23215	MAT 1:2	Aburahamui í bí Izaaki, Izaaki mɔi í bí Zakɔbu. Zakɔbu mɔi í bí Zuda do iɡbãɛ do ifɔɛ ŋa.
23216	MAT 1:3	Zuda do Tamaa aboɛ aŋa mɔi à bí Farɛsi do Zara. Farɛsi mɔ í bí Esiromu. Esiromu mɔ í bí Aramu.
23221	MAT 1:8	Azafu mɔ í bí Zozafati. Zozafati mɔ í bí Zoramu. Zoramu mɔ í bí Oziasi.
23222	MAT 1:9	Oziasi mɔ í bí Zoatamu. Zoatamu mɔ í bí Akazi. Akazi mɔ í bí Ezekia.
23223	MAT 1:10	Ezekia mɔ í bí Manasee. Manasee mɔ í bí Amɔɔ. Amɔɔ mɔ í bí Zoziasi.
23224	MAT 1:11	Zoziasi mɔ í bí Zekonia do ifɔɛ ŋa si waati iyi ilaalui Babilɔni, ilu nlau, í jɛ inɛi Izirɛli ŋa iɡũ í nɛò ŋa si ilɛɛ.
23225	MAT 1:12	Si anyii iyi à nɛò ŋa ikpa Babilɔni ŋɔi Zekonia í bí Salatɛli, nɔ Salatɛli mɔ í bí Zorobabɛli.
23226	MAT 1:13	Nɔ Zorobabɛli mɔ í bí Abiudu. Abiudu mɔ í bí Eliakimu. Eliakimu mɔ í bí Azɔɔ.
23228	MAT 1:15	Eliudu mɔ í bí Eleazaa. Eleazaa mɔ í bí Matani. Matani mɔ í bí Zakɔbu.
23229	MAT 1:16	Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.
23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23232	MAT 1:19	Zozɛfu mɔkɔɛu wee inɛ dee deei. Kù bi nŋu ku dasi Maari anyɔ si bantuma. Na ŋɔi í ce í dasi idɔ nŋu ku kɔsiɛ si asii.
23233	MAT 1:20	Si bɛi wa lasabu bɛɛbɛ ŋɔi amalekai Aɔ̃ Lafɛ̃ɛ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muɛu. Dasiɛ kpasɛ̃. Asĩ iyi í nɛu bɛ, do ɡbuɡbãi Hundei Ilaaɔ̃i.
23237	MAT 1:24	Iyi Zozɛfu í jĩ ŋɔi í ce bɛi amalekau í sɔ̃ɔ, í dasi Maari kpasɛ̃ɛ.
23238	MAT 1:25	Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
23239	MAT 2:1	À bí Jesui Betelehɛmu si ilɛi Zudee si waatii amanlu Herodu. Si anyii kubíɛ woo mà yaasei andaiya ɡɔ ŋa à naa Zeruzalɛmu hai nunui daakɔ,
23240	MAT 2:2	nɔ à bee à ni, iwoi ilaalui Zuifu ŋa iyi à bí nsɛiu í wa. Hai nunui daakɔi à yɛ andaiyaɛ í fita, ŋɔi à naa ku tɔɔɛ.
23241	MAT 2:3	Iyi amanlu Herodu í ɡbɔ ideu, ŋɔi inɔɛ í fɔ, bɛɛbɛ mɔi inɛi Zeruzalɛmu ŋau fei inɔ nŋa í fɔ.
23243	MAT 2:5	Ŋɔi à jɛaa à ni, Betelehɛmui si ilɛi Zudee domi bɛɛbɛi walii Misee í tako í kɔɔ wo,
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23251	MAT 2:13	Iyi woo mà ŋau à to anyi à nɛ, nɔ amalekai Aɔ̃ Lafɛ̃ɛ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.
23252	MAT 2:14	Na ŋɔi í jɔ̀ Zozɛfu í dede idũ í so amau do iyeɛ í nɛò ŋa Ezibiti.
23255	MAT 2:17	Bɛɛbɛi ide iyi walii Zeremi í fɔu í ce. Í ni,
23257	MAT 2:19	Si anyiɛ Herodu í naa í ku, ŋɔi amalekai Aɔ̃ Lafɛ̃ɛ í naa bi Zozɛfu si ala ilɛi Ezibiti bɛ,
23259	MAT 2:21	Nɔ Zozɛfu í dede í so amau do iyeɛ à nyi ilɛi Izirɛli má.
23260	MAT 2:22	Amma í ɡbɔ iyi Aakelausii í jɛ bommai baaɛ Herodu si ilɛi Zudeeu, ŋɔi wa ce njoi ku bɔ ku buba bɛ. Nɔ Ilaaɔ̃ í sɔ̃ɔ si ala má í ni ku bɔ ilɛi Galilee. Ŋɔi í tekĩ í bɔ Galilee si bɛi Ilaaɔ̃ í sɔ̃ɔ.
23262	MAT 3:1	Waati bɛɛbɛi, Zãa woo dasi inyi í naa wa ce waazo si ɡbabuai Zudee.
23264	MAT 3:3	Idei Zãaui walii Ezai í fɔ wo, si waati iyi í ni, À ɡbɔ imui inɛ ɡɔ wa dɔ̃ anu si ɡbabua wa ni, I teese kpãai Lafɛ̃ɛ ku tɛ ŋa.
23265	MAT 3:4	Zãa wa dasi ibɔi ntoi kpookpo, nɔ wa dĩ santikii bata. Kɛtɛnɡbo do nyikɔ̃i sakoi í jɛ ijɛɛ.
23266	MAT 3:5	Nɔ inɛ ŋa à naa bi tɛɛ hai Zeruzalɛmu do hai ilɛi Zudee fei do hai ilu ŋa iyi à wa cinɡaai idoi Zuudɛ̃ɛu fei.
23267	MAT 3:6	À ce tuubai dulum du ŋa nɔ à jɔ̀ Zãa í dasi ŋa inyi si idoi Zuudɛ̃ɛu.
23268	MAT 3:7	Farisi do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.
23274	MAT 3:13	Waati bɛɛbɛ Jesu í naa hai ilɛi Galilee nɔ í bɔ idoi Zuudɛ̃ɛ ku ba Zãa ku dasiɛ inyi.
23275	MAT 3:14	Iyi í to wa í ni Zãa ku dasi nŋu inyi, ŋɔi Zãa wa bi ku kɔ, í ni, awɔi ì nɛ kpãa i dasim inyi, nɔ bɛirei í ce ì waa naa bi tom.
23276	MAT 3:15	Ŋɔi Jesu í jɛaa í ni, jɔ̀ ku ce bɛɛbɛ titã, domi bɛɛbɛi à nɛ ka ce ka ceò mii iyi Ilaaɔ̃ í bi fei. Nɔ Zãa í jɛ.
23277	MAT 3:16	Iyi í dasi Jesu inyi í tã, bɛ ɡbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ Zãa í yɛ Hundei Ilaaɔ̃ wa de siɛ wa bɛi ankasiidi.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23290	MAT 4:12	Ŋɔi Jesu í ɡbɔ à ni à mu Zãa à dasiɛ piisɔ̃ɔ. Nɔ í sinda í nyi ilɛi Galilee.
23291	MAT 4:13	Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.
23293	MAT 4:15	Inɛi Zabulɔ̃ɔ do inɛi Nɛfitali ŋa, Aŋa iyi à wa kɔkɔi kpãa iyi wa bɔ Tenku, Aŋa iyi à wa ikpa icei idoi Zuudɛ̃ɛu, Aŋa iyi à wa ilɛi Galilee bii dimi mmu ŋa à wa,
23299	MAT 4:21	Iyi í to waju nɔ í yɛ inɛ minji ɡɔ ŋa má, Zaaki do Zãa ifɔɛ, amai Zebedee ŋa. Inɛ ŋau à wa si akɔi inyi ɡɔ do baa nŋa, à waa teese taao nŋa ŋa. Nɔ Jesu í kpe ŋa.
23301	MAT 4:23	Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.
23303	MAT 4:25	Nɔ zamaa nkpɔ ɡɔ í too fitiɛ wa hai ilɛi Galilee do hai ilui Zeruzalɛmu do ilɛi Zudee hee do icei idoi Zuudɛ̃ɛu bii Ilu Mɛɛwa ŋau à wa fei.
23338	MAT 5:35	Nɔ i maà ya ɡbasi do ilɛ ŋa, domi bi ku lesi isɛɛi. Nɔ i maà ya ɡbasi do Zeruzalɛmu ŋa domi ilui Ilaaɔ̃ amanlu nlaui.
23425	MAT 8:11	An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.
23462	MAT 9:14	Wee Zãa woo dasi inyiu mɔ í nɛ mɔcɔ ŋa. Mɔcɔɛ ŋau à naa bi Jesu nɔ à beeɛ à ni, na mii í ce awa do Farisi ŋau à ya ka dĩ anu amma awɔ, mɔcɔɛ ŋa a ci ya dĩ anu.
23483	MAT 9:35	Jesu wa dabii dabii si ilu nla ŋa do si ilɛɛko ŋa, wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, nɔ wa sisi laabaau jiidai bommai Ilaaɔ̃ nɔ í jɔ̀ bɔ̃ɔ ŋa do kɔ̃ɔ ŋa fei à ba iri.
23488	MAT 10:2	Irii woo bɛ maateeji ŋau wee. Sinte, Simɔɔ iyi à ya kpe Piɛɛu do ifɔɛ Anderee, do ama minjii Zebedee ŋa Zaaki do ifɔɛ Zãa,
23489	MAT 10:3	do Filipu do Baatelemi, do Tomaa, do Matie iyi í tako í jɛ woo ɡba fiai lɛmpoo, do Zaaki amai Alifee do Tadee,
23490	MAT 10:4	do Simɔɔ inɛi iɡbɛi Zelɔtu, do Zudasi Isikariɔti, inɛ iyi á na ku zambaɛu.
23530	MAT 11:2	Wee waati bɛɛbɛ Zãa woo dasi inyiu í wa piisɔ̃ɔ. Nɔ hai ile piisɔ̃ɔ bɛ í ɡbɔ baaui icɛi Jesu iyi à ya kpe Kirisi. Ŋɔi í bɛ siɛ mɔcɔɛ ɡɔ ŋa
23532	MAT 11:4	Nɔ Jesu í jɛ nŋa í ni, i koo i sisia Zãa mii iyi ì yɛ do iyi ì ɡbɔ ŋa.
23535	MAT 11:7	Iyi mɔcɔi Zãa ŋau à ɡbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ si ɡbabuau ŋa. Fɔfɔ iyi fufu wa yaya? Aawo.
23538	MAT 11:10	Zãai kukɔi idei Ilaaɔ̃ wa fãa tenɡi bii í ni, Ilaaɔ̃ í ni, wee ǹ bɛ woo sisi idem wa si wajuɛ iyi á teeseɛ kpãaɛ.
23539	MAT 11:11	Ntɔ ntɔ an sɔ̃ ŋɛ, si inɔi inɛ ŋa iyi inaabo ŋa à bí fei, kãma nŋa kù wɛɛ iyi í re Zãa woo dasi inyi. Amma do nŋu fei, baa inɛ iyi í kere í re si bommai Ilaaɔ̃ í roo.
23540	MAT 11:12	Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do ɡbuɡbã, nɔ ilu ɡbuɡbã ŋai à ya baa .
23541	MAT 11:13	Moizi í fɔ idei bommau si woodaɛ. Nɔ walii ŋau mɔ, aŋa fei à fɔ ideɛ hee í koo í to wa si waatii Zãa woo dasi inyiu.
23542	MAT 11:14	Ì ɡbɔ ŋa iyi à ni Elii á na ku naa. Bii ì jɛsi i ɡbɔ idem ŋa, Zãai í jɛ Eliiu.
23546	MAT 11:18	Ǹ ni bɛɛbɛi si na iyi í jɔ̀ waati iyi Zãa woo dasi inyiu í naa í ya dĩ anu nɔ ci ya mɔ vɛ̃ɛ, nɔ à ni í nɛ inɛi inɔɔkoi.
23567	MAT 12:9	Nɔ Jesu í nɛ hai bɛ í koo í lɔ ile bii Zuifu ŋa à ya ce kutɔtɔɔu.
23597	MAT 12:39	Amma Jesu í jɛ nŋa í ni, inɛ laalɔi nsɛi ŋa iyi a kù waa leekĩ do Ilaaɔ̃ nŋu akã, maamaakei à ya maa bi, amma maamaake ɡɔ kù wɛɛ iyi aa nyisi ŋa má bii kù jɛ ti walii Zonasi,
23598	MAT 12:40	domi si bɛi Zonasi í ce dasã mɛɛta do idũ mɛɛta si inɔi cɛ̃ɛ nlau, bɛɛbɛ mɔi Amai Amanɛ á ce dasã mɛɛta do idũ mɛɛta si balɛ.
23599	MAT 12:41	Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi inɛ iyi wa sɔ̃ ŋɛ ideu ihɛ̃ í re Zonasi.
23663	MAT 13:55	Í jɔ amai woo ɡbe jĩi nɔu mbɛ ya. Kù jɛ iyeɛi à ya kpe Maariu? Zaaki do Zozɛfu do Simɔɔ do Zudu ŋa si à jɛ ifɔɛ ŋa?
23668	MAT 14:2	Nɔ í sɔ̃ amaacɛɛ ŋa í ni, inɛɛu bɛ Zãa woo dasi inyiui í jĩ wa hai si balɛ. Na ŋɔi í jɔ̀ í nɛ ɡbuɡbã wa ceò maamaake ŋau bɛ.
23669	MAT 14:3	Mii iyi í jɔ̀ Herodu í fɔ bɛɛbe wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i ɡba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiu í jɔ̀ Herodu í ni a muu a dũu a dasiɛ piisɔ̃ɔ.
23671	MAT 14:5	Nɔ Herodu wa bi ku kpaa, amma wa ce njoi inɛ ŋa si na iyi í jɔ̀ aŋa fei à ni Zãa waliii.
23674	MAT 14:8	Ŋɔi ama inaabou í koo í bee iyeɛ, nɔ í nyi wa í naa í sɔ̃ɔ í ni, ǹ bi i muum irii Zãa woo dasi inyiu wa si pɛrɛnti.
23675	MAT 14:9	Ŋɔi inɔi ilaaluu í fɔ. Do nŋu fei í jɛsi nɔ í ni a koo a bu irii Zãau wa a naa a náa. Í jɛsii si na iyi í jɔ̀ í ɡbasi tã do mii fei si wajui inɛ njooɛ ŋau.
23676	MAT 14:10	Nɔ í bɛ inɛ ŋa ile piisɔ̃ɔ bɛ a koo a bu irii Zãa wa.
23678	MAT 14:12	Ŋɔi mɔcɔi Zãa ŋau à ɡbɔ ideu. Nɔ à naa à so ikuɛu à koo à suu. Nɔ à koo à sɔ̃ Jesu.
23691	MAT 14:25	Zakai amɛɛjuma ŋɔi Jesu wa nɛ si antai inyiu, wa bɔ bi mɔcɔɛ ŋa.
23703	MAT 15:1	Ŋɔi Farisi ɡɔ ŋa do woo kɔ inɛ ŋa si wooda ɡɔ ŋa à naa hai Zeruzalɛmu à bɔ bi Jesu à beeɛ à ni,
23745	MAT 16:4	Inɛ laalɔi nsɛi ŋa iyi a kù leekĩò Ilaaɔ̃ nŋu akã, nyindai à ya maa bi ku yɛ. Amma nyinda ɡɔ kù wɛɛ iyi aa nyisi ŋa má bii kù jɛ ide iyi í ba walii Zonasiu. Iyi Jesu í fɔ bɛɛbɛ í tã ŋɔi í jɔ̀ ŋa í nɛ.
23755	MAT 16:14	Ŋɔi à jɛaa à ni, inɛ ɡɔ ŋa à ya ni awɔu Zãa woo dasi inyiui. Inɛ ɡɔ ŋa mɔ à ya ni awɔu Elii walii nlai takoui. Inɛ ɡɔ ŋa mɔ à ya ni awɔu Zeremiii, walakɔ walii mmu ɡɔ má.
23758	MAT 16:17	Ŋɔi Jesu í ni, Simɔɔ, amai Zãa, awɔu ilu inɔ didɔ̃i. Kù jɛ amanɛi í sɔ̃ɛ, bii ku jɛ Baam iyi í wa lele.