23214	MAT 1:1	Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.
23215	MAT 1:2	Aburahamui í bí Izaaki, Izaaki mɔi í bí Zakɔbu. Zakɔbu mɔi í bí Zuda do iɡbãɛ do ifɔɛ ŋa.
23218	MAT 1:5	Salamɔɔ do Rahabu aboɛi à bí Boazi. Boazi mɔ do Rutu aboɛi à bí Obɛdi. Obɛdi mɔ í bí Izai.
23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23234	MAT 1:21	Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.
23235	MAT 1:22	Mii ŋau ihɛ̃ fei í cei ku ba ide iyi Aɔ̃ Lafɛ̃ɛ í tako í sɔ̃ walii Ezai ku sisia inɛ ŋau ku kɔ̃,
23238	MAT 1:25	Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
23239	MAT 2:1	À bí Jesui Betelehɛmu si ilɛi Zudee si waatii amanlu Herodu. Si anyii kubíɛ woo mà yaasei andaiya ɡɔ ŋa à naa Zeruzalɛmu hai nunui daakɔ,
23243	MAT 2:5	Ŋɔi à jɛaa à ni, Betelehɛmui si ilɛi Zudee domi bɛɛbɛi walii Misee í tako í kɔɔ wo,
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23246	MAT 2:8	Iyi í ɡbɔ bɛɛbɛ nɔ í sɔ̃ ŋa í ni a bɔ Betelehɛmu a koo a bee yaasei amau wa sãa sãa. Bii à yɔɔ nɔ a nyi wa a naa a sɔ̃ nŋu ku ba nŋu mɔ nŋu koo ɡulɛa.
23247	MAT 2:9	Iyi à ɡbɔ ideɛu à tã, ŋɔi à dasi kpãa. Nɔ andaiya iyi à tako à yɛ hai nunui daakɔu í nyi í cua nŋa má hee tenɡi bii amau í wa, í bɛi í leekĩ lele bɛ cau.
23248	MAT 2:10	Iyi à yɛ andaiyau í leekĩ bɛɛbɛ, ŋɔi idɔ nŋa í dɔ̃ hee í caa.
23251	MAT 2:13	Iyi woo mà ŋau à to anyi à nɛ, nɔ amalekai Aɔ̃ Lafɛ̃ɛ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.
23253	MAT 2:15	Bɛi à buba hee Herodu í koo í ku. Iyi bɛ í cei ku ba ide iyi Aɔ̃ Lafɛ̃ɛ í sɔ̃ waliiɛ ku sisia inɛ ŋau ku kɔ̃, si bɛi í ni, hai Ezibitii ǹ kpe amam wa.
23254	MAT 2:16	Ŋɔi amanlu Herodu í yɛ iyi woo mà andaiya ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ andaiyau í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.
23266	MAT 3:5	Nɔ inɛ ŋa à naa bi tɛɛ hai Zeruzalɛmu do hai ilɛi Zudee fei do hai ilu ŋa iyi à wa cinɡaai idoi Zuudɛ̃ɛu fei.
23270	MAT 3:9	I maà tamaa mà aa ba faaba ŋa si na iyi í jɔ̀ ì ya maa ni ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.
23274	MAT 3:13	Waati bɛɛbɛ Jesu í naa hai ilɛi Galilee nɔ í bɔ idoi Zuudɛ̃ɛ ku ba Zãa ku dasiɛ inyi.
23277	MAT 3:16	Iyi í dasi Jesu inyi í tã, bɛ ɡbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ Zãa í yɛ Hundei Ilaaɔ̃ wa de siɛ wa bɛi ankasiidi.
23278	MAT 3:17	Nɔ à ɡbɔ ide ku fɔ ɡɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.
23281	MAT 4:3	Ŋɔi Seetam woo lɛlɛu, í naa siɛ í ni, bii awɔu Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23286	MAT 4:8	Si anyii nŋu, Seetam í bɔò Jesu hee antai iri kuta nla ɡɔ má nɔ í nyisiɛ bommai andunya fei do amboe nŋa.
23287	MAT 4:9	Nɔ í ni, bii ì ɡulɛ ì tɔɔm, mii ŋau ihɛ̃ fei an muɛɛ.
23289	MAT 4:11	Ŋɔi Seetam í bɛi í sɛkɛɛ hai bi tɛɛ, nɔ amaleka ŋa à naa à sobiɛ.
23302	MAT 4:24	Nɔ baauɛ í fanɡaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛɡɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.
23303	MAT 4:25	Nɔ zamaa nkpɔ ɡɔ í too fitiɛ wa hai ilɛi Galilee do hai ilui Zeruzalɛmu do ilɛi Zudee hee do icei idoi Zuudɛ̃ɛu bii Ilu Mɛɛwa ŋau à wa fei.
23321	MAT 5:18	Ntɔ ntɔ, hee lele do ilɛ koo tãò, baa wasalii wooda keeke akã kaa ɡaizia, í ɡbe fei ndɛɛ ku kɔ̃i.
23328	MAT 5:25	Bii í jɛ inɛ ɡɔ wa bɔòɛ ile kiiti na idei ɡbese ɡɔ, ce kookaai hai kpãa awɔ do lafɛ̃ɛ i ɡbɔsi njɛ ku ba ku maà dasiɛ awɔi woo kiiti. Bii kù jɛ bɛɛbɛ, woo kiitiu á dasiɛ si awɔi zandaamu, nɔ zandaamu mɔ ku dasiɛ ile piisɔ̃ɔ.
23331	MAT 5:28	Amma amu, an sɔ̃ ŋɛ, awɔ inɛmɔkɔ iyi í cɔ inaabo hee binɛɛ í dede, ì ce sakara mbɛ tã si idɔɛ.
23339	MAT 5:36	Nɔ i maà ya ɡbasi do iri nŋɛ ŋa si na iyi í jɔ̀ i kaa yɔkɔ i fũuta baa ntoi iri akã nŋɛ hee ma jɛ i jɔ̀ ku dũ ŋa.
23340	MAT 5:37	I jɔ̀ ide ku fɔ nŋɛ ku jɛ ntɔ. Bii ì ni ooi ku jɛ oo do ntɔ, bii aawo mɔi, ku jɛ aawo. Iyi aa lesi antaɛ bɛbɛi fei ŋa, hai bi Seetam inɛ laalɔui wa naa.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23350	MAT 5:47	Bii kpaasi nŋɛ ŋa aŋa akãi ì ya ce fɔɔ ŋa, to, iŋɛ mɔ yooi ì tia ŋa. Baa hai dasi Ilaaɔ̃ naanɛ ŋa mɔ à ya ce bɛɛbɛ.
23352	MAT 6:1	Jesu í fɔ má í ni, bii ì waa ce mii iyi Ilaaɔ̃ í jilɛ nŋɛ, i ya ce laakai ŋa i maà coo si bantuma. Bii ì waa coo si bantuma ku ba inɛ ŋa a yɔɔ, i kaa ba riba kãma hai bi Baa nŋɛ iyi í wa lele.
23357	MAT 6:6	Amma iŋɛ, bii ì waa ce kutɔɔ ŋa, i lɔ hee ilaawa i cĩmbo ŋa, i tɔɔ Ilaaɔ̃ Baa nŋɛ bɛ tenɡi bii inɛ ɡɔ kù waa yɛ ŋɛ, nɔ Baa nŋɛ iyi wa yɛ mii iyi wa manji fei á sã nŋɛ.
23358	MAT 6:7	Bii ì waa ce kutɔɔ ŋa i maà ya fɔ ide akã i maa sisi ŋa bɛ́i hai mà Ilaaɔ̃ ŋa à ya ce. À waa tamaa na ide nkpɔ ku fɔi aŋai Ilaaɔ̃ á ɡbɔò kutɔɔi aŋa.
23359	MAT 6:8	I maà ya jɔ ŋa ŋa, domi hee i maà tɔɔ ŋa, Baa nŋɛ í mà bukaatai mii iyi ì nɛ tã ŋa.
23361	MAT 6:10	Naa jɛ bommaɛ. Jɔ̀ inɛ fei ku ce idɔɔbiɛ si ilɛu ihɛ̃ bɛi à waa ce lele.
23364	MAT 6:13	Maà ti i jɔ̀ ka dasi kulɛlɛ, Amma nya wa hai si awɔi Seetam. [Domi awɔi ì nɛ bomma do ɡbuɡbã do amboe hee do ajɔ fei. Ami.]
23367	MAT 6:16	Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛ́i ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.
23370	MAT 6:19	Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do ɡbuɡbã a koo a ce ileɛ.
23377	MAT 6:26	I cɔ yɛi ŋa iyi à waa fo lele. A kù waa ɡbɛ̃ hee a da nɡɔɡɔ a dasi suu. Do nŋu fei, Baa nŋɛ iyi í wa lele wa wo ŋa. I kù mà ŋa iyi bɛɛrɛ nŋɛ í re ti yɛi ŋau bɛ?
23384	MAT 6:33	Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í ɡbe bɛi fei Ilaaɔ̃i á kɔ̃ɔ nŋɛ si.
23385	MAT 6:34	Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.
23394	MAT 7:9	Yooi í wa si inɔ nŋɛ ihɛ̃ iyi bii amaɛ í tɔɔɛ pɛ̃ɛ á so kuta ku naa.
23399	MAT 7:14	Amma kpãa iyi wa bɔ bi kuwɛɛ hai tã í mante, andɛɛ kù cĩ. Nɔ inɛ ŋa iyi à yɛ kpãau à waa tooɛ a kù kpɔ.
23401	MAT 7:16	Aa yɔkɔ i mà ŋa ŋai si kookoosu nŋa ŋa bɛi à ya mà jĩi hai si isoɛ. A ci ya ka isoi rezɛ̃ɛ si aɡũ. Nɔ a ci ya ka fiɡi si aɡũ fũfũ.
23405	MAT 7:20	Si bɛi à ya mà jĩi hai si isoɛ, bɛɛbɛ mɔi aa mà walii ilu ibo ŋa hai si kookoosu ŋa.
23408	MAT 7:23	Amma an sɔ̃ ŋa si wajui inɛ fei n ni, n kù mà ŋɛ ajɔ kãma. I sɛkɛɛ hai bi tom, iŋɛ iyi i kù ce idɔɔbim ŋa.
23409	MAT 7:24	Jesu í kpa nŋa mɔnda má í ni, na nŋu, inɛ iyi í ɡbɔ ide iyi ǹ wa n fɔu ihɛ̃ fei nɔ wa jirimaɛ, á yɛi bɛi mɔkɔ ilu bisi iyi í ma ileɛ si kuta.
23411	MAT 7:26	Amma awɔ iyi ì ɡbɔ ide iyi ǹ wa n fɔu ihɛ̃ fei nɔ i kù saaluɛ, aa yɛi bɛi mɔkɔ nnyɛi iyi í koo í ma ileɛ si sãai ido.
23415	MAT 8:1	Jesu í sɔ̃ ŋa ide ŋau ihɛ̃ feii í bɛi wa kita wa hai si antai kutau. Waati iyi í kita wa ŋɔi zamaa nla ɡɔ wa tooɛ.
23417	MAT 8:3	Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumá. Bɛ ɡbakã í ba iri hai si bɔ̃ɔɛu.
23418	MAT 8:4	Nɔ Jesu í sɔ̃ɔ í ni, ɡbɔ, maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi.
23422	MAT 8:8	Amma inɛ nɡboi sooɡe ŋau í jɛaa í ni, Lafɛ̃ɛ, n kù to i lɔ kpasɛ̃m. Baa hai ihɛ̃ fɔ ide, amaacɛm nɔu á ba iri.
23424	MAT 8:10	Iyi Jesu í ɡbɔ ideu í biti nɔ í sɔ̃ inɛ ŋa iyi à waa tooɛu í ni, ntɔ ntɔ, baa si inɔi inɛi Izirɛli ŋa fei n kù yɛ inɛ iyi í yɔkɔ í dasim naanɛ nla bɛi inɛɛu ihɛ̃.
23425	MAT 8:11	An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.
23431	MAT 8:17	Í ce nŋu ŋau bɛi ku ba ide iyi walii Ezai í fɔu ku kɔ̃ iyi í ni, nŋu takaɛ í so ɡbuɡbã hai nɛ nwa nɔ í nya bɔ̃ɔ nwa ŋa.
23432	MAT 8:18	Ajɔ nŋu ɡɔ, zamaa nkpɔ ɡɔ í kaako Jesu. Iyi Jesu í yɛ ŋa ŋɔi í sɔ̃ mɔcɔɛ ŋau í ni a bɔ icei tenkuu do ikpa ihɔ̃.
23438	MAT 8:24	Iyi à waa nɛ ŋɔi fufu nla ɡɔ í dede si tenkuu hee kutãnɡãm ndii inyiu wa bii akɔu. Amma Jesu wa sĩ njoo.
23441	MAT 8:27	Nɔ mɔcɔ ŋau fei à biti à waa ni, inɛ dimi yoomai ihɛ̃. Baa inyi do fufu ŋa fei à waa jirima ideɛ.
23442	MAT 8:28	Iyi Jesu í to icei tenkuu do ikpa ihɔ̃ si ilɛi Gadara, ŋɔi amanɛ minji ɡɔ ŋa à fita wa hai bi ku si iku ŋa à kòo wa. Inɛ ŋau à nɛ inɛi inɔɔko ku ɡaabu ntɔ ntɔ hee í jɔ̀ inɛ ɡɔ ci ya jɛ ku too kpãau.
23443	MAT 8:29	Nɔ à dɔ̃ anu à ni, mii í wa si ɡãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?
23444	MAT 8:30	Nɔ à hɔ̃nnɛ kuusɔɔ ɡaa ɡɔ ŋa waju à waa jɛ.
23445	MAT 8:31	Nɔ inɛi inɔɔko ŋau à tɔɔ Jesu à ni, bii ì waa lele wai, jɔ̀ kaa mu kuusɔɔ ɡaa ŋau ihɔ̃.
23446	MAT 8:32	Ŋɔi Jesu í sɔ̃ ŋa í ni a koo. Nɔ à fita hai si inɛ ŋau à koo à mu kuusɔɔ ŋau. Nɔ kuusɔɔ ɡaa ŋau fei à sɛi wa hai antai iri kutau à na à dasi tenkuu, inyi í jɛ ŋa.
23448	MAT 8:34	Nɔ inɛi inɔ ilu ŋau fei à fita à bɔ Jesu ku cɔ. Iyi à koo à yɔɔ ŋɔi à tɔɔɛ ku fita hai ilɛi ide nŋa.
23449	MAT 9:1	Iyi inɛ ŋau à tɔɔɛ ku fita hai ilɛi ide nŋa ŋɔi Jesu í lɔ akɔi inyi í kua icei tenkuu má. Í nɛ ilui nŋu takaɛ .
23451	MAT 9:3	Wee woo kɔ inɛ ŋa si wooda ɡɔ ŋa à wa bɛ. Iyi à ɡbɔ wa fɔ bɛɛbɛ ŋɔi à waa lasabu si idɔ nŋa à waa ni, inɛɛu ihɛ̃ wa bu Ilaaɔ̃i.
23453	MAT 9:5	Si ide minji ŋau ihɛ̃, yoomai kufɔɛ í faala í re, inɛ ku sɔ̃ inɛ ɡɔ ku ni ǹ kpa idei dulum dɛɛ, walakɔ ku ni ku dede ku nɛ.
23457	MAT 9:9	Ŋɔi Jesu í dede hai bɛ í bɔ inɔ iluu. Iyi wa nɛ ŋɔi í yɛ mɔkɔ ɡɔ iyi à ya kpe Matie wa buba ile bi ku ɡba fiai lɛmpoo. Ŋɔi í sɔ̃ɔ í ni, toom wa. Nɔ Matie í dede í tooɛ.
23463	MAT 9:15	Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ ɡɔ waati iyi mɔkɔ titɔ̃u í wa inɔ nŋai? Aawo, amma ajɔ ɡɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛ aa dĩ anu.
23466	MAT 9:18	Si waati iyi Jesu wa sɔ̃ ŋa ideu ihɛ̃ ŋɔi inɛ nɡbo ɡɔ í naa í sɛɛbata si wajuɛ í ni, ama inaabom wee í ku nsɛi nsɛi, amma naa le siɛ awɔ ku jĩ má.
23468	MAT 9:20	Waati iyi à dasi kpãa à waa nɛ, inaabo ɡɔ wa too ŋa. Abou wa ce bɔ̃ɔi awɔ ku mu hai adɔ̃ maateeji wa. Ŋɔi í bɔ do anyii Jesu í koo í lu itĩi ibɔɛ.
23472	MAT 9:24	Nɔ í ni, i fita hai ihɛ̃. Ama inaabou kù ku, wa sĩ njooi, nɔ à waa yaakoɛ.
23475	MAT 9:27	Nɔ Jesu í nɛ hai bɛ. Si isɛɛnɛɛu fɛɛju minji ɡɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.
23476	MAT 9:28	Ŋɔi Jesu í nɛ hee í to kpasɛ̃. Nɔ fɛɛju ŋau à naa bi tɛɛ nɔ í bee ŋa í ni, ì dasi naanɛ ŋa iyi an yɔkɔ n coo? Nɔ aŋa mɔ à ni, oo, Lafɛ̃ɛ.
23478	MAT 9:30	Nɔ à yɛ ilu. Nɔ Jesu í sɔ̃ ŋa í kɔnkɔn du ŋa í ni, i ɡbɔ ŋa, i maà sɔ̃ inɛ ɡɔ ideu ihɛ̃.
23480	MAT 9:32	Nɔ Jesu do mɔcɔɛ ŋa à nɛ hai bɛ, ŋɔi à naa Jesu inɛ ɡɔ wa. Inɛɛu inɛi inɔɔko dekĩ ɡɔ í muu.