23443	MAT 8:29	Nɔ à dɔ̃ anu à ni, mii í wa si ɡãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?
23542	MAT 11:14	Ì ɡbɔ ŋa iyi à ni Elii á na ku naa. Bii ì jɛsi i ɡbɔ idem ŋa, Zãai í jɛ Eliiu.
23706	MAT 15:4	Ì mà sãa sãa ŋa iyi Ilaaɔ̃ í ni, i ɡbɔa iyeò baa nŋɛ ŋa i jirima ŋa ŋa. Nɔ í ni má, inɛ iyi wa fɔ laalɔi iyeò baaɛ ŋa a kpa lafɛ̃ɛ.
23707	MAT 15:5	Amma iŋɛ ì waa fɔ ide mmu. Ì waa ni inɛ á yɔkɔ ku sɔ̃ iyeò baaɛ ku ni, fia iyi an yɔkɔ n sobiɛ do, ǹ jilɛaa Ilaaɔ̃.
23744	MAT 16:3	Bii daakɔi í ya ni ŋa, ijĩ á rɔ domi ijĩ í dũ í we manɡo. Ì waa mà yaasei lele ŋa amma i kù waa mà yaasei waati iyi à wa si nsɛi ŋa.
23764	MAT 16:23	Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í ɡbe ti amanɛ ŋa.
24003	MAT 23:16	Iŋɛ fɛɛju ŋai iyi ì waa mu ɡoloi fɛɛju ŋa, aa yɛ ijuukpã ŋa. Ì ya maa ni ŋa, bii inɛ í ceekpe do kpasɛ̃i Ilaaɔ̃ kù jɛ taale baa bii kù kɔ̃ɔ. Amma bii í ceekpe do wurai kpasɛ̃u, tilasii ku kɔ̃ ideu.
24011	MAT 23:24	Iŋɛ fɛɛju ŋai iyi ì waa mu ɡoloi fɛɛju ŋa. Ì waa coo inyi nŋɛ na kokoo ŋa nɔ ì bɛi ì waa miò kpookpo ŋa.
24308	MRK 1:24	mii í wa si ɡãmɛi awaɛ ŋa, Jesu, awɔ inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ Inɛ kumá iyi Ilaaɔ̃ í bɛ wa.
24543	MRK 7:11	Amma iŋɛ, ì waa fɔ ide mmu. Ì waa ni inɛ á yɔkɔ ku sɔ̃ iyeò baaɛ ku ni fia iyi nŋu á sobi ŋa do, ti Ilaaɔ̃i. Fiaui ì waa kpe kɔɔbãa ŋa.
24676	MRK 10:19	Ì mà sãa sãa mii iyi wooda í ni. Mii iyi wooda í ni wee, maà kpa inɛ, maà ce sakara, maà ce ile, maà jɛa inɛ ɡɔ sɛɛda ibo, maà takii inɛ ɡɔ, jirima iyeò baaɛ.
24887	MRK 14:64	Ì ɡbɔ bɛi wa bu Ilaaɔ̃ ŋa. Bɛirei ì yɛ a cea mɔkɔu ŋa. Ŋɔi aŋa fei à yɛ taaleɛ à ni a kpaa.
25157	LUK 4:25	Ì mà sãa sãa ŋa iyi ari nla ɡɔ í ce si ilɛu fei si waatii Elii walii nlau. Ijĩ kù rɔ si afei adɔ̃ mɛɛta do cukpa mɛɛfa, ma irei. Waati bɛɛbɛ inaabo jaaɔ̃ nkpɔi í wa si ilɛi Izirɛli.
25166	LUK 4:34	mii í wa si ɡãmɛi awaɛ ŋa awɔ Jesu inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ inɛ kumá iyi Ilaaɔ̃ í bɛ wa.
25522	LUK 11:48	Ì waa nyisi ŋa iyi ì jɛsi mii iyi bala nŋɛ ŋau à ce, si na iyi í jɔ̀ aŋai à kpa walii ŋau, nɔ iŋɛi ì waa teese balɛ nŋa ŋa.
25579	LUK 12:51	Ì tamaa bɛi laakai ku sũi ǹ naa nŋɛ wa si andunya ŋa? Aawo, ǹ wa n sɔ̃ ŋɛi, njɛ ku fɛɛfɛi ǹ naaò wa.
25589	LUK 13:2	Amma Jesu í sɔ̃ ŋa í ni, iŋɛ ì waa tamaa dulum dii inɛi Galilee ŋau bɛ í re ti inɛi Galilee ŋa iyi à ɡbei? Ì waa tamaa dulum du ŋai í jɔ̀ à kpa ŋa bɛɛbɛ ŋa?
25591	LUK 13:4	Ì waa ye ɡiɡii amanɛ maatũ do mɛɛta ŋa iyi ile ku ɡbokai Siloe í cuku í bata í kpau ŋa? Debɛi, ì waa tamaa kurara nŋai í re ti inɛi Zeruzalɛmu ŋa iyi à ɡbe fei ŋa?
25777	LUK 18:20	Ì mà sãa sãa mii iyi wooda í ni. Mii iyi wooda í ni wee, maà ce sakara, maà kpa inɛ, maà ce ile, maà jɛa inɛ ɡɔ sɛɛda ibo, jirima iyeò baaɛ.
26445	JHN 7:48	Ì ɡbɔ bii inɛ nɡbo ɡɔ walakɔ Farisi ŋau baa inɛ akã nŋa í dasiɛ naanɛ ŋai?
26543	JHN 9:34	Ŋɔi à sɔ̃ɔ à ni, si dulum nii à bíɛ mam mam. Ì tamaa awɔi aa kɔ nwa si cio? Ŋɔi à ɡanjiɛ ku naa ile bii à ya ce kutɔtɔɔ nŋa ŋa.
26618	JHN 11:26	Nɔ inɛ iyi í wɛɛ nɔ í dasim naanɛ kaa ku ajɔ kãma. Ì dasi ideu bɛ naanɛ?
26712	JHN 13:13	Ì ya maa kpem Mɛɛtu do Lafɛ̃ɛ ŋa. Ntɔi ì waa fɔ ŋa, domi bɛɛbɛi ǹ jɛ.
26765	JHN 14:28	Ì ɡbɔ ŋa iyi ǹ sɔ̃ ŋɛ ǹ ni ǹ wa n koo amma an nyi wa bi tu ŋɛ má. Bii ì bim ŋa aa wɛɛ do inɔ didɔ̃ ŋa do iyi ǹ wa n bɔ bi Baaba, domi nŋui í rem.
26852	JHN 17:24	Baaba, ǹ bi inɛ ŋa iyi ì nam a maa wa bi tom bii an wa, ku ba a yɛ amboem, amboe iyi ì muum. Ì muum amboeui si na iyi í jɔ̀ ì bim hai waati iyi a kù taka andunya.
26865	JHN 18:11	Amma Jesu í sɔ̃ Piɛɛ í ni, sindo taakubaɛ si ankɔ̃ɔɛ. Ì waa tamaa n kaa n temuaò ijuukpã iyi Baaba í jilɛɛm nii?
26893	JHN 18:39	Amma si bɛi à nɛ dɔɔnɛɛ, an jɔ̀ nŋɛ inɛi piisɔ̃ɔ akã si jinɡaui Iku ku kua. Ì bi n jɔ̀ nŋɛ ilaalui Zuifu ŋau?
26982	JHN 21:15	Iyi à nya sɔnda à tã ŋɔi Jesu í bee Simɔɔ Piɛɛ í ni, Simɔɔ amai Zãa, ì bim í re inɛ ihɔ̃ ŋa? Nɔ Piɛɛ í jɛaa í ni, oo Lafɛ̃ɛ. Ì mà iyi ǹ biɛ. Ŋɔi Jesu í sɔ̃ɔ í ni, ɡbɔa ama anɡudãm ŋa.
26983	JHN 21:16	Nɔ í beeɛ má isɛ ɡbeejisia í ni, Simɔɔ amai Zãa, ì bim? Nɔ Piɛɛ í jɛaa í ni, oo Lafɛ̃ɛ. Ì mà iyi ǹ biɛ. Ŋɔi Jesu í sɔ̃ɔ í ni, ɡbã anɡudãm ŋa.
27046	ACT 2:28	Ì nyisim kpãa iyi wa bɔɔm si kuwɛɛ. An wɛɛ do awɔ si inɔ didɔ̃.
27077	ACT 3:12	Iyi Piɛɛ í yɛ ŋa ŋɔi í sɔ̃ ŋa í ni, iŋɛ inɛi Izirɛli ŋa, bɛirei í ce ì biti ì waa cɔ wa bɛɛbɛ ŋa. Ì tamaa bɛi ɡbuɡbã nwai walakɔ daa jiida nwai í jɔ̀ mɔkɔu wa nɛ ŋa?
27236	ACT 7:51	Nɔ Etiɛni í ni má, iŋɛ inɛ ku ɡaabu ŋai, idɔ nŋɛ do itĩ nŋɛ fei í le. Ì ya maa kɔsi Hundei Ilaaɔ̃ ŋai waati kãma fei. Iŋɛ mɔ ì waa ce bɛi bala nŋɛ ŋa à tako à ce wo.
27364	ACT 10:36	Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.
27365	ACT 10:37	Ì nɔ ì mà ŋa mii iyi í sinti si ilɛi Galilee í bɛi í ce si ilɛi Zudee fei waati iyi Zãa í sisi idei inyi ku dasi iyi í ya maa ceu í tã.
27366	ACT 10:38	Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa ɡbuɡbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.
27728	ACT 20:34	Ì nɔ ì mà ŋa iyi ǹ ya n ce icɛi do awɔm n bɛi n ba bukaatai mii ŋa iyi ǹ bi fei, amu do inɛ ŋa iyi à waa toom.
27805	ACT 23:3	Nɔ Pɔlu í buu í ni, Ilaaɔ̃i á cãɛ, awɔ idĩ fũfũ ! Ì buba ì waa kiitiim si woodai Moizi, nɔ ì kua wooda má ì ni a cãm.
27808	ACT 23:6	Pɔlu í mà si iɡbɛu inɛ ɡɔ ŋa Sadusi ŋai, inɛ ɡɔ ŋa mɔ Farisi ŋai. Ŋɔi í fɔ ide hee lele si iɡbɛu í ni, iŋɛ kpaasim ŋa, amuu Farisii, inɛ iyi Farisi ŋa à bí. Ì waa kiitiim ŋai si na iyi í jɔ̀ ǹ dasi naanɛ iyi iku ŋa aa na a jĩ hai si balɛ.
28048	ROM 2:18	Ì mà mii iyi Ilaaɔ̃ í bi i ce, nɔ wooda í kɔɛ si i ce mii iyi í sĩa.
28049	ROM 2:19	Ì waa tamaa iyi aa yɔkɔ i cuaa fɛɛju ŋa nɔ i jɛ inya kumái inɛi ilu kuku ŋa.
28050	ROM 2:20	Ì waa tamaa mà aa yɔkɔ i mua nnyɛi ŋa bisi, nɔ i kɔ hai mà ŋa si cio, domi ì mà iyi icui kumà do ntɔu si woodai í wa.
28152	ROM 6:16	Ì mà sãa sãa ŋa bii ì so ara nŋɛ ì daa inɛ ɡɔ si awɔ ì waa jirimaɛ ŋa, inɛ iyi ì waa jirimau bɛ ŋa aruɛi ì jɛ ŋa. Bii ì jɛ arui dulum ŋa, kɔkɔɔɛi í jɛ iku, bii ì nɔ ì jɛ arui Ilaaɔ̃ ku jirima ŋa, kɔkɔɔi nŋu mɔi á jɔ̀ Ilaaɔ̃ ku ce ŋɛ inɛ dee dee ŋa.
28444	1CO 1:13	Ì waa tamaa bɛi aa kpɛ̃ Kirisi ikɔ bututu ŋai? Amu Pɔlu, amu sisi ǹ ku si jĩi na irii dulum du ŋɛ. Kù nɔ kù jɛ do irim nii à dasi ŋɛ inyi.
28508	1CO 4:7	Ì tamaa ì tia inɛ ɡɔ ŋai? Mii ì nɛ ŋa iyi Ilaaɔ̃ kù mu nŋɛ. Mà i kù mà ŋa iyi nŋui í mu nŋɛ fei ndɛɛ. To, na mii í ce ì waa tɔɔ fufu ŋa bɛi inɛ ŋa iyi à ba do ara nŋa.
28509	1CO 4:8	Ì waa ce bɛi inɛ ŋa iyi à nɛ mii iyi à bi fei tã ŋa, bɛi inɛ ŋa iyi à jɛ ilu amani tã. Ì waa ce má bɛi inɛ ŋa iyi à jɛ bomma nɔ awa a kù wa si. Á sĩa bii ì jɛ bomma do ntɔ ŋa awaɛ ŋa fei ka buba si bommau ajɔ.
28548	1CO 6:13	Ì ya nyi i ni ŋa, ijɛ í wɛɛi na inɔ, nɔ inɔ mɔ í wɛɛi na ijɛ. Ntɔi, amma do nŋu fei Ilaaɔ̃ á na ku kpa irii mii minji ŋau bɛ fei. Amma i ce laakai ŋa, ara kù wɛɛ na abo kaafe ŋa ku sũò. Í wɛɛi na Lafɛ̃ɛ nɔ Lafɛ̃ɛ mɔ í wɛɛi na iriɛ.
28576	1CO 7:21	Ì jɛ aru wo waati iyi Ilaaɔ̃ í kpeɛi? Maà ti i jɔ̀ inɔɛ ku fɔ. Amma bii ì na ì ba kpãa ɡɔ iyi aa nɛò araɛ, bɛɛɡɛ si bɛ ɡbakã.
28642	1CO 10:7	Nɔ i maà ya tɔɔ iwɛ̃ ŋa bɛi ɡɔɡɔ nŋa ŋa à ce. Ì mà ŋa iyi à kɔ idei iwɛ̃ ku tɔɔ nŋa à ni, inɛ ŋau à buba à jɛ à mɔ, nɔ à dede à waa jojo.
28704	1CO 12:2	Ì mà ŋa, waati iyi i kù mà Ilaaɔ̃ ŋa à ya maa fa ŋɛi si kpãai iwɛ̃ dekĩ ŋa ku tɔɔ.
28859	1CO 16:15	Ì mà ŋa iyi Setefani do inɛi kpasɛ̃ɛ ŋai à jɛ woo dasi Jesu naanɛ sinte si ilɛi Gɛrɛsi à nɔ à na ara nŋa à sobiò woo dasi Jesu naanɛ ŋa. Iŋɛ inɛm ŋa, ǹ wa n tɔɔ ŋɛi,
28881	2CO 1:13	Bɛɛbɛi si tia iyi à ce nŋɛ, a kù kɔ nŋɛ mii mmu ɡɔ bii kù jɛ iyi ì cio ì ɡbɔ yaaseɛ ŋau bɛ. Si ajɔ iyi Lafɛ̃ɛ Jesu á nyi wa aa ka yɔkɔ ka tɔɔ fufu na iri nŋɛ. Bɛɛbɛ mɔi iŋɛ mɔ aa yɔkɔ i tɔɔ fufu ŋa na iri nwa. Ì ɡbɔ yaasei ideu ihɛ̃ keeke tã ŋa, amma ǹ bi i ɡbɔ yaaseɛ ŋai mam mam.
29009	2CO 8:9	Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.
29061	2CO 11:4	Njo í nyi wa mum má si na iyi í jɔ̀ bii inɛ ɡɔ í naa wa sisi nŋɛ idei Jesu mmu ɡɔ i ci ya kɔ ŋa. Ì ba Hundei Ilaaɔ̃ tã ŋa, amma ì nyi ì tã sɔɔlu i ɡba hunde mmu ɡɔ má ŋa. Ì ɡba laabaau jiidau tã ŋa, amma ì nyi ì tã sɔɔlu i ɡba laabaau ikã má ŋa.
29068	2CO 11:11	Na mii í jɔ̀ ǹ ce bɛɛbɛ. Ì waa tamaa n kù bi ŋɛi? Ilaaɔ̃ í mà sãa sãa iyi ǹ bi ŋɛ.
29076	2CO 11:19	Ì waa temuaò inɛ hai nɛ yaase ŋa, iŋɛ iyi ì waa tamaa ì nɛ yaase jiida ŋa.
29077	2CO 11:20	Ì waa coko à waa ce ŋɛ aru ŋa, à waa ce ŋɛ ile, à waa taki ŋɛ, nɔ à waa donda ŋɛ, nɔ à waa sambala ŋɛ.
29106	2CO 12:16	Ì mà do ntɔ ŋa iyi n kù jɛ aso nŋɛ amma inɛ ɡɔ ŋa à ni ǹ ya n ce nŋɛ bisii n maa n ɡba fia nŋɛ si asii.
29109	2CO 12:19	Ì tamaa bɛi hai kukpɛ à waa dɛ ka kɔò ara nwa si waju nŋɛi? Aawo, kù jɛ bɛɛbɛ baakɔɔ nwa ŋa. À waa fɔ idei bɛi Kirisi í bi si wajui Ilaaɔ̃ ku ba naanɛ ku dasi nŋɛ ku bɔ waju.
29137	GAL 1:13	Ì ɡbɔ bɛi kuwɛɛm í yɛ ŋa wo si waati iyi ǹ wa n tɔɔ Ilaaɔ̃ bɛi Zuifu ŋa. Iŋɛ fei ì mà ŋa kookaai iyi ǹ tako ǹ ce ǹ kpãò inɛi iɡbɛi Ilaaɔ̃ ŋa iju ku ba n ce nfe nŋa.
29171	GAL 3:2	Ǹ bi i sɔ̃m ide icu akãu ihɛ̃ ŋa. Ì ba Hundei Ilaaɔ̃ na wooda ku jirima nŋɛi de, mà na laabaau jiidau iyi ì ɡbɔ ì dasi naanɛu ŋai.
29172	GAL 3:3	Bɛirei í ce ì kua laakai bɛɛbɛ ŋa. Ì sinti do Hundei Ilaaɔ̃ ŋa nɔ ì waa bi i kpa iriɛ do ɡbuɡbãi ara nŋɛ?
29175	GAL 3:6	Ì mà ŋa iyi kukɔi idei Ilaaɔ̃ í ni, Aburahamu í dasi Ilaaɔ̃ naanɛ, nŋui í jɔ̀ Ilaaɔ̃ í dooaɛ amanɛ dee dee.
29208	GAL 4:10	Ì ya maa na ajɔi jinɡau ɡɔ ŋa ɡbuɡbã ŋa, do cukpa ɡɔ ŋa do waati ɡɔ ŋa do adɔ̃ ɡɔ ŋa.
29211	GAL 4:13	Ì mà sãa sãa ŋa, waati iyi ǹ sinti ku ce nŋɛ waazoi laabaau jiidau, do bɔ̃ɔi arai.
29213	GAL 4:15	Ì nɛ inɔ didɔ̃ wo ŋa. To, nsɛi, mii í ce ŋɛ. An yɔkɔ n jɛ sɛɛda na iri nŋɛ n ni bii á ce wo aa nya iju nŋɛ i nam ŋa.
29236	GAL 5:7	Ì waa ce kuwɛɛ nŋɛ wo dee dee ŋa. Yooi í ɡanji ŋɛ í jɔ̀ i kù waa jirima ntɔu má ŋa.
29308	EPH 2:12	Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.
29412	EPH 6:8	Ì mà sãa sãa ŋa iyi Ilaaɔ̃ á sãa inɛ fei ribai icɛ jiida iyi í ce, baa bii aru, walakɔ inɛ iyi í nɛ araɛi.
29421	EPH 6:17	Ì ɡba faabau bɛi fulai isɔ, nɔ idei Ilaaɔ̃ mɔ i ɡbaa ŋa bɛi taakubai Hundei Ilaaɔ̃.
29459	PHP 2:1	Ì mà sãa sãa ŋa, naanɛ iyi ì dasi Kirisi ŋa wa mu nŋɛ ɡbuɡbã. Kubiɛ wa dasi ŋɛ himma. Hundei Ilaaɔ̃ í jɔ̀ ì nɛ anu akã ŋa. Araarei Kirisi do jiida ku jɛɛ í wa si anini nŋɛ.
29581	COL 2:20	Ì kú do Kirisi ajɔ ŋa si mii ndii andunya ŋa. To, na mii í ce ì waa ce kuwɛɛ nŋɛ bɛi inɛ ŋa iyi à jɛ ti andunya. Na mii í ce ì jɔ̀ à kãa nŋɛ wooda, aŋa iyi à ya ni,
29594	COL 3:10	nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.
29639	1TH 2:2	Ì mà ŋa iyi à bú wa, à kpã wa iju Filipi bɛ à bɛi à naa bi tu ŋɛ. Do nŋu fei, Ilaaɔ̃ í mu nwa wɔɔkɔ à sisiò laabaau jiidaɛ si anini nŋɛ, baa do iyi inɛ ŋa à bi a ɡanji wa ntɔ ntɔ.
29931	2TI 3:11	Ì mà bɔ̃nɛ iyi à nyisim do ijuukpã iyi í bam si ilui Antiɔsi do Ikonimu do Lisitu. Kù nɛ bɔ̃nɛ ɡɔ iyi n kù yɛ bɛ. Amma Lafɛ̃ɛ í nyam hai si fei ndɛɛ.
30039	HEB 1:9	Ì bi jiida nɔ ì cé laalɔ. Na ŋɔi í ce amu Ilaaɔ̃ ǹ cicaɛ, awɔ Ilaaɔ̃. Ǹ nɔ ǹ muuɛ inɔ didɔ̃ nɔ ǹ jɔ̀ bɛɛrɛɛ í re ti kpaasi ŋa.
30051	HEB 2:7	Si waati keeke ɡɔ ì coo inɛ iyi kù to amaleka ŋa. Ì muaa amboe nɔ ì jɔ̀ í nɛ jirima nla nla.
30052	HEB 2:8	Ì muaa ɡbuɡbã si mii fei. Ntɔi, iyi à ni Ilaaɔ̃ í naa ɡbuɡbã si mii fei, nkãma kù wɛɛ iyi kaa sũaa iri ilɛ. Amma a kù yɛ bii mii fei í sũaa iri ilɛ titã.
30258	HEB 11:19	Ì mà iyi Ilaaɔ̃ í nɛ ɡbuɡbã ku jĩ inɛ baa hai si balɛ. Do ntɔ aa ka yɔkɔ ka ni í yɛi bɛi Ilaaɔ̃ í jũu hai si balɛ.
30302	HEB 12:23	Ì sɛkɛɛ si inɛ ŋa iyi à kɔ iri nŋa lele ŋa, aŋa iyi à jɛ ama yemmai Ilaaɔ̃ ŋa. Ì sɛkɛɛ si Ilaaɔ̃ ŋa, nŋu iyi í jɛ woo kiitii inɛ fei, nɔ ì sɛkɛɛ si inɛ jiidai tako ŋa iyi Ilaaɔ̃ í jɔ̀ à kɔ̃ tã ŋa.
30303	HEB 12:24	Ì sɛkɛɛ si Jesu do njɛɛ iyi í nikãu ŋa. Jesui í jɛ woo teese kpãa ku ba Ilaaɔ̃ ku dĩ akabuu titɔ̃ do amanɛ ŋa. Njɛɛui, wa ba wa ide ku fɔ, nɔ ideɛ í dɔ̃ ku ɡbɔ í re ti Abɛli.
30406	JAS 4:2	Ì bi i nɛ nɡɔɡɔ iyi i kaa yɔkɔ i ba ŋa, ŋɔi í ce ì ya bi inɛ ku kpa ŋa. Ì waa ce kɔdɛɛi mii iyi i kaa ba ŋa, ì waa ce kakɔɔ do ija iŋɛ duusɔ̃ɔ. I kù nɛ mii iyi ì bi ŋa domi i ci ya tɔɔ Ilaaɔ̃ ŋa.
30424	JAS 5:3	Wura nŋɛ ŋa do isɔ fũfũ nŋɛ ŋa fei à mu atɛ. Atɛ ku mu nŋaui á jɛ sɛɛda si ŋɛ nɔ ku ŋɔ ara nŋɛ bɛi ina. Ì ko amani ì tɔtɔɔɛ ŋa si waatii ankãanyiu ihɛ̃.
30426	JAS 5:5	Ì ce kuwɛɛ nŋɛ ŋa si andunya do amani nla nla do faayi. Ì jɛ ì ce kaato bɛi anɡudã iyi aa bɔò asɔ laɡa ŋa.
30427	JAS 5:6	Ì yɛ taalei inɛ dee dee ŋa ì kpa ŋa ŋa, a kù nɔ a kù kɔò ara nŋa.
30432	JAS 5:11	Aa ka yɔkɔ ka ni ilu inɔ didɔ̃ ŋai domi nɡu ŋa à yɔkɔ temua. Ì ɡbɔ temuai Zɔɔbu ŋa, nɔ ì mà mii iyi Aɔ̃ Lafɛ̃ɛ ilu araare si jiida ku jɛɛ í ceaa ŋa si anyii wahalaɛ.
30449	1PE 1:8	Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ̀ do ɡɛlɛ.
30450	1PE 1:9	Ì wɛɛò inɔ didɔ̃ nla nla ŋa si na iyi í jɔ̀ ì waa ba ribai naanɛ ku dasi nŋɛ, iyi í jɛ faabai hunde nŋɛ.
30516	1PE 4:3	Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ, do atɛ̃ ku kpa inɛ, do buki, do iwɛ̃ ku tɔɔ iyi kù waa too wooda.
30651	1JN 3:5	Ì mà ŋa iyi Jesu, nŋu iyi kù ce dulum, í naai ku nya dulum dii amanɛ ŋa.
30788	REV 2:3	Ì waa temua ŋa, nɔ ì yɛ ijuukpã na irim ŋa, i kù nɔ i kù ɡbɛɛji ŋa.
30791	REV 2:6	Do nŋu fei, ì nɛ mii akã iyi í sĩa ŋa. Ì cé kookoosui inɛi Nikolaiti ŋa bɛi amu takam ǹ cóo.
30805	REV 2:20	Amma mii iyi ǹ yɛ si ŋɛ wee. Ì waa temuaò abo iyi à ya kpe Zezabɛli ŋa, nŋu iyi wa kpe araɛ walii, nɔ ì jɔ̀ wa wa inyii itĩi woo ce icɛm ŋa do ikɔɛ ku ba a ya maa sũò abo kaafe ŋa nɔ a ya maa ŋɔ iŋa iyi à ceaò iwɛ̃ ŋa kuwee.
30831	REV 3:17	Ì ya fɔ i ni ŋa ì jɛ ilu fia ŋa, ì ba amani ŋa, nɔ i kù waa ce arei nɡɔɡɔ ŋa. Amma ǹ wa n sɔ̃ ŋɛ iyi idɔ nŋɛ wa ce bɔ̃ɔ, ì jɛ ilu araare ŋa, do ilu are do fɛɛju do basĩ ŋa.
30857	REV 5:10	Ì tɔtɔɔ ŋa ì jɛ ilaalu nŋa, Ì ce ŋa woo weei Ilaaɔ̃ Lafɛ̃ɛ nwa, Nɔ aa jɛ bomma si andunyau.