23224	MAT 1:11	Zoziasi mɔ í bí Zekonia do ifɔɛ ŋa si waati iyi ilaalui Babilɔni, ilu nlau, í jɛ inɛi Izirɛli ŋa iɡũ í nɛò ŋa si ilɛɛ.
23225	MAT 1:12	Si anyii iyi à nɛò ŋa ikpa Babilɔni ŋɔi Zekonia í bí Salatɛli, nɔ Salatɛli mɔ í bí Zorobabɛli.
23230	MAT 1:17	Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à bɔò ŋa Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à bɔò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23238	MAT 1:25	Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
23250	MAT 2:12	Si anyiɛ Ilaaɔ̃ í sɔ̃ ŋa si ala í ni a maà nyi bi amanlu Herodu má. Nɔ à too kpãa mmu à nɛò ilɛi ide nŋa.
23251	MAT 2:13	Iyi woo mà ŋau à to anyi à nɛ, nɔ amalekai Aɔ̃ Lafɛ̃ɛ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.
23252	MAT 2:14	Na ŋɔi í jɔ̀ Zozɛfu í dede idũ í so amau do iyeɛ í nɛò ŋa Ezibiti.
23258	MAT 2:20	í ni, dede i so amau do iyeɛ i nyiò ŋa ilɛi Izirɛli. Inɛ ŋa iyi à waa dɛ amau ku kpa à ku.
23269	MAT 3:8	Na nŋu, i ce kookoosu jiida i nyisiò iyi ì kpaasi idɔ ŋa.
23271	MAT 3:10	Wee daɡba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daa a dasi ina.
23276	MAT 3:15	Ŋɔi Jesu í jɛaa í ni, jɔ̀ ku ce bɛɛbɛ titã, domi bɛɛbɛi à nɛ ka ce ka ceò mii iyi Ilaaɔ̃ í bi fei. Nɔ Zãa í jɛ.
23279	MAT 4:1	Si anyii nŋu, ŋɔi Hundei Ilaaɔ̃ í bɔò Jesu si ɡbabua ku ba Seetam ku lɛlɛɛ.
23281	MAT 4:3	Ŋɔi Seetam woo lɛlɛu, í naa siɛ í ni, bii awɔu Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.
23283	MAT 4:5	Nɔ Seetam í bɔòɛ Zeruzalɛmu, ilu kumáu, nɔ í ɡũòɛ hee si antai ile lelei kpasɛ̃i Ilaaɔ̃u.
23286	MAT 4:8	Si anyii nŋu, Seetam í bɔò Jesu hee antai iri kuta nla ɡɔ má nɔ í nyisiɛ bommai andunya fei do amboe nŋa.
23302	MAT 4:24	Nɔ baauɛ í fanɡaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛɡɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.
23315	MAT 5:12	I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ leleaɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.
23318	MAT 5:15	A ci ya má fitila a biiɛ do caka. Amma à ya kɔaɛi tenɡi bii á má inya, inɛi kpasɛ̃ fei ku yɛò ilu.
23321	MAT 5:18	Ntɔ ntɔ, hee lele do ilɛ koo tãò, baa wasalii wooda keeke akã kaa ɡaizia, í ɡbe fei ndɛɛ ku kɔ̃i.
23324	MAT 5:21	Jesu í sɔ̃ ŋa má í ni, ì ɡbɔ ŋa iyi Moizi í sɔ̃ bala nŋɛ ŋa í ni, i maà kpa inɛ, nɔ inɛ iyi í kpa inɛ fei aa bɔòɛ si wajui woo kiiti ŋa a nyisiɛ bɔ̃nɛ.
23325	MAT 5:22	Amma amu, an sɔ̃ ŋɛ, inɛ iyi wa ce idɔɔkɔ̃ do kpaasiɛ aa bɔòɛ si wajui woo kiiti ŋa a kpãa iju, nɔ inɛ iyi wa cɔ kpaasiɛ nfe aa kiitiɛ si wajui inɛ nɡbo ŋau, inɛ mɔ iyi wa cɔ kpaasiɛ nnyɛi á lɔ si ina iyi ci ya kuu.
23326	MAT 5:23	Na nŋu, bii ì naaò amuai Ilaaɔ̃ wa bi kuwee nɔ bɛi ì ye ɡiɡi iyi kpaasiɛ ɡɔ wa mu taaleɛ,
23328	MAT 5:25	Bii í jɛ inɛ ɡɔ wa bɔòɛ ile kiiti na idei ɡbese ɡɔ, ce kookaai hai kpãa awɔ do lafɛ̃ɛ i ɡbɔsi njɛ ku ba ku maà dasiɛ awɔi woo kiiti. Bii kù jɛ bɛɛbɛ, woo kiitiu á dasiɛ si awɔi zandaamu, nɔ zandaamu mɔ ku dasiɛ ile piisɔ̃ɔ.
23343	MAT 5:40	Bii inɛ ɡɔ í bɔòɛ kiiti ku ba ku ɡba danziɡiɛ, naa kumbooɛ mɔ má.
23344	MAT 5:41	Bii inɛ ɡɔ í tilasiɛ i soa nŋu aso i nɛò zakai kilo akã, so i nɛaa ku to kilo minji ɡbakã.
23358	MAT 6:7	Bii ì waa ce kutɔɔ ŋa i maà ya fɔ ide akã i maa sisi ŋa bɛ́i hai mà Ilaaɔ̃ ŋa à ya ce. À waa tamaa na ide nkpɔ ku fɔi aŋai Ilaaɔ̃ á ɡbɔò kutɔɔi aŋa.
23376	MAT 6:25	Na nŋu ǹ wa n sɔ̃ ŋɛi, i maà ya maa weewea do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.
23382	MAT 6:31	Na nŋu, i maà ya weewea i ni ŋa, mii aa ka jɛ, mii aa ka mɔ, walakɔ mii aa ka biiò ara nwa.
23385	MAT 6:34	Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.
23387	MAT 7:2	Ntɔ ntɔ, ǹ wa n sɔ̃ ŋɛi, do yaase bɛi ì ya maa kiiti inɛ ŋa, bɛɛbɛ mɔi Ilaaɔ̃ mɔ á naa ku kiiti nŋɛ. Nɔ si ɡũa bii ì wãaò inɛ ŋa, si bɛ mɔi aa wãa iŋɛ mɔ.
23426	MAT 8:12	Amma iŋɛ, tɔku nŋa ŋa iyi í jɔ iŋɛò ŋa i wa bɛ aa nyɔ ŋɛ anɡule si ilu kuku. Tenɡi bɛi aa lesi awɔ si iri i maa kpataò ŋa.
23428	MAT 8:14	Si anyiɛ, Jesu í bɔ kpasɛ̃i Piɛɛ, í koo í ba iyei aboi Piɛɛ kù waa nɛ baani, wa sũò ara ɡbãa.
23442	MAT 8:28	Iyi Jesu í to icei tenkuu do ikpa ihɔ̃ si ilɛi Gadara, ŋɔi amanɛ minji ɡɔ ŋa à fita wa hai bi ku si iku ŋa à kòo wa. Inɛ ŋau à nɛ inɛi inɔɔko ku ɡaabu ntɔ ntɔ hee í jɔ̀ inɛ ɡɔ ci ya jɛ ku too kpãau.
23482	MAT 9:34	Amma Farisi ŋau à ni, Seetam ilaalui inɛi inɔɔko ŋaui í muaa ɡbuɡbã ku leleò ŋa.
23487	MAT 10:1	Si anyii nŋu, Jesu í kpe mɔcɔ maateejiɛ ŋau í tɔtɔɔ ŋa bi tɛɛ. Nɔ í mu nŋa yiiko a leleò inɛi inɔɔko ŋa nɔ a jɔ̀ kɔ̃ɔ ŋa a ba iri do inɛ ŋa iyi à waa ce bɔ̃ɔ dimi ikã ikã fei.
23496	MAT 10:10	I maà ti i so bɔɡɔ, i maà ti i so ibɔ minjisia, wala baata, wala ɡolo. I maà so mii ŋau bɛ kãma ŋa si na iyi í jɔ̀ woo ce icɛ í nɛ kpãai a náa bukaatai mii iyi í nɛ ku maa wɛɛò.
23503	MAT 10:17	Nɔ i ce laakai ŋa si na iyi í jɔ̀ inɛ ɡɔ ŋa aa na a mu ŋɛ a bɔò ŋɛ bi ku ce kiiti, aa nɔ a cã ŋɛ ile bi ku ce kutɔtɔɔ nŋa ŋa.
23504	MAT 10:18	Aa bɔò ŋɛ si wajui ilu ilɛ ŋa do bi amanlu ŋa na irim, ku ba i jɛ sɛɛdam si waju nŋa ŋa do bi dimi mmu ŋa.
23505	MAT 10:19	Amma bii à bɔò ŋɛ bi ku kiiti, i maà ti i biti do ide iyi aa fɔ ŋa wala do yaase bɛi aa fɔɔò ŋa. Bii waatiu í to, Ilaaɔ̃ á mu nŋɛ ide iyi aa fɔ ŋa.
23520	MAT 10:34	Í sɔ̃ ŋa má í ni, i maà tamaa mà laakai ku sũi ǹ naa nŋɛ wa si andunya. Aawo, ijai ǹ naaò wa.
23534	MAT 11:6	Ilu inɔ didɔ̃i inɛ iyi kaa nyiò anyi si naanɛ ku dasiɛ na irim.
23543	MAT 11:15	Inɛ iyi í nɛ itĩ iyi á ɡbɔò ide, ku ɡbɔ.
23544	MAT 11:16	Yooi an wãò inɛi nsɛi ŋau ihɛ̃. À yɛi bɛi amu ŋa iyi à waa buba bantuma à sɔ̃ njɛ à waa ni,
23549	MAT 11:21	Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi . à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.
23572	MAT 12:14	Ŋɔi Farisi ŋau à fita à koo à waa busi njɛ bɛi aa ce a kpaò Jesu.
23585	MAT 12:27	Bii í jɛ do ɡbuɡbãi Bɛɛlizebuui ǹ wa n leleò inɛi inɔɔko ŋa, to, do ɡbuɡbãi yooi mɔcɔ nŋɛ ŋa mɔ à waa leleò ŋa. Debɛi aŋa taka nŋa aa yɛ taale nŋɛ.
23586	MAT 12:28	Amma bii do ɡbuɡbãi Hundei Ilaaɔ̃i ǹ wa n leleò inɛi inɔɔko ŋau, nŋu bɛ wa nyisi iyi Ilaaɔ̃ í sinti ku jɛ bommaɛ si anini nŋɛ.
23617	MAT 13:9	Iyi Jesu í kpa mɔndau í tã ŋɔi í ni, inɛ iyi í nɛ itĩ iyi á ɡbɔò ide, ku ɡbɔ.
23637	MAT 13:29	Nɔ í ni, aawo. Bii ì waa bi i loɡoo fɔfɔ laalɔu bii i kù laakai ŋa aa na i tɔtɔɔ i loɡooò dimi jiidau ŋa.
23649	MAT 13:41	Amu Amai Amanɛ, an bɛ amalekam ŋa wa a na a nya inɛ ŋa iyi à waa dasi inɛ ŋa kurara do woo ce laalɔ ŋau a tekĩò ŋa hai tenɡi bii an na n jɛ bommam,
23650	MAT 13:42	nɔ a dasi ŋa ina iyi ci ya ku. Tenɡi bɛi aa lesi awɔ si iri a kpataò.
23651	MAT 13:43	Nɔ waati bɛɛbɛ inɛ ŋa iyi à waa dɛ idɔɔbii Ilaaɔ̃ ku ce aa maa má inyai bɛi inunu si bommai Ilaaɔ̃ Baa nŋa. Inɛ iyi í nɛ itĩ iyi á ɡbɔò ide, ku ɡbɔ.
23662	MAT 13:54	Í bɔ ilu bii í jɛ ama. Iyi í to bɛ í lɔsi ku kɔ inɛ ŋa si cio ile bii à ya maa ce kutɔtɔɔ hee inɛ ŋa iyi à waa ɡbɔ ideɛ ŋau à na à biti. Nɔ à waa ni, hai iwoi inɛɛu ihɛ̃ í ba dimii bisiu ihɛ̃ wa. Bɛirei í ce wa ceò maamaake ŋau ihɛ̃.
23664	MAT 13:56	Awaò wecĩɛ ŋa fei si à wa ihɛ̃ ba. Bii bɛɛbɛi nɔ hai iwoi í ba ɡbuɡbãu ihɛ̃ fei wa.
23668	MAT 14:2	Nɔ í sɔ̃ amaacɛɛ ŋa í ni, inɛɛu bɛ Zãa woo dasi inyiui í jĩ wa hai si balɛ. Na ŋɔi í jɔ̀ í nɛ ɡbuɡbã wa ceò maamaake ŋau bɛ.
23672	MAT 14:6	Ŋɔi ajɔ í naa í to bii Herodu wa ce jinɡau ku yeò ɡiɡii ajɔi kubiɛ. Nɔ ama inaaboi Herodiasi wa jojo si wajui inɛ ŋa iyi à kpe ku jɛu. Ŋɔi í dɔ̃a Herodu si jiida jiida
23706	MAT 15:4	Ì mà sãa sãa ŋa iyi Ilaaɔ̃ í ni, i ɡbɔa iyeò baa nŋɛ ŋa i jirima ŋa ŋa. Nɔ í ni má, inɛ iyi wa fɔ laalɔi iyeò baaɛ ŋa a kpa lafɛ̃ɛ.
23707	MAT 15:5	Amma iŋɛ ì waa fɔ ide mmu. Ì waa ni inɛ á yɔkɔ ku sɔ̃ iyeò baaɛ ku ni, fia iyi an yɔkɔ n sobiɛ do, ǹ jilɛaa Ilaaɔ̃.
23708	MAT 15:6	Nɔ inɛ iyi í fɔ bɛɛbɛ kaa sobi iyeò baaɛ má hee ku jirima ŋa. Bɛɛbɛi ì waa kpa idei Ilaaɔ̃ ŋa ku ba i too dedemba iyi à jɔ̀ nŋɛ.
23732	MAT 15:30	Nɔ zamaa nla ɡɔ í naa bi tɛɛ. À naaò ilu kutɛ akã ŋa wa, do fɛɛju ŋa, do wɛɛɡɛ ŋa, do dekĩ ŋa, do bɔ̃ɔ nkpɔ má nɔ à jilɛ ŋa si wajui Jesu, nɔ í jɔ̀ à ba iri.
23734	MAT 15:32	Jesu í kpe mɔcɔɛ ŋa í ni, araarei inɛ ŋau ihɛ̃ wa mum, domi ajɔ mɛɛta nŋai ihɛ̃ iyi à wa bi tom, nɔ sɔnda kãma kù ɡbe nŋa má. Nɔ n kù bi n jɔ̀ a nɛò ariu ku ba a maà na a koo a cuku kpãa.
23745	MAT 16:4	Inɛ laalɔi nsɛi ŋa iyi a kù leekĩò Ilaaɔ̃ nŋu akã, nyindai à ya maa bi ku yɛ. Amma nyinda ɡɔ kù wɛɛ iyi aa nyisi ŋa má bii kù jɛ ide iyi í ba walii Zonasiu. Iyi Jesu í fɔ bɛɛbɛ í tã ŋɔi í jɔ̀ ŋa í nɛ.
23763	MAT 16:22	Ŋɔi Piɛɛ í ɡbãa í bɔòɛ kɔkɔlɛ í sɔ̃ɔ í ni, Ilaaɔ̃ ku waasu ideu, Lafɛ̃ɛ. Ide dimi bɛɛbɛ kaa baɛ pai.
23767	MAT 16:26	Aranfãani yoomai amanɛ í nɛ bii í ba amanii andunya fei nɔ í kua kuwɛɛɛ. Mà mii í wɛɛ iyi amanɛ á kpaasiò kuwɛɛɛ.
23768	MAT 16:27	Amu Amai Amanɛ an nyi wa má dei kam kam do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.
23786	MAT 17:17	Jesu í ni, iŋɛ inɛ laalɔ hai dasi naanɛ ŋa, hee waati yoomai an maa ǹ wa inɔ nŋɛ. Mà hee waati yoomai an maa n temuaò ŋɛ. I naam amau wa ihɛ̃ ŋa.
23804	MAT 18:8	Bii í jɛ awɔɛ walakɔ isɛɛ wa dasiɛ dulum, buu i nyɔɔ ku jĩòɛ. Á tiaɛ i lɔ si kuwɛɛ iyi ci ya tã do awɔ akã walakɔ kutɛ akã do iyi aa nɛ awɔ minji do kutɛ minjiu fei nɔ a dasiɛ ina iyi ci ya ku.
23805	MAT 18:9	Bii í nɔ í jɛ ijuɛi wa dasiɛ dulum, nyaa i nyɔɔ ku jĩòɛ. Á tiaɛ i lɔ si kuwɛɛ iyi ci ya tã do iju akã do iyi aa nɛ iju minji fei nɔ a dasiɛò ina iyi ci ya ku.
23818	MAT 18:22	Ŋɔi Jesu í jɛaa í ni, aawo. N kaa n sɔ̃ɛ iyi andi isɛ ɡbɛɛjei, amma aa ceaa suurui isɛ kitaò fɛɛwa tuuba mɛɛje.
23820	MAT 18:24	Iyi í sinti ku ce dooi ɡbeseu, ŋɔi à naaò inɛ ɡɔ wa bɛ, iyi wa mu ɡbeseɛ í to baa fɔɔtɔ ciwa nkpɔ nkpɔ .
23821	MAT 18:25	Si bɛi inɛɛu kù nɛ mii iyi á sãò ɡbeseu, ŋɔi lafɛ̃ɛɛ í ni a taa bɛi aru, nŋu do aboɛ do amaɛ ŋa do mii iyi í nɛ fei a sãò ɡbeseu.
23826	MAT 18:30	Amma kù jɛ, nɔ í jɔ̀ à dasi kpaasiɛu piisɔ̃ɔ hee koo sãò ɡbeseu fei ku tã.
23830	MAT 18:34	Nɔ idɔi lafɛ̃ɛu í kɔ̃, ŋɔi í jɔ̀ à dasiɛ piisɔ̃ɔ si awɔi woo kpã inɛ ŋa iju hee koo sãò ɡbeseu fei ku tãu.
23836	MAT 19:5	Nɔ í ni má, na nŋu, mɔkɔ á jɔ̀ iyeò baaɛ nɔ nŋu do aboɛ a maa wɛɛ nɔ aŋa minji fei a baa a jɛ ara akã.
23841	MAT 19:10	Ŋɔi mɔcɔɛ ŋau à sɔ̃ɔ à ni, bii bɛɛbɛi si ɡãmɛi aboò mɔkɔ í tia a maà ya so njɛ.
23847	MAT 19:16	Ajɔ nŋu ɡɔ mɔkɔ ɡɔ í naa bi Jesu nɔ í beeɛ í ni, Mɛɛtu, mii jiida yoomai an ce n baò kuwɛɛ hai tã.
23850	MAT 19:19	Jirima iyeò baaɛ, nɔ i bi kpaasiɛ bɛi ì bi araɛ.
23855	MAT 19:24	Nɔ an sɔ̃ ŋɛ má iyi á faalaa kpookpo ku lɔ si iwoi abɛɛ do iyi ilu amani á lɔò tenɡi bii Ilaaɔ̃ í jɛ bommaɛ.
23859	MAT 19:28	Nɔ Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, waati iyi Ilaaɔ̃ á ce mii fei titɔ̃ nɔ amu Amai Amanɛ n maa n buba si batai bomma ilu amboem, iŋɛ amanɛ maateeji iyi ì waa toom ŋau ihɛ̃, iŋɛ mɔ aa buba si batai bommau i kiitiò dimi maateejii inɛi Izirɛli ŋau.
23862	MAT 20:1	Jesu í kpa nŋa mɔndau ihɛ̃ í ni, idei bommai Ilaaɔ̃ í jɔ idei ilu kpasɛ̃ ɡɔ iyi í fita daadaakɔ wa dɛdɛ amaacɛ ku bɔò ŋa ikoɛ.
23863	MAT 20:2	Waati iyi í ba amaacɛ ŋau aŋaò ŋa à fɔ à ɡbɔa njɛ ku sã nŋa si bɛi à ya sãa woo ce icɛ si ajɔ akã, nɔ í ni a bɔ ikoi nŋu a koo a ce icɛ. Nɔ à koo.
23876	MAT 20:15	Kù jɛ bɛi ǹ bii an ceò fiam? Mà ì waa ce iɡu si na iyi í jɔ̀ ǹ ce jiidai.
23883	MAT 20:22	Ŋɔi Jesu í sɔ̃ mɔcɔ minji ŋau í ni, i kù mà mii iyi ì waa tɔɔm ŋa mɔm. Aa yɔkɔ i temuaò ijuukpã iyi an yɛ ŋa? Nɔ à ni aŋa aa yɔkɔ.
23885	MAT 20:24	Ŋɔi mɔcɔ mɛɛwa iyi à ɡbe ŋau à ɡbɔ ideu nɔ idɔ nŋa í kɔ̃ò minji ŋau.
23889	MAT 20:28	Bɛɛbɛ mɔi amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.
23898	MAT 21:3	Bii inɛ ɡɔ wa bee ŋɛ ide ɡɔ, i jɛaa i ni, Lafɛ̃ɛi í nɛ bukaata nŋa. Inɛɛu á jɔ̀ i naaò ŋa wa ŋa.
23902	MAT 21:7	À naaò ɡbankɛlɛu do amaɛ wa, à tɛ acɔ nŋa si antaɛ nɔ Jesu í ɡũu.
23907	MAT 21:12	Ŋɔi Jesu í bɔ bantumai kpasɛ̃i Ilaaɔ̃. Iyi í to bɛ í lele woo ta iwò ŋa do woo ra ŋa iyi à wa bɛ. Í fuka fuka taabui woo kpaasi fia ŋa, do kitãi woo ta ankasiidi ŋa.
23918	MAT 21:23	Ŋɔi Jesu í to Zeruzalɛmu nɔ í bɔ bantumai kpasɛ̃i Ilaaɔ̃ má wa kɔ inɛ ŋa si cio. Ŋɔi inɛ nɡboi woo weei Ilaaɔ̃ ŋa do inɛ nɡbo ŋa à naa bi tɛɛ, à beeɛ à ni, mii ŋa iyi ì waa ceu ihɛ̃, yooi í naɛ kpãa iyi ì waa cooò. Do yiikoi yooi ì waa cooò.
23919	MAT 21:24	Ŋɔi Jesu í jɛ nŋa í ni, amu mɔ an bee ŋɛ ide ɡɔ. Bii ì yɔkɔ ì jɛɛm ŋa, amu mɔ an sɔ̃ ŋɛ inɛ iyi í nam yiiko ǹ wa n ceò mii ŋau ihɛ̃.
23920	MAT 21:25	Hai iwoi Zãa í ba yiiko iyi í dasiò inɛ ŋa inyi. Hai bi Ilaaɔ̃ de, mà hai bi amanɛ ŋa. Ŋɔi à busi njɛ à waa ni, bɛirei aa ka jɛaa. Nsɛi nɔɔ, bii à jɛaa à ni Ilaaɔ̃i, á bee wa na mii í ce a kù dasi Zãa naanɛ.
23922	MAT 21:27	Ŋɔi à jɛa Jesu à ni, a kù mà. Nɔ Jesu mɔ í sɔ̃ ŋa í ni, debɛi, amu mɔ n kaa n sɔ̃ ŋɛ yiikoi inɛ iyi ǹ wa n ceò mii ŋau ihɛ̃.
23928	MAT 21:33	Ŋɔi Jesu í sɔ̃ ŋa má í ni, i ɡbɔ mɔnda ɡɔ má ŋa. Ilu kpasɛ̃ ɡɔ í ce ikoɛ, nɔ í lɔ si jĩi ndii rezɛ̃ɛ ŋa nɔ í ce kaa í kaakooɛò. Nɔ í ce bi ku fɔ̃ inyii isoɛ. Nɔ í cã tafa bii ku deɡbe ikou. Ŋɔi í so ɡaanɔɔma ŋa í dasi ŋa si ikou a maa loɡooɛ, í bɛi í bɔ ilu koo kpɛ bɛ.
23949	MAT 22:8	Ŋɔi í sɔ̃ amaacɛɛ ŋau má í ni, to, ijɛi abɔdɔ̃u í jĩa, amma inɛ ŋa iyi ǹ tako ǹ kpe ŋau a kù jɔò ijɛu bɛ má.