23214	MAT 1:1	Iroakdihn dihkan ma lel Jesus Christ nihn David, nihn Abraham:
23215	MAT 1:2	Abraham ioar jemen Isaac, Isaac jemen Jacob, Jacob jemen Judah pel riahkan.
23217	MAT 1:4	Ram jemen Amminadab; Amminadab jemen Nahshon; Nahshon jemen Salmon;
23220	MAT 1:7	Solomon jemen Rehoboam, Rehoboam ma jemen Abijah, Abijah jemen Asa,
23221	MAT 1:8	Asa jemen Jehoshaphat, Jehoshaphat jemen Jehoram, Jehoram jemen Uzziah
23222	MAT 1:9	Uzziah jemen Jotham, Jotham jemen Ahaz, Ahaz jemen Hezekiah,
23223	MAT 1:10	Hezekiah jemen Manasseh, Manasseh jemen Amon, Amon jemen Josiah,
23226	MAT 1:13	Zerubbabel jemen Abiud, Abiud jemen Eliakim, Eliakim jemen Azor,
23227	MAT 1:14	Azor jemen Zadok, Zadok jemen Achim, Achim jemen Eliud,
23230	MAT 1:17	Ohroj ma insingdi me ioar di eijek pahu jang Abraham lel David, di eijek pahu jang David lel kalipliplahng Babylon, di eijek pahu jang kalipliplahng Babylon lel Christ.
23231	MAT 1:18	Me ioar mwomwen en Jesus Christ noaisikdi: Ah nohno Mary inoauwen pwoapwoaud oang Joseph, a mwohn ara paspene, diarekda pwa ih lijaian jang Ngen Joarwi.
23232	MAT 1:19	A Joseph nehn ah wia woal lelpoak apel pwung men johpwa nimen koauwehla oadoan Mary mwohn armaj kan, lemehda pwa ih en mweijang ih in rir.
23233	MAT 1:20	A mwerin ah lemehda me, Sohnloang in Koaunno men pwokkoang ih nehn ah oarmoan pwehng ih, “Joseph nihn David, joah mijik in oaloa Mary wiahkihla pahioamw, pwa dahkij ih lijaiankihda jang Ngen Joarwi.
23240	MAT 2:2	kalkalelpoak wija ma jeri siksikko noaisikdi mine, nahmwarkihn mihn Jew kan. Irai pwa, “Kamai kapangda Ah ujuhwo palimese in loannge ioar kamai indoahng pwongi Ih.”
23246	MAT 2:8	ih kadarla irai Bethlehem pwehng irai, “Alwe rapahki mwehu jeriho. Ma kamwai kapangda Ih, kamwai pakairkihdohng ngoahi, pwa ngoahi en pel pwili alwe pwongi Ih.”
23247	MAT 2:9	Mwerin irai rong mehpwiai irai ken dauluhlla; A ujuhwa ma irai kapang palimese in loannge pel pwuroahng pwokda kahlwa irai oaroh lel wijahu ma jeriho mine.
23248	MAT 2:10	Anjoauwo irai kapangda ujuhwo, irai inenin malauda.
23250	MAT 2:12	Anjoauwo irai japahllahng nehn arai wei, irai wud nehn apas al sohrohr pwa Koahs ne kaperki irai nehn oau oarmoan pwa irai en joah pwurla ipen Herod.
23260	MAT 2:22	A nehn ah kidalda pwa Archelaus nihn Herod, koaun kapwin Judea ioar ih mijikin inla o. Mwerin ah ne pel oaloa kaweid nehn ah oarmoanno, ih inla nehn wein Galilee.
23264	MAT 3:3	John ioar woalwa ma joukohppa Isaiah pwa: “Ngilloau ma kin poangpoangpoang nehn japwsoahn: ‘Kamwai koaunopda alin Koaunno, kamwai kainenehla Ah al kan ma Ih pirin alu loaloa!’”
23266	MAT 3:5	Armaj jang Jerusalem, jang koujapw ohroj nehn wein Judea apel wijahkan ohroj koaroannoang Pillap Jordan indoa pwa,
23268	MAT 3:7	A nehn a kapang dirin Pharisee apel Sadducee allaluhdo ipoa pwa en poapdaij, ih pwehng irai, “Kamwai sinekpwi, inje pwehng kamwai pwa kamwai kak pisjang koaloklok in Koahs ma nimenoar lel kamwai?
23270	MAT 3:9	Kamwai joah lemleme pwa kamwai nen kak pisjang koaloklok pwa kamwai kadaudokin Abraham. Ngoahi pwehng kamwai pwa Koahs kakkoar wiahda nihn Abraham jeri jang in sakai pwiai!
23272	MAT 3:11	Ngoahi poapdaijihki kamwai pil pwa en kajalehda amwai koluhla, a Ih ma pirin indoa mwerin ngoahi pirin poapdaijihki kamwai Ngen Joarwi apel oai. Ih inenin laplapjang ngoahi; ngoahi johpwa warroang wa Ah sandellok.
23275	MAT 3:14	A John jong en kauhdi, pwehng Ih, “Ngoahi anahne koawoa en poapdaiji ngoahi, a koawoa ken indoa ipoai?”
23280	MAT 4:2	Mwerin Ah joah mwinge rehn pahijek pel pwong pahijek, Ih mwakohkohla.
23288	MAT 4:10	Jesus pwehng ih, “Alwe jang Ngoahi, Jehsen! Pwa ne pel insingdi, ‘Pwongi Koaunno oamw Koahs, papah Ih kalahpwuk.’”
23290	MAT 4:12	Anjoauwo ma Jesus rongda pwa John ne mine nehn kalpwuhj, Ih pwurla Galilee.
23294	MAT 4:16	Armaj ma mine nehn ros pirin kapang maram koalik oau. Araihok ma mine nehn japw ros apel mehdi, marammo pirin dakarda.”
23296	MAT 4:18	Rehn oau Jesus allaluhla pohn poahrinjedin Galilee Ih kapangda riari oau, Simon ma pel adanki Peter apel riah Andrew. Ara loakloakjidki nihra ukko nehn jeddo, pwa ara sohnloakjid roahmen.
23298	MAT 4:20	Anjoauwohr ara kihdi nihra ukko pwilihla Ih.
23300	MAT 4:22	Anjoauwohr ara kihdi pohsso apel ara pahpa, pwilihla Ih.
23316	MAT 5:13	“Kamwai ioar jed in jampah. A ma nimen jeddo johla nime, joh mehkij kak en wiawihoang pwa en pwuroahng minehda nime. Johla kaspoan jeddo, ioarroar en kerpwihekla pwa armaj kan en alu puwoa.
23318	MAT 5:15	Armaj pel johkak okojda lahm oau kioang pehn pwohl oau. A irai en kioang pohn dohiahu pwa en kamarami ohroj nehn ummwo.
23322	MAT 5:19	Emen ma koauwehla oau in kojonneddok, mihndahr ma kojonnedwahr ma keiou siksik apel padahkihoang epwi en pel wia doahroar, pirin keiou siksik nehn Wein nehnloannge. A inje ma kin kapwaihahda apel padahkki kojonned pwiai pirin laplap nehn Wein nehnloannge.
23325	MAT 5:22	A Ngoahi pwehng kamwai: emen ma lioas oang riah pirin lelloang kadeik. Pel oau, emen ma pwehng riahu, ‘Pweipwei men koawoa,’ pirin pel wijikla mwohn Mwoalen Koapwung. A emen ma pwa, ‘Koawoa Iahk!’ ih kak lel oang nehn keper in oaiho nehn ehl.
23331	MAT 5:28	A apkas Ngoahi pwehng kamwai emen ma kapang lihmen apel mwehukihda, ih ne kamwahl nehn mohngiongin.
23333	MAT 5:30	A ma loap kidal kahrehng koawoa en wia dihp, poaloahjang kerpwihla. Mwehuwoang koawoa en luhjjang ekij in palwoaroamwen jang palwoaroamwen ohroj en kerpwihekla nehn ehl.”
23335	MAT 5:32	A Ngoahi pwehng kamwai, ma woalmen mweijang pahioa, jang in kahrpoahioau likin kamwahl, ih ne kahrehioang liho nehn kamwahl, a ma emen woal painkihda liho, ih ne mine nehn dipen kamwahl.”
23337	MAT 5:34	A ngoahi pwehng kamwai, Joah kahula mwahl. Joah kahukihla nehnloannge pwa ioar mwoalen Koahs wa.
23340	MAT 5:37	Amwai sikesik en kin mine in ‘Eh’ ke ‘Joah’; a ma daulihla a kin sapjang ipen me juweddo.”
23342	MAT 5:39	A Ngoahi pwehng kamwai, kamwai en joah pallan armaj men. Ma emen pokihdi joapoamwen loap moaun, pel kioang ih oaloap.
23343	MAT 5:40	A ma emen panglahng koawoa mwoal en koapwung en kihjang oamw jehsso, pel kioang ih oamw joakidden.
23347	MAT 5:44	A Ngoahi pwehng kamwai: Ipwilki amwai imwinsihsi kan apel kapkapki irai ma kin koalkoa kamwai,
23350	MAT 5:47	Ma kamwai pel kajamwo rioamw kan oar doari, dahioau kamwai wia koalik jang epwi? Armaj rosros kan joah kin pel wia doahroar?
23354	MAT 6:3	A nehn amwai en kijkijoa emen ma anahne, joah mweidoahng loap jehjoa in poahmmwen en kidal da loap kidal wihwia,
23357	MAT 6:6	A nehn oamw en kapkap, inla nehn oamw perehu, risingdi wanihmmwo, koawoa kapkap oang oamw Pahpa, ma koawoa joh kak kapang. Doar oamw Pahpa, ma kin kapang da ma wiawi in rir, pirin dupuk koawoa.
23358	MAT 6:7	“A nehn amwai kapkap, joah pwurur doahr armaj rosros kan, pwa irai kin lemleme pwa arai kohs kan nen rong irai pwa dir irai lallok.
23364	MAT 6:13	joah kahlwahng kamai nehn jongjong, kapisla kamai jang ipen ih ma naunahu. [Oamw mwei ioarroar Mweiwa, ma sihkei apel ling allaluhla. Amen.]’
23366	MAT 6:15	A ma kamwai johpwa mahkoahng arai japwung kan, Jamamwai nehnloannge pel jehpirin mahkoahng kamwai.”
23368	MAT 6:17	A nehn oamw kaijihjol, salipla pel duhpla mijoammwen,
23371	MAT 6:20	A nekidpene oamw pai kan nehnloannge, wija woahd apel mer johkak koauwehla, apel jounpirap kan johkak dilda pirapoahla.
23374	MAT 6:23	A ma pwoaroan mijoammwen kan nauna, palwoaroamwen nen pel ros. Doar ma marammo nehn koawoa ros, ia woahr koalikin rossoauwe!”
23380	MAT 6:29	A Ngoahi pwehng kamwai pwa pel Solomon, nehn ah koapwoahpwoa johpwa kapwasda linginnoar mehpwiai.
23383	MAT 6:32	Armaj rosros kan kin raprapahki mehpwiai, a jamamwaiho nehnloannge kidal pwa kamwai anahne mehpwiai.
23384	MAT 6:33	Doar rapahki mijkoalkoal wein Koahs pel Ah pwung, a mehpwiak ohroj nen liklikkoang koawoa.
23388	MAT 7:3	Amwda koawoa ke soahk dipoar siksik kij nehn mijen rioammwo a koawoa joah injinohki pwilein suhkoahn nehn mijoammwen?
23390	MAT 7:5	Armaj likamw men koawoa, keiou kihjang pwilein suhkoa nehn mijoammwen pwa koawoa en kak kapang mwehu, koawoa en kak kihjang dipoar siksik nehn mijen rioammwo.
23399	MAT 7:14	A wanihmmwo inlahng mour pwen soahsiksik, allo pwen apwal doar armaj jipid diarda.”
23403	MAT 7:18	A suhkoa mwehu pas johkak kihda wah nauna, a suhkoa nauna johkak kihda wah mwehu.
23408	MAT 7:23	A Ngoahi pirin pwehng irai, ‘Ngoahi jehjoa kamwai. Alwe jang ipoai, kamwai armaj nauna!’”
23411	MAT 7:26	“A emen ma rong Oai padahk kan a johpwa wia doahr woal pweipweiho ma kouda umwahu pohn pik.
23413	MAT 7:28	Nehn en Jesus ne doari Ah padahk, pokonno inenin pwuriamweikihla mehlel joangoan padahk oauwo,
23414	MAT 7:29	pwa manman in Ah padahk johpwa doahroar en jounpadahk in Kojonneddok arai padahk.
23415	MAT 8:1	Nehn Ah indi jang pohn dollo pokon koalik oau pwilihdo Ih.
23417	MAT 8:3	Jesus kailla poah pukkoang woallo, “Ngoahi nimen,” Ih pwehng ih, “Ken mwakelkelda!” Anjoauwohr woallo mwehula jang ah lepa.
23425	MAT 8:11	Ngoahi pwehng kamwai pwa armaj dir pirin injang palimese apel palikapi, mwindi nehn dohiarai pwili Abraham, Isaac pel Jacob nehn Wein nehnloannge.
23426	MAT 8:12	A sohn Weiho pirin kerpwihekla likin, oang nehn rosso, wija ma irai pirin joang apel keikeikeisakai.”
23427	MAT 8:13	Doari Jesus pwehng koaun in jounpeiho, “alwe in umwoammwo, da ma koawoa kamehlele en wiawi.” Nah liduhwo mwehula Anjoauwohr.
23428	MAT 8:14	Anjoauwo Jesus lel nehn umwen Peter‑o, Ih kidalda pwa inen pahien Peter‑o johmwehu karkar.
23432	MAT 8:18	Anjoauwo ma Jesus kapangda uhwen koalikin pokonnoauwo pwilpwili Ih, Ih pwehng nah sohnpadahkkok pwa irai en jeila oaloap jed in Galilee.
23434	MAT 8:20	Jesus japoang, “Fox mine arai lipw, mahnsang kan mine arai paj, a Nihn‑Armaj joh wija Ih en koammoaldi.”
23436	MAT 8:22	A Jesus pwehng ih, “Pwili Ngoahi, a mweidoahng mehdi kan en jaripdi pein arai mehdi.”
23438	MAT 8:24	Anjoauwohr melmel oau pwokda pohn jeddo, nohk jaujaudo nehn pohsso. A Jesus moair.
23440	MAT 8:26	Ih japoang, “Siksik amwai pwojon, Amwda kamwai ke majpwehk.” Ih uhda ruwoje enngok apel nohk en uhdi, anjoauwohr melmello ken molundi.
23441	MAT 8:27	Sohnpadahkkok pwuriamweila, idoak nehn pwungarai, “Armaj dahmen me? Ma eng apel no kin peikkoang!”
23442	MAT 8:28	Anjoauwo ma Jesus lel oaloap jeddo, nehn koujapw in Gadara, woal roahmen suhwoang Ih ma indoa jang nehn joaujoauwok. Woal roahmen ne ma ngen jaus mine nehn ara inenin keper doar joh armaj kin wud nehn alloauwo.
23443	MAT 8:29	Anjoauwohr ara wering Jesus pwehng Ih, “Koawoa Nihn Koahs, da koawoa nimen wiahng kama? Koawoa indoahng koalkoa kama mwohn anjoauwo?”
23448	MAT 8:34	Sohn koaujoanno ohroj inlahng suhwoang Jesus. Anjoauwo irai suhwoang Ih, irai poaki Ih en injang nehn arai wijahu.
23449	MAT 9:1	Jesus doaudahng pohn pohsso jeila oaloap jeddo, nehn Ah koaujoanno.
23450	MAT 9:2	Woalpwi wahdohng Ih woal mwoasor men mine pohn rohp oau. Anjoauwo ma Jesus kapang arai pwojon, Ih pwehng woal mwoasorro, “Koapwoarpwoar, noai jeri! Dipoamw kan ne lapwda.”
23451	MAT 9:3	A epwi Jounpadahk in kojonneddok ma mine o lemlemehki pwa “Woal mene lahlahwe.”
23452	MAT 9:4	Jesus kidal arai lamlam, doar Ih ken pwa, “Amwda kamwai ke lamlam nauna nehn mohngiongimwai kan?
23454	MAT 9:6	A Ngoahi en kamehlele oang kamwai en kidal pwa Nihn‑Armaj anki manmanin mahkoahng dihp pohn jampah.” Ih pwehng woal mwoasorro, “Uhda, oaloa kioammwen koawoa inla nehn umwoammwo.”
23457	MAT 9:9	En Jesus injang o nehn Ah allaluhla, Ih kapangda woal men, adanki Matthew, jounrik daksis, ma onnonohn nehn ah oahpisso. Jesus pwehng ih, “Pwilihla Ngoahi.” Doar ih ken uhda pwilihla Ih.
23459	MAT 9:11	Pharisee pwi kapang me pwehng nah sohnpadahkkok, “Amwda amwai Jounpadahkken ke pwili jounrik daksis pel armaj dipan kan mwinge?”
23460	MAT 9:12	Nehn Ah rongda me, Jesus pwa, “Jaudi armaj sihkei ioar anahne jounwini, a armaj johmwehu.
23462	MAT 9:14	Doar nihn John jounpoapdaij sohnpadahkkok indoa idoak oang Jesus, “Amwda kamai apel Pharisee‑ok kin dod amai kaijihjol a nihmw sohnpadahk kan ken johkin kaijihjol?”
23463	MAT 9:15	Jesus japoang, “Imdoahr nihn woallo ma pirin koapwoapwoaud sohnkaparrok en injinjuwed ma ih minmine iparai? A oau anjoau ma pirin indoa ma woal kamwohddo pirin wijik jang irai; doari, ioar anjoauwo irai pirin kaijihjol.
23466	MAT 9:18	Nehn Ah pwahpwahpwa me, koaunin mihn Jew men indoa poadpwomwla mwohn Jesus pwehng Ih, “Noai jerpeinno kapwehsen mehdi. A indoa kioang poahmmwen puwoa, pwa ih en mourda.”