3	GEN 1:3	Ni Nluku aheera: Ukhale waarya, ni uhokhala waarya.
6	GEN 1:6	Wahoolo Nluku aheera tho: Iriyari yo maasi nikhale nlaka ninhala ukawaniha maasi wawaya wawaya.
9	GEN 1:9	Vaavale Nluku aheera: Maasi ari vathi waya irimu, athukumane nipuro nimoca, ikhale itthaya yowuuma. Ni commo waheerannyaa.
11	GEN 1:11	Vano Nluku aheera: Itthaya yothene ikhuneeliye ni itakhwa, maphumpulu ni miri cimmaha mihokorokho ni ipyo co khula nnanna. Ni commo waheerannyaa.
14	GEN 1:14	Nluku aheera: Cikhale imwaleelo wirimu wiira cikawanihe uthana ni uhiyu. Wiira cikhale cennyo nthoonyero wo ukati, mahuku ni myakha,
20	GEN 1:20	Ciicammo Nluku aheera: Mmaasini mmo akhale makoto onama coomumula, ni iriyariru irimu ni itthaya avaave asaanuni.
22	GEN 1:22	Vano Nluku ahoreeriha eeraka: Ntotholane ni muncereranyee! Ncare mmasini o mpahari! Ni inuni citotholane vathi va!
24	GEN 1:24	Ni vaavale Nluku aheera: Itthaya ikhale inama cikumi co khula nnanna; nhuwo ni inama contakhwani ni masene o mwiilaponi, o khula nnanna. Ni commo waheerannyaa.
28	GEN 1:28	Nluku ahaareerihaca, ni aheerelaca: Ntotholane ni muncereranyee! Ncare ni mmwareele ilapo yothene! Nlamulele ihopa cothene co mpahari, inuni cothene co wirimu ni inama cothene cineetta vathi.
29	GEN 1:29	Nluku aheera tho: Kinawuuvaha miri cothene cowiima cimenle ilapo yothene ni cinvaha ipyo, ni miri cothene cinvaha mihokorokho ni inuku. Cennyo cinwookhala coolya cinyu.
30	GEN 1:30	Ni kinawuvahani mataakhuru othene wiira akhale yoolya eenyu mpaka ciicammo inama cothene cirina ukumi: inama cothene cuulupale co mwiilaponi, ni inuni cothene co wirimu ni inama cothene cineettakaca ilapo yo vathi. Ni commo waheeranya.
47	GEN 2:16	Vano Apwiya Nluku yahonlamulela ntthu yiiraka: Ulyeeke wootthunawaa mihokorokho cothene ciri nluwani mmo,
54	GEN 2:23	Vano nlopwana aheera: Khweeli nna nikhuva no makhuva aka ni ithayi yothayi aka! Ula nohala wiihaninya nthiyana, kontha khumile mwa nlopwana.
57	GEN 3:1	Yooyo ukati uyo inwaa phaari yotepa ulavilavi wopwaha cikhwamwe capankilyaya Apwiya. Inwaa yahaakoha athiyana yiiraka: Nluku phinryawe ciicammo, wiira nhilye mihokhorokho cothene ciri nluwani?
58	GEN 3:2	Vano athiyana yahaakhula yiiraka: Mihokhorokho co miri ciri nluwani niireliye nilyeke,
60	GEN 3:4	Vano inwaa yaheerela athiyana ale: Khweeli khannokhwa.
65	GEN 3:9	Vaavale Apwiya Nluku yahomwiihana nlopwana ule yiiraka: Uri vayi?
66	GEN 3:10	Ule ahaakhula: Kihowiiwa uwuka wophyoo yawinyu nluwani, vano mi kihoova, kontha kiri pwitipwiti phimaana wiipithilyaka.
67	GEN 3:11	Ni Nluku ahonkoha: Tipani uthonyenre wiira uri pwitipwiti? Uholya nhokhorokho wo mwiri uwirenlyaka wiira uhilye?
68	GEN 3:12	Vano nlopwana ule ahaakhula eeraka: Athiyana akivahilyaa ayo wiira akhale nkhwaaka, yaayo phikivahile mi nhokorokho uyo, ni kiholya.
69	GEN 3:13	Apwiya Nluku yahaakoha athiyana ale: Nyu mpankacenreni ciicammo? Athiyana ale yahaakhula yiiraka: Inwaa phikithepile, ni mi kiholya.
70	GEN 3:14	Phimaana Apwiya Nluku yaheerela inwaa: Upanka waa commo, kihoolapha woopwaha mihuwo cothene ni inama cothene co ntakhwani, unhala weettela wamirimani, ni yoolyaa inhala ukhala ntthupi mahuku othene ookumi aa.
72	GEN 3:16	Vano Apwiya yaheerela athiyana ale: Kinawuuncerera coowerya cinyu ukati unkeelenyu ukhala ni irukulu; ni ukati wooyara nnokowoona uwerya; nyu nnokoophavela waapwaha awannyu nanso ayo phinhala wuulamulani.
73	GEN 3:17	Vano Apwiya yahomwiirela Atamu: Ukhala wiira we uheewelela amwaaraa, ni uholya nhokhorokho wawiirenlyaka uhilye, iholaphyaa itthaya iyo mwanlattu wawaa we; muuhuvani unarwaa weelihe mahuku othene ookumi aa.
78	GEN 3:22	Wahoolo Apwiya Nluku yaheera: Nkoonani, ntthu ula ri toko hii, naacuwela yooreera ni yoonanara; vano wiira hitaphule ntata nawe, ciicammo arukulaka nhokorokho womwiri wookumi, alyaka nukhala wohikhwa.
81	GEN 4:1	Atamu ahaathukumanana amwaarawe yeehaninya Eva, ni ale yahorupala irukulu ni yahonnyara Kayini. Ale yaheera: Ni nkavihero na Mwaneene Nluku kihomphwanya nlopwana.
86	GEN 4:6	Vano Mwaneene Nluku ahomwiirela Kayini: Nlattuni we urusiyaka? Untthukelani iyuuci aa?
88	GEN 4:8	Wahoolo, Kayini ahomwiirela Apeli nhimaawe: Nrwee umattani. Ukati wakhalacilyaya umattani, Kayini ahontuphela nhimaawe nuumwiiva.
89	GEN 4:9	Vano Nluku ahonkoha Kayini: Nhimaa Apeli ri vayi? Uyo ahaakhula eeraka: Akincuwela. Mi kihokhala mayonsunka nhimaaka?
90	GEN 4:10	Vano Nluku ahonkoha eeraka: Ipankilyaa ila isiyani? Ukiviriyane: Ukhuma watthayani, iphome ya munnaa inakhuwela.
93	GEN 4:13	Kayini aheerela Apwiya: Uttarusiya waka nwo uhotepa. Nkilevelele.
95	GEN 4:15	Nanso Mwaneene Nluku ahomwaakhula: Khunhala ukhala commo. Ntthu amwiivaka Kayini, nokowiiveleliya ikuhukuhu imaara saapa. Ni Mwaneene Nluku ahomweesera Kayini nthonyero, wiira ntthu phi ntthu nohala unkumanana uyo himwiive.
103	GEN 4:23	Lameke aheerela asaarawe yeehaninya: Aata ni Silaa: Nkiiwace asaara a Lameki, mwiiwelele moolumo aka: Mi kihomwiiva nlopwana mmoca kontha hookirakaliha, ni mmirawo mmoca kontha hookinyakela.
105	GEN 4:25	Atamu ahaathukumanana tho amwaarawe ni ale yahonnyara mwana nkina, yanvahile aya ncina na Seeti, yiiraka: Nluku hokivaha mwana nipuro na Apeli, yoole Kayini mwiivilyawe.
135	GEN 5:29	Ahonvaha ncina na Nowee ni aheera: Ula naahala uniwukula miteko cihu ni uhuva wo mmatatani mwihu ommwaaninya ni itthaya ilaphiye ni Mwaneene Nluku.
138	GEN 5:32	Wapihenryawe Nowee myakha iminya thanu (500) ahaayara tho asaana akina yeehaninnya: Seemu, Kani ni Yafeti.
141	GEN 6:3	Vano Mwaneene Nluku aheera: Nlattu wotaampi ca atthu, Nnepa aka khunhala ukhala ukati wothene ni atthu, kontha ule ri irutthu. Uyo nohala ukhala myakha iminya wo sirini (120) paahi.
144	GEN 6:6	Vano Mwaneene Nluku aheera: Koonne wene kaapankaka atthu mwiilaponi mu, ni iyo yahonrusiha venci wanrimani wawe.
145	GEN 6:7	Mwaneene Nluku aheera: Kinawaamalamaliha mwiilaponi atthu yapankilyaka, atthu ni ciicammo inama cuulupale ni cikani ni asaanuni o wirimu. Koonne wene kipattusaka cothene nnya.
148	GEN 6:10	Nowee ahaayara asaana araru: Semu, Kani ni Yafeti.
151	GEN 6:13	Nluku ahomwiirela Nowe: Kinawamalamaliha atthu othene, kontha ilapo yothene ihocara coonanara cimpankaya. Phimaana mi kinawakwanyulaca ni ilapo eyo.
161	GEN 7:1	Wahoolo Mwaneene Nluku ahomwiirela Nowee: Ukele nkalawani, we ni ntthoko naa nothene, kontha kihowoona we ukhala ntthu oosariya wariyari wa atthu othene.
197	GEN 8:13	Nihuku noopacera no mweeri woopacera wo mwakha iminya siita na mmoca (601), maasi ale yahowelela mwiilaponi mmo. Nowee ahopattakula nivatho nokalawa. ni aheera: mwiilaponi mmo itthaya iyo ihooma.
199	GEN 8:15	Vano Nluku ahomwiirela Nowee:
201	GEN 8:17	Ni ukumihace inama cothene cirinaa nnyo: asaanuni, inama cuulupale ni cikani cineetta ciipurulaka. Ukumihe wiira cimwareele mwiilaponi, cikhale cocaayiira ni citotholane.
205	GEN 8:21	Mwaneene Nluku ahoona unukhela ni aheera: Akinhala tho ulapha itthaya mwanlattu wa pinattamu, kontha wuupuwela wa pinattamu uri woonanara ikhumelo. Ni akinhala wiivakaca tho citthu cikumi cothene toko cipankilyaka ula nkwaha ula.
207	GEN 9:1	Nluku ahonreeriha Nowee na asaanawe amwiirelaka coo: Nnyaranace, muncereryane ni ncarace mwiilaponi.
214	GEN 9:8	Vano Nluku ahomwiirela Nowe, na asaanawe:
218	GEN 9:12	Nluku ahopwaherera wuulumaca eeraka: Ila phi ikanyero yo nleehano naka ninoopankelaakani, ukhuma nyu mpaka citthu cothene cirineenyu, cirina ukumi; mpaka maloko othene oohoolo.
223	GEN 9:17	Namalihileene wuulumaca, Nluku ahomwiirela Nowee coo: Ila phi ikanyero yo nleehano nipankilyaka mi ni citthu cothene cirina ukumi mwiilaponi.
224	GEN 9:18	Vano asaana a Nowee yakhumile nkalawani yaari: Seemu, Kani, ni Yafeti. Kani phiri athumwanaya Kanaa.
231	GEN 9:25	aheera coo: Kanaa holaphiya! Unkookhala ipottha copottha ca asunnaa.
232	GEN 9:26	Aheera tho coo: Attittimihinye Mwaneene Nluku, Nluku a Seemu! Ni Kanaa akhale ipottha awe.
236	GEN 10:1	Ala phi mayaranacelo aya asaana a Nowee: Seemu, Kaamu, ni Yafeti. Ni ayo yahoyaranaca uvira wawe naphuvu.
237	GEN 10:2	Ala pha asaana a Yafeti: Komeri, Makoki, Mattaayi, Yavani, Tupali, Mesekhi ni Tirasi.
238	GEN 10:3	Ni asaana a Komeri yaari pha ala: Asikenasi, Rafiki ni Tokarima.
239	GEN 10:4	Asaana a Yavani yaari pha ala: Elisa, Tarisisi, Kitimi, ni Tamini.
241	GEN 10:6	Ala phaari asaana a Kaamu: Kuusi, Misirayimi, Fuute ni Kanaa.
242	GEN 10:7	Ala phaari asaana a Kuusi: Sepaa, Havila, Sapita, Ramaa ni Sapiteka. Ala phaari asaana a Ramaa: Sapaa ni Tetaa.
244	GEN 10:9	Ule ari nlupa muulupale wamiithoni wa Mwaneene Nluku, phimaana wiiriyaka: Nlupa toko Ninroti wamiithoni wa Mwaneene Nluku.
257	GEN 10:22	Ala phaari asaana a Seemu: Elawu, Asuuri, Arifacate, Luuti ni Arami.
258	GEN 10:23	Ala phaari asaana a Arami: Usi, Huli, Kether ni Meseki.
260	GEN 10:25	Heperi ahaayarela asaana eeli: Mmoca uyo eehaninya Peleki, kontha ukati awe ilapo yahokawaninya; ni nhimaawe eehaninya Yokitani.
270	GEN 11:3	Yaheerelana ayaayoru coo: Nrwee nuupe incirwa ni nipaheehe sana sana. Yatthuminri incirwa nnyo nipuro no maluku, ni alikatarawu nipuro no mattope.
271	GEN 11:4	Wahoolo yaheerelana tho: Nrwee niteke iparasa ni inupa yoorekama yoophiya wirimu. Commo ncina nihu ninkoruma ni khaninhala umwaruseliya mwiilaponi.
273	GEN 11:6	Ni Mwaneene Nluku aheera coo: Nkoonani, atthu ala ari nloko nimoca paahi, anoolumaca nuulumo nimoca paahi, ni ahopacera nteko ule. Woohipica khiiwo inhala waahiha uvara yuupuwenlyaya.
277	GEN 11:10	Ala phi mayaranacelo o nloko na Seemu: Uvira wawe naphuvu mwiilaponi, cahovira myakha miili, ni Seemu ahopiihera myakha iminya (100) ceyarelo ni ahonnyara Arifacate.
294	GEN 11:27	Ala phi mayaranacelo o nloko na Tera: Tera ahonnyara Aparamu, Nahori ni Harani; ni Harani ahonnyara Loti.
300	GEN 12:1	Nkwaha mmoca Mwaneene Nluku ahomwiirela Aparamu: Ukhume ilapo aa iyo, iriyari ya alokwaa ni wapuwani wa athumwana, ni urwee ilapo inhalaka wuthonyera.
306	GEN 12:7	Mwaneene Nluku ahonkhumelela Aparamu phimwiirelaka: Ipyo aa iyo kinaahala uvaha ila itthaya ela. Vano ahoteka ikhilompi yoonalapelela Mwaneene Nluku ankhumelenle.
310	GEN 12:11	Ukati wattamenryawe Wiciipitu, ahomwiirela Sarayi mwaarawe: Yoowe! Mi kihocuwela wiira we uri nthiyana ooreera venci.
311	GEN 12:12	Phimaana annaciipitu ayo yakela yawoonaka, ankocuwela wiira: Ala amwaarawe! Vano ankokiiva ni wuhiya we nkumi.
317	GEN 12:18	Phimaana Farawoo ahomwiihana Aparamu, ni ahomwiirela: Isiyani yeeyo ikipankilyaa iyo? Wahakihimyacenryaa wiira ala mi amwaaraka?
327	GEN 13:8	Vano Aparamu ahomwiirela Loti: Va ihikhume ipokoho we ni mi, ni ihikhume ipokoho ya ahakheli aa na ahakheli aka kontha va niri ayaayoru.
333	GEN 13:14	Aparamu namwalanne ni Loti, ni Mwaneene Nluku ahomwiirela: Uwuse miitho aa ayo ni uwehe ukhuma nipuro niryaa mpaka mphantte wooculu ni woohitto, unkhuma ncuwa mpaka unkela ncuwa.
356	GEN 14:19	Ahonreeriha numwiirela: Nluku muulupale mwaneene irimu ni itthaya oreeriheni Aparamu.
358	GEN 14:21	Ni mwene o Sotoma ahomwiirela Aparamu: Ukivaheke atthu ayo, weva ukuseke mihakhu nnyo.
359	GEN 14:22	Nanso Aparamu ahomwiirela mwene o Sotoma: Kihowusa matata aka kilupelaka wa Mwaneene Nluku, Nluku Ooculu, mwaneene irimu ni itthaya.
360	GEN 14:23	Akintthuna itthu phi itthu iri yawaa, hata nripwe wokwakwaatta caa, wiira we uhikiirele: Kihonthaciriha Aparamu.
362	GEN 15:1	Cinavinrene nnya citthu nnya, nuulumo na Mwaneene Nluku nahowa waAparamu munttorani: Uhoove, Aparamu! Mi phi mi, mwaakihi aa. Itthuvo aa inhala ukhala yuulupale.
363	GEN 15:2	Nanso Aparamu ahokoha: Pwiya Nluku, unhala ukivahani, kamana nanlelo akirina mwana ni nohala uhalana cirinaka phi Eliyeseri o Tamasiku?
364	GEN 15:3	Ni ahoncerera tho eeraka: We khukivahile mena mwana! Karumeya aka phinhala ukhala nkalanupa aka.
365	GEN 15:4	Vano Mwaneene Nluku ahomwaakhula eeraka: Nkalanupa aa khanhala ukhala uyo. Mwana oonyara yo weva phinhala wuuranttela.
366	GEN 15:5	Ankumiheraka vate inupa, ahomwiirela: Uwehe wirimu ni waalikele itthoottwa, wooryaka waalikela. Ni ahopwaherera eeraka: Nloko naa nno phinhalaya ukhala toko nnya itthoottwa nnya.
368	GEN 15:7	Ahomwiirela nanlelo: Mi Mwaneene Nluku kuukumihile Ur yo Kasiti wiira kuvahe ila ilapo ela ukhala yawaa.
369	GEN 15:8	Aparamu ahonkoha eeraka: Pwiya Nluku, kinhala ucuwela cani wiira khweeli kimmopattha?
370	GEN 15:9	Ule ahomwaakhula: Ukiwiihere mwamope, ipuri ni ikhontwaa, cothene cokhalana myakha miraru cookumi ni ciicammo nciiya nimoca ni ikhuntta imoca.
374	GEN 15:13	Vano Apwiya yahomwiirela: Ucuwele wiira uneethi aa unkokhala ilapo ihiri yawaya, inkelaya upankiye ipottha ni uhuvihiya myakha iminya cese.
384	GEN 16:2	Sarayi ahomwiirela Aparamu: Kamana Mwaneene Nluku hokateliha uyara, nkuseke ipottha aka. Pooti kinapanka nloko nhina mo yeeyo. Aparamu aheewelela yahimilyawe Sarayi.
387	GEN 16:5	Vano Sarayi ahomwiirela Aparamu: Wumorele yo weva ula uruttu ula ukihuviha waa. Kihoovaha ipottha aka mmatatani mwaa, vano woonyaya wiira ihorupala, inakitarawa. Mwaneene Nluku akhale mayohukhumu; ni mayonihukhumu mi ni we.
388	GEN 16:6	Aparamu ahomwaakhula Sarayi: Ipottha aa iri mmatatani mwaa. Upanke inhala wucivela. Vano Sarayi ahonhuviha Hakari mpaka ule utthawa.
390	GEN 16:8	ni ahonkoha: Hakari, ipottha ya Sarayi, unkhuma vayi? Unkela vayi? Ule ahaakhula eeraka: Kinontthawa Sarayi, nkunya aka.
391	GEN 16:9	Ncelo a Mwaneene Nluku ahomwiirela: Uturuwele wa nkunya aa ni weevaherere wa yooyo.
392	GEN 16:10	Ncelo aheera tho: Kimmowuncerera nloko naa ni khaawo nohala woorya waalikela.
393	GEN 16:11	Aheereliya tho ni Ncelo a Mwaneene Nluku: We uhorupala ni unamphwanya mwana ni urwaa ummaha ncina na Sumayili, kontha Mwaneene Nluku homwiiwa muhuvani mwaa.
395	GEN 16:13	Nna phi ncina nanvahilyawe Mwaneene Nluku amuulumannyawe: We El Royi, kontha eenre: Kihomoona ule nokoona?
399	GEN 17:1	Aparamu unhaleelaka mwakha mmoca wiira apiihere iminya (99) ceyarelo, ahomphwanyinya ni Mwaneene Nluku ni ahomwiirela: Phi mi Nluku Okuru Cothene. Weette toko cintthunaka ni wiivaherere wa mi.
401	GEN 17:3	Aparamu ahooromela vathi ni Nluku ahomwiirela:
407	GEN 17:9	Vaavale Nluku ahomwiirela tho Aparahamu: Usunke nleehano naka, ukhuma we mpaka ucuulu aa wothene unhalaa ukhalana.
413	GEN 17:15	Nluku ahomwiirela tho Aparahamu: Ukhuma nenna vaa mpaka wahoolo, amwaaraa khanhala wiihaninya tho Sarayi. Ncina naya ninhala ukhala Asaara.