23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23234	MAT 1:21	Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.
23236	MAT 1:23	iyi í ni, Mudɛ̃ɛ ɡɔ iyi kù mà mɔkɔ á na ku nɛ asĩ. Á bí ama inɛmɔkɔ, Nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23247	MAT 2:9	Iyi à ɡbɔ ideɛu à tã, ŋɔi à dasi kpãa. Nɔ andaiya iyi à tako à yɛ hai nunui daakɔu í nyi í cua nŋa má hee tenɡi bii amau í wa, í bɛi í leekĩ lele bɛ cau.
23250	MAT 2:12	Si anyiɛ Ilaaɔ̃ í sɔ̃ ŋa si ala í ni a maà nyi bi amanlu Herodu má. Nɔ à too kpãa mmu à nɛò ilɛi ide nŋa.
23251	MAT 2:13	Iyi woo mà ŋau à to anyi à nɛ, nɔ amalekai Aɔ̃ Lafɛ̃ɛ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.
23256	MAT 2:18	À ɡbɔ anu ku dɔ̃ si ilui Rama. À ɡbɔ inɛ ŋa à kpata, À waa cã buubuu. Asee, Rasɛlii wa kpata na irii amaɛ ŋa. Nɔ à bɔ ku lɛlɛɛ, Amma í kɔ ku ɡbɔ kulɛlɛu Si na iyi í jɔ̀ amaɛ ŋa a kù wɛɛ má.
23259	MAT 2:21	Nɔ Zozɛfu í dede í so amau do iyeɛ à nyi ilɛi Izirɛli má.
23260	MAT 2:22	Amma í ɡbɔ iyi Aakelausii í jɛ bommai baaɛ Herodu si ilɛi Zudeeu, ŋɔi wa ce njoi ku bɔ ku buba bɛ. Nɔ Ilaaɔ̃ í sɔ̃ɔ si ala má í ni ku bɔ ilɛi Galilee. Ŋɔi í tekĩ í bɔ Galilee si bɛi Ilaaɔ̃ í sɔ̃ɔ.
23263	MAT 3:2	Í ni, i kpaasi idɔ nŋɛ ŋa domi waati í maai iyi Ilaaɔ̃ á na ku jɛ bommaɛ.
23270	MAT 3:9	I maà tamaa mà aa ba faaba ŋa si na iyi í jɔ̀ ì ya maa ni ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.
23272	MAT 3:11	Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ ɡɔ á na ku naa si anyim. Í rem do ɡbuɡbã ntɔ ntɔ, n kù to baa ǹ bɔ baataɛ. Nŋui á da nŋɛ si Hundei Ilaaɔ̃ do ina.
23282	MAT 4:4	Ŋɔi Jesu í jɛaa í ni, kukɔi idei Ilaaɔ̃ í ni, amanɛ ci ya wɛɛ na ijɛ nŋu akã, amma á maa wɛɛi na ide iyi Ilaaɔ̃ wa fɔ fei.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23284	MAT 4:6	Ŋɔi í ni má, bii awɔu Amai Ilaaɔ̃i, fo i dinɡaa ilɛ, domi kukɔi idei Ilaaɔ̃ í ni, Ilaaɔ̃ á na amalekaɛ ŋa wooda na iriɛ a maa deɡbeɛ, Nɔ a maa muɛ si awɔ Ku ba i maà ti i koosɛ si kuta.
23285	MAT 4:7	Nɔ Jesu í jɛaa í ni, amma kukɔi idei Ilaaɔ̃ í ni má, maà ti i sii Aɔ̃ Lafɛ̃ɛɛ.
23286	MAT 4:8	Si anyii nŋu, Seetam í bɔò Jesu hee antai iri kuta nla ɡɔ má nɔ í nyisiɛ bommai andunya fei do amboe nŋa.
23294	MAT 4:16	Aŋa iyi à wa si ilu kuku wo, Aŋai à yɛ inya kumá nla nla. Aŋa iyi à wa si ilɛ bii iku do ilu kuku í wa, Aŋai inya kumá í naa si.
23295	MAT 4:17	Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.
23299	MAT 4:21	Iyi í to waju nɔ í yɛ inɛ minji ɡɔ ŋa má, Zaaki do Zãa ifɔɛ, amai Zebedee ŋa. Inɛ ŋau à wa si akɔi inyi ɡɔ do baa nŋa, à waa teese taao nŋa ŋa. Nɔ Jesu í kpe ŋa.
23307	MAT 5:4	Ilu inɔ didɔ̃ ŋai inɛ ŋa iyi à waa kpata, Domi Ilaaɔ̃i á tũ idɔ nŋa.
23309	MAT 5:6	Ilu inɔ didɔ̃ ŋai inɛ ŋa iyi à waa ɡbɔ ari do aɡbɛi mii iyi Ilaaɔ̃ wa bee, Domi Ilaaɔ̃ á jɔ̀ a yo.
23310	MAT 5:7	Ilu inɔ didɔ̃ ŋai inɛ ŋa iyi à ya nɛ araarei inɛ ŋa, Domi Ilaaɔ̃ mɔ á nɛ araare nŋa.
23311	MAT 5:8	Ilu inɔ didɔ̃ ŋai inɛ ŋa iyi idɔ nŋa í má, Domi aa yɛ Ilaaɔ̃.
23312	MAT 5:9	Ilu inɔ didɔ̃ ŋai inɛ ŋa iyi à waa ce icɛi laakai ku sũ, Domi Ilaaɔ̃ á kpe ŋa amaɛ ŋa.
23314	MAT 5:11	Iŋɛ ilu inɔ didɔ̃ ŋai, bii à waa bu ŋɛ nɔ à waa kpã ŋɛ iju nɔ à waa má ŋɛ laalɔ baa yooma fei na irim.
23316	MAT 5:13	Ŋɔi Jesu í sɔ̃ ŋa má í ni, iŋɛi ì jɛ imu si inɔi inɛi andunya ŋa. Bii didɔ̃i imu í ku, mii aa dasi ku jɔ̀ ku dɔ̃ má. Í ɡbe de a nikãɛ, nɔ inɛ ŋa a tɛɛsɛɛ.
23317	MAT 5:14	Nɔ iŋɛi ì jɛ inya kumái andunya. Ilu iyi à ma si iri kuta kaa manji.
23318	MAT 5:15	A ci ya má fitila a biiɛ do caka. Amma à ya kɔaɛi tenɡi bii á má inya, inɛi kpasɛ̃ fei ku yɛò ilu.
23319	MAT 5:16	Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.
23320	MAT 5:17	Jesu í ni má, i maà tamaa bɛi ǹ naa woodai Moizi do cioi walii ŋau ku kpai. Aawo, ǹ naa ku kɔ̃ɔi.
23324	MAT 5:21	Jesu í sɔ̃ ŋa má í ni, ì ɡbɔ ŋa iyi Moizi í sɔ̃ bala nŋɛ ŋa í ni, i maà kpa inɛ, nɔ inɛ iyi í kpa inɛ fei aa bɔòɛ si wajui woo kiiti ŋa a nyisiɛ bɔ̃nɛ.
23325	MAT 5:22	Amma amu, an sɔ̃ ŋɛ, inɛ iyi wa ce idɔɔkɔ̃ do kpaasiɛ aa bɔòɛ si wajui woo kiiti ŋa a kpãa iju, nɔ inɛ iyi wa cɔ kpaasiɛ nfe aa kiitiɛ si wajui inɛ nɡbo ŋau, inɛ mɔ iyi wa cɔ kpaasiɛ nnyɛi á lɔ si ina iyi ci ya kuu.
23328	MAT 5:25	Bii í jɛ inɛ ɡɔ wa bɔòɛ ile kiiti na idei ɡbese ɡɔ, ce kookaai hai kpãa awɔ do lafɛ̃ɛ i ɡbɔsi njɛ ku ba ku maà dasiɛ awɔi woo kiiti. Bii kù jɛ bɛɛbɛ, woo kiitiu á dasiɛ si awɔi zandaamu, nɔ zandaamu mɔ ku dasiɛ ile piisɔ̃ɔ.
23330	MAT 5:27	Jesu í ni má, ì ɡbɔ ŋa iyi Moizi í ni, i maà ce sakara.
23334	MAT 5:31	Nɔ Jesu í sɔ̃ ŋa má í ni, Moizi í ni, inɛ iyi wa kɔsi aboɛ á náa tiai njɛ kukɔsii.
23336	MAT 5:33	Jesu í sɔ̃ ŋa má í ni, ì nɔ ì ɡbɔ iyi Moizi í sɔ̃ bala nŋɛ ŋau í ni, ide iyi ì ɡbasi si wajui Aɔ̃ Lafɛ̃ɛ ì ni aa ce, jɔ̀ i coo.
23341	MAT 5:38	Jesu í sɔ̃ ŋa má í ni, ì ɡbɔ ŋa iyi Moizi í fɔ wo í ni, inɛ iyi í nya ijui inɛ ɡɔ, aa nya ti nŋu mɔ. Inɛ mɔ iyi í cɛ inyii inɛ ɡɔ, aa cɛ ti nŋu mɔi.
23342	MAT 5:39	Amma amu, ǹ wa n sɔ̃ ŋɛi, i maà ya sãa inɛ laalɔ iyi í ce nŋɛ. Bii inɛ í sambalaɛ si njɛ, toa canɡau má.
23343	MAT 5:40	Bii inɛ ɡɔ í bɔòɛ kiiti ku ba ku ɡba danziɡiɛ, naa kumbooɛ mɔ má.
23346	MAT 5:43	Jesu í ni má, ì ɡbɔ ŋa iyi Moizi í fɔ wo í ni, bi kpaasiɛ, nɔ i cé mbɛɛɛ.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23352	MAT 6:1	Jesu í fɔ má í ni, bii ì waa ce mii iyi Ilaaɔ̃ í jilɛ nŋɛ, i ya ce laakai ŋa i maà coo si bantuma. Bii ì waa coo si bantuma ku ba inɛ ŋa a yɔɔ, i kaa ba riba kãma hai bi Baa nŋɛ iyi í wa lele.
23355	MAT 6:4	ku ba amua iyi ì waa ce ŋa i coo si afei iŋɛ minji. Nɔ Ilaaɔ̃ Baa nŋɛ iyi wa yɛ mii fei á sã nŋɛ ribaɛ.
23357	MAT 6:6	Amma iŋɛ, bii ì waa ce kutɔɔ ŋa, i lɔ hee ilaawa i cĩmbo ŋa, i tɔɔ Ilaaɔ̃ Baa nŋɛ bɛ tenɡi bii inɛ ɡɔ kù waa yɛ ŋɛ, nɔ Baa nŋɛ iyi wa yɛ mii iyi wa manji fei á sã nŋɛ.
23358	MAT 6:7	Bii ì waa ce kutɔɔ ŋa i maà ya fɔ ide akã i maa sisi ŋa bɛ́i hai mà Ilaaɔ̃ ŋa à ya ce. À waa tamaa na ide nkpɔ ku fɔi aŋai Ilaaɔ̃ á ɡbɔò kutɔɔi aŋa.
23360	MAT 6:9	Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, Jɔ̀ inɛ fei ku mà iyi awɔi ì jɛ inɛ kumá.
23365	MAT 6:14	Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei kurara nŋɛ.
23367	MAT 6:16	Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛ́i ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.
23369	MAT 6:18	ku ba inɛ ŋa a maà mà iyi ì waa dĩ anu ŋa, í ɡbe Ilaaɔ̃ Baa nŋɛ iyi í wa bii a kù waa yɔɔ. Nɔ Baa nŋɛ iyi wa yɛ mii iyi wa manji fei, á sã nŋɛ.
23370	MAT 6:19	Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do ɡbuɡbã a koo a ce ileɛ.
23373	MAT 6:22	Í ni má, ijui í jɛ fitilai ara. Bii ijuɛ wa nɛ baani, araɛ fei ì wa si inya kumái.
23374	MAT 6:23	Amma bii ijuɛ kù waa nɛ baani, araɛ mɔ fei í wa si ilu kukui. Na nŋu, mii iyi í nɛ ku ceɛ inya kumá, bii ilu kukui í ce, ilu kukuu á la ku caa.
23375	MAT 6:24	Jesu í sɔ̃ ŋa má í ni, inɛ ɡɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.
23378	MAT 6:27	Yooi si inɔ nŋɛ na kuweeweaɛ á yɔkɔ ku kɔ̃ɔsi kusɔi adɔ̃ɛ baa keeke.
23384	MAT 6:33	Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í ɡbe bɛi fei Ilaaɔ̃i á kɔ̃ɔ nŋɛ si.
23385	MAT 6:34	Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.
23386	MAT 7:1	Jesu wa fɔ má í ni, i maà ya kiiti inɛ ŋa ku ba Ilaaɔ̃ mɔ ku maà kiiti nŋɛ.
23387	MAT 7:2	Ntɔ ntɔ, ǹ wa n sɔ̃ ŋɛi, do yaase bɛi ì ya maa kiiti inɛ ŋa, bɛɛbɛ mɔi Ilaaɔ̃ mɔ á naa ku kiiti nŋɛ. Nɔ si ɡũa bii ì wãaò inɛ ŋa, si bɛ mɔi aa wãa iŋɛ mɔ.
23391	MAT 7:6	I maà nyɔ lɛɡɛ jiida nŋɛ ŋa si wajui kuusɔɔ ŋa ku ba a maà tɛɛsɛɛ. Nɔ i maà ti i na aja ŋa mii kumá ŋa ku ba a maà na a sinda a ŋɔ ŋɛ .
23392	MAT 7:7	Jesu í ni má, i ya tɔɔ ŋa, aa mu nŋɛ. I ya dɛdɛ ŋa, aa ba ŋa. I ya cã ɡambo ŋa, aa cĩ nŋɛ.
23393	MAT 7:8	Ntɔ ntɔ, inɛ iyi í ya tɔɔ fei, aa mua. Inɛ mɔ iyi wa dɛdɛ fei, á ba. Inɛ mɔ iyi wa cã ɡambo fei, aa cĩa lafɛ̃ɛ.
23394	MAT 7:9	Yooi í wa si inɔ nŋɛ ihɛ̃ iyi bii amaɛ í tɔɔɛ pɛ̃ɛ á so kuta ku naa.
23395	MAT 7:10	Bɛɛbɛ mɔi inɛ kãma kù wɛɛ iyi bii amaɛ í tɔɔɛ cɛ̃ɛ á so njo ku naa.
23398	MAT 7:13	Í sɔ̃ ŋa má í ni, koofa nla do kpãa ku cĩ ɡɔ í wɛɛ, do minjisia ku monɡolo ɡɔ iyi wa bɔ ala nwa. Í lɔ do koofa ku monɡolou ŋa, domi koofa nlau do kpãa ku cĩu, bi ikui wa bɔ, nɔ inɛ nkpɔi wa too do bɛ.
23400	MAT 7:15	Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi do daa didɔ̃ bɛi anɡudã ŋa, amma idɔ nŋa í yɛi bɛi idɔi mbo ŋa.
23406	MAT 7:21	Jesu í ni má, kù jɛ inɛ iyi wa kpem Lafɛ̃ɛ Lafɛ̃ɛ feii á na ku lɔ si bommai Ilaaɔ̃, bii kù jɛ inɛ ŋa iyi à waa ce idɔɔbii Baam iyi í wa lele.
23407	MAT 7:22	Ajɔ nŋu bɛ, inɛ nkpɔi á maa ni, Lafɛ̃ɛ Lafɛ̃ɛ, a kù ce walii do iriɛ? A kù lele inɛi inɔɔko ŋa do iriɛ? A kù ce maamaake nkpɔ do iriɛ?
23409	MAT 7:24	Jesu í kpa nŋa mɔnda má í ni, na nŋu, inɛ iyi í ɡbɔ ide iyi ǹ wa n fɔu ihɛ̃ fei nɔ wa jirimaɛ, á yɛi bɛi mɔkɔ ilu bisi iyi í ma ileɛ si kuta.
23416	MAT 8:2	Nɔ dintɛ ɡɔ í naa í sɛɛbata si wajuɛ í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í má.
23417	MAT 8:3	Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumá. Bɛ ɡbakã í ba iri hai si bɔ̃ɔɛu.
23418	MAT 8:4	Nɔ Jesu í sɔ̃ɔ í ni, ɡbɔ, maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi.
23422	MAT 8:8	Amma inɛ nɡboi sooɡe ŋau í jɛaa í ni, Lafɛ̃ɛ, n kù to i lɔ kpasɛ̃m. Baa hai ihɛ̃ fɔ ide, amaacɛm nɔu á ba iri.
23423	MAT 8:9	Amu takam, ǹ nɛ inɛ nɡbo ŋa iyi ǹ wa n jirima, nɔ ǹ nɛ sooɡe ɡɔ ŋa mɔ iyi ǹ wa n ɡbã. Inɛ akã nŋa iyi ǹ bɛ á kooi, inɛ iyi ǹ kpe mɔ á naai, nɔ icɛ iyi ǹ ni amaacɛm ku ce nŋui í ya ce.
23425	MAT 8:11	An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.
23427	MAT 8:13	Nɔ Jesu í sɔ̃ inɛ nɡboi sooɡe ŋau í ni, bɔ kpasɛ̃ɛ. Fei ndɛɛ á ce si bɛi ì dasi naanɛu. Bɛ ɡbakã amaacɛu í ba iri.
23449	MAT 9:1	Iyi inɛ ŋau à tɔɔɛ ku fita hai ilɛi ide nŋa ŋɔi Jesu í lɔ akɔi inyi í kua icei tenkuu má. Í nɛ ilui nŋu takaɛ .
23458	MAT 9:10	Si anyiɛ Jesu wa jɛ kpasɛ̃i mɔkɔu, ŋɔi woo ɡba fiai lɛmpoo do inɛ nkpɔ ɡɔ ŋa má iyi kuwɛɛ nŋa kù sĩa à naa à buba bi Jesu do mɔcɔɛ ŋau.
23464	MAT 9:16	Ŋɔi í kpa nŋa mɔnda í ni, inɛ ɡɔ kaa sɔ jaaɛ nɡbo do titɔ̃ɛ ku tɔtɔɔɛ. Bii í ce bɛɛbɛ, titɔ̃u á ɡa jaaɛ nɡbou ku kɔ̃ɔsi.
23465	MAT 9:17	Bɛɛbɛ mɔi a ci ya dasi vɛ̃ɛ titɔ̃ iyi wa ɡba si bɔɡɔ bata nɡbo ŋa. Bii ì ce bɛɛbɛ, bɔɡɔ bata nɡbo ŋau aa ɡai, nɔ vɛ̃ɛu ku nikã, bɔɡɔ ŋau mɔ á ce nfe. À ya dasi vɛ̃ɛ titɔ̃i si bɔɡɔ titɔ̃ ŋa. Baa bii wa ɡba, bɔɡɔu kaa ɡa.
23466	MAT 9:18	Si waati iyi Jesu wa sɔ̃ ŋa ideu ihɛ̃ ŋɔi inɛ nɡbo ɡɔ í naa í sɛɛbata si wajuɛ í ni, ama inaabom wee í ku nsɛi nsɛi, amma naa le siɛ awɔ ku jĩ má.
23486	MAT 9:38	Na nŋu, i tɔɔ ilu ikou ku bɛ woo da ŋa wa má.
23490	MAT 10:4	do Simɔɔ inɛi iɡbɛi Zelɔtu, do Zudasi Isikariɔti, inɛ iyi á na ku zambaɛu.
23494	MAT 10:8	Nɔ i jɔ̀ bɔ̃ɔ ŋa a ba iri nɔ i jĩ iku ŋa, i jɔ̀ dintɛ ŋa a ba iri a jɛ inɛ kumá, nɔ i lele inɛi inɔɔko ŋa iyi à wa si inɛ ŋa. Si bɛi ì ba hai nɛ kusã ŋa, iŋɛ mɔ i na hai nɛ kusã.
23496	MAT 10:10	I maà ti i so bɔɡɔ, i maà ti i so ibɔ minjisia, wala baata, wala ɡolo. I maà so mii ŋau bɛ kãma ŋa si na iyi í jɔ̀ woo ce icɛ í nɛ kpãai a náa bukaatai mii iyi í nɛ ku maa wɛɛò.