23214	MAT 1:1	Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.
23215	MAT 1:2	Aburahamui í bí Izaaki, Izaaki mɔi í bí Zakɔbu. Zakɔbu mɔi í bí Zuda do iɡbãɛ do ifɔɛ ŋa.
23218	MAT 1:5	Salamɔɔ do Rahabu aboɛi à bí Boazi. Boazi mɔ do Rutu aboɛi à bí Obɛdi. Obɛdi mɔ í bí Izai.
23219	MAT 1:6	Izai mɔ í bí Davidi iyi í na í jɛ ilaaluu. Davidiu mɔ í bí Salomɔɔ. Iyei Salomɔɔui í jɛ aboi Urii iyi Davidi í sou.
23220	MAT 1:7	Salomɔɔ mɔ í bí Roboamu. Roboamu mɔ í bí Abia. Abia mɔ í bí Azafu.
23221	MAT 1:8	Azafu mɔ í bí Zozafati. Zozafati mɔ í bí Zoramu. Zoramu mɔ í bí Oziasi.
23222	MAT 1:9	Oziasi mɔ í bí Zoatamu. Zoatamu mɔ í bí Akazi. Akazi mɔ í bí Ezekia.
23223	MAT 1:10	Ezekia mɔ í bí Manasee. Manasee mɔ í bí Amɔɔ. Amɔɔ mɔ í bí Zoziasi.
23224	MAT 1:11	Zoziasi mɔ í bí Zekonia do ifɔɛ ŋa si waati iyi ilaalui Babilɔni, ilu nlau, í jɛ inɛi Izirɛli ŋa iɡũ í nɛò ŋa si ilɛɛ.
23226	MAT 1:13	Nɔ Zorobabɛli mɔ í bí Abiudu. Abiudu mɔ í bí Eliakimu. Eliakimu mɔ í bí Azɔɔ.
23227	MAT 1:14	Azɔɔ mɔ í bí Sadɔku. Sadɔku mɔ í bí Akimu. Akimu mɔ í bí Eliudu.
23228	MAT 1:15	Eliudu mɔ í bí Eleazaa. Eleazaa mɔ í bí Matani. Matani mɔ í bí Zakɔbu.
23229	MAT 1:16	Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.
23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23232	MAT 1:19	Zozɛfu mɔkɔɛu wee inɛ dee deei. Kù bi nŋu ku dasi Maari anyɔ si bantuma. Na ŋɔi í ce í dasi idɔ nŋu ku kɔsiɛ si asii.
23233	MAT 1:20	Si bɛi wa lasabu bɛɛbɛ ŋɔi amalekai Aɔ̃ Lafɛ̃ɛ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muɛu. Dasiɛ kpasɛ̃. Asĩ iyi í nɛu bɛ, do ɡbuɡbãi Hundei Ilaaɔ̃i.
23235	MAT 1:22	Mii ŋau ihɛ̃ fei í cei ku ba ide iyi Aɔ̃ Lafɛ̃ɛ í tako í sɔ̃ walii Ezai ku sisia inɛ ŋau ku kɔ̃,
23237	MAT 1:24	Iyi Zozɛfu í jĩ ŋɔi í ce bɛi amalekau í sɔ̃ɔ, í dasi Maari kpasɛ̃ɛ.
23238	MAT 1:25	Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
23239	MAT 2:1	À bí Jesui Betelehɛmu si ilɛi Zudee si waatii amanlu Herodu. Si anyii kubíɛ woo mà yaasei andaiya ɡɔ ŋa à naa Zeruzalɛmu hai nunui daakɔ,
23241	MAT 2:3	Iyi amanlu Herodu í ɡbɔ ideu, ŋɔi inɔɛ í fɔ, bɛɛbɛ mɔi inɛi Zeruzalɛmu ŋau fei inɔ nŋa í fɔ.
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23251	MAT 2:13	Iyi woo mà ŋau à to anyi à nɛ, nɔ amalekai Aɔ̃ Lafɛ̃ɛ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.
23252	MAT 2:14	Na ŋɔi í jɔ̀ Zozɛfu í dede idũ í so amau do iyeɛ í nɛò ŋa Ezibiti.
23253	MAT 2:15	Bɛi à buba hee Herodu í koo í ku. Iyi bɛ í cei ku ba ide iyi Aɔ̃ Lafɛ̃ɛ í sɔ̃ waliiɛ ku sisia inɛ ŋau ku kɔ̃, si bɛi í ni, hai Ezibitii ǹ kpe amam wa.
23257	MAT 2:19	Si anyiɛ Herodu í naa í ku, ŋɔi amalekai Aɔ̃ Lafɛ̃ɛ í naa bi Zozɛfu si ala ilɛi Ezibiti bɛ,
23258	MAT 2:20	í ni, dede i so amau do iyeɛ i nyiò ŋa ilɛi Izirɛli. Inɛ ŋa iyi à waa dɛ amau ku kpa à ku.
23259	MAT 2:21	Nɔ Zozɛfu í dede í so amau do iyeɛ à nyi ilɛi Izirɛli má.
23261	MAT 2:23	Nɔ í koo í buba Nazarɛti. Bɛɛbɛi idei walii ŋau í kɔ̃, si bɛi à ni aa kpoo inɛi Nazarɛti.
23262	MAT 3:1	Waati bɛɛbɛi, Zãa woo dasi inyi í naa wa ce waazo si ɡbabuai Zudee.
23264	MAT 3:3	Idei Zãaui walii Ezai í fɔ wo, si waati iyi í ni, À ɡbɔ imui inɛ ɡɔ wa dɔ̃ anu si ɡbabua wa ni, I teese kpãai Lafɛ̃ɛ ku tɛ ŋa.
23266	MAT 3:5	Nɔ inɛ ŋa à naa bi tɛɛ hai Zeruzalɛmu do hai ilɛi Zudee fei do hai ilu ŋa iyi à wa cinɡaai idoi Zuudɛ̃ɛu fei.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23291	MAT 4:13	Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.
23292	MAT 4:14	Iyi bɛ í cei ku ba ide iyi walii Ezai í tako í fɔu ku kɔ̃ waati iyi í ni,
23295	MAT 4:17	Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.
23303	MAT 4:25	Nɔ zamaa nkpɔ ɡɔ í too fitiɛ wa hai ilɛi Galilee do hai ilui Zeruzalɛmu do ilɛi Zudee hee do icei idoi Zuudɛ̃ɛu bii Ilu Mɛɛwa ŋau à wa fei.
23304	MAT 5:1	Iyi Jesu í yɛ zamaau ŋɔi í koo í ɡũ iri kuta ɡɔ í buba. Nɔ mɔcɔɛ ŋa à naa à tɔtɔɔ siɛ.
23320	MAT 5:17	Jesu í ni má, i maà tamaa bɛi ǹ naa woodai Moizi do cioi walii ŋau ku kpai. Aawo, ǹ naa ku kɔ̃ɔi.
23321	MAT 5:18	Ntɔ ntɔ, hee lele do ilɛ koo tãò, baa wasalii wooda keeke akã kaa ɡaizia, í ɡbe fei ndɛɛ ku kɔ̃i.
23324	MAT 5:21	Jesu í sɔ̃ ŋa má í ni, ì ɡbɔ ŋa iyi Moizi í sɔ̃ bala nŋɛ ŋa í ni, i maà kpa inɛ, nɔ inɛ iyi í kpa inɛ fei aa bɔòɛ si wajui woo kiiti ŋa a nyisiɛ bɔ̃nɛ.
23328	MAT 5:25	Bii í jɛ inɛ ɡɔ wa bɔòɛ ile kiiti na idei ɡbese ɡɔ, ce kookaai hai kpãa awɔ do lafɛ̃ɛ i ɡbɔsi njɛ ku ba ku maà dasiɛ awɔi woo kiiti. Bii kù jɛ bɛɛbɛ, woo kiitiu á dasiɛ si awɔi zandaamu, nɔ zandaamu mɔ ku dasiɛ ile piisɔ̃ɔ.
23329	MAT 5:26	Ntɔ ntɔ ǹ wa n sɔ̃ɛi, bii à dasiɛ piisɔ̃ɔ, bii i kù sã ɡbeseu fei i kaa fita. Nkãma kaa ɡaizia si.
23330	MAT 5:27	Jesu í ni má, ì ɡbɔ ŋa iyi Moizi í ni, i maà ce sakara.
23334	MAT 5:31	Nɔ Jesu í sɔ̃ ŋa má í ni, Moizi í ni, inɛ iyi wa kɔsi aboɛ á náa tiai njɛ kukɔsii.
23336	MAT 5:33	Jesu í sɔ̃ ŋa má í ni, ì nɔ ì ɡbɔ iyi Moizi í sɔ̃ bala nŋɛ ŋau í ni, ide iyi ì ɡbasi si wajui Aɔ̃ Lafɛ̃ɛ ì ni aa ce, jɔ̀ i coo.
23338	MAT 5:35	Nɔ i maà ya ɡbasi do ilɛ ŋa, domi bi ku lesi isɛɛi. Nɔ i maà ya ɡbasi do Zeruzalɛmu ŋa domi ilui Ilaaɔ̃ amanlu nlaui.
23341	MAT 5:38	Jesu í sɔ̃ ŋa má í ni, ì ɡbɔ ŋa iyi Moizi í fɔ wo í ni, inɛ iyi í nya ijui inɛ ɡɔ, aa nya ti nŋu mɔ. Inɛ mɔ iyi í cɛ inyii inɛ ɡɔ, aa cɛ ti nŋu mɔi.
23343	MAT 5:40	Bii inɛ ɡɔ í bɔòɛ kiiti ku ba ku ɡba danziɡiɛ, naa kumbooɛ mɔ má.
23344	MAT 5:41	Bii inɛ ɡɔ í tilasiɛ i soa nŋu aso i nɛò zakai kilo akã, so i nɛaa ku to kilo minji ɡbakã.
23346	MAT 5:43	Jesu í ni má, ì ɡbɔ ŋa iyi Moizi í fɔ wo í ni, bi kpaasiɛ, nɔ i cé mbɛɛɛ.
23397	MAT 7:12	Na nŋu, mii iyi ì bi inɛ ŋa a ya ce nŋɛ fei, iŋɛ mɔ i ce nŋa bɛɛbɛ ŋa, domi iyi bɛi í jɛ icui idei kukɔsii walii ŋau do ti woodai Moizi.
23401	MAT 7:16	Aa yɔkɔ i mà ŋa ŋai si kookoosu nŋa ŋa bɛi à ya mà jĩi hai si isoɛ. A ci ya ka isoi rezɛ̃ɛ si aɡũ. Nɔ a ci ya ka fiɡi si aɡũ fũfũ.
23413	MAT 7:28	Iyi Jesu í fɔ bɛɛbɛ í tã, ŋɔi zamaau í biti do si bɛi wa kɔ ŋa si cio.
23415	MAT 8:1	Jesu í sɔ̃ ŋa ide ŋau ihɛ̃ feii í bɛi wa kita wa hai si antai kutau. Waati iyi í kita wa ŋɔi zamaa nla ɡɔ wa tooɛ.
23418	MAT 8:4	Nɔ Jesu í sɔ̃ɔ í ni, ɡbɔ, maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi.
23424	MAT 8:10	Iyi Jesu í ɡbɔ ideu í biti nɔ í sɔ̃ inɛ ŋa iyi à waa tooɛu í ni, ntɔ ntɔ, baa si inɔi inɛi Izirɛli ŋa fei n kù yɛ inɛ iyi í yɔkɔ í dasim naanɛ nla bɛi inɛɛu ihɛ̃.
23425	MAT 8:11	An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.
23431	MAT 8:17	Í ce nŋu ŋau bɛi ku ba ide iyi walii Ezai í fɔu ku kɔ̃ iyi í ni, nŋu takaɛ í so ɡbuɡbã hai nɛ nwa nɔ í nya bɔ̃ɔ nwa ŋa.
23432	MAT 8:18	Ajɔ nŋu ɡɔ, zamaa nkpɔ ɡɔ í kaako Jesu. Iyi Jesu í yɛ ŋa ŋɔi í sɔ̃ mɔcɔɛ ŋau í ni a bɔ icei tenkuu do ikpa ihɔ̃.
23471	MAT 9:23	Ŋɔi Jesu í mɔsi isɛɛnɛɛ í to kpasɛ̃i inɛ nɡbou í yɛ woo fã ɡaasiai iku ŋa do zamaa nla nla ɡɔ wa dɔ̃ anu.
23481	MAT 9:33	Nɔ Jesu í lele inɛi inɔɔkou. Iyi í leleɛ ɡbakã nɔ mɔkɔu í lɔsi ide ku fɔ. Inɛ ŋa à biti à wasi ku ni, a kù yɛ dimiɛ si ilɛi Izirɛli ajɔ kãma.
23484	MAT 9:36	Iyi í yɛ zamaau, araare fei í muu, domi à wɛɛ do biti, inɔ nŋa fei í fɔ, à wɛɛ nŋa bɛi anɡudã ŋa iyi a kù nɛ woo deɡbe.
23490	MAT 10:4	do Simɔɔ inɛi iɡbɛi Zelɔtu, do Zudasi Isikariɔti, inɛ iyi á na ku zambaɛu.
23492	MAT 10:6	Amma i bɔ bi inɛi Izirɛli ŋa, aŋa iyi à nyɔ bɛi ama anɡudã ŋa.
23493	MAT 10:7	I koo i waazo ŋa i ni, Ilaaɔ̃ í maai ku jɛ bommaɛ.
23507	MAT 10:21	Inɛ ɡɔ ŋa aa zamba ifɔ nŋa ŋa walakɔ iɡbã nŋa ŋa ku ba a kpa ŋa. Bɛɛbɛ mɔi baa ŋa aa maa cea ama nŋa ŋa. Amu ŋa mɔ aa dede si baa nŋa ŋa ku ba a kpa ŋa.
23509	MAT 10:23	Bii à waa kpã ŋɛ iju si ilu ɡɔ i sa i bɔ ilu mmu. Ntɔ ntɔ, an sɔ̃ ŋɛ, i kaa dabii si ilɛi Izirɛliu i kpa iriɛ ŋa amu Amai Amanɛ n to wa.
23529	MAT 11:1	Waati iyi Jesu í sɔ̃ mɔcɔ maateejiɛ ŋau ide ŋau fei í tã, ŋɔi í nɛ hai bɛ í koo í dabii si ilui Galilee ŋau í kɔ inɛ ŋa si cio nɔ í ce nŋa waazo.
23535	MAT 11:7	Iyi mɔcɔi Zãa ŋau à ɡbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ si ɡbabuau ŋa. Fɔfɔ iyi fufu wa yaya? Aawo.
23540	MAT 11:12	Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do ɡbuɡbã, nɔ ilu ɡbuɡbã ŋai à ya baa .
23541	MAT 11:13	Moizi í fɔ idei bommau si woodaɛ. Nɔ walii ŋau mɔ, aŋa fei à fɔ ideɛ hee í koo í to wa si waatii Zãa woo dasi inyiu.
23549	MAT 11:21	Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi . à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.
23557	MAT 11:29	I jɛsi n lesi ŋɛ zuuɡum nɔ i ɡba idei ciom ŋa, si na iyi í jɔ̀ amuu amanɛ kurɔ do woo kaye arai. Bii ì waa ce bɛɛbɛ ŋa, aa ba kusĩmii hunde nŋɛ ŋa.
23558	MAT 11:30	Ntɔ ntɔ, zuuɡum nɔu kù ɡaabu nɔ aso iyi an kã nŋɛ kù wo.
23563	MAT 12:5	Mà i kù cioɛ si tiai woodai Moizi ŋa iyi si ajɔi kusĩmi woo wee ŋa iyi à ya nɛ icɛ si kpasɛ̃i Ilaaɔ̃ a kù waa jirima ajɔi kusĩmi? Do nŋu fei, a kù jɛ ilu taale ŋa.
23573	MAT 12:15	Amma Jesu í mà si ŋa nɔ í nɛ hai bɛ. Waati iyi Jesu wa nɛ, zamaa nla nla ɡɔ í tooɛ. Nɔ í jɔ̀ inɛ ŋa iyi à jɛ bɔ̃ɔ ŋa fei à ba iri.
23575	MAT 12:17	Í jɔ̀ à ba iri ku ba ide iyi walii Ezai í fɔu ku kɔ̃, iyi í ni,
23581	MAT 12:23	Nɔ zamaau fei í biti à waa ni, debɛi, á jɛ tɔkui Davidiu mbɛ.
23582	MAT 12:24	Amma iyi Farisi ŋau à ɡbɔ ideu, ŋɔi à ni, mɔkɔu ihɛ̃ wa lele inɛi inɔɔko ŋai do ɡbuɡbãi Bɛɛlizebuu . ilaalu nŋa.
23585	MAT 12:27	Bii í jɛ do ɡbuɡbãi Bɛɛlizebuui ǹ wa n leleò inɛi inɔɔko ŋa, to, do ɡbuɡbãi yooi mɔcɔ nŋɛ ŋa mɔ à waa leleò ŋa. Debɛi aŋa taka nŋa aa yɛ taale nŋɛ.
23599	MAT 12:41	Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi inɛ iyi wa sɔ̃ ŋɛ ideu ihɛ̃ í re Zonasi.
23604	MAT 12:46	Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.
23610	MAT 13:2	Nɔ zamaa nla nla ɡɔ í tɔtɔɔ siɛ. Ŋɔi í lɔ akɔi inyi ɡɔ í buba ku ba ku kɔ ŋa si cio. Nɔ zamaau fei wa leekĩ itĩ tenkuu bɛ.
23622	MAT 13:14	Mii iyi í ba ŋau bɛ Ezai í tako í ce waliiɛ í ni, Aa ya desi ide itĩ amma ì kaa ɡbɔ yaaseɛ ŋa, Nɔ aa maa cɔ ilu amma ì kaa yɛ nɡɔɡɔ ŋa.
23642	MAT 13:34	Ide ŋau bɛ fei sãa sãa do mɔndai Jesu í sɔ̃ zamaau, ci ya fɔ ide iyi kù jɛ do mɔnda.
23644	MAT 13:36	Jesu í jɔ̀ zamaau nɔ í koo í lɔ kpasɛ̃. Nɔ mɔcɔɛ ŋau à bɔ bi tɛɛ à ni, sisi nwa yaasei mɔndai fɔfɔ laalɔu.