23269	MAT 3:8	Na nŋu, i ce kookoosu jiida i nyisiò iyi ì kpaasi idɔ ŋa.
23270	MAT 3:9	I maà tamaa mà aa ba faaba ŋa si na iyi í jɔ̀ ì ya maa ni ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.
23275	MAT 3:14	Iyi í to wa í ni Zãa ku dasi nŋu inyi, ŋɔi Zãa wa bi ku kɔ, í ni, awɔi ì nɛ kpãa i dasim inyi, nɔ bɛirei í ce ì waa naa bi tom.
23287	MAT 4:9	Nɔ í ni, bii ì ɡulɛ ì tɔɔm, mii ŋau ihɛ̃ fei an muɛɛ.
23316	MAT 5:13	Ŋɔi Jesu í sɔ̃ ŋa má í ni, iŋɛi ì jɛ imu si inɔi inɛi andunya ŋa. Bii didɔ̃i imu í ku, mii aa dasi ku jɔ̀ ku dɔ̃ má. Í ɡbe de a nikãɛ, nɔ inɛ ŋa a tɛɛsɛɛ.
23317	MAT 5:14	Nɔ iŋɛi ì jɛ inya kumái andunya. Ilu iyi à ma si iri kuta kaa manji.
23323	MAT 5:20	Ǹ wa n sɔ̃ ŋɛi, i kaa jɛ inɛi bommai Ilaaɔ̃ ŋa bii kù jɛ ì ce mii iyi Ilaaɔ̃ í bee ŋɛ ŋa í re woo kɔ inɛ ŋa si wooda ŋa do Farisi ŋau.
23324	MAT 5:21	Jesu í sɔ̃ ŋa má í ni, ì ɡbɔ ŋa iyi Moizi í sɔ̃ bala nŋɛ ŋa í ni, i maà kpa inɛ, nɔ inɛ iyi í kpa inɛ fei aa bɔòɛ si wajui woo kiiti ŋa a nyisiɛ bɔ̃nɛ.
23326	MAT 5:23	Na nŋu, bii ì naaò amuai Ilaaɔ̃ wa bi kuwee nɔ bɛi ì ye ɡiɡi iyi kpaasiɛ ɡɔ wa mu taaleɛ,
23330	MAT 5:27	Jesu í ni má, ì ɡbɔ ŋa iyi Moizi í ni, i maà ce sakara.
23331	MAT 5:28	Amma amu, an sɔ̃ ŋɛ, awɔ inɛmɔkɔ iyi í cɔ inaabo hee binɛɛ í dede, ì ce sakara mbɛ tã si idɔɛ.
23336	MAT 5:33	Jesu í sɔ̃ ŋa má í ni, ì nɔ ì ɡbɔ iyi Moizi í sɔ̃ bala nŋɛ ŋau í ni, ide iyi ì ɡbasi si wajui Aɔ̃ Lafɛ̃ɛ ì ni aa ce, jɔ̀ i coo.
23340	MAT 5:37	I jɔ̀ ide ku fɔ nŋɛ ku jɛ ntɔ. Bii ì ni ooi ku jɛ oo do ntɔ, bii aawo mɔi, ku jɛ aawo. Iyi aa lesi antaɛ bɛbɛi fei ŋa, hai bi Seetam inɛ laalɔui wa naa.
23341	MAT 5:38	Jesu í sɔ̃ ŋa má í ni, ì ɡbɔ ŋa iyi Moizi í fɔ wo í ni, inɛ iyi í nya ijui inɛ ɡɔ, aa nya ti nŋu mɔ. Inɛ mɔ iyi í cɛ inyii inɛ ɡɔ, aa cɛ ti nŋu mɔi.
23346	MAT 5:43	Jesu í ni má, ì ɡbɔ ŋa iyi Moizi í fɔ wo í ni, bi kpaasiɛ, nɔ i cé mbɛɛɛ.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23349	MAT 5:46	Bii inɛ ŋa iyi à bi ŋɛ aŋa akãi iŋɛ mɔ ì bi ŋa, to, riba yoomai aa ba ŋa. Baa woo ɡba fiai lɛmpoo ŋa mɔ à ya ce dimiɛ.
23350	MAT 5:47	Bii kpaasi nŋɛ ŋa aŋa akãi ì ya ce fɔɔ ŋa, to, iŋɛ mɔ yooi ì tia ŋa. Baa hai dasi Ilaaɔ̃ naanɛ ŋa mɔ à ya ce bɛɛbɛ.
23352	MAT 6:1	Jesu í fɔ má í ni, bii ì waa ce mii iyi Ilaaɔ̃ í jilɛ nŋɛ, i ya ce laakai ŋa i maà coo si bantuma. Bii ì waa coo si bantuma ku ba inɛ ŋa a yɔɔ, i kaa ba riba kãma hai bi Baa nŋɛ iyi í wa lele.
23353	MAT 6:2	Na nŋu, bii ì waa mua ilu are ŋa nɡɔɡɔ ŋa, i maà ti i cã kɛsɛɛdɛ bɛi ilu muafiti ŋa à ya ce. À ya ce amua nŋa ŋai si ile bii à ya ce kutɔtɔɔ ŋa do si kpãa ŋa ku ba inɛ ŋa a saabu ŋa. Ntɔ ntɔ, inɛ nŋu ŋa à ba riba nŋa fei tã.
23354	MAT 6:3	Amma iŋɛ, waati iyi ì waa mua ilu are ŋa nɡɔɡɔ ŋa, i maà jɔ̀ awɔ canɡa nŋɛ ku mà mii iyi awɔ njɛu wa ce,
23355	MAT 6:4	ku ba amua iyi ì waa ce ŋa i coo si afei iŋɛ minji. Nɔ Ilaaɔ̃ Baa nŋɛ iyi wa yɛ mii fei á sã nŋɛ ribaɛ.
23356	MAT 6:5	Jesu í ni, bii ì waa ce kutɔɔ ŋa i maà ya ce bɛi ilu muafiti ŋa à ya ce. À ya bi aŋa a leekĩ a ce kutɔɔ ile bii à ya ce kutɔtɔɔ ŋa do bi tafa ŋa ku ba inɛ fei ku yɛ ŋa. Ntɔ ntɔ, inɛ nŋu ŋa à ba riba nŋa fei tã.
23357	MAT 6:6	Amma iŋɛ, bii ì waa ce kutɔɔ ŋa, i lɔ hee ilaawa i cĩmbo ŋa, i tɔɔ Ilaaɔ̃ Baa nŋɛ bɛ tenɡi bii inɛ ɡɔ kù waa yɛ ŋɛ, nɔ Baa nŋɛ iyi wa yɛ mii iyi wa manji fei á sã nŋɛ.
23358	MAT 6:7	Bii ì waa ce kutɔɔ ŋa i maà ya fɔ ide akã i maa sisi ŋa bɛ́i hai mà Ilaaɔ̃ ŋa à ya ce. À waa tamaa na ide nkpɔ ku fɔi aŋai Ilaaɔ̃ á ɡbɔò kutɔɔi aŋa.
23359	MAT 6:8	I maà ya jɔ ŋa ŋa, domi hee i maà tɔɔ ŋa, Baa nŋɛ í mà bukaatai mii iyi ì nɛ tã ŋa.
23360	MAT 6:9	Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, Jɔ̀ inɛ fei ku mà iyi awɔi ì jɛ inɛ kumá.
23364	MAT 6:13	Maà ti i jɔ̀ ka dasi kulɛlɛ, Amma nya wa hai si awɔi Seetam. [Domi awɔi ì nɛ bomma do ɡbuɡbã do amboe hee do ajɔ fei. Ami.]
23365	MAT 6:14	Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei kurara nŋɛ.
23367	MAT 6:16	Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛ́i ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.
23368	MAT 6:17	Amma iŋɛ, bii ì waa dĩ anu, i wɛɛju sãa sãa ŋa nɔ i jɔsi waju nŋɛ ikpo
23369	MAT 6:18	ku ba inɛ ŋa a maà mà iyi ì waa dĩ anu ŋa, í ɡbe Ilaaɔ̃ Baa nŋɛ iyi í wa bii a kù waa yɔɔ. Nɔ Baa nŋɛ iyi wa yɛ mii iyi wa manji fei, á sã nŋɛ.
23373	MAT 6:22	Í ni má, ijui í jɛ fitilai ara. Bii ijuɛ wa nɛ baani, araɛ fei ì wa si inya kumái.
23379	MAT 6:28	To, na mii í ce ì ya maa weewea do idei jĩnɛ ŋa. I cɔ bɛi wua ŋa à ya da koko si inɔ sako mɛɛ. A kù waa ce icɛ a ci ya nɔ a wɔ̃ acɔ.
23383	MAT 6:32	Hai mà idei Ilaaɔ̃ ŋai à ya maa kpataa mii ŋau bɛ fei, amma Baa nŋɛ iyi í wa lele í mà iyi ì nɛ bukaatai mii ŋau bɛ fei ŋa.
23387	MAT 7:2	Ntɔ ntɔ, ǹ wa n sɔ̃ ŋɛi, do yaase bɛi ì ya maa kiiti inɛ ŋa, bɛɛbɛ mɔi Ilaaɔ̃ mɔ á naa ku kiiti nŋɛ. Nɔ si ɡũa bii ì wãaò inɛ ŋa, si bɛ mɔi aa wãa iŋɛ mɔ.
23388	MAT 7:3	Na mii í ce ì waa yɛ fɔfɔ keeke iyi í wa si ijui kpaasiɛ nɔ i kù yɛ jĩi ite iyi í wa si titɛɛ.
23396	MAT 7:11	Debɛi, bii iŋɛ iyi ì ya ce laalɔ ŋa ì mà mii jiida ku na ama nŋɛ ŋa, ì waa tamaa mà Baa nŋɛ iyi í wa lele kaa yɔkɔ ku mua inɛ ŋa iyi à waa tɔɔɛ mii jiida ku re bɛɛbɛ ŋa?
23397	MAT 7:12	Na nŋu, mii iyi ì bi inɛ ŋa a ya ce nŋɛ fei, iŋɛ mɔ i ce nŋa bɛɛbɛ ŋa, domi iyi bɛi í jɛ icui idei kukɔsii walii ŋau do ti woodai Moizi.
23411	MAT 7:26	Amma awɔ iyi ì ɡbɔ ide iyi ǹ wa n fɔu ihɛ̃ fei nɔ i kù saaluɛ, aa yɛi bɛi mɔkɔ nnyɛi iyi í koo í ma ileɛ si sãai ido.
23416	MAT 8:2	Nɔ dintɛ ɡɔ í naa í sɛɛbata si wajuɛ í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í má.
23418	MAT 8:4	Nɔ Jesu í sɔ̃ɔ í ni, ɡbɔ, maà sɔ̃ inɛ ɡɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi ŋa iyi ì jɛ inɛ iyi í má bɛbɛi.
23427	MAT 8:13	Nɔ Jesu í sɔ̃ inɛ nɡboi sooɡe ŋau í ni, bɔ kpasɛ̃ɛ. Fei ndɛɛ á ce si bɛi ì dasi naanɛu. Bɛ ɡbakã amaacɛu í ba iri.
23433	MAT 8:19	Hee a maa nɛ ŋɔi woo kɔ inɛ ŋa si wooda ɡɔ í naa bi tɛɛ nɔ í ni, Mɛɛtu, an tooɛ bii ì waa bɔ fei.
23440	MAT 8:26	Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.
23445	MAT 8:31	Nɔ inɛi inɔɔko ŋau à tɔɔ Jesu à ni, bii ì waa lele wai, jɔ̀ kaa mu kuusɔɔ ɡaa ŋau ihɔ̃.
23452	MAT 9:4	Jesu í bɛi í mà ide iyi à waa lasabu ŋɔi í ni, na mii í ce ì waa ce lasabu laalɔ bɛɛbɛ ŋa.
23465	MAT 9:17	Bɛɛbɛ mɔi a ci ya dasi vɛ̃ɛ titɔ̃ iyi wa ɡba si bɔɡɔ bata nɡbo ŋa. Bii ì ce bɛɛbɛ, bɔɡɔ bata nɡbo ŋau aa ɡai, nɔ vɛ̃ɛu ku nikã, bɔɡɔ ŋau mɔ á ce nfe. À ya dasi vɛ̃ɛ titɔ̃i si bɔɡɔ titɔ̃ ŋa. Baa bii wa ɡba, bɔɡɔu kaa ɡa.
23476	MAT 9:28	Ŋɔi Jesu í nɛ hee í to kpasɛ̃. Nɔ fɛɛju ŋau à naa bi tɛɛ nɔ í bee ŋa í ni, ì dasi naanɛ ŋa iyi an yɔkɔ n coo? Nɔ aŋa mɔ à ni, oo, Lafɛ̃ɛ.
23477	MAT 9:29	Nɔ Jesu í lu iju nŋau í ni, ku ce nŋɛ si bɛi ì dasi naanɛu ŋa.
23494	MAT 10:8	Nɔ i jɔ̀ bɔ̃ɔ ŋa a ba iri nɔ i jĩ iku ŋa, i jɔ̀ dintɛ ŋa a ba iri a jɛ inɛ kumá, nɔ i lele inɛi inɔɔko ŋa iyi à wa si inɛ ŋa. Si bɛi ì ba hai nɛ kusã ŋa, iŋɛ mɔ i na hai nɛ kusã.
23497	MAT 10:11	Bii ì to ilu nla walakɔ si ilɛɛko ɡɔ, i dɛdɛ inɛ iyi í jɛsi ku ɡba ŋɛ, nɔ i buba kpasɛ̃ɛ bɛ ŋa hee ku to ajɔ iyi ì waa nɛ hai si iluu.
23498	MAT 10:12	Bii ì lɔ kpasɛ̃ ɡɔ i ya ce inɛ ŋau fɔɔ i ni ŋa, laakai ku sũ ku wɛɛ do iŋɛ.
23513	MAT 10:27	Iyi ǹ wa n sɔ̃ ŋɛ si ilu kuku, i fɔɔ si inya kumá ŋa. Iyi ì ɡbɔ si asii ŋa i cã kɛsɛɛdɛɛ.
23531	MAT 11:3	a koo a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka deɡbe inɛ mmu ɡɔ.
23532	MAT 11:4	Nɔ Jesu í jɛ nŋa í ni, i koo i sisia Zãa mii iyi ì yɛ do iyi ì ɡbɔ ŋa.
23535	MAT 11:7	Iyi mɔcɔi Zãa ŋau à ɡbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ si ɡbabuau ŋa. Fɔfɔ iyi fufu wa yaya? Aawo.
23536	MAT 11:8	To, mii ì bɔ ku cɔ ŋa. Mà mɔkɔ iyi wa dasi ibɔ ku sĩau. Aawo, inɛ ŋa iyi à waa dasi ibɔi fia nkpɔ, aŋai à ya wa kabai ilaalu ŋa.
23537	MAT 11:9	To, mii ì bɔ ku cɔ ŋa. Mà waliii ì bɔ ku cɔ ŋa. Oo, ntɔ ntɔ an sɔ̃ ŋɛ, inɛɛu bɛ í re baa walii.
23542	MAT 11:14	Ì ɡbɔ ŋa iyi à ni Elii á na ku naa. Bii ì jɛsi i ɡbɔ idem ŋa, Zãai í jɛ Eliiu.
23551	MAT 11:23	Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi ku wai iku ŋa. Ntɔ ntɔ, maamaake nkpɔ nkpɔ iyi ǹ ce si ilu nŋɛ, bii í jɛ Sodomui ǹ coo wo, iluu á wɛɛ baa nnyi.
23553	MAT 11:25	Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì sinɡaa ilu bisi do woo mà ŋa mii ŋau ihɛ̃ nɔ ì nyisi amu ŋa.
23554	MAT 11:26	Í sĩa Baaba, si na iyi í jɔ̀ bɛɛbɛi ì bi.
23556	MAT 11:28	Iŋɛ iyi ì ɡbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.
23557	MAT 11:29	I jɛsi n lesi ŋɛ zuuɡum nɔ i ɡba idei ciom ŋa, si na iyi í jɔ̀ amuu amanɛ kurɔ do woo kaye arai. Bii ì waa ce bɛɛbɛ ŋa, aa ba kusĩmii hunde nŋɛ ŋa.
23565	MAT 12:7	Kukɔi idei Ilaaɔ̃ wa fɔ í ni, Ilaaɔ̃ í ni, ǹ bi i ce araarei njɛ ŋa ku re i ceem kuwee. Bii í jɛ ì mà yaasei ideu bɛ ŋa wo i kaa maa yɛ taalei hai nɛ taale ŋa.
23607	MAT 12:49	Nɔ í tosi mɔcɔɛ ŋau awɔ í ni, iŋɛi ì jɛ iyem do ifɔm ŋa.
23618	MAT 13:10	Ŋɔi mɔcɔɛ ŋa à naa à beeɛ à ni, na mii í ce ì ya maa sɔ̃ inɛ ŋa ide do mɔnda.
23619	MAT 13:11	Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à ɡbe ŋau a màa.
23622	MAT 13:14	Mii iyi í ba ŋau bɛ Ezai í tako í ce waliiɛ í ni, Aa ya desi ide itĩ amma ì kaa ɡbɔ yaaseɛ ŋa, Nɔ aa maa cɔ ilu amma ì kaa yɛ nɡɔɡɔ ŋa.
23625	MAT 13:17	Ntɔ ntɔ ǹ wa n sɔ̃ ŋɛi, walii do inɛ nkpɔ iyi wa jirima idei Ilaaɔ̃, à bi aŋa à yɛ mii iyi ì waa yɛu ihɛ̃ ŋa, amma a kù yɔɔ. Nɔ à bi aŋa a ɡbɔ mii iyi ì waa ɡbɔu ihɛ̃ ŋa, a kù nɔ a kù ɡbɔɔ.
23635	MAT 13:27	Ŋɔi amaacɛɛ ŋau à naa à sɔ̃ɔ à ni, lafɛ̃ɛ, í jɔ dimi jiidai ì ɡbɛ̃ si ilɛɛ ya. To, nɔ hai iwoi fɔfɔ laalɔu ihɛ̃ í fita wa má.
23636	MAT 13:28	Ŋɔi í sɔ̃ ŋa í ni, mbɛɛ ɡɔi í coo. Nɔ amaacɛɛ ŋau à beeɛ à ni, ì bi kaa loɡoo fɔfɔ laalɔu?
23637	MAT 13:29	Nɔ í ni, aawo. Bii ì waa bi i loɡoo fɔfɔ laalɔu bii i kù laakai ŋa aa na i tɔtɔɔ i loɡooò dimi jiidau ŋa.
23659	MAT 13:51	Jesu í bee ŋa í ni, ì ɡbɔ yaasei ideu fei ŋa? Nɔ à jɛ à ni, oo.
23697	MAT 14:31	Nɔ ɡbakã Jesu í yɔ awɔ í muu nɔ í ni, na mii í ce ì waa sika sika má. Naanɛɛ kù la.
23707	MAT 15:5	Amma iŋɛ ì waa fɔ ide mmu. Ì waa ni inɛ á yɔkɔ ku sɔ̃ iyeò baaɛ ku ni, fia iyi an yɔkɔ n sobiɛ do, ǹ jilɛaa Ilaaɔ̃.
23708	MAT 15:6	Nɔ inɛ iyi í fɔ bɛɛbɛ kaa sobi iyeò baaɛ má hee ku jirima ŋa. Bɛɛbɛi ì waa kpa idei Ilaaɔ̃ ŋa ku ba i too dedemba iyi à jɔ̀ nŋɛ.
23714	MAT 15:12	Nɔ mɔcɔɛ ŋau à na à sɔ̃ɔ à ni, i kù mà ide iyi ì fɔu bɛ í jɛa Farisi ŋau taale?
23730	MAT 15:28	Nɔ Jesu í jɛaa í ni, abooyi, naanɛ ku dasiɛ í la. Bɛ́i ì bi fei á ce. Nɔ ɡbakã ama inaaboɛu í ba iri.
23736	MAT 15:34	Nɔ Jesu í bee ŋa í ni, pɛ̃ɛ fɛloi ì nɛ ŋa. Ŋɔi à ni, pɛ̃ɛ ara mɛɛjei do cɛ̃ɛ wɛwɛɛ ɡɔ ŋa.
23743	MAT 16:2	Ŋɔi Jesu í jɛ nŋa í ni, bii inunu wa bɔ ku lɔ nɔ lele í kpã ì ya ni ŋa, iju iyi á má ala á dɔ̃.
23749	MAT 16:8	Amma Jesu í mà lasabu nŋa iyi à waa ce nɔ í bee ŋa í ni, na mii í ce ì waa ni ŋa, na iyi í jɔ̀ iŋɛ i kù so pɛ̃ɛ kosĩai í jɔ̀ ǹ wa n fɔ bɛɛbɛ. Naanɛ nŋɛ kù la.
23756	MAT 16:15	Nɔ Jesu í bee ŋa í ni, iŋɛ mɔ ni, yooi ì ni ǹ jɛ ŋa.
23757	MAT 16:16	Nɔ Simɔɔ Piɛɛ í jɛaa í ni, awɔu Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.
23760	MAT 16:19	Awɔi an na yiiko si kpãai bommai Ilaaɔ̃. Mii iyi ì kɔsi si andunya, lele mɔ à kɔsii. Nɔ mii iyi ì jɛsi si andunyau, lele mɔ á jɛsii.
23773	MAT 17:4	Ŋɔi Piɛɛ í sɔ̃ Jesu í ni, Lafɛ̃ɛ, í sĩa ka maa wa ihɛ̃. Bii ì bi, jɔ̀ ka ce ilei acɔ mɛɛta, akã titɛɛ, akã mɔ ti Moizi, akã mɔ ti Elii.
23794	MAT 17:25	Nɔ Piɛɛ í ni, áá, í ya sã. Ŋɔi Piɛɛ í nɛ kpasɛ̃. Iyi í lɔ ile nɔ Jesu í tako í beeɛ í ni, Simɔɔ, bɛirei ì waa lasabu. Ilaalui andunya ŋau ihɛ̃, hai bi yooi à ya ɡba fiai lɛmpoo. Hai bi amaalu ŋa de, mà hai bi inɛ njoo ŋa.
23808	MAT 18:12	Bɛirei ì waa lasabu ŋa. Bii inɛ ɡɔ í nɛ anɡudã cĩɔ nɔ akãɛ í nyɔ, kaa jɔ̀ cĩɔ fakã kù wa siu titã si ɡeete bii à wau koo dɛdɛ akã iyi í nyɔu wa?
23811	MAT 18:15	Jesu í ni má, bii kpaasi woo dasi naanɛ ɡɔ í ce dulum, bɔ bi tɛɛ awɔ akã nɔ í jɔ̀ ku mà yaasei dulum nɔu. Bii í ɡbɔ ideɛ, ì baaɛ wa má si kpãa jiidai.
23814	MAT 18:18	Ntɔ ntɔ ǹ wa n sɔ̃ ŋɛi, mii iyi ì kɔsi si andunya fei ŋa, lele mɔ á kɔsi. Nɔ mii iyi ì jɛsi si andunya fei ŋa lele mɔ á jɛsi.
23824	MAT 18:28	Iyi amaacɛu í fita hai bɛ ɡbakã, nɔ í ko amaacɛ kpaasiɛ ɡɔ iyi wa mu ɡbeseɛ zakai kpɛkɛlɛ cĩɔ. Ŋɔi í bataɛ í tɛ kɔ̃ɔɛ í ni, sãam ɡbesem iyi ì waa muu.
23828	MAT 18:32	Ŋɔi lafɛ̃ɛu í kpoo í ni, awɔ amaacɛ laalɔ, í jɔ iyi ì tɔɔm suuru ǹ kpa ɡbeseɛu feii mɛɛ.
23829	MAT 18:33	Awɔ mɔ ì nɛ i ce araarei amaacɛ kpaasiɛi wo si bɛi ǹ ceɛ.
23839	MAT 19:8	Nɔ Jesu í jɛ nŋa í ni, Moizi í jɔ̀ ì waa lele abo nŋɛ ŋai na idɔ kulele nŋɛ. Amma waati iyi Ilaaɔ̃ í taka amanɛ kù jɛ bɛɛbɛ.
23848	MAT 19:17	Nɔ Jesu í beeɛ í ni, na mii í ce ì waa beem idei jiida ku ce. Ilaaɔ̃ nŋu akãi í jɛ jiida. Bii ì bi i ba kuwɛɛ iyi ci ya tã, jirima woodai Ilaaɔ̃ ŋau.
23850	MAT 19:19	Jirima iyeò baaɛ, nɔ i bi kpaasiɛ bɛi ì bi araɛ.
23852	MAT 19:21	Ŋɔi Jesu í sɔ̃ɔ í ni, bii ì bi i kɔ̃ dee dee, koo ta mii iyi ì nɛ fei, nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.
23859	MAT 19:28	Nɔ Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, waati iyi Ilaaɔ̃ á ce mii fei titɔ̃ nɔ amu Amai Amanɛ n maa n buba si batai bomma ilu amboem, iŋɛ amanɛ maateeji iyi ì waa toom ŋau ihɛ̃, iŋɛ mɔ aa buba si batai bommau i kiitiò dimi maateejii inɛi Izirɛli ŋau.
23867	MAT 20:6	Alɛ zakai isɔ miu ŋɔi í fita nɔ í yɛ inɛ ɡɔ ŋa má à waa buba. Ŋɔi í bee ŋa í ni, na mii í ce ì waa buba ihɛ̃ nɡbɛ nɡbɛ hai daakɔ ŋa.