23217	MAT 1:4	Aramu mɔ í bí Aminadabu. Aminadabu mɔ í bí Nasɔ̃ɔ. Nasɔ̃ɔ mɔ í bí Salamɔɔ.
23226	MAT 1:13	Nɔ Zorobabɛli mɔ í bí Abiudu. Abiudu mɔ í bí Eliakimu. Eliakimu mɔ í bí Azɔɔ.
23229	MAT 1:16	Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.
23232	MAT 1:19	Zozɛfu mɔkɔɛu wee inɛ dee deei. Kù bi nŋu ku dasi Maari anyɔ si bantuma. Na ŋɔi í ce í dasi idɔ nŋu ku kɔsiɛ si asii.
23234	MAT 1:21	Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.
23236	MAT 1:23	iyi í ni, Mudɛ̃ɛ ɡɔ iyi kù mà mɔkɔ á na ku nɛ asĩ. Á bí ama inɛmɔkɔ, Nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.
23238	MAT 1:25	Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23245	MAT 2:7	Ŋɔi Herodu í jɔ̀ à kpe woo mà ŋau do asii, í bee ŋa si waati iyi andaiyau í fita dee dee. Nɔ à sɔ̃ɔ.
23247	MAT 2:9	Iyi à ɡbɔ ideɛu à tã, ŋɔi à dasi kpãa. Nɔ andaiya iyi à tako à yɛ hai nunui daakɔu í nyi í cua nŋa má hee tenɡi bii amau í wa, í bɛi í leekĩ lele bɛ cau.
23249	MAT 2:11	Nɔ à lɔ ile bɛ ŋɔi à yɛ amau do Maari iyeɛ. Nɔ à ɡulɛ à tɔɔɛ. Nɔ à fũ bɔɡɔi amani nŋa à nya wura à muaa, do tulare iyi à ya jo do ikpo ku dɔ̃ inunu iyi à ya kpe miru.
23250	MAT 2:12	Si anyiɛ Ilaaɔ̃ í sɔ̃ ŋa si ala í ni a maà nyi bi amanlu Herodu má. Nɔ à too kpãa mmu à nɛò ilɛi ide nŋa.
23252	MAT 2:14	Na ŋɔi í jɔ̀ Zozɛfu í dede idũ í so amau do iyeɛ í nɛò ŋa Ezibiti.
23256	MAT 2:18	À ɡbɔ anu ku dɔ̃ si ilui Rama. À ɡbɔ inɛ ŋa à kpata, À waa cã buubuu. Asee, Rasɛlii wa kpata na irii amaɛ ŋa. Nɔ à bɔ ku lɛlɛɛ, Amma í kɔ ku ɡbɔ kulɛlɛu Si na iyi í jɔ̀ amaɛ ŋa a kù wɛɛ má.
23259	MAT 2:21	Nɔ Zozɛfu í dede í so amau do iyeɛ à nyi ilɛi Izirɛli má.
23260	MAT 2:22	Amma í ɡbɔ iyi Aakelausii í jɛ bommai baaɛ Herodu si ilɛi Zudeeu, ŋɔi wa ce njoi ku bɔ ku buba bɛ. Nɔ Ilaaɔ̃ í sɔ̃ɔ si ala má í ni ku bɔ ilɛi Galilee. Ŋɔi í tekĩ í bɔ Galilee si bɛi Ilaaɔ̃ í sɔ̃ɔ.
23261	MAT 2:23	Nɔ í koo í buba Nazarɛti. Bɛɛbɛi idei walii ŋau í kɔ̃, si bɛi à ni aa kpoo inɛi Nazarɛti.
23266	MAT 3:5	Nɔ inɛ ŋa à naa bi tɛɛ hai Zeruzalɛmu do hai ilɛi Zudee fei do hai ilu ŋa iyi à wa cinɡaai idoi Zuudɛ̃ɛu fei.
23269	MAT 3:8	Na nŋu, i ce kookoosu jiida i nyisiò iyi ì kpaasi idɔ ŋa.
23271	MAT 3:10	Wee daɡba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daa a dasi ina.
23272	MAT 3:11	Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ ɡɔ á na ku naa si anyim. Í rem do ɡbuɡbã ntɔ ntɔ, n kù to baa ǹ bɔ baataɛ. Nŋui á da nŋɛ si Hundei Ilaaɔ̃ do ina.
23276	MAT 3:15	Ŋɔi Jesu í jɛaa í ni, jɔ̀ ku ce bɛɛbɛ titã, domi bɛɛbɛi à nɛ ka ce ka ceò mii iyi Ilaaɔ̃ í bi fei. Nɔ Zãa í jɛ.
23278	MAT 3:17	Nɔ à ɡbɔ ide ku fɔ ɡɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23284	MAT 4:6	Ŋɔi í ni má, bii awɔu Amai Ilaaɔ̃i, fo i dinɡaa ilɛ, domi kukɔi idei Ilaaɔ̃ í ni, Ilaaɔ̃ á na amalekaɛ ŋa wooda na iriɛ a maa deɡbeɛ, Nɔ a maa muɛ si awɔ Ku ba i maà ti i koosɛ si kuta.
23285	MAT 4:7	Nɔ Jesu í jɛaa í ni, amma kukɔi idei Ilaaɔ̃ í ni má, maà ti i sii Aɔ̃ Lafɛ̃ɛɛ.
23287	MAT 4:9	Nɔ í ni, bii ì ɡulɛ ì tɔɔm, mii ŋau ihɛ̃ fei an muɛɛ.
23288	MAT 4:10	Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa tɔɔ, nɔ i wɛɛ na irii nŋu akã.
23290	MAT 4:12	Ŋɔi Jesu í ɡbɔ à ni à mu Zãa à dasiɛ piisɔ̃ɔ. Nɔ í sinda í nyi ilɛi Galilee.
23291	MAT 4:13	Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.
23293	MAT 4:15	Inɛi Zabulɔ̃ɔ do inɛi Nɛfitali ŋa, Aŋa iyi à wa kɔkɔi kpãa iyi wa bɔ Tenku, Aŋa iyi à wa ikpa icei idoi Zuudɛ̃ɛu, Aŋa iyi à wa ilɛi Galilee bii dimi mmu ŋa à wa,
23297	MAT 4:19	Nɔ í sɔ̃ ŋa í ni, i toom wa ŋa, nɔ an ce ŋɛ woo dɛdɛ inɛ ŋa iyi aa jɛ ti Ilaaɔ̃.
23299	MAT 4:21	Iyi í to waju nɔ í yɛ inɛ minji ɡɔ ŋa má, Zaaki do Zãa ifɔɛ, amai Zebedee ŋa. Inɛ ŋau à wa si akɔi inyi ɡɔ do baa nŋa, à waa teese taao nŋa ŋa. Nɔ Jesu í kpe ŋa.
23301	MAT 4:23	Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.
23302	MAT 4:24	Nɔ baauɛ í fanɡaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛɡɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.
23303	MAT 4:25	Nɔ zamaa nkpɔ ɡɔ í too fitiɛ wa hai ilɛi Galilee do hai ilui Zeruzalɛmu do ilɛi Zudee hee do icei idoi Zuudɛ̃ɛu bii Ilu Mɛɛwa ŋau à wa fei.
23304	MAT 5:1	Iyi Jesu í yɛ zamaau ŋɔi í koo í ɡũ iri kuta ɡɔ í buba. Nɔ mɔcɔɛ ŋa à naa à tɔtɔɔ siɛ.
23305	MAT 5:2	Nɔ í lɔsi cio ku kɔ ŋa si. Si cioɛu í ni,
23315	MAT 5:12	I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ leleaɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.
23317	MAT 5:14	Nɔ iŋɛi ì jɛ inya kumái andunya. Ilu iyi à ma si iri kuta kaa manji.
23321	MAT 5:18	Ntɔ ntɔ, hee lele do ilɛ koo tãò, baa wasalii wooda keeke akã kaa ɡaizia, í ɡbe fei ndɛɛ ku kɔ̃i.
23322	MAT 5:19	Na nŋu, inɛ iyi í kua wooda, baa bii í jɛ icu akã keeke ɡɔi, nɔ í sɔ̃ inɛ ɡɔ ŋa mɔ í ni a ce bɛɛbɛ, aa kpe lafɛ̃ɛ inɛ iyi í kere í re si bommai Ilaaɔ̃. Amma inɛ iyi wa jirimaɛ nɔ wa kɔ inɛ ɡɔ ŋa mɔ si, aa kpe lafɛ̃ɛ inɛ nla si bommai Ilaaɔ̃.
23326	MAT 5:23	Na nŋu, bii ì naaò amuai Ilaaɔ̃ wa bi kuwee nɔ bɛi ì ye ɡiɡi iyi kpaasiɛ ɡɔ wa mu taaleɛ,
23329	MAT 5:26	Ntɔ ntɔ ǹ wa n sɔ̃ɛi, bii à dasiɛ piisɔ̃ɔ, bii i kù sã ɡbeseu fei i kaa fita. Nkãma kaa ɡaizia si.
23332	MAT 5:29	Na nŋu, bii iju njɛɛi wa dasiɛ dulum, nyaa i nyɔɔ ku jĩiɛ. Á tiaɛ i nyɔ ikɔ̃ akãi araɛ ɡɔ do iyi aa sɔsi araɛ fei si ina iyi ci ya ku.
23334	MAT 5:31	Nɔ Jesu í sɔ̃ ŋa má í ni, Moizi í ni, inɛ iyi wa kɔsi aboɛ á náa tiai njɛ kukɔsii.
23335	MAT 5:32	Amma amu, ǹ wa n sɔ̃ ŋɛ, inɛ iyi í kɔsi aboɛ nɔ kù jɛ na sakara, mɔkɔu í dasiɛ sakarai. Nɔ mɔkɔ mɔ iyi í so abo iyi à kɔsiu, í ce sakarai.
23338	MAT 5:35	Nɔ i maà ya ɡbasi do ilɛ ŋa, domi bi ku lesi isɛɛi. Nɔ i maà ya ɡbasi do Zeruzalɛmu ŋa domi ilui Ilaaɔ̃ amanlu nlaui.
23339	MAT 5:36	Nɔ i maà ya ɡbasi do iri nŋɛ ŋa si na iyi í jɔ̀ i kaa yɔkɔ i fũuta baa ntoi iri akã nŋɛ hee ma jɛ i jɔ̀ ku dũ ŋa.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23351	MAT 5:48	Na nŋu, i jɔ̀ jiida nŋɛ ku kɔ̃ bɛi ti Ilaaɔ̃ Baa nŋɛ iyi í wa lele í kɔ̃.
23353	MAT 6:2	Na nŋu, bii ì waa mua ilu are ŋa nɡɔɡɔ ŋa, i maà ti i cã kɛsɛɛdɛ bɛi ilu muafiti ŋa à ya ce. À ya ce amua nŋa ŋai si ile bii à ya ce kutɔtɔɔ ŋa do si kpãa ŋa ku ba inɛ ŋa a saabu ŋa. Ntɔ ntɔ, inɛ nŋu ŋa à ba riba nŋa fei tã.
23355	MAT 6:4	ku ba amua iyi ì waa ce ŋa i coo si afei iŋɛ minji. Nɔ Ilaaɔ̃ Baa nŋɛ iyi wa yɛ mii fei á sã nŋɛ ribaɛ.
23356	MAT 6:5	Jesu í ni, bii ì waa ce kutɔɔ ŋa i maà ya ce bɛi ilu muafiti ŋa à ya ce. À ya bi aŋa a leekĩ a ce kutɔɔ ile bii à ya ce kutɔtɔɔ ŋa do bi tafa ŋa ku ba inɛ fei ku yɛ ŋa. Ntɔ ntɔ, inɛ nŋu ŋa à ba riba nŋa fei tã.
23361	MAT 6:10	Naa jɛ bommaɛ. Jɔ̀ inɛ fei ku ce idɔɔbiɛ si ilɛu ihɛ̃ bɛi à waa ce lele.
23365	MAT 6:14	Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei kurara nŋɛ.
23367	MAT 6:16	Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛ́i ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.
23369	MAT 6:18	ku ba inɛ ŋa a maà mà iyi ì waa dĩ anu ŋa, í ɡbe Ilaaɔ̃ Baa nŋɛ iyi í wa bii a kù waa yɔɔ. Nɔ Baa nŋɛ iyi wa yɛ mii iyi wa manji fei, á sã nŋɛ.
23372	MAT 6:21	Ntɔ ntɔ, í sĩa i dɛdɛ amanii lele ŋa domi bii amanii inɛ í wa, bɛ mɔi laakaɛ í ya wa.
23374	MAT 6:23	Amma bii ijuɛ kù waa nɛ baani, araɛ mɔ fei í wa si ilu kukui. Na nŋu, mii iyi í nɛ ku ceɛ inya kumá, bii ilu kukui í ce, ilu kukuu á la ku caa.
23375	MAT 6:24	Jesu í sɔ̃ ŋa má í ni, inɛ ɡɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.
23376	MAT 6:25	Na nŋu ǹ wa n sɔ̃ ŋɛi, i maà ya maa weewea do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.
23382	MAT 6:31	Na nŋu, i maà ya weewea i ni ŋa, mii aa ka jɛ, mii aa ka mɔ, walakɔ mii aa ka biiò ara nwa.
23384	MAT 6:33	Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í ɡbe bɛi fei Ilaaɔ̃i á kɔ̃ɔ nŋɛ si.
23385	MAT 6:34	Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.
23387	MAT 7:2	Ntɔ ntɔ, ǹ wa n sɔ̃ ŋɛi, do yaase bɛi ì ya maa kiiti inɛ ŋa, bɛɛbɛ mɔi Ilaaɔ̃ mɔ á naa ku kiiti nŋɛ. Nɔ si ɡũa bii ì wãaò inɛ ŋa, si bɛ mɔi aa wãa iŋɛ mɔ.
23388	MAT 7:3	Na mii í ce ì waa yɛ fɔfɔ keeke iyi í wa si ijui kpaasiɛ nɔ i kù yɛ jĩi ite iyi í wa si titɛɛ.
23391	MAT 7:6	I maà nyɔ lɛɡɛ jiida nŋɛ ŋa si wajui kuusɔɔ ŋa ku ba a maà tɛɛsɛɛ. Nɔ i maà ti i na aja ŋa mii kumá ŋa ku ba a maà na a sinda a ŋɔ ŋɛ .
23393	MAT 7:8	Ntɔ ntɔ, inɛ iyi í ya tɔɔ fei, aa mua. Inɛ mɔ iyi wa dɛdɛ fei, á ba. Inɛ mɔ iyi wa cã ɡambo fei, aa cĩa lafɛ̃ɛ.
23397	MAT 7:12	Na nŋu, mii iyi ì bi inɛ ŋa a ya ce nŋɛ fei, iŋɛ mɔ i ce nŋa bɛɛbɛ ŋa, domi iyi bɛi í jɛ icui idei kukɔsii walii ŋau do ti woodai Moizi.
23399	MAT 7:14	Amma kpãa iyi wa bɔ bi kuwɛɛ hai tã í mante, andɛɛ kù cĩ. Nɔ inɛ ŋa iyi à yɛ kpãau à waa tooɛ a kù kpɔ.
23401	MAT 7:16	Aa yɔkɔ i mà ŋa ŋai si kookoosu nŋa ŋa bɛi à ya mà jĩi hai si isoɛ. A ci ya ka isoi rezɛ̃ɛ si aɡũ. Nɔ a ci ya ka fiɡi si aɡũ fũfũ.
23404	MAT 7:19	Nɔ jĩi iyi kù waa so iso jiida fei à ya daai a dasi ina.
23416	MAT 8:2	Nɔ dintɛ ɡɔ í naa í sɛɛbata si wajuɛ í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í má.
23418	MAT 8:4	Nɔ Jesu í sɔ̃ɔ í ni, ɡbɔ, maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi.
23427	MAT 8:13	Nɔ Jesu í sɔ̃ inɛ nɡboi sooɡe ŋau í ni, bɔ kpasɛ̃ɛ. Fei ndɛɛ á ce si bɛi ì dasi naanɛu. Bɛ ɡbakã amaacɛu í ba iri.
23429	MAT 8:15	Ŋɔi Jesu í lu awɔɛ nɔ ara ɡbãau í nya. Nɔ abou í dede í yaaɛ.
23430	MAT 8:16	Iyi alɛ í lɛ, à naa Jesu inɛ ŋa iyi à nɛ inɛi inɔɔko ŋa wa nkpɔ nkpɔ. Nɔ í lele inɛi inɔɔko ŋau do ide ku fɔ, nɔ inɛ ŋa iyi à waa ce bɔ̃ɔ fei í jɔ̀ à ba iri.
23434	MAT 8:20	Nɔ Jesu í sɔ̃ɔ í ni, iŋa ŋa à nɛ kolo ŋa nɔ baa yɛi ŋa mɔ à nɛ bi ku sũ. Amma amu Amai Amanɛ n kù nɛ bii an koo n sũ n sĩmi.
23435	MAT 8:21	Nɔ inɛ akãi mɔcɔi Jesu ɡɔ mɔ í ni, Lafɛ̃ɛ, jɔ̀ n koo n si baam wa titã.
23440	MAT 8:26	Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.
23441	MAT 8:27	Nɔ mɔcɔ ŋau fei à biti à waa ni, inɛ dimi yoomai ihɛ̃. Baa inyi do fufu ŋa fei à waa jirima ideɛ.
23443	MAT 8:29	Nɔ à dɔ̃ anu à ni, mii í wa si ɡãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?
23444	MAT 8:30	Nɔ à hɔ̃nnɛ kuusɔɔ ɡaa ɡɔ ŋa waju à waa jɛ.
23445	MAT 8:31	Nɔ inɛi inɔɔko ŋau à tɔɔ Jesu à ni, bii ì waa lele wai, jɔ̀ kaa mu kuusɔɔ ɡaa ŋau ihɔ̃.
23446	MAT 8:32	Ŋɔi Jesu í sɔ̃ ŋa í ni a koo. Nɔ à fita hai si inɛ ŋau à koo à mu kuusɔɔ ŋau. Nɔ kuusɔɔ ɡaa ŋau fei à sɛi wa hai antai iri kutau à na à dasi tenkuu, inyi í jɛ ŋa.
23448	MAT 8:34	Nɔ inɛi inɔ ilu ŋau fei à fita à bɔ Jesu ku cɔ. Iyi à koo à yɔɔ ŋɔi à tɔɔɛ ku fita hai ilɛi ide nŋa.
23457	MAT 9:9	Ŋɔi Jesu í dede hai bɛ í bɔ inɔ iluu. Iyi wa nɛ ŋɔi í yɛ mɔkɔ ɡɔ iyi à ya kpe Matie wa buba ile bi ku ɡba fiai lɛmpoo. Ŋɔi í sɔ̃ɔ í ni, toom wa. Nɔ Matie í dede í tooɛ.
23463	MAT 9:15	Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ ɡɔ waati iyi mɔkɔ titɔ̃u í wa inɔ nŋai? Aawo, amma ajɔ ɡɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛ aa dĩ anu.
23467	MAT 9:19	Nɔ Jesu í dede do mɔcɔɛ ŋa à too mɔkɔu.
23472	MAT 9:24	Nɔ í ni, i fita hai ihɛ̃. Ama inaabou kù ku, wa sĩ njooi, nɔ à waa yaakoɛ.
23474	MAT 9:26	Nɔ laabaaui ideu í fanɡaa si ilɛu fei.
23475	MAT 9:27	Nɔ Jesu í nɛ hai bɛ. Si isɛɛnɛɛu fɛɛju minji ɡɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.
23476	MAT 9:28	Ŋɔi Jesu í nɛ hee í to kpasɛ̃. Nɔ fɛɛju ŋau à naa bi tɛɛ nɔ í bee ŋa í ni, ì dasi naanɛ ŋa iyi an yɔkɔ n coo? Nɔ aŋa mɔ à ni, oo, Lafɛ̃ɛ.
23477	MAT 9:29	Nɔ Jesu í lu iju nŋau í ni, ku ce nŋɛ si bɛi ì dasi naanɛu ŋa.