23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23233	MAT 1:20	Si bɛi wa lasabu bɛɛbɛ ŋɔi amalekai Aɔ̃ Lafɛ̃ɛ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muɛu. Dasiɛ kpasɛ̃. Asĩ iyi í nɛu bɛ, do ɡbuɡbãi Hundei Ilaaɔ̃i.
23239	MAT 2:1	À bí Jesui Betelehɛmu si ilɛi Zudee si waatii amanlu Herodu. Si anyii kubíɛ woo mà yaasei andaiya ɡɔ ŋa à naa Zeruzalɛmu hai nunui daakɔ,
23240	MAT 2:2	nɔ à bee à ni, iwoi ilaalui Zuifu ŋa iyi à bí nsɛiu í wa. Hai nunui daakɔi à yɛ andaiyaɛ í fita, ŋɔi à naa ku tɔɔɛ.
23241	MAT 2:3	Iyi amanlu Herodu í ɡbɔ ideu, ŋɔi inɔɛ í fɔ, bɛɛbɛ mɔi inɛi Zeruzalɛmu ŋau fei inɔ nŋa í fɔ.
23245	MAT 2:7	Ŋɔi Herodu í jɔ̀ à kpe woo mà ŋau do asii, í bee ŋa si waati iyi andaiyau í fita dee dee. Nɔ à sɔ̃ɔ.
23250	MAT 2:12	Si anyiɛ Ilaaɔ̃ í sɔ̃ ŋa si ala í ni a maà nyi bi amanlu Herodu má. Nɔ à too kpãa mmu à nɛò ilɛi ide nŋa.
23251	MAT 2:13	Iyi woo mà ŋau à to anyi à nɛ, nɔ amalekai Aɔ̃ Lafɛ̃ɛ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.
23253	MAT 2:15	Bɛi à buba hee Herodu í koo í ku. Iyi bɛ í cei ku ba ide iyi Aɔ̃ Lafɛ̃ɛ í sɔ̃ waliiɛ ku sisia inɛ ŋau ku kɔ̃, si bɛi í ni, hai Ezibitii ǹ kpe amam wa.
23254	MAT 2:16	Ŋɔi amanlu Herodu í yɛ iyi woo mà andaiya ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ andaiyau í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.
23257	MAT 2:19	Si anyiɛ Herodu í naa í ku, ŋɔi amalekai Aɔ̃ Lafɛ̃ɛ í naa bi Zozɛfu si ala ilɛi Ezibiti bɛ,
23260	MAT 2:22	Amma í ɡbɔ iyi Aakelausii í jɛ bommai baaɛ Herodu si ilɛi Zudeeu, ŋɔi wa ce njoi ku bɔ ku buba bɛ. Nɔ Ilaaɔ̃ í sɔ̃ɔ si ala má í ni ku bɔ ilɛi Galilee. Ŋɔi í tekĩ í bɔ Galilee si bɛi Ilaaɔ̃ í sɔ̃ɔ.
23272	MAT 3:11	Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ ɡɔ á na ku naa si anyim. Í rem do ɡbuɡbã ntɔ ntɔ, n kù to baa ǹ bɔ baataɛ. Nŋui á da nŋɛ si Hundei Ilaaɔ̃ do ina.
23277	MAT 3:16	Iyi í dasi Jesu inyi í tã, bɛ ɡbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ Zãa í yɛ Hundei Ilaaɔ̃ wa de siɛ wa bɛi ankasiidi.
23279	MAT 4:1	Si anyii nŋu, ŋɔi Hundei Ilaaɔ̃ í bɔò Jesu si ɡbabua ku ba Seetam ku lɛlɛɛ.
23295	MAT 4:17	Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.
23383	MAT 6:32	Hai mà idei Ilaaɔ̃ ŋai à ya maa kpataa mii ŋau bɛ fei, amma Baa nŋɛ iyi í wa lele í mà iyi ì nɛ bukaatai mii ŋau bɛ fei ŋa.
23433	MAT 8:19	Hee a maa nɛ ŋɔi woo kɔ inɛ ŋa si wooda ɡɔ í naa bi tɛɛ nɔ í ni, Mɛɛtu, an tooɛ bii ì waa bɔ fei.
23506	MAT 10:20	Nɔ ide iyi aa fɔ ŋa kaa jɛ ide nŋɛ, á naai hai bi Hundei Ilaaɔ̃ Baa nŋɛ iyi í wa si ŋɛ.
23540	MAT 11:12	Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do ɡbuɡbã, nɔ ilu ɡbuɡbã ŋai à ya baa .
23576	MAT 12:18	Ilaaɔ̃ í ni, Woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, Nɔ ku sisia dimi fei dee dee ku jɛm.
23578	MAT 12:20	Kaa tambɔ ama jĩi iyi í kɔmba wa bi ku cɛ, Nɔ kaa kpa fitila iyi inya kumáɛ kù la, Hee waati koo to si bii á jɔ̀ dee dee ku jɛm ku kãmia inɛ fei,
23586	MAT 12:28	Amma bii do ɡbuɡbãi Hundei Ilaaɔ̃i ǹ wa n leleò inɛi inɔɔko ŋau, nŋu bɛ wa nyisi iyi Ilaaɔ̃ í sinti ku jɛ bommaɛ si anini nŋɛ.
23589	MAT 12:31	Na ŋɔi í ce ǹ wa n sɔ̃ ŋɛ, Ilaaɔ̃ á yɔkɔ ku kpa idei dulum do arabu fei. Amma inɛ iyi wa bu Hundei Ilaaɔ̃, kaa ba a kpa idei dulum dɛɛ pai.
23590	MAT 12:32	Bii amanɛ wa fɔ laalɔi Amai Amanɛ Ilaaɔ̃ á yɔkɔ ku kpa idei dulum dɛɛ. Amma inɛ iyi wa fɔ taalei Hundei Ilaaɔ̃ kaa ba a kpa idei dulum ndɛɛ hai nnyi hee do ala fei.
23667	MAT 14:1	Si waati bɛɛbɛi Herodu, ilaalui Galileeu í ɡbɔ laabaaui Jesu.
23669	MAT 14:3	Mii iyi í jɔ̀ Herodu í fɔ bɛɛbe wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i ɡba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiu í jɔ̀ Herodu í ni a muu a dũu a dasiɛ piisɔ̃ɔ.
23671	MAT 14:5	Nɔ Herodu wa bi ku kpaa, amma wa ce njoi inɛ ŋa si na iyi í jɔ̀ aŋa fei à ni Zãa waliii.
23672	MAT 14:6	Ŋɔi ajɔ í naa í to bii Herodu wa ce jinɡau ku yeò ɡiɡii ajɔi kubiɛ. Nɔ ama inaaboi Herodiasi wa jojo si wajui inɛ ŋa iyi à kpe ku jɛu. Ŋɔi í dɔ̃a Herodu si jiida jiida
23709	MAT 15:7	Iŋɛu ilu muafiti ŋai. Hai tako Ezai í ce waliiɛi dee dee na iri nŋɛ waati iyi í kɔ si tiaɛ í ni, Ilaaɔ̃ í ni,
23762	MAT 16:21	Hai waati bɛɛbɛi Jesu í sinti ku sɔ̃ mɔcɔɛ ŋa í ni tilasii nŋu ku bɔ Zeruzalɛmu. Tenɡi bɛi inɛ nɡbo ŋa do inɛ nɡboi woo weei Ilaaɔ̃ ŋa do woo kɔ inɛ ŋa si wooda ŋa aa kpã nŋu iju. Aa kpa nŋu, amma si ajɔ mɛɛtasia nŋu á jĩ má hai si balɛ.
23794	MAT 17:25	Nɔ Piɛɛ í ni, áá, í ya sã. Ŋɔi Piɛɛ í nɛ kpasɛ̃. Iyi í lɔ ile nɔ Jesu í tako í beeɛ í ni, Simɔɔ, bɛirei ì waa lasabu. Ilaalui andunya ŋau ihɛ̃, hai bi yooi à ya ɡba fiai lɛmpoo. Hai bi amaalu ŋa de, mà hai bi inɛ njoo ŋa.
23817	MAT 18:21	Ŋɔi Piɛɛ í bɔ bi Jesu í beeɛ í ni, Lafɛ̃ɛ, bii kpaasim í ceem kurara isɛ fɛloi an ceaa suuru. Hee isɛ ɡbɛɛje?
23920	MAT 21:25	Hai iwoi Zãa í ba yiiko iyi í dasiò inɛ ŋa inyi. Hai bi Ilaaɔ̃ de, mà hai bi amanɛ ŋa. Ŋɔi à busi njɛ à waa ni, bɛirei aa ka jɛaa. Nsɛi nɔɔ, bii à jɛaa à ni Ilaaɔ̃i, á bee wa na mii í ce a kù dasi Zãa naanɛ.
23957	MAT 22:16	Ŋɔi à bɛ mɔcɔ nŋa ɡɔ ŋa do inɛi Herodu ɡɔ ŋa bi tɛɛ. Iyi à to ŋɔi à ni, Mɛɛtu, à mà iyi ì ya fɔ ntɔ, nɔ ì waa kɔ inɛ ŋa si idei Ilaaɔ̃ do ntɔ. Bɛɛbɛ mɔi i kù waa ce njoi inɛ ɡɔ, domi i ci ya cɔ ijui amanɛ ŋa.
23984	MAT 22:43	Nɔ Jesu í bee ŋa í ni, bii bɛɛbɛi, bɛirei í ce Davidi wa kpoo Lafɛ̃ɛ waati iyi í fɔ do ɡbuɡbãi Hundei Ilaaɔ̃ í ni,
23985	MAT 22:44	Aɔ̃ Lafɛ̃ɛ í sɔ̃ Lafɛ̃ɛm í ni, Buba si awɔ njɛm ihɛ̃ Hee n ce mbɛɛɛ ŋa bi ku lesi isɛɛ.
24064	MAT 24:38	Hee kukɔ̃i inyi nlau ku maa naa, inɛ ŋa à waa jɛ, à waa mɔ, à waa ce abɔdɔ̃ ŋa, à waa mua ama nŋa ŋa mɔkɔ hee í koo í to si ajɔ iyi Nowee í koo í lɔò akɔi inyiu.
24083	MAT 25:6	Hee zakai laja ŋɔi à ɡbɔ anu ku dɔ̃i inɛ ŋa. À waa ni, mɔkɔ titɔ̃u wee wa to wa, i dede ka kòo.
24085	MAT 25:8	Hai nɛ laakai ŋau à tɔɔ inɛ ihɔ̃ ŋau à ni, i mu nwa ikpo domi fitila nwa ŋa à waa ku.
24139	MAT 26:16	Hai waati bɛɛbɛi, Zudasi wa dɛ kpãa bɛ́i á ce ku zambaò Jesu ku na inɛ ŋau.
24172	MAT 26:49	Hai Zudasi í to wa ɡbakã, í sɛkɛɛi si Jesu í ni, irei ì caalɛ, Mɛɛtu. Nɔ í baabaɛ.
24283	MAT 28:19	Na nŋu, i koo si dimi fei, i ce ŋa mɔcɔm ŋa. Nɔ i dasi ŋa inyi do irii Baaba do ti Ama do ti Hundei Ilaaɔ̃.
24292	MRK 1:8	Amu ǹ dasi ŋɛ inyi, amma njɛ Hundei Ilaaɔ̃i á da nŋɛ si.
24294	MRK 1:10	Waati iyi Jesu wa fita wa hai si inyiu ɡbakã ŋɔi í ba lelei Aɔ̃ í cĩ. Nɔ Hundei Ilaaɔ̃ í de siɛ wa bɛi ankasiidi.
24296	MRK 1:12	Ŋɔi ɡbakã, Hundeu í tale siɛ ɡbabua.
24363	MRK 3:6	Na nŋu, Farisi ŋau à fita hai ileu bɛ. Nɔ à tɔtɔɔ do inɛi Herodu ŋa. À waa busi njɛ bɛi aa ce a kpaò Jesu.
24386	MRK 3:29	Amma inɛ iyi á bu Hundei Ilaaɔ̃, Ilaaɔ̃ kaa kpa idei dulum dii lafɛ̃ɛ ajɔ kãma. Dulum dɛɛu á maa wɛɛai hee do ajɔ fei.
24490	MRK 6:14	Ilaalu Herodu í ɡbɔ baaui Jesu, si na iyi í jɔ̀ iriɛ í fanɡaa bii fei. Nɔ inɛ ɡɔ ŋa à nia Jesu, Zãa woo dasi inyiui í jĩ hai si balɛ. Na ŋɔi í jɔ̀ í nɛ ɡbuɡbã wa ceò maamaake.
24492	MRK 6:16	Amma iyi Herodu í ɡbɔ ideu ŋɔi í ni, Zãa woo dasi inyiui. Ǹ jɔ̀ à bu iriɛ wo. Debɛi nŋui í jĩ hai si balɛ.
24493	MRK 6:17	Mii iyi í jɔ̀ Herodu wa fɔ bɛɛbɛ wee. Hai tako Herodu takaɛ í ni a mu Zãa a dũu a dasiɛ piisɔ̃ɔ na ku tũò idɔi Herodiasi. Wee Herodu í tako í so Herodiasi aboi Filipu, ifɔɛ.
24495	MRK 6:19	Na ŋɔi í jɔ̀ Herodiasi wa mu Zãa do idɔɔkɔ̃. Wa bi ku kpaa amma kù ba kpãa
24496	MRK 6:20	si na iyi í jɔ̀ Herodu í mà bɛɛrɛi Zãa. Bii wa ɡbɔ ideɛ idɔɛ í ya dedei, amma do nŋu fei í ya bi nŋu ku ɡbɔɔ. Í mà iyi amanɛ dee deei nɔ kuwɛɛɛ kù nɛ taale kãma. Na ŋɔi í jɔ̀ í bii anyiɛ.
24497	MRK 6:21	Do nŋu fei, ajɔ nŋu ɡɔ Herodiasi í ba kpãaɛ. Ajɔ nŋu Herodu í nya jinɡau nla nla ku yeò ɡiɡii ajɔi kubíɛ. Ŋɔi í kpe akawe nlaɛ ŋa do inɛ nɡboi sooɡeɛ ŋa, do inɛ nɡboi ilɛi Galilee ŋa fei.
24498	MRK 6:22	Ŋɔi ama inaaboi Herodiasi í lɔ ileu wa jojo, ŋɔi í dɔ̃a Herodu si do inɛɛ ŋa iyi í kpe wa ŋau fei. Ŋɔi Herodu í sɔ̃ mudɛ̃ɛu í ni, tɔɔm mii iyi ì bi fei, an muuɛ.
24584	MRK 8:15	Ŋɔi Jesu í sɔ̃ ŋa í ni, i ce laakai i nya ara nŋɛ hai bi lefeei Farisi ŋa do ti inɛi Herodu ŋa.
24739	MRK 11:30	Hai iwoi Zãa í ba yiiko iyi í dasiò inɛ ŋa inyi. Hai bi Ilaaɔ̃ de, ma hai bi amanɛ ŋa. I jɛɛm ŋa.
24755	MRK 12:13	Ŋɔi inɛ nɡboi Zuifu ŋau à bɛ Farisi ɡɔ ŋa do inɛi Herodu ɡɔ ŋa bi Jesu a koo a lea taai ide.
24778	MRK 12:36	Davidi takaɛ í fɔ do ɡbuɡbãi Hundei Ilaaɔ̃ í ni, Aɔ̃ Lafɛ̃ɛ í sɔ̃ Lafɛ̃ɛm í ni, Buba si awɔ njɛm, Hee n ce mbɛɛɛ ŋa bi ku lesi isɛɛ.
24797	MRK 13:11	Waati iyi à mu ŋɛ à waa bɔ ku na woo ce kiiti ŋau, i maà ti i biti do ide iyi aa fɔ ŋa, amma bii awaatiu í to i fɔ ide iyi í naa nŋɛ si idɔ. Nɔ ide ŋa iyi aa fɔ ŋa kaa jɛ ide nŋɛ, Hundei Ilaaɔ̃i á fɔɔ.
24868	MRK 14:45	Hai Zudasi í to wa ɡbakã, í sɛkɛɛ si Jesu í ni, Mɛɛtu. Ŋɔi í baabaɛ.
24967	LUK 1:5	Si waati iyi Herodu í jɛ ilaalui Zudee, woo weei Ilaaɔ̃ ɡɔ í wa bɛ à ya kpoo Zakari. Si wuai woo weei Ilaaɔ̃ ŋa iyi í jɛ ti Abiai í wa. Aboɛi à ya kpe Elizabɛti. Si dimii Arɔ̃ɔ iyi í jɛ woo wee nla sintei Ilaaɔ̃ui í wa.
24977	LUK 1:15	si na iyi í jɔ̀ inɛ nlai á jɛ si wajui Aɔ̃ Lafɛ̃ɛ. Kaa mɔ vɛ̃ɛ, hee má jɛ atɛ̃ kulele mmu ɡɔ. Nɔ á kɔ̃ò Hundei Ilaaɔ̃ hai inɔi iyeɛ.
24997	LUK 1:35	Ŋɔi amalekau í jɛaa í ni, Hundei Ilaaɔ̃i á naa siɛ, nɔ ɡbuɡbãɛ ku biiɛ bɛi jĩjĩ. Nŋui í jɔ̀ aa kpe ama kumá iyi aa na i biu Amai Ilaaɔ̃.
25003	LUK 1:41	Waati iyi Elizabɛti í ɡbɔ fɔɔi Maariu, ŋɔi amau í yaɡa si inɔɛ, nɔ Elizabɛti í kɔ̃ò Hundei Ilaaɔ̃.
25029	LUK 1:67	Ŋɔi Zakari baai amau í kɔ̃ò Hundei Ilaaɔ̃, nɔ í ce walii í ni,
25067	LUK 2:25	Wee mɔkɔ ɡɔ í wa Zeruzalɛmu bɛ à ya kpoo Simeɔ̃. Mɔkɔu í jɛ inɛ dee dee nɔ í mà bɛɛrɛi Ilaaɔ̃. Wa deɡbe inɛ iyi á na ku tũ idɔi inɛi Izirɛli ŋa nɔ Hundei Ilaaɔ̃ í wɛɛ do nŋu.
25068	LUK 2:26	Hundei Ilaaɔ̃u í sɔ̃ɔ wo í ni á yɛ inɛ iyi Aɔ̃ Lafɛ̃ɛ í cicau ku bɛi ku ku.
25069	LUK 2:27	Ŋɔi Hundeu í tale siɛ kpasɛ̃i Ilaaɔ̃ ku bɔ. Iyi iyeò baai Jesu ŋa à lɔòɛ bɛ ku ba a cea bɛi wooda í fɔ,
25095	LUK 3:1	Iyi ilaalu nlai Romu iyi à ya kpe Tibɛɛ í ce adɔ̃ maatũ si bommaɛ, waati bɛɛbɛ Pɔnsu Pilatii wa jɛ ilu ilɛi Zudee, nɔ Herodu mɔ wa jɛ inɛ nɡbo si ilɛi Galilee, nɔ Filipu ifɔɛu mɔ wa jɛ inɛ nɡbo si ilɛi Iture do Takoniti, nɔ Lisania mɔ wa jɛ inɛ nɡbo si ilɛi Abilɛni.
25110	LUK 3:16	Nɔ Zãa í sɔ̃ aŋa fei í ni, inyii amu ǹ wa n dasi ŋɛ, amma inɛ ɡɔ wa naa iyi í rem do ɡbuɡbã. N kù to n fũ baa ikũi baataɛ. Nŋui á da nŋɛ si Hundei Ilaaɔ̃ do ina.
25113	LUK 3:19	Amma hai tako ilaalu Herodu í so Heriodiasi, aboi ifɔɛ, í jɛ aboɛ, ŋɔi Zãa í ɡbaɡba siɛ na ideu do na daa laalɔ ŋa iyi í ce fei wo.
25114	LUK 3:20	Si antai laalɔ ŋa iyi Herodu wa ce, do ankãanyi í na í jɔ̀ à mu Zãa à dasiɛ piisɔ̃ɔ má.
25116	LUK 3:22	nɔ Hundei Ilaaɔ̃ í de siɛ wa hai lele do ara ɡɔ bɛi ankasiidi. Nɔ à ɡbɔ ide ku fɔ ɡɔ wa hai lele í ni, awɔu amam nii, ǹ biɛ jiida jiida. Siɛi inɔ didɔ̃m fei í ya wa.
25118	LUK 3:24	Heli do Matati do Levi do Mɛliki do Zanai Zozɛfu,
25133	LUK 4:1	Jesu í kɔ̃ò Hundei Ilaaɔ̃ nɔ í baa hai idoi Zuudɛ̃ɛ. Nɔ Hundeu í bɔòɛ si ɡbabua.
25146	LUK 4:14	Nɔ Jesu í nyi ikpa ilɛi Galilee do ɡbuɡbãi Hundei Ilaaɔ̃, nɔ iriɛ í fanɡaa si ilɛu fei.
25150	LUK 4:18	Hundei Aɔ̃ Lafɛ̃ɛ í wa sim. Í cicaam n sisiaò ilu are ŋa laabaau jiidau. Í bɛm n koo n sɔ̃ inɛi piisɔ̃ɔ ŋa n ni aa jɔ̀ ŋa a nɛ Nɔ n sɔ̃ fɛɛju ŋa n ni aa yɛ ilu má, Nɔ n jɔ̀ inɛ ŋa iyi inɛ ŋa à waa taa ɡbuɡbã a nɛ ara nŋa.
25317	LUK 8:3	do Zoana aboi Cuza, woo mu amanii ilaalu Herodu, do Suzani do inaabo nkpɔ ɡɔ ŋa ma. Abo ŋau à waa sobi ŋa do amani nŋa.
25318	LUK 8:4	Hai ilu fei inɛ ŋa à wasi ku naa bi Jesu. Si bɛi zamaa í tɔtɔɔ ŋɔi í kpa nŋa mɔnda.
25341	LUK 8:27	Ŋɔi à fita hai inɔi akɔi inyiu. Iyi à kita ilɛ ŋɔi Jesu í yɛ mɔkɔ ɡɔ wa naa ku kòo. Mɔkɔu inɛi ilu bɛi. Wee í bɛi í nɛ inɛi inɔɔko ŋa. Waati kãma fei à ya maa dede siɛi. Ŋɔi inɛ ŋa à ya dũu do sesee nɔ à dĩ isɛɛu do isɔ ku ba a nɔɔ. Amma í ya da kudĩ ŋaui fei nɔ inɛi inɔɔkoɛ ŋau à bɔòɛ hee si ɡbabua ŋa. Hai kukpɛ basĩi í ya maa wɛɛ, ci ya buba kpasɛ̃. Bi ku si iku ŋai í ya wa. Iyi mɔkɔu í yɛ Jesu ŋɔi í koo í cuku si wajuɛ í dɔ̃ anu hee lele wa ni, mii í wa aninii awaɛ, Jesu awɔ Amai Ilaaɔ̃. Ilaaɔ̃ í re fei nɔ ǹ wa n tɔɔɛi, maà wahalam. Wa dɔ̃ bɛɛbɛi si na iyi í jɔ̀ Jesu í ni inɛi inɔɔko ŋau a fita siɛ.
25377	LUK 9:7	Wee Herodu ilu ilɛu, í ɡbɔ mii iyi Jesu wa ce fei, nɔ laakaiɛ í dede. Kù mà baa bɛi á lasabu má si na iyi í jɔ̀ inɛ ɡɔ ŋa à waa ni Zãai í jĩ hai si balɛ,
25379	LUK 9:9	Nɔ Herodu í ni, ǹ jɔ̀ à bu irii Zãa. Debɛi, inɛ ihɛ̃ iyi ǹ ya maa n ɡbɔ baauɛ iyi wa ce dimii mii ŋau bɛ, yooi. Ŋɔi wa dɛ ku yɔɔ.
25453	LUK 10:21	Si waati akãu, inɔi Jesu í dɔ̃ jiida jiida do ɡbuɡbãi Hundei Ilaaɔ̃ nɔ í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì sinɡaa ilu bisi do woo mà ŋa mii ŋau ihɛ̃ nɔ ì nyisi amu ŋa. Í sĩa Baaba, si na iyi í jɔ̀ bɛɛbɛi ì bi.
25487	LUK 11:13	Iŋɛ iyi ì ya ce laalɔ ŋa ì mà mii jiida ku na ama nŋɛ ŋa, mà irei. To, Ilaaɔ̃ Baa nŋɛ iyi í wa lele kaa ce ku re zaka bɛɛbɛ? Kaa so Hundeɛ ku na inɛ ŋa iyi à waa tɔɔɛ?
25538	LUK 12:10	Inɛ iyi wa fɔ laalɔi amu Amai Amanɛ, Ilaaɔ̃ á yɔkɔ ku kpa idei dulum dɛɛ. Amma inɛ iyi wa fɔ laalɔi Hundei Ilaaɔ̃ kaa ba a kpa idei dulum ndɛɛ pai.
25540	LUK 12:12	I maà ce njo ŋa domi waati bɛɛbɛ Hundei Ilaaɔ̃i á sɔ̃ ŋɛ iyi í jɔ i fɔ ŋa.
25558	LUK 12:30	Hai mà idei Ilaaɔ̃ ŋai à ya maa kpataa mii ŋau bɛ fei, amma Baa nŋɛ i mà iyi ì nɛ bukaatai mii ŋau bɛ fei ŋa.