Susim taudia na Ham ai e hadareredia, bona Emim taudia na Savekiriataimi ai e hadareredia,
343	GEN 14:6	Hori taudia danu edia ororo, ladana Seiri, ai e hadareredia, bona e hahavadia lao ela bona El-paran, tano ḡaḡaena badinai.
344	GEN 14:7	Bena e lou ema bona En-mispat (ladana ta be Kade); bena Amalek taudia edia tano e havahua, bona Amoro taudia Hasasono-tamara ai e nohova edia tano danu.
350	GEN 14:13	Bena e heau mauri tauna ta ela, Abram, Heberu tauna, e hamaoroa. Ia na Mamare, Amoro tauna, Eskol bona Anere kakadia, ena au helaḡadia badibadi-diai e nohova, bona idia tatoiosi ida e hetura.
352	GEN 14:15	Hanuaboi ai ena orea e hapararaia, kahana kahana amo e tuari henidia, e hadareredia, e hahavadia ela bona Hoba, Damasko mirigini kahana ai.
355	GEN 14:18	Bena Melkisedek, Salem pavapavana, Dirava Herea Mikamika ena hahelaḡa tauna, ese flaoa bona vine ranuna e laohai, e dabara.
356	GEN 14:19	Ia ese Abram e hanamoa, eto, Dirava Herea Mikamika, guba bona tanobada ikaradia Diravana, ena hahenamo be Abram latanai baine mia;
357	GEN 14:20	Dirava Herea Mikamika danu aita imodaia, badina be ia ese oi inaimu na imamu ai vada e atodia kau. Bena Abram ese e abi kohudia iboudiai e karoadia, karoa gwauta; bena karoa ta Melkisedek e henia.
359	GEN 14:22	A Abram ese Sodoma pavapavana e haere henia, eto, Lau ese Iehova, Herea Mikamika Diravana, guba bona tanobada ikaradia Diravana, vada na gwvau henia hamata,
381	GEN 15:20	Hiti taudia edia tano, Perisi taudia edia tano, Refaim taudia edia tano,
383	GEN 16:1	Sarai, Abram adavana, vada e gabani, natuna ta se havaraia iena. Ia na mai ena hesiai hahinena ta, hane Aigupto, ladana be Hagara.
385	GEN 16:3	Taunabunai, Abram na laḡani gwauta Kanaan tanona ai vada e noho negana ai, Sarai ese ena hesiai hahinena Hagara, hane Aigupto, e abia, adavana Abram e henia, baine adavaia.
386	GEN 16:4	Bena ia na Hagara ida e eno bou. Bena hahine na e rogorogo; bena dibana vada e rogorogo dainai ia ese biaguna hahinena se matauraia.
388	GEN 16:6	A Abram ese Sarai e haere henia, eto, Hahine na oi imamu ai; emu ura heḡereḡerena ba kara henia. Bena Sarai ese e daḡedaḡe henia, ela bona hahine na e heau.
390	GEN 16:8	Ia eto, Hagara, Sarai ena hesiai hahinemu, ede amo oma bona ede bo laomu? Hahine na e haere, eto, Biagugu hahinena Sarai vairana amo vada na heau.
397	GEN 16:15	Bena Hagara na e mara, mero ta e abia, Abram ena; bena Abram ese natuna, Hagara ese e havaraia merona, ladana e hatoa Ismael.
398	GEN 16:16	Hagara ese Ismael e havaraia negana ai, Abram ena mauri laḡanidia na taurahaniahui tauratoi.
426	GEN 18:1	Iehova ese Abraham enai ma e hedinarai lou, Mamare ena au Helaḡadia badidiai. Negana be dina tubua, bona ia na ena dabua kalagana iduarana ai e helaiva.
453	GEN 18:28	readia kara maoromaoro taudia hariahui ima mo nonoho; o, hanua idoinai ba habuaia tari, ima mo lasi dainai a? Iehova eto, Hari-ahui ima baina davaridia, hanua na basina habuaia tari.
454	GEN 18:29	Ia na ma eto, Readia hari-ahui nonoho dahaka. Iehova eto, Hari-ahui daidiai baina bogaia hisi.
463	GEN 19:5	Bena idia ese Lot e boi henia, eto, Hari hanuaboi emu ruma ai e dae kau taudia be edeseni ai? Ba hakaudia lasi; baia dibadia.
467	GEN 19:9	A idia eto. A gini siri. Ma eto, Ina tau sibona ema, bogaragidai e noho hedoamu: matona. baine hahemaoro henida e tomu. Harihari idia baia hadikadia maraḡi, a oi baia hadikamu bada. Bena idia ese Lot e doria siri, iduara bae taraia patapata eto.
496	GEN 19:38	Hane muritai danu mero ta e abia, ladana e hatoa Ben-ami; Amono besena taudia iboudiai ema bona harihari senedia na ia.
501	GEN 20:5	Hari tau ese e hamaorogu, eto “Ina na lau taihugu”, ani? Bona hahine ese danu e hamaorogu, eto “Ia na lau taihugu”. Mai lalogu maoromaorona bona mai imaḡu ḡoevaḡoevadia ida ina kara vada na karaia.
505	GEN 20:9	Bena Abimelek ese Abraham e boiria, eto, Ede vada o karamai toma? Ede na hadikamu toma dainai lau bona egu basileia ini vada o hakereremai toma? Hegwau-tao karana ta vada o kara henigu.
523	GEN 21:9	Bena Sara ese Hagara, hane Aigupto, natuna, Abraham ese e havaraia merona, e itaia, ia ese Isaak e kirikirilaia.
524	GEN 21:10	Bena ia ese Abraham e hamaoroa, eto, Hesiai hahinena mai natuna ida a luludia, badina be ina hesiai hahinena natuna na oi dihimu ai basinela, natugu Isaak ida.
528	GEN 21:14	Daba matana ai Abraham na e tore isi, lagwa e abia, bona ranu danu nani kopina ai, Hagara e henia; ia na paḡana ai e atoa, bona mero danu; bena e siaia lao. Bena hahine na vada ela, Bere-sieba tano ḡaḡaena ai ehaloa.
531	GEN 21:17	Dirava ese mero gadona e kamonai, bena Dirava ena aneru ta ese guba amo Hagara e boi henia, eto, Hagara e, oi na edeheto? Asio gari, badina be Dirava ese mero gadona vada e kamonai.
570	GEN 22:22	bona Kesed bona Haso bona Pilidasa bona Idilapa bona Betuel.
571	GEN 22:23	Hari Betuel na Rebeka tamana. Taurahaniosi bini Abraham tadina Nahoro, adavana Milka ida, natudia.
574	GEN 23:2	Sarana Kiriat-araba ai eha mase: una hanua na Kanaan tanona ai, ladana ta be Heberon. Abraham na ruma ai e raka vareai, Sara taina e tai.
575	GEN 23:3	Bena Abraham na mase rumana amo e diho, Hiti taudia e hamaorodia, eto,
577	GEN 23:5	Bena Hiti taudia ese e haere henia, eto,
579	GEN 23:7	Bena Abraham e tore isi, una tano taudia, Hiti taudia, vairadiai e igo diho;
582	GEN 23:10	Hari Efron na Hiti taudia bogaragidiai e helaiva. Bena Efron, Hiti tauna, ese Abraham e haere henia, Hiti taudia vairadiai bona ena hanua taudia iboudiai vairadiai, eto,
588	GEN 23:16	Abraham ese Efron ena hereva e kamonai, Hiti taudia vairadiai tano davana unu e gwauraia toma, bena silver sekele dia sinahu-hani, idia edia sekeleheḡereḡeredia, e henia.
590	GEN 23:18	Abraham ena tano korikori ai ela. Hiti taudia vairadiai bona ena hanua lalonai e hebouva taudia iboudiai vairadiai e hoia.
591	GEN 23:19	Bena Abraham ese ia adavana Sara e guria, Makapela kohuana lalonai, Mamare badinai. Una gabu na Heberon, Kanaan tanona ai.
592	GEN 23:20	Una tano bona una kohua be Abraham ese e abi vaitani, Hiti taudia edia amo.
610	GEN 24:18	Hane-ulato na eto, Ḡauka e, a inua. Bena ranu e seia, e ha-inulaia.
613	GEN 24:21	Hari hesiai tauna ese e raraia tao, se hereva, baine diba eto, Iehova ese ena laolao anina vada e havaraia eiava.
616	GEN 24:24	Hane-ulato na e haere, eto, Lau na Betuel natuna; tubugu hahinenana Milka, Nahoro adavana.
621	GEN 24:29	Hari Rebeka na mai taihuna ta, ladana na Laban; bena ia na e raka lasi haraḡa, una tau dekena ela, ranu gabuna ai.
647	GEN 24:55	A hane-ulato taihuna bona sinana eto, Hane-ulato na mani dekemai ai baine noho pura ta eiava dina gwauta, bena bainela.
649	GEN 24:57	Bena idia eto, Hane-ulato aita boiria, ia baine hereva.
653	GEN 24:61	Bena Rebeka bona ena hesiai hahinedia e tore isi, kamelo ai e gui, hesiai tauna ida ela. Hari hesiai tauna ese Rebeka e hakaua lao.
657	GEN 24:65	hesiai tauna e nanadaia, eto, Una taora ai e maimu tauna be daika? Hesiai tauna eto, Biagugu bunai. Bena Rebeka ese dabua ta e abia, vairana e govaia ahu.
663	GEN 25:4	Midian ese Efa bona Efere bona Hanok bona Abida bona Eldaha e havaradia. Ini iboudiai na Ketura garana.
668	GEN 25:9	Bena ia natuna raruosi, Isaak bona Ismael, ese e abia, Makapela kohuana ai e guria: una kohua na Mamare kahana ai, Efron Sohara, Hiti tauna, ena tano ai.
669	GEN 25:10	Tanona bunai Abraham ese Hiti taudia edia amo e abia. Unuseni ai Abraham e guria, adavana Sara ida.
671	GEN 25:12	Ismael garana bini: ia na Abraham natuna, Sara ena hesiai hahinena Hagara, Aigupto hahinena, bogana amo.
674	GEN 25:15	bona Hadad bona Tema bona Ieturu bona Nafisi bona Kedema.
677	GEN 25:18	Edia tano na Havila ela bona Suru, Aigupto mairiveina kahana ai; tadikakadia iboudiai idia mo mairiveina kahana korikori ai e nohova.
681	GEN 25:22	Hekapa na ia bogana ai e hedavelai; bena ia eto, Ini e karagu tomamu be ede baina heto? Bena Iehova enai e henanadai.
727	GEN 26:34	Esau ena mauri laḡanidia na hari-ahui, bena e headava, hahine rarua e abidia: Iuditi, Be-eri tau Hiti natuna, bona Basemata, Elon tau Hiti natuna.
733	GEN 27:5	Hari Isaak ena hereva natuna Esau e hamaorolaia na Rebeka danu e kamonai. Bena Esau na eha labana, dia ta baine alaia, baine mailaia eto.
741	GEN 27:13	Sinana eto, Heuduguirai na lau latagu ai baine mia: lau eregu a kamonai, aola, bavabi, dekegu ba mailai.
761	GEN 27:33	Bena Isaak kudouna e hetaha, eto, Hari tau be daika, vamu eha abia, e mailaia dekegu ai, oi do toma ai na ania ore, bona vada na hanamoa danu? Momokani, ia ese hahenamo anina do baine abia.