23223	MAT 1:10	Hezekiah jemen Manasseh, Manasseh jemen Amon, Amon jemen Josiah,
23225	MAT 1:12	Mwerin kaliplipla Babylon: Jechoniah ioar jemen Shealtiel, Shealtiel jemen Zerubbabel,
23228	MAT 1:15	Eliud jemen Eleazar, Eleazar jemen Matthan, Matthan jemen Jacob,
23229	MAT 1:16	Jacob jemen Joseph, pahien Mary, ma noaisikihdi Jesus, ma adanki Christ.
23231	MAT 1:18	Me ioar mwomwen en Jesus Christ noaisikdi: Ah nohno Mary inoauwen pwoapwoaud oang Joseph, a mwohn ara paspene, diarekda pwa ih lijaian jang Ngen Joarwi.
23232	MAT 1:19	A Joseph nehn ah wia woal lelpoak apel pwung men johpwa nimen koauwehla oadoan Mary mwohn armaj kan, lemehda pwa ih en mweijang ih in rir.
23233	MAT 1:20	A mwerin ah lemehda me, Sohnloang in Koaunno men pwokkoang ih nehn ah oarmoan pwehng ih, “Joseph nihn David, joah mijik in oaloa Mary wiahkihla pahioamw, pwa dahkij ih lijaiankihda jang Ngen Joarwi.
23235	MAT 1:22	Mehpwiai ohroj wiawi pwa en pwoaida da ma Koaunno pwa jang ipen joukohppo,
23236	MAT 1:23	“Meipwonno pirin lijaianda, noaisikihdi jermwein men, ma irai pirin kioang oadoa Emmanuel,” (woahwoahki “Koahs pwilpwili kisai”).
23237	MAT 1:24	Nehn en Joseph pwohrda ih wia da sohnloang in Koaunno pwehng ih. Ih ken oaloa Mary painkihla.
23238	MAT 1:25	Joseph johpwa suhwoang Mary in palwar oaroh liho noaisikihdi nah jermweinno. Ih kioang oadoa Jesus.
23239	MAT 2:1	Mwerin en Jesus noaisikdi nehn Bethlehem wein Judea, nehn mwein Nahmwarki Herod; woal loalkoanngok jang palimese indoa Jerusalem
23242	MAT 2:4	Ih panginpene Jamwrou laplappok apel jounpadahk in kojonneddok, ih kalelpoak iparai “Ia wija Messiah pirin noaisikdi?”
23246	MAT 2:8	ih kadarla irai Bethlehem pwehng irai, “Alwe rapahki mwehu jeriho. Ma kamwai kapangda Ih, kamwai pakairkihdohng ngoahi, pwa ngoahi en pel pwili alwe pwongi Ih.”
23247	MAT 2:9	Mwerin irai rong mehpwiai irai ken dauluhlla; A ujuhwa ma irai kapang palimese in loannge pel pwuroahng pwokda kahlwa irai oaroh lel wijahu ma jeriho mine.
23249	MAT 2:11	Nehn irai dilda nehn ummwo kapangda jeriho pel ah nohnohu, Mary, irai poadpwomwla pwongi Ih. Doar irai kihda irai kijakij kajampwallok kijakijkihoang Ih kohl, frankincense pel myrrh.
23251	MAT 2:13	Nehn irai ne inla, sohnloang in Koaunno men pwokkoang Joseph nehn ah oarmoan. Sohnloanngo pwehng ih, “Pwohrda oaloa jerihen pwilihki inahu kaukihdihla ara Egypt. Mine oaroh ngoahi kapwa pwehng koawoa, ngehd kamwai en japahldo, pwa Herod raprapahki jerihen pwa ih en kojukdi.”
23253	MAT 2:15	mine o oaroh lel en Herod mehdi. Me ne kapwaihahda dahkij ma Koaunno ne pwa jang ipen joukohppo, “Ngoahi pangin noai jermweinno jang Egypt.”
23255	MAT 2:17	Me ne pwoaida dahkij joukohp Jeremiah kohpda:
23257	MAT 2:19	Mwerin Herod mehdi, sohnloang en Koaunno men pwuroahng pwokkoang Joseph nehn ah oarmoan nehn Egypt,
23260	MAT 2:22	A nehn ah kidalda pwa Archelaus nihn Herod, koaun kapwin Judea ioar ih mijikin inla o. Mwerin ah ne pel oaloa kaweid nehn ah oarmoanno, ih inla nehn wein Galilee.
23261	MAT 2:23	Peneineiho inla koaujoanla nehn kahnihmw oau adanki Nazareth. Me ne pel pwoaida dahkij ma joukohppok ne kohpda: “Ih pirin wiahla mihn Nazareth.”
23278	MAT 3:17	Ngilloau jang nehnloannge pwa, “Me ioar noai jermwein kajampwalwa, ma Ngoahi keiou ipwilki.”
23280	MAT 4:2	Mwerin Ah joah mwinge rehn pahijek pel pwong pahijek, Ih mwakohkohla.
23281	MAT 4:3	John Kajongjonngo indoa pwehng Ih, “Ma koawoa nihn Koahs, pwehng sakai pwiai en wiahla pilahwa.”
23284	MAT 4:6	pwehng Ih, “Ma koawoa nihn Koahs, lujdihwe pwa ne insingdi nehn Puk Joarwi: ‘Ih pirin ruwoj nah sohnloanngok doahr koawoa, irai pirin kolkihda koawoa poahrai pwa ehmmwen kan en joah ohla pohn sakai.’”
23287	MAT 4:9	Jehsen pwehng Jesus, “Mehpwiai ohroj ngoahi pirin kioang koawoa, ma koawoa rukdi pwongi ngoahi.”
23292	MAT 4:14	Me wiawi pwa en kapwaihahda kokohp en Isaiah:
23306	MAT 5:3	“Meid pai irai kan ma anahne ngen, pwa arai pirin johjohki Wein nehnloannge.
23307	MAT 5:4	Meid pai irai kan ma joang, pwa Koahs pirin kainjenmwahuwihla irai.
23308	MAT 5:5	Meid pai irai kan ma aksiksik, pwa irai pirin johjohki jampah.
23309	MAT 5:6	Meid pai irai kan ma kin ngoangki me pwung, pwa Koahs pirin kaisarihla irai.
23310	MAT 5:7	Meid pai irai ma kin kadek, pwa irai pel pirin diar kadek.
23311	MAT 5:8	Meid pai irai ma mwakelkel nehn mohngiongirai, pwa irai pirin kapang Koahs.
23312	MAT 5:9	Meid pai irai ma kin wihwia doadoahk in kamwahu nehn pwungen armaj kan, pwa irai pirin adanki jerihn Koahs.
23313	MAT 5:10	Meid pai irai ma kin loklokki pwung jang in irai mohmohmourki Koahs, pwa irai pirin anki Wein nehnloannge.
23314	MAT 5:11	“Meid pai kamwai ma armaj lahlahwe, apel koalkoa kamwai, apel karaunihki kamwai joang likamw apel japwung ohroj pwa Ngoahi.
23320	MAT 5:17	“Joah lemleme pwa ngoahi indoahng koauwehla Kojonned in Moses ke pel padahk in Joukohppok; Ngoahi joah indoahng koauwehla arai padahk kan, a Ngoahi indoahng kapwaihahda.
23325	MAT 5:22	A Ngoahi pwehng kamwai: emen ma lioas oang riah pirin lelloang kadeik. Pel oau, emen ma pwehng riahu, ‘Pweipwei men koawoa,’ pirin pel wijikla mwohn Mwoalen Koapwung. A emen ma pwa, ‘Koawoa Iahk!’ ih kak lel oang nehn keper in oaiho nehn ehl.
23326	MAT 5:23	Ma koawoa wia oamw meiroang in mwoallo a koawoa samanda pwa rioamw men injinjuwed oang koawoa,
23328	MAT 5:25	“Ma mine emen pirin wahlahng koawoa nen mwoalen koapwung, pispis koajoanehdi nehn pwungamwa mwohn ah wahla koawoa ipen jounkoapwung kan, doar koawoa ken wijikla nehn kalpwuhj.
23332	MAT 5:29	Ma loap kidal kioang koawoa nen dihp, dipoaljang kerpwihla. Ma ekij in palwoaroamwen kerpwihekla mwehujang ma palwoaroamwen ohroj kerpwihekla nehn ehl.
23333	MAT 5:30	A ma loap kidal kahrehng koawoa en wia dihp, poaloahjang kerpwihla. Mwehuwoang koawoa en luhjjang ekij in palwoaroamwen jang palwoaroamwen ohroj en kerpwihekla nehn ehl.”
23342	MAT 5:39	A Ngoahi pwehng kamwai, kamwai en joah pallan armaj men. Ma emen pokihdi joapoamwen loap moaun, pel kioang ih oaloap.
23344	MAT 5:41	Ma emen ipong oang koawoa en alu ki mwail oau, a koawoa en pwili aluhkihla mwail riau.
23345	MAT 5:42	Ma emen poaki koawoa mehkij koawoa mweidoahng, ma emen poaki koawoa mehkij pwa ih en kajpahlihdo mwuhr pel mweidoahng.”
23349	MAT 5:46	Ma kamwai ipwilki irai ma ipwilki kamwai, kijakij dahioau kamwai nen oaloa? Jounrik daksis kan joah kin pel wia doahroar?
23350	MAT 5:47	Ma kamwai pel kajamwo rioamw kan oar doari, dahioau kamwai wia koalik jang epwi? Armaj rosros kan joah kin pel wia doahroar?
23352	MAT 6:1	“Kanaihoahng kamwai en joah wia pwa amwai wihwia mwehu kan en janjal mwohn armaj pwa irai en kapang kamwai. Ma kamwai wia me, nen joh amwai pwaij jang Jamamwaiho nehnloannge.
23363	MAT 6:12	Mahkoahng kamai amai japwung kan, doahroar amai kin mahkoahng irai kan ma wia japwung oang kamai;
23364	MAT 6:13	joah kahlwahng kamai nehn jongjong, kapisla kamai jang ipen ih ma naunahu. [Oamw mwei ioarroar Mweiwa, ma sihkei apel ling allaluhla. Amen.]’
23373	MAT 6:22	“Maj ioar lahm in palwar. Ma pwoaroan mijoammwen kan mwehu, palwoaroamwen nen dirin maram.
23376	MAT 6:25	“Ioar Ngoahi pwehngki kamwai, joah pwunodki amwai mour, da kamwai pirin kang ke nim; ke oang palwoaroamwaikan, da kamwai pirin likkoauki. Mour joah kajampwal jang mwinge? Ke palwar joah kajampwal jang likkoau?
23379	MAT 6:28	“Mihnda kamwai pwunodki likkoau? Kamwai kapang kiepw in nehn japw kan, nehn irai kin koapkoapda; irai johkin doadoahk ke wiahda arai likkoau.
23381	MAT 6:30	Ma ioar doahr en Koahs kapwasihda mo in nehn mohj kan, ma mine rehnnoauwe a lakapw nehn oaiho, ih joah nen kapwasihda kamwai mwehu jang? Ia woahr siksikin amwai pwojon!
23389	MAT 7:4	Ia mwomwen oamw en kak pwehng rioammwen, ‘Menlau, mweidoahng ngoahi en kihjang dipoar siksik kij nehn mijoammwen,’ ma anjoauwohr pwilein suhkoahioau mine nehn mijoammwen?
23396	MAT 7:11	Ma nehn amwai nauna, kamwai kidal kioang nihmwai jerihkan kijakij mwehu, ia woahr mwehuwin kijakijjo Jamamwai nehnloannge pirin kioang irai ma poaki Ih!
23416	MAT 8:2	Woalmen johmwehu lepa indoa ipen Jesus, poadpwomwla pwehng Ih, “Maing, ma koawoa nimen, koawoa kak kamwkelehda ngoahi.”
23418	MAT 8:4	Jesus pwehng woallo, “Kapang! Pwa koawoa en johpwa pwehng emen. Inla kajalehng jamwrou a koawoa wia oamw meiroang joanngo ma Moses koajoanehdi, en wia oamw mihn kadehde oang irai.”
23420	MAT 8:6	“Maing,” ih pwehng Ih, “noai lidu men mine in ummwo, mwoasorla apel inenin weiroak.”
23422	MAT 8:8	Koaun in jounpeiho pwehng Jesus, “Maing, ngoahi joah warroang Koawoa en indoa nehn umwoaiho. Pwen lalloar, ah noai liduhwo ne mwehula.
23431	MAT 8:17	Me en kapwaihahda da me joukohp Isaiah pwa: “Ih oaloahda asai jasihkei kan pel wahda asai johmwehu kan.”
23435	MAT 8:21	Emen sohnpadahk pel pwehng Ih, “Maing, mweidoahng ngoahi en inla jaripdi oai pahpahu mijkoalkoal, a ngoahi indoa pwilihla Koawoa.”
23439	MAT 8:25	Sohnpadahkkok inla panginda Ih pwehng Ih, “Maing, doaroahla kisai! Kisain ken mehdi!”
23441	MAT 8:27	Sohnpadahkkok pwuriamweila, idoak nehn pwungarai, “Armaj dahmen me? Ma eng apel no kin peikkoang!”
23444	MAT 8:30	Mine pwihnin pij koalik oau mwingmwinge joah dohla.
23445	MAT 8:31	Ngen jaussok poaki Jesus, “Ma koawoa pirin kajroahla kama, kadarla kama nehn pijjok.”
23457	MAT 9:9	En Jesus injang o nehn Ah allaluhla, Ih kapangda woal men, adanki Matthew, jounrik daksis, ma onnonohn nehn ah oahpisso. Jesus pwehng ih, “Pwilihla Ngoahi.” Doar ih ken uhda pwilihla Ih.
23458	MAT 9:10	Nehn en Jesus mwingmwinge nehn umwen Matthew‑o, jounrik daksis apel armaj dipan dir indoa pel mwinge pwili Ih apel nah sohnpadahkkok.
23469	MAT 9:21	Liho pwehng pein ih, “Ma ngoahi pwen kodurroar Ah likkoauwo, ngoahi nen mwehula.”
23473	MAT 9:25	Mwerin armajjok dilla, Ih dilla loaloa koldi poahn jerpeinno, ih pwohrda.
23475	MAT 9:27	Jesus daudauluhlla jang wijahu, woal majkun roahmen kaujla Ih, poangpoang, “Mahkoahng kama, nihn David!”
23477	MAT 9:29	Doar Ih jair mijara pwa, “Me en wiawi jang in amwa pwojon;”
23488	MAT 10:2	Me ioar oadoan woaroak eijek roahmenno: Keiou Simon (ma pel adanki Peter) a riah jermweinno Andrew; James nihn Zebedee, apel riahu John;
23489	MAT 10:3	Philip apel Bartholomew; Thomas apel Matthew, jounrik daksis; James nihn Alphaeus, apel Thaddaeus;
23499	MAT 10:13	Ma sohn ummwo kajamwo kamwai, amwai popohl en minmine iparai, a ma joah, amwai popohl en japahldohng kamwai.
23500	MAT 10:14	Ma mine umw oau ke koaujoan oau joah nimen kajamwo kamwai, ke rong amwai padahk, diljang wijahu jiped jang pwirejpar in pwoalkoamwai.
23503	MAT 10:17	Kamwai mwajahn pwa armaj kan pirin joalihdi kamwai apel pangla kamwai mwohn Mwoalen Koapwung kan, apel poki kamwai nehn jinakoke kan.
23511	MAT 10:25	Sohnpadahk men en pel isarki en doahroarla ah jounpadahkko, apel liduhmen en pel doahrla ah koaunno. Ma moangoan peneinei oau poangpoangki Beelzebul, ia woahr nauna in ad ma emen sohn peneineiho en poangpoangki!
23512	MAT 10:26	“Kamwai en joah mijik armaj. Me ohroj ma kin oakkoakla, uhdahn pirin janjalda, ke me rir ohroj pirin janjalda.
23533	MAT 11:5	‘Majkun kan kapangda wija, mwoasor kan alu, irai kan ma anki lepa mwehula, pongpong kan rongda wija, mehdi kan mourda, Rongmwehu ne pel padahk oang armaj joamwoahmwoa kan.’
23534	MAT 11:6	Meid pai armajjok me johpwa peikajalki Ngoahi.”
23536	MAT 11:8	Ma jaudi, da kamwai inlahng kapang? Woal men kapwasda inenin mwehu? Irai ma kin kapwasda mwehu kin mine nehn umwen nahmwarki.
23541	MAT 11:13	Mwohn John jounpoapdaij, Joukohp kan ohroj apel kojonned en Moses sikoa doahr Wein Koahs.
23555	MAT 11:27	“Me ohroj ne mweimweioang Ngoahi jang ipen Joamoaiho. Johpwa emen kidal Nahu likin Jamahu, pel johpwa emen kidal Jamahu likin Nahu pwilihki araihok ma Nahu pilda pwa Ih en kajalehng irai Ih.
23559	MAT 12:1	Mwerin anjoaukij Jesus aluhla nehn mwoaswel oau Sabbath. Nah sohnpadahkkok mwakohkohda irai dolihdi wehn wihdpwi irai kang.
23563	MAT 12:5	Ke kamwai kahjik wadek nehn kojonned en Moses‑ok ma pwa Sabbath ohroj jamwrouwok nehn Umw Joarwi koauwehla kojonned in rehn joarwi a irai johpwa dipanki?
23565	MAT 12:7	Puk Joarwi pwa, ‘Kadek mwehujang meiroang in mahn.’ Ma kamwai woahwoahki lal kamwai nen johpwa koauwe armaj joh dipoa.
23569	MAT 12:11	Ih pwehng irai, “Ma emen in kamwai nainki jihpw men a ih kipdihoang nehn lipw oau Sabbath, kamwai joah nen pwoakda ih jang nehn lippwo?
23575	MAT 12:17	Me kapwaihahda dahkij Isaiah kokohpki doahr Ih:
23589	MAT 12:31	Me ioar kahrpoahwa Ngoahi pwehng kamwai, Dihp ke lahlahwe ohroj kak mahkla — a lahlahwe Ngen Joarwi ioar johkak mahkla.
23591	MAT 12:33	“Ma kamwai poadokdi suhkoa mwehu pas, a wah pirin mwehu. Ma kamwai poadokdi suhkoa nauna pas, wah pirin nauna. Pwa kamwai pirin kidal suhkoa kan ki wahrai kan.
23622	MAT 13:14	Me ioar kokohp in Isaiah, pwoaida iparai ma pwa: ‘Kamwai pirin rongrongrong, a johpwa woahwoahki; kamwai pirin kapkapang a joah dehdehki.
23635	MAT 13:27	Nihn woal nah liduhwok indoa pwehng ih, ‘Maing, jaudi liporro mwehupwi koawoa kamwroahdi nehn oamw mwoaswello? Ia injang dipwdipw pwiai?’
23638	MAT 13:30	Mweidoahng ohroj en koapda lel anjoau in doddol. A ngoahi kapwa pwehng joundoddol kan irai en kasohrohr jang dipwdipw kan irai pwidengihla a min mwehu kan irai en kioang nehn oai johkohu.’”
23640	MAT 13:32	Me ioar liporrohwa ma keiou siksik jang liporro ohroj, a koapda wiahla suhkoahwa keiou koalik nehn mwoaswello, nehn ah ne wiahla suhkoa koalik pas, mahn kan kin sangdo, koammoaldi pohn rah kan.”
23643	MAT 13:35	Me kapwaihahda kokohppo jang joukohppo ma pwa: “Ngoahi pirin doadoahkki karajraj nehn oai pirin sikesik oang irai. Ngoahi pirin kajalehng irai joang kan ma johpwa janjal jang anjoauwo jampah wiawihda.”