81	GEN 4:1	Adam na adavana Heva ida e eno bou: bena Heva e rogorogo, e mara, Kain e abia; eto, Tau ta Iehova ena amo vada name abia.
82	GEN 4:2	Ma e rogorogo lou, e mara, tadina Abel e abia. Abel na mamoe ireḡudia tauna a Kain na biru tauna.
83	GEN 4:3	Nega ta ai Kain ese tano anidia e mailai, Iehova ena boubou ḡauna ai baine halaoa eto.
85	GEN 4:5	a Kain ena boubou ḡauna se hagerea. Kain na e badu dikadika, bena vairana e huaia.
86	GEN 4:6	A Iehova ese Kain e gwau henia, eto, Badina be dahaka o badumu? Dahaka dainai vairamu o huaiamu?
88	GEN 4:8	Bena Kain ese tadina Abel e hereva henia, eto, Aitala uma. Bena raruosi na uma ai e nohova negana ai Kain ese tadina Abel e heatu henia, e alaia mase.
89	GEN 4:9	Bena Iehova ese Kain e nanadaia, eto, Tadimu Abel be edeseni ai? Ia na e haere, eto, Lau na asi dibagu; be, lau na tadigu igimana tauna a?
93	GEN 4:13	Bena Kain ese Iehova e hamaoroa, eto, Egu dika davana na metau herea; egu haheauka basine heḡereḡere.
95	GEN 4:15	Bena Iehova ese Kain e hamaoroa, eto, Kain baine alaia tauna na davana bae henia hahitu. Bena Iehova ese Kain enai toa ta e atoa, lau ta ese idavarina negana ai bema alaia na garina.
96	GEN 4:16	Bena Kain na Iehova vairana amo e raka lasi, Nod tanona ai eha noho, Eden mairiveina kahana ai.
97	GEN 4:17	Bena Kain na adavana ida e eno bou; bena hahine na e rogorogo, e mara, Enok e abia. Bena Kain ese hanua ta e hadaia, una hanua ladana e hatoa Enok, natuna ladana heḡereḡerena.
102	GEN 4:22	A Sila na e mara, Tubala-Kain e abia: ia na auri-laboralabora bona auri iḡaukaralaidia tauna ai ela. Hari Tubala-Kain taihuna ladana na Naamaha.
104	GEN 4:24	Kain dainai dava bae henia hahitu e tomu; Benaini, Lamek dainai dava bae henia hahitu-ahui hitu.
105	GEN 4:25	Bena Adam na adavana ida ma e eno bou: bena hahine e rogorogo, e mara, mero ta e abia, ladana e hatoa Set: eto, Dirava ese natugu ta vada eme henigu, Abel Kain ese e alaia mase tauna, ibolona.
115	GEN 5:9	Enos ena mauri laḡanidia na taurahani-ta-ahui negana ai, ia ese Kenan e havaraia;
116	GEN 5:10	bena Kenan e vara murinai Enos na laḡani sinahu-taurahani gwauta-ima e mauri nohova, natuna mamaruanedia bona hahinedia e havaradia.
118	GEN 5:12	Kenan ena mauri laḡanidia na hitu-ahui negana ai, ia ese Mahalalel e havaraia;
119	GEN 5:13	bena Mahalalel e vara murinai Kenan na laḡani sinahu-taurahani hari-ahui e mauri nohova, natuna mamaruanedia bona hahinedia e havaradia.
120	GEN 5:14	Kenan ena mauri laḡanidia iboudiai na sinahu-taurahani-ta bona gwauta: bena e mase.
222	GEN 9:16	Kevau na dagadaga ai baine hedinarai, bena baina itaia negana ai, hari mia-hanaihanai taravatuna, lau Dirava bona tanobada ena mauri ḡaudia iboudiai padadai, baina laloa tao.
224	GEN 9:18	Noa natuna mamaruanedia, lagatoi amo e raka lasi taudia, ladadia na Sem bona Ham bona Iafet. Ham na Kanaan tamana.
228	GEN 9:22	Bena Ham, Kanaan tamana, ese tamana na ḡaḡaena mo e itaia; bena e raka lasi, tadikakana raruosi e hamaorodia.
231	GEN 9:25	Kanaan ihabaina! Tadikakana edia hesiai taudia edia hesiai tauna ai bainela.
232	GEN 9:26	Ma eto, Iehova, Sem ena Dirava, aita imodaia; Kanaan ese ia isiaina baine lao heni.
233	GEN 9:27	Dirava ese Iafet baine hanamoa, Sem ena dabua kalagadia ai baine noho, Kanaan ese ia isiaina baine lao heni.
239	GEN 10:4	Iavan natuna bini: Elisa bona Tarasisi; bona Kitim besena bona Dodanim besena danu ia ese e havaradia.
241	GEN 10:6	Ham natuna bini: Kusu bona Misraim bona Put bona Kanaan.
242	GEN 10:7	Kusu natuna bini: Seba bona Havila bona Sabata bona Raama bona Sabateka. Raama natuna bini: Seba bona Dedan.
243	GEN 10:8	Kusu ese danu Nimrod e havaraia; ia na lohia tauna gini-gunana tanobada ai.
245	GEN 10:10	Matamana ai ena basileia na Babel bona Ereke bona Akad bona Kalne, Sinara tanona ai.
246	GEN 10:11	Una tano amo e raka lasi, Asuria ela, Nineve hanuana e hadaia, ariarana mai lababadia e kara. Kala hanuana danu e hadaia,
247	GEN 10:12	bona Resene, Nineve bona Kala padadiai: ia na hanua bada-hereana.
249	GEN 10:14	bona Patarusim bona Kasaluhim bona Kaftorim. Filistia taudia na Kasaluhim besena amo e vara.
250	GEN 10:15	Kanaan natuna bini: Sidono, tau roboana, bona Het.
253	GEN 10:18	bona Aravada bona Semara bona Hamat. Gabeamo Kanaan iduhudia na e karoho, kaha idau-idau ai eha noho;
295	GEN 11:28	Tamana Tera do se mase negana ai, Haran e mase guna, e vara gabuna ai, Uru, Kaldea taudia edia hanua ta, unuseni ai eha mase.
298	GEN 11:31	Tera ese natuna Abram bona tubuna Lot, Haran natuna, bona ravana Sarai, Abram adavana, e abidia, Kaldea taudia edia hanua, Uru, amo e hakaudia lasi, Kanaan tanona baela eto. Bena gabu ta ai e kau, ladana Haran, unuseni ai e noho.
304	GEN 12:5	Abram ena mauri laḡanidia na hitu-ahui ima, Haran e rakatania negana ai. Abram ese adavana Sarai bona vavana Lot e hakaudia lao, edia kohu iboudiai bona edia hesiai memerodia Haran ai e davaridia danu e laohaidia; e tore tore isi, Kanaan tanona baela eto. Bena Kanaan tanona ai e kau.
305	GEN 12:6	Abram ese tano e rakaia hanai ela Sekem, ela bona au helaḡana ladana More. Una negana ai Kanaan taudia na dounu e nohova una tano ai.
326	GEN 13:7	Bena Abram ena boromakau ireḡudia taudia na Lot ena boromakau ireḡudia taudia ida e heai. Una negana ai Kanaan taudia bona Perisi taudia na una tano ai e nohova.
331	GEN 13:12	Abram na Kanaan tanona ai e noho; bona Lot na taora hanuadia ela, Sodoma kahana ai e taruha.
338	GEN 14:1	Amarafel ese Sinara tanona e lohiaia, Ariok ese Elasara tanona e lohiaia, Kedoralaomere ese Elam tanona e lohiaia bona Tidala ese Goimi tanona e lohiaia negana ai,
341	GEN 14:4	Laḡani gwauta-rua idia ese Kedoralaomere isiaina e lao heniava, a laḡani ihagwauta-toina ai idia na e gwau edeede.
342	GEN 14:5	Bena laḡani ihagwauta-hanina ai Kedoralaomere bona ia e duruava lohiadia na e tore isi, Refaim taudia na Astaroto-karanaimi ai e hadareredia, bona Susim taudia na Ham ai e hadareredia, bona Emim taudia na Savekiriataimi ai e hadareredia,
344	GEN 14:7	Bena e lou ema bona En-mispat (ladana ta be Kade); bena Amalek taudia edia tano e havahua, bona Amoro taudia Hasasono-tamara ai e nohova edia tano danu.
346	GEN 14:9	idia laima-osi ese Kedoralaomere, Elam pavapavana, bona Tidala, Goimi pavapavana, bona Amarafel, Sinara pavapavana, bona Ariok, Elasara pavapavana, hahaniosi na e tuari henidia.
353	GEN 14:16	Kohu idoinai e abia lou, bona vavana Lot mai ena kohu ida, bona hahine, bona hanua taudia loḡora.
354	GEN 14:17	Kedoralaomere mai bamona ida e hadareredia, bena e lou ai na Sodoma pavapavana ida e hedavari Save kourana ai (Pavapava ena Koura).
368	GEN 15:7	Bena Iehova ese e hereva henia lou, eto, Lau Iehova ese Uru, Kaldea hanuana, amo na hakaumu lasi, ina tano baina henimu halaoreana, emu tano korikori ai bainela.
380	GEN 15:19	Kene taudia edia tano, Kenisi taudia edia tano, Kadamono taudia edia tano,
382	GEN 15:21	Amoro taudia edia tano, Kanaan taudia edia tano, Girigasa taudia edia tano, bona Iebusu taudia edia tano.
385	GEN 16:3	Taunabunai, Abram na laḡani gwauta Kanaan tanona ai vada e noho negana ai, Sarai ese ena hesiai hahinena Hagara, hane Aigupto, e abia, adavana Abram e henia, baine adavaia.
396	GEN 16:14	Taunabunai una ranu gurina ladana e hatoa Mauri bona Mata-hanai Gurina: ia na Kade bona Bered padadiai.
406	GEN 17:8	Oi ese o noholaia hedoa-hedoamu tanona na oi bona murimu ai bae vara garamu danu baina henimui, Kanaan tanona idoinai na umui emui ela bona hanaihanai: lau na emui Dirava ai bainala.
450	GEN 18:25	Kara maoromaoro taudia bona kara dika taudia na basio aladia bou ani? Kara maoromaoro taudia bona kara dika taudia ahudia bae tamona na dia oiemu kara ani? Tanobada idoinai ihahemaoro-henina Diravana basine kara maoromaoro a?
497	GEN 20:1	Una negana ai, Abraham na e tore isi, eha laolao, diho kahana ela, Gerara ai e noho, Kade bona Suru padadiai.
569	GEN 22:21	Tau guna ladana na Usu; ia tadina be Busu bona Kemuel, Aram tamana,
570	GEN 22:22	bona Kesed bona Haso bona Pilidasa bona Idilapa bona Betuel.
574	GEN 23:2	Sarana Kiriat-araba ai eha mase: una hanua na Kanaan tanona ai, ladana ta be Heberon. Abraham na ruma ai e raka vareai, Sara taina e tai.
591	GEN 23:19	Bena Abraham ese ia adavana Sara e guria, Makapela kohuana lalonai, Mamare badinai. Una gabu na Heberon, Kanaan tanona ai.
595	GEN 24:3	Iehova, guba Diravana bona tanobada Diravana, ladana ai ba gwau hamata, natugu Isaak adavana na ini Kanaan taudia, bogaragidiai na noho hedoamu taudia, natudia ulatodia ta basio abia;
629	GEN 24:37	Bena biagugu ese e haduagu baina gwau hamata; eto “Natugu adavana na Kanaan taudia, bogaragidiai na noho hedoamu taudia, natudia ulatodia ta basio abia,
660	GEN 25:1	Abraham ese hahine ta ma e adavaia, ladana na Ketura.
663	GEN 25:4	Midian ese Efa bona Efere bona Hanok bona Abida bona Eldaha e havaradia. Ini iboudiai na Ketura garana.
672	GEN 25:13	Ismael garana ladadia bini: natuna roboana na Nebaioto; ia murinai e vara taudia be Kedara bona Adabeel bona Mibisam
674	GEN 25:15	bona Hadad bona Tema bona Ieturu bona Nafisi bona Kedema.
739	GEN 27:11	Bena Iakob ese sinana Rebeka e haere henia, eto, Kakagu Esau na tauna mai derana, a lau kopigu be manada.
775	GEN 28:1	Bena Isaak ese Iakob e boiria, e hanamoa, e hagania, eto, Kanaan taudia natudia ta basio adavaia;
780	GEN 28:6	Esau vada e diba Isaak ese Iakob vada e hanamoa bona vada e siaia lao, Padan-aram ai baine headava: vada e diba danu e hanamoa negana ai e haḡania, eto “Kanaan taudia natudia ta basio adavaia”;
782	GEN 28:8	Bena Esau lalona e parara tamana Isaak na Kanaan hahinedia se ura henidiava.
839	GEN 30:8	Bena Rahela eto, Kakagu ida a hedaverai, vada na kwalimu. Bena mero ladana e hatoa Napatali.
892	GEN 31:18	ena seri iboudiai bona ena kohu idoinai Padan-aram ai e habou danu e siaidia guna; bena e heḡaeḡae, Kanaan tanona bainela, tamana Isaak dekenai.
946	GEN 32:18	Bena baine raka guna tauna e haduaia, eto, Kakagu Esau ida ba hedavari negana ai, ia baine henanadai, baineto “Oi na daika ena hesiai tauna? Ede bo laomu? Ina seri be daika ena?”
979	GEN 33:18	Unuhetomana Iakob na mai maurina ida Padan-aram amo ema, Sekem hanuana ai e lasi, Kanaan tanona ai; bena hanua badinai e taruha.
1011	GEN 34:30	Bena Iakob ese Simeon bona Levi e gwau henidia, eto, Hekwarahi egu ai vada o havaraia, bona ladagu vada o hadikaia ina tano taudia, Kanaan taudia bona Perisi taudia, bogaragidiai. Bena ita na dia hoho dainai idia na bae hebou, bae tuari henigu; bena lau bona egu ruma taudia iboudiai baita mase ore.
1018	GEN 35:6	Bena Iakob na Lusu ai e kau (una na Betele ladana ta) Kanaan tanona ai, ia bona ena orea taudia iboudiai danu.
1033	GEN 35:21	Israel ma e laolao, kohoro ladana Mamoe Kohorona unukahana ai e taruha.
1043	GEN 36:2	Esau adavana na Kanaan hahinedia: Ada, Elon tau Hiti natuna; bona Oholibama, Ana natuna, Sibeon tau Hivi tubuna;
1046	GEN 36:5	bona Oholibama ese memero tatoi e abidia, ladadia na Ieusu bona Ialam bona Kora: Esau natuna bunu, Kanaan tanona ai e vara.
1047	GEN 36:6	Esau ese adavana tatoiosi bona natuna mamaruanedia bona hahinedia, bona ena orea taudia iboudiai, bona ena boromakau bona ena seri iboudiai bona ena kohu idoidiai Kanaan ai e habou, e abidia, tadina Iakob e rakatania, Seiri tanona ela.
1052	GEN 36:11	Elifasa natuna na Teman bona Omara bona Sefo bona Gatam bona Kena.
1055	GEN 36:14	Esau adavana Oholibama, Ana natuna, Sibeon tubuna, natuna bini: Ieusu bona Ialam bona Kora.
1056	GEN 36:15	Hanua lohiadia Esau ena amo e vara ladadia bini: Elifasa, Esau natuna roboana, ese Teman bona Omara bona Sefo bona Kena,
1057	GEN 36:16	bona Kora bona Gatam bona Amalek e havaradia: ini iboudiai na Edom tanona lohiadia, Elifasa, Ada natuna, ese e havaradia.
1059	GEN 36:18	Esau adavana Oholibama natuna bini: Ieusu bona Ialam bona Kora. Ini na hanua lohiadia, Esau adavana Oholibama, Ana natuna, ese e abidia.
1067	GEN 36:26	Dison natuna na Hemudan bona Eseban bona Itiran bona Keran.
1083	GEN 36:42	Kena; Teman; Mibsara;
1085	GEN 37:1	Iakob ese tamana e noholaia tanona ma e noholaia, Kanaan tanona.
1097	GEN 37:13	Bena Israel ese Iosef e hereva henia, eto, Kakamu na Sekem ai seri e reḡudiamu ani? Aoma, aina siaimu dekediai. Iosef e haere, eto, Lau o ina.
1122	GEN 38:2	Unuseni ai ia ese Kanaan tauna ta, ladana Sua, natuna ulatona e itaia; bena e adavaia.
1125	GEN 38:5	ma ihatatoina e abia, ladana e hatoa Sela. Una mero e vara negana ai, hahine na Kesib ai e nohova.
1258	GEN 42:5	Taunabunai, Israel natuna na taunimanima loḡora ida uit ihoina ela; badina be doe na bada Kanaan tanona ai.