23216	MAT 1:3	Judah ioar jemen Perez apel Zerah, ma inanki Tamar, Perez ioar jemen Hezron, Hezron jemen Ram,
23251	MAT 2:13	Nehn irai ne inla, sohnloang in Koaunno men pwokkoang Joseph nehn ah oarmoan. Sohnloanngo pwehng ih, “Pwohrda oaloa jerihen pwilihki inahu kaukihdihla ara Egypt. Mine oaroh ngoahi kapwa pwehng koawoa, ngehd kamwai en japahldo, pwa Herod raprapahki jerihen pwa ih en kojukdi.”
23258	MAT 2:20	“Pwohrda,” Sohnloanngo pwehng ih, “oaloa jerihen apel inahn kamwai japahlla Israel, pwa irai ma jongjong in kojukdi jerihen ne mehdi.”
23261	MAT 2:23	Peneineiho inla koaujoanla nehn kahnihmw oau adanki Nazareth. Me ne pel pwoaida dahkij ma joukohppok ne kohpda: “Ih pirin wiahla mihn Nazareth.”
23266	MAT 3:5	Armaj jang Jerusalem, jang koujapw ohroj nehn wein Judea apel wijahkan ohroj koaroannoang Pillap Jordan indoa pwa,
23267	MAT 3:6	irai en woahkda diparai kan, a ih poapdaijihla irai nehn Pillap Jordan.
23268	MAT 3:7	A nehn a kapang dirin Pharisee apel Sadducee allaluhdo ipoa pwa en poapdaij, ih pwehng irai, “Kamwai sinekpwi, inje pwehng kamwai pwa kamwai kak pisjang koaloklok in Koahs ma nimenoar lel kamwai?
23274	MAT 3:13	Jesus ken injang Galilee inla Pillap Jordan pwa en poapdaijla ipen John.
23284	MAT 4:6	pwehng Ih, “Ma koawoa nihn Koahs, lujdihwe pwa ne insingdi nehn Puk Joarwi: ‘Ih pirin ruwoj nah sohnloanngok doahr koawoa, irai pirin kolkihda koawoa poahrai pwa ehmmwen kan en joah ohla pohn sakai.’”
23288	MAT 4:10	Jesus pwehng ih, “Alwe jang Ngoahi, Jehsen! Pwa ne pel insingdi, ‘Pwongi Koaunno oamw Koahs, papah Ih kalahpwuk.’”
23293	MAT 4:15	“Nehn wein Zebulun apel Naphtali, ipen jeddo, oaloap Pillap Jordan, nehn Galilee wija ma mihn likin dir mine!
23296	MAT 4:18	Rehn oau Jesus allaluhla pohn poahrinjedin Galilee Ih kapangda riari oau, Simon ma pel adanki Peter apel riah Andrew. Ara loakloakjidki nihra ukko nehn jeddo, pwa ara sohnloakjid roahmen.
23299	MAT 4:21	Pel aluhla ekij Ih kapangda pel oau riari, James apel John, nihn Zebedee, mwindi nehn wararai pohsso pwili ara pahpa Zebedee, winwina nihrai ukkok. Ih pangin ara en pel indoa.
23303	MAT 4:25	Pokon koalik pwilihla Ih wija ma Ih inla — armaj jang Galilee, jang Decapolis, jang Jerusalem, jang ohroj Judea, apel jang palimese in Pillap Jordan.
23323	MAT 5:20	Ngoahi pwehng kamwai, ma amwai wihwia mwehu joah mwehu jang en jounpadahk in Kojonned apel Pharisee‑ok kamwai uhdahn johkak dilda nehn Wein nehnloannge.”
23325	MAT 5:22	A Ngoahi pwehng kamwai: emen ma lioas oang riah pirin lelloang kadeik. Pel oau, emen ma pwehng riahu, ‘Pweipwei men koawoa,’ pirin pel wijikla mwohn Mwoalen Koapwung. A emen ma pwa, ‘Koawoa Iahk!’ ih kak lel oang nehn keper in oaiho nehn ehl.
23339	MAT 5:36	Pel joah kahukihla moangoammwen, pwa koawoa johkak wiahng apas pisen moang en korohrohla ke soalla.
23341	MAT 5:38	“Kamwai ne pel rong pwa. ‘Pwoaroan maj oau dupukki pwoaroan maj oau, a ngihpas dupukki ngihpas.’
23348	MAT 5:45	pwa kamwai en kak wia jerihn Jamamwaiho nehnloannge. Pwa Ih ma wiahng joauwo en dakda pohn me nauna apel pohn me mwehu, Ih kadardo wud pohn armaj pwung apel armaj japwung.
23355	MAT 6:4	pwa oamw kijakij en wiawi in rir. Doar oamw Pahpa, ma kin kapang mehkan ma kin wiawi in rir, pirin dupuk koawoa.”
23357	MAT 6:6	A nehn oamw en kapkap, inla nehn oamw perehu, risingdi wanihmmwo, koawoa kapkap oang oamw Pahpa, ma koawoa joh kak kapang. Doar oamw Pahpa, ma kin kapang da ma wiawi in rir, pirin dupuk koawoa.
23365	MAT 6:14	“Pwa ma kamwai mahkoahng irai kan ma wia naunahng kamwai, Jamamwai nehnloannge pirin pel mahkoahng kamwai.
23372	MAT 6:21	Pwa wija oamw pai kan mine, ioar mohngiongimmwen pel mine.”
23387	MAT 7:2	Pwa Koahs nen kadeikda kamwai doahr kamwai kadeikda epwi, oh Ih nen jongki kamwai mihn jonngohr ma kamwai jongki epwi.
23392	MAT 7:7	“Poaki a kamwai pirin oaloa; Rapahki a kamwai pirin diar; lesles a wanihmmwo pirin risdahng kamwai.
23393	MAT 7:8	Pwa inje ma poaki pirin oaloa; apel inje ma kin rapahki pirin diar; apel wanihmmwo pirin risdahng inje ma lesles.
23398	MAT 7:13	“Dilda nehn wanihmw Soahsiksik. Pwa wanihmmwo inlahng ehl pwen sahlaplap pel allo pwen koalik apel moangoai a armaj dir alu loaloa.
23418	MAT 8:4	Jesus pwehng woallo, “Kapang! Pwa koawoa en johpwa pwehng emen. Inla kajalehng jamwrou a koawoa wia oamw meiroang joanngo ma Moses koajoanehdi, en wia oamw mihn kadehde oang irai.”
23422	MAT 8:8	Koaun in jounpeiho pwehng Jesus, “Maing, ngoahi joah warroang Koawoa en indoa nehn umwoaiho. Pwen lalloar, ah noai liduhwo ne mwehula.
23423	MAT 8:9	Pwa ngoahi pel anki manman pohn jounpei kan pehn ngoahi. Ngoahi kin pwehng emen, ‘inla,’ ih inla; a oang emen, ‘indoa,’ ih indoa. Ngoahi pwehng noai liduhwo, ‘Wia me,’ ih wia.”
23428	MAT 8:14	Anjoauwo Jesus lel nehn umwen Peter‑o, Ih kidalda pwa inen pahien Peter‑o johmwehu karkar.
23436	MAT 8:22	A Jesus pwehng ih, “Pwili Ngoahi, a mweidoahng mehdi kan en jaripdi pein arai mehdi.”
23457	MAT 9:9	En Jesus injang o nehn Ah allaluhla, Ih kapangda woal men, adanki Matthew, jounrik daksis, ma onnonohn nehn ah oahpisso. Jesus pwehng ih, “Pwilihla Ngoahi.” Doar ih ken uhda pwilihla Ih.
23459	MAT 9:11	Pharisee pwi kapang me pwehng nah sohnpadahkkok, “Amwda amwai Jounpadahkken ke pwili jounrik daksis pel armaj dipan kan mwinge?”
23461	MAT 9:13	Inla woahwoahkihda woahwoahn mehkije jang nehn Puk Joarwi: ‘Ngoahi mwehuki kadek, jaudi meiroangin mahn.’ Ngoahi joah indoahng pangin armaj pwung, a armaj dipan kan.”
23462	MAT 9:14	Doar nihn John jounpoapdaij sohnpadahkkok indoa idoak oang Jesus, “Amwda kamai apel Pharisee‑ok kin dod amai kaijihjol a nihmw sohnpadahk kan ken johkin kaijihjol?”
23465	MAT 9:17	Joh armaj kin widekihoang wain kapw nehn dohn wain dehn. Pwa dohn wainno nen pwokpijoang, wainno widekla, dohn wainno ohla. Wain kapw en widekihoang nehn dohn wain kapw, a kapwa nekdekla.”
23481	MAT 9:33	Anjoauwo ma ngen jausso diljang ipoa, woal loahsoanngo lallalda. Pokonno inenin pwuriamwei pwa, “Kahjikkoar mehkij doahre wiawi nehn Israel.”
23482	MAT 9:34	A Pharisee‑ok pwa, “Koaunin ngen jaus kan ma kioang Jesus manman in kajroahjang ngen jaus.”
23486	MAT 9:38	Poaki koaun in roakke en kadardo sohn doadoahk dir pwa en doadoahk nehn mwoaswello.”
23488	MAT 10:2	Me ioar oadoan woaroak eijek roahmenno: Keiou Simon (ma pel adanki Peter) a riah jermweinno Andrew; James nihn Zebedee, apel riahu John;
23489	MAT 10:3	Philip apel Bartholomew; Thomas apel Matthew, jounrik daksis; James nihn Alphaeus, apel Thaddaeus;
23504	MAT 10:18	Pwa Ngoahi, kamwai nen wijikla mwohn koaun apel nahmwarki kan, pwa kamwai en kadehdehng irai apel mihn likin kan doahr Rongmwehu.
23506	MAT 10:20	Pwa lal kan ma kamwai pirin pwa jaudi amwai a Ngenin Jamamwaiho pirin kalallali kamwai.
23521	MAT 10:35	Pwa Ngoahi indoahng ukudla jermwein men en uhwoang jamah, jerpein men en uhwoang ah nohno, lihmen uhwoang inen pahioa.
23532	MAT 11:4	Jesus japoang, “Pwurla pwehng John da kamwai rong apel kapang:
23549	MAT 11:21	Ih pwehng irai, “Inenin naunahng koawoa, Chorazin! Pel naunahng koawoa, Bethsaida! Pwa manmannok ma ne wiawihoang kamwai, wiawihoang Tyre pel Sidon, irai ne likkoaukihda likkoauwin injinjuwed pel kamwroahdihoang moalkoahr pohrai, pwa en kajalehda irai ne koluhla apel wikla.
23551	MAT 11:23	A koawoa, Capernaum, koawoa ma nimen leldahla nehnloannge, koawoa nen jinoakekdihla nehn ehl! Pwa manmannok ma ne wiawihoang koawoa, wiawihoang sohn Sodom, irai nen minehr lel rehnnoauwe.
23558	MAT 11:30	Pwa Oai mihn wijikke ma Ngoahi pirin kioang kamwai, moangoai apel marahra.”
23560	MAT 12:2	Anjoauwo Pharisee‑ok kapang irai, irai pwehng Jesus, “Kapang! Nihmw sohnpadahkkok wia me ma uhwoang kojonned in Sabbath.”
23565	MAT 12:7	Puk Joarwi pwa, ‘Kadek mwehujang meiroang in mahn.’ Ma kamwai woahwoahki lal kamwai nen johpwa koauwe armaj joh dipoa.
23566	MAT 12:8	Pwa Nihn‑Armaj ioar Koaun in Sabbath.”
23572	MAT 12:14	A Pharisee‑ok ken injang o pilahnehda irai en kojukdi Jesus.
23581	MAT 12:23	Pokonno pwuriamweikihla, “Audi Ih ma kijehn kadaudok en David wa me?”
23582	MAT 12:24	A anjoauwo me Pharisee‑ok rongda me, irai pwa, “Kamwai johpwa pwuriamweiki Ah kak kauj jang ngen jaus. Ih kihjang ah manman ipen Beelzebul, koaunin ngen jaus.”
23585	MAT 12:27	Kamwai pwa Ngoahi kin kauj jang ngen jaus kan pwa Beelzebul ma kioang Oai manman. A inje ma kioang nihmwai sohnpadahk kan manman in kauj jang ngen jaus kan? Pein nihmwai sohnpadahk kan nen kadehdehng kamwai doahr amwai japwung!
23591	MAT 12:33	“Ma kamwai poadokdi suhkoa mwehu pas, a wah pirin mwehu. Ma kamwai poadokdi suhkoa nauna pas, wah pirin nauna. Pwa kamwai pirin kidal suhkoa kan ki wahrai kan.
23592	MAT 12:34	Kamwai doahroar sinek! Imdoahr armaj nauna doahr kamwai kak pwa mehkij mwehu? Pwa dahkij ma kamwai pwa ioar kin kajalehda audoapoan nehn kapehdimwaikan.
23595	MAT 12:37	Pein amwai sikesik kan ma pirin kadeikda kamwai ma kamwai mwakelkel ke dipan.”
23596	MAT 12:38	Jounpadahk in Kojonned apel Pharisee pwi indoa ipen Jesus pwehng Ih, “Jounpadahk, kamai nimen Koawoa en kajalehng kamai oau manmanno.”
23598	MAT 12:40	Pel doahr en Jonah minmine nehn kapehdin mwumw koalikko rehn jiluh pel pwong jiluh, ioar doahr, Nihn‑Armaj, pirin mine pehn jampah rehn jiluh pel pwong jiluh.
23610	MAT 13:2	Pokonin armaj koalikkoau kapilpene Ih. Ih ken doaudahng nehn pohs pas, mwindi, a pokonno uhda pohn oaroahrin jeddo.
23620	MAT 13:12	Pwa armaj men ma anki mehkij, ekij nen pel aluhwoang, pwa ih en anki koalikjang. A oang ih ma joh ah mehkij, dahkij ma mine ipoa nen pel kihekjang.
23623	MAT 13:15	Pwa mohngiongin armaj pwiai ne koapsakaila, siarai kan pongpongla, a irai moairpene, pwa mijarai kan en joah kapang, a siarai kan johkak rong, a mohngiongirai johkak woahwoahki, a irai johkak okdekdohng Ngoahi pwa Ngoahi en kemwehuwihla irai.’
23641	MAT 13:33	Jesus pwehng irai apas karajraj: “Wein nehnloannge doahroar me. Lihmen oaloa ihs kij doaloahkihda pilahwa koalik kij. Pilahwahu ken pwoaida.”
23653	MAT 13:45	“Pel oau, Wein nehnloannge doahroar me. Woal men roaproapoan sakain nehn pwai ling.
23655	MAT 13:47	“Pel oau, Wein nehnloannge doahroar me. Nehk in loakjiddoau ma jojohdi nehn jeddo pwa en koldi joangoan mwumw ohroj.
23669	MAT 14:3	Pwa Herod ne koldi John jounpoapdaij, piroahpene, kioang ih nehn kalpwuhj, ih wia me oang Herodias, pahien riau Philip.
23670	MAT 14:4	Pwa John kin pwehng Herod, “Johpwa pwung koawoa en painkihla Herodias!”
23694	MAT 14:28	A Peter pwehnglahng ih, “Maing, amai Koaun, ma uhdahn koawoa men, pwehng ngoahi en alwe ipoamw, alu pohn jed.”
23695	MAT 14:29	“Koa, indoa,” Jesus pwehng ih. Doar Peter kerdihjang pohn pohsso, alu pohn jeddo inla ipen Jesus.
23703	MAT 15:1	Pharisee pwi apel jounpadahk in Kojonnedpwi indoa jang Jerusalem indoa ipen Jesus, idoak oang Ih,
23706	MAT 15:4	Pwa Koahs pwa, ‘Woaunki joamoamw apel inoamw, a ma armaj men lahlahwe jamah ke inah, en kojkojdi.’
23714	MAT 15:12	Doar sohnpadahkkok indoa Ipoa pwa, “Koawoa kidal pwa Pharisee‑ok lioaski dahkij ma Koawoa pwahla?”
23717	MAT 15:15	Peter pwehnglahng Ih, “Kawoahwoahda woahwoahn karajraj pasen.”
23732	MAT 15:30	Pokon koalik oau indoa Ipoa, wahdohng Ih armaj mwoasor, armaj majkun, armaj dangpel, armaj loahsoang, apel dir ma anki joangjoangoan kahpwal in palwar, irai wahdo kihdi ipen ehn Jesus. Ih kemwehuwihla ohroj.
23733	MAT 15:31	Pokonno pwuriamweikihla ahr kapangda doahr armaj loahsoanngok kakla lallal, armaj dangpellok mwehula, armaj mwoasorrok ne kakla alu, apel araihok ma majkun ne kapangda wija. Irai kapngahki Koahs in Israel.
23742	MAT 16:1	Pharisee‑pwi apel Sadducee‑pwi indoa ipen Jesus pwa irai en lidipihdi Ih, ioar kahrehda irai pwehng Ih en wiahng irai oau manman jang nehnloannge.
23747	MAT 16:6	Jesus pwehng irai, “Kamwai mwajahn apel kalikdihjang ihs in Pharisee apel Sadducee‑ok.”
23752	MAT 16:11	Amwda kamwai ke johpwa woahwoahki pwa audi pilahwa ma Ngoahi pwahpwahpwa? Kamwai kalkehjang kamwai ihs in Pharisee apel Sadducee‑ok.”
23753	MAT 16:12	Doari, sohnpadahkkok ken woahwoahkihda pwa audi ihs in nehn pilahwa ma irai en kalkehjang irai, a padahk in Pharisee apel Sadducee‑ok.
23754	MAT 16:13	Jesus inlahng wijahkij ipen kahnihmw Caesarea Philippi, wijahu Ih idoak oang nah sohnpadahkkok, “Inje ma armaj kan kin pwahki doahr Nihn‑Armaj?”
23757	MAT 16:16	Simon Peter japoang, “Koawoa ioar Messiah, Nihn Koahs mourro.”
23758	MAT 16:17	Jesus japoang, “Meid pai koawoa, Simon nihn John, pwa jaudi armaj ma kajalehng koawoa mehlel oauwe. Pwa Joamoai ma minmine nehnloannge.
23759	MAT 16:18	Doari, apkas Ngoahi pwehng koawoa, pwa koawoa Peter, paip koalik oau, pohn paip koalikkoauwe Ngoahi pirin kouda oai mwomwohdjo. Doar mehdi johpwa pirin kak kalwehdi.
23763	MAT 16:22	Peter kalahpwukihla Jesus sapda koapwung oang ih, “Maing oai Koaun, Koahs kainoapwi joanngoauwe,” ih pwa. “Me uhdahn johpwa pirin wiawihoang koawoa!”
23764	MAT 16:23	Jesus pwurlahng Peter pwehng ih, “Alwe jang Ngoahi, Jehsen! Koawoa lidip keper oau oang Ngoahi, pwa oamw lamlam jaudi jang ipen Koahs, a jang ipen armaj.”
23766	MAT 16:25	Pwa emen ma nimen doaroahla ah mour ih pirin luhj jang; a emen ma sohnmeseikihla ah mour ki Ngoahi, ih pirin mourla.
23767	MAT 16:26	Pirin mine kaspoan oamw en wihnkihda jampah pwon, a luhj jang oamw mour? Joh douluhl, joh mehkij koawoa kak kihda pwa en japahl oang oamw mour.
23768	MAT 16:27	Pwa Nihn‑Armaj, pirin indoa nehn ling in Jamahu pwili nah sohnloanngok, pwa en dupukkoang emenemen armaj jang in ah wihwiahk.
23770	MAT 17:1	Mwerin rehn wonou Jesus ukda Peter apel riariho, James apel John, ukdahla pohn dol illoahioau pwa irai en kalahpwukla.
23773	MAT 17:4	Peter pwehng Jesus, “Oai Koaun, inenin mwehu asai minmine me! Ma koawoa mwehuki, ngoahi en kouda umpwal jiluh wija kije, oau umwoamw, oau umwen Moses, apel oau umwen Elijah.”
23789	MAT 17:20	Jesus japoang irai, “Pwa amwai pwojon johpwa isar. Ngoahi lal mehlel oang kamwai, ma amwai pwojon inenin sihksik woahroar liporrohn mustard oau, kamwai kak pwehng dollo, ‘mwoakid jang men mwoakidla o!’ ih nen mwoakid. Kamwai nen kak wia me ohroj.
23793	MAT 17:24	Nehn en Jesus apel nah sohnpadahkkok lel Capernaum, jounrik daksis in Umw Joarwiho indoa idoak oang Peter, “Imdoahr, amwai jounpadahk en kin pwili dupuk daksis in Umw Joarwi?”
23794	MAT 17:25	“Eh, ih kin pwili dupuk.” Peter japoang. Nehn en Peter inla nehn ummwo, Jesus ken pispis oar pwehnglahng, “Simon, Da oamw lamlam oang irairroauwe? Inje kin nohpwei ke dupuk daksis oang Nahmwarkihn jampahioauwe? Jang ipen nah armaj kan ke jang ipen mihn likin kan?