23264	MAT 3:3	John ioar woalwa ma joukohppa Isaiah pwa: “Ngilloau ma kin poangpoangpoang nehn japwsoahn: ‘Kamwai koaunopda alin Koaunno, kamwai kainenehla Ah al kan ma Ih pirin alu loaloa!’”
23282	MAT 4:4	Jesus japoang, “Ne insingdi nehn puk joarwi: ‘Jaudi pilahwahr doari armaj kak mourki pwa lalkan ohroj ma kin indoa jang ipen Koahs.’”
23284	MAT 4:6	pwehng Ih, “Ma koawoa nihn Koahs, lujdihwe pwa ne insingdi nehn Puk Joarwi: ‘Ih pirin ruwoj nah sohnloanngok doahr koawoa, irai pirin kolkihda koawoa poahrai pwa ehmmwen kan en joah ohla pohn sakai.’”
23285	MAT 4:7	Jesus japoang ih, “Ne pel insingdi: ‘Joah kajongjongi Koaunno oamw Koahs.’”
23288	MAT 4:10	Jesus pwehng ih, “Alwe jang Ngoahi, Jehsen! Pwa ne pel insingdi, ‘Pwongi Koaunno oamw Koahs, papah Ih kalahpwuk.’”
23324	MAT 5:21	“Kamwai ne rong padahkkok ma mihn mehjjok oaloa, ‘Joah kojukdi armaj; emen ma kojukdi armaj pirin lelloang kadeik.’
23325	MAT 5:22	A Ngoahi pwehng kamwai: emen ma lioas oang riah pirin lelloang kadeik. Pel oau, emen ma pwehng riahu, ‘Pweipwei men koawoa,’ pirin pel wijikla mwohn Mwoalen Koapwung. A emen ma pwa, ‘Koawoa Iahk!’ ih kak lel oang nehn keper in oaiho nehn ehl.
23330	MAT 5:27	“Kamwai ne rong padahk paso, ‘Joah kamwahl.’
23334	MAT 5:31	“Kamwai ne kidal da kojonneddo pwa, ‘Emen ma mweijang pahioahu en kioang ih kijinlikoau in kamweid.’
23336	MAT 5:33	“Kamwai ne rong da ma ne pweiekkoang mihn mehjjok. ‘Joah koauwehla oamw kahula, a kolkol oamw inoau oang Koaunno.’
23341	MAT 5:38	“Kamwai ne pel rong pwa. ‘Pwoaroan maj oau dupukki pwoaroan maj oau, a ngihpas dupukki ngihpas.’
23346	MAT 5:43	“Kamwai ne pel rong Ih ne pwa, ‘Ipwilki mihn ipoamw a lioassoang oamw imwinsihsi.’
23360	MAT 6:9	Doar me, ioar doahr oamw pirin kapkap: ‘Jamamai nehnloannge, oadoammwen en joarwi,
23382	MAT 6:31	Doari, joah pwunod, pwa, ‘Da kamain kang? Ke da kamain nim? Ke da kamain kol?’
23408	MAT 7:23	A Ngoahi pirin pwehng irai, ‘Ngoahi jehjoa kamwai. Alwe jang ipoai, kamwai armaj nauna!’”
23423	MAT 8:9	Pwa ngoahi pel anki manman pohn jounpei kan pehn ngoahi. Ngoahi kin pwehng emen, ‘inla,’ ih inla; a oang emen, ‘indoa,’ ih indoa. Ngoahi pwehng noai liduhwo, ‘Wia me,’ ih wia.”
23453	MAT 9:5	Ia minno moangoai, Ngoahi en pwa, ‘Dipoamw kan ne lapwda,’ ke, ‘Uhda alu’?
23461	MAT 9:13	Inla woahwoahkihda woahwoahn mehkije jang nehn Puk Joarwi: ‘Ngoahi mwehuki kadek, jaudi meiroangin mahn.’ Ngoahi joah indoahng pangin armaj pwung, a armaj dipan kan.”
23533	MAT 11:5	‘Majkun kan kapangda wija, mwoasor kan alu, irai kan ma anki lepa mwehula, pongpong kan rongda wija, mehdi kan mourda, Rongmwehu ne pel padahk oang armaj joamwoahmwoa kan.’
23538	MAT 11:10	John ioar ma puk joarwi pwa: ‘Koahs pwa, Ngoahi pirin kadarwe Noai jounpakairro mwohn koawoa, ma pirin koaunopda allo mwohn koawoa.’
23545	MAT 11:17	‘Kamai koajoang oang kamwai, a kamwai johpwa kahlek; kamai koaul ki koaul en mehdi, a kamwai johpwa joang!’
23546	MAT 11:18	John indoa, ih kaijihjol apel joah nim wain, a armaj ohroj pwa, ‘ih dirkihla ngen jaus.’
23547	MAT 11:19	Anjoauwo ma Nihn‑Armaj indoa, Ih mwinge apel nimnim, armaj ohroj pwa, ‘kapang woal menen! Ih mijen mwinge apel sohn nim jakau men, Ih pirienki jounrik daksissok apel armaj jekenkennok!’ En Koahs loalkoang kadehdehda ah wihwia pwung kan.”
23565	MAT 12:7	Puk Joarwi pwa, ‘Kadek mwehujang meiroang in mahn.’ Ma kamwai woahwoahki lal kamwai nen johpwa koauwe armaj joh dipoa.
23602	MAT 12:44	Doar ih ken pwehng pein ih, ‘Ngoahi en pirin pwurlahng nehn umwoaiho.’ Doar ih pwurla diarda pwa umwahu ne soahnda, mwakelkel, apel joan.
23622	MAT 13:14	Me ioar kokohp in Isaiah, pwoaida iparai ma pwa: ‘Kamwai pirin rongrongrong, a johpwa woahwoahki; kamwai pirin kapkapang a joah dehdehki.
23636	MAT 13:28	Jounmwoaswello pwehng irai, ‘Imwinsihsi men ioar wia men.’ Irai idoak, ‘Kamain inla wijdahjang dipwdippwok?’
23706	MAT 15:4	Pwa Koahs pwa, ‘Woaunki joamoamw apel inoamw, a ma armaj men lahlahwe jamah ke inah, en kojkojdi.’
23707	MAT 15:5	A kamwai kin padahki, ma armaj men ma anki mehkij ma ih kak jeuweje ki jamah ke inah, a ih pwa, ‘Me en Koahs,’
23710	MAT 15:8	‘Koahs pwa, armaj pwiai kin woaunki Ngoahi jang in arai lal a mohngiongirai inenin dohjang Ngoahi.
23743	MAT 16:2	A Jesus japoang, “Nen en joauwo kin duhla, kamwai kin pwa, ‘Lakapw nen mwehu pwa mijen loannge Wahssa.’
23744	MAT 16:3	A Inminjoang kamwai kin pwa, ‘Rehnnoauwe pirin wud, pwa mijen loannge wahssa apel soal.’ Kamwai kak kajawihda iren anjoau jang nen amwai kin kapang mijen loannge, a kamwai joh kak kajawihda kilellok doahr anjoau pwiai!
23789	MAT 17:20	Jesus japoang irai, “Pwa amwai pwojon johpwa isar. Ngoahi lal mehlel oang kamwai, ma amwai pwojon inenin sihksik woahroar liporrohn mustard oau, kamwai kak pwehng dollo, ‘mwoakid jang men mwoakidla o!’ ih nen mwoakid. Kamwai nen kak wia me ohroj.
23824	MAT 18:28	“Mwerin a injang wijahu, ih suhwoang emen pwilihoa papah ma pwaipwanidki oang ih doahloa jipidpwi, ih jipoardi, padikpene sipinwoaroa, pwehng ih, ‘Pispis dupukdo oamw pwaipwanid oang ngoahi!’
23825	MAT 18:29	Papahu rukdi mwohn ih poakmahk, ‘Menlau kanangmahng ngoahi, pwa ngoahi nen dupukkoang koawoa!’
23828	MAT 18:32	Nahmwarkiho pangindo nah papahu pwehng: ‘Koawoa papah naunahmen! Ngoahi mahkoahng koawoa oamw pwaipwanid ohroj oang ngoahi, pwa koawoa poakmahk ipoai;
23836	MAT 19:5	Koahs pel pwa, ‘jang in kahrpoahioauwe woal men pirin mweijang jamah apel inah ih pasoahng pahioahu, ara roahmenne paspene wiahla oau.’
23867	MAT 20:6	A injoausik, nimwennoar kiloak limoau ih pwuroahng inla wijahn noasnoasso, ih pel kapangda epwi armaj ma pel onnonohn mwahl. Ih idoak oang irai, ‘Amwda kamwai ke koauwehkihla amwai anjoau onnonohn mwahl, johpwa doadoahk rehn oauwe?’
23868	MAT 20:7	Irai japoang, ‘Pwa joh armaj nimen doadoahkki kamai.’ Woallo pwehng irai, ‘Kamwai inla pwili doadoahk nehn mwoaswelin wainno.’
23869	MAT 20:8	“Injoausikko woallo pwehng nah jounkouwahu, ‘Panginpene sohn doadoahk kan, koawoa dupukla irai, sapkihda irai ma indoa mwuhr kan oaroh lel arai kan ma sapin indoa.’
23873	MAT 20:12	‘Armaj pwiak doadoahk awa oauwoar, a kamai koakoahkla doadoahk pehn joauwo rehnnoauwe pokon pehn joauwo, a koawoa kioang kamai joangoan dopdop oauwoar!’
23874	MAT 20:13	Ih japoang emen irai, ‘Johpwa japwung oau ngoahi wiahng koawoa, kisa joah pwungkihpene pwa doahloahioau rehnnoau?
23898	MAT 21:3	A ma emen idoakkoang kamwa mehkij, kamwa pwehng ih, ‘Koaunno anahne ara,’ nehn anjoauwohr ih nen mweidoahng kamwa.”
23908	MAT 21:13	Ih pwehng irai, “Ne insingdi nehn Puk Joarwi ma Koahs pwa, ‘Umwoaie pirin adanki umwen kapkap,’ a kamwai ne wiahkihla dohn jounpirap!”
23911	MAT 21:16	Irai idoak oang Jesus, “A koawoa rong dahkij jeri pwiai pwahpwahpwa?” “Eh Ngoahi rong,” Jesus japoang. “Kamwai kahjikkoar wadek Puk Joarwi? Ma pwa ‘Koawoa ne oaloa kaping unjek jang in oawoan jerihkan apel jerihkan ma kin dihdi?’”
23916	MAT 21:21	Jesus japoang, “Ngoahi pwehng kamwai in mehlel, ma kamwai kin pwojon johpwa peikajal, kamwai kak wiahda da ma Ngoahi wiahng suhkoa pase; a jaudihoar mehwahr doari, kamwai pel kak pwehng dolloauwe, ‘Sohjang men, pein peiddihlahng koawoa nehn jeddo,’ a pirin pwoaida.
23920	MAT 21:25	John jounpoapdaij kihjang ia ah manman in poapdaiji armaj? Jang ipen Koahs ke jang ipen armaj?” Irai sapda akmaipene nehn pwungarai pwahpwahpwa, “Ma kisai japoangki, ‘Jang ipen Koahs,’ Ih nen pwehng kisai, ‘A amwda kamwai ke joah kamehlele John?’
23921	MAT 21:26	A ma kisai japoangki, ‘Jang ipen armaj,’ me keperroang kisai, pwa armaj ohroj kin wiahki John joukohp men.”
23923	MAT 21:28	“A da kamwai lemlemehioang karajraj pase? Woalmen mine ma nainki jermwein roahmen, Ih inla ipen jermwein koalikko, ih pwehng, ‘Noai jeri, inla doadoahk nehn mwoaswelin wainno rehnnoauwe.’
23924	MAT 21:29	Jermweinno japoang jamahu pwa, ‘Ngoahi kia,’ a mwuhr ih koluhla, ukudla ah lamlam ih inla nehn mwoaswelin wainno.
23932	MAT 21:37	Oh mwuhr ih kadarla nah jermweinno iparai, lemleme, ‘Mehlel irai uhdahn pirin woaunki noai jermweinno.’
23933	MAT 21:38	A nehn en sohndoadoahk in nehn mwoaswello kapang jermweinno, irai pwahpene nehn pwungarai, ‘Ioar nihn woallo jermweinwa me; koa, kisai kojukdi ih, kisai ken wud japwankihla jappwe!’
23937	MAT 21:42	Doar Jesus pwehng irai, “Da, kamwai kahjikkoar wadek da ma Puk Joarwi pwa? ‘Sakai ma jounkou umw kan ne kerpwihla, wud wiahla sakain pwukoakoaimw! KOAUNNO ma wiahda me; mehkij ma kapwuriamwei mehlel oang kisai.’
23945	MAT 22:4	Doari, ih pel kadarla epwi lidu en pwehng irai, ‘Kamdippwe ne onopda, uduken kahu pwulopwul kan ne kojkojdi. Me ohroj ne onopda. Irai en ken indoa!’
23949	MAT 22:8	Ih pel pwehng nah liduhwok, ‘Kamdipwin koapwoapwoaudde ne onopda, a irai ma luk wiawihoang joah warroang pwili.
23953	MAT 22:12	‘Oai pirien, imdoahr oamw dildo nehn ummwe johpwa likkoauki likkoauwin koapwoapwoaud?’ A woallo johpwa japoang.
23954	MAT 22:13	Doari, nahmwarkiho pwehng irai ma jeujeuweje ih, ‘Piroahdi poah apel ehn kamwai kerpwihla ih likin wija rosso, wijahu ma joang apel keikeikeisakai.’”
23973	MAT 22:32	‘Ngoahi ioar Koahs in Abraham, Koahs in Isaac, apel Koahs in Jacob.’ Ih ioar Koahs in armaj mour, jaudi armaj mehdi.”
23980	MAT 22:39	A kariau in kajampwal ma pel doahroar me: ‘Ipwilki mihn ipoamw doahroar oamw ipwilki pein koawoa.’
23984	MAT 22:43	Jesus pel idoak, “Amwda Ngenin Koahs ke audohkihda David pwa Ih en panginki ‘Oai Koaun.’
23985	MAT 22:44	‘Koaunno pwehng Oai Koaun: Koawoa en mwindi oang in loap moaun in Ngoahi, Oaroh Ngoahi kihdihoang oamw imwinsihsi kan pehn pwoalkoamwen kan.’
24017	MAT 23:30	kamwai kin pwa, ‘Ma kamai kin pwili mine nehn mwein jamasaihok, kamai nen jehpwili kojukdi joukohppok.’
24026	MAT 23:39	A Ngoahi pwehng koawoa me, koawoa nen johpwa pwuroahng kapang Ngoahi oaroh koawoa en pwa ‘Koahs en kapaiahda Ih ma indoa in oadoan Koaunno.’”
24031	MAT 24:5	Armaj dir pirin indoa in oadoaioa pwa, ‘Ngoahi ioar Messiah!’ Irai pirin kapweipweidi armaj dir.
24049	MAT 24:23	“Doari, ma emen pwehng kamwai, ‘Kapang, ioar Messiah wa me,’ ke ‘Ih o,’ johpwa kamehlele.
24074	MAT 24:48	A ma ih jounpapah nauna men, ih pirin pwehng pein ih pwa, ‘oai koaunno jehpirin japahldo anjoau roairoai.’
24085	MAT 25:8	Min pweipwei limmenno poaki ipen min loalkoanngok, ‘Menlau kidoahng kamai ekij pilen nihmwai lahm kan, pwa nihmai lahmkai ne kunla.’
24089	MAT 25:12	A ih japoang, ‘Ngoahi pwehng kamwai in mehlel, Ngoahi jehjoa kamwai!’”
24098	MAT 25:21	Koaunno japoang, ‘Doadoahk mwehu, papah lelpoak apel mehlel men koawoa, ki oamw koahiok in koadoahkoahda mehkij siksik, ngoahi pirin kioang koawoa mehkij koalik koawoa en kin appwapwali.’
24100	MAT 25:23	Koaunno pel pwehng ih, ‘Doadoahk mwehu, papah lelpoak apel mehlel men koawoa, ki oamw koahiok in koadoahkoahda mehkij siksik, ngoahi pirin kioang koawoa mehkij koalik koawoa en appwapwali. Indoa pwili injenmwahuki oai pai.’
24103	MAT 25:26	A koaunno japoang, ‘Koawoa papah nauna apel dangahnga men! Koawoa kidal pwa ngoahi armaj apwal men, ma kin doli wija ngoahi joah poadok, oaloahjang wija ma ngoahi joah koadoahkoa?
24117	MAT 25:40	A Nahmwarkiho pirin japoang, ‘Ngoahi pwehng kamwai in mehlel, nehn amwai wiahng emen rioai keiou siksik, Ngoahi ma kamwai ne wiahng!’
24118	MAT 25:41	“Doari Ih wud pwehnglahng iraihok loap meing, ‘Kamwai alwe jang Ngoahi, kamwai ma riahla kan! Alwehng nehn oaiho ma johkin kunla ma koaunopdahng Jehsen apel ngen jaussok!
24122	MAT 25:45	A Ih japoang irai, ‘Ngoahi pwehng kamwai in mehlel, nehn amwai johpwa nimen jeuweje ih ma keiou siksik in rioai pwiai, kamwai johpwa nimen jeuweje Ngoahi.’
24141	MAT 26:18	Ih japoang, “Alwe nehn kahnihmmwen ipen woal men pwehng ih, ‘Jounpadahkko pwa: Oai anjoau ne lel. Ngoahi pwilihki noai sohnpadahkkok pirin kasman Passover nehn umwoammwe.’”
24154	MAT 26:31	Doari Jesus pwehng irai, “Pwongoauwehr kamwai ohroj pirin kerpwihla Ngoahi apel kaujjang Ngoahi; pwa Puk Joarwi pwa ‘Ngoahi pirin kojukdi Jiloapoahu, a pwihnin jihppwok pirin kaupijoang.’
24184	MAT 26:61	ma pwa, “Woal mene pwa, ‘Ngoahi kak koauwehla Umw Joarwihn Koahsso pel pwuroahng kouda mwerin rehn jiluh.’”
24261	MAT 27:63	Irai pwehng ih, “Maing, kamai samanda en min likamw meno Ah pwa anjoauwo Ih pe mour: ‘Ngoahi pirin pwuroahng mourda mwerin rehn jiluh.’
24262	MAT 27:64	Koawoa en ruwoj pwa irai en jiloa ah joaujoauwo oaroh lel kajiluh in rehn, pwadoar nah sohnpadahk indoa pirapoahjang palwarro, ken pwehng armaj pwa ‘Ih iejdahjang mehdi.’ Pwa likamw pase pirin nauna jang minin mijkoalkoallo.”
24271	MAT 28:7	A apkas, kamwa pispis alwe pwehng Nah sohnpadahkkok pwa ‘Ih ne iejda jang mehdi, Ih pirin inla Galilee mijen kamwai. Ioar wijahwa ma kamwai pirin kapang Ih.’ Kamwa samsaman da ma ngoahi pwehng kamwa.”
24277	MAT 28:13	Irai pwehng jounpeihok, “Kamwai pirin pwa, ‘Nihn Jesus sohnpadahkkok indoa inpwonngo nehn amai moair pirapoahla palwarro.’
24286	MRK 1:2	doahr lallo ma ne insingdi ipen joukohp Isaiah: “Koahs pwa, ‘Ngoahi pirin kadarwe Noai jounpakairro mwohn Koawoa, ma pirin koaunopda Oamw allo.’
24287	MRK 1:3	Mine ngilloau ma kin poangpoangpoang nehn japwsoahn: ‘Kamwai koaunopda al kan ohroj oang Koaunno, kamwai kainenehla Ah al kan ma Ih pirin alu loaloa!’”
24338	MRK 2:9	Dahioau moangoai en pwehng woal mwoasor mene, ‘Dipoamwkan ne lapwda,’ ke, ‘Uhda, oaloa kioammwen, alu’?
24404	MRK 4:12	Pwa, ‘Irai en kapkapang, a pwen johpwa kapang, Irai en rongrongrong, a pwen johpwa woahwoahki, pwa ma arai kapang, rong, oh woahwoahki, Irai nen okdeklahng Koahs apel oaloa lapwdahn diparai kan.’”
24464	MRK 5:31	Nah sohnpadahkkok pwehng Ih, “Koawoa kapang pwa pokonne koaisihla koawoa; a koawoa ken pwa ‘Inje pukkoang Ngoahi?’”
24538	MRK 7:6	A Jesus japoang irai, “Mehlel oar pwa uhdahn pwung en Isaiah kohpda doahr amwai mwalaun en, doahr ma ne insingdi. ‘Koahs pwa, armaj pwiai kin woaunki Ngoahi jang in arai lal a mohngiongirai inenin dohjang Ngoahi.
24542	MRK 7:10	Pwa Moses koajoanehdi pwa, ‘Koawoa woaunki joamoamw apel inoamw,’ apel ‘Ma emen ma pirin lahlahwe jamah ke inah, ih pirin kojkojdi.’
24543	MRK 7:11	A kamwai wud kin padahkihwe, ‘Ma armaj men anki ekij ma ih kak jeuwejehki jamah apel inah, a kin pwa, “Corban me” (woahwoahki “oang Koahs”),
24663	MRK 10:6	Puk Joarwi pwa, jang in sapin kawa, ‘Koahs wiahda armaj woal apel li.’
24664	MRK 10:7	‘Jang in kahrpoahioauwe woal men pirin mweijang jamah apel inah ih pasoahng pahioahu, ara roahmenne paspene wiahla oau.’
24676	MRK 10:19	Koawoa kidal kojonneddok: ‘Joah kojukdi armaj; joah kamwahl; joah pirap; joah likamw; joah kapweipwei armaj; woaunki joamoamw apel inoamw.’”
24712	MRK 11:3	A ma emen idoak ipamwa, da kamwa wihwiahng mahnnen a kamwa japoang, ‘Koaunno ioar anahne,’ a Ih pirin pispisin kajpahlihdo.”
24726	MRK 11:17	Ih ken pwehng armajjok, “Ne insingdi nehn Puk Joarwi, Koahs pwa, ‘Umwoaie pirin adanki umwen kapkap oang sohn wei ohroj.’ A kamwai wiahkihla dohn jounpirap kan.”
24732	MRK 11:23	Ngoahi pwehng kamwai in mehlel, ma emen ma pirin pwehng dol oauwe, ‘Sohjang me kasoahdihla pein koawoa nehn jeddo,’ a johpwa peikajal kij mine nehn kapehdin, a pwojon da ih pwa, doari, dahioau ih pwahla pirin pwoaida.
24740	MRK 11:31	Irai sapda akmaipene nehn pwungarai, pwahpwahpwa, “Ma kisai pwa, ‘sapjang ipen Koahs’, Ih pirin pwa, ‘A da kamwai joah kamehlelehki John?’
24748	MRK 12:6	Doari, woal emen oar luhwoa ih kak kadarla, ioar nah jermwein iehrojjo ma ih inenin kajampwalki. Ih ken kadarla keiou mwuhr, ih pwa, ‘Ngoahi uhdahn koapwoarpwoarki pwa irai pirin woaunki noai jermweinno.’
24749	MRK 12:7	Jounmwoaswellok ken pwahpene nehn pwungarai, ‘Ioar jerihn johjo wa me. Kamwai indoa, kisai kojukdi, pwa kisai en ankihla mwoaswelle.’
24752	MRK 12:10	Kamwai johkin wadek lal oauwe nehn Puk Joarwi? ‘Sakai ma jounkou umw kan ne kerpwihla, wud wiahla sakain pwukoakoaimw
24768	MRK 12:26	Doari, doahroar iejdahn min mehdi kan, kamwai johpwa wadek nehn Pukin Moses doahroar sikesikin Koahs Ah pwokkoang jang nehn suhkoa siksikko ma umpwumpwul? Nehn iroahu Koahs pwehng Moses, ‘Ngoahi ma Koahs in Abraham, Koahs in Isaac, apel Koahs in Jacob.’