2	GEN 1:2	Ilapo yaari yoohinnanna ni yoohitthu; ipiphi yahokhuneela ipahari ni Nnepa wa Nluku wanaweettakaca waculu maasi.
6	GEN 1:6	Wahoolo Nluku aheera tho: Iriyari yo maasi nikhale nlaka ninhala ukawaniha maasi wawaya wawaya.
11	GEN 1:11	Vano Nluku aheera: Itthaya yothene ikhuneeliye ni itakhwa, maphumpulu ni miri cimmaha mihokorokho ni ipyo co khula nnanna. Ni commo waheerannyaa.
12	GEN 1:12	Itthaya yahomela itakhwa yaarina maphunpulu o khula nnanna. Ni miri cowiima cavaha inuku co khula nnanna. Nluku ahoona wiira wari wooreera.
24	GEN 1:24	Ni vaavale Nluku aheera: Itthaya ikhale inama cikumi co khula nnanna; nhuwo ni inama contakhwani ni masene o mwiilaponi, o khula nnanna. Ni commo waheerannyaa.
43	GEN 2:12	Iwooru yo yeeyo ilapo iyo iri yooreera; ciicammo, wonwo haawo lumpani ni maluku ocaayira.
57	GEN 3:1	Yooyo ukati uyo inwaa phaari yotepa ulavilavi wopwaha cikhwamwe capankilyaya Apwiya. Inwaa yahaakoha athiyana yiiraka: Nluku phinryawe ciicammo, wiira nhilye mihokhorokho cothene ciri nluwani?
69	GEN 3:13	Apwiya Nluku yahaakoha athiyana ale: Nyu mpankacenreni ciicammo? Athiyana ale yahaakhula yiiraka: Inwaa phikithepile, ni mi kiholya.
74	GEN 3:18	Itthaya iyo inkomeela miiwa ni malasi, ni we unkoolya matakhuru o ntakhwani.
87	GEN 4:7	We wapankaka yooreera, khunhala ukupaliya? Nanso waahipankeke yooreera, ucuwele wiira itampi iri wankhora ni inoowipithela. Iyo imphavela wuutthema, nanso we unlamuliya usintta.
90	GEN 4:10	Vano Nluku ahonkoha eeraka: Ipankilyaa ila isiyani? Ukiviriyane: Ukhuma watthayani, iphome ya munnaa inakhuwela.
94	GEN 4:14	Ilelo nnakoomola mwiilaponi mu, kiwiipithakani ni kitthawatthawaka toko nannyatha, kontha ntthu phi ntthu nohala ukikumanana uyo nokookiiva.
98	GEN 4:18	Enoki ahonnyara Iraati. Iraati ahonnyara Mewucayeli. Mewucayeli ahonnyara Metusayeli ni Metusayeli ahonnyara Lameki.
107	GEN 5:1	Ila phi iliivuru yomayaranacelo o nloko na Atamu. Ukati Nluku waampankilyawe ntthu, eelattanihaka mwaneene,
203	GEN 8:19	Inama cothene cuulupale ni cikani cineetta wowiipurula, ni asaanuni othene, cothene coweetta mwiilaponi caari nkalawani, cahokhuma.
208	GEN 9:2	Inama cothene co mwiilaponi cinkowuttettemelani ciwoovakani nyu; inama co ntakhwani, asaanuni o wirimu, inama cineepurula vathi ni ihopa co mpahari, cothene nhovahiya mmatatani mwinyu.
217	GEN 9:11	Kinapanka nleehano naka ni nyu. Itthu phi itthu irina ukumi khinhala tho wiiviya ni maasi oocara mwiilaponi. Khaanhala tho ucara maasi mwiilaponi.
218	GEN 9:12	Nluku ahopwaherera wuulumaca eeraka: Ila phi ikanyero yo nleehano naka ninoopankelaakani, ukhuma nyu mpaka citthu cothene cirineenyu, cirina ukumi; mpaka maloko othene oohoolo.
223	GEN 9:17	Namalihileene wuulumaca, Nluku ahomwiirela Nowee coo: Ila phi ikanyero yo nleehano nipankilyaka mi ni citthu cothene cirina ukumi mwiilaponi.
246	GEN 10:11	Ukhuma wawe yeela ilapo ela ahorwaa waAsiiriya wantekilyawe Ninive, Riyopoti-Iri, Kalaa
296	GEN 11:29	Aparamu ni Nahori yahaathelaca asaaraya. Ncina na amwaarawe Aparamu naari Sarayi, ni ncina na amwaarawe Nahori naari Milika; ula aari mwana a Harani, athumwane Milika ni Isikaa.
306	GEN 12:7	Mwaneene Nluku ahonkhumelela Aparamu phimwiirelaka: Ipyo aa iyo kinaahala uvaha ila itthaya ela. Vano ahoteka ikhilompi yoonalapelela Mwaneene Nluku ankhumelenle.
317	GEN 12:18	Phimaana Farawoo ahomwiihana Aparamu, ni ahomwiirela: Isiyani yeeyo ikipankilyaa iyo? Wahakihimyacenryaa wiira ala mi amwaaraka?
328	GEN 13:9	Ilapo eyo khimala, va nrwee nimelane. Weeraka kinthanla moono nthiyana mi kinhala urwa moono nlopwana; atthuna weeraka kinthanla moono nlopwana mi kinrwa moono nthiyana.
329	GEN 13:10	Vaavale ahoweha Loti micoko cothene niwahoncivela uthako wo Yoortani, wari wowunttelana ratta mpaka uSowari; wari toko iluwani ya Mwaneene Nluku, toko wenryaya itthaya yo Wiciipitu. Iyo yeeranele Mwaneene Nluku hinakwanyula uSotoma nuKomora.
338	GEN 14:1	Ila yaakhumelenle ukati waryawe mwene uSineyari eehaninya Anrafeli, Ariyoki ari mwene o Elasari, Ketolameri nari mwene o Lamu ni Titali ari mwene o Koyimi.
362	GEN 15:1	Cinavinrene nnya citthu nnya, nuulumo na Mwaneene Nluku nahowa waAparamu munttorani: Uhoove, Aparamu! Mi phi mi, mwaakihi aa. Itthuvo aa inhala ukhala yuulupale.
388	GEN 16:6	Aparamu ahomwaakhula Sarayi: Ipottha aa iri mmatatani mwaa. Upanke inhala wucivela. Vano Sarayi ahonhuviha Hakari mpaka ule utthawa.
396	GEN 16:14	Phimaana ilusi iri iriyariru o Kattes ni Perete, wiihaninye Iluusi yo Lahayi-Royi.
406	GEN 17:8	Ilapo yothene yo Kanaa, uryaa nletto, kimmowuvaha toko yawaa mpaka khalayi; we ni ucuulu aa ni mi kinhala ukhala Nluku aya.
417	GEN 17:19	Vano Nluku ahomwaakhula: Khweeli Asaara amwaaraa, unannyarana mwana ni we unnomwiihana Isaki. Ni yooyo kimmopankana nleehano noohimala wamoca nu ucuulu awe wothene.
419	GEN 17:21	Nanso nleehano naka, mi kinhala upanka ni Isaki, mwana nohala unnyara Asaara mwahiyu yoola ukati ula.
439	GEN 18:14	Ihaawo itthu inolwanawe Mwaneene Nluku? Kinawuphwanya tho mwaahiyu yoola ukati ula ni Asaara kinhala waphwanya anayanre.
478	GEN 19:20	Vakhiviru va ihaawo iparasa yankani. Iri vakhiviru cinenne wahoreera utthawa mpaka uphiya wonwo. Nkihiye kirwee wonwo! Hata ikhale yankani cinenne, kinkokhala uwoopwene.
501	GEN 20:5	Kahimmwe yooyo phikiirenle: Nthiyana ola mwanrokoraka? Ni ayo khayinre: Nlopwana ola nrokoraka? Ipankilyaka iri yo nrima wooreera ni wohinlattu.
505	GEN 20:9	Wahoolo Apimeleke ahomwiihana Aparahamu ni ahomwiirela: Unipankile cani? Kukosenre isiyani mpaka ukikosiha venci ni omwene aka wothene? Ikipankile iyo khampankiya ntthu.
511	GEN 20:15	Ni Apimeleke aheera: Ilapo aka iri ni we. Ukhaleke nipuro phi nipuro ninoocivela.
517	GEN 21:3	Mwana annyarannyawe Asaara, Aparahamu ahommaha ncina na Isaki.
518	GEN 21:4	Isaki wapiihenryawe mahuku mathanu na mararu ookumi, Aparahamu ahomuuliha icaantto, toko calamuleliyawe ni Nluku.
519	GEN 21:5	Ukati wannyanryawe Isaki, Aparahamu ahaana myakha iminya (100).
522	GEN 21:8	Isaki ahonnuwa ni ahohiihiya nipele. Ni nenno nihuku nno Aparahamu ahopanka isukuhuulu.
523	GEN 21:9	Woonnyaya Asaara wiira mwana a Akaari, munnaciipitu, annanveha Isaki,
525	GEN 21:11	Iyo yahoncukuliha venci Aparahamu kontha ahokela mpwiini mmo mwanawe.
526	GEN 21:12	Nanso Nluku ahomwiirela Aparahamu: Uhicukulace nlattu wo mwana ni wopottha. Upanke yothene inhalaya uhimya Asaara, kontha nhina mwa Isaki phinhalaya ulemelihiya amucyaa ayo.
543	GEN 21:29	Apimeleke ahonkoha eeraka: Inthoonyera isiyani ikhontwaa saapa cikumihilyaa munhuwoni mmo?
550	GEN 22:2	Vano Nluku aheera: Unkuse mwanaa, mwanaa mmoca yooyo, Isaki nonfentesaa uyo, ni urwee nttetthe wo Muriyaa. Wakipankele yooyo wonwo isataka yoopahiya wamwaakoni unhalaaka wuthoonyera.
551	GEN 22:3	Wasilyaya vale, Aparahamu ahonwa ni ahontthenkemaniha puuru awe, ahaatthukana nloko amirawo awe eeli wamoca ni Isaki mwamwanawe, ahopharula ikhuni cosataka, ahopwaha arwaaka nipuro nahimeriyawe ni Nluku.
554	GEN 22:6	Aparahamu ahokusa ikhuni nnye coorwa upaha isataka ni ahonrya Isaki, ni uyo ahokusa makhala o mooro ni mwaalo. Ni yeettacaka wamoca.
555	GEN 22:7	Isaki aheerela athumwane: Paapa! Aparahamu ahaakhula: Phi mi va, mwanaka. Isaki ahaakoha: Makhala o mooro ni ikhuni phi nnya, vano iri vayi ikhontwaa yotthuvo yoopahiya.
557	GEN 22:9	Waphilyaya nipuro nathoonyeriyawe ni Nluku, Aparahamu ahoteka ikhilompi yoopaha isataka ni ahotataanihaca ikhuni vaavale. Ahontthuka Isaki, phumweesaka waculu ikhuni vale.
563	GEN 22:15	Ikwaha yonayeeli Ncelo a Mwaneene Nluku ahomwiihana Aparahamu
583	GEN 23:11	Mena, muulupale, ukiviriyane. Imatta iyo kinawuvaha, ciicammo nikhuku niri mmattani ni kinawuvaha wa miithoni wa amucyaka, uvitthe mayithi aa ayo.
587	GEN 23:15	Ukiiwe muulupale aka: Imatta iyo ncurukhu aya uri iminya cese wopheeta. Isiyani vava vaa we ni mi? Uvithe mayithi aa ayo.
596	GEN 24:4	Nanso urwee uwaani, ilapo iyareliyaka ni wamucyaka ni wanthanle nthiyana nohala unthela mwanaka Isaki.
600	GEN 24:8	Nanso nthiyana uyo ahithuneke uwa ni we uno, unahala wothopwa ulupela waa nwo. Itthu ihimphavelaka iri unturusela mwana uyo uwaani.
606	GEN 24:14	Nna va kinoolepelani wiira, mwali nohalaka umwiirela uyo: Wiinamihe mwaapu uyo kiwuryee; ni uyo akiirelaka mmuryeke ni kinavaha maasi inkamira cinyu nnyo; yooyo phimwacileenyu wiira anthele karumeya enyu Isaki, ni mi kinahala ucuwela wiira nhonpanka nnema nkunya aka.
648	GEN 24:56	Vano ule aheerela nhikiporonkanihe. Ikwaha ila Mwaneene Nluku hokireeriha. Nkihiye kituruwele ratta wankunya aka.
654	GEN 24:62	Yooyo ukati uyo Isaki aakhuma iphiro yoluusi Ulayi-Royi, kontha akhala ilapo yohitto.
655	GEN 24:63	Nihuku nimoca ukati wococilo, Isaki anaswali mmattani, ahowusa miitho awe ayo ni ahoona inkamira ciwaka.
656	GEN 24:64	Ciicammo Repeka, ahowusa miitho awe ayo ahomoona Isaki, ni ahokhuruwa munkamirani,
658	GEN 24:66	Wahoolo karumeya uyo ahonttonkela Isaki citthu cothene ceeranele.
659	GEN 24:67	Paahi, Isaki ahonkusa Repeka mpaka nheemani mwa anumwane yeehaniya Asaara, ahonthela nuunfenta. Phimaana Isaki ahomaalihiya ni Repeka, ukhwa waya anumwane.
661	GEN 25:2	Ketura ahonnyarana Aparahamu ala asaana ala: Sinra, Yookisa, Meeta, Miitiya, Isipaki, ni Suwaa.
664	GEN 25:5	Aparahamu ahonhiyera Isaki mihakhu cawe cothene.
665	GEN 25:6	Nanso asaana a Aparahamu yayanryawe na asaarawe oohitteeliheraninya, aavahacile itthuvo vakani; nari nkumi, ahamwalaaniha ni mwanawe Isaki nuwarweha uttayi, ilapo iri mphantte unkhuma ncuwa.
668	GEN 25:9	Nanso, asaana a Aparahamu, Isaki ni Sumayili, yahaavithaca athumwanaya nnikhukuni no Makipela, vakhiviru ni uManree, nthala na Eforomi, mwana a Suwari, nHitita,
670	GEN 25:11	Nanso nakhwileene Aparahamu, Nluku ahonreeriha Isaki. Vano Isaki aakhala vakhiviru ni Iluusi yo Lahayi-Royi.
678	GEN 25:19	Ala phi mayaranacelo o nrukulu na Isaki, mwana Aparahamu: Aparahamu ahonnyara Isaki.
679	GEN 25:20	Isaki narina myakha arupayini ceyarelo, ahonthela Repeka, mwana a Petuweli, Nramewu o Patan-Aramu, aari mwanrokorawe Lapanu, ni uyo ciicammo Nramewu.
680	GEN 25:21	Vano Isaki ahonlepela Nluku, kontha amwaarawe ayo yari mwali eekupa. Phimaana Mwaneene Nluku ahaakhula iswali cawe nnyo ni Repeka ahorupala irukulu.
682	GEN 25:23	Vano Mwaneene Nluku ahomwaakhula: Ilapo piili phiriwo munthuukwani mwaa mmo, phimaana anakhuma mommo atthu eeli ni anaahala umwalana: Mmoca uyo nokookhala okuru oompwaha nkhwawe, nanso omuulupale uyo naahala unvarela nteko omwankani uyo.
684	GEN 25:25	Oopacera uyariya uyo aari okharari cookhwiila, ni irutthu awe yothene yaari yo mapururu; phimaana ahovahiya ncina na Isawu.
685	GEN 25:26	Wahoolo ahoyarya mwanhimaawe, ntata nawe naavarenle ikottokottho ya Isawu; phimaana ahovahiya ncina na Yakopi. Ukati waayarawe Repeka, Isaki aarina myakha sitiini ceyarelo.
686	GEN 25:27	Asaana ale yahonuwaca. Isawu aari nlupa oocuwela utotha ni aari nantakhwani. Nanso Yakopi waari nteko awe paahi uhakhela imope ni aakhala mmaheemani.
687	GEN 25:28	Isaki anfenta Isawu, kontha cancivela ukhura inama ceevawe; ni ciicammo Repeka anfenta Yakopi.
688	GEN 25:29	Nanso ikwaha imoca, Yakopi aapyaacaka yoolya, ahowa Isawu navoliye itala, akhumaka utakhwani,
691	GEN 25:32	Vaavale Isawu aheera: Nna vaa kihanle vakani ukhwa. Kimphurela isiyani iyuulupale eyo?
692	GEN 25:33	Wahoolo Yakopi ahonkhanyereriha Isawu eeraka: Woopacera unlamuliya ulupela. Ni ule aholupela untumihera Yakopi iyuulupale eyo.
693	GEN 25:34	Vano Yakopi ahonvaha Isawu isima ni maruru. Ule aholya nuwurerya, ahonwa nurwaa. Commo Isawu ahovyavyeeha iyuulupale awe.
694	GEN 26:1	Yahovola itala yeele ilapo ele, toko weracilyaya ukati wa Aparahamu. Phimaana Isaki ahorwaa ilapo yo Kerari, wonwo Apimeleke waaryawe mwene o mafilisitiya.
695	GEN 26:2	Vano Mwaneene Nluku ahomphwanya Isaki ni ahomwiirela: Uhikhuruwele Wiciipitu. Urwee wakhale ilapo inhalaka wuthoonyera.
699	GEN 26:6	Commo Isaki ahokhala o Kerari.
701	GEN 26:8	Isaki ahokhala o Kerari ukati mwinci. Nihuku nimoca, Apimeleke, mwene o mafilisitiya, anawehecesa wacanelani yaari uculu, phuukati wamonnyawe Isaki anthwelanaka Repeka amwaarawe.
702	GEN 26:9	Vano Apimeleke ahomwiihana Isaki ni ahomwiirela: Khweeli, uhirune. Ale amwaaraa. Vano weerelani mwanrokoraka? Isaki ahaakhula eeraka: Kontha kineenre amwaaraka kanawoova wiiviya.
705	GEN 26:12	Vano Isaki ahotthimpula imatta ni yooyo mwakha uyo ahoruwerya venci, kontha Mwaneene Nluku ahonreeriha.
708	GEN 26:15	Phimaana, mafilistiya yahotthunttuwanihaca nuuwuhelelaca iluusi cothene cathipiye ni ipottha ukati wa Aparahamu, athumwane Isaki.
709	GEN 26:16	Vano Apimeleke ahomwiirela Isaki: Ukhume mwilaponi mwihu mu, kontha uri ntthu oonhakhu cinenne woonipwaha hi.
710	GEN 26:17	Phimaana Isaki ahokhuma nuthamela wuuthakoni wo Kerari waakhalawe khalayi.
711	GEN 26:18	Wahoolo Isaki ahowuhulaca iluusi caathipiye ukati wathumwane. Nnye cawuhelelaciye ni mafilisitiya ukhwa wawe Aparahamu ni ahovaha macina yavahilyaya athumwane.
712	GEN 26:19	Vano ipottha ca Isaki cahothipaca muuthakoni mmwe ni cahottenla maasi menci oociva.
713	GEN 26:20	Vano ahakheli o Kerari yahonyakulihana na ahakheli a Isaki, yiirelanaka: Maasi ala awihu! Phimaana Isaki ahovaha iluusi ile ncina na Eseke, nlattu woonyakuliheraninya.
715	GEN 26:22	Wahoolo Isaki ahothama nne nipuro nne ni ahothipa iluusi ikina ni khayanyakuliheraniye tho. Phimaana ahovaha ncina na Riyopoti, eeraka: Vano Mwaneene Nluku honihulela ikhato ninaahala wiithawala yeela ilapo ela.
716	GEN 26:23	Ukhuma vaavale Isaki ahorwaa o Peresepa.
718	GEN 26:25	Isaki ahoteka ikhilompi ni aholapela ncina na Mwaneene Nluku. Vaavale ahomaka ni ipottha cawe yahothipaca iluusi ikina.
720	GEN 26:27	Vaavale Isaki ahaakohaca eeraka: Nlattuni mmwaaka ukiweha, mi mwahokipanka mwiinani ni mwahokoomola?
723	GEN 26:30	Vano Isaki ahaavahaca yoolya ni ale yaholyaca nuuwuryaca.