23240	MAT 2:2	ta quechaha nducu tuhun ra ti: ―¿Ndaa cuu nu ni cacu ra cuu ra cua cundaca ñahan chi ñivi judío? Nducu tuhun ndi, vati cha ni ndehe ndi cha ndaa ri cuu tiñu ra chiyo cana nicandi, ta vachi ndi, vati cuni sacahnu tahan ndi chi ra ―cati ra ta ra.
23440	MAT 8:26	Ta cati ndico ra chi ñi ti: ―¿Ñacu yuhvi xaan ndo? Ña chinu ini ndo chi ra Ndioo ―cati ra. Tacan cuu, ta chacuinda ra, ta cati ra ti cua cutaxin tati can chi nduta can. Tacan cuu, ta taxin taxin cuu.
23443	MAT 8:29	Tacan cuu, ta quechaha cana chaa ra ta ra, ta cati ra ta ra ti: ―¿Ñaan cha cuu cha cuni cun chi ndi, ta yoho ra cuu sehe Ndioo? Cha vachi cun ihya, vati cua cuhva cun tu ndoho chi ndi, ta ña ta queta quivi cua tachi tuni ra Ndioo chi ndi ―cati ra ta ra chi ra Jesuu.
23459	MAT 9:11	Ndehe ra fariseo ta ra ti chachi ra Jesuu chi racan ta ra icaa ni, ta quechaha nducu tuhun ra ta ra chi ñi sacuaha chi ra ti: ―¿Ñacu chachi ra cuu maestru ndo chi ra satiahvi chi ra ña sacahnu ley Moisee icaa ni? ―cati ra ta ra.
23462	MAT 9:14	Tacan cuu, ta quichi ra sacuaha chi ra Juaan, ta quechaha nducu tuhun ra ta ra chi ra Jesuu ti: ―¿Ñacu chacoo ndita maan ndi chi ra fariseo, ta ña tuhva ñivi sacuaha chihun coo ndita ñi? ―cati ra ta ra.
23476	MAT 9:28	Quihvi ra Jesuu tichi vehe, ta tuhva ra cuaa can iti nuun ra Jesuu, ta quechaha nducu tuhun ra chi ra ta ra ti: ―¿Atu chinu ini ndo ti cha cuu savahi cuhva cuni ndo? ―cati ra. Ta cati ndico ra ta ra chi ra ti: ―Chinu ini ndi, ra chahnu.
23531	MAT 11:3	ta nducu tuhun ra ta ra chi ra ti: ―¿Atu maun cuu ra iyo cha cua quichi cuenda ra Ndioo a cua cuatu nuun ca ndi chi inga ra? ―cati ra.
23568	MAT 12:10	Ican iyo iin ra nduxii ndaha, ta quechaha nducu tuhun ra fariseo ta ra chi ra Jesuu ti: ―¿Atu chaha ley chahnu cha sanduvaha ñivi quivi sábadu? ―cati ra ta ra, vati cuni ra ta ra tiso ra cuati ra Jesuu.
23606	MAT 12:48	Ta nducu tuhun ndico ra chi ñican ti: ―¿Yoo cuu sihi yu? ¿Yoo cuu yani yu? ―cati ra.
23618	MAT 13:10	Tacan cuu, ta tuhva ñi sacuaha chi ra Jesuu nu iyo ra, ta quechaha nducu tuhun ñi chi ra ti: ―¿Ñacu chi cuhva ni cahun chi ñivi? ―cati ñi.
23659	MAT 13:51	[Ni vii cahan ra Jesuu chi ra sacuaha chi ra,] ta nducu tuhun ra chi ra ta ra ti: ―¿Atu cutuni ini ndo ndihi cuhva can? Ta cati ndico ra ta ra ti: ―Cutuni ini ndi.
23662	MAT 13:54	Queta ra ñuun ra, ta quechaha sacuaha ra chi ñivi can tichi ve ñuhun ñi. Chacan cuu cha iyo cuni ñi, ta quechaha nducu tuhun ñi chi tahan ñi ti: ―¿Yoo chaha cha chini tuni cha cahan rahya? ¿Yoo chaha tu ndee ini cha ni savaha ra cuhva cahnu xaan can?
23704	MAT 15:2	―¿Ñacu ña sacuinu ñivi sacuaha chihun tuhun cha ni tiso ñivi yo tiempu chahnu? Ña sacuinu ñi, vati ña tuhva ñi nacata ñi ndaha ñi, ta cha cua cachi ñi ―cati ra ta ra.
23705	MAT 15:3	Ta cati ndico ra Jesuu chi ra ta ra ti: ―¿Ñacu sacuinu ndo tuhun cha ni tiso ñivi yo tiempu chahnu, ta ña sacuinu ndo tuhun cha cati tuhun ra Ndioo?
23714	MAT 15:12	Tacan cuu, ta tuhva ra sacuaha chi ra Jesuu nu iyo ra, ta nducu tuhun ra ta ra chi ra ti: ―¿Atu chito cun ti ña chaa ini ra fariseo can, ta chini ra tuhun can? ―cati ra ta ra.
23718	MAT 15:16	Ta cati ndico ra Jesuu ti: ―¿Atu ña nituni tahan ini ndo?
23736	MAT 15:34	Ta nducu tuhun ra Jesuu chi ra ta ra ti: ―¿Yoso tahan paan iyo? Ta cati ndico ra ta ra chi ra Jesuu ti: ―Ucha tahan paan iyo chi uvi uni tahan tiaca ―cati ra ta ra.
23749	MAT 16:8	Chito ra Jesuu cha ndatuhun ra ta ra, ta quechaha cati ra chi ra ta ra ti: ―¿Ñacu cha ndatuhun ndo chi tahan ndo ti ñahni paan ndiso ndo? Ña ta cuinu vaha ini ndo.
23754	MAT 16:13	Tacan cuu, ta cuahan ra Jesuu chi ra sacuaha chi ra iti ñuhun nu iyo ñuun Cesarea cha iyo cuenda ra Felipe. Queta ra ta ra, ta quechaha nducu tuhun ra Jesuu chi ra ta ra ti: ―¿Yoso cati ñivi cuenda yuhu ra cuu sehe ñivi? ¿Yoo rai cui cuni ñi? ―cati ra.
23779	MAT 17:10	Ta quechaha nducu tuhun ra ta ra chi ra ti: ―¿Ñacu cati ra sacuaha ley chahnu ti nini xaan cha cua quichi xihna ra Elía? ―cati ra ta ra.
23788	MAT 17:19	Tacan cuu, ta quee siin ra sacuaha chi ra Jesuu, ta nducu tuhun ra ta ra chi ra ti: ―¿Ñacu ña cuu tava ndaa ndi chi run tati cuihna can? ―cati ra ta ra.
23793	MAT 17:24	Tacan cuu, ta cuahan ra Jesuu chi ra sacuaha chi ra iti ñuun Capernaum, ta cha satahan ra satiahvi xuhun ve ñuhun chi ra ta ra, ta tuhva ra nu iyo ra Pedro, ta quechaha nducu tuhun ra chi ra ti: ―¿Atu ña tiahvi tahan ra sacuaha chi ndo xuhun ve ñuhun? ―cati ra chi ra Pedro.
23794	MAT 17:25	Ta cati ndico ra Pedro chi ra ti: ―Tiahvi tahan ra ―cati ra. Tacan cuu, ta quihvi tahan ra Pedro tichi vehe can, ta cahan xihna ra Jesuu chi ra. Nducu tuhun ra chi ra ti: ―¿Yoso saxini maun, yoho Simón? ¿Yochi satiahvi ra ndaca ñahan chi ñivi ñuñivi? ¿Atu quihin ra xuhun ñi cuu ñivi maan ra a xuhun inga ñivi quihin ra? ―cati ra Jesuu.
23797	MAT 18:1	Suvi ni hora can yaha ndihi ra sacuaha chi ra Jesuu iti nuun ra, ta quechaha nducu tuhun ra ta ra chi ra ti: ―¿Ndaa ñivi cua cuu ñivi cahnu ca quivi cua cundaca ñahan ra iyo iti siqui andivi? ―cati ra ta ra.
23834	MAT 19:3	Tacan cuu, ta yaha ra fariseo ta ra iti nuun ra, vati cuni ndehe ra ta ra a ña cua cahan ra Jesuu iin tuhun ña vaha, ta nducu tuhun ra ta ra chi ra ti: ―¿Atu chaha ley chahnu cha cua saña iin rai chi ñasihi ra yoso cuu ni? ―cati ra ta ra.
23849	MAT 19:18	Ta nducu tuhun ndico ra chi ra Jesuu ti: ―¿Ñaan tuhun cuu chacan? ―cati ra. Ta cati ra Jesuu ti: ―Tuhun ya cuu chi. Ña cua cahni ndo tahan ndo. Ña cua coo ndo ndavaha ni chi tahan ndo inga chiyo. Ña cua suhu ndo. Ña cua sandahyu ñahan ndo.
23882	MAT 20:21	ta nducu tuhun ra chi ña ti: ―¿Ñaan cha cuu cha cuni cun? ―cati ra. Ta cati ndico ña chi ra ti: ―Na cua cati cun ti cua cunda tahan nduvi sehi chihun nu cua cundaca ñahan cun. Na cua cunda iin ra chiyo ndaha cuaha cun ta inga ra chiyo ndaha satin cun ―cati ña.
23893	MAT 20:32	Tacan, ta ni chacuiñi ra Jesuu, ta cana chaa ra chi ra ta ra, ta nducu tuhun ra ti: ―¿Ñaan cha cuu cha cuni ndo cha cua savahi chi ndo? ―cati ra.
23905	MAT 21:10	Tacan, ta quihvi ra ñuun Jerusalén can, ta jihna cha ña chito ca ndihi ñivi ñuun can yoso savaha ñi cha nduiyo ñi chi ra, ta quechaha nducu tuhun ñi chi tahan ñi ti: ―¿Yoo rai cuu rahya? ―cati ñi.
23911	MAT 21:16	ta nducu tuhun ra ta ra chi ra Jesuu ti: ―¿Atu chini cun tuhun cha cahan ra ta ra? ―cati ra ta ra. Ta cati ndico ra Jesuu chi ra ta ra ti: ―Chini yu tuhun can, soco vasi ña ta sacuaha ndo nu cati tutu Ndioo cuenda yu ti: Cua sacahnu ñi cuati chihin ra, ta cua sacahnu tahan ve ni chaxi chihin ra, cati chi ―cati ra.
23915	MAT 21:20	Chacan ndehe ra sacuaha chi ra Jesuu, ta iyo xaan cuni ra ta ra, ta quechaha nducu tuhun ra ta ra chi ra ti: ―¿Yoso neti yutun can cha quii quii ni? ―cati ra.
23937	MAT 21:42	Ta cati ra Jesuu chi ra ta ra ti: ―¿Atu ña sacuaha ndo cha cati tutu Ndioo? Cati chi ti: Iyo iin yuu, ta cati ra sandaa vehe ti ña vaha chi, soco yuu can cha cuu yuu cahnu tutu vehe. Chacan ni savaha ra chahnu, ta vaha xaan cuni ñivi ndehe ñi chi chi, cati tutu Ndioo.
23961	MAT 22:20	ta quechaha nducu tuhun ra Jesuu chi ra ta ra ti: ―¿Yochi xini ndiso chi ihya? ¿Yochi sivi ndiso tahan chi ihya? ―cati ra.
23983	MAT 22:42	Cati ra ti: ―¿Yoso saxini ndo cuenda ra cuu Cristo ra tava tiñu ra Ndioo? ¿Ñaan tata cuu ra? ―cati ra chi ra ta ra. Ta cati ndico ra ta ra ti: ―Tata ra David cua cuu ra Cristo quivi cua quichi ra.
24138	MAT 26:15	ta nducu tuhun ra chi ra ta ra ti: ―¿Yoso xuhun cua cuhva ndo chihin yu, ta cua xico tuhin chi ra Jesuu? ―cati ra. Tacan cuu, ta tiahvi ra ta ra oco uchi tahan xuhun cuichin chi ra,
24140	MAT 26:17	Quivi quechaha sacahnu ñivi vico paan ña ndaa can, ta quichi ra sacuaha chi ra Jesuu, ta quechaha nducu tuhun ra ta ra chi ra ti: ―¿Ndaa cuu nu cuni cun cha cua tiso vaha ndi cha cua sacahnu yo vico ya? ―cati ra ta ra.
24185	MAT 26:62	Tacan, ta chacuinda ra cuu sutu chahnu can, ta quechaha nducu tuhun ra chi ra Jesuu ti: ―¿Atu ña cua cati ndico cun cha tiso rahya ta ra cuati cun? ―cati ra.
24209	MAT 27:11	Ni chacuinda ra Jesuu iti nuun ra Pilato ra cuu cumi tiñu cuenda ñuun Roma, ta quechaha nducu tuhun ra cumi tiñu can chi ra ti: ―¿Atu maun cuu ra ndaca ñahan chi ñivi judío? ―cati ra Pilato can. Ta cati ndico ra Jesuu chi ra ti: ―Cha cati maun ―cati ra.
24211	MAT 27:13	Tacan cuu, ta cati ra Pilato chi ra Jesuu ti: ―¿Atu ña chini cun ndihi cuati cun tiso ra ta ra nuin? ―cati ra chi ra.
24220	MAT 27:22	Ta nducu tuhun ra Pilato chi ñi ti: ―¿Ñaan cua savahi chi ra Jesuu ra cuu Cristo? ―cati ra. Ta cati ndico ndihi ñi ti: ―Na cua cuvi ra nu cruu ―cati ñi.
24221	MAT 27:23	Ta nducu tuhun tucu ra chi ñi ti: ―¿Ñaan cha cuu ndavaha ni cha ni savaha ra? ―cati ra. Ta cuaha xaan ca quechaha ndahyu chaa ñi, ta cati ñi ti: ―Na cua cuvi ra nu cruu ―cati ndico tucu ñi.
24311	MRK 1:27	ta iyo xaan quechaha cuni ndihi ñivi can. Chacan cuu cha nducu tuhun ñi chi tahan ñi ti: ―¿Ñaan cha cuu chehe? ¿Atu tuhun chaa cuu chi, vati iyo ndatu chi ra? Cha tava ra chi run tati cuihna can, ta ni tasoho run chi ra ―cati ñi.
24361	MRK 3:4	Ta quechaha nducu tuhun ra Jesuu chi ñivi can ti: ―¿Yoso cuhva cati ley cha cuenda quivi sábadu? ¿Atu cua savaha ñivi iin cha vaha a cua cuu savaha ñi iin cha ndavaha ni? ¿Atu cua cuu sanduvaha ñivi chi tahan ñi a cua cuu cuhva ñi cha cua cuvi ñi? ―cati ra chi ñi. Ta taxin taxin ni ndoo maan ñivi can,
24390	MRK 3:33	Ta cati ndico ra chi ñi ti: ―¿Yoo ñivi cuu sihi yu chi yani yu? ―cati ra.
24430	MRK 4:38	Tacan, ta ni vii quixi ra Jesuu iti suhma tundoo can, ta quixi ra siqui iin sahma xini nanihin ra. Sandoyo ra ta ra chi ra, ta quechaha cati ra ta ra chi ra ti: ―¿Atu ña saxini cun cha cua cuvi ndi, ta maestru? ―cati ra ta ra.
24432	MRK 4:40	ta quechaha nducu tuhun ra Jesuu chi ra ta ra ti: ―¿Ñacu cuyuhvi xaan ndo? ¿Ñacu ña chinu ini ndo? [Ña vaha cha iyo ndo tacan] ―cati ra.
24433	MRK 4:41	Ni vii yuhvi xaan ra ta ra, ta quechaha nducu tuhun ra ta ra chi tahan ra ti: ―¿Yoo rai cuu rahya, vati sacuinu tati chi nduta tañuhun ya cha ni cahan ra? ―cati ra ta ra.
24440	MRK 5:7	Tacan, ta nihin xaan cana chaa ra ndahvi can, ta quechaha cati ra chi ra ti: ―¿Ñaan cha cuu cha cuni cun chihin yu, ta Jesuu? Maun cuu sehe Ndioo ra cuu ra cahnu xaan. Cahan rai yu chihun cuenda ra Ndioo ti na ña cua sasacon xini yu ―cati ra.
24442	MRK 5:9	Nducu tuhun ra Jesuu chi run ti: ―¿Ñaan nani cun? ―cati ra chi run. Ta ni quechaha cati ndico run chi ra ti: ―Legioon nani yu, vati cuaha xaan ndi iyo ―cati run.
24463	MRK 5:30	ta quii xaan ni tuvi ini ra Jesuu cha quee tu ndee ini chi ra. Chacan cuu cha ndico coo ra mahñu ñivi can, ta quechaha nducu tuhun ra ti: ―¿Yoo cuu cha ni sayani ndaha sahme? ―cati ra.
24472	MRK 5:39	Quihvi ra tichi vehe ra Jairo can, ta quechaha nducu tuhun ra chi ñi ti: ―¿Ñacu cuvaa xaan ndo? ¿Ñacu chacu xaan ndo? Ña chihi ña luhu ya. Quixi ni maan ña ―cati ra.
24478	MRK 6:2	Quivi sábadu [quivi ndaa tatun ñivi] cuu chi, ta quechaha sacuaha tucu ra chi ñivi iyo ve ñuhun can. Tuvi ñivi chini tuhun cha cahan ra, ta iyo xaan cuni ñi. Quechaha nducu tuhun ñi chi tahan ñi ti: ―¿Ndaa iti cutuhva ra tuhun ya? ¿Yoo rai chaha cha chini tuni chi ra? ¿Yoso cuu savaha ra cuhva cahnu xaan can?
24500	MRK 6:24	Tacan, ta quee ña cuahan ña, ta quechaha nducu tuhun ña chi sihi ña ti: ―¿Ñaan cha cuu cha cua ndaque chi ra? ―cati ña. Ta cati ndico sihi ña chi ña ti: ―Na cua cuhva ra xini ra Juaan ra sacuanduta ―cati ña chi ña.
24513	MRK 6:37	Ta cati ndico ra Jesuu chi ra ta ra ti: ―Cuhva maan ndo cha cua cachi ñi ―cati ra. Ta quechaha nducu tuhun ra ta ra chi ra ti: ―¿Atu cua cu sata ndi uvi ciendu xuhun denario paan, ta cua cuhva ndi cha cua cachi ñi? ―cati ra ta ra.
24514	MRK 6:38	Ta nducu tuhun ndico maan ra chi ra ta ra ti: ―¿Yoso tahan paan iyo chi ndo? Cua cu ndehe ndo ―cati ra. Cha chito ra ta ra, ta cati ndico ra ta ra ti: ―Uhun tahan paan cuu chi, ta uvi tahan tiaca ―cati ra ta ra.
24537	MRK 7:5	ta nducu tuhun maan ra fariseo chi maan ra sacuaha ley can chi ra Jesuu ti: ―¿Ñacu ña sacahnu ñivi sacuaha chihun costumbre cuhva ni sacahnu ñivi yo nu ni quichi quivi? Chachi ñivi sacuaha chihun, ta ña ndoo ndaha ñi cuenda costumbre ―cati ra ta ra.
24573	MRK 8:4	Ta nducu tuhun ndico ra sacuaha chi ra ti: ―¿Ndaa iti cua nihin yo cha cua cachi ñi ihya tichi cuhu ya? ―cati ra ta ra chi ra.
24574	MRK 8:5	Tacan, ta quechaha nducu tuhun ra Jesuu chi ra ta ra ti: ―¿Yoso tahan paan iyo chi ndo? ―cati ra. Ta cati ndico ra ta ra ti: ―Ucha tahan chi iyo ―cati ra.
24581	MRK 8:12	Tacan cuu, ta quichi cha uhvi ini ra Jesuu, ta quechaha nducu tuhun ra chi ra ta ra ti: ―¿Ñacu cuni ndehe ñivi iyo vitin iin cuhva? Cati ndicha yu ti ñahni cuhva cua ndehe ñi ―cati ra.
24592	MRK 8:23	Tacan, ta tiin ra Jesuu ndaha ra cuaa can, ta chandaca ra chi ra yu ñuun can. Ican ni tivi sivi ra Jesuu titi nuun ra, ta tiso ra ndaha ra chi ra ndahvi can, ta quechaha nducu tuhun ra chi ra ti: ―¿Atu ndichin vaha ndehun? ―cati ra.
24596	MRK 8:27	Tacan cuu, ta cuahan ra Jesuu chi ra sacuaha chi ra. Iti ñuhun Cesarea cha iyo cuenda ra Felipe cuahan ra ta ra, ta yaha ra ta ra ñuun ta ñuun. Ni vii cuahan ra ta ra iti, ta quechaha nducu tuhun ra Jesuu chi ra sacuaha chi ra ti: ―¿Yoo rai cui cati ñivi? ―cati ra.
24618	MRK 9:11	ta quechaha nducu tuhun ra ta ra chi ra Jesuu ti: ―¿Ñacu cati ra sacuaha ley chahnu can ti iyo cha cua quichi xihna ra Elía? ―cati ra ta ra.
24623	MRK 9:16	ta quechaha nducu tuhun ra chi ra sacuaha chi ra ti: ―¿Ñaan cha cuu cha cahan xaan ndo chi ra ta ra? ―cati ra.
24628	MRK 9:21	ta nducu tuhun ra Jesuu chi sutu ra luhu can ti: ―¿Yoso tiempu cha iyo cha savaha run chi ra tacan? ―cati ra. Ta cati ndico ra ti: ―Ni luhu ra, ta quechaha iyo run.
24635	MRK 9:28	Tacan cuu, ta quihvi ra Jesuu tichi vehe, ta quechaha nducu tuhun xehe ra sacuaha chi ra ti: ―¿Ñacu ña cuu tava ndi chi run? ―cati ra ta ra.
24640	MRK 9:33	Tacan cuu, ta queta ra Jesuu ñuun Capernaum. Quihvi ra tichi vehe, ta quechaha nducu tuhun ra chi ra sacuaha chi ra ti: ―¿Ñaan cha cuu cha ndatuhun xaan ndo iti vachi yo? ―cati ra.
24660	MRK 10:3	ta nducu tuhun ndico ra Jesuu chi ra ta ra ti: ―¿Ñaan cha cuu cha ni cati tuhun ra Moisee chi ndo? ―cati ra.
24675	MRK 10:18	Ta nducu tuhun ndico ra Jesuu chi ra ti: ―¿Ñacu cati cun ti rai vaha cui? Ñahni ni iin ñivi vaha iyo. Iin tuhun ni ra Ndioo cuu rai vaha ndicha.
24693	MRK 10:36	Ta cati ndico ra chi ra ta ra ti: ―¿Ñaan cha cuu cha cuni ndo cua savahi chi ndo? ―cati ra.
24708	MRK 10:51	Tacan, ta nducu tuhun ra Jesuu chi ra ti: ―¿Ñaan cha cuni cun cha cua savahi chihun? ―cati ra. Ta cati ndico ra cuaa can chi ra ti: ―Na cua ndundichin ndehi, maestru ―cati ra.
24714	MRK 11:5	Inda uvi ñivi ican, ta quechaha nducu tuhun ñi chi ra ta ra ti: ―¿Ñacu ndachi ndo chi ri buru can? ―cati ñi.
24751	MRK 12:9	Tacan, ta cati ndico ra Jesuu chi ra ta ra ti: ―¿Ñaan cha cuu cha cua savaha ra chitoho chiqui can? Cua cuhun ra, ta cua cahni ra chi ra quihin nuun chiqui ra, ta cua cuhva nuun ndico tucu ra chiqui ra chi inga tucu rai.
24757	MRK 12:15	Chito ra Jesuu ti vata ra ta ra, ta quechaha cati ndico ra chi ra ta ra ti: ―¿Ñacu cuni ndo cha cua savahi iin cha ndavaha ni? Cuhva ndo iin xuhun chihin yu na ndehi ―cati ra.
24758	MRK 12:16	Chaha ra ta ra iin xuhun, ta quechaha nducu tuhun ra chi ra ta ra ti: ―¿Yochi xini ndiso chi? ¿Yochi sivi ndiso chi? ―cati ra. Ta cati ndico ra ta ra chi ra ti: ―Xini ra César cuu chi chi sivi ra ―cati ra ta ra.
24770	MRK 12:28	Tacan cuu, ta queta tahan iin ra sacuaha ley chahnu can nu inda ra Jesuu, ta chini ra cha nducu tuhun xaan ra ta ra chi ra Jesuu, ta chito ra ti vaha xaan cati ndico ra Jesuu chi ra ta ra, ta quechaha nducu tuhun ra chi ra Jesuu ti: ―¿Ndaa ley cuu cha cuu cha cahnu ca cati tuhun ra Ndioo? ―cati ra.
24777	MRK 12:35	Ni vii sacuaha ra Jesuu chi ñivi tichi cora soco ndavi [ve ñuhun cahnu can], ta quechaha nducu tuhun ra chi ñi ti: ―¿Ñacu cati ra sacuaha ley chahnu ti ra Cristo cuu tata ra David nu cuahan quivi?
24835	MRK 14:12	Quivi quechaha vico paan ña ndaa can cuu chi, ta quivi can chahni tahan ñi chi ri mbee, vati samani ñi chi ri chi ra Ndioo cuenda vico can. Tacan cuu, ta nducu tuhun ra sacuaha chi ra Jesuu ti: ―¿Yoso cuni cun cha cua tiso vaha ndi, ta cua sacahnu yo vico ya? ―cati ra ta ra.
24883	MRK 14:60	Tacan cuu, ta ni chacuinda maan ra sutu chahnu sava mahñu ra cumi tiñu can ta ra, ta quechaha nducu tuhun ra chi ra Jesuu ti: ―¿Atu ña cua cati ndico cun, vati cha ni tiso rahya ta ra cuati cun? ―cati ra.
24884	MRK 14:61	Ta taxin taxin inda ra Jesuu. Ña cahan cuii ni ra, ta nducu tuhun ndico tucu ra sutu chahnu can chi ra ti: ―¿Atu yoho cuu ra Cristo? ¿Atu sehe ra ii ndicha cuun? ―cati ra.
24897	MRK 15:2	ta quechaha nducu tuhun ra Pilato chi ra Jesuu ti: ―¿Atu maun cuu ra ndaca ñahan chi ñivi judío? ―cati ra. Ta cati ndico ra Jesuu chi ra ti: ―Cha cati maun ―cati ra.
24899	MRK 15:4	soco nducu tuhun ndico tucu ra Pilato chi ra Jesuu ti: ―¿Atu ñahni cha cua cati ndico cun? Chini cun, vati cuaha xaan cuati cun tiso ra ta ra ―cati ra Pilato can.
24904	MRK 15:9	Tacan cuu, ta quechaha nducu tuhun ra Pilato chi ñivi can ti: ―¿Atu cuni ndo cha cua sañe chi ra ndaca ñahan chi ndo? ―cati ra.
24907	MRK 15:12	Inga chaha nducu tuhun ndico tucu ra Pilato chi ñivi can ti: ―¿Ñaan cha cuu cha cua savahi chi ra Jesuu, ta maan ndo cati ti ra ndaca ñahan chi ndo cuu ra? ―cati ra.
24909	MRK 15:14	Ta nducu tuhun ra Pilato chi ñi ti: ―¿Ñaan cha cuu ndavaha ni cha ni savaha ra Jesuu ya? ―cati ra. Tacan, ta nihin ca quechaha cana chaa ñi, ta cati ndico tucu ñi ti: ―Cua cahni cun chi ra nu cruu ―cati ñi.
24939	MRK 15:44	Tacan cuu, ta iyo xaan cuni ra Pilato, vati cha ni chihi cuii ra Jesuu. Cana ra chi ra ndaca ñahan chi ra sandaru can, ta nducu tuhun ra chi ra ti: ―¿Atu cha ni chihi cuii ra Jesuu? ―cati ra.
24945	MRK 16:3	Tacan, ta nducu tuhun ñi chi tahan ñi ti: ―¿Yoo cua sico tuvi yuu ndasi yuhu yavi can? ―cati ñi ta ñi.
24980	LUK 1:18	Tacan cuu, ta cati ndico ra Zacaría chi ra ti: ―¿Yoso cuhva cua cote ti cha ndicha cati cun? Cha chahnu xain, ta cha chahnu tahan ñasihi yu ―cati ra.
24996	LUK 1:34	Tacan cuu, ta quechaha nducu tuhun ña María chi ra tatun Ndioo can ti: ―¿Yoso cua cuu chacan, vati ña ta coi chi ra rai? ―cati ña.
25028	LUK 1:66	Chini ndihi ñivi tuhun can, ta saxini ñi chi anima ñi, ta nducu tuhun ñi iin ñi inga ñi ti: ―¿Ñaan rai cua cuu racan? Tacan ni nducu tuhun ñi, vati cua tindee ra chahnu chi ra.
25104	LUK 3:10	Tacan cuu, ta quechaha nducu tuhun ñivi can chi ra ti: ―¿Ñaan cha cuu cha cua savaha ndi? ―cati ñi.
25108	LUK 3:14	Tacan cuu, ta nducu tuhun tahan ra sandaru chi ra ti: ―¿Ñaan cha cuu cha cua savaha maan ndi? ―cati ra. Ta cati ndico ra Juaan chi ra ti: ―Ña cua cati ndo chi ñivi ti cua cani ndo chi ñi, tu ña cua cuhva ñi xuhun chi ndo, ta ni ña cua cati ndo ti cua xico tuhun ndo chi ñi, tu ña cua cuhva ñi xuhun chi ndo. Ña cua suhu ndo, soco cua ndoo ndo vaha cuhva cha tiahvi ra ndaca ñahan chihin ndo ―cati ra.
25154	LUK 4:22	Tacan cuu, ta cati ñi ti vaha xaan rai cuu ra, soco iyo xaan cuni ñi, vati taqui xaan tuhun cati tuhun ra chi ñi, ta quechaha nducu tuhun ñi chi tahan ñi ti: ―¿Atu ñavi sehe ra José chi ra? ―cati ñi.
25206	LUK 5:30	Tacan cuu, ta quechaha cahan ra fariseo chi ra sacuaha ley chahnu, ta nducu tuhun ra ta ra chi ra sacuaha chi ra Jesuu ti: ―¿Ñacu chachi ra Jesuu chi ñivi ndacu cuati icaa ni? ¿Ñacu chachi ra chi rai satiahvi icaa ni? ―cati ra ta ra.
25217	LUK 6:2	Tacan cuu, ta quechaha nducu tuhun ra fariseo chi ra ti: ―¿Ñacu ndacu ndo chacan, vati ña chaha ley cha cua savaha yo chacan quivi vitin? ―cati ra.
25304	LUK 7:40	Tacan cuu, ta quechaha cati ra Jesuu chi ra ti: ―Iyo iin cha cua cati yu chihun, Simón ―cati ra. Ta cati ndico ra fariseo can chi ra ti: ―¿Ñaan cha cuu chi, ta maestru? ―cati ra.
25308	LUK 7:44	Tacan cuu, ta ndehe ra Jesuu chi ña ñahan can, ta cati ra chi ra Simón ti: ―¿Atu ña ni ndehun cha ni savaha ñahya chihin yu? Quichi yu vehun, ta ña chahun nduta cua ndoo chahi, ta ñahya―nacata ña chahi chi nduta nuun ña, ta nacuhva ña chahi chi ixi xini ña.
25313	LUK 7:49	Tacan cuu, ta quechaha cahan ñivi chachi chi ra icaa ni, ta nducu tuhun ñi chi tahan ñi ti: ―¿Yoo rai cuu rahya, vati sanaan ra cuati ñivi? ―cati ñi.
25339	LUK 8:25	Tacan cuu, ta quechaha cati ra chi ra ta ra ti: ―Ñahni cha chinu ini ndo chi ra Ndioo ―cati ra. Iyo xaan cuni ra ta ra, ta yuhvi ra. Nducu tuhun ra ta ra chi tahan ra ti: ―¿Yoo rai cuu rahya? Cha cati tuhun ra chi tati chi nduta, ta tasoho chi chi ra ―cati ra ta ra.
25342	LUK 8:28	Nu ni ndehe racan chi ra Jesuu, ta quechaha cana chaa ra, ta nduva ihni ra iti nuun ra Jesuu, ta nihin xaan quechaha cati ra ti: ―¿Ñaan cha cuu cha cuni cun chihin yu, ta Jesuu? Yoho―sehe Ndioo cuu cun. Cahan ndahvi yu chihun ti ña cuhva cun tu ndoho chihin yu.
25344	LUK 8:30	Nducu tuhun ra Jesuu chi ra ti: ―¿Ñaan nani cun? ―cati ra. Ta cati ndico ra ti: ―Legioon nani yu. Tacan cati ra, vati cuaha xaan run tati cuihna can cha quihvi anima ra,