23217	MAT 1:4	Aramu mɔ í bí Aminadabu. Aminadabu mɔ í bí Nasɔ̃ɔ. Nasɔ̃ɔ mɔ í bí Salamɔɔ.
23218	MAT 1:5	Salamɔɔ do Rahabu aboɛi à bí Boazi. Boazi mɔ do Rutu aboɛi à bí Obɛdi. Obɛdi mɔ í bí Izai.
23219	MAT 1:6	Izai mɔ í bí Davidi iyi í na í jɛ ilaaluu. Davidiu mɔ í bí Salomɔɔ. Iyei Salomɔɔui í jɛ aboi Urii iyi Davidi í sou.
23220	MAT 1:7	Salomɔɔ mɔ í bí Roboamu. Roboamu mɔ í bí Abia. Abia mɔ í bí Azafu.
23225	MAT 1:12	Si anyii iyi à nɛò ŋa ikpa Babilɔni ŋɔi Zekonia í bí Salatɛli, nɔ Salatɛli mɔ í bí Zorobabɛli.
23227	MAT 1:14	Azɔɔ mɔ í bí Sadɔku. Sadɔku mɔ í bí Akimu. Akimu mɔ í bí Eliudu.
23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23233	MAT 1:20	Si bɛi wa lasabu bɛɛbɛ ŋɔi amalekai Aɔ̃ Lafɛ̃ɛ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muɛu. Dasiɛ kpasɛ̃. Asĩ iyi í nɛu bɛ, do ɡbuɡbãi Hundei Ilaaɔ̃i.
23239	MAT 2:1	À bí Jesui Betelehɛmu si ilɛi Zudee si waatii amanlu Herodu. Si anyii kubíɛ woo mà yaasei andaiya ɡɔ ŋa à naa Zeruzalɛmu hai nunui daakɔ,
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23250	MAT 2:12	Si anyiɛ Ilaaɔ̃ í sɔ̃ ŋa si ala í ni a maà nyi bi amanlu Herodu má. Nɔ à too kpãa mmu à nɛò ilɛi ide nŋa.
23256	MAT 2:18	À ɡbɔ anu ku dɔ̃ si ilui Rama. À ɡbɔ inɛ ŋa à kpata, À waa cã buubuu. Asee, Rasɛlii wa kpata na irii amaɛ ŋa. Nɔ à bɔ ku lɛlɛɛ, Amma í kɔ ku ɡbɔ kulɛlɛu Si na iyi í jɔ̀ amaɛ ŋa a kù wɛɛ má.
23257	MAT 2:19	Si anyiɛ Herodu í naa í ku, ŋɔi amalekai Aɔ̃ Lafɛ̃ɛ í naa bi Zozɛfu si ala ilɛi Ezibiti bɛ,
23268	MAT 3:7	Farisi do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.
23279	MAT 4:1	Si anyii nŋu, ŋɔi Hundei Ilaaɔ̃ í bɔò Jesu si ɡbabua ku ba Seetam ku lɛlɛɛ.
23281	MAT 4:3	Ŋɔi Seetam woo lɛlɛu, í naa siɛ í ni, bii awɔu Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23286	MAT 4:8	Si anyii nŋu, Seetam í bɔò Jesu hee antai iri kuta nla ɡɔ má nɔ í nyisiɛ bommai andunya fei do amboe nŋa.
23288	MAT 4:10	Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa tɔɔ, nɔ i wɛɛ na irii nŋu akã.
23289	MAT 4:11	Ŋɔi Seetam í bɛi í sɛkɛɛ hai bi tɛɛ, nɔ amaleka ŋa à naa à sobiɛ.
23296	MAT 4:18	Ajɔ nŋu ɡɔ Jesu wa nɛ si itĩi tenku iyi à ya kpe Galilee, ŋɔi í yɛ sɔɔkɔ minji ɡɔ ŋa, Simɔɔ iyi à ya kpe Piɛɛ do ifɔɛ Anderee, à waa le taao si inɔ tenkuu.
23302	MAT 4:24	Nɔ baauɛ í fanɡaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛɡɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.
23305	MAT 5:2	Nɔ í lɔsi cio ku kɔ ŋa si. Si cioɛu í ni,
23327	MAT 5:24	jɔ̀ amuaɛu bi kuweeu bɛ titã, i koo i teese ideu ɡbakã, awɔ do kpaasiɛ. Si anyiɛ, i bɛi i nyi wa i cea Ilaaɔ̃ amuaɛ.
23340	MAT 5:37	I jɔ̀ ide ku fɔ nŋɛ ku jɛ ntɔ. Bii ì ni ooi ku jɛ oo do ntɔ, bii aawo mɔi, ku jɛ aawo. Iyi aa lesi antaɛ bɛbɛi fei ŋa, hai bi Seetam inɛ laalɔui wa naa.
23364	MAT 6:13	Maà ti i jɔ̀ ka dasi kulɛlɛ, Amma nya wa hai si awɔi Seetam. [Domi awɔi ì nɛ bomma do ɡbuɡbã do amboe hee do ajɔ fei. Ami.]
23380	MAT 6:29	Amma ǹ wa n sɔ̃ ŋɛ, baa Salomɔɔ ilaalu nlau, do amboe nla nlaɛ fei kù nɛ jĩnɛ iyi boodaɛ í to kokoi jĩi ŋau bɛ baa akã.
23405	MAT 7:20	Si bɛi à ya mà jĩi hai si isoɛ, bɛɛbɛ mɔi aa mà walii ilu ibo ŋa hai si kookoosu ŋa.
23428	MAT 8:14	Si anyiɛ, Jesu í bɔ kpasɛ̃i Piɛɛ, í koo í ba iyei aboi Piɛɛ kù waa nɛ baani, wa sũò ara ɡbãa.
23437	MAT 8:23	Si anyii nŋu, Jesu í lɔ akɔi inyi nɔ mɔcɔɛ ŋa mɔ à lɔ à tooɛ.
23453	MAT 9:5	Si ide minji ŋau ihɛ̃, yoomai kufɔɛ í faala í re, inɛ ku sɔ̃ inɛ ɡɔ ku ni ǹ kpa idei dulum dɛɛ, walakɔ ku ni ku dede ku nɛ.
23458	MAT 9:10	Si anyiɛ Jesu wa jɛ kpasɛ̃i mɔkɔu, ŋɔi woo ɡba fiai lɛmpoo do inɛ nkpɔ ɡɔ ŋa má iyi kuwɛɛ nŋa kù sĩa à naa à buba bi Jesu do mɔcɔɛ ŋau.
23466	MAT 9:18	Si waati iyi Jesu wa sɔ̃ ŋa ideu ihɛ̃ ŋɔi inɛ nɡbo ɡɔ í naa í sɛɛbata si wajuɛ í ni, ama inaabom wee í ku nsɛi nsɛi, amma naa le siɛ awɔ ku jĩ má.
23475	MAT 9:27	Nɔ Jesu í nɛ hai bɛ. Si isɛɛnɛɛu fɛɛju minji ɡɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.
23482	MAT 9:34	Amma Farisi ŋau à ni, Seetam ilaalui inɛi inɔɔko ŋaui í muaa ɡbuɡbã ku leleò ŋa.
23487	MAT 10:1	Si anyii nŋu, Jesu í kpe mɔcɔ maateejiɛ ŋau í tɔtɔɔ ŋa bi tɛɛ. Nɔ í mu nŋa yiiko a leleò inɛi inɔɔko ŋa nɔ a jɔ̀ kɔ̃ɔ ŋa a ba iri do inɛ ŋa iyi à waa ce bɔ̃ɔ dimi ikã ikã fei.
23488	MAT 10:2	Irii woo bɛ maateeji ŋau wee. Sinte, Simɔɔ iyi à ya kpe Piɛɛu do ifɔɛ Anderee, do ama minjii Zebedee ŋa Zaaki do ifɔɛ Zãa,
23490	MAT 10:4	do Simɔɔ inɛi iɡbɛi Zelɔtu, do Zudasi Isikariɔti, inɛ iyi á na ku zambaɛu.
23491	MAT 10:5	Jesu í bɛ amanɛ maateeji ŋau nɔ í sɔ̃ ŋa bɛi nŋu í bi a ce. Í ni, i maà bɔ bi dimi mmu ŋa, nɔ i maà lɔ si ilui inɛi Samari kãma ŋa.
23494	MAT 10:8	Nɔ i jɔ̀ bɔ̃ɔ ŋa a ba iri nɔ i jĩ iku ŋa, i jɔ̀ dintɛ ŋa a ba iri a jɛ inɛ kumá, nɔ i lele inɛi inɔɔko ŋa iyi à wa si inɛ ŋa. Si bɛi ì ba hai nɛ kusã ŋa, iŋɛ mɔ i na hai nɛ kusã.
23500	MAT 10:14	Si ilu ɡɔ wala si kpasɛ̃ ɡɔ, bii inɛ ŋau à kɔ ku ɡba ŋɛ, hee má jɛ a ɡbɔ ide nŋɛ, i nɛ hai bɛ nɔ i ɡbuɡbã nŋa irurui baata nŋɛ ŋa ku ba ku jɛ nŋa sɛɛda iyi kiitii Ilaaɔ̃ á naa si ŋa.
23501	MAT 10:15	Ntɔ ntɔ, an sɔ̃ ŋɛ, si ajɔi kiitiu, Ilaaɔ̃ á ce araarei inɛi Sodomu do Gɔmɔɔ ŋa ku re inɛi ilu dimi bɛɛbɛ ŋau bɛ
23511	MAT 10:25	Na nŋu, í sĩa ama cio ku jɛsi a cea nŋu bɛi à cea woo kɔsiɛ. Bɛɛbɛ mɔi, í sĩa amaacɛ mɔ ku jɛsi a cea nŋu bɛi à cea lafɛ̃ɛɛ. Bii à waa kpe amu ilu kpasɛ̃u Seetam, aa sɔ iŋɛ inɛi kpasɛ̃ɛ ŋau iri laalɔ iyi í re bɛɛbɛ.
23549	MAT 11:21	Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi . à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.
23550	MAT 11:22	Na ŋɔi í jɔ̀ ǹ wa n sɔ̃ ŋɛ iyi si ajɔi kiitiu ijuukpãi inɛi Tii do Sidɔ̃ɔ ŋa á tia tu ŋɛ.
23551	MAT 11:23	Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi ku wai iku ŋa. Ntɔ ntɔ, maamaake nkpɔ nkpɔ iyi ǹ ce si ilu nŋɛ, bii í jɛ Sodomui ǹ coo wo, iluu á wɛɛ baa nnyi.
23552	MAT 11:24	Na ŋɔi í jɔ̀ ǹ wa n sɔ̃ ŋɛ iyi si ajɔi kiitiu ijuukpãi inɛi Sodomu ŋa á tia tu ŋɛ.
23559	MAT 12:1	Si anyii ajɔ minji, ajɔi kusĩmi ɡɔ, Jesu do mɔcɔɛ ŋa à waa too kɔɔi ilɛ ɡɔ. Nɔ wee ari wa kpa mɔcɔɛ ŋau ŋɔi à wɔ amaajɛ iyi à ɡbɛ̃ si ilɛu à nunu ijuɛ si awɔ à waa ŋɔ.
23580	MAT 12:22	Si anyii nŋu, à naa Jesu mɔkɔ ɡɔ wa iyi inɛi inɔɔko í jɔ̀ í fɛɛju nɔ í dekĩ. Nɔ Jesu í faaba inɛɛu, í jɔ̀ wa yɛ ilu nɔ wa fɔ ide.
23583	MAT 12:25	Si bɛi Jesu í mà lasabu nŋa, ŋɔi í sɔ̃ ŋa í ni, bomma iyi inɛɛ ŋa à waa ja aŋa duusɔ̃ɔ á na ku ɡbe nɡbɛ. Bɛɛbɛ mɔi ilu walakɔ kpasɛ̃ ɡɔ iyi inɛɛ ŋa à waa ja aŋa duusɔ̃ɔ kaa na ku kpɛ.
23584	MAT 12:26	Na nŋu, bii Seetam wa lele araɛ, wa ce iɡũ do araɛi, bommaɛ kaa kpɛ.
23599	MAT 12:41	Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi inɛ iyi wa sɔ̃ ŋɛ ideu ihɛ̃ í re Zonasi.
23600	MAT 12:42	Si ajɔi kiitiu, ilaalu inaabo iyi í naa hai awɔ canɡai kpãai inunu á dede si inɛi nnyi ŋa ku yɛ taale nŋa, si na iyi í jɔ̀ hai jĩijĩi í dede í naa ku ɡbɔ idei bisii Salomɔɔ, ilaalu nlau. Nɔ wee nsɛi inɛ iyi wa sɔ̃ ŋɛ ideu ihɛ̃ í re Salomɔɔ.
23609	MAT 13:1	Si ajɔ akãu bɛ má, Jesu í fita hai kpasɛ̃ í koo í buba itĩi tenku.
23612	MAT 13:4	Si bɛi wa fã dimiu, ŋɔi ɡɔɡɔ ŋa à cuku si kpãa nɔ yɛi ŋa à naa à jɔɔ.
23627	MAT 13:19	Inɛ iyi wa ɡbɔ idei bommai Ilaaɔ̃ nɔ kù ɡbɔ yaaseɛ, í yɛi bɛi kpãa bii dimiu í cuku. Seetam inɛ laalɔui, i ya naa ku nya ide iyi à ɡbɛ̃ si idɔɛ.
23646	MAT 13:38	Ilɛui í jɛ andunya. Dimi jiidau mɔ, nŋui í jɛ inɛi bommai Ilaaɔ̃ ŋa. Fɔfɔ laalɔu nŋui í jɛ inɛi Seetam ŋa.
23647	MAT 13:39	Mbɛɛ iyi í ɡbɔ̃ɔ nŋui í jɛ Seetam. Ajɔi kumuu mɔi í jɛ ajɔ iyi andunya á kpa iri, nɔ woo mu ŋau mɔ aŋai à jɛ amaleka ŋau.
23663	MAT 13:55	Í jɔ amai woo ɡbe jĩi nɔu mbɛ ya. Kù jɛ iyeɛi à ya kpe Maariu? Zaaki do Zozɛfu do Simɔɔ do Zudu ŋa si à jɛ ifɔɛ ŋa?
23667	MAT 14:1	Si waati bɛɛbɛi Herodu, ilaalui Galileeu í ɡbɔ laabaaui Jesu.
23701	MAT 14:35	Si bɛi inɛi bɛ ŋau à mà Jesu, ŋɔi à fɔ laabaauɛ bii fei à ni í to wa. Nɔ à naa bɔ̃ɔ fei wa.
23719	MAT 15:17	I kù mà ŋa, mii iyi wa lɔ hai do ɡɛlɛi amanɛ fei, si inɔɛi wa bɔ? Si anyiɛ nɔ ku fita hai si ara.
23723	MAT 15:21	Si anyii nŋu, Jesu í nɛ hai bɛ í bɔ ikpa Tii do Sidɔ̃ɔ.
23742	MAT 16:1	Si anyii nŋu, Farisi do Sadusi ŋa à naa bi Jesu a cɔ laakaɛ. À tɔɔɛ ku ce maamaake iyi á nyisi iyi ɡbuɡbãɛ hai bi Ilaaɔ̃i wa naa.
23746	MAT 16:5	Si anyii nŋu, Jesu do mɔcɔɛ ŋau à koo à lɔ akɔi inyi à waa bɔ ikpa icei tenkuu ikpa ihɔ̃. Nɔ wee mɔcɔɛ ŋau à ɡbɛjɛ ku so pɛ̃ɛ kosĩa.
23747	MAT 16:6	Ŋɔi Jesu í sɔ̃ ŋa í ni, to, i ce laakai do lefeei Farisi do Sadusi ŋau.
23752	MAT 16:11	Na mii í ce i kù mà ŋa iyi pɛ̃ɛ si ǹ wa n fãa. I ce laakai do lefeei Farisi ŋa do Sadusi ŋau.
23753	MAT 16:12	Bɛbɛi mɔcɔ ŋau à mà iyi kù jɛ lefee iyi í ya jɔ̀ pɛ̃ɛ ku wui wa fãa, amma à mà iyi cioi Farisi do ti Sadusi ŋaui wa fãa.
23754	MAT 16:13	Nɔ Jesu í to Sezaree si ilɛi Filipee. Nɔ í bee mɔcɔɛ ŋa í ni, yooi inɛ ŋa à ya ni amu Amai Amanɛ ǹ jɛ.
23757	MAT 16:16	Nɔ Simɔɔ Piɛɛ í jɛaa í ni, awɔu Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.
23758	MAT 16:17	Ŋɔi Jesu í ni, Simɔɔ, amai Zãa, awɔu ilu inɔ didɔ̃i. Kù jɛ amanɛi í sɔ̃ɛ, bii ku jɛ Baam iyi í wa lele.
23759	MAT 16:18	Amui ǹ wa n sɔ̃ɛ iyi awɔu Piɛɛi, waatɔ kuta. Si antai kutaui an jilɛ iɡbɛm, nɔ baa iku takaɛ kaa yɔkɔ ku ɡanji iɡbɛu .
23764	MAT 16:23	Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í ɡbe ti amanɛ ŋa.
23765	MAT 16:24	Si anyii nŋu Jesu í sɔ̃ mɔcɔɛ ŋa í ni, inɛ iyi wa bi ku toom, ku jɔ̀ idɔɔbiɛ nɔ ku so jĩi ku ɡaauɛ ku toom wa.
23768	MAT 16:27	Amu Amai Amanɛ an nyi wa má dei kam kam do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.
23770	MAT 17:1	Si anyii ajɔ mɛɛfa Jesu í kpe Piɛɛ do Zaaki do Zãa ifɔɛ í nya ŋa ikã nɔ à koo à ɡũ iri kuta nla ɡɔ aŋa nŋa.
23772	MAT 17:3	Si anyiɛ ŋɔi Moizi do Elii à faata wa anu akã à waa baa ide ku fɔ.
23793	MAT 17:24	Si anyii nŋu Jesu do mɔcɔɛ ŋa à bɔ Kapɛranumu, ŋɔi woo ɡba fia iyi à nɛ ku sã na icɛi kpasɛ̃i Ilaaɔ̃ ŋau à naa bi Piɛɛ à beeɛ à ni, Mɛɛtu nŋɛ ci ya sã fiai kpasɛ̃i Ilaaɔ̃?
23794	MAT 17:25	Nɔ Piɛɛ í ni, áá, í ya sã. Ŋɔi Piɛɛ í nɛ kpasɛ̃. Iyi í lɔ ile nɔ Jesu í tako í beeɛ í ni, Simɔɔ, bɛirei ì waa lasabu. Ilaalui andunya ŋau ihɛ̃, hai bi yooi à ya ɡba fiai lɛmpoo. Hai bi amaalu ŋa de, mà hai bi inɛ njoo ŋa.
23819	MAT 18:23	Sotĩ i ɡbɔ faaji ɡɔ iyi wa nyisi bɛi bommai Ilaaɔ̃ í yɛ. Ilaalu ɡɔ wa bi ku ce dooi ɡbeseɛ iyi amaacɛɛ ŋa à waa mu.
23821	MAT 18:25	Si bɛi inɛɛu kù nɛ mii iyi á sãò ɡbeseu, ŋɔi lafɛ̃ɛɛ í ni a taa bɛi aru, nŋu do aboɛ do amaɛ ŋa do mii iyi í nɛ fei a sãò ɡbeseu.
23837	MAT 19:6	Si bɛɛbɛ a kù jɛ aŋa minji má, ara akã dei à jɛ. Na nŋu, amanɛ kù nɛ ku fɛɛfɛ mii iyi Ilaaɔ̃ í tɔtɔɔ.
23844	MAT 19:13	Si anyii nŋu, inɛ ŋa à ɡbã ama keeke ŋa à naa Jesu wa ku le si ŋa awɔ nɔ ku ce nŋa kutɔɔ. Amma mɔcɔɛ ŋa à waa ɡbaɡba si ŋa.
23852	MAT 19:21	Ŋɔi Jesu í sɔ̃ɔ í ni, bii ì bi i kɔ̃ dee dee, koo ta mii iyi ì nɛ fei, nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.
23880	MAT 20:19	Si anyiɛ nɔ a dasim si awɔi dimi mmu ŋa, aa yaakom, nɔ a tɛɛm kpɔtɔɔ, nɔ a kpakpam si jĩi ku ɡaau. Nɔ si ajɔ mɛɛtasia an jĩ má hai si balɛ.
23881	MAT 20:20	Si anyii nŋu ŋɔi iyei amai Zebedee ŋa í naa bi Jesu do amaɛ ŋa nɔ í ɡulɛ si wajuɛ ku tɔɔɛ nɡɔɡɔ.
23890	MAT 20:29	Si isɛɛnɛu Jesu do mɔcɔɛ ŋa à to Zeriko nɔ à waa fita hai bɛ. Waati iyi a waa fitau, zamaa nla ɡɔ wa too ŋa.
23900	MAT 21:5	I sɔ̃ inɛi Siɔ̃ɔ ŋa, i ni, I cɔ ilaalu nŋɛ wa naa bi tu ŋɛ. Amanɛ kurɔi. Si ɡbankɛlɛui í ɡũ, Si amaɛ. Mɛɛmu ku so asoi.
23912	MAT 21:17	Si anyii nŋu, í jɔ̀ ŋa í nɛ hai ilu bɛ í koo í sũ Betani.
23926	MAT 21:31	Si ama minji ŋau yoo nŋai í ce idɔɔbii baaɛ. Ŋɔi à ni, inɛ sinteui. Ŋɔi Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, woo ɡba fiai lɛmpoo do inaabo woo ta icu ŋa aa tako ŋɛ a lɔ si tenɡi bii Ilaaɔ̃ í jɛ bomma.
23932	MAT 21:37	Si anyii aŋa fei í bɛ si ŋa ama abíɛ wa, í ni, aa jirima amam.