23214	MAT 1:1	Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.
23219	MAT 1:6	Izai mɔ í bí Davidi iyi í na í jɛ ilaaluu. Davidiu mɔ í bí Salomɔɔ. Iyei Salomɔɔui í jɛ aboi Urii iyi Davidi í sou.
23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23233	MAT 1:20	Si bɛi wa lasabu bɛɛbɛ ŋɔi amalekai Aɔ̃ Lafɛ̃ɛ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muɛu. Dasiɛ kpasɛ̃. Asĩ iyi í nɛu bɛ, do ɡbuɡbãi Hundei Ilaaɔ̃i.
23306	MAT 5:3	Ilu inɔ didɔ̃ ŋai inɛ ŋa iyi à waa tɔɔ Ilaaɔ̃ do ara kukaye, Domi aŋai à jɛ inɛi bommai Ilaaɔ̃ ŋa.
23307	MAT 5:4	Ilu inɔ didɔ̃ ŋai inɛ ŋa iyi à waa kpata, Domi Ilaaɔ̃i á tũ idɔ nŋa.
23308	MAT 5:5	Ilu inɔ didɔ̃ ŋai inɛ ŋa iyi daa nŋa í dɔ̃, Domi aŋai aa nɛ ilɛu fei.
23309	MAT 5:6	Ilu inɔ didɔ̃ ŋai inɛ ŋa iyi à waa ɡbɔ ari do aɡbɛi mii iyi Ilaaɔ̃ wa bee, Domi Ilaaɔ̃ á jɔ̀ a yo.
23310	MAT 5:7	Ilu inɔ didɔ̃ ŋai inɛ ŋa iyi à ya nɛ araarei inɛ ŋa, Domi Ilaaɔ̃ mɔ á nɛ araare nŋa.
23311	MAT 5:8	Ilu inɔ didɔ̃ ŋai inɛ ŋa iyi idɔ nŋa í má, Domi aa yɛ Ilaaɔ̃.
23312	MAT 5:9	Ilu inɔ didɔ̃ ŋai inɛ ŋa iyi à waa ce icɛi laakai ku sũ, Domi Ilaaɔ̃ á kpe ŋa amaɛ ŋa.
23313	MAT 5:10	Ilu inɔ didɔ̃ ŋai inɛ ŋa iyi à kpã ŋa iju si na iyi í jɔ̀ à waa ce mii iyi Ilaaɔ̃ í bee ŋa, Domi aŋai à jɛ inɛi bommai Ilaaɔ̃ ŋa.
23364	MAT 6:13	Maà ti i jɔ̀ ka dasi kulɛlɛ, Amma nya wa hai si awɔi Seetam. [Domi awɔi ì nɛ bomma do ɡbuɡbã do amboe hee do ajɔ fei. Ami.]
23377	MAT 6:26	I cɔ yɛi ŋa iyi à waa fo lele. A kù waa ɡbɛ̃ hee a da nɡɔɡɔ a dasi suu. Do nŋu fei, Baa nŋɛ iyi í wa lele wa wo ŋa. I kù mà ŋa iyi bɛɛrɛ nŋɛ í re ti yɛi ŋau bɛ?
23396	MAT 7:11	Debɛi, bii iŋɛ iyi ì ya ce laalɔ ŋa ì mà mii jiida ku na ama nŋɛ ŋa, ì waa tamaa mà Baa nŋɛ iyi í wa lele kaa yɔkɔ ku mua inɛ ŋa iyi à waa tɔɔɛ mii jiida ku re bɛɛbɛ ŋa?
23475	MAT 9:27	Nɔ Jesu í nɛ hai bɛ. Si isɛɛnɛɛu fɛɛju minji ɡɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.
23515	MAT 10:29	A ci ya ta ama yɛi minji súù akã ba. Do nŋu fei, Ilaaɔ̃ wa mà baani nŋa. Baa akã nŋa ci ya nɔ ku ku iyi kù jɛ do kumàsiɛ.
23547	MAT 11:19	Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo ɡba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.
23561	MAT 12:3	Amma Jesu í jɛ nŋa í ni, i kù cio mii iyi Davidi í ce si waati iyi ari wa kpa nŋu do inɛɛ ŋa?
23563	MAT 12:5	Mà i kù cioɛ si tiai woodai Moizi ŋa iyi si ajɔi kusĩmi woo wee ŋa iyi à ya nɛ icɛ si kpasɛ̃i Ilaaɔ̃ a kù waa jirima ajɔi kusĩmi? Do nŋu fei, a kù jɛ ilu taale ŋa.
23581	MAT 12:23	Nɔ zamaau fei í biti à waa ni, debɛi, á jɛ tɔkui Davidiu mbɛ.
23585	MAT 12:27	Bii í jɛ do ɡbuɡbãi Bɛɛlizebuui ǹ wa n leleò inɛi inɔɔko ŋa, to, do ɡbuɡbãi yooi mɔcɔ nŋɛ ŋa mɔ à waa leleò ŋa. Debɛi aŋa taka nŋa aa yɛ taale nŋɛ.
23643	MAT 13:35	Bɛɛbɛi idei inɛ akãi walii ŋau í ce iyi í ni, Ilaaɔ̃ í ni, Do mɔndai an ya n sɔ̃ ŋa ide, Nɔ si bantumai an fɔ mii iyi wa manji hai waati iyi ǹ taka andunya.
23646	MAT 13:38	Ilɛui í jɛ andunya. Dimi jiidau mɔ, nŋui í jɛ inɛi bommai Ilaaɔ̃ ŋa. Fɔfɔ laalɔu nŋui í jɛ inɛi Seetam ŋa.
23675	MAT 14:9	Ŋɔi inɔi ilaaluu í fɔ. Do nŋu fei í jɛsi nɔ í ni a koo a bu irii Zãau wa a naa a náa. Í jɛsii si na iyi í jɔ̀ í ɡbasi tã do mii fei si wajui inɛ njooɛ ŋau.
23710	MAT 15:8	Inɛ ŋau ihɛ̃ à waa jirimam nii Do ɡɛlɛ nŋu akã. Amma idɔ nŋa í jĩim.
23724	MAT 15:22	Inaaboi ilɛi Kanaã ɡɔ iyi í wa bɛ í naa bi tɛɛ nɔ í dɔ̃ anu í ni, Lafɛ̃ɛ, tɔkui Davidi amanlu nlau, ce araarem. Ama inaabom í nɛ inɛi inɔɔko, nɔ wa kpãa iju ntɔ ntɔ.
23891	MAT 20:30	Wee fɛɛju minji ɡɔ ŋa à waa buba itĩ kpãa bɛ, nɔ à ɡbɔ iyi Jesu wa lɔ. Ŋɔi à dɔ̃ anu à maa ni, Lafɛ̃ɛ, tɔkui ilaalu Davidi, ce araare nwa.
23892	MAT 20:31	Nɔ zamaau wa la si ŋa wa ni a coko. Amma bɛ́i à waa ni a cokou, bɛɛbɛ mɔi à ya dɔ̃ anu hee lele à maa ni, Lafɛ̃ɛ, tɔkui Davidi, ce araare nwa.
23904	MAT 21:9	Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, tɔkui Davidi, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ka saabu Ilaaɔ̃ hee lele .
23910	MAT 21:15	Amma inɛ nɡboi woo weei Ilaaɔ̃ ŋa do woo kɔ inɛ ŋa si wooda ŋau, idɔ nŋa í kɔ̃ iyi à yɛ maamaake ŋa iyi í ce, nɔ à ɡbɔ amu ŋa à wasi ku dɔ̃ anu à waa ni, tɔkui ilaalu Davidi, à waa saabuɛ.
23918	MAT 21:23	Ŋɔi Jesu í to Zeruzalɛmu nɔ í bɔ bantumai kpasɛ̃i Ilaaɔ̃ má wa kɔ inɛ ŋa si cio. Ŋɔi inɛ nɡboi woo weei Ilaaɔ̃ ŋa do inɛ nɡbo ŋa à naa bi tɛɛ, à beeɛ à ni, mii ŋa iyi ì waa ceu ihɛ̃, yooi í naɛ kpãa iyi ì waa cooò. Do yiikoi yooi ì waa cooò.
23931	MAT 21:36	Nɔ ilu ilɛu í bɛ si ŋa amaacɛ ɡɔ ŋa wa má. Inɛ nŋu ŋa à kpɔ à re baa inɛi tako ŋau. Do nŋu fei, à ce nŋa bɛi à cea inɛi tako ŋau.
23983	MAT 22:42	í ni, bɛirei ì waa lasabu si idei inɛ iyi Ilaaɔ̃ í cica ŋa. Tɔkui yooi í jɛ. Ŋɔi à jɛaa à ni, tɔkui ilaalu Davidii.
23984	MAT 22:43	Nɔ Jesu í bee ŋa í ni, bii bɛɛbɛi, bɛirei í ce Davidi wa kpoo Lafɛ̃ɛ waati iyi í fɔ do ɡbuɡbãi Hundei Ilaaɔ̃ í ni,
23986	MAT 22:45	Nɔ Jesu í ni má, to, bii Davidi wa kpoo Lafɛ̃ɛɛ, bɛirei á ce ku jɛ tɔkuɛ má.
24033	MAT 24:7	Dimi ɡɔ ŋa aa ya na a maa ja do dimi mmu ŋa. Ilaalu ɡɔ ŋa mɔ aa maa ja do ilaalu mmu ŋa. Nɔ ilɛ á yaya si ilu ɡɔ ŋa, nɔ ari á ce.
24035	MAT 24:9	Si waati nŋu, aa dasi ŋɛ si awɔi inɛ ŋa a kpã ŋɛ iju, aa kpa ŋɛ mɔm. Dimi fei á cé ŋɛi na irim.
24041	MAT 24:15	Jesu í ni, walii Daniɛli í fɔ idei mii laalɔ ɡɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku ɡbɔɔ sãa sãa.
24109	MAT 25:32	Dimii andunya fei á tɔtɔɔ si wajum, nɔ an fɛɛfɛ inɛ ŋa bɛi woo deɡbe í ya fɛɛfɛ anɡudã do iwo ŋa.
24241	MAT 27:43	Í dasi Ilaaɔ̃ naanɛ nɔ í ni nŋu Amai Ilaaɔ̃i. Debɛi, bii Ilaaɔ̃ í nɛ kubiɛ ntɔ ntɔi ku faabaɛ.
24319	MRK 1:35	Daadaakɔu, hee inya ku maa má, Jesu í dede í fita hai kpasɛ̃u í bɔ si ɡbabua ɡɔ, í koo í ce kutɔɔ bɛ.
24329	MRK 1:45	Do nŋu fei inɛɛu, iyi í nɛ, í koo í wasi ku sisi ideu bantuma hee lele, nŋui í jɔ̀ Jesu kù yɔkɔ ku lɔ si inɔ ilu do ɡaaze má. I ya maa mu araɛi anɡule si ɡbabua ŋa. Nɔ inɛ ŋa a ya maa koo bi tɛɛ bɛ hai bii fei.
24354	MRK 2:25	Nɔ í jɛ nŋa í ni, i kù cio ajɔ kãma ŋa mii iyi Davidi í ce si waati iyi í wa si wahala nɔ ari wa kpa nŋu do inɛɛ ŋa?
24355	MRK 2:26	Í lɔ kpasɛ̃i Ilaaɔ̃ nɔ í jɛ pɛ̃ɛ iyi à jilɛa Ilaaɔ̃ iyi à ɡanji inɛ fei ku jɛ bii kù jɛ woo weei Ilaaɔ̃ ŋa aŋa akã. Amma Davidi í so pɛ̃ɛu nɔ í na do inɛɛ ŋa fei à jɛ. Waati bɛɛbɛ Abiatai wa jɛ woo wee nlau.
24386	MRK 3:29	Amma inɛ iyi á bu Hundei Ilaaɔ̃, Ilaaɔ̃ kaa kpa idei dulum dii lafɛ̃ɛ ajɔ kãma. Dulum dɛɛu á maa wɛɛai hee do ajɔ fei.
24400	MRK 4:8	Nɔ ɡɔɡɔ ŋa mɔ à cuku si ilɛ jiida. Ŋɔi à fita à la, à bí jiida. Dimi ɡɔ ŋa à so kuntaa, ɡɔɡɔ ŋa mɔ kita, ɡɔɡɔ ŋa mɔ cĩɔ.
24422	MRK 4:30	Ŋɔi Jesu í fɔ má í ni, mii aa ka wãò bommai Ilaaɔ̃. Do mɔnda yoomai aa ka sisiò yaaseɛ.
24425	MRK 4:33	Do mɔnda nkpɔ bɛɛbɛi Jesu í kɔ inɛ ŋa si cio, zaka bɛi à yɔkɔ à ɡbɔɔ.
24478	MRK 6:2	Iyi ajɔi kusĩmi í naa ŋɔi í lɔsi ku sisia inɛ ŋa ide ile bii Zuifu ŋa à ya ce kutɔtɔɔu. Ŋɔi inɛ nkpɔ nkpɔ í ɡbɔ ideu nɔ à biti à waa ni, hai iwoi nŋu í ba dimii lasabu jiidau bɛ. Dimii bisi yoomai à mua nŋu. Bɛirei í ce wa ce dimii maamaakeu ihɛ̃.
24492	MRK 6:16	Amma iyi Herodu í ɡbɔ ideu ŋɔi í ni, Zãa woo dasi inyiui. Ǹ jɔ̀ à bu iriɛ wo. Debɛi nŋui í jĩ hai si balɛ.
24497	MRK 6:21	Do nŋu fei, ajɔ nŋu ɡɔ Herodiasi í ba kpãaɛ. Ajɔ nŋu Herodu í nya jinɡau nla nla ku yeò ɡiɡii ajɔi kubíɛ. Ŋɔi í kpe akawe nlaɛ ŋa do inɛ nɡboi sooɡeɛ ŋa, do inɛ nɡboi ilɛi Galilee ŋa fei.
24539	MRK 7:7	Kutɔɔ iyi à waa ceem nɡbɛi, Domi woodai amanɛ ŋai à waa kɔ inɛ ŋa si nɔ à waa ni woodam nii.”
24541	MRK 7:9	Do ntɔ í waa kpa woodai Ilaaɔ̃ ŋai ku ba i sãsi dedemba nŋɛ ŋa.
24579	MRK 8:10	Ŋɔi ɡbakã í koo í lɔ akɔi inyiu do mɔcɔɛ ŋa à bɔ ikpa Daamanuta.
24647	MRK 9:40	Do ntɔ, inɛ iyi kù jɛ mbɛɛ nwa inɛ nwai.
24671	MRK 10:14	Iyi Jesu í yɛ mii iyi à waa ceu, ŋɔi idɔɛ í kɔ̃, í sɔ̃ ŋa í ni, i jɔ̀ amu ŋau a naa bi tom, i maà ɡanji ŋa. Domi Ilaaɔ̃ í jɛ ilaalui inɛ ŋa iyi à jɔ ŋa.
24704	MRK 10:47	Iyi í ɡbɔ à ni Jesu inɛi Nazarɛtiui wa lɔ, ŋɔi í wasi ku dɔ̃ anu wa ni, Jesu, tɔkui Davidi, ce araarem.
24705	MRK 10:48	Nɔ inɛ nkpɔ wa la siɛ à waa ni ku coko. Amma bɛ́i à waa ni ku cokou, bɛɛbɛ mɔi í ya dɔ̃ anu hee lele ku maa ni, tɔkui Davidi, ce araarem.
24719	MRK 11:10	Ilaaɔ̃ ku weea bomma iyi wa naa. Ku weea bommai Davidi, bala nwa. Ka saabu Ilaaɔ̃ hee lele.
24737	MRK 11:28	à beeɛ à ni, mii ŋa iyi ì waa ceu ihɛ̃, yooi í naɛ kpãa iyi ì waa cooò. Do yiikoi yooi ì waa cooò.
24769	MRK 12:27	Bii Ilaaɔ̃ í ni nŋu í jɛ Lafɛ̃ɛi inɛ ɡɔ ŋa iyi à kú, iyi bɛ wa nyisi iyi inɛ ŋau à wɛɛ baa bii à ku. Ntɔ ntɔ, Ilaaɔ̃ kù jɛ Lafɛ̃ɛi iku ŋa, Lafɛ̃ɛi inɛ ŋa iyi à wɛɛi. Debɛi i kù yɛ iyi ì wa si kurara nla nla ŋa?
24777	MRK 12:35	Si anyii nŋu, Jesu í wasi ku kɔa inɛ ŋa si cio inɔ bantumai kpasɛ̃i Ilaaɔ̃ nɔ í bee ŋa í ni, bɛirei í ce woo kɔ inɛ ŋa si wooda ŋau à ni inɛ iyi Ilaaɔ̃ í cicau tɔkui ilaalu Davidii.
24778	MRK 12:36	Davidi takaɛ í fɔ do ɡbuɡbãi Hundei Ilaaɔ̃ í ni, Aɔ̃ Lafɛ̃ɛ í sɔ̃ Lafɛ̃ɛm í ni, Buba si awɔ njɛm, Hee n ce mbɛɛɛ ŋa bi ku lesi isɛɛ.
24779	MRK 12:37	Nɔ Jesu í ni má, to, bii Davidi takaɛ wa kpoo Lafɛ̃ɛ, bɛirei á ce ku jɛ tɔkuɛ má. Nɔ zamaa nkpɔ ɡɔ wa ɡbɔ idei Jesu do inɔ didɔ̃.
24794	MRK 13:8	Dimi ɡɔ ŋa aa ya na a maa ja do dimi mmu ŋa, nɔ ilaalu ɡɔ ŋa mɔ aa maa ja do ilaalu mmu ŋa. Nɔ ilɛ á yaya si ilu ɡɔ ŋa, nɔ ari á ce. Nŋu bɛ á yɛi bɛi ara kuro sintei bãasĩ ku bɛi ku bí.
24844	MRK 14:21	Do ntɔ amu Amai Amanɛ an ku si bɛi kukɔi idei Ilaaɔ̃ wa fɔ. Amma inɛ iyi á zambam á yɛ ijuukpã nla nla. Á tiaa inɛɛu bii í jɛ a kù búu mɔm wo.
24860	MRK 14:37	Si anyiɛ ŋɔi í nyi wa bi mɔcɔ mɛɛta ŋau í ba ŋa à waa sĩ njoo. Ŋɔi í bee Piɛɛ í ni, Simɔɔ, ì waa sĩ njooi? Debɛi, i kù yɔkɔ i kù wɔ njoo baa lɛɛu akã?
24920	MRK 15:25	Daakɔ zakai bɛi isɔ mɛɛsãi à kpakpaɛ si jĩi nɔu.
24989	LUK 1:27	Í bɔɔi bi mudɛ̃ɛ ɡɔ iyi kù mà mɔkɔ, amma à mua awaasũ ɡɔ iyi à ya kpe Zozɛfu, si dimii ilaalu Davidi. Irii mudɛ̃ɛui í jɛ Maari.
24994	LUK 1:32	Á na ku jɛ inɛ nla. Amai Ilaaɔ̃i aa ya kpoo, nŋu iyi kù nɛ saa. Aɔ̃ Lafɛ̃ɛ á coo ilaalu, á náa bommai Davidi balaɛ.
25011	LUK 1:49	Domi Ilaaɔ̃, ilu ɡbuɡbã fei í ceem mii nla nla. Iriɛ í má.
25031	LUK 1:69	Nɔ í naa nwa Woo faaba ilu ɡbuɡbã wa si nyaanzei ilaalu Davidi amaacɛɛu,
25033	LUK 1:71	Nŋui á faaba wa hai si awɔi mbɛɛ nwa ŋa, Do hai bi inɛ ŋa iyi à cé wa fei.
25038	LUK 1:76	Nɔ awɔ amam, aa kpeɛ waliii Ilaaɔ̃, nŋu iyi kù nɛ saa, Domi aa cuaa Lafɛ̃ɛ i maa teesea kpãa,
25046	LUK 2:4	Ŋɔi Zozɛfu mɔ í nɛ hai Nazarɛti si ilɛi Galilee, í bɔ ilɛi Zudee si ilui Davidi iyi à ya kpe Betelehɛmu, domi nŋu mɔ nyaanzei Davidii wa jɛ.
25053	LUK 2:11	Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.
25072	LUK 2:30	Domi ijum í yɛ faabaɛ,
25079	LUK 2:37	nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.
25112	LUK 3:18	Do faaji nkpɔ ɡɔ ŋa mɔi Zãa wa ceaò inɛ ŋa waazoi laabaau jiidau.
25125	LUK 3:31	do Melea do Mɛna do Matata do Natãa do Davidi,
25158	LUK 4:26	Do nŋu fei, Ilaaɔ̃ kù bɛ Elii walii nlau bi kãma nŋa bii kù jɛ bi jãaɔ̃ ɡɔ í wa Sarɛputa si ilɛi Sidɔ̃ɔ .
25159	LUK 4:27	Nɔ dintɛ nkpɔ mɔi í wɛɛ wo si ilɛi Izirɛli si waatii Elizee waliiu. Do nŋu fei, kù jɔ̀ ɡɔɡɔ nŋa ɡɔ ku ba iri, bii kù jɛ Naama inɛi ilɛi Siriu.
25191	LUK 5:15	Do nŋu fei, iriɛ í fanɡaa wa kɔ̃ɔsi, nɔ zamaa nkpɔ nkpɔ í ya maa tɔtɔɔ bi tɛɛ ku ba a ɡbɔ ideɛ nɔ ku ba a ba iri si bɔ̃ɔ nŋa ŋa.
25218	LUK 6:3	Ŋɔi Jesu í bee ŋa í ni, i kù cio mii iyi Davidi í ce, nŋu do inɛɛ ŋa, si waati iyi ari wa kpa ŋau?
25246	LUK 6:31	Dimi iyi ì bi inɛ ŋa a ce nŋɛ, iŋɛ mɔ i ce nŋa dimi nŋu.
25299	LUK 7:35	Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.
25325	LUK 8:11	Yaasei mɔndau wee. Dimiu, idei Ilaaɔ̃i.
25379	LUK 9:9	Nɔ Herodu í ni, ǹ jɔ̀ à bu irii Zãa. Debɛi, inɛ ihɛ̃ iyi ǹ ya maa n ɡbɔ baauɛ iyi wa ce dimii mii ŋau bɛ, yooi. Ŋɔi wa dɛ ku yɔɔ.
25443	LUK 10:11	wee à waa ɡbuɡbã nŋɛ hee do irùrùi ilu nŋɛ iyi í wa si kutɛ nwa. Do nŋu fei, i mà ŋa iyi bommai Ilaaɔ̃ í maai wa.
25452	LUK 10:20	Do nŋu fei, i maà jɔ̀ inɔ nŋɛ ku dɔ̃ na iyi í jɔ̀ inɛi inɔɔko ŋau à waa jirima ŋɛ, amma i jɔ̀ inɔ nŋɛ ku dɔ̃ si na iyi í jɔ̀ à kɔ iri nŋɛ lelei Aɔ̃.
25516	LUK 11:42	Amma ijuukpãi á jɛ tu ŋɛ, iŋɛ Farisi ŋa, si na iyi í jɔ̀ ì ya na Ilaaɔ̃ hee do zakaai ayɛ ŋa fei. Do nŋu fei, i kù waa ce jiida nɔ i kù waa nyisi kubii Ilaaɔ̃ ŋa. Iyi bɛi í jɔ i ya ce nɔ i maà ɡbɛjɛ iyi í ɡbe ŋa.
25534	LUK 12:6	A ci ya ta ama yɛi ara miu súù minji ba. Do nŋu fei, Ilaaɔ̃ ci ya ɡbɛjɛ baa akã nŋa.
25555	LUK 12:27	I cɔ bɛi wua ŋa à ya da koko mɛɛ. A kù waa ce icɛ a ci ya nɔ a wɔ̃ acɔ. Do nŋu fei, ǹ wa n sɔ̃ ŋɛi, baa Salomɔɔ ilaalu nlau, do amboe nla nlaɛ fei kù nɛ jĩnɛ iyi boodaɛ í to kokoi jĩi ŋau bɛ baa akã.
25591	LUK 13:4	Ì waa ye ɡiɡii amanɛ maatũ do mɛɛta ŋa iyi ile ku ɡbokai Siloe í cuku í bata í kpau ŋa? Debɛi, ì waa tamaa kurara nŋai í re ti inɛi Zeruzalɛmu ŋa iyi à ɡbe fei ŋa?
25594	LUK 13:7	Ŋɔi í sɔ̃ woo ce icɛɛ í ni, adɔ̃ mɛɛta wai ihɛ̃ bɛbɛi iyi bii ǹ naa isoi jĩi nɔu ihɛ̃ ku ka n ci ya n ba. Daa i nyɔɔi. Na mii í ce á maa ɡba nwa inya nɡbɛ.