7	GEN 1:7	Vano Nluku ahopanka nlaka ni ahokawanihaca maasi yari vathi ni ale yaari uculu. Ni commo waheerannyaa.
9	GEN 1:9	Vaavale Nluku aheera: Maasi ari vathi waya irimu, athukumane nipuro nimoca, ikhale itthaya yowuuma. Ni commo waheerannyaa.
11	GEN 1:11	Vano Nluku aheera: Itthaya yothene ikhuneeliye ni itakhwa, maphumpulu ni miri cimmaha mihokorokho ni ipyo co khula nnanna. Ni commo waheerannyaa.
22	GEN 1:22	Vano Nluku ahoreeriha eeraka: Ntotholane ni muncereranyee! Ncare mmasini o mpahari! Ni inuni citotholane vathi va!
26	GEN 1:26	Vano Nluku aheera; nimpanke ntthu oolattana ni hi ni ookhala toko hii. Uyo alamulele ihopa cothene co mpahari, inuni cothene co wirimu ni inama cothene cuulupale co mwiilaponi, ni inama cothene cikani cineepurula vathi.
38	GEN 2:7	Vano Apwiya Nluku yahomuumpa ntthu ni ntthupi notthaya ni yahommucelela mphulani iphumu cookumi, ni ntthu ule ahothatuwa nkumi.
39	GEN 2:8	Vaavale, Apwiya Nluku yahopanka iluwani yo Eeteni yaari mphantte unkela ncuwa, ni yahomweesa ntthu yampankilyaya.
47	GEN 2:16	Vano Apwiya Nluku yahonlamulela ntthu yiiraka: Ulyeeke wootthunawaa mihokorokho cothene ciri nluwani mmo,
50	GEN 2:19	Vano noompileene itthaya ni inama cothene co ntakhwani, ni asaanuni othene ooculu, Apwiya Nluku yahomwiihera nlopwana ule, wiira amoone caahalawe wiihana, ni wo khula ncina nivahilyawe nlopwana, khula itthu yoomumula, nenno phiri ncina naya.
52	GEN 2:21	Vano Apwiya Nluku yahonvaha ikhove cinci nlopwana ule, ni waarupawe vaa yahonkumiha niparari nimoca nuuttiya nenno nipuro nno ni ithayi.
54	GEN 2:23	Vano nlopwana aheera: Khweeli nna nikhuva no makhuva aka ni ithayi yothayi aka! Ula nohala wiihaninya nthiyana, kontha khumile mwa nlopwana.
58	GEN 3:2	Vano athiyana yahaakhula yiiraka: Mihokhorokho co miri ciri nluwani niireliye nilyeke,
60	GEN 3:4	Vano inwaa yaheerela athiyana ale: Khweeli khannokhwa.
64	GEN 3:8	Watthekuwaya ncuwa, yaheewa uwuka wophyoo wawaaya Apwiya Nluku weettakaca nluwani. Vano nlopwana wamoca na amwaarawe yaheepitthaca Apwiya Nluku mmirini co nluwani.
65	GEN 3:9	Vaavale Apwiya Nluku yahomwiihana nlopwana ule yiiraka: Uri vayi?
68	GEN 3:12	Vano nlopwana ule ahaakhula eeraka: Athiyana akivahilyaa ayo wiira akhale nkhwaaka, yaayo phikivahile mi nhokorokho uyo, ni kiholya.
72	GEN 3:16	Vano Apwiya yaheerela athiyana ale: Kinawuuncerera coowerya cinyu ukati unkeelenyu ukhala ni irukulu; ni ukati wooyara nnokowoona uwerya; nyu nnokoophavela waapwaha awannyu nanso ayo phinhala wuulamulani.
73	GEN 3:17	Vano Apwiya yahomwiirela Atamu: Ukhala wiira we uheewelela amwaaraa, ni uholya nhokhorokho wawiirenlyaka uhilye, iholaphyaa itthaya iyo mwanlattu wawaa we; muuhuvani unarwaa weelihe mahuku othene ookumi aa.
76	GEN 3:20	Vaavale nlopwana ule ahaavaha amwaarawe ayo ncina na Hawa; kontha ayo yaari anumwanaya atthu othene.
77	GEN 3:21	Vano Apwiya Nluku, yahompakela nlopwana ule na amwaarawe ikuwo co nrapala ni yahaawarihaca.
85	GEN 4:5	Nanso ayo khayaamwakhelenle Kayini ni itthuvo cawe. Vaavale Kayini ahorusiya ni ahotthuka iyuuci.
86	GEN 4:6	Vano Mwaneene Nluku ahomwiirela Kayini: Nlattuni we urusiyaka? Untthukelani iyuuci aa?
89	GEN 4:9	Vano Nluku ahonkoha Kayini: Nhimaa Apeli ri vayi? Uyo ahaakhula eeraka: Akincuwela. Mi kihokhala mayonsunka nhimaaka?
90	GEN 4:10	Vano Nluku ahonkoha eeraka: Ipankilyaa ila isiyani? Ukiviriyane: Ukhuma watthayani, iphome ya munnaa inakhuwela.
91	GEN 4:11	Vano uholaphiya we ni itthaya ihunle malaku wiira yaakhelele mmatatani mwaa iphome ya munnaa.
96	GEN 4:16	Vano Kayini ahokhuma wamiithoni wa Mwaneene Nluku ni ahorwaa ukhala ilapo yo Nooti, mphantte unkhuma ncuwa wo Eeteni.
106	GEN 4:26	Seeti ciicammo ahonnyara mwana anvahile awe ncina na Enosi. Vano Yooyo ukati uyo, phapaceriyaya ulapeliya ncina na Mwaneene Nluku.
141	GEN 6:3	Vano Mwaneene Nluku aheera: Nlattu wotaampi ca atthu, Nnepa aka khunhala ukhala ukati wothene ni atthu, kontha ule ri irutthu. Uyo nohala ukhala myakha iminya wo sirini (120) paahi.
144	GEN 6:6	Vano Mwaneene Nluku aheera: Koonne wene kaapankaka atthu mwiilaponi mu, ni iyo yahonrusiha venci wanrimani wawe.
149	GEN 6:11	Vaavale, ilapo yahohononnya wamiithoni wa Nluku ni yahocara coonanara capankaya atthu.
159	GEN 6:21	Vano we, ukuse coolya cothene cinliya ni wiisunkere, cinhala ukhala coolya ca waa ni coolya conama.
173	GEN 7:13	Vano nenno nihuku nno Nowee na asaanawe, Seemu, Kani ni Yafeti, ciicammo amwaara a Nowee na asaaraya asaanawe ooraru yahokelaca nkalawani.
177	GEN 7:17	Vaavale, naphuvu ule ahokhala mahuku arupayini nari mwiilaponi, maasi yaheenciva, ni yahoteesa ikalawa iyo, ni ile yahohiya itthaya.
178	GEN 7:18	Vano maasi ale yahocara venci cinenne mwiilaponi mothene; nanso ikalawa iyo yaamphempa waculu maasi.
179	GEN 7:19	Vano maasi ayo yanatepa wuncereryaana mwiilaponi, mpaka myako coorekama cothene cari vathi waya irimu cahomiriya ni maasi.
185	GEN 8:1	Vano, Nluku ahomuupuwela Nowee wamoca ni inama cothene co ntakhwani ni coohuwiya caarinawe nkalawani, ni ahowana iphyoo yuulupale mwiilaponi ni maasi yahopacera uwukuwa.
189	GEN 8:5	Maasi naanlelo yeera awukuwaka, mpaka mweeri wonakhumi. Vano nihuku noopacera no mweeri wonakhumi cahopacera woonnyaa myako.
191	GEN 8:7	Vano ahonkumiha nakhuku mmoca, aamakenle urukureryaca paahi, awehereryaka maasi ale wuuma vathi wothene.
194	GEN 8:10	Vaavale Nowee ahowehererya tho mahuku saapa ni ahoruma tho ikhuntta ile.
199	GEN 8:15	Vano Nluku ahomwiirela Nowee:
214	GEN 9:8	Vano Nluku ahomwiirela Nowe, na asaanawe:
224	GEN 9:18	Vano asaana a Nowee yakhumile nkalawani yaari: Seemu, Kani, ni Yafeti. Kani phiri athumwanaya Kanaa.
269	GEN 11:2	Vano atthu akhumaka mphantte unkhuma ncuwa, yahophwanyaca nikuwa uSinari ni vaavale yahokhalaca.
272	GEN 11:5	Vano Mwaneene Nluku ahokhuruwa wiira oone iparasa ile ni inupa yatekaya atthu ale.
275	GEN 11:8	Vaavale, Mwaneene Nluku ahaamwarusela atthu ale ilapo yothene, ni yahohiyaca uteka iparasa ile.
297	GEN 11:30	Vano Sarayi aari oohiyara, khaarina asaana.
302	GEN 12:3	Kinawareeriha anhala wureeriha ayo ni watapaniha anhala wulaphakaca ayo. Vano mwanlattu wo we, atthu othene omwiilaponi anakhala ooreerihiya.
303	GEN 12:4	Vaavale Aparamu ahokhuma toko Mwaneene Nluku camwiirenlyawe, ni warwawe va ahontthukana ikwaha Loti. Ukati wakhumawe uHarani, Aparamu ahaana myakha sapini na mithanu.
306	GEN 12:7	Mwaneene Nluku ahonkhumelela Aparamu phimwiirelaka: Ipyo aa iyo kinaahala uvaha ila itthaya ela. Vano ahoteka ikhilompi yoonalapelela Mwaneene Nluku ankhumelenle.
307	GEN 12:8	Vaavale aheetta arwaka myako ciri ncoko woohitto wo Peteli. Wonwo ahonkhurutula heema awe, akakhelaka uPeteli moono unkela ncuwa ni Ayi unkhuma ncuwa. Vano ahontekela ikhilompi Mwaneene Nluku ni ahonlapela Mwaneene Nluku.
309	GEN 12:10	Yooyo ukati uyo ilapo iyo yahovola itala yinci. Vano Aparamu ahokhuruwela ilapo yo Wiciipitu wiira akhale ukati vakani kontha itala eyo yanatepa mwilaponi mmo.
311	GEN 12:12	Phimaana annaciipitu ayo yakela yawoonaka, ankocuwela wiira: Ala amwaarawe! Vano ankokiiva ni wuhiya we nkumi.
315	GEN 12:16	Vano mwanlattu wa Sarayi, Aparamu ahopankiya nnema. Ule ahovahiya ikhontwaa, imope, apuuru, ipottha cilopwana ni cithiyana, apuuru onthiyana ni inkamela.
320	GEN 13:1	Vano Aparamu ahokhuma Wiciipitu ni ahorwaa uNekepi na amwaarawe ayo, ni citthu cothene carinawe ni Loti ahontthukana ikwaha.
325	GEN 13:6	Vano nipuro nno khanaatosa wiira oyeeli akhalace nttetthe mmoca, kontha yahaanaca mihakhu cinci cahaalamuliyaya ukhala khala nipuro nimoca.
327	GEN 13:8	Vano Aparamu ahomwiirela Loti: Va ihikhume ipokoho we ni mi, ni ihikhume ipokoho ya ahakheli aa na ahakheli aka kontha va niri ayaayoru.
329	GEN 13:10	Vaavale ahoweha Loti micoko cothene niwahoncivela uthako wo Yoortani, wari wowunttelana ratta mpaka uSowari; wari toko iluwani ya Mwaneene Nluku, toko wenryaya itthaya yo Wiciipitu. Iyo yeeranele Mwaneene Nluku hinakwanyula uSotoma nuKomora.
345	GEN 14:8	Vano yahokhuma mamwene o Sotoma, ni o Komora, o Atima, o Sepowimi ni o Pela uneehaninya Sowari ni yaholamulelana ni wanca ikhotto yaananaka yaale onikuwani no Sitimi,
347	GEN 14:10	Vano nikuwa no Sitimi nahocara maliti o marove. Mamwene o Sotoma nu Komora yahotthawa. Akina yahovariya ni yahanle ayo yahotthawela umwakoni.
365	GEN 15:4	Vano Mwaneene Nluku ahomwaakhula eeraka: Nkalanupa aa khanhala ukhala uyo. Mwana oonyara yo weva phinhala wuuranttela.
372	GEN 15:11	Vano inaka cahopacera ukhuruwela vanamani vale, nanso Aparamu anhakha.
374	GEN 15:13	Vano Apwiya yahomwiirela: Ucuwele wiira uneethi aa unkokhala ilapo ihiri yawaya, inkelaya upankiye ipottha ni uhuvihiya myakha iminya cese.
383	GEN 16:1	Vano, Sarayi, amwaarawe Aparamu khaayanre. Kamana ahaana ipottha awe yo mwanthiyana o Wiciipitu, eehaninya Hakari.
387	GEN 16:5	Vano Sarayi ahomwiirela Aparamu: Wumorele yo weva ula uruttu ula ukihuviha waa. Kihoovaha ipottha aka mmatatani mwaa, vano woonyaya wiira ihorupala, inakitarawa. Mwaneene Nluku akhale mayohukhumu; ni mayonihukhumu mi ni we.
388	GEN 16:6	Aparamu ahomwaakhula Sarayi: Ipottha aa iri mmatatani mwaa. Upanke inhala wucivela. Vano Sarayi ahonhuviha Hakari mpaka ule utthawa.
407	GEN 17:9	Vaavale Nluku ahomwiirela tho Aparahamu: Usunke nleehano naka, ukhuma we mpaka ucuulu aa wothene unhalaa ukhalana.
415	GEN 17:17	Vano, Aparahamu ahooromela vathi, ahothyaa ni aheera: Wanawooryaa nlopwana o myakha iminya (100) ceyarelo unnyara mwana? Wanawooryaa Asaara uyara toko warinaya myakha miloko mithanu na micesei (90)?
417	GEN 17:19	Vano Nluku ahomwaakhula: Khweeli Asaara amwaaraa, unannyarana mwana ni we unnomwiihana Isaki. Ni yooyo kimmopankana nleehano noohimala wamoca nu ucuulu awe wothene.
434	GEN 18:9	Vano yahonkohaca: Amwaara Asaara ayo, ari vayi? Ule ahaakhula: Ari nheemani mwe.
435	GEN 18:10	Vano nlopwana mmoca aheera: Kinawuphwanya tho mwaahiyu ni amwaaraa Asaara kinhala waaphwanya ni mwana. Asaara yeera yiiwaka moolumo ayo nari wiithela nkhora wo heema.
440	GEN 18:15	Vano Asaara yahoova phimaana yahoruna yiiraka: Mi akithyele. Ule aheerela: Nhirune, nhothyaa nyu.
441	GEN 18:16	Vano alopwana ale warwaya yahoona uhitto nwo ilapo yo Sotoma. Aparahamu ahaaveleela ni waleeha.
442	GEN 18:17	Vaavale Mwaneene Nluku aheera: Kinanvithela Aparahamu itthu inhalaka upanka,
447	GEN 18:22	Vano alopwana ale yahokhumaca arwaka uSotoma nanso Aparahamu ahohala ninlelo ni Mwaneene Nluku.
455	GEN 18:30	Vano ule ahopwaherera: Nhiviruwe Pwiya, nkilevele kuulume. Kaahiki mwaphwanyaka talathini pahi? Mwaneene Nluku ahomwaakhula: Kaaphwanyaka talathini akintankanya.
457	GEN 18:32	Vano Aparahamu aheera tho: Nhiviruwe Pwiya, nanso nkilevele wiira kuulume ikwaha imoca pahi. Kaahiki mwaphwanyaka khumi pahi? Mwaneene Nluku ahaakhula: Mwanlattu wo wafenta khumi ayo, akintankanya.
467	GEN 19:9	Yahokhuwelaca yiiraka: Ukhume va! Ni yaheeraca tho: Ula nlopwana ula ri nletto, vano nophavela ukhala mayoohukhumu! Ninkowupanka we itthu yootepa wavikana ayo. Vano yahonkakhaca Loti wonkhitto ni yahorwaca uhoolo wiira yaakace nkhora.
469	GEN 19:11	Vano yaharakalihaca ni iretta yohoona alopwana yari wankhora wonupa ayo, ukhuma acikani mpaka asuulupale ayo, mpaka wahinooryaya uphwanya nkhora.
472	GEN 19:14	Vano Loti ahorwaa wuulumana mivokohi cawe, ale yahala waathelaca asaanawe, ni yaheerelaca: Nkhumace wowakuvyaca nna nipuro nna, kontha Mwaneene Nluku nophavela ukwanyulaca iparasa ela! Nanso ayo yahopuwelaca wiira uyo aanawathwelana.
478	GEN 19:20	Vakhiviru va ihaawo iparasa yankani. Iri vakhiviru cinenne wahoreera utthawa mpaka uphiya wonwo. Nkihiye kirwee wonwo! Hata ikhale yankani cinenne, kinkokhala uwoopwene.
482	GEN 19:24	Vano Mwaneene Nluku ahokurusela ilapo yo Sotoma nuKomora mooro wowopiha wookhuma wirimu.
491	GEN 19:33	Yoole uhiyu ule yahaavahaca nipha apaapaya. Vano mwana mwanthiyana oomuulupale uyo ahokela ni ahaathukumanana athumwane. Ni ale khayaacuwelenle ukati warupilyawe ni wonwilyawe.
493	GEN 19:35	Vano tho yahaavahaca nipha athumwanaya yoole uhiyu ule, ni mwana mwanthiyana omwankani uyo ahorwaa wathukumanana. Ni ayo khayaacuwelenle ukati warupawe ni wonwilyawe.
498	GEN 20:2	Uyo eerela: Asaara wiira mwanrokoraka. Vano, Apimeleke, mwene uKerari ahoruma urweliya Asaara ni ahaakusa ukhala awawe.
502	GEN 20:6	Vano Nluku ahomwaakhula munttorani: Aye, mi kinacuwela wiira upankile itthu iyo ni nrima wooreera. Mi kihohiiha wiira uhikufuru phimaana kiwatelihaka warupana.
503	GEN 20:7	Vano waturusele athiyana ayo wa awannyaya. awannyaya Ayo nnapiyu, ni anawuswalela wowufentelela, wiira we uhikhwe. Nanso wahaturuseke ukupali wiira we ni awaa othene nnakhwaca.
508	GEN 20:12	Uhiya commo, ayo khweeli mwanrokoraka mphantte wa apaapa, nanso wohikhala mpantte wa maama. Vano ahokhala amwaaraka.
510	GEN 20:14	Vano Apimeleke ahowiha ikhontwaa ni imope, ipottha cilopwana ni cithiyana, ahommaha Aparahamu ni ahonturusela amwaarawe ayo.
533	GEN 21:19	Vano Nluku ahontthukula wiitho Akaari ni ahoona iluusi. Ahorwaa mpaka nenne nipuro nne, ahocariha maasi nnipinkani mmwe nuunvaha mwanawe wiira awurye.
537	GEN 21:23	Vano, ukilupelele, wamiithoni wa Nluku, wiira khunkithepya tho, ukhuma mi mpaka asaanaka nu ucuulu aka wothene. Ulokihe ilapo iwakhelenle unari nletto ni malokelo yupakilyaka.
550	GEN 22:2	Vano Nluku aheera: Unkuse mwanaa, mwanaa mmoca yooyo, Isaki nonfentesaa uyo, ni urwee nttetthe wo Muriyaa. Wakipankele yooyo wonwo isataka yoopahiya wamwaakoni unhalaaka wuthoonyera.
558	GEN 22:10	Vano ahaawula ntata nakusilyawe mwalo ule wiira anhitte mwanawe.
560	GEN 22:12	Vano Ncelo ule aheera: Uhinhonone mmirawo uyo. Uhimpanke itthu. Vano kihocuwela wiira we unamoova Nluku, kontha khukithuwile mwanaa, mwanaa yooyo rinaa mmoca paahi.
567	GEN 22:19	Vano ahohokoleela Aparahamu waariaya amirawo awe ni othene wamoca yahoturuwela uPereseepa wakhalawe.
573	GEN 23:1	Vano Asaara yahokhala myakha iminya wo siriini na saapa (127) ceyarelo,
577	GEN 23:5	Vano asaana a Heti yahomwaakhula Aparahamu yiiraka:
579	GEN 23:7	Vaavale, Aparahamu ahonwa ni ahooromela vathi wamiithoni wasineene ilapo, asaana a Heti.
582	GEN 23:10	Vano Eforoni onkomile wamoca na asaana a Heti, ni Eforoni, nHitita, ahomwaakhula Aparahamu, yiiwaka asaana a Heti ni atthu othene yaari wa nkhora woparasa eeraka: