11	GEN 1:11	Dirava ma eto, Tanobada ai rei aine vara, bona ava idau-idau mai nadinadidia, bona huahua audia danu mai huahuadia, huahua idau-idaudia mai nadinadidia. Bena unu e vara toma:
16	GEN 1:16	Dirava ese diari badadia rua e kara: badana ese dina baine lohiaia, bona maraḡina ese hanuaboi baine lohiaia eto. Hisiu danu e kara.
27	GEN 1:27	Bena Dirava ese taunimanima e karaia, ia heida-idana, Dirava ida-idana e karaia: maruane bona hahine e karadia.
33	GEN 2:2	Dina ihahituna ai, Dirava ese ena ḡaukara idoidiai e hadokodia: dina ihahituna ai ia ese ena ḡaukara iboudiai e ato diho, e laḡa ani.
34	GEN 2:3	Bena Dirava ese dina ihahituna e hanamoa bona e hahelaḡaia: badina be una dina ai ena ḡaukara iboudiai e ato diho, e laḡa ani.
35	GEN 2:4	Guba bona ikaradia herevadia bini: ihavaradia negana ai Dirava Iehova ese tanobada bona guba e karava dinana ai,
42	GEN 2:11	Ginigunana ladana na Pison; ia be havila tanona e arua heḡeḡe: una tano ai gold e davariamu,
44	GEN 2:13	Sinavai iharuana ladana na Gihon: una sinavai be Etiopia tanona e arua heḡeḡe.
45	GEN 2:14	Sinavai ihatoina ladana na Tigris: ia be Asuria tanona mairiveina kahana amo e aru Iaomu. Sinavai ihahanina na Eufrate.
50	GEN 2:19	Bena Dirava Iehova ese tano amo tanobada boromadia iboudiai e karadia, bona atai manudia iboudiai danu. Bena ia ese hari tau, Adam, vairanai e hakaudia, baine diba ia ese ladadia ede baine hato toma: mauri ḡaudia iboudiai ta ta Adam ese ladadia e hato.
54	GEN 2:23	Bena Adam eto, Ina na turiagu turiana bona hidiogu hidiona: ladana bae hatoa Hahine, badina be Tau ena amo vada e abia lasi.
60	GEN 3:4	Gaigai ese hahine e hamaoroa, eto, Momokani, umui na basio mase:
70	GEN 3:14	Bena Dirava Iehova ese gaigai e gwau henia, eto, Unu vada o kara toma dainai, emu dika davana be boromakau iboudiai bona uda boromadia iboudiai edia dika davadia baine hereadia: kopamu ai do ba rau, tano ḡahuna bavania, emu mauri dinadia iboudiai.
75	GEN 3:19	Vairamu varahuna ai bavaniani ela bona tano ba lou henia, badina be tano amo oma. Oi na tano ḡahuna: tano ḡahuna danu do ba lou henia.
81	GEN 4:1	Adam na adavana Heva ida e eno bou: bena Heva e rogorogo, e mara, Kain e abia; eto, Tau ta Iehova ena amo vada name abia.
99	GEN 4:19	Lamek e hodara: adavana ta ladana na Ada, ma ta ladana na Sila.
100	GEN 4:20	Ada e mara, Iabal e abia: ia na dabua kalagadia ai e nohomu bona boromakau e reḡudiamu taudia senedia.
101	GEN 4:21	Ia tadina ladana na Iubal: ia na gitara bona ivilikou e hataimu taudia senedia.
102	GEN 4:22	A Sila na e mara, Tubala-Kain e abia: ia na auri-laboralabora bona auri iḡaukaralaidia tauna ai ela. Hari Tubala-Kain taihuna ladana na Naamaha.
105	GEN 4:25	Bena Adam na adavana ida ma e eno bou: bena hahine e rogorogo, e mara, mero ta e abia, ladana e hatoa Set: eto, Dirava ese natugu ta vada eme henigu, Abel Kain ese e alaia mase tauna, ibolona.
114	GEN 5:8	Set ena mauri laḡanidia iboudiai na sinahu-taurahani-ta gwautarua: bena e mase.
117	GEN 5:11	Enos ena mauri laḡanidia iboudiai na sinahu-taurahani-ta dikoana ima: bena e mase.
120	GEN 5:14	Kenan ena mauri laḡanidia iboudiai na sinahu-taurahani-ta bona gwauta: bena e mase.
123	GEN 5:17	Mahalalel ena mauri laḡanidia iboudiai na sinahu-taurahani taurahani-ta-ahui ima: bena e mase.
126	GEN 5:20	Iared ena mauri laḡanidia iboudiai na sinahu-taurahani-ta tauratoi-ahui rua: bena e mase.
137	GEN 5:31	Lamek ena mauri laḡanidia iboudiai na sinahu-hitu hitu-ahui hitu: bena e mase.
141	GEN 6:3	Bena Iehova eto, Lau laumagu na taunimanima lalodiai basine noho hanaihanai, badina be idia na hidio kavakava mo: edia mauri laḡanidia bae sinahu-ta ruahui hona.
142	GEN 6:4	Una dinadia ai taunimanima ḡaḡau-babadadia tanobada ai e nohova. Dirava natuna verina ese taunimanima natudia hahinedia e adavadia negadia ai na natudia e havaradia: unu na taunimanima ḡaḡau-babadadia nega gunadia ai e nohova; sivaraidia danu babada.
147	GEN 6:9	Noa sivaraina binai: Noa na kara maoromaoro tauna, ena uru ai e kara namo ḡuḡuruva. Ia na Dirava ida e havamo heheniva.
148	GEN 6:10	Noa ese natuna mamaruanedia tatoi e havaradia: Sem bona Ham bona Iafet.
149	GEN 6:11	Tanobada na dika, Dirava vairanai: tanobada idoinai daḡedaḡe ai e honu honu dae.
153	GEN 6:15	Ini ba karaia toma: latana na roha hitu-ahui ima; lababana roha gwauta-rua mai kahana; bona harana ena lata na roha hitu mai kahana.
162	GEN 7:2	Mauri ḡaudia iboudiai tanobada ai bavabidia: ḡoevaḡoevadia na hitu hitu amo bavabidia, maruane hitu hahine hitu, unu bavabidia toma; a asi ḡoevaḡoevadia na rua rua amo, maruane ta hahine ta bavabidia.
211	GEN 9:5	Umui raramui danu, emui mauri badina, davana baina abia: boroma enai baina abia eiava taunimanima enai baina abia; taunimanima enai tadikakana rarana davana baina abia.
217	GEN 9:11	Egu taravatu lau ese baina badinaia umui emui ai: mauri ḡaudia na utu-utu ta ese basine aladia lou; utu-utu badana ta basine utua dae lou, tanobada basine hadikaia lou.
218	GEN 9:12	Dirava ma eto, Egu taravatu na henimuimu, lauegu bona umui emui danu, mauri ḡaudia umui ida nonoho iboudiai edia danu, ela bona uru iboudiai, toana binai:
221	GEN 9:15	Bena egu taravatu baina laloa, lauegu, umui emui bona mauri ḡaudia iboudiai edia danu: utu-utu badana ta basina ha-utua dae lou, mauri ḡaudia basina habuadia tari lou.
235	GEN 9:29	Ena mauri laḡanidia iboudiai na sinahu-taurahani-ta imahui: bena e mase.
237	GEN 10:2	Iafet natuna bini: Gomere bona Magog bona Madai bona Iavan bona Tubal bona Mesek bona Tira.
238	GEN 10:3	Gomere natuna bini: Asakena bona Rifat bona Togarama.
239	GEN 10:4	Iavan natuna bini: Elisa bona Tarasisi; bona Kitim besena bona Dodanim besena danu ia ese e havaradia.
241	GEN 10:6	Ham natuna bini: Kusu bona Misraim bona Put bona Kanaan.
242	GEN 10:7	Kusu natuna bini: Seba bona Havila bona Sabata bona Raama bona Sabateka. Raama natuna bini: Seba bona Dedan.
247	GEN 10:12	bona Resene, Nineve bona Kala padadiai: ia na hanua bada-hereana.
248	GEN 10:13	Misraim ese e havaradia besedia bini: Ludim bona Anamim bona Lehabim bona Napatuhim
250	GEN 10:15	Kanaan natuna bini: Sidono, tau roboana, bona Het.
251	GEN 10:16	E havaradia besedia danu bini: Iebusu bona Amoro bona Girigasa
257	GEN 10:22	Sem natuna bini: Elam bona Asuru bona Afasad bona Lud bona Aram.
258	GEN 10:23	Aram natuna bini: Usu bona Hulu bona Getere bona Masa.
261	GEN 10:26	Iokotan natuna bini: Alamodad bona Selefe bona Hasaramavete bona Iera
267	GEN 10:32	Noa natuna garadia bini, edia uru ai bona edia bese ai: idia edia amo tanobada besedia iboudiai e vara, utu-utu badana murinai.
294	GEN 11:27	Tera garana bini: Tera ese Abram bona Nahoro bona Haran e havaradia. Haran ese Lot e havaraia.
310	GEN 12:11	Bena Aigupto vada e kahira ai, ia ese adavana Sarai e hereva henia, eto, Momokani, oi na hane namo:
315	GEN 12:16	Bena Farao ese Abram e kara namo henia, hahine dainai: mamoe bona boromakau bona doniki bona hesiai taudia bona hesiai hahinedia bona kamelo e henia momomomo.
318	GEN 12:19	Edeheto o koigu, oto ia na oi taihumu; bena na adavaia? Vadaeni, adavamu binai: bavabia, ba raka oho.
329	GEN 13:10	Bena Lot na e gaga isi, Ioridane kourana e itaia, idoinai mai ranuna: Iehova ese Sodoma bona Gomora do se habua tari negana ai una tano na Iehova ena imea na heto, eiava Aigupto tanona, Soara dalana ai e laomu, na heto.
340	GEN 14:3	Ini iboudiai na Sidim kourana ai e tuari: tadi gohuna be unuseni ai.
366	GEN 15:5	Bena e hakaua lasi murimuri ai, eto, A gaga dae, guba ba itaia, hisiu ba duahidia diba eiava lasi: oi garamu danu unu bae hutuma toma.
374	GEN 15:13	Bena Iehova ese Abram e hereva henia, eto, Ba diba ḡoevaḡoeva: garamu be sinahu-hani idau tano ai bae noho, daḡedaḡe taudia isiaidia bae lao heni;
376	GEN 15:15	Oi be tubu tama dekedia do baola mai mainomu ida: burukamu ai ba mase, bena bae gurimu.
379	GEN 15:18	Una dina ai Iehova ese Abram e gwau henia hamata, eto, Lau ese ina tano na oi garamu vada na henidia, Aigupto sinavaina amo ela bona sinavai badana, ladana na Eufrate:
387	GEN 16:5	Bena Sarai ese Abram e gwau henia, eto, Oiemu kerere ese vada e hadikagu; egu hesiai hahinena na henimu, bavadavaia, a dibana vada e rogorogo dainai ia na se matauraigumu: Iehova ese ita raruosi baine hahemaoro henida.
396	GEN 16:14	Taunabunai una ranu gurina ladana e hatoa Mauri bona Mata-hanai Gurina: ia na Kade bona Bered padadiai.
402	GEN 17:4	Lau ese taravamu na atuamu: bese diaḡau do ba havaradia lau daigu ai.
405	GEN 17:7	Taravamu na atuamu be lau ese baina badinaia ita raruosi eda, bona garamu murimu ai bae vara edia, ela bona uru iboudiai, baine mia hanaihanai taravatuna: emu Dirava ai bona murimu ai bae vara garamu edia Dirava ai do bainala.
406	GEN 17:8	Oi ese o noholaia hedoa-hedoamu tanona na oi bona murimu ai bae vara garamu danu baina henimui, Kanaan tanona idoinai na umui emui ela bona hanaihanai: lau na emui Dirava ai bainala.
408	GEN 17:10	Ba badinaia, bona murimu ai bae badinaia. taravatuna binai: emui maruane iboudiai bae peritomedia,
411	GEN 17:13	Emui ruma ai bae vara memerodia bona ba hoidia memerodia, iboudiai ba peritomedia: unu amo egu taravatu toana na kopimui ai baine mia, badina be ia na mia-hanaihanai taravatuna.
414	GEN 17:16	Lau ese baina hanamoa, natumui ta baine vara: momokani, baina hanamoa, ia na bese idau-idau sinadia ai bainela; hanua pavapavadia ia ese baine havaradia.
446	GEN 18:21	harihari vada baina diho, baina itadia, edia kara na unu haridia dikadia egu ai vada e kau heḡereḡeredia eiava lasi: baina diba ḡoevaḡoeva.
452	GEN 18:27	Bena Abraham ma e hereva, eto, Lau na ḡahu kavakava mo, to lalogu vada na ha-aukaia Ḡaubada iherevahenina:
457	GEN 18:32	Ma eto, Ḡaubada e, basio badu, ina nega tamona mo ma baina noinoi: gwauta hona bema noho, ede bema heto? Iehova eto, Gwauta daidiai baina bogaia hisi.
467	GEN 19:9	A idia eto. A gini siri. Ma eto, Ina tau sibona ema, bogaragidai e noho hedoamu: matona. baine hahemaoro henida e tomu. Harihari idia baia hadikadia maraḡi, a oi baia hadikamu bada. Bena idia ese Lot e doria siri, iduara bae taraia patapata eto.
499	GEN 20:3	Bena Dirava ese Abimelek e hahedinarai henia nihi ai, eto, A kamonai: oi na mase tauna, hari o abia hahinena dainai, badina be ia na tau ta adavana.
508	GEN 20:12	Bona ina danu, ia na momokani lau taihugu: tamamai na tamona, a sinamai be idau; bena raruosi a headava.
509	GEN 20:13	A Dirava ena hahedua dainai, tamagu ena ruma na rakatania negana ai lau ese na hamaoroa, nato, Ini ba bogagu hisi toma: baita lao heni gabudia iboudiai ba herevalaigu, baoto “Ia na lau taihugu”.
557	GEN 22:9	Raruosi na Dirava ese e gwauraia gabuna ai e kau: unuseni ai Abraham ese boubou patana e larebaia, au pata latanai e lakwaia; bena natuna Isaak e hiria, boubou patana ai e atoa kau, au latadiai.
564	GEN 22:16	eto, Iehova na e tomu: sibogu ladagu ai vada na gwau hamata, ini vada o kara toma dainai, natumu vara-edeana, o lalokau heniamu merona, egu ai so rua dainai,
572	GEN 22:24	Ena hesiai hahinena Reuma ese danu natuna e havaradia: ladadia na Teba bona Gaham bona Tahasa bona Maaka.
574	GEN 23:2	Sarana Kiriat-araba ai eha mase: una hanua na Kanaan tanona ai, ladana ta be Heberon. Abraham na ruma ai e raka vareai, Sara taina e tai.
580	GEN 23:8	e hamaorodia, eto, Lalomui bema heḡereḡere egu mase iniseni ai bama guria, Efron Sohara boma noia daigu ai:
585	GEN 23:13	Bena Abraham ese Efron e hereva henia, una gabu taudia vairadiai, eto, Mani a hakala henigu: una tano davana mani aina henimu; avabia, bena egu mase unuseni ai baina guria.
587	GEN 23:15	Ḡauka e, a kamonai: una tano davana na silver sekeledia sinahuhani. Ita raruosi padadai una na ḡau ta a? Emu mase unuseni ai ba guria.
593	GEN 24:1	Abraham vada e buruka: ena mauri laḡanidia na diaḡau. Bona Iehova ese vada e harihari henia, ḡau momo momo vada e henia.
634	GEN 24:42	Bena hari dina ai ranu gabuna ai na kau, bena na ḡuriḡuri, nato: Iehova e, biagugu Abraham ena Dirava, boma ura egu laolao anina namona boma havaraia,
635	GEN 24:43	ini boma hamomokania toma: ina ranu gabuna ai na nohomu ai hane-ulato ta ranu utu bainema bena baina hereva henia, bainato “Emu hodu ranuna kuri ta a henigu, aina inua”, bena ia baineto
643	GEN 24:51	A itaia, Rebeka na vairamu ai gini: avabia, ba hakaua lao, biagumu natuna baine adavaia, Iehova ena hereva heḡereḡerena.
648	GEN 24:56	A ia eto, Asio rugu: Iehova ese egu laolao anina vada e havaraia; mani a kahugu nege, biagugu baina lou henia.
652	GEN 24:60	Idia ese Rebeka e hanamoa, eto, Taihumai e, daha daha oiemu amo bae vara: oi garamu ese inaidia do bae hadareredia.
661	GEN 25:2	Natudia ia bogana amo e vara ladadia bini: Simuran bona Iokosan bona Medan bona Midian bona Isabak bona Sua.
667	GEN 25:8	Bena Abraham e mase: ia na buruka herea, ena mauri laḡanidia na diaḡau; bena varavarana ediai eha hebou.
668	GEN 25:9	Bena ia natuna raruosi, Isaak bona Ismael, ese e abia, Makapela kohuana ai e guria: una kohua na Mamare kahana ai, Efron Sohara, Hiti tauna, ena tano ai.
671	GEN 25:12	Ismael garana bini: ia na Abraham natuna, Sara ena hesiai hahinena Hagara, Aigupto hahinena, bogana amo.
672	GEN 25:13	Ismael garana ladadia bini: natuna roboana na Nebaioto; ia murinai e vara taudia be Kedara bona Adabeel bona Mibisam
675	GEN 25:16	Ismael natudia bunu: ladadia bunu edia hanua bona edia taruha ladadia e hato; idia gwautararuosi na hanua ta ta e halohiadia.
678	GEN 25:19	Abraham natuna Isaak garana bini:
717	GEN 26:24	Bena una hanuaboi Iehova na ienai e hedinarai, eto, Lau na tamamu Abraham ena Dirava: basio gari, badina be lau ese na bamomumu; baina hanamomu bona garamu baina hahutumadia, egu hesiai tauna Abraham dainai.
720	GEN 26:27	Bena Isaak ese e hereva henidia, eto, O inai henigu bona o lulugu: harihari lau dekegu vada oma badina be dahaka?
721	GEN 26:28	Idia eto, Lalomai vada e parara Iehova ese vada e bamomu, taunabunai ai na a tomu: baita herohemaino bona baita gwau hamata heheni,
723	GEN 26:30	Bena Isaak ese aria e karaia: iboudiai e aniani hebou bona e inuinu hebou.