872	GEN 30:41	Bena nani bona mamoe hahinedia mai goadadia e rogorogova negadia ai, Iakob ese hari rigi vairadiai e hagini, ranu gabudia ai, rigi i'itadia ai bae rogorogo totona.
1454	GEN 48:2	Bena haida ese Iakob e hamaoroa, eto, Natumu Iosef na oi i'itamu e maimu. Bena Israel na e haheauka, ena mahuta patana ai e helai tore.
8031	2SA 1:6	Hari eregabe tauna eto, Lau na so vada na loa kavava Gilboa ororona ai. Saulo na unuseni ai, ena io ai e heto'o tao, bona kariota bona hosi ai e gui taudia na vada e mai heniamu.
8489	2SA 18:8	Tuari na una tano idoinai e da'ania guḡuru; hutuma na uda ahu ese e hamasedia, gadoina mo dare ai e mase.
11054	1CH 25:3	Iedutunu ena amo: Iedutunu natuna Gedalia, Seri, Iesaia, Simei, Hasabia, Matitia, tauratoiosi. Tamadia Iedutunu ese e biagudia; una tau na Iehova ihanamona bona i'imodaina ai hatai-hatai ḡaudia amo e perovetava.
11056	1CH 25:5	Unu iboudiai na Hemana, hanua pavapavana ena mata-hanai tauna, natuna. Una tau na Dirava ese vada e gwau henia hamata, i'imodaina baine habadaia; badina be Dirava ese Hemana na natuna mamaruanedia gwauta-hani bona natuna hahinedia tatoi e henia.
12248	EZR 9:6	nato: Egu Dirava e, na hemaraimu, vairagu danu e kakakakamu, egu Dirava e, vairagu iabi-isina emu ai na heto'o ahumu; badina be emai kara dika vada e dae kwaramai daediai, bona emai kerere vada e dae ela bona guba.
12714	EST 1:8	I'inuna na taravatu heḡereḡerena, ta asie haduaia baine inu; badina be hanua pavapavana ese ena ruma ireḡuna taudia iboudiai vada e haḡanidia, eto ta ta ena ura ena ura heḡereḡeredia bae kara.
13032	JOB 7:20	Taunimanima i'itataodia Diravana e! Bama kara dika, dahaka bama kara henimu? Dahaka dainai oi ese emu taraki-taraki ḡauna ai o halaogu? Dahaka dainai emu maduna metau ai vada na hahelao?
13764	JOB 36:24	Ena ḡaukara i'imodaina ba laloa tao, taunimanima ese vada e anelaiamu ḡauna
17345	PRO 30:24	Ḡau hani tanobada ai na mamaraḡi, a idia na a'aonega heherea:
17406	ECC 2:3	Tau-anigu ihanamona dalana vine ranuna i'inuna amo na lalogu ai na tahua; ḡau tamona, lalogu ese dounu aonega e badinaiava. Kavakava idogo-taona dalana danu na tahua, baina itaia nato, taunimanima natuna na edia mauri dinadia oreoredia guba henunai ede bae namo toma.
17706	SNG 7:10	Emu haherahu na vine ranuna namo-hereana na heto, i'inuna na mai gaihona, bibinagu ai bona isegu ai. *****
17831	ISA 5:22	Unu mai haridia vine ranuna i'inuna ai, bona mai boga-aukadia kekero ḡaudia ibulodia ai taudia, madi, ihabaidia!
18174	ISA 24:9	Vine ranuna i'inuna ai ane asie abimu; kekero ḡauna vada e idita, i'inuna taudia ediai.
18558	ISA 42:8	Lau na Iehova, ladagu bunai; hairaigu na ta asina heniamu, i'imodaigu na e koro kaivakukudia asina henidiamu.
18571	ISA 42:21	Iehova na e moaleva, ena kara maoromaoro dainai, ena taravatu ihanamona bona i'imodaina helaoreana.
18596	ISA 43:21	Besena bunai vada na karaia egu, lau i'imodaigu herevadia bae gwaurai totona.
18693	ISA 48:9	Lau ladagu dainai egu badu na halahelaiamu, lau i'imodaigu dainai emu ai na laoa ahumu, basina negemu daure helaoreana.
18709	ISA 49:3	E hamaorogu, eto: Oi na egu hesiai tauna Israel; i'imodaigu na oiemu ai baine hedinarai.
18776	ISA 52:10	Iehova ese ia imana helaḡana vada e toia roro, basileia iboudiai vairadiai; bona ta'nobada dokodia iboudiai ese eda Dirava ena hahemauri bae itaia.
18943	ISA 63:7	Iehova ena hebogahisi baina herevalaia, bona Iehova i'imodaina danu, Iehova ese vada e henida ḡaudia iboudiai heḡereḡeredia, bona Israel besena ihanamodia karadia badadia danu, ia ese vada e henidia ena hebogahisi heḡereḡerena, ena lalokau bada-hereana heḡereḡerena.
19052	JER 2:18	Harihari Nilo sinavaina ranuna i'inuna totona Aigupto o laomu be dahaka namona ba davaria? Eiava Eufrate sinavaina ranuna i'inuna totona Asuna o laomu be dahaka namona ba davaria?
20577	EZK 3:6	dia bese idau-idau momo, edia gado na i'idau bona a'auka besedia, ediai. Momokani, unuhetomadia ediai bama siaimu, idia ese bema kamonai henimu.
21562	EZK 40:16	Ikoukou heḡeḡemadai ai na gaba-mauru haida; ihua-ihua padadia na hahaga murimuri kahadia ai bona i'iora laloma kahadia at; bona dehe danu mai gaba-mauruna laloma kahana hegegemadai ai. Ihua-ihua ai be pamu audia laulaudia.
22840	HAB 3:3	Dirava na Teman amo ema, Helaḡa Diravana na Paran ororona amo ema. Ia hairaina ese guba e ḡovaia ahu, tanobada na ia i'imodaina ai vada e honu. (Selah)
22909	ZEP 3:20	Una negana ai lau ese emui gabu korikori ai baina hakaumui vareai, emui noho ihanamo-louna na matamui amo ba itaia negana ai. Oibe, harimui baina habadaia, bona i'imodaimui danu, tanobada besedia iboudiai bogaragidiai, emui noho ma baina hanamoa lou negana ai. Iehova na unu e gwau tomamu.
22957	ZEC 1:10	Taunabunai keroro audia bogaragidiai e giniva tauna na e haere, eto, Ini be Iehova ese tanobada i'itataona totona e siaidia ḡaudia.
23174	MAL 2:2	Iehova Sabaota ini e gwau tomamu: Basioma kamonai, bona lau ladagu i'imodaina basioma laloa bada, bena lau ese heuduguirai na latamui ai baina siaia, bona emui hahenamo herevadia na baina uduguiraidia; momokani, vada na uduguiraidia vaitani, badina be umui na asio laloa badamu.
23185	MAL 2:13	Ina danu o karaiamu. Iehova ena ihaboulaina patana na iruru-matamui amo o hada'ania ḡuḡurumu, mai taitaimui bona mai ḡanaḡanamui ida, badina be ia ese boubou ḡauna ihaḡerena vada e hadokoa, bona imamui amo asie abia daemu mai lalo-namona ida.
26506	JHN 8:56	Tamamui Abraham na e'ura dikadikava lauegu nega baine itaia; bena e itaia mai Inoalena ida.
28888	2CO 1:20	Badina be ia lalonai Dirava ena gwauhamata iboudiai na “oibe”; una dainai ia lalonai Dirava i'imodaina na “amen” amo ta hamomokaniamu.
30577	2PE 2:10	Dika hereadia bini: tauanina ena ura bodagadia e ḡava taudia, bona gwau-maoro taudia e dadaraidia taudia. E hekokorokumu, sibodia edia ura e karamu, atai taudia i'ihiihiraidia asie garimu;