23218	MAT 1:5	Salmon jemen Boaz (ma inanki Rahab); Boaz jemen Obed (ma inanki Ruth); Obed jemen Jesse;
23230	MAT 1:17	Ohroj ma insingdi me ioar di eijek pahu jang Abraham lel David, di eijek pahu jang David lel kalipliplahng Babylon, di eijek pahu jang kalipliplahng Babylon lel Christ.
23364	MAT 6:13	joah kahlwahng kamai nehn jongjong, kapisla kamai jang ipen ih ma naunahu. [Oamw mwei ioarroar Mweiwa, ma sihkei apel ling allaluhla. Amen.]’
23411	MAT 7:26	“A emen ma rong Oai padahk kan a johpwa wia doahr woal pweipweiho ma kouda umwahu pohn pik.
23557	MAT 11:29	Kamwai oaloa aproahda Oai mihn wijikke, apel sukuhl jang Ngoahi, pwa Ngoahi ma aksiksik apel nehn kapehd karkarahk, kamwai nen diar koammoal nehn ngenimwaikan.
23558	MAT 11:30	Pwa Oai mihn wijikke ma Ngoahi pirin kioang kamwai, moangoai apel marahra.”
23585	MAT 12:27	Kamwai pwa Ngoahi kin kauj jang ngen jaus kan pwa Beelzebul ma kioang Oai manman. A inje ma kioang nihmwai sohnpadahk kan manman in kauj jang ngen jaus kan? Pein nihmwai sohnpadahk kan nen kadehdehng kamwai doahr amwai japwung!
23633	MAT 13:25	Oau pwong armaj ohroj moair, ah imwinsihsi indoa kamwroahdi suhkoa dipwdippwi nehn pwungen suhkoahn pilahwa.
23773	MAT 17:4	Peter pwehng Jesus, “Oai Koaun, inenin mwehu asai minmine me! Ma koawoa mwehuki, ngoahi en kouda umpwal jiluh wija kije, oau umwoamw, oau umwen Moses, apel oau umwen Elijah.”
23875	MAT 20:14	Oaloa dupkoammwen, koawoa ken inla in umwoammwo. Pwa injenoai, ma ngoahi nimen dupukkoang iraihok ma indoa mwuhr doahroar oai dupuk oang koawoa.
23896	MAT 21:1	Nehn en Jesus apel Nah sohnpadahkkok koaroannoang Jerusalem, irai lel Bethphage pohn Dolin Olip. Jesus kadarla sohnpadahk roahmen mijarai
23932	MAT 21:37	Oh mwuhr ih kadarla nah jermweinno iparai, lemleme, ‘Mehlel irai uhdahn pirin woaunki noai jermweinno.’
23937	MAT 21:42	Doar Jesus pwehng irai, “Da, kamwai kahjikkoar wadek da ma Puk Joarwi pwa? ‘Sakai ma jounkou umw kan ne kerpwihla, wud wiahla sakain pwukoakoaimw! KOAUNNO ma wiahda me; mehkij ma kapwuriamwei mehlel oang kisai.’
23953	MAT 22:12	‘Oai pirien, imdoahr oamw dildo nehn ummwe johpwa likkoauki likkoauwin koapwoapwoaud?’ A woallo johpwa japoang.
23958	MAT 22:17	Apkas pwehng kamai da Oamw lamlam oang me: Pwen pwung en dupuk daksis oang Caesar in Rome ke joah?”
23984	MAT 22:43	Jesus pel idoak, “Amwda Ngenin Koahs ke audohkihda David pwa Ih en panginki ‘Oai Koaun.’
23985	MAT 22:44	‘Koaunno pwehng Oai Koaun: Koawoa en mwindi oang in loap moaun in Ngoahi, Oaroh Ngoahi kihdihoang oamw imwinsihsi kan pehn pwoalkoamwen kan.’
24024	MAT 23:37	“O Jerusalem, Jerusalem! Koawoa ma kin kojukdi joukohp kan apel kasoahki sakai jounpakairrok ma Koahs kadardohng koawoa! Pehn doapoa Ngoahi nimen jupwurpene nihmw jerihkan doahr jummwa pein men kin kihpene nah pwinihk kan pehn poah, a koawoa joah nimen mweidoahng Ngoahi!
24029	MAT 24:3	Nehn en Jesus mwindi pohn Dolin Olip, Nah sohnpadahkkok indoa Ipoa in rir, “Pwehng kamwai, pwa ngehd mehpwiai pirin wiawi, a kilel dahpwi ma pirin kajalehda Oamw anjoau in japahldo apel imwin jampah.”
24061	MAT 24:35	Nehnloannge apel jampah pirin johrla, a Oai padahk kan jehpirin joaloangla.
24092	MAT 25:15	Oang emen ih kioang uhwen ah koahiok: Oang emen ih kioang mwani kohl limekid, oang emen ih kioang riekid, a oang emen ih kioang kid doar ih ken jeiloakla.
24112	MAT 25:35	Pwa nehn Oai kin mwakohkohda, kamwai kamwinge Ngoahi; nehn Oai mareuda, kamwai kidoa Nimoai pil; a nehn Oai wia mihn keiru men, kamwai kajamwohng Ngoahi nehn umwamwai kan.
24113	MAT 25:36	Nen joh Oai likkoau, kamwai kidoa Oai likkoau; nehn Oai johmwehu, kamwai kin pwokdo apwali Ngoahi; Ngoahi joaldi nehn kalpwuhj, kamwai paj Ipoai.’
24135	MAT 26:12	Pwa nehn ah widekihoang lehi pohioa, ih koaunopda palwoaroaioa oang Oai pirin joajjoardi.
24141	MAT 26:18	Ih japoang, “Alwe nehn kahnihmmwen ipen woal men pwehng ih, ‘Jounpadahkko pwa: Oai anjoau ne lel. Ngoahi pwilihki noai sohnpadahkkok pirin kasman Passover nehn umwoammwe.’”
24149	MAT 26:26	Nehn irai pwen mwingmwinge, Jesus pwoakda pilahwahu, kapkapki, sipwangpijoang, kioang Nah sohnpadahkkok, pwehng irai, “Oaloa, kang, me ioar udukoaihoa.”
24153	MAT 26:30	Doari, arai ken koaulkihla koaul pas irai ken inla pohn Dolin Olip.
24158	MAT 26:35	A Peter japoang “Maing, ngoahi johpwa pirin kahmahmki koawoa, mihnda ma ngoahi pwili Koawoa mehdi.” Ohroj sohnpadahkkok pel pwa me.
24162	MAT 26:39	Ih ken aluhla pel ekij dohla Ih kipdi mijoa lel pwirej Ih kapkap, “Joamoai, ma kak, kihjang Ngoahi mwoakin loklok oauwe. A jaudi Injenoai, a Oamw koajoandi en pwoaida.”
24173	MAT 26:50	Jesus pwa, “Oai pirien, ken wia dahkij koawoa indoahng wia.” Doar epwi irai jipoardi Jesus joalihdi Ih.
24199	MAT 27:1	Oh inminjoang jamwrou laplappok apel joumajjok ne wiahda arai koajoandi pwa irai en kojukdi Jesus.
24244	MAT 27:46	Koaroan oang kiloak jiluh mwerin jauwaj, Jesus ngil koalikda pwa, “Eli, Eli, lema sabachthani?” ma woahwoahki, “Oai Koahs, Oai Koahs, amwda Koawoa kerpwihlahki Ngoahi?”
24286	MRK 1:2	doahr lallo ma ne insingdi ipen joukohp Isaiah: “Koahs pwa, ‘Ngoahi pirin kadarwe Noai jounpakairro mwohn Koawoa, ma pirin koaunopda Oamw allo.’
24403	MRK 4:11	Ih ken japoang irai, “Oang kamwai mweimweioang en kidal manman rir kan doahr wein Koahs. A oang irai kan ma minmine likin, irai pirin kidal joang ohroj jang in karajraj.
24442	MRK 5:9	Jesus idoak ipoa, “Ia oadoammwen?” A woallo japoang Ih, “Oadoaioa ioar ‘Karej’ pwa kamai min dir!”
24463	MRK 5:30	Nehn anjoauwohr Jesus poahmda sihkei kij injang ipoa, Ih ken jipwjipwoaljili nehn pokonno, pwehng ihr “Inje ma pukkoang Oai likkoauwe?”
24607	MRK 8:38	Ma emen pirin mehkki Ngoahi apel Oai padahk ipen armaj in di nauna apel dipan oauwe, ioar Nihn‑Armaj pirin pel mehkki ih nehn Ah pirin indoahki lingin Jamahu pwilihki Nah sohnloang joarwi kan.”
24626	MRK 9:19	Jesus japoang irai, “Kamwai inenin joah pwojon! Ia woaroai in Oai pirin minmine ipamwai? Ia woaroai in Oai pirin kanangmahng kamwai? Kamwai wahdohng Ngoahi jermweinnen!”
24710	MRK 11:1	Nehn arai koaroanlahng Jerusalem in kahnihmw en Bethphage apel Bethany, irai lel Dolin Olip. Jesus kadarla Nah sohnpadahk roahmen,
24744	MRK 12:2	Oaroh, anjoau in roak ih kadarla lidu men ipen jounmwoaswellok pwa en oaloahjang irai ah pwaij jang nehn mwoaswello.
24753	MRK 12:11	KOAUNNO ma wiahda me; mehkij ma kapwuriamwei mehlel oang kisai.’”
24778	MRK 12:36	Pwa Ngen Joarwi ne audohkihda David pwa en pwahda lal oauwe: ‘Koaunno pwehng oai koaun: Koawoa en mwindi oang in loap moaun in Ngoahi, Oaroh Ngoahi kihdihoang oamw imwinsihsi kan pehn pwoalkoamwen kan.’
24789	MRK 13:3	Jesus mine pohn Dolin Olip, jipwoallahng Umw Joarwiho, a Peter, James, John apel Andrew sohla ipoa pwehng Ih,
24794	MRK 13:8	Oau japw pirin mahwin oang oau japw; oau wei pirin mahwin oang oau wei. Wija ohroj roar in japw pirin wiawi apel lehk koalik pirin mine. Ioar joang pwiai ma pirin indoa, doahroar sapin moadoak in noaisik.
24817	MRK 13:31	Nehnloannge apel jampah pirin johla, a Oai lal kan johpwa pirin johla.”
24843	MRK 14:20	Jesus japoang, “Eh, emen jang kamwai eijek roahmen pwiai, emen ma pwili kadkadu kanah pilahwa nehn Oai mwoakke.
24849	MRK 14:26	Mwerin irai koaulki koaul pas, irai ken allaluhlahng in Dolin Olip.
24851	MRK 14:28	A mwerin Oai pirin iejda, Ngoahi pirin inla mwohmwai Galilee.”
24896	MRK 15:1	Oh inminjoang jamwrou laplappok pwilihki joumajjok apel jounpadahk in Kojonneddok, pel sohn mwoalen koapwung laplappok ohroj, wiahda arai koajoandi. Irai joalihkihdi Jesus jihn, irai ukla Ih ipen Pilate.
24929	MRK 15:34	A kiloak jiluh Jesus kakoalikihla ngiloa, Ih pwa, “Eloi, Eloi, lema sabachthani?” ma woahwoahki, “Oai Koahs, Oai Koahs, amwda Koawoa ke moalkoahla Ngoahi?”
24944	MRK 16:2	Oh inminjoang in rehnin Joarwi anjoauwo ma joauwo dakda, irai inla in joaujoauwo.
25011	LUK 1:49	pwa joang kapwuriamwei kan ma Koahs, Keiou Laplap ne wiahda ipoai. Oadoaioa ioar ma joarwi;
25126	LUK 3:32	David nihn Jesse, Jesse nihn Obed, Obed nihn Boaz, Boaz nihn Salmon, Salmon nihn Nahshon,
25134	LUK 4:2	wija ih minminehki rehn pahijek, kajongjong pehn Jehsen. Oaroain rehnnok ih joah mwinge, kahrehda rehn pahijekko doarihla ih mwakohkohda.
25139	LUK 4:7	Ohroj mehpwiai pirin oamw ma koawoa poardi pwongi ngoahi.”
25150	LUK 4:18	“Ngenin KOAUNNO audohda Ngoahi Ih ne kajarwihla Ngoahi pwa Ngoahi en lohkihoang armaj joamwoahmwoa kan rongmwehu. Ngoahi en lohkihoang armaj joaldi kan ahr jaldek apel jaldek oang arai kan ma minmine nehn kalpwuhj apel kapoahdpijoang mijen ihr majkun kan, apel kajaledekla iraihok ma mine nehn apwal,
25177	LUK 5:1	Oau rehn Jesus minmine in oaroahr in Lehn Gennesaret, a armaj dir pokondohng Ipoa pwa irai en pwili rong mahjan en Koahs.
25193	LUK 5:17	Oau rehn nehn en Jesus wihwia Ah padahk, a Pharisee pwi apel jounkawoahwoa kojonneddo pwi pwili mine ipoa pidekihpene Ih; irai indoahjang nehn kahnihmw ohroj in Galilee apel Judea apel jang Jerusalem. Manman in Koaunno mine ipen Jesus pwa Ih en kemwehuwihla armaj johmwehu kan.
25261	LUK 6:46	“A, da kaspoan amwai pangpanginki Ngoahi ‘Oai Koaun, oai koaun,’ a kamwai joah wia dahkij ma Ngoahi kin pwehng kamwai?
25262	LUK 6:47	Ngoahi pirin kajalehioang kamwai armaj joah lipilpil men ma kin indoahng rong Oai padahk kan apel kapwaihahda.
25264	LUK 6:49	A, ih ma kin rong Oai padahk kan, a johkin kapwaihahda, ih doahroar armaj ma kin kouda umwah pohn pwirej apel joh poahjoan in. Nehn anjoauwo ma lapake kin koardo lel ummwo ih kin kipdi apel mwoarpijoang. Ia pirin woahr ohla oauwe!”
25296	LUK 7:32	Irai doahroar jerihkan ma kin ummwummwoais wijahn noasnoas kan. Oau pwihn kin rahrahu pwehpwehpwehnglahng oau pwihn, ‘Kamai koajkoajoang in malau oang kamwai, a kamwai johpwa nimen kahlek; kamai koaulki koaul in injinjuwed in mehdi oang kamwai, a kamwai johpwa nimen joang!’
25298	LUK 7:34	A Nihn‑Armaj ne indoa mwinge apel nim wain, a kamwai pel pwa, ‘Kapang woal mene! Oawoan mwinge apel mumki wain, pirienki jounrik daksis apel armaj jekenken kan!’
25307	LUK 7:43	Simon japoangkihla Jesus, “Ngoahi lemleme pwa armaj ma oaloa mahk koalik ipen woallo.” A Jesus pwa, “Oamw pajpoangen pwung.”
25308	LUK 7:44	Ih jipwoallahng liho, ih pwehnglahng Simon, “Koawoa en kapang da lihmene wia? Nehn Oai indoa in umwoammwe, koawoa johpwa kioang Ngoahi pil mihn Ngoahi en duhpki pwoalkoaioa kai, ah ih duhpkihla pwoalkoaioa kai pilen mijoa apel dahlimwihkihda pisen moange.
25309	LUK 7:45	Koawoa joah misik Ngoahi in doahroar asai rahnmwahu in popohl, a ih johpwa uhdihjang ah mismisik pwoalkoaioa kai jang nehn Oai dildahdo.
25314	LUK 7:50	Jesus pwehnglahng liho, “Oamw pwojon ma koamoaurla koawoa, alwe nehn popohl.”
25336	LUK 8:22	Oau rehn Jesus apel Nah sohnpadahkkok doaudahng pohn pohs pas, a Ih pwehng irai, “Kisai jeiwe dauluhllahng loappoauwo pillo.” Irai ken doauda apel kijoula.
25388	LUK 9:18	Oau rehn Jesus kalahpwukla kapkap, sohnpadahkkok indoa ipoa. Ih idoak oang irai, “Inje ma pokonne kin pwahki Ngoahi?”
25396	LUK 9:26	Ma emen pirin mehkki Ngoahi apel Oai padahk, ioar Nihn‑Armaj pirin pel mehkki ih nehn Ah pirin indoahki lingin Ih apel Jamahu pwilihki Nah sohnloang joarwi kan.
25411	LUK 9:41	Jesus japoang, “Ia woahr amwai joah kamehlele apel japwung! Ia woaroai in Oai pirin minmine ipamwai? Ia woaroai in Oai pirin kanangmahng kamwai?” Ih pwehng woallo, “Ukdo nihmw jermweinnen me!”
25418	LUK 9:48	pwehng sohnpadahkkok, “Inje ma kajamwo jeri mene in Oadoaioa, kin kajamwo Ngoahi apel kajamwo Ih ma kadardo Ngoahi. Pwa ih ma keiou jekenken ipamwai ohroj, ioar ih ma keiou laplap.”
25449	LUK 10:17	Sohnpadahk ijihjek roahmen pwurdo perperen koalik. Irai pwehng Jesus, “Maing, amai Koaun, ngen jaus kan kin pel peikkoang kamai nehn amai kin ruwoje irai ki Oadoammwen!”
25475	LUK 11:1	Oau rehn Jesus kapkap wijahkij. Nehn Ah kadoarihla Ah kapkappo, emen Nah sohnpadahkkok pwehng Ih, “Koaun, padahkihoang kamai doahr kapkap, doahroar en John ah padahkihoang nah sohnpadahkkok.”
25479	LUK 11:5	Jesus pel pwehng irai, “Ma emen kamwai mine ah pirien a ih inla ipoa in umwahu lopkoan pwong poaki ipoa, ‘Oai pirien kidoa lopwon in pilahwa jiluh.
25480	LUK 11:6	Oai pirien men ma kapwehsen lel ipoai, a johpwa mwinge kij ipoai ngoahi en kioang ih!’
25532	LUK 12:4	“Ngoahi pwehng kamwai, Oai pirien kan, kamwai joah mijik irai kan ma kin kojukdi palwar, a johkak wia mehkij nauna jang pwurlakoa.
25563	LUK 12:35	“Onnonop oang dahkij ma pirin indoa, kapwaskihda likkoauwin papah apel nihmwai lahm kan en okjekda.
25577	LUK 12:49	“Ngoahi indoa pwa Ngoahi en jaunoang oai jampah; a, ia woahr Oai nimen pwa en ken okda!
25619	LUK 13:32	Jesus japoangla irai, “Kamwai alwe apel pwehng fox menen: ‘Koawoa en kidal pwa rehn oauwe apel lakapw, Ngoahi pirin kauj jang ngen jaus kan ipen armaj kan, kemwehuwihla johmwehu kan; apel nehn kajiluhn rehn Ngoahi pirin kadoarihla Oai doadoahk.’
25621	LUK 13:34	“Jerusalem, Jerusalem! Koawoa ma kin kojukdi joukohp kan, apel kin kasoahki sakai jounpakair kan ma koadoaddoardohng koawoa! Ia woahr koalik in Oai nimen jupwurkihpene poaihoa kai nihmw armaj kan, doahroar jummwa pein men kin pwainkihpene nah kan pehn poah kan, a koawoa kia mweidoahng Ngoahi!
25632	LUK 14:10	A ma koawoa pirin oaloa luk, indoa mwindi in mwerin pwa ih ma luke koawoa en indoa pwehng koawoa, ‘Oai pirien, menlau indahdo in mijoa,’ Me pirin kahrehioang oamw woaunla ipen ohroj lukdo kan.
25695	LUK 16:6	A ih japoang, ‘diroam in oail olip epwiki.’ A ih pwehng, ‘Oaloa nihmw pukken pwaipwanid en, mwindi insingehdi diroam limeijek.’
25696	LUK 16:7	A ih pel idoak ipen emen, a koawoa, ‘Ia woahr oamw pwaipwanid?’ A ih japoang, ‘Pehk in pilahwa kid.’ A ih pwehng, ‘Oaloa nihmw pukken, mwindi insingehdi pehk walipwki.’
25799	LUK 18:42	Jesus pwehng ih, “Ken kapangda! Oamw pwojon en ma kemwehuwihla koawoa.”
25829	LUK 19:29	Nehn Ah ne koaroanlahng Bethphage apel Bethany ipen Dolin Olip, Ih kadarla Nah sohnpadahk roahmen mwohrai,
25837	LUK 19:37	Nehn Ah koaroannoang Jerusalem, wija ma allo kijoudihlahng Dolin Olip, pokon koalikko ma pwilpwilihwe Ih siakda koaul in kapingkalahngan oang Koahs in ngil koalik ki kapkapnga Ih ki joang ohroj ma irai ne kapang,
25838	LUK 19:38	“Koahs en kapaiahda nahmwarki ma allalu indoa in oadoan KOAUNNO! Popohl in nehnloannge apel lingin aluhwoang Koahs!”
25849	LUK 20:1	Oau rehn ehn en Jesus Ah wihwia Ah padahk oang armaj kan nehn Umw Joarwiho apel kapkapahrakki Rongmwehu, jamwrou laplappok apel jounpadahk in Kojonneddok, pwilihkihla joumaj in mihn Jews pwi indoa ipoa,
25891	LUK 20:43	Oaroh Ngoahi en wiahkihla oamw imwinsihsi kan loangin pehn pwoalkoamwen kan.’
25928	LUK 21:33	Nehnloannge apel jampah pirin joaloangla, a Oai mahjan kan pirin johkak joaloangla.
25932	LUK 21:37	Jesus kin padahk inrehn kan nehn Umw Joarwiho, a injoausik kan Ih kin injang nehn kahnihmmwo Ih inlahng in Dolin Olip, mine o inpwong.
25948	LUK 22:15	Ih pwehng irai, “Ngoahi ngoangkihla mehlel pwili kamwai wia kamdipw in Passover oauwe mwohn Oai pirin loklok!
25961	LUK 22:28	“Kamwai kin minminehr Ipoai anjoau ohroj nehn Oai apwal kan.
25972	LUK 22:39	Jesus injang nehn kahnihmmwo, inlahng in Dolin Olip, doahroar ma Ih kin kalap wia; Nah sohnpadahkkok pel pwilihla.
25992	LUK 22:59	Oaroh mwerin awa oau pel emen woal engdehnki sihkei pwa, “Mehlel pwa woal mene uhdahn pwili Jesus pwa ih pel mihn Galilee men!”
26053	LUK 23:49	Ohroj ma kin kidal Jesus, pwilihki lihok ma pwilihdo Ih jang Galilee, uhda ekij dohjang, kapkapang.