23217	MAT 1:4	Te Aram ni cuu de tátá Aminadab, te Aminadab ni cuu de tátá Naasón, te Naasón ni cuu de tátá Salmón.
23218	MAT 1:5	Te Salmón ni cuu de tátá Booz, te náná i ni cuu Rahab. Te Booz ni cuu de tátá Obed, te náná i ni cuu Rut. Te Obed ni cuu de tátá Isaí.
23219	MAT 1:6	Te Isaí ni cuu de tátá David, tēe ni cuu rey. Te rey David ni cuu de tátá Salomón, te náná i, xīhna gā ni cuu ña ñasɨhɨ́ Urías.
23220	MAT 1:7	Te Salomón ni cuu de tátá Roboam, te Roboam ni cuu de tátá Abías, te Abías ni cuu de tátá Asa.
23225	MAT 1:12	Te náa cáyūcú i yūcuán, te Jeconías ni cuu de tátá Salatiel. Te Salatiel ni cuu de tátá Zorobabel.
23227	MAT 1:14	Te Azor ni cuu de tátá Sadoc, te Sadoc ni cuu de tátá Aquim, te Aquim ni cuu de tátá Eliud.
23231	MAT 1:18	Te jeē ní cacu Jesucristo, súcuan ni cuu: Náná yā María, je ni cundaā jeē quijnáhan ña jíín José. Te nde ná tu quijnáhan ña jíín de, te ni jecūhun séhe ña ni sáha Espíritu Santo.
23233	MAT 1:20	Te níní súcuan nácani ni de, te jíín jéni ni quee‑ni ɨɨn ndajéhé maá Jítoho yō Yaā Dios nuū de, te ni cahān yā jiín de: José, sēhe yucūn David, ma yūhu ró cueca ró ñasɨhɨ́ ró María, chi sēhe jeē scácu ña, vēji i nde nuū maá Espíritu Santo.
23235	MAT 1:22	Súcuan ni cuu tācá jniñu yáha, návāha squícu jnūhun Jitoho yō Yaā Dios jeē ni cáhān tēe ni nacani jnūhun ya nde jenahán. Te suhva ni cahān de:
23253	MAT 2:15	Te ni coyūcú de yūcuan ndé ni jihī Herodes. Te súcuan ni cuu návāha squícu jnūhun Jitoho yō Yaā Dios jeē ni cáhān tēe ni nacani jnūhun ya nde jenahán: Nde nación Egipto ni cana ri Sēhe ri vēji i, áchí Yaā Dios, achí tutu.
23261	MAT 2:23	Te ni jinū de yūcuán, te ni coyūcú de ñuu naní Nazaret. Súcuan ni cuu návāha squícu jnūhun ni cacahān tēe ni canacani jnūhun Yaā Dios nde jenahán. Chi ni cacachi de jeē cahān ñayuu jeē tée ñuu Nazaret cúu Jesús.
23264	MAT 3:3	Te Isaías, tēe ni nacani jnūhun Yaā Dios nde jenahán, suhva ni tee de jnūhun Juan nuū tútu: Coo ɨɨn tēe cana jee nde nuū ñúhun téhé: Sátūhva ró máá ró jijnáhan ró, chi quee maá Jítoho yō. Te sáha ró jniñu ndaā, chi vēji ya, achi de. Achí Isaías.
23272	MAT 3:11	Te ruhū chi jíín ndute scuándute ri rohó, te yūcuan cúu jeē steén rō jeē ní canacani ni rō jeē stóo ró cuéchi ró. Te Yaā jeē quíji, chi nájnūhun scuándute ya rohó cúu jeē cuáha ya Espíritu Santo condee ini anuá rō, te poder yā cúu nájnūhun ñuhūn. Te Yaā quiji chi cújéhnu ndasɨ́ yá. Chi tú na vé jéhnu cuɨtɨ cúu ri nuū yā, ni jeē cuajníñu ri nuū yā vēsú ɨɨn jniñu lúlí gá nájnūhun jeē quénehen ri ndijēn yā.
23275	MAT 3:14	Te tu ní cúní Juan scuándute de ya, chi ni cahān de jíín yá: Sa suhva cánuú jeē scuándute máá ní sāñá, ¿te ndese cúu jeē sa nuū ná vēji ní? áchí de.
23278	MAT 3:17	Te ichi ándɨvɨ́ ni cahān ɨɨn jnūhun: Yāha cúu Sēhe ri jeē maní ndasɨ́ rí jiín, te yōhyo cúsɨɨ̄ ni rī jiín, áchí.
23279	MAT 4:1	Yūcuán na te ni jinū Jesús nde nuū ñúhun téhé ní sáha Espíritu Santo. Te yūcuán coto ndee jexeén yā, chi cúní jeē sáha ya cuēchi.
23281	MAT 4:3	Te ni quee maá jéxeén jeē cóto ndee un yá, te ni cahān jiín yá: Núu máá ró cúu Sēhe Yaā Dios, te cahān rō jeē yuū yúcu yáha na ndúu staā caji rō, achí.
23284	MAT 4:6	Te ni cahān jiín yá: Te núu Sēhe Yaā Dios cúu ró, te sɨ́ngava ró máá ró nde nuū ñúhun, chi jnama ya rohó. Chi yósó núū tútu: Tejníñu ya ndajéhé yā quijicoo coto róhó. Te cunundee yā rohó jíjnáhan ya, návāha ma cáchihi ró jéhē rō nuū yuú. Achí tutu. Achí jexeén.
23288	MAT 4:10	Yūcuán na te ni cahān Jesús nuū jexeén: Satanás, cujiyo quihīn rō, chi yósó núū tútu jeē chiñúhún ñayuu maá Jítoho i Yaā Dios, te nuū maá‑ni ya cuajníñu i. Achí yá.
23296	MAT 4:18	Te jíca Jesús yumar Galilea cuahān yā. Te ni jito ya nuū uú jnáhan ñani. Te ɨɨn de cúu Simón jeē suni nání Pedro, te ɨnga de cúu Andrés. Te tēe cájnɨɨ chācá cácuu de, te cásɨ́nga de ñunu de ini mar.
23302	MAT 4:24	Te ni jitē núu jnūhun ya cuahān nɨɨ́ región Siria. Te nuū yā ni caquindeca i tāca ñáyuu cácuhū, ñayuu cándoho tɨjnɨ nuū cuehyɨ́, jiín jéē jetú, jíín jéē ñúhun tachī ini, jiín jéē jihí yɨ̄hɨ́, jíín jéē ni íjin. Te ni nasávāha ya i jíjnáhan i.
23355	MAT 6:4	Súcuan na sáha yuhu rō caridad. Te máá Tátá rō jeē jíto ya jeē sáha yuhu rō, ɨɨn quɨvɨ̄ te cuāha ya tahū cuu ró.
23362	MAT 6:11	Staā jeē cátecu na táca quɨ́vɨ̄, cuāha ní núū ná vijna.
23364	MAT 6:13	Te ma cuáha ni jnúhun jeē coto ndee jexeén sāñá, chi sa suhva jnama ní sáña núū tāca jéē neé. Chi máá ní cúu Yaā ndácu jniñu, te jnɨ́ɨ ní poder, te yōhyo luu cújéhnu ní nɨ́ɨ́ cáni. Súcuan na cóo. Amén. Achi rō jijnáhan ró.
23380	MAT 6:29	Te cáhán rī jiín ró jeē ni rey Salomón, quɨvɨ̄ ní ñúhun de sahma váha ndasɨ́, tu ní ñúhun de sahma lúu súcuan nájnūhun ita ún.
23443	MAT 8:29	Te ni cacana cóhó de ni casáha tachī: ¿Naun vēji ní núū ná, Jesús Sēhe Yaā Dios? ¿A véji ní yáha jeē stóho ní sáña ndé ná tu quee maá quɨ́vɨ̄? áchí.
23462	MAT 9:14	Yūcuán na te tēe cáscuáha jíín Juan tēe scuándute, ni quecoo de nuū Jesús. Te ni cacahān de jíín yá: Sāña jíín tée grupo fariseo, tɨjnɨ jínu cáhīyo ndite ni na núū Yaā Dios. Te tēe cáscuáha jíín máá ní, ¿naun tu cásáha de súcuan?
23466	MAT 9:18	Te níní cáhán Jesús tāca jnúhun yáha, te ɨɨn tēe cújéhnu nuū ñáyuu hebreo, ni quee de nuū yā. Te ni jecuɨñɨ̄ yɨtɨ́ de nuū yā, te ni cahān de: Sēhe sɨ́hɨ́ ná sá ní jihī i. Te núu na quíhín yō soó ní ndaha ní sɨ́quɨ̄ i, te natecu i. Achí de.
23475	MAT 9:27	Te ni quenda Jesús yūcuan cuáhān yā. Te uū tēe cuáá cuángoo de yatā yā, cácana jee de: Máá ní jeē cúu ní Sēhe yucūn David, cundáhú ni ni sáña víī, achí de.
23488	MAT 10:2	Te yāha cúu sɨ́hvɨ́ ndɨhúxí uū tēe apóstol un: Tēe ɨɨn cúu Simón jeē suni nání Pedro, jiín ñani de Andrés. Te uū gā de cácuu sēhe Zebedeo, te nání de Jacobo jiín Juan.
23490	MAT 10:4	jiín Simón tēe grupo cananista, jiín Judas Iscariote, tēe jeē ní nastúu de ya.
23491	MAT 10:5	Te ni tají Jesús ndɨhúxí uū tēe yáha jeē quíngoo de. Te ni ndacu ya jniñu nuū de ndese sáha de: Ma quíngoo ró núū ñáyuu jeē násūu ñáyuu hebreo cácuu i, ni ma quɨ́vɨcoo ró táca ñuu ñayuu Samaria.
23501	MAT 10:15	Jendaá cahán rī jiín ró jeē quɨvɨ̄ juicio te xeēn gā coo castigo sɨquɨ̄ ñuu casáha súcuan vēsú sɨquɨ̄ ñuu Sodoma jiín ñuu Gomorra nuū ní casáha ndasɨ́ ñáyuu cuēchi.
23511	MAT 10:25	Tēe scuáha chi nájnūhun ndóho maestro de suni súcuan ndoho nahín máá de, te tēe cúu mozo suni ndoho de nájnūhun ndóho patrón de. Núu súcuan te núu ruhū cácahān i jeē Satanás cúu ri, te nagā ni cuu jeē ma cahán i jeē rohó cácuu Satanás.
23534	MAT 11:6	Te yōhyo ndetū tēe jeē ma nácani yátá ni de jeē ruhū cúu Cristo. Súcuan cachi rō nuū Juan. Achí yá jiín de.
23549	MAT 11:21	Nacā jeē xeēn ndoho ró, ñáyuu ñuu Corazín. Te nacā jeē xeēn ndoho ró, ñáyuu ñuu Betsaida. Chi núu ini ñuu Tiro jiín ñuu Sidón ni sáha ri jniñu jéhnu jeē ni sáha ri ini ñuu maá ró, te yachī nacani ni ñayuu ñuu un jéē stóo i cuēchi i núú. Te sáha i seña jeē steén jeē nácani ni i sɨquɨ̄ cuéchi i, chi cuhun i sahma jnúú te chuhun i yaā xinī i núú.
23550	MAT 11:22	Núu súcuan te cáhán rī jiín ró jeē quɨvɨ̄ coo juicio te xeēn gā coo castigo sɨquɨ̄ rō jijnáhan ró vēsú jeē ni íyo sɨquɨ̄ ñuu Tiro jiín ñuu Sidón.
23551	MAT 11:23	Te róhó ñáyuu ñuu Capernaum, ¿á cájeni ni rō jeē cujéhnu ró nájnūhun ɨɨn jeē cáa cuahān ichi ándɨvɨ́? Tuú chi sa nanuu ró ndé lugar nuū cáyūcu ánuá ndɨ̄yɨ. Chi núu ini ñuu Sodoma ni sáha ri jniñu jéhnu jeē ni sáha ri nuū maá ró, te coo ñuu yúcuan ndé vijna núú.
23552	MAT 11:24	Núu súcuan te cáhán rī jiín ró jeē quɨvɨ̄ coo juicio te xeēn gā coo castigo sɨquɨ̄ rō vēsú jeē ni íyo sɨquɨ̄ ñáyuu ñuu Sodoma. Achí yá.
23555	MAT 11:27	Te ni cahān gā yā: Ndɨvii ni jēhe Tátá rī nuū rī. Te tu cájini ñayuu ndé ɨɨn cúu ruhū, Sēhe Yaā Dios, chi máá‑ni Tátá rī cúu jeē jiní yā ruhū. Ni tu cájini ñayuu ndese Yaā cúu máá Tátá, chi máá‑ni Sēhe cúu jeē jiní. Te íyó ñáyuu jeē cuní maá Séhe stéén yā nuū i ndese Yaā cúu Tátá yā, te máá i suni cuni i.
23571	MAT 12:13	Yūcuán na te ni cahān yā jiín tée ni ichī ndaha ún: Scáá ndaha ró. Te ni scaá de, te ni nduvāha‑ni nájnūhun íyó ɨnga.
23582	MAT 12:24	Te tēe grupo fariseo, ni cajini de jeē súcuan cácahān i. Te ni cacahān de: Tēe yáha ma cúu quenehen de tachī núu jeē tu sáha de jíín fuerza Satanás jeē cujéhnu nuū tachí, áchí de.
23584	MAT 12:26	Te suni súcuan Satanás núu quénehen jnáhan tachī, núu súcuan te sásɨ́ɨn máá. ¿Te ndese cuɨñɨ nīhin Satanás jeē ndácu jniñu núu súcuan?
23585	MAT 12:27	Chi cácahān rō jeē jiín fuerza Satanás quénehen ri tachī. Te núu súcuan cúu núú, te ñayuu cascuáha jíín máá ró jijnáhan ró, ¿na jiín fuerza cáquenehen máá i tachī, cájeni ni rō? Núu súcuan te máá i jíjnáhan i cachi jeē ní castɨ́vɨ ndasɨ́ suhva ró ni cacahān rō jeē cáquenehen ri tachī jiín fuerza Satanás.
23587	MAT 12:29	’¿Chi ndese cuu quɨ̄vɨ ɨɨn tēe ini vehe tēe ndacuī jeē quenehen de ndajníñu de? Chi cánuú jeē xíhna gā cuhni de tēe ndacuī ún, te yūcuán na te cuu quenehen de ndajníñu ún. Te suni súcuan cúu jeē jíhni rī Satanás te quénehen ri tachī.
23589	MAT 12:31	’Jeē yúcuan cáhán rī jiín ró: Iyó modo coo jnūhun cáhnu ni nuū tāca cuéchi cásáha ñayuu, jiín núū tāca jnúhun néé cácahān i. Te núu cahān ndevāha i sɨquɨ̄ Espíritu Santo, te ma cóne cáhnu ni Yaā Dios nuū i.
23590	MAT 12:32	Te núu na‑ni ñayuu cahān i sɨquɨ̄ ruhū, Yaā ní nduu tēe, cuu cone cáhnu ni Yaā Dios nuū i. Te núu na‑ni ñayuu cahān ndevāha i sɨquɨ̄ Espíritu Santo, ma cóne cáhnu ni Yaā Dios nuū i, ni jeē iyó i ñayɨ̄vɨ yáha, ni nɨ́ɨ́ tiempo quíji.
23600	MAT 12:42	Te reina jeē ní cujéhnu nación ichi sur, natecu ña jíín ñáyuu tiempo yáha, quɨvɨ̄ juicio jeē sándaā yā cuēchi, te cahān ña cuēchi sɨquɨ̄ i. Chi nde jicá téyɨ́ ní quiji ña ni jini nahín ña jnūhun ndíchí ní cahān rey Salomón. Te vijna chi cújéhnu ga ruhū, Yaā íne yāhá vēsú Salomón, te tu cácandíje ró rúhū.
23607	MAT 12:49	Te ni steén ndaha yá nde nuū cáyūcu tée cáscuáha jíín yá. Te ni cahān yā: Suni náná rī jiín ñani rī cácuu tāca jéē yáha.
23616	MAT 13:8	Te jecu ni jitē nuū ñúhun váha, te ni jēhe cuehē nunī. Sava ni jēhe ciento jeē ɨ́ɨn ɨɨn, te sava ni jēhe unī xico, te sava ga ni jēhe ocō uxī.
23643	MAT 13:35	Súcuan ni sáha ya návāha squícu jnūhun ni cahān tēe ni nacani jnūhun Yaā Dios nde jenahán: Cahān rī tāca jnúhun yátá jíín ñáyuu, te cachi rī tāca jnúhun yɨ́sāhí ndé quɨvɨ̄ ní jecōo ñayɨ̄vɨ́. Achí tutu, áchí yá.
23663	MAT 13:55	Chi sēhe carpintero cúu tēe yáha, te náná de cúu María, te ñani de cácuu Jacobo, José, Simón, jiín Judas.
23669	MAT 14:3	Chi Herodes, je ni ndacu de jniñu jeē na quɨ́vɨ Juan vecāa, jíín jéē na cónuhnī de jíín cadena. Súcuan ni sáha de jeē sɨquɨ́ Herodías, ñasɨhɨ́ ñani de Felipe.
23699	MAT 14:33	Yūcuán na te tēe cáhīin ini barco un, ni cajecuɨñɨ̄ yɨtɨ́ de nuū yā. Te ni cacahān de: Jendaá ndije jeē Sēhe Yaā Dios cúu ní, áchí de.
23723	MAT 15:21	Te ni quenda Jesús yūcuan cuáhān yā región Tiro jiín Sidón.
23724	MAT 15:22	Te ɨɨn ñahan ñuu Canaán, néne ña región Tiro jiín Sidón, te ni quee ña nuū Jesús. Te ni cana jee ña: Tátā, Sēhe yucūn David, cundáhú ni ni sáña víī. Chi sēhe sɨ́hɨ́ ná, ñúhun tachī ini i, te yōhyo xeēn ndóho i, áchí ña jíín yá.
23755	MAT 16:14	Te ni cacahān de: Sava i cácahān jeē cúu ní Juan tēe ni scuándute. Te sava ga i cácahān jeē cúu ní Elías, tēe ni nacani jnūhun Yaā Dios nde jenahán. Te sava ga i cácahān jeē Jeremías chí ɨnga tēe ni nacani jnūhun Yaā Dios cúu ní. Achí de.
23757	MAT 16:16	Te ni cahān Simón Pedro: Máá ní cúu Cristo, Yaā ní tají Yaā Dios. Te cúu ní Sēhe Yaā Dios, Yaā técu nɨɨ́ cáni, áchí de.
23758	MAT 16:17	Te ni cahān Jesús: Yōhyo ndetū rō, Simón sēhe Jonás, chi nasūú ɨɨn ñayuu ni steén jnūhun yáha nuū rō, chi sa suhva máá Tátá rī, Yaā ndeé andɨvɨ́, ní steén yā nuū rō.
23764	MAT 16:23	Te ni ndió cóto ya nuū Pedro, te ni cahān yā jiín de: Cujiyo quihīn rō, chi cáhán rō ná cáhán Satanás. Chi tēe ndúcú stɨ́vɨ rúhū cúu ró. Te tu jéni ni rō nájnūhun jéni ni Yaā Dios, chi sa suhva jéni ni rō nájnūhun cájeni ni ñayuu. Achí yá.
23774	MAT 17:5	Te níní cáhán gā de, te ni quiji vicō nūhun jéē yaa ndasɨ́, ni jesɨ‑ni nuū de. Te nuū vicó un ní cahān ɨɨn jnūhun: Yāha cúu Sēhe ri jeē maní ndasɨ́ rí jiín, te cúsɨɨ̄ ni rī jiín. Na cúni nahín ró jnūhun cáhán yā. Achí.
23789	MAT 17:20	Te ni cahān yā: Sɨquɨ̄ jeē tu cácandíje nīhin ró jéē cuu sáha ró. Chi jendaá cahán rī jiín ró, jeē núu candíje ró vēsú ɨɨn tíhlí‑ni, cūhva nájnūhun ɨɨn ndɨquɨn mostaza, te cuu sáha ró táca‑ni jniñu yɨɨ́. Chi cuu cahān rō jeē na cújiyo yucu yáha quihīn ɨnga lado, te cujiyo‑ni. Te tācá‑ni jniñu chi cuu sáha ró, te núu candíje nīhin ró jéē cúu.
23794	MAT 17:25	Te ni cahān Pedro: Cuu, áchí de. Te ná ni quɨ̄vɨ de ini vehe, te xīhna gā Jesús ni cahān yā jiín de: ¿Ndese jéni ni rō, Simón? Tāca tée cácuu rey ini ñayɨ̄vɨ yáha, ¿ndé núū cájicān de xūhun renta jiín xúhun cuajníñu ñuu? ¿A núū séhe de chí núū ñáyuu sɨ́ɨn vehe? áchí yá.
23795	MAT 17:26	Te ni cahān Pedro: Nuū ñáyuu sɨ́ɨn vehe, áchí de. Te ni cahān Jesús: Núu súcuan te tú na ɨnga cujéhnu nuū séhe rey jeē cacán xūhún un núū i. Súcuan ni cahān yā jeē cujéhnu ya cúu ya Sēhe Yaā Dios. Te ni cahān yā:
23839	MAT 19:8	Te ni cahān yā jiín de: Sɨquɨ̄ jeē níhni ni rō jijnáhan ró, jeē yúcuan ní jēhe Moisés jnūhun jeē stóo ró ñasɨhɨ́ ró. Te nde xīhna ñúhún chi nasūu súcuan ní cuu.
23858	MAT 19:27	Yūcuán na te ni cahān Pedro: Sāña jíjnáhan ná ní castóo ná ndɨhɨ jeē cánevāha ná, te cándiquīn na níhín. ¿Te na vé nihín na núu súcuan? áchí de.
23868	MAT 20:7	Te ni cacahān tēe ún: Sɨquɨ̄ jeē tú ni ɨɨn ní cána sāña jéē sájniñu ná. Te ni cahān de jíín tée ún: Núu súcuan te suni máá ró quingoo ró taxín ró ndehē uva rī, chi chunaa vāha ri yāhu ró, áchí de.
23891	MAT 20:30	Te yuhíchi un cáyūcu úū tēe cuáá. Te ni cajini de jnūhun jeē yáha Jesús cuahān yā, te ni cacana jee de: Máá ní jeē cúu ní Séhe yucūn David, cundáhú ni ni sáña, áchí de.
23892	MAT 20:31	Te ñayuu un ní cacahān i nuū de jeē na cásɨ de yuhu de. Te víhyá gā ni cacana jee de: Máá ní jeē cúu ní Séhe yucūn David, cundáhú ni ni sáña víī, achí de.
23900	MAT 21:5	Cachi rō nuū ñáyuu ñuu Jerusalén jeē naní ñuu Sión: Yāhá condēhe ró jeē véji Rey rō. Tu sájéhnu ya maá yá, chi máá burra‑ni yósó yá, jíín burrito, sēhe quɨtɨ ndíso. Achí tutu.
23904	MAT 21:9	Te ñayuu cuangoo ichi núú jíín ñáyuu cuangoo ichi yátá, cácana jee i: Yōhyo cújéhnu Yaā cúu Sēhe yucūn rey David. Yōhyo vāha Yaā cúu Yaā jeē véji jíín jniñu máá Jítoho yō Yaā Dios. Te yōhyo cújéhnu máá Yaā Dios. Achí i.
23910	MAT 21:15	Te sutū cácujéhnu jíín tée cástéén tutu ley Yaā Dios, ni cajito de tācá jniñu jéhnu sáha ya, te ni cajini de jeē cácana jee sūchi lúlí ini templo: Yōhyo cújéhnu Yaā cúu Sēhe yucūn rey David, achí i. Te ni caquɨtɨ̄ ni de.
23911	MAT 21:16	Te ni cacahān de jíín yá: ¿A tu jíni ró jéē súcuan cácahān sūchi yáha? áchí de. Te ni cahān Jesús jiín de: Jíni ri. ¿Te á ná tu cahu ró jéē yosó núū tútu iī jeē suhva cáhán ɨɨn tēe jíín Yaā Dios? Sáha ní jéē tāca súchi lúlí jíín súchi cájexin, vāha ndasɨ́ cáhán i jeē Yaā cujéhnu cúu Cristo. Achí.
23919	MAT 21:24	Te ni cahān Jesús: Suni ruhū, cajnūhun rí rohó ɨɨn jnūhun jíjnáhan ró, te núu cuu stíó cuɨ́ñɨ́ rō, yūcuán na te cachi rī nuū rō ndé ní nihīn jníñu ri jeē sáha ri jniñu yáha.
23923	MAT 21:28	Te ni cahān gā yā jiín de: Cuni nahín ró jnūhun yátá yáha: Ɨɨn tēe ni īyo uū sēhe yɨɨ́ de. Te ni cahān de jíín ɨɨn i: Séhē, quihīn rō taxín ró ndehē uva rī vijna, áchí de.
23926	MAT 21:31	¿Te ndese cájeni ni rō? Jeē ndɨndúú i, ¿ndé ɨɨn i ni squícu jniñu cúní tatá i? áchí yá. Te ni cacahān de: Sūchi jéē ni cáhān de jíín xíhna gā, achí de. Te ni cahān Jesús jiín de: Súcuan cúu, te jendaá cahán rī jiín ró jeē tée cástútú xúhun renta jiín ñahan cájica jnéní, yachī cánacani ni i jeē stóo i cuēchi i te quɨ́vɨcoo i ndaha Yaā Dios jeē ndacu ya jniñu nuū i, te máá ró jijnáhan ró chi ma quɨ́vɨ ró.
23943	MAT 22:2	Súcuan cúu jeē ndácu Yaā andɨvɨ́ jniñu nuū ñáyuu: Cúu nájnūhun ɨɨn rey jeē sáha de ɨɨn vico jeē nándāha sēhe yɨɨ́ de.
23960	MAT 22:19	Stéén xūhun jéē jéconaā renta na cóto ri, achí yá. Te ni castéén de ɨɨn denario nuū yā.
23983	MAT 22:42	¿Ndese cájeni ni rō sɨquɨ̄ Cristo? ¿Sēhe ndé yúcūn cúu ya? Te ni cacahān de: Sēhe yucūn David, achí de.
23984	MAT 22:43	Te ni cahān yā jiín de: Núu súcuan ¿te ndese cúu jeē David ni cahān de Jitoho de ya, ni sáha Espíritu Santo nde jenahán? Chi ni cahān de:
24062	MAT 24:36	’Te quɨvɨ̄ jiín hora jeē ndíji ri, tú ni ɨɨn ñayuu jiní, ni máá ndajéhé cáhīyo andɨvɨ́, ni máá rí, Sēhe Yaā Dios. Chi máá ɨɨn ni Tátá rī Yaā Dios cúu jeē jiní.
24067	MAT 24:41	Te coo uū ñahan jeē ndíco cáhnu, te ɨɨn ña naquihin ri, te ɨnga ña ndōo. Súcuan cuu jeē sava ñayuu naquihin ri te sava i quendōo, chi tu ní cácandíje i.
24092	MAT 25:15	’Te nuū ɨɨn i ni jēhe de uhūn mil xūhun cáa. Te nuū ɨnga i ni jēhe de uū mil. Te nuū ɨnga i ni jēhe de ɨɨn mil. Súcuan ni jēhe de, chi jíní de nasaa canda ɨɨn ɨɨn i sájniñu i jíín. Yūcuán na te ni quihin de ichi cuahān jicá de.
24113	MAT 25:36	Ni cumanī sahma ri, te ni cajēhe ró. Ni cocuhū rī, te ni jecondēhe ró ruhū. Ni ine ri vecāa, te suni ni jecondēhe ró ruhū. Súcuan cahān yā jiín ñáyuu cáhīin lado váha ya.
24120	MAT 25:43	Ni quiji ri nde ñuu jicá, te tu ní cájēhe núú ró vehe ndōo ri. Ni cumanī sahma ri, te tu ní cájēhe ró. Ni cocuhū rī, ni ine ri vecāa, te tu ní jécondēhe ró ruhū. Súcuan cahān yā jiín ñáyuu cáhīin lado jecó yá.
24129	MAT 26:6	Te íne Jesús ñuu Betania vehe Simón, tēe ni ndoho cuehyɨ̄ stehyú.
24148	MAT 26:25	Yūcuán na te ni cahān Judas, tēe nastúu ya: ¿A sáña cúu, Maestro? achí de. Te ni cahān yā jiín de: Suu ró cúu, áchí yá.
24186	MAT 26:63	Te Jesús tu ní cáhán cuɨtɨ yā. Te ni cahān maá sútū cujéhnu ga: Ndácu ri jniñu nuū rō jeē cahān ndaā rō cuni nahín maá Yaā Dios, Yaā técu. Cachi cají te núu máá ró cúu Cristo, Sēhe Yaā Dios, achí de jíín yá.
24187	MAT 26:64	Te ni cahān yā: Suu ri cúu, nájnūhun cáhán rō. Te na cástūhun rí nuū rō jijnáhan ró jéē tāca quɨ́vɨ jeē quíji te coto ró rúhū, Yaā ní nduu tēe, condee rī lado váha Yaā iyó poder. Te coto ró jéē ndíji ri ichi ándɨvɨ́ jíín vícō. Achí yá.
24188	MAT 26:65	Yūcuán na te sutū cujéhnu ga ni jehnde de sahma de jeē quɨtɨ́ ndasɨ́ ni de, te ni cahān de: Tēe yáha chi cáhán de jnūhun ndevāha jeē quɨtɨ́ ni Yaā Dios, chi sáha de máá de Sēhe Yaā Dios. ¿Ndé jíni ñúhún gá yō testigo núu súcuan? Chi je ni cajini ró jnúhun ndevāha cáhán de.
24209	MAT 27:11	Te nuū ní jinūcoo de jíín Jesús nuū gobernador, tēe cúu Pilato, te ni cajnūhún de ya: ¿A máá ró cúu Rey ñayuu hebreo? achí de. Te ni cahān Jesús: Suu ri cúu, nájnūhun cáhán rō.
24216	MAT 27:18	Súcuan ni cahān de chi cúní de siáá de Jesús. Chi je ni jecūhun ni de jeē ní cacucuésún ni tāca sútū un cájito de ya, te jeē yúcuan ní quijicoo jíín yá nuū de.
24219	MAT 27:21	Yūcuán na te ni cajnūhún tucu gobernador: Jeē uú de, ¿ndé ɨɨn de cácuni rō jeē siaá rī? achí de. Te ni cacahān i: Siáá ni Barrabás, achí i.
24223	MAT 27:25	Te ni cacahān ndɨhɨ ñayuu: Suu sɨquɨ̄ maá ná jíín sɨ́quɨ̄ séhe ná na cóndee cuēchi jeē cúū de, áchí i.
24230	MAT 27:32	Te nuū ní quendacoo soldado un jíín yá, te ni canajnáhan de jíín ɨɨn tēe ñuu Cirene, naní de Simón. Te ni catejníñu de tēe un jéē cóndiso de cruz yā.