1	GEN 1:1	Matamana negana ai na Dirava ese guba bona tanobada e karadia.
20	GEN 1:20	Dirava ma eto, Mauri ḡaudia momo davara ai ae vara, bona manu tanobada daenai ae roho guba henunai.
57	GEN 3:1	Gaigai ena aonega ese Dirava Iehova e kara boromadia iboudiai edia aonega e hereadia. Ia ese hahine e nanadaia, eto, Momokani Dirava eto umui na imea audia ta huahuana basio ani a?
60	GEN 3:4	Gaigai ese hahine e hamaoroa, eto, Momokani, umui na basio mase:
79	GEN 3:23	Taunabunai Dirava Iehova ese Moale imeana lalona amo e lulua lasi, tano amo e vara tanona baine biru henia.
80	GEN 3:24	Ia ese Adam e lulua lasi; bena Moale imeana mairiveina kahana ai kerubi e haginidia, bona lahi darena e atoa, una dare matana e hegiro hanaihanaiva, mauri auna ilao-henina dalana e laoa ahu.
82	GEN 4:2	Ma e rogorogo lou, e mara, tadina Abel e abia. Abel na mamoe ireḡudia tauna a Kain na biru tauna.
98	GEN 4:18	Enok natuna na Irad. Irad ese Mehuiael e havaraia, bona Mehuiael ese Metusael e havaraia, bona Metusael ese Lamek e havaraia.
108	GEN 5:2	Maruane bona hahine e karadia, ladadia e hato Taunimanima; e karadia dinana ai danu e hanamodia.
118	GEN 5:12	Kenan ena mauri laḡanidia na hitu-ahui negana ai, ia ese Mahalalel e havaraia;
119	GEN 5:13	bena Mahalalel e vara murinai Kenan na laḡani sinahu-taurahani hari-ahui e mauri nohova, natuna mamaruanedia bona hahinedia e havaradia.
121	GEN 5:15	Mahalalel ena mauri laḡanidia na tauratoi-ahui ima negana ai, ia ese Iared e havaraia;
122	GEN 5:16	bena Iared e vara murinai Mahalalel na laḡani sinahu-taurahani toi-ahui e mauri nohova, natuna mamaruanedia bona hahinedia e havaradia.
123	GEN 5:17	Mahalalel ena mauri laḡanidia iboudiai na sinahu-taurahani taurahani-ta-ahui ima: bena e mase.
127	GEN 5:21	Enok ena mauri laḡanidia na tauratoi-ahui ima negana ai, ia ese Metusela e havaraia.
128	GEN 5:22	Metusela e vara murinai Enok na Dirava ida e hebamo heheniva ela bona laḡani sinahu-toi e ore; natuna mamaruanedia bona hahinedia danu e havaradia.
131	GEN 5:25	Metusela ena mauri laḡanidia na sinahu-ta taurahani-ahui hitu negana ai, ia ese Lamek e havaraia;
132	GEN 5:26	bena Lamek e vara murinai Metusela na laḡani sinahu-hitu taurahani-ahui rua e mauri nohova, natuna mamaruanedia bona hahinedia e havaradia.
133	GEN 5:27	Metusela ena mauri laḡanidia iboudiai na sinahu-taurahani-ta tauratoi-ahui taurahani-ta: bena e mase.
151	GEN 6:13	Bena Dirava ese Noa e hereva henia, eto, Mauri ḡaudia iboudiai dokodia be lau vairagu ai vada eme kau; badina be idia daidiai tanobada na daḡedaḡe ai veda eme honu honu dae, taunabunai, lau ese baina habuadia tari tanobada ai.
157	GEN 6:19	Mauri ḡaudia iboudiai idau-idau rua amo lagatoi ai ba hakaudia vareai, idia danu bae mauri; maruane ta, hahine ta, unu bavabidia toma.
158	GEN 6:20	Manu idau-idau, boromakau idau-idau, tano ai e raumu ḡaudia idau-idau, rua rua amo bae vasi, vada bae mauri.
162	GEN 7:2	Mauri ḡaudia iboudiai tanobada ai bavabidia: ḡoevaḡoevadia na hitu hitu amo bavabidia, maruane hitu hahine hitu, unu bavabidia toma; a asi ḡoevaḡoevadia na rua rua amo, maruane ta hahine ta bavabidia.
168	GEN 7:8	Mauri ḡaudia ḡoevaḡoevadia bona asi ḡoevaoḡoevadia, bona manu, bona tano ai e raumu ḡaudia,
201	GEN 8:17	Mauri ḡaudia iboudiai oi dekemu ai danu ba rakalaidia lasi, manu bona boromakau bona tano ai e raumu ḡaudia iboudiai. Bae vara rohoroho, bae mara momomomo, bae hutuma.
232	GEN 9:26	Ma eto, Iehova, Sem ena Dirava, aita imodaia; Kanaan ese ia isiaina baine lao heni.
237	GEN 10:2	Iafet natuna bini: Gomere bona Magog bona Madai bona Iavan bona Tubal bona Mesek bona Tira.
241	GEN 10:6	Ham natuna bini: Kusu bona Misraim bona Put bona Kanaan.
245	GEN 10:10	Matamana ai ena basileia na Babel bona Ereke bona Akad bona Kalne, Sinara tanona ai.
248	GEN 10:13	Misraim ese e havaradia besedia bini: Ludim bona Anamim bona Lehabim bona Napatuhim
258	GEN 10:23	Aram natuna bini: Usu bona Hulu bona Getere bona Masa.
265	GEN 10:30	Edia tano na Mesa amo e laomu, mairiveina ororona ladana Sefara kahana ai.
270	GEN 11:3	Bena idia na e hereva heheni, eto, Mani raro nadidia aita kara, aita tunu namonamo. Bena idia ese e tunu rarodia e abi, nadi ai e halao, bona rarokaka ta e abia, hekamo ḡauna ai e halaoa.
271	GEN 11:4	Bena idia ma eto, Mani hanua ta aita hadaia, bona kohoro ta danu, kohoro dorina na guba ai baine kau; unu amo harida baita hadaea, tanobada kopina ai biata loa eva-eva na garina.
296	GEN 11:29	Abram e headava; Nahoro danu e headava. Abram adavana ladana na Sarai. Nahoro adavana ladana na Milka, Haran natuna. Una Haran natuna na Milka bona Iska.
305	GEN 12:6	Abram ese tano e rakaia hanai ela Sekem, ela bona au helaḡana ladana More. Una negana ai Kanaan taudia na dounu e nohova una tano ai.
308	GEN 12:9	Ma eha laolao, diho kahana ela.
310	GEN 12:11	Bena Aigupto vada e kahira ai, ia ese adavana Sarai e hereva henia, eto, Momokani, oi na hane namo:
327	GEN 13:8	Bena Abram ese Lot e hamaoroa, eto, Mani ita raruosi basita heai, eda boromakau ireḡudia taudia danu basie heai, badina be ita na varavara.
328	GEN 13:9	Tano idoinai na oi vairamu ai mia, ani? Mani emu kara, egu ai ba raka siri; oi na lauri kahana boma lao, lau be idiba kahana bama lao; eiava oi na idiba kahana boma lao, lau be lauri kahana bama lao.
337	GEN 13:18	Bena Abram na ena dabua kalagana e lokua, e tore isi, ela, Heberon ai e taruha, Mamare ena au helaḡadia badidiai. Unuseni ai ihaboulaina patana ta e larebaia, Iehova ena.
350	GEN 14:13	Bena e heau mauri tauna ta ela, Abram, Heberu tauna, e hamaoroa. Ia na Mamare, Amoro tauna, Eskol bona Anere kakadia, ena au helaḡadia badibadi-diai e nohova, bona idia tatoiosi ida e hetura.
355	GEN 14:18	Bena Melkisedek, Salem pavapavana, Dirava Herea Mikamika ena hahelaḡa tauna, ese flaoa bona vine ranuna e laohai, e dabara.
356	GEN 14:19	Ia ese Abram e hanamoa, eto, Dirava Herea Mikamika, guba bona tanobada ikaradia Diravana, ena hahenamo be Abram latanai baine mia;
357	GEN 14:20	Dirava Herea Mikamika danu aita imodaia, badina be ia ese oi inaimu na imamu ai vada e atodia kau. Bena Abram ese e abi kohudia iboudiai e karoadia, karoa gwauta; bena karoa ta Melkisedek e henia.
359	GEN 14:22	A Abram ese Sodoma pavapavana e haere henia, eto, Lau ese Iehova, Herea Mikamika Diravana, guba bona tanobada ikaradia Diravana, vada na gwvau henia hamata,
361	GEN 14:24	Egu memero adia aniani mo ba henigu; a kohu be e bamogu taudia tatoiosi, Anere bona Eksol bona Mamare, ahudia ba henidia, vadaeni.
396	GEN 16:14	Taunabunai una ranu gurina ladana e hatoa Mauri bona Mata-hanai Gurina: ia na Kade bona Bered padadiai.
426	GEN 18:1	Iehova ese Abraham enai ma e hedinarai lou, Mamare ena au Helaḡadia badidiai. Negana be dina tubua, bona ia na ena dabua kalagana iduarana ai e helaiva.
429	GEN 18:4	Mani ranu taina ae mailaia, aemui bae huri, bena ina au ikerukeruna ai lagamui bavani.
455	GEN 18:30	Ma eto, Ḡaubada e, baina noinoi lou basio badu ani? Toi-ahui bema noho ede bema heto? Iehova eto, Toi-ahui baina davaridia, basina habuaia tari.
456	GEN 18:31	Ma eto, Lalogu vada na ha-aukaia, Ḡaubada ihereva-henina: ruahui bema noho, ede bema heto? Iehova eto, Ruahui daidiai baina bogaia hisi.
457	GEN 18:32	Ma eto, Ḡaubada e, basio badu, ina nega tamona mo ma baina noinoi: gwauta hona bema noho, ede bema heto? Iehova eto, Gwauta daidiai baina bogaia hisi.
467	GEN 19:9	A idia eto. A gini siri. Ma eto, Ina tau sibona ema, bogaragidai e noho hedoamu: matona. baine hahemaoro henida e tomu. Harihari idia baia hadikadia maraḡi, a oi baia hadikamu bada. Bena idia ese Lot e doria siri, iduara bae taraia patapata eto.
477	GEN 19:19	Mani a itagu, emui hesiai tauna; vada o harihari henigu bona vada o bogagu hisi bona vada o hamaurigu. A lau na asi goadagu ororo baina heau henidia, hahedika ese baine ḡavagu tao, bena baina mase.
478	GEN 19:20	A una hanua na kahirakahira, baina heau henia diba; ia danu hanua maraḡina mo. Mani emui kara unu bainala. Ia na hanua maraḡina ani? Bena mauri baina davaria.
495	GEN 19:37	Bena hane guna na mero ta e abia, ladana e hatoa Moab; Moab besena taudia iboudiai ema bona harihari senedia na ia.
501	GEN 20:5	Hari tau ese e hamaorogu, eto “Ina na lau taihugu”, ani? Bona hahine ese danu e hamaorogu, eto “Ia na lau taihugu”. Mai lalogu maoromaorona bona mai imaḡu ḡoevaḡoevadia ida ina kara vada na karaia.
521	GEN 21:7	Ma eto, Daika ese Abraham bema hamaoroa, bema toma Sara ese natuna baine ubua? Gau tamona, iahuna ai natuna vada na henia.
522	GEN 21:8	Mero na e bada oho bada oho ela bona rata e negea; bena Abraham ese aria badana e karaia, Isaak ese rata e negea dinana ai.
530	GEN 21:16	bena taina e raka lao, diba bema kinoa heḡereḡerena; bena tano ai e helai diho, e tai dikadika, eto, Mero ena mase basina itaia.
550	GEN 22:2	Dirava eto, Oi natumu bavabia, natumu vara-edeana, o lalokau heniamu merona, Isaak. Moria tanona baola, bena baina hamaorolaimu ororona dorina ai boubou ḡauna ai, lahi ese baine ḡolea oho ḡauna ai, ba halaoa.
555	GEN 22:7	Bena Isaak ese tamana Abraham e hereva henia, eto, Tamagu e! Tau na e haere, eto, Natugu e, lau o ina. Mero na eto, Lahi bona au bini, a mamoe, lahi ese baine ḡolea oho ḡauna, be edeseni ai?
568	GEN 22:20	Unu ḡau muridiai, Abraham ese hari ta e kamonai, tadina Nahoro adavana Milka ida natudia vada e vara.
571	GEN 22:23	Hari Betuel na Rebeka tamana. Taurahaniosi bini Abraham tadina Nahoro, adavana Milka ida, natudia.
572	GEN 22:24	Ena hesiai hahinena Reuma ese danu natuna e havaradia: ladadia na Teba bona Gaham bona Tahasa bona Maaka.
581	GEN 23:9	ia ese Makapela kohuana, ena tano hetoana ai, bema henigu. Davana korikori baina henia, egu gara gabuna ai baina halaoa.
585	GEN 23:13	Bena Abraham ese Efron e hereva henia, una gabu taudia vairadiai, eto, Mani a hakala henigu: una tano davana mani aina henimu; avabia, bena egu mase unuseni ai baina guria.
589	GEN 23:17	Taunabunai Efron ena tano Makapela ai, Mamare badinai, mai kohuana bona mai auna iboudiai na
591	GEN 23:19	Bena Abraham ese ia adavana Sara e guria, Makapela kohuana lalonai, Mamare badinai. Una gabu na Heberon, Kanaan tanona ai.
602	GEN 24:10	Bena una hesiai tauna na biaguna ena kamelo gwauta e abidia, bona kohu namodia haida danu, biaguna ena, e abi. Bena e tore isi, eha laolao, Mesopotamia tanona ela, hanua ta ladana Nahoro ai eha kau.
606	GEN 24:14	Na noimumu, hane-ulato ta baina hamaoroa, bainato “Emu hodu bavatoa diho, ranu kuri ta ba henigu, baina inua”, bena ia baineto “Madi ba inua; emu kamelo danu baina ha-inulaidia”, haneulatona bunai oiemu. abi-hidi ulatona, emu hesiai tauna Isaak ba henia ulatona mo. Unu amo baina diba oi na biagugu vada o bogaia hisimu.
607	GEN 24:15	Ena ḡuriḡuri do se ore ai, hane-ulato ta ladana Rebeka ena hodu e ehea ema. Ia na Betuel natuna; tubuna hahinena na Milka, Abraham tadina Nahoro adavana.
611	GEN 24:19	Ma eto, Ranu ma aina utu, emu kamelo baina ha-inulaidia.
616	GEN 24:24	Hane-ulato na e haere, eto, Lau na Betuel natuna; tubugu hahinenana Milka, Nahoro adavana.
617	GEN 24:25	Ma eto, Uit momona bona rei kakoro momo dekemai ai mimia, emui mahuta gabuna ta danu mia.
636	GEN 24:44	“Mani a inua, bona emu kamelo edia ranu danu baina utua”, baina diba hane-ulatona bunai, Iehova ese vada e abia hidi biagugu natuna baine adavaia ulatona.
637	GEN 24:45	Bena dounu na ḡuriḡuriva ai, Rebeka na hodu e ehea ema; e diho ela, guri ai ranu e utua. Bena na hamaoroa, nato “Mani emu kara, ranu kuri ta a henigu, aina inua”.
639	GEN 24:47	Bena na nanadaia, nato “Oi be daika natuna?” Bena ia e haere, eto “Lau na Betuel natuna; tubugu na Nahoro bona ia adavana Milka”. Bena gadei na udu-baubauna ai na atoa, bona vaḡivaḡi imana ai.
646	GEN 24:54	Bena ia mai bamona ida e aniani, e inuinu, bena e mahuta. Daba ai e tore isi, eto, Mani a kahugu nege, biagugu baina lou henia.
661	GEN 25:2	Natudia ia bogana amo e vara ladadia bini: Simuran bona Iokosan bona Medan bona Midian bona Isabak bona Sua.
663	GEN 25:4	Midian ese Efa bona Efere bona Hanok bona Abida bona Eldaha e havaradia. Ini iboudiai na Ketura garana.
668	GEN 25:9	Bena ia natuna raruosi, Isaak bona Ismael, ese e abia, Makapela kohuana ai e guria: una kohua na Mamare kahana ai, Efron Sohara, Hiti tauna, ena tano ai.
672	GEN 25:13	Ismael garana ladadia bini: natuna roboana na Nebaioto; ia murinai e vara taudia be Kedara bona Adabeel bona Mibisam
673	GEN 25:14	bona Misima bona Duma bona Masa
686	GEN 25:27	Memero raruosi na e bada oho bada oho. Esau na labana tauna mai aonegana, bona loaloa tauna; a Iakob na manada tauna bona konenoho tauna.
752	GEN 27:24	Bena Isaak eto, Momokani, oi na natugu korikori Esau ani? Ia eto. Oibe.
753	GEN 27:25	Bena Isaak eto, Mani a mailaia dekegu ai, natugu emu vamu baina ania, bena baina hanamomu. Taunabunai, ia ese e mailaia, bena e ania; vine ranuna danu e mailaia, bena e inua.
761	GEN 27:33	Bena Isaak kudouna e hetaha, eto, Hari tau be daika, vamu eha abia, e mailaia dekegu ai, oi do toma ai na ania ore, bona vada na hanamoa danu? Momokani, ia ese hahenamo anina do baine abia.