23216	MAT 1:3	Te déhe ndíi Jùdá‑áⁿ ndɨhɨ ñadɨ̀hɨ́ ndíi, ndíi Tàmár ní cuu ndíi Fàrés ndɨhɨ ndíi Zàrá. Te déhe ndíi Fàrés‑áⁿ nǐ cuu ndíi Èsróm, te déhe ndíi Èsróm‑áⁿ nǐ cuu ndíi Àrám.
23754	MAT 16:13	Te Jèsús ní quexìo‑gá yucu cue tée ñuú Cèsareá Fìlipú, te ní xícáⁿ tnúhú‑gǎ núú cuè tée xìca cuu ndɨhɨ‑gá, te xǎhaⁿ‑gǎ xii‑güedé: —¿Yoo cùu yúhú Tée cùu ñaní tnáhá‑ndó nchàa‑ndo cachí cue ñáyiu‑va? —càchí‑gá xǎhaⁿ‑gǎ xii‑güedé.
24596	MRK 8:27	Te Jèsús ní xica‑gá cuáháⁿ‑gá ndɨhɨ cue tée xìca cuu ndɨhɨ‑gá nchaa ñuú lǐhli càa ñuú Cèsareá Fìlipú, te òré ñúhú‑gǎ ndɨhɨ‑güedé ichi te ní xícáⁿ tnúhú‑gǎ núú‑güedě, te xǎhaⁿ‑gǎ xii‑güedé: —Chí càchí tnúhu nása càháⁿ ñáyiu cuèndá‑í. ¿Yoo cùu‑í càchí‑yu‑va? —càchí‑gá xǎhaⁿ‑gǎ xii‑güedé.
25078	LUK 2:36	Te xíáⁿ ndécú tnàhá ɨɨⁿ ñaha càháⁿ tnúhu Yá Ndiǒxí nání‑áⁿ Àná, te tǎtá‑aⁿ ní xínani‑dě Fànuél ñaní tnáhá ndǐi Àsér. Te ñaha‑áⁿ sa ní sahnu vìhi‑aⁿ, te cuechi‑ni‑aⁿ nǐ tnándaha‑aⁿ te úsá‑ni cuíá nǐ xíndecu‑aⁿ ndɨhɨ yɨɨ‑aⁿ,
25127	LUK 3:33	Te té Naàsón‑áⁿ nǐ cuu‑dé déhe té Aminàdáb, te tée‑áⁿ nǐ cuu‑dé déhe té Àrám. Te té Àrám‑áⁿ nǐ cuu‑dé déhe té Èsróm, te tée‑áⁿ nǐ cuu‑dé déhe té Fàrés. Te té Fàrés‑áⁿ nǐ cuu‑dé déhe té Jùdá,
27028	ACT 2:10	véxi ñáyiu Frìgiá, véxi ñáyiu Pànfiliá, véxi ñáyiu Ègiptú, véxi ñáyiu Áfricá ñáyiu ndècu ndéé núú‑gǎ‑xi ñuú Cìrené. Te tnàhá ñáyiu ñuú Ròmá véxi, te ñáyiu‑áⁿ chi ñá dɨ́ú mèe‑ni ñáyiu isràél cúǔ‑yu nchaá‑yu, dico ɨɨⁿ‑ni cùu sá dácuàhá‑yu.
27395	ACT 11:19	Te sátá nǐ sahni‑güedé té Těvá, te ní cuiní‑güedé cada úhú‑güedé nchaa ñáyiu ní sándáá iní‑xi tnúhu Jèsús, te ní xíté nuú‑yu ndɨ tnahá ɨɨⁿ ɨɨⁿ ñuú. Te davá‑yu cuáháⁿ‑yu ndéé distrìtú Fèniciá ndɨhɨ distrìtú Chìpré ndɨhɨ ñuú Antiòquiá. Te ní cáháⁿ‑yu tnúhu Jèsús núú mee‑ni ñǎyiu isràél, te ñá ní xǐtnǔhu‑yu dava‑gá‑yu.
27514	ACT 15:3	Te nchaa ñáyiu sàndáá iní tnúhu‑gá ní quide ndee ìní ñáhǎ‑yu xii‑güedé, te ní tnɨɨ‑güedé ichi cuáháⁿ‑güedé. Te ní yáha‑güedé distrìtú Fèniciá ndɨhɨ distrìtú Sàmariá, te yàcáⁿ ní cani‑güedé cuèndú nása ní cuu ní tuha ñáyiu ñá túú cùu ñáyiu isràél ichi Yá Ndiǒxí, te ní cudɨ́ɨ́ víhí ìní nchaa ñáyiu ní xíndedóho‑áⁿ.
27558	ACT 16:6	Te ñá ní dàña Espíritú Yǎ Ndiǒxí quɨ́hɨ́ⁿ‑güedé cáháⁿ‑güedé tnúhu‑gá distrìtú Àsiá, núu ní sáháⁿ‑güedé distrìtú Frìgiá ndɨhɨ distrìtú Gàlaciá cáháⁿ‑güedé tnúhu‑gá.
27564	ACT 16:12	Te yàcáⁿ ní quene‑ndɨ́ bàrcú, te xìca‑na‑ndɨ́ cuáháⁿ‑ndɨ́ ñuú Fìlipú te ñuú‑áⁿ yɨ́ndèhu‑xi distritú Macèdoniá. Te yàcáⁿ ní cudíi‑ndɨ́ ní xíndecu tnaa‑ndɨ́. Te ñuú Fìlipú‑áⁿ ǐo cùnuu‑xi, chi ío chitu ñǎyiu ròmá ní ngóo‑yu.
27649	ACT 18:23	Te yàcáⁿ ní xíndecu‑dé tɨtnɨ́ nduu, te dǎtnùní ní tnɨɨ‑dé ichi cuáháⁿ‑dé. Te ní sáháⁿ‑dé nɨhìí distrìtú Gàlaciá ndɨhɨ distrìtú Frìgiá. Te ndɨ tnahá ñuú ní sáháⁿ‑dé ní cáháⁿ‑dé ndɨhɨ ñáyiu sàndáá iní tnúhu Yá Ndiǒxí, te ní ndúcú ndéé‑gǎ‑yu ní quidé‑yu nchaa nàcuáa ní xáhaⁿ‑dě cadá‑yu.
27699	ACT 20:5	Te ní quexìo‑güedé ñuú Fìlipú, te yàcáⁿ ní naníhí ñáhá‑güedě xii‑ndɨ́. Te té Pǎblú ní tendaha‑dě cue tée ndɨhɨ‑dé cuáháⁿ‑güedé ñuú Tròás, te ní xáhaⁿ‑dě sá dɨ́ú‑ní yàcáⁿ cundetu ñaha‑güedě xii‑ndɨ́. Te ní ndóo‑í ndɨhɨ‑dé, te ní xíndecu‑ndɨ́ vico xèxí‑yu pàá sá ñà túú yɨ̀hɨ levadurá. Te sátá nǐ yáha vico, te ní quée‑ndɨ́ bàrcú cuáháⁿ‑ndɨ́, te ní xúhuⁿ‑ndɨ́ ichi úhúⁿ nduu, te ní quexìo‑ndɨ́ ñuú‑áⁿ. Te yàcáⁿ ní naníhí tnáhá‑ndɨ̌ ndɨhɨ cue tée yòdo nuu cuáháⁿ ní xíndecu‑ndɨ́ úsá nduu.
27734	ACT 21:2	Te yàcáⁿ ní naníhí‑ndɨ̌ ɨɨⁿ bàrcú ñúhú ìchi‑xi quɨ́hɨ́ⁿ‑xi distrìtú Fèniciá, xíǎⁿ ní quée‑ndɨ́ cuáháⁿ‑ndɨ́.
27864	ACT 24:27	Te úú cuíá ducaⁿ nǐ quide‑güedé, te dǎtnùní ní xínu té Juělí chìuⁿ‑dé, te ní ngúnutnɨ́ɨ té Pòrsiú Fèstú. Te òré ní xínu té Juělí chìuⁿ‑dé, te ní dándǒo‑dé té Pǎblú yɨ́hɨ́‑ni‑dě vecaá. Te ducaⁿ nǐ quide‑dé cuèndá ní cuiní‑dé cudɨ̀u‑dé núú cuè tée isràél.
27865	ACT 25:1	Te ní cuu úní nduu sá nǐ quexìo té Fèstú ñuú Cèsareá ní queheⁿ‑dé chìuⁿ, te ní quee‑dé cuáháⁿ‑dé ñuú Jerusàlén.
27866	ACT 25:2	Te yàcáⁿ ní naníhí tnáhá‑dě ndɨhɨ nchaa dútú cúnùu ndɨhɨ nchaa cue tée tàxi tnuní ñáhá xìi ñáyiu isràél, te xǎhaⁿ‑güedě xii té Fèstú sá ndàá ndècuéchi té Pǎblú.
27868	ACT 25:4	Te té Fèstú ní xáhaⁿ‑dě: —Vá cúú quìxi‑dé ndéé ndíha. Na cùndetu‑dé ñuú Cèsareá chi sacú‑ni nduu cuyaa‑ǐ iha te dǎtnùní núhú‑í yàcáⁿ.
27870	ACT 25:6	Te ní xíndecu té Fèstú úná úxí nduu ñuú Jerusàlén, te dǎtnùní cuánuhú‑dé ñuú Cèsareá. Te nduu tněé cuáháⁿ‑dé vechìuⁿ, te òré ní quexìo‑dé, te ní xáhaⁿ‑dě xii cue sandàdú xínú cuèchi sá quɨ̀hɨ́ⁿ‑güedé queñuhu‑güedé té Pǎblú vecaá te candeca ñaha‑güedě quɨ́hɨ́ⁿ vechìuⁿ.
27872	ACT 25:8	Te té Pǎblú ní xáhaⁿ‑dě xii té Fèstú: —Ñá túú ndècuéchi‑í, ñá túú nǎ ní quìde‑í, chi ñá túú tnàhá iní‑í cada‑í ɨɨⁿ sá càchí lèí sá vǎ cúú càda‑o. Te ni xɨ̀tɨ́ veñúhu càhnu sá ǐo cùnuu ñá túú nǎ quídè‑í, te ni té Cèsár tée yɨ̀ndaha cuéhé nàcióⁿ ñá túú càháⁿ cuèhé‑í cuèndá‑dé —càchí té Pǎblú xǎhaⁿ‑dě xii‑dé.
27873	ACT 25:9	Te té Fèstú ní cuiní‑dé cada‑dé nàcuáa cudɨ̀u‑dé núú cuè tée isràél ní cùu, núu xíǎⁿ ní xáhaⁿ‑dě xii té Pǎblú: —¿Cundee ìní‑n quɨ̌hɨ́ⁿ‑n ñùú Jerusàlén‑ǎⁿ? Te yàcáⁿ cundáá cuéchi sá sàá dɨ́quɨ́‑n —càchí té Fèstú xǎhaⁿ‑dě xii té Pǎblú.
27875	ACT 25:11	Chi núu dìcó yúhú ní quìde‑í ɨɨⁿ cuéchi càhnu, te ñá túú nǎ cada‑xi cuěi na càhni ñaha‑ndo xii‑í ní cùu. Te sa ní cutnùní iní‑n sǎ ñǎ ndàá, chi mee‑ni tnǔhu ndehnde xǐcáháⁿ‑güedé, te ñá túú ndùu váha‑xi ducaⁿ càda‑n cúñaha‑n sǎ quɨ̀hɨ́ⁿ‑í ndɨhɨ‑güedé ɨngá xichi. Te xíǎⁿ cuìní‑í quɨ́hɨ́ⁿ‑í núú tě Cèsár tée yɨ̀ndaha cuéhé nàcióⁿ, te yàcáⁿ cáháⁿ méé‑dě nǔu ndáá ndècuéchi‑í —càchí té Pǎblú xǎhaⁿ‑dě xii té Fèstú.
27876	ACT 25:12	Te ní ndatnúhu té Fèstú ndɨhɨ cue tée chìndee tnúhu ñaha xìi‑dé, te dǎtnùní ní xáhaⁿ‑dě xii té Pǎblú: —Te sa ní cáháⁿ‑n sǎ quɨ̀hɨ́ⁿ‑n quɨ̌tnahá‑n tě Cèsár te dɨu‑ni quɨ́hɨ́ⁿ‑n, te quiní‑n nǎsa cáháⁿ tée‑ǎⁿ yàcáⁿ —càchí‑dé xǎhaⁿ‑dě xii té Pǎblú.
27877	ACT 25:13	Te sátá nǐ cuu cuéhé nduu, te ní quee té Àgripá tée yɨ̀ndaha nacióⁿ Isràél cuáháⁿ‑dé ñuú Cèsareá ndɨhɨ ñadɨ̀hɨ́‑dé, te ñaha‑áⁿ nání‑áⁿ Berènicé te òré ní quexìó‑yu, te ní cáháⁿ ndɨhɨ́‑yu té Fèstú.
27878	ACT 25:14	Te sátá nǐ cuu tɨtnɨ́ nduu, te ní cáháⁿ té Fèstú cuèndá té Pǎblú ní xíi‑dé té Àgripá: —Ndècu ɨɨⁿ tée ní dándǒo té Juělí vecaá nání‑dě Pǎblú.
27880	ACT 25:16	Te ní xáhaⁿ‑ǐ xii‑güedé sá vǎ cúú, chi ñá túú dùcaⁿ quide nchúhú cue tée ròmá cùtexínu cada castìú‑ndɨ́ ñáyiu, chi díhna‑gá ndúcú tnǔhu‑ndɨ́ núú ñǎyiu sàá cuéchi dɨ́quɨ́‑xi cuèndá quiní‑ndɨ́ nǔu nása cáháⁿ méě‑yu ndɨhɨ ñáyiu sàcáⁿ cuéchi cuèndá‑yu, te òré‑áⁿ cútnùní iní‑ndɨ́ nǔu ndáá ndècuéchi‑yu àdi ñáhá, te ducaⁿ te nìhí‑ndɨ́ nàcuáa quìde ndáá‑ndɨ́ cuèndá‑yu, duha ní xáhaⁿ‑ǐ xii‑güedé —càchí té Fèstú xǎhaⁿ‑dě xii té Àgripá.
27881	ACT 25:17	Te ní xáhaⁿ tùcu té Fèstú: —Te sátá nǐ quexìo‑güedé ndéé ndíha, te nduu tněé ní sáháⁿ‑ni‑ndɨ́ vechìuⁿ. Te ní xáhaⁿ‑ǐ sá quɨ̌ngueñuhu‑güedé té Pǎblú candeca ñaha‑güedě quixi, te òré ní quexìo‑dé,
27885	ACT 25:21	Te dǎtnùní té Pǎblú ní cachí‑dé sá cúndècu tnaa‑dé vecaá te dǎtnùní quɨ́hɨ́ⁿ‑dé núú tě Cèsár, te tée‑áⁿ cada ndáá‑dé cuèndá‑dé. Te cuèndá sá dúcáⁿ nǐ cáháⁿ té Pǎblú, xíǎⁿ nǔu ní xáhaⁿ‑ǐ sá cúndèé ñáhá cuè sandadú xii‑dé, nɨni na còto‑í nása cada‑í quɨ́hɨ́ⁿ‑dé núú tě Cèsár, duha ní xáhaⁿ‑ǐ xii‑güedé —càchí té Fèstú xǎhaⁿ‑dě xii té Àgripá.
27886	ACT 25:22	Te té Àgripá ní xáhaⁿ‑dě xii té Fèstú: —Te tnàhá yúhú ío cudɨ́ɨ́ ìní‑í cundedóho‑í tnúhu càháⁿ‑dé —càchí‑dé xǎhaⁿ‑dě. Te ní xáhaⁿ tě Fèstú: —Tneé cana‑í‑dé te cundedóho‑n nǎsa cáháⁿ‑dé —càchí‑dé xǎhaⁿ‑dě.
27887	ACT 25:23	Te nduu tněé ní quexìo té Àgripá ndɨhɨ ñadɨ̀hɨ́‑dé tá Berènicé vechìuⁿ, te ío ní quide càhnu ñaha‑güedé xií‑yu. Te cuánguɨhú‑yu vechìuⁿ ndɨhɨ cue tée cùu capitáⁿ cúnùu‑gá ndɨhɨ cue tée cùnuu ñuú Cèsareá. Te té Fèstú ní xáhaⁿ‑dě sá quɨ̌ngueñuhu‑güedé té Pǎblú vecaá, te òré ní quexìo‑dé,
27888	ACT 25:24	te ní xáhaⁿ tě Fèstú xii té Àgripá ndɨhɨ nchaa ñáyiu xǐndecu‑áⁿ: —Chí cúndèhe tée iha chi tée‑a càchí cue tée isràél sá ndècuéchi‑dé, te cútnàhá ní xíndecu‑í ñuú Jerusàlén ní cachí‑güedé sá ndàá ndècuéchi‑dé, te dɨu‑ni ducaⁿ càháⁿ‑güedé iha. Te nchaa‑güedé ní cuáá‑güedé te càchí‑güedé sá táúchìuⁿ‑í cahni ñaha‑güedě xii‑dé ní cùu.
27891	ACT 25:27	Chi sàni iní‑í sá ñà túú ndùu váha‑xi sá quɨ̀hɨ́ⁿ ɨɨⁿ tée tàú cuéchi te núu vá códó tnùní núú ɨɨⁿ tutú nàcuáa càa cuéchi tàú‑dé —càchí té Fèstú xǎhaⁿ‑dě xii‑güedé.
27915	ACT 26:24	Te sá dúcáⁿ nǐ cáháⁿ té Pǎblú, te ní cáháⁿ níhi té Fèstú, te xǎhaⁿ‑dě: —Pǎblú, ¡ío lùcú càháⁿ‑n! Cuèndá ío vài ní dácuáhá‑n, núu xíǎⁿ ndádá lùcú ñáhá‑xí xìi‑n —cachí‑dé xǎhaⁿ‑dě.
27917	ACT 26:26	Te té Àgripá‑a sa nàha‑dé ndɨhɨ nchaa ñáyiu isràél nàcuáa ní cuu, chi sa ní níhí‑dě tnúhu ndɨhɨ dava‑gá‑yu nàcuáa ní cáháⁿ‑í, núu xíǎⁿ cúyɨ̀ɨ‑í càháⁿ ndɨhɨ‑í‑dé —càchí‑dé xǎhaⁿ‑dě xii té Fèstú.
27921	ACT 26:30	Te sátá dúcáⁿ nǐ cáháⁿ‑dé, te ní ngúnutnɨ́ɨ té Àgripá tée yɨ̀ndaha nacióⁿ Isràél, ndɨhɨ té Fèstú tée cùu gobiernú, ndɨhɨ tá Berènicé ndɨhɨ dava‑gá ñáyiu xǐnucóo yatni.
27923	ACT 26:32	Te té Àgripá ní xáhaⁿ‑dě xii té Fèstú: —Cuéchi mee‑dě chi ní cachí‑dé sá quɨ̌tnahá‑dé té Cèsár, xíǎⁿ nǔu ndɨ́hu tucu‑dé vecaá, te núu ñá túú dùcaⁿ ni cáháⁿ‑dé, te cácu‑dé ní cùu —cachí‑dé xǎhaⁿ‑dě xii té Fèstú.
27935	ACT 27:12	Te ñá ní tnàhá iní‑güedé Puèrtú Váha cuèndá sá nǐ tnahá yóó cúúⁿ dǎú táchí, te ñá túú dǎhu váha táchí xǐáⁿ, núu vài‑güedé ní cuiní‑güedé yáha‑güedé quɨ́hɨ́ⁿ‑güedé sáá‑güedé ndéé ñuú Fènicé ní cùu. Te yàcáⁿ cundecu‑güedé yóó cúúⁿ dǎú táchí cuěi ñá túú càváha vìhi, chi nchìí nàcuáa yǎha bàrcú, te yàcáⁿ quɨ̌hu táchí, dico dǎhu‑gá. Núu xíǎⁿ ndéé ndíácǎⁿ nátàcá bàrcú yóó cúúⁿ dǎú táchí, te dɨu‑ni Crětá yɨ́ndàha‑xi ñuú‑áⁿ.
27982	ACT 28:15	Te ñáyiu ròmá ñáyiu sàndáá iní tnúhu Jèsús, ní níhǐ‑yu tnúhu sá cuàháⁿ‑ndɨ́, te ní quixí‑yu ní quixi tnahá ñáhǎ‑yu ichi. Te davá‑yu ní naníhí‑ndɨ̌ ñuú Fòrú Àpiú, te davá‑yu ní naníhí‑ndɨ̌ ñuú Úní Tàbernás. Te òré ní xiní té Pǎblú nchaa ñáyiu véxi tnahá ñáhá xìi‑ndɨ́, te ndee ndèe ní cuu iní‑dé, te ní ndacáⁿ táhú‑dě núú Yǎ Ndiǒxí sá dúcáⁿ nǐ quidé‑yu.
28240	ROM 9:17	Te núú tùtú Yǎ Ndiǒxí càháⁿ‑xi nàcuáa ní xáhaⁿ‑gǎ xii tée ní cuu Faràón tée ní xɨ́ndaha nàcióⁿ Ègiptú, te duha ní xáhaⁿ‑gǎ: “Yúhú ní quide‑í yɨ́ndàha‑n ñáyiu cuèndá cada‑í tɨtnɨ́ núú sǎ cádà‑í núú‑n cuèndá cutnùní iní‑n sǎ ǐo càhnu cuu‑í, te ducaⁿ nchàa ñáyiu ñuyíú cutnùní iní‑yu sá yǔhú cúù‑í Ndiǒxí”, duha ní xáhaⁿ‑gǎ xii tée ní cuu Faràón.
28405	ROM 16:1	Te yúhú tendaha‑ǐ tá Fèbé quixi‑xi núú ndécú‑ndó, te tnàhá‑xi ndècu‑xi ichi Xítohó Jesucrìstú, te quìde‑xi chiuⁿ Yá Ndiǒxí sá cúú‑xí ñǎyiu ndècu ichi Xítohó Jesucrìstú xǐndecu ñuú Cèncreá.
28418	ROM 16:14	Te cúñaha‑ndo sǎ ǐo na càda ndee iní té Àsíncritú, ndɨhɨ té Flègonté, ndɨhɨ té Hěrmás, ndɨhɨ té Pàtrobás, ndɨhɨ té Hěrmés, ndɨhɨ nchaa dava‑gá cue ñáyiu ndècu ndɨhɨ‑o ichi Xítohó Jesucrìstú xǐndecu ndɨhɨ‑güedé.
28419	ROM 16:15	Te cúñaha tùcu‑ndo sá ǐo na càda ndee iní té Fìlólogó, ndɨhɨ tá Jǔliá, ndɨhɨ té Nèreú, ndɨhɨ cúha té Nèreú, ndɨhɨ tá Òlimpás, ndɨhɨ nchaa dava‑gá ñáyiu sàndáá iní tnúhu Xítohó Jesucrìstú xǐndecu ndɨhɨ́‑yu.
28861	1CO 16:17	Te ío cùdɨ́ɨ́ ìní‑í sá nǐ quexìo té Èstéfanás, ndɨhɨ té Fortunàtú, ndɨhɨ té Acàicú, chi cue tée‑áⁿ nǐ quide‑güedé núú‑ndó nǐ quide‑güedé nchaa sá ñà túú ndàcu‑ndo cada‑ndo cuendá‑í ní cùu.
29429	PHP 1:1	Yúhú té Pǎblú ndɨhɨ té Timùteú cúú‑ndɨ̌ cue tée xìnu cuechi núú Xǐtohó Jesucrìstú, te tèndaha‑ndɨ́ tutú‑a véxi ndaha nchòhó cue tée yɨ̀ndaha nchaa ñáyiu ndècu ichi Xítohó Jesucrìstú, ndɨhɨ cue tée chìndee ñaha xii‑ndo, ndɨhɨ nchaa dava‑gá ñáyiu xǐquide ndáá ndécú ìchi‑gá ñuú Fìlipú.
29524	PHP 4:15	Te nchòhó cue ñáyiu ñuú Fìlipú sa nàha‑ndo nacuáa ní cuu cútnàhá ní ngüíta‑í càháⁿ‑í tnúhu Xítohó Jesucrìstú distrìtú Macèdoniá, te cútnàhá ní ndee‑í distrìtú‑áⁿ te dɨu tnàhí‑ni nchòhó ní taxi‑ndo sǎ ndúú tǎhù‑í, te nchaa ñáyiu ndècu ichi Xítohó Jesucrìstú dava‑gá xichi ñá túú tnàhí ni chìndee ñahá‑yu xii‑í.
29639	1TH 2:2	Te nàha‑ndo sá cǔtnàhá ní xíndecu‑ndɨ́ ñuú Fìlipú ío ní xúhuⁿ tnúhu cuèhé tnúhu duha núú‑ndɨ̌, te ní caniha‑güedě xii‑ndɨ́. Te ní ndee‑ndɨ́ ní quixi‑ndɨ́ ñuú‑ndó, te ñá túú ní yùhú‑ndɨ́ ní cáháⁿ‑ndɨ́ tnúhu Yá Ndiǒxí núú‑ndó, chi mee‑gǎ ní chindee ñàha‑gá xii‑ndɨ́ cuěi ío chitu ñǎyiu ní cuu úhú iní ñáhá xìi‑ndɨ́.
29891	2TI 1:15	Te yòhó sa xìní‑n sǎ nchàa ñáyiu ndècu distritú Àsiá, ñáyiu ní sándáá iní tnúhu Xítohó Jesucrìstú ní dáñá ñàhá‑yu xii‑í, te tnàhá té Fígeló ndɨhɨ té Hèrmógenés ní dáñá ñàha‑güedé xii‑í.
29911	2TI 2:17	Te nchaa tnúhu‑áⁿ cǔténuu‑xi dàtná quídé ɨ̀ɨⁿ cuéhé sǎ ñǎni ñaha xìi ñáyiu xìté nuu‑xi nɨhìí yɨquɨ cùñú‑yu. Te tnàhá té Himèneú ndɨhɨ té Fìletú càháⁿ‑güedé tnúhu‑áⁿ quídé‑güedě dàtná quídé ñǎyiu‑áⁿ.
30006	PHM 1:1	Te yúhú té Pǎblú tée yɨ̀hɨ vecaá sá cuèndá Xítohó Jesucrìstú cádǔha‑í ɨɨⁿ tutú ndɨhɨ té Timùteú cuèndá daquìxi‑í ndaha yòhó té Filèmón, te ío cùu iní ñáhà‑í xii‑n chi tnàhá‑n quìde‑n chiuⁿ Yá Ndiǒxí. Te tutú‑a tèndaha‑í quixi ndaha‑n
30012	PHM 1:7	Te yòhó té Filèmón cúú‑n těe ndècu ndɨhɨ‑í ichi Xítohó Jesucrìstú càchí tnúhu‑í xii‑n sǎ ǐo cùdɨ́ɨ́ ìní‑í cuèndá sá ǐo váha quìde‑n ndecu‑n, chi cùu iní‑n nchàa ñáyiu ndècu ichi Yá Ndiǒxí, te uuⁿ‑gá nìhí ndéè‑í sá dúcáⁿ quìde‑n, te dɨu‑n ǐo sáhǎ‑n‑yu tnúhu ndee ìní ndécú ndɨ̀hɨ́‑yu.
30262	HEB 11:23	Te cútnàhá ní cacu ndíi Moìsés te ní chiváha ñaha nǎná ndǐi ndɨhɨ tǎtá ndǐi úní yóó. Te ducaⁿ nǐ quide cue ndíi‑áⁿ chi ní sándáá iní cue ndíi Yá Ndiǒxí. Te ní quide cuèndá cue ndíi‑áⁿ sǎ ǐo váha càa ndíi Moìsés déhe cue ndíi, te ñá túú ní yùhú cue ndíi nàcuáa ní cáháⁿ tée cùu Faraón sá cáhní‑dě cue landú.
30263	HEB 11:24	Te sátá nǐ sahnu ndíi Moìsés te duuⁿ duuⁿ ní cachí ndíi sá vǎ càháⁿ ñáyiu sá děhe yoco tée cùu Faraón cúú nǎná ndǐi. Te ducaⁿ nǐ quide ndíi chi ní sándáá iní ndíi Yá Ndiǒxí.
30266	HEB 11:27	Te ndíi Moìsés ní quee ndíi nàcióⁿ Ègiptú te ñá túú ní quìde cuendá ndíi sá ǐo cùdééⁿ těe cùu Faraón núú ndǐi. Te ducaⁿ nǐ quide ndíi chi ní sándáá iní ndíi Yá Ndiǒxí. Te ní quide càhnu iní ndíi cuèndá nchaa sá nǐ yáha ndíi, te ní quide iní ndíi sá Yǎ Ndiǒxí ndécú ndɨ̀hɨ ñaha túu‑gá xii ndíi cuěi ñá túú ní xìní núú ñáhá ndǐi xii‑gá. Te ducaⁿ nǐ sani iní ndíi chi Yá Ndiǒxí ndécú ndɨ̀hɨ ñaha‑gá xii ndíi.
30776	REV 1:11	Te càchí sá càháⁿ‑áⁿ: —Yúhú sa ndècu‑í ndéé cútnàhá ní ngáva ñuyíú, te dɨu‑ni‑í cundecu‑í ndéé ná sàá nduu nàa‑xi ndɨhɨ nchaa sá ìó, te chido tnùní‑n ɨ̀ɨⁿ núú tùtú sá ná dànehé núú ñáhà‑í xii‑n, te daquɨ̀hɨ́ⁿ‑n tùtú‑áⁿ ndɨ ùsá xichi núú xǐndecu cue ñáyiu ndècu ichi Yá Ndiǒxí xǐndecu distrìtú Àsiá, ndaha ñáyiu ñuú Éfesú, ndaha ñáyiu ñuú Èsmirná, ndaha ñáyiu ñuú Pěrgamú, ndaha ñáyiu ñuú Tiàtirá, ndaha ñáyiu ñuú Sǎrdís, ndaha ñáyiu ñuú Filàdelfiá, ndaha ñáyiu ñuú Laodìceá, nchaa ñáyiu ñuú‑áⁿ daquɨ̀hɨ́ⁿ‑n tùtú‑áⁿ ndahá‑yu —càchí sá càháⁿ‑áⁿ.
30821	REV 3:7	Te ní cachí tucu Yaá càháⁿ‑áⁿ xii‑í sá chídó tnùní‑í nchaa tnúhu sá vítná cǎháⁿ‑gá ɨɨⁿ núú tùtú, te tendaha‑ǐ quɨ́hɨ́ⁿ ndaha tée xìnu cuechi núú Yǎ Ndiǒxí ndécú ñùú Filàdelfiá sá cúú‑xí cuè ñáyiu xǐndecu ichi‑gá ndécú ñùú‑áⁿ, te duha càchí‑gá: “Yúhú cúù‑í Yaá ío váha quìde ndáá te ñá túú tnàhí cuéchi‑í. Te díhna‑gá ndíi Dàvií ní taxi tnùní ndíi ñáyiu, te vitna yúhú táxí tnùní‑í‑yu, te yúhú cáháⁿ‑í te núu nděndɨda càa ñáyiu ndɨ́hu ndaha‑ǐ te nděndɨda càa ñáyiu vá ndɨ̌hu ndaha‑ǐ.
30822	REV 3:8	Te yúhú xìní‑í nchaa nàcuáa quìde nchohó ñáyiu xǐndecu ichi Yá Ndiǒxí ndécú ñùú Filàdelfiá, te yúhú ní quide‑í nàcuáa ní níhí‑ndó ɨ̀ɨⁿ ichi cahnu quide‑ndo chiuⁿ‑í, te vá yǒo ɨɨⁿ cada nàcuáa vá nìhí‑gá‑ndó nàcuáa cada‑ndo chìuⁿ‑í. Te cuěi ñá túú ǐo nìhí ndéé‑ndó cùndecu‑ndo ichi Yá Ndiǒxí dico tnɨ̀ɨ‑ndo nchaa tnúhu càháⁿ‑í, te ni ɨ̀ɨⁿ xito ñá túú càháⁿ‑ndó sǎ ñà túú ndècu ndɨhɨ ñaha‑ndo xii‑í.
30827	REV 3:13	Te nchaa nchòhó cada cuèndá váha‑ndo nàcuáa xǎhaⁿ‑ǐ xii Espíritú Yǎ Ndiǒxí xǎhaⁿ‑xi xìi cue ñáyiu ndècu ichi‑gá xǐndecu nchaa xichi”, duha càchí Yaá càháⁿ‑áⁿ. Te nchaa tnúhu‑áⁿ nì chídó tnùní‑í sá cúú‑xí ñǎyiu xǐndecu ichi Yá Ndiǒxí ndécú ñùú Filàdelfiá.