65	GEN 3:9	Bena Dirava Iehova ese Adam e boi henia, eto, Oi na edeseni ai?
75	GEN 3:19	Vairamu varahuna ai bavaniani ela bona tano ba lou henia, badina be tano amo oma. Oi na tano ḡahuna: tano ḡahuna danu do ba lou henia.
263	GEN 10:28	bona Obala bona Abimael bona Seba
264	GEN 10:29	bona Ofiri bona Havila bona Iobab. Ini iboudiai na Iokotan natuna.
302	GEN 12:3	Oi bae hanamomu taudia na baina hanamodia, a oi baine hadikamu tauna na baina hadikaia. Oi daimu ai tanobada besedia idoidiai do bae namo.
335	GEN 13:16	Oi garamu na tano ḡahuna na heto baina hahutumadia; taunabunai, tau ta tano ḡahuna dimura-dimuradia iduahidia bema diba, ia na oi garamu iduahidia bema diba.
376	GEN 15:15	Oi be tubu tama dekedia do baola mai mainomu ida: burukamu ai ba mase, bena bae gurimu.
387	GEN 16:5	Bena Sarai ese Abram e gwau henia, eto, Oiemu kerere ese vada e hadikagu; egu hesiai hahinena na henimu, bavadavaia, a dibana vada e rogorogo dainai ia na se matauraigumu: Iehova ese ita raruosi baine hahemaoro henida.
392	GEN 16:10	Iehova ena aneru ma eto, Oi garamu lau ese baina hahutumadia, basie duahidia diba.
406	GEN 17:8	Oi ese o noholaia hedoa-hedoamu tanona na oi bona murimu ai bae vara garamu danu baina henimui, Kanaan tanona idoinai na umui emui ela bona hanaihanai: lau na emui Dirava ai bainala.
407	GEN 17:9	Dirava ese Abraham ma e hamaoroa, eto, Oi danu egu taravatu do ba badinaia, oi bona murimu ai bae vara garamu ela bona uru idoidiai.
448	GEN 18:23	Bena Abraham na e raka kahira, e nanadaia, eto, O, kara maoromaoro taudia na kara dika taudia ida ba habuadia tari hebou a?
475	GEN 19:17	E hakaudia lasi, bena eto, Ba heau mauri, basio roha muri, taora ai basio halahe. Ororo ba heau lao, ba mase na garina.
550	GEN 22:2	Dirava eto, Oi natumu bavabia, natumu vara-edeana, o lalokau heniamu merona, Isaak. Moria tanona baola, bena baina hamaorolaimu ororona dorina ai boubou ḡauna ai, lahi ese baine ḡolea oho ḡauna ai, ba halaoa.
562	GEN 22:14	Bena Abraham ese una gabu ladana e hatoa Iehova-ire; bena unu e gwauraia toma ema bonaharihari e tomu, Ororo dorina ai Iehova ese baine haḡeregu.
597	GEN 24:5	Bena una hesiai tauna e haere henia, eto, O, hane-ulato na reana lalona basine heḡereḡere lau baine bamogu ina tano baiama; unu bema heto, oi natumu bama hakaua lao, o rakatania tanona baiala, namo eiava?
615	GEN 24:23	E nanadaia, eto, Oi be daika natuna? Tamamu ena ruma na mai gabuna, ai baia noho, eiava?
631	GEN 24:39	Bena biagugu na hamaoroa, nato “O hane-ulato na basine bamogu reana, bena ede baina heto?”
639	GEN 24:47	Bena na nanadaia, nato “Oi be daika natuna?” Bena ia e haere, eto “Lau na Betuel natuna; tubugu na Nahoro bona ia adavana Milka”. Bena gadei na udu-baubauna ai na atoa, bona vaḡivaḡi imana ai.
642	GEN 24:50	Bena Laban bona Betuel e haere, eto, Ina na Iehova ena amo; ai na basia haere henimu diba, basiato “Oibe” eiava “Lasi.”
697	GEN 26:4	Oi garamu danu baina hahutumadia, guba hisiudia na heheto bae hutuma; oi garamu daidiai tanobada besedia iboudiai bae namo;
703	GEN 26:10	Bena Abimelek eto, Oi na ede vada o karamai toma? Tau ta oi adavamu ida bema eno bou, iboumai ai baiama kerere oi daimu ai.
720	GEN 26:27	Bena Isaak ese e hereva henidia, eto, O inai henigu bona o lulugu: harihari lau dekegu vada oma badina be dahaka?
752	GEN 27:24	Bena Isaak eto, Momokani, oi na natugu korikori Esau ani? Ia eto. Oibe.
760	GEN 27:32	Tamana Isaak ese e nanadaia, eto, Oi be daika? Ia e haere, eto, Lau binai natumu roboana Esau.
765	GEN 27:37	Isaak ese Esau e haere henia, eto, Inai! Oi biagumu ai vada na halaoa, bona tadikakana iboudiai vada na henia, ena hesiai taudia ai baela; uit bona vine ranuna danu vada na gwaurai iena. Natugu e, dahaka baina karaia oiemu ai?
788	GEN 28:14	Oi garamu danu bae hutuma, tano ḡahuna na heto, tahodiho kahana ai bona mairiveina kahana ai bona mirigini kahana ai bona diho kahana ai do bae pere rohoroho; oi daimu ai bona garamu daidiai tanobada iduhudia idoidiai bae namo.
811	GEN 29:15	Bena Laban ese Iakob e hereva henia, eto, Oi na varavaragu dainai isiaigu ba lao heni asi davamu a? Ame hamaorogu, davamu be dahaka?
815	GEN 29:19	Laban eto, Oi baina henimu be namo, idau tauna ta baina henia na dika; dekegu ai ba noho.
946	GEN 32:18	Bena baine raka guna tauna e haduaia, eto, Kakagu Esau ida ba hedavari negana ai, ia baine henanadai, baineto “Oi na daika ena hesiai tauna? Ede bo laomu? Ina seri be daika ena?”
956	GEN 32:28	Bena hari tau eto, Oi ladamu be daika? Ia na e haere, eto, Ladagu na Iakob.
1022	GEN 35:10	Oi ladamu na Iakob, a ladamu basie hatoa lou Iakob; harihari bainela ladamu bae hatoa Israel. Taunabunai, ladana e hatoa Israel.
1043	GEN 36:2	Esau adavana na Kanaan hahinedia: Ada, Elon tau Hiti natuna; bona Oholibama, Ana natuna, Sibeon tau Hivi tubuna;
1046	GEN 36:5	bona Oholibama ese memero tatoi e abidia, ladadia na Ieusu bona Ialam bona Kora: Esau natuna bunu, Kanaan tanona ai e vara.
1052	GEN 36:11	Elifasa natuna na Teman bona Omara bona Sefo bona Gatam bona Kena.
1055	GEN 36:14	Esau adavana Oholibama, Ana natuna, Sibeon tubuna, natuna bini: Ieusu bona Ialam bona Kora.
1056	GEN 36:15	Hanua lohiadia Esau ena amo e vara ladadia bini: Elifasa, Esau natuna roboana, ese Teman bona Omara bona Sefo bona Kena,
1059	GEN 36:18	Esau adavana Oholibama natuna bini: Ieusu bona Ialam bona Kora. Ini na hanua lohiadia, Esau adavana Oholibama, Ana natuna, ese e abidia.
1064	GEN 36:23	Sobal natuna na Alavan bona Manahata bona Ebal bona Sefo bona Onam.
1066	GEN 36:25	Ana natuna bini: maruanena ta ladana na Dison, bona hahinena ta ladana na Oholibama.
1082	GEN 36:41	Oholibama; Elaha; Pinon;
1092	GEN 37:8	Bena kakana ese e gwau henia, eto, Oi na ai emai pavapava ai baola a? Oi ese ai ba halohiamai a? Bena ena nihi bona ena hereva daidiai edia badu ienai vada e bada e laova.
1103	GEN 37:19	E hereva heheni, eto O itaia, hari nihi tauna vada e maimu;
1124	GEN 38:4	ma ta e abia, ladana e hatoa Onan;
1128	GEN 38:8	Bena Iuda ese Onan e haduaia, eto, Vabu enai ba raka vareai, bavadavaia, natuna ba havaraia, kakamu ena.
1129	GEN 38:9	Bena Onan dibana mero na basie gwauraia ia natuna dainai ia na hahine enai e raka vareai, a gau be tano ai e hahebubua, natuna ta basine vara helaoreana.
1149	GEN 38:29	A mero na imana ma e veria vareai, bena tadina e vara guna. Hegwaroto hahinena na eto, Oi na dala vada o lailaia. Bena ladana e hatoa Perese.
1164	GEN 39:14	bena ia ese ruma taudia e boiridia, e hamaorodia, eto, O itaia, ia ese ina Heberu tauna vada e abia dae, ita ihakavakavada. Ia na lau dekegu ai e raka vareai, baia eno bou eto: na lolo,
1241	GEN 41:45	Bena Farao ese Iosef ladana e hatoa Safenat-panea; Asenat danu e henia, baine adavaia; una Asenat na Ono ena hahelaḡa tauna, ladana Potifera, natuna. Bena Iosef na Aigupto tanona idoinai e rakaia hanai.
1246	GEN 41:50	Doe negana na do se gini dae ai, Iosef natuna mamaruanedia rarua e vara, Asenat, Ono ena hahelaḡa tauna Potifera natuna, bogana amo.
1333	GEN 44:8	O itaia, emai puse ududia ai a davari monidia na a henimu lou, Kanaan amo a lou mai negana ai: benaini, dahaka dainai biagumu ena ruma ai silver eiava gold baiama henao?
1371	GEN 45:12	O itaia: umui matamui ese vada e itaia, bona tadigu Beniamina danu matana vada e itaia, ini hereva na lau udugu amo vada e lasi.
1397	GEN 46:10	Simeon natuna be Iemuel bona Iamin bona Ohad bona Iakin bona Sohara bona Saul. Saul be hane Kanaan natuna.
1399	GEN 46:12	Iuda natuna be Ere bona Onan bona Sela bona Perese bona Sera; a Ere bona Onan be Kanaan tanona ai e mase. Perese natuna be Hesron bona Hamulu.
1407	GEN 46:20	Iosef ese natuna rarua, Manase bona Efraim, na Aigupto tanona ai e abidia, Ono ena hahelaḡa tauna Potifera natuna Asenat bogana amo.
1474	GEN 48:22	Oi ahumu danu name henimu, tadikakamu iboudiai ahudia e hereadiamu: Sekem bunai, Amoro taudia edia amo na abia, egu dare bona egu peva goadadia ai.
1482	GEN 49:8	Iuda e, tadikakamu ese bae imodaimu, Oi imamu na inaimu aiodia ai bavatoa kau; Tamamu natuna ese bae toma henimu diho.
1500	GEN 49:26	Tamamu ena hahenamo ese Ororo gunadia edia hahenamo e hereaiamu, Mia-hanaihanai ororodia edia hahenamo e hereadiamu. Hahenamo bini Iosef latanai bae diho, Tadikakana ida e haheparara tauna tubuana ai bae kau.
1594	EXO 3:14	Bena Dirava ese Mose e hamaoroa, eto, LAU BINAI NA NOHOMU. Ma eto, Israel taudia ba haere henidia, baoto “LAU NA NOHOMU ese e siaigu dekemui ai.”
1617	EXO 4:15	Oi ese ba hereva henia, ia uduna herevadia ba henia; a lau be oi udumu ai bona ia uduna ai baina noho, raruosi baina hadibamui ede ba kara toma.
1657	EXO 6:1	Iehova ese MOse e hereva henia, eto, Harihari Farao ede baina kara henia toma do ba itaia: mai imana goadana ida ia ese baine siaidia lao; moibe, mai imana goadana ida ia ese ena tano amo baine luludia lasi.
1659	EXO 6:3	Abraham bona Isaak bona Iakob vairadiai na hedinarai, Siahu-idoinai Diravana; a ladagu korikori IEHOVA asina hadibadia. ?
1671	EXO 6:15	Simeon natuna bini: Iemuel bona Iamin bona Ohad bona Iakin bona Sohara bona Kanaan hahinena natuna Saul. Simeon ena iduhu bunai.
1740	EXO 8:25	Bena Mose eto, Oi vairamu amo aina raka lasi, Iehova baina noia, ini lao momo be Farao ena amo bona ena hesiai taudia edia amo bona ena orea taudia edia amo kerukeru bae heabi oho. Ḡau tamona, Farao na basine koikoi lou, emai taunimanima na Iehova ibouna baela, basine rudia.
1855	EXO 12:38	Orea idau-idau taudia hutuma ese e bamodia; edia mamoe seridia bona edia boromakau seridia danu momo herea.
1906	EXO 14:16	Oiemu itotohi danu ba duduia isi, imamu davara daenai ba toia roro, ba hapararaia; bena Israel taudia na tano kaukauna ai bae raka hanai.
1916	EXO 14:26	Bena Iehova ese mose e hamaoroa, eto, Oi imamu na davara daenai ma ba toia roro, ranu ma baine lou, Aigupto taudia latadiai bona edia kariota latadiai bona edia hosi-gui taudia latadiai.
1932	EXO 15:11	Iehova e, dirava loḡora bogaragidiai oi heḡereḡeremu be daika? Oi idaimu be daika? Helaḡa ai o herea daemu; Mai garidia ida e imodaimumu; hoa karadia o karamu.
1933	EXO 15:12	Oi imamu idibana o toia roro, bena tano ese e hadonodia.
1934	EXO 15:13	O hamauria besena na emu hebogahisi ai vada o hakaua; Emu goada ai vada o hakaua ema bona gabu helaḡana.
1937	EXO 15:16	Gari bona kudou-hetaha ese e butudia tao; Oi imamu goadana dainai idia na nadi heḡereḡeredia ai ela, asie marere, Ela bona oi Iehova emu orea taudia vada e raka hanai, Oibe, oi ese o hoidia taudia e raka hanai.
1938	EXO 15:17	Oi ese ba hakaudia vareai, oi ahumu ai vada o halaoa ororona ai ba hadaidia, Oi Iehova emu noho gabuna ai vada o halaoa gabuna, Oi Iehova imamu ese vada e haginia dubuna.
1947	EXO 15:26	eto, Oi ese Iehova emu Dirava gadona boma hakala henia, bona ia vairanai boma kara maoromaoro, ena haheḡani boma badina bona ena taravatu boma kara, lau na hisihisi idau-idau amo basinama hahisimu, Aigupto taudia na hahisidia heḡereḡeredia; badina be lau na Iehova, oi ihamaurimu Diravana.
2020	EXO 18:20	Oi ese danu ena taravatu bona ena haheḡani ba hadibadia, edia raka daladia bona edia ḡaukara ba hadibalaidia.
2071	EXO 20:19	Mose e hereva henia, eto, Oi ba hereva henimai, bena baia kamonai henimu; a Dirava basine hereva henimai, baia mase na garina.
2151	EXO 23:6	Ogoḡami tauna baine hahemaoro negana ai, hahemaoro basio hagagevaia ienai.
2156	EXO 23:11	a laḡani ihahituna ai ia na baine vahu, ogoḡami taudia ese anina bae abia. Orena na uda boromadia ese bae ania. Emu vine imeana bona emu olive imeana danu unu ba karadia toma.
2303	EXO 28:9	Onuku nadidia rua bavabi, latadiai Israel natuna ladadia ba tore,
2330	EXO 28:36	Gold ḡoevaḡoeva mairina ta danu ba karaia, revarevana ba ḡasia, ini ba torea toma: HELAḠA IEHOVA ENA.
2427	EXO 31:6	Oholiab danu vada na abia hidi: ia na Ahisamaka natuna, Dan iduhuna tauna. Kara-kara taudia iboudiai danu lalodia vada na hapararadia, vada na haḡanilaimu ḡaudia iboudiai bae kara diba:
2492	EXO 33:18	Mose ese ma e noia, eto, Oi hairaimu bama itaia.
2493	EXO 33:19	Ia eto, Egu namo idoinai baina haheitalaimu, bona lau ladagu IEHOVA oi vairamu ai baina gwauraia. Baina harihari henidia na tomu taudia vada baina harihari henidia, bona baina bogadia hisi na tomu taudia vada baina bogadia hisi.
2566	EXO 35:34	Siahu danu ia vada e henia, bona Oholiab, Ahisamaka natuna, Dan iduhuna tauna, danu vada e henia, raruosi ese haida ma bae hadibadia ini ḡaukara ai.
2568	EXO 36:1	Benaini, Besalele bona Oholiab bona karakara taudia, Iehova ese lalo-parara bona aonega vada e henidia taudia, iboudiai ese ḡaukara bae matamaia, dubu do bae karaioa, Iehova ena hahedua heḡereḡeredia.
2569	EXO 36:2	Bena Mose ese Besalele bona Oholiab e boiridia, bona karakara taudia, Iehova ese lalodia vada e hapararadia bona lalodia e urava una ḡaukara bae durua taudia, iboudiai e boiridia.
2657	EXO 38:23	Iduruna tauna be Oholiab, Ahisamaka natuna, Dan iduhuna tauna: ia be ima karakara ḡaukaradia ihaerodia bona ikaradia mai dibana, turituri ḡaukaradia danu, dabua vaiuridia bona mia kakadia bona kakakakadia bona kurokurodia ituridia, na mai dibana.
2671	EXO 39:6	Onuku nadidia e abi, nadi isedia na gold e moḡe ḡauna amo e kou heḡeḡe; bena nadi kopidia e ḡasidia, Israel natudia ladadia e tore.
2695	EXO 39:30	Bena kwara koronana mairina na gold namo-hereana amo e karaia, bona revarevana e ḡasia, ini e torea toma: HELAḠA IEHOVA ENA.
2987	LEV 10:9	Oi mai natumu ida hebou kalagana ai ba raka vareai negana ai na vine ranuna eiava kekero muramurana basio inua, ba mase garina. Taravatu binai na umui latamui ai baine mia hanaihanai, uru iboudiai lalodiai.
2996	LEV 10:18	O itaia, rarana na gabu helaḡana lalonai asie vareailaia. Momokani, umui na gabu helaḡana ai boma ania, na haḡanimui heḡereḡerena, bema namo.
2997	LEV 10:19	A Aaron ese Mose e haere henia, eto, O itaia, hari dina ai edia kara-rea boubouna bona edia ḡole-oho boubouna vada e mailaidia, Iehova vairanai vada e hahelaḡadia; ḡau tamona, ina kara na egu ai vada e kau. Kara-rea boubouna na hari dina ai bama ania, Iehova ese bema lalo namo henigu a?
3255	LEV 18:3	O noholaiva tanona, Aigupto, taudia na edia kara basio kara; baina hakaumui vareai tanona, Kanaan, taudia danu edia kara basio kara bona edia taravatu basio badinadia.
3354	LEV 21:8	Oi ese ia ba hahelaḡaia, badina be emu Dirava ena flaoa ia ese baine hahelaḡaia; bena emu ai baine helaḡa, badina be lau Iehova, umui ihahelaḡamui Diravana, na helaḡa.
3618	NUM 1:13	Asere ena iduhu ai: Pagiele Okran.
3686	NUM 2:27	Ia badibadinai Asere taudia bae taruha. Ikwaradia tauna na Pagiele Okran;
3923	NUM 7:72	Dina ihagwauta-tana ai Pagiele Okran, Asere lohiana,
3928	NUM 7:77	bona boromakau mamaruanedia rua, bona mamoe mamaruanedia ima, bona nani mamaruanedia ima, bona mamoe natudia mamaruanedia ima, laḡani tamona ḡaudia, unu iboudiai be herohemaino boubouna. Pagiele Okran ena herahia bunu.
4015	NUM 10:26	Asere taruhana taudia edia orea igunalaidia tauna na Pagiele Okran.
4103	NUM 13:27	Idia eto, O siaimai baia lao henia tanona ala, ia na rata bona bada-ranuna e arumu tanona; tano huahuadia haida bini.