23214	MAT 1:1	Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.
23229	MAT 1:16	Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.
23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23232	MAT 1:19	Zozɛfu mɔkɔɛu wee inɛ dee deei. Kù bi nŋu ku dasi Maari anyɔ si bantuma. Na ŋɔi í ce í dasi idɔ nŋu ku kɔsiɛ si asii.
23265	MAT 3:4	Zãa wa dasi ibɔi ntoi kpookpo, nɔ wa dĩ santikii bata. Kɛtɛnɡbo do nyikɔ̃i sakoi í jɛ ijɛɛ.
23284	MAT 4:6	Ŋɔi í ni má, bii awɔu Amai Ilaaɔ̃i, fo i dinɡaa ilɛ, domi kukɔi idei Ilaaɔ̃ í ni, Ilaaɔ̃ á na amalekaɛ ŋa wooda na iriɛ a maa deɡbeɛ, Nɔ a maa muɛ si awɔ Ku ba i maà ti i koosɛ si kuta.
23288	MAT 4:10	Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa tɔɔ, nɔ i wɛɛ na irii nŋu akã.
23291	MAT 4:13	Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.
23363	MAT 6:12	Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.
23376	MAT 6:25	Na nŋu ǹ wa n sɔ̃ ŋɛi, i maà ya maa weewea do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.
23418	MAT 8:4	Nɔ Jesu í sɔ̃ɔ í ni, ɡbɔ, maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi.
23419	MAT 8:5	Ŋɔi Jesu í bɔ Kapɛranumu. Waati iyi í lɔ inɔ iluu ŋɔi inɛ nɡboi sooɡe cĩɔ ɡɔ í koo í tɔɔɛ ku faaba nŋu,
23530	MAT 11:2	Wee waati bɛɛbɛ Zãa woo dasi inyiu í wa piisɔ̃ɔ. Nɔ hai ile piisɔ̃ɔ bɛ í ɡbɔ baaui icɛi Jesu iyi à ya kpe Kirisi. Ŋɔi í bɛ siɛ mɔcɔɛ ɡɔ ŋa
23549	MAT 11:21	Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi . à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.
23551	MAT 11:23	Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi ku wai iku ŋa. Ntɔ ntɔ, maamaake nkpɔ nkpɔ iyi ǹ ce si ilu nŋɛ, bii í jɛ Sodomui ǹ coo wo, iluu á wɛɛ baa nnyi.
23565	MAT 12:7	Kukɔi idei Ilaaɔ̃ wa fɔ í ni, Ilaaɔ̃ í ni, ǹ bi i ce araarei njɛ ŋa ku re i ceem kuwee. Bii í jɛ ì mà yaasei ideu bɛ ŋa wo i kaa maa yɛ taalei hai nɛ taale ŋa.
23577	MAT 12:19	Kaa ce kakɔɔ do inɛ ɡɔ hee ku la siɛ. Bɛɛbɛ mɔi kaa kosi inɛ ŋa ija si inɔ ilu pai.
23578	MAT 12:20	Kaa tambɔ ama jĩi iyi í kɔmba wa bi ku cɛ, Nɔ kaa kpa fitila iyi inya kumáɛ kù la, Hee waati koo to si bii á jɔ̀ dee dee ku jɛm ku kãmia inɛ fei,
23663	MAT 13:55	Í jɔ amai woo ɡbe jĩi nɔu mbɛ ya. Kù jɛ iyeɛi à ya kpe Maariu? Zaaki do Zozɛfu do Simɔɔ do Zudu ŋa si à jɛ ifɔɛ ŋa?
23666	MAT 13:58	Kù nɔ kù ce maamaake nkpɔ bɛ si na iyi í jɔ̀ a kù dasiɛ naanɛ.
23713	MAT 15:11	Kù jɛ mii iyi wa lɔ hai do ɡɛlɛi amanɛi í ya dasiɛ riisi. Amma mii iyi í ya fita hai si ɡɛlɛi amanɛi á dasiɛ riisi.
23724	MAT 15:22	Inaaboi ilɛi Kanaã ɡɔ iyi í wa bɛ í naa bi tɛɛ nɔ í dɔ̃ anu í ni, Lafɛ̃ɛ, tɔkui Davidi amanlu nlau, ce araarem. Ama inaabom í nɛ inɛi inɔɔko, nɔ wa kpãa iju ntɔ ntɔ.
23758	MAT 16:17	Ŋɔi Jesu í ni, Simɔɔ, amai Zãa, awɔu ilu inɔ didɔ̃i. Kù jɛ amanɛi í sɔ̃ɛ, bii ku jɛ Baam iyi í wa lele.
23793	MAT 17:24	Si anyii nŋu Jesu do mɔcɔɛ ŋa à bɔ Kapɛranumu, ŋɔi woo ɡba fia iyi à nɛ ku sã na icɛi kpasɛ̃i Ilaaɔ̃ ŋau à naa bi Piɛɛ à beeɛ à ni, Mɛɛtu nŋɛ ci ya sã fiai kpasɛ̃i Ilaaɔ̃?
23803	MAT 18:7	Ijuukpã nla nlai inɛi andunya ŋa aa yɛ si na iyi í jɔ̀ à ya maa dasi kpaasi nŋa ŋa dulum. Kù nɔ kù nɛ bɛi á ce iyi inɛ ɡɔ ŋa a kù dasi kpaasi nŋa ŋa dulum, amma inɛ iyi í ce bɛɛbɛ á yɛ ijuukpã ntɔ ntɔ.
23876	MAT 20:15	Kù jɛ bɛi ǹ bii an ceò fiam? Mà ì waa ce iɡu si na iyi í jɔ̀ ǹ ce jiidai.
23904	MAT 21:9	Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, tɔkui Davidi, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ka saabu Ilaaɔ̃ hee lele .
23937	MAT 21:42	Ŋɔi Jesu í bee ŋa í ni, i kù cio iyi ihɛ̃ si kukɔi idei Ilaaɔ̃ ŋa ba. Í ni, Kuta iyi woo ma ŋa à kɔsiu Nŋui í baa í jɛ kuta sintei icui ileu. Aɔ̃ Lafɛ̃ɛi í coo, nɔ í mu wa biti.
23945	MAT 22:4	Nɔ í bɛ amaacɛ mmu ɡɔ ŋa má í ni, i koo i sɔ̃ inɛ ŋa iyi ǹ kpe ŋau i ni ǹ tã sɔɔlu. Kɛtɛ kombo ŋa do mɛɛmu ku nɛ ikpo ɡɔ ŋai ǹ kpa nɔ à ce icɛi fei ndɛɛ à tã, a naa wa bi ku ce abɔdɔ̃u.
23992	MAT 23:5	Kookoosu nŋa iyi à waa ce fei à waa cooi ku ba a yɛ ŋaò. Bɛɛbɛi à ya dĩ ama tia iyi í la í re ti kpaasi ŋa nɔ a dasi jaba nŋa ikũ sisɔ iyi í re ti kpaasi ŋa si itĩ do ilɛ .
24057	MAT 24:31	Kãakãakĩ nla nla á dɔ̃ anu nɔ n bɛ amalekam ŋa wa si andunya ɡonta mɛɛu. Aŋai aa tɔtɔɔ inɛ ŋa iyi ǹ cica si andunyau fei.
24126	MAT 26:3	Waati iyi Jesu wa sɔ̃ mɔcɔɛ ŋa ideu, inɛ nɡboi woo weei Ilaaɔ̃ ŋau do inɛ nɡbo ŋau à tɔtɔɔ kabai Kaifu woo wee nlau.
24180	MAT 26:57	Inɛ ŋa iyi à mu Jesuu à bɔòɛ bi Kaifu woo wee nlai Ilaaɔ̃. Tenɡi bɛi woo kɔ inɛ ŋa si wooda ŋau do inɛ nɡbo ŋau à tɔtɔɔ.
24215	MAT 27:17	Ŋɔi í jɔ̀ iyi zamaau í tɔtɔɔ, Pilati í bee ŋa í ni, yooi ì bi n jɔ̀ nŋɛ, Barabaa de, mà Jesu iyi à ya kpe Kirisiu.
24220	MAT 27:22	Nɔ Pilati í ni, to, bɛirei an cea Jesu iyi à ya kpe Kirisiu. Ŋɔi aŋa fei à ni, kpakpaɛ si jĩi ku ɡaau.
24240	MAT 27:42	í faaba inɛ ɡɔ ŋa amma í mɔnɡɔ ku faaba araɛ. Kù jɛ í ni nŋu ilaalui inɛi Izirɛli ŋai? To, ku kita wa hai si antai jĩi nɔu ku ba ka dasiɛ naanɛ.
24270	MAT 28:6	Kù wa ihɛ̃ má, í jĩ hai si balɛ si bɛi í tako í fɔu. I naa i cɔ bii í tako wa sũ wo,
24285	MRK 1:1	Kusintii laabaau jiidai Jesu Kirisi Amai Ilaaɔ̃ wee.
24290	MRK 1:6	Zãa wa dasi ibɔi ntoi kpookpo, nɔ wa dĩ santikii bata. Kɛtɛnɡbo do nyikɔ̃i sakoi í jɛ ijɛɛ.
24305	MRK 1:21	Ŋɔi Jesu do mɔcɔɛ ŋa à bɔ Kapɛranumu. Nɔ ajɔi kusĩmi Jesu í bɔ ile bii Zuifu ŋa à ya ce kutɔtɔɔu, wa kɔ inɛ ŋa si cioi idei Ilaaɔ̃.
24306	MRK 1:22	Wa kɔ nŋa si cio do yiiko. Kù waa kɔ nŋa si bɛi woo kɔ inɛ ŋa si wooda ŋa. Nŋui í jɔ̀ à biti.
24327	MRK 1:43	Ŋɔi Jesu í sɔ̃ɔ ide do ɡbuɡbã í ni, ɡbɔ. Maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u. Nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi. Iyi í sɔ̃ɔ bɛɛbɛ í tã nɔ í ni ku nɛ.
24330	MRK 2:1	Iyi í ce ajɔ minji má Jesu í nyi wa Kapɛranumu. Ŋɔi inɛ ŋa à ɡbɔ iyi í wa kpasɛ̃ ɡɔ bɛ.
24356	MRK 2:27	Nɔ Jesu í sɔ̃ ŋa má í ni, Ilaaɔ̃ í jilɛ ajɔi kusĩmii na aranfãanii amanɛ ŋa. Kù jɛ amanɛ ŋai aa na a jɛ arui ajɔi kusĩmiu.
24419	MRK 4:27	Si anyiɛ, baa bii wa sũ walakɔ wa cɔ ilu, alɛò daakɔ, waati kãma fei dimiu i fita wa la. Kù mà baa bɛi wa ce.
24446	MRK 5:13	Nɔ Jesu í yɔɔda nŋa. Ŋɔi à fita hai si inɛɛu à koo à mu kusɔɔ ŋau à tale si ŋa hai antai iri kutau à dasi inyi nɔ inyiu í jɛ ŋa. Kukpɔ nŋa í to dubu minji (2.000).
24467	MRK 5:34	Nɔ Jesu í sɔ̃ɔ í ni, abooyi, naanɛɛi í faabaɛ. Koo wɛɛ si laakaɛ, ì ba iri si bɔ̃ɔɛu mbɛ.
24479	MRK 6:3	Kù jɛ woo ɡbe jĩi nɔu mbɛ ya, amai Maariu mɛɛ. Mà kù jɛ iɡbãi Zaaki do Zozee, do Zudu do Simɔɔ mbɛ ba. Nɔ wecĩɛ ŋa a kù wa inɔ nwa ihɛ̃? To, lasabu nŋu ŋau bɛi wa ɡanji ŋa a dasiɛò naanɛ.
24539	MRK 7:7	Kutɔɔ iyi à waa ceem nɡbɛi, Domi woodai amanɛ ŋai à waa kɔ inɛ ŋa si nɔ à waa ni woodam nii.”
24551	MRK 7:19	Kaa dasiɛ riisi, domi ijɛ kaa lɔ si idɔi inɛ bii kù jɛ si inɔɛ, nɔ ku yɔ́ ku bɛi ku fita. Jesu í fɔ bɛɛbɛi ku ba ku sɔ̃ ŋa iyi ijɛ kãma kù jɛ ìwɔ̀.
24598	MRK 8:29	Ŋɔi Jesu í bee ŋa í ni, iŋɛ mɔ ni, yooi ì ni ǹ jɛ ŋa. Ŋɔi Piɛɛ í jɛaa í ni, awɔu Kirisii, inɛ iyi Ilaaɔ̃ í cica.
24618	MRK 9:11	Nɔ à bee Jesu à ni, na mii í ce woo kɔ inɛ ŋa si wooda ŋau à ni Elii á tako Kirisi ku naa.
24640	MRK 9:33	Ŋɔi à to wa Kapɛranumu. Waati iyi à to kpasɛ̃ ŋɔi Jesu í bee mɔcɔɛ ŋa í ni, kakɔɔi mii ì waa ce wa si kpãau bɛ ŋa.
24678	MRK 10:21	Ŋɔi Jesu í cɔ inɛɛu do kubi nɔ í ni, í ɡbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.
24719	MRK 11:10	Ilaaɔ̃ ku weea bomma iyi wa naa. Ku weea bommai Davidi, bala nwa. Ka saabu Ilaaɔ̃ hee lele.
24725	MRK 11:16	Kù jɛ inɛ kãma ku so aso ɡɔ si inɔ bantumai kpasɛ̃i Ilaaɔ̃ bɛ.
24749	MRK 12:7	Amma waati iyi amaɛu wa to, woo ce icɛ ŋau à fɔ aŋa duusɔ̃ɔ à waa ni, i cɔ inɛ iyi á na ku jɛ tubuu. Ka kpaa nɔ tubuu ku baa ku jɛ tu wa.
24752	MRK 12:10	To, i kù cio kukɔi idei Ilaaɔ̃u ŋa tenɡi bii í ni, Kuta iyi woo ma ŋa à kɔsiu Nŋui í baa í jɛ kuta sintei icui ileu.
24788	MRK 13:2	Ŋɔi Jesu í ni, ì waa yɛ ile nla ŋau ihɛ̃? Kuta baa akã kaa na ku maa lesi njɛ bɛ má, aa kɛkɛɛ mbɛ fei.
24837	MRK 14:14	Mɔkɔu á koo ku lɔ kpasɛ̃ ɡɔ. Kpasɛ̃ bii á lɔu, i koo i sɔ̃ ilu kpasɛ̃u i ni ŋa, Mɛɛtu í ni ka beeɛ ile bii nŋu á jɛ jinɡaui Iku ku kua do mɔcɔi nŋu ŋa.
24927	MRK 15:32	Bɛbɛi, nŋu Kirisi ilaalui Izirɛliu ku kita wa hai si jĩi nɔu ku ba ka yɔɔ, nɔ ka dasiɛ naanɛ. Bɛɛbɛ mɔi, inɛ ŋa iyi à kpakpa do Jesu ajɔ́u à ya maa yaakoɛ.
24977	LUK 1:15	si na iyi í jɔ̀ inɛ nlai á jɛ si wajui Aɔ̃ Lafɛ̃ɛ. Kaa mɔ vɛ̃ɛ, hee má jɛ atɛ̃ kulele mmu ɡɔ. Nɔ á kɔ̃ò Hundei Ilaaɔ̃ hai inɔi iyeɛ.
25020	LUK 1:58	Kpaasiɛ ŋa do nyaanzeɛ ŋa à ɡbɔ iyi Aɔ̃ Lafɛ̃ɛ í ce araareɛ ntɔ ntɔ, nɔ aŋaò ŋa à wɛɛò inɔ didɔ̃ ajɔ.
25041	LUK 1:79	Ku ba ku má inya si inɛ ŋa iyi à waa buba si ilu kuku do si jĩjĩi iku Ku maa nɛò awa fei si kpãai laakai akã.
25044	LUK 2:2	Kuka sinteu ihɛ̃ à cooi si waati iyi Kiriniusi wa jɛ ilu ilɛ si ilɛi Siri.
25066	LUK 2:24	nɔ a ce kuwee. Kuweeu do kufe minji wala do ankasiidi minjii à ya cooò si bɛi à kɔɔ si woodai Aɔ̃ Lafɛ̃ɛ.
25096	LUK 3:2	Ani do Kaifu ŋa mɔ à waa jɛ woo wee nlai Ilaaɔ̃. Waati bɛɛbɛi Ilaaɔ̃ í sɔ̃ Zãa amai Zakari ide si ɡbabua.
25099	LUK 3:5	Nɔ aa dĩ lɔɔma ŋau fei. Nɔ ɡeete do iri kuta fei á munɡa anu, Nɔ kpãa ku ka ŋa fei aa tɛ, Kpãa iyi í sãmi fei á sĩa.
25122	LUK 3:28	do Mɛliki do Adi do Kosamu do Elimadamu do Ɛɛ,
25130	LUK 3:36	do Kainamu do Aafasadi do Sɛmu do Nowee do Lamɛki,
25131	LUK 3:37	do Matusala do Enɔku do Zeredi do Maleleli do Kainamu,
25155	LUK 4:23	Nɔ Jesu í sɔ̃ ŋa í ni, kù nɛ sika aa kpaam mɔndau ihɛ̃ í ni ŋa, awɔ lokotoro, faaba araɛ. Ce iluɛ ihɛ̃ mii ŋa iyi à ɡbɔ ì ce Kapɛranumu fei.
25163	LUK 4:31	Nɔ Jesu í bɔ Kapɛranumu, ilui Galilee ɡɔ nɔ wa kɔ inɛ ŋa si cioi idei Ilaaɔ̃ si ajɔi kusĩmi.
25190	LUK 5:14	Ŋɔi Jesu í sɔ̃ɔ í ni ku maà sɔ̃ inɛ kãma ideu bɛ, amma koo nyisi araɛ bi woo weei Ilaaɔ̃u. Nɔ í ni ku ce kuwee iyi Moizi í jilɛu. Kuweeu bɛi á nyisi inɛ ŋa iyi ì jɛ inɛ iyi í má bɛbɛi.
25265	LUK 7:1	Iyi Jesu í sɔ̃ ŋa ideu fei í tã, ŋɔi í bɔ Kapɛranumu.
25314	LUK 7:50	Nɔ Jesu í sɔ̃ abou í ni, naanɛɛi í faabaɛ. Koo nɛ do laakai ku sũ.
25374	LUK 9:4	Kpasɛ̃ bii ì sɔ ŋa, i ya wa bɛ hee i koo i fita hai ilu bɛ ŋa.
25377	LUK 9:7	Wee Herodu ilu ilɛu, í ɡbɔ mii iyi Jesu wa ce fei, nɔ laakaiɛ í dede. Kù mà baa bɛi á lasabu má si na iyi í jɔ̀ inɛ ɡɔ ŋa à waa ni Zãai í jĩ hai si balɛ,
25437	LUK 10:5	Kpasɛ̃ bii ì lɔ ŋa i tako i sɔ̃ ŋa ŋa i ni, Ilaaɔ̃ ku mu nŋɛ laakai ku sũ.
25439	LUK 10:7	Kpasɛ̃ bii à ɡba ŋɛu, kpasɛ̃ bɛi aa maa wa ŋa, sɔnda do inyi iyi à na ŋɛ fei i ya ɡba i jɛ ŋa, domi inɛ kaa máa ce icɛ iyi kù waa jɛ. I maà ya lɔ kpasɛ̃ do kpasɛ̃ ŋa.
25445	LUK 10:13	Nɔ Jesu í ni má, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ si ilui Tii do Sidɔ̃ɔi à coo wo, bii í wa inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.
25447	LUK 10:15	Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi ku wai iku ŋa.
25478	LUK 11:4	Kpa idei dulum du wa, domi awa mɔ à ya ka kpa idei kurara iyi inɛ ŋa à ce nwa. Maà ti i jɔ̀ ka dasi kulɛlɛ.
25481	LUK 11:7	Kpaasiɛu á yɔkɔ ku jɛaa hai inɔ ile ku ni, maà mantem, amu ǹ sɔɔkɔ tã, amu do amam ŋa fei à waa sũ. N kaa n yɔkɔ n dede n naɛ pɛ̃ɛ.
25487	LUK 11:13	Iŋɛ iyi ì ya ce laalɔ ŋa ì mà mii jiida ku na ama nŋɛ ŋa, mà irei. To, Ilaaɔ̃ Baa nŋɛ iyi í wa lele kaa ce ku re zaka bɛɛbɛ? Kaa so Hundeɛ ku na inɛ ŋa iyi à waa tɔɔɛ?
25551	LUK 12:23	Kuwɛɛi amanɛ í re ijɛ, ara mɔ í re jĩnɛ.
25603	LUK 13:16	Abou ihɛ̃ mɔ dimii Aburahamui. Nɔ wee Seetam wa dũu hai zakai adɔ̃ maatũ do mɛɛta. Kù sĩa a fũu si ajɔi kusĩmi?
25657	LUK 14:35	Kaa ce bukaata kãma má nɔ baa bii ikoi kaa ce taasi. À ya dikãɛi waduude. Inɛ iyi í nɛ itĩ iyi á ɡbɔò ide, ku ɡbɔ.
25680	LUK 15:23	I naaò kɛtɛ kombo saasaabɔ iyi í la í reu bɛ wa, nɔ i kpaa ŋa. Ka jɛ ka ce jinɡau do inɔ didɔ̃,
25691	LUK 16:2	Ŋɔi lafɛ̃ɛ í kpoo í beeɛ í ni, irei ǹ wa n ɡbɔ inɛ ŋa à wasi ku sɔ iriɛ da. I kaa yɔkɔ i jɛ amaacɛm má. Koo so tiai icɛɛ wa si bii ì ya ce dooai fiam, i naa i nyisim.
25708	LUK 16:19	Ŋɔi Jesu í kpa nŋa mɔndau ihɛ̃ í ni, mɔkɔ ilu amani ɡɔ í wɛɛ. Mɔkɔu í ya maa dasi ibɔ caada ilu iju ku sĩa ɡɔ. Kpasɛ̃ɛ ajɔ fei jinɡaui.
25709	LUK 16:20	Ilu are ɡɔ mɔ í wɛɛ, í ya maa sũi andɛ koofai ilu fiau, à ya kpoo Lazaa. Konkoli wa kɔ̃ si araɛ fei.
25779	LUK 18:22	Iyi Jesu í ɡbɔ bɛɛbɛ, ŋɔi í sɔ̃ɔ í ni, í ɡbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.
25862	LUK 20:14	Amma iyi ɡaanɔɔma ŋau à yɔɔ, ŋɔi à busi njɛ à waa ni, i cɔ inɛ iyi á na ku jɛ tubuu. Ka kpaa ku ba ilɛu ku jɛ tu wa.
25865	LUK 20:17	Amma Jesu í cɔ ŋa, nɔ í ni, bii bɛɛbɛi, yoomai í jɛ yaasei kukɔu ihɛ̃ si bɛi í ni, Kuta iyi woo ma ŋa à kɔsiu, Nŋui í baa í jɛ kuta sintei icui ileu.