23232	MAT 1:19	Zozɛfu mɔkɔɛu wee inɛ dee deei. Kù bi nŋu ku dasi Maari anyɔ si bantuma. Na ŋɔi í ce í dasi idɔ nŋu ku kɔsiɛ si asii.
23236	MAT 1:23	iyi í ni, Mudɛ̃ɛ ɡɔ iyi kù mà mɔkɔ á na ku nɛ asĩ. Á bí ama inɛmɔkɔ, Nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.
23238	MAT 1:25	Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23256	MAT 2:18	À ɡbɔ anu ku dɔ̃ si ilui Rama. À ɡbɔ inɛ ŋa à kpata, À waa cã buubuu. Asee, Rasɛlii wa kpata na irii amaɛ ŋa. Nɔ à bɔ ku lɛlɛɛ, Amma í kɔ ku ɡbɔ kulɛlɛu Si na iyi í jɔ̀ amaɛ ŋa a kù wɛɛ má.
23271	MAT 3:10	Wee daɡba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daa a dasi ina.
23272	MAT 3:11	Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ ɡɔ á na ku naa si anyim. Í rem do ɡbuɡbã ntɔ ntɔ, n kù to baa ǹ bɔ baataɛ. Nŋui á da nŋɛ si Hundei Ilaaɔ̃ do ina.
23291	MAT 4:13	Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.
23323	MAT 5:20	Ǹ wa n sɔ̃ ŋɛi, i kaa jɛ inɛi bommai Ilaaɔ̃ ŋa bii kù jɛ ì ce mii iyi Ilaaɔ̃ í bee ŋɛ ŋa í re woo kɔ inɛ ŋa si wooda ŋa do Farisi ŋau.
23328	MAT 5:25	Bii í jɛ inɛ ɡɔ wa bɔòɛ ile kiiti na idei ɡbese ɡɔ, ce kookaai hai kpãa awɔ do lafɛ̃ɛ i ɡbɔsi njɛ ku ba ku maà dasiɛ awɔi woo kiiti. Bii kù jɛ bɛɛbɛ, woo kiitiu á dasiɛ si awɔi zandaamu, nɔ zandaamu mɔ ku dasiɛ ile piisɔ̃ɔ.
23329	MAT 5:26	Ntɔ ntɔ ǹ wa n sɔ̃ɛi, bii à dasiɛ piisɔ̃ɔ, bii i kù sã ɡbeseu fei i kaa fita. Nkãma kaa ɡaizia si.
23335	MAT 5:32	Amma amu, ǹ wa n sɔ̃ ŋɛ, inɛ iyi í kɔsi aboɛ nɔ kù jɛ na sakara, mɔkɔu í dasiɛ sakarai. Nɔ mɔkɔ mɔ iyi í so abo iyi à kɔsiu, í ce sakarai.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23357	MAT 6:6	Amma iŋɛ, bii ì waa ce kutɔɔ ŋa, i lɔ hee ilaawa i cĩmbo ŋa, i tɔɔ Ilaaɔ̃ Baa nŋɛ bɛ tenɡi bii inɛ ɡɔ kù waa yɛ ŋɛ, nɔ Baa nŋɛ iyi wa yɛ mii iyi wa manji fei á sã nŋɛ.
23369	MAT 6:18	ku ba inɛ ŋa a maà mà iyi ì waa dĩ anu ŋa, í ɡbe Ilaaɔ̃ Baa nŋɛ iyi í wa bii a kù waa yɔɔ. Nɔ Baa nŋɛ iyi wa yɛ mii iyi wa manji fei, á sã nŋɛ.
23374	MAT 6:23	Amma bii ijuɛ kù waa nɛ baani, araɛ mɔ fei í wa si ilu kukui. Na nŋu, mii iyi í nɛ ku ceɛ inya kumá, bii ilu kukui í ce, ilu kukuu á la ku caa.
23377	MAT 6:26	I cɔ yɛi ŋa iyi à waa fo lele. A kù waa ɡbɛ̃ hee a da nɡɔɡɔ a dasi suu. Do nŋu fei, Baa nŋɛ iyi í wa lele wa wo ŋa. I kù mà ŋa iyi bɛɛrɛ nŋɛ í re ti yɛi ŋau bɛ?
23379	MAT 6:28	To, na mii í ce ì ya maa weewea do idei jĩnɛ ŋa. I cɔ bɛi wua ŋa à ya da koko si inɔ sako mɛɛ. A kù waa ce icɛ a ci ya nɔ a wɔ̃ acɔ.
23380	MAT 6:29	Amma ǹ wa n sɔ̃ ŋɛ, baa Salomɔɔ ilaalu nlau, do amboe nla nlaɛ fei kù nɛ jĩnɛ iyi boodaɛ í to kokoi jĩi ŋau bɛ baa akã.
23381	MAT 6:30	Fɔfɔ í wɛɛi nnyi do kusĩaɛ amma ala aa dasiɛ inai. To, bii Ilaaɔ̃ í mua fɔfɔ ŋa iyi aa na a dasi ina booda ku sĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?
23388	MAT 7:3	Na mii í ce ì waa yɛ fɔfɔ keeke iyi í wa si ijui kpaasiɛ nɔ i kù yɛ jĩi ite iyi í wa si titɛɛ.
23395	MAT 7:10	Bɛɛbɛ mɔi inɛ kãma kù wɛɛ iyi bii amaɛ í tɔɔɛ cɛ̃ɛ á so njo ku naa.
23399	MAT 7:14	Amma kpãa iyi wa bɔ bi kuwɛɛ hai tã í mante, andɛɛ kù cĩ. Nɔ inɛ ŋa iyi à yɛ kpãau à waa tooɛ a kù kpɔ.
23404	MAT 7:19	Nɔ jĩi iyi kù waa so iso jiida fei à ya daai a dasi ina.
23406	MAT 7:21	Jesu í ni má, kù jɛ inɛ iyi wa kpem Lafɛ̃ɛ Lafɛ̃ɛ feii á na ku lɔ si bommai Ilaaɔ̃, bii kù jɛ inɛ ŋa iyi à waa ce idɔɔbii Baam iyi í wa lele.
23407	MAT 7:22	Ajɔ nŋu bɛ, inɛ nkpɔi á maa ni, Lafɛ̃ɛ Lafɛ̃ɛ, a kù ce walii do iriɛ? A kù lele inɛi inɔɔko ŋa do iriɛ? A kù ce maamaake nkpɔ do iriɛ?
23408	MAT 7:23	Amma an sɔ̃ ŋa si wajui inɛ fei n ni, n kù mà ŋɛ ajɔ kãma. I sɛkɛɛ hai bi tom, iŋɛ iyi i kù ce idɔɔbim ŋa.
23410	MAT 7:25	Ijĩ í rɔ, ido í kɔ̃ í nikã, nɔ fufu nla nla í dede si ileu, amma kù cuku, domi si kutai à maa.
23411	MAT 7:26	Amma awɔ iyi ì ɡbɔ ide iyi ǹ wa n fɔu ihɛ̃ fei nɔ i kù saaluɛ, aa yɛi bɛi mɔkɔ nnyɛi iyi í koo í ma ileɛ si sãai ido.
23414	MAT 7:29	À bitii si na iyi í jɔ̀ do yiikoi wa kɔ ŋa si, kù jɛ bɛi woo kɔ inɛ ŋa si wooda nŋa ŋau.
23422	MAT 8:8	Amma inɛ nɡboi sooɡe ŋau í jɛaa í ni, Lafɛ̃ɛ, n kù to i lɔ kpasɛ̃m. Baa hai ihɛ̃ fɔ ide, amaacɛm nɔu á ba iri.
23424	MAT 8:10	Iyi Jesu í ɡbɔ ideu í biti nɔ í sɔ̃ inɛ ŋa iyi à waa tooɛu í ni, ntɔ ntɔ, baa si inɔi inɛi Izirɛli ŋa fei n kù yɛ inɛ iyi í yɔkɔ í dasim naanɛ nla bɛi inɛɛu ihɛ̃.
23428	MAT 8:14	Si anyiɛ, Jesu í bɔ kpasɛ̃i Piɛɛ, í koo í ba iyei aboi Piɛɛ kù waa nɛ baani, wa sũò ara ɡbãa.
23434	MAT 8:20	Nɔ Jesu í sɔ̃ɔ í ni, iŋa ŋa à nɛ kolo ŋa nɔ baa yɛi ŋa mɔ à nɛ bi ku sũ. Amma amu Amai Amanɛ n kù nɛ bii an koo n sũ n sĩmi.
23440	MAT 8:26	Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.
23443	MAT 8:29	Nɔ à dɔ̃ anu à ni, mii í wa si ɡãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?
23458	MAT 9:10	Si anyiɛ Jesu wa jɛ kpasɛ̃i mɔkɔu, ŋɔi woo ɡba fiai lɛmpoo do inɛ nkpɔ ɡɔ ŋa má iyi kuwɛɛ nŋa kù sĩa à naa à buba bi Jesu do mɔcɔɛ ŋau.
23460	MAT 9:12	Iyi Jesu í ɡbɔ ide nŋau ŋɔi í ni, ilu baani ŋa a kù nɛ bukaatai ilu iwɔ bii kù jɛ bɔ̃ɔ ŋa.
23461	MAT 9:13	Ǹ wa n sɔ̃ ŋɛi, n kù naa ku kpe inɛ dee dee ŋa, amma dulum ŋai ǹ naa ku kpe. I koo i bee yaasei kukɔu iyi í ni, Ilaaɔ̃ í ni, ǹ bi i ce araarei njɛ ŋa ku re i ceem kuwee.
23472	MAT 9:24	Nɔ í ni, i fita hai ihɛ̃. Ama inaabou kù ku, wa sĩ njooi, nɔ à waa yaakoɛ.
23481	MAT 9:33	Nɔ Jesu í lele inɛi inɔɔkou. Iyi í leleɛ ɡbakã nɔ mɔkɔu í lɔsi ide ku fɔ. Inɛ ŋa à biti à wasi ku ni, a kù yɛ dimiɛ si ilɛi Izirɛli ajɔ kãma.
23484	MAT 9:36	Iyi í yɛ zamaau, araare fei í muu, domi à wɛɛ do biti, inɔ nŋa fei í fɔ, à wɛɛ nŋa bɛi anɡudã ŋa iyi a kù nɛ woo deɡbe.
23485	MAT 9:37	Ŋɔi í sɔ̃ mɔcɔɛ ŋa í ni, amaajɛ iyi í jĩa í to ku da í kpɔ, amma woo da ŋau a kù kpɔ.
23499	MAT 10:13	Bii à ɡba ŋɛ, laakai ku sũu á wɛɛ do aŋai, amma bii a kù ɡba ŋɛ, á baa si ŋɛi.
23512	MAT 10:26	Nɔ Jesu í ni má, do nŋu fei i maà ce njo nŋa ŋa, domi nɡɔɡɔ kù wɛɛ iyi wa manji iyi kaa fita ɡbuɡbãa, nɔ asii kãma kù wɛɛ iyi a kàa na a mà.
23515	MAT 10:29	A ci ya ta ama yɛi minji súù akã ba. Do nŋu fei, Ilaaɔ̃ wa mà baani nŋa. Baa akã nŋa ci ya nɔ ku ku iyi kù jɛ do kumàsiɛ.
23523	MAT 10:37	Inɛ iyi í bi baaɛ walakɔ iyeɛ í rem, lafɛ̃ɛ kù to ku jɛ inɛm. Bɛɛbɛ mɔi inɛ iyi í bi ama inɛmɔkɔɛ walakɔ ama inaaboɛ í rem, lafɛ̃ɛ kù to ku jɛ inɛm.
23524	MAT 10:38	Inɛ iyi kù jɛsi nŋu ku so jĩi ku ɡaauɛ ku toom do wa, kù to ku jɛ inɛm.
23539	MAT 11:11	Ntɔ ntɔ an sɔ̃ ŋɛ, si inɔi inɛ ŋa iyi inaabo ŋa à bí fei, kãma nŋa kù wɛɛ iyi í re Zãa woo dasi inyi. Amma do nŋu fei, baa inɛ iyi í kere í re si bommai Ilaaɔ̃ í roo.
23545	MAT 11:17	à fã nŋɛ yee nɔ i kù jojo ŋa, nɔ à kɔ̃ nŋɛ irii iku ŋa nɔ i kù kpata ŋa.
23548	MAT 11:20	Nɔ Jesu í lɔsi ku ɡbaɡba si inɛi ilu ŋa bii í ce maamaake nkpɔ nkpɔ ŋau si na iyi í jɔ̀ a kù kpaasi idɔ.
23555	MAT 11:27	Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.
23558	MAT 11:30	Ntɔ ntɔ, zuuɡum nɔu kù ɡaabu nɔ aso iyi an kã nŋɛ kù wo.
23560	MAT 12:2	Wee Farisi ɡɔ ŋa à wa bɛ. Iyi à yɔɔ ŋɔi à sɔ̃ Jesu à ni, cɔ, mɔcɔɛ ŋa à waa ce mii iyi a kù nɛ kpãai ku ce si ajɔi kusĩmi.
23561	MAT 12:3	Amma Jesu í jɛ nŋa í ni, i kù cio mii iyi Davidi í ce si waati iyi ari wa kpa nŋu do inɛɛ ŋa?
23562	MAT 12:4	Í lɔ kpasɛ̃i Ilaaɔ̃ nɔ í so pɛ̃ɛ iyi à jilɛa Ilaaɔ̃ í jɛ, nŋu do inɛɛ ŋa. Nɔ wee a kù nɛ kpãai pɛ̃ɛu ku jɛ, í ɡbe woo weei Ilaaɔ̃ ŋa aŋa akã.
23563	MAT 12:5	Mà i kù cioɛ si tiai woodai Moizi ŋa iyi si ajɔi kusĩmi woo wee ŋa iyi à ya nɛ icɛ si kpasɛ̃i Ilaaɔ̃ a kù waa jirima ajɔi kusĩmi? Do nŋu fei, a kù jɛ ilu taale ŋa.
23578	MAT 12:20	Kaa tambɔ ama jĩi iyi í kɔmba wa bi ku cɛ, Nɔ kaa kpa fitila iyi inya kumáɛ kù la, Hee waati koo to si bii á jɔ̀ dee dee ku jɛm ku kãmia inɛ fei,
23587	MAT 12:29	Bɛirei inɛ á ce ku lɔ kpasɛ̃i inɛ iyi í nɛ ɡbuɡbã ku coo ile bii kù jɛ í tako í dĩ ilu ɡbuɡbãu. Amma bii í dũu á yɔkɔ ku coo ile.
23588	MAT 12:30	Inɛ iyi kù jɛ tom, mbɛɛm nii. Inɛ iyi kù waa bam ku tɔtɔɔ, wa fanɡaaɛi.
23597	MAT 12:39	Amma Jesu í jɛ nŋa í ni, inɛ laalɔi nsɛi ŋa iyi a kù waa leekĩ do Ilaaɔ̃ nŋu akã, maamaakei à ya maa bi, amma maamaake ɡɔ kù wɛɛ iyi aa nyisi ŋa má bii kù jɛ ti walii Zonasi,
23613	MAT 13:5	Nɔ ɡɔɡɔ ŋa mɔ à cuku si ilɛ iyi í nɛ kuta, tenɡi bii sãa kù kpɔ. Nɔ í fita bɛ ɡbakã si na iyi í jɔ̀ sãa kù la bɛ.
23614	MAT 13:6	Amma iyi inunu wa ce, ŋɔi í joo nɔ í ɡbɛ, domi icãɛ kù mi lɛlɛ.
23619	MAT 13:11	Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à ɡbe ŋau a màa.
23620	MAT 13:12	Inɛ iyi í nɛ, nŋui à ya kɔ̃ɔa si, nɔ kunɛu ku la. Amma inɛ iyi kù nɛ, baa keeke iyi í nɛu à ya ɡbaai má.
23621	MAT 13:13	Inɛ ŋau, à ya maa cɔ ilu amma a kù waa yɛ, nɔ à waa sɔ̃ ŋa ide amma a kù waa ɡbɔ yaaseɛ. Na ŋɔi i jɔ̀ ǹ ya n maa n sɔ̃ ŋa ide do mɔnda.
23623	MAT 13:15	Idɔ nŋa í baa í le. À dĩ itĩ nŋa ku ba a maà ɡbɔ ide ɡɔ, Nɔ à bii iju nŋa ku ba a maà yɛ nɡɔɡɔ, Nɔ idɔ nŋa mɔ ku maà mà nɡɔɡɔ. Bii kù jɛ bɛɛbɛ aa naa a sinda wa bi Ilaaɔ̃ nɔ ku jɔ̀ a ba iri.
23625	MAT 13:17	Ntɔ ntɔ ǹ wa n sɔ̃ ŋɛi, walii do inɛ nkpɔ iyi wa jirima idei Ilaaɔ̃, à bi aŋa à yɛ mii iyi ì waa yɛu ihɛ̃ ŋa, amma a kù yɔɔ. Nɔ à bi aŋa a ɡbɔ mii iyi ì waa ɡbɔu ihɛ̃ ŋa, a kù nɔ a kù ɡbɔɔ.
23627	MAT 13:19	Inɛ iyi wa ɡbɔ idei bommai Ilaaɔ̃ nɔ kù ɡbɔ yaaseɛ, í yɛi bɛi kpãa bii dimiu í cuku. Seetam inɛ laalɔui, i ya naa ku nya ide iyi à ɡbɛ̃ si idɔɛ.
23637	MAT 13:29	Nɔ í ni, aawo. Bii ì waa bi i loɡoo fɔfɔ laalɔu bii i kù laakai ŋa aa na i tɔtɔɔ i loɡooò dimi jiidau ŋa.
23642	MAT 13:34	Ide ŋau bɛ fei sãa sãa do mɔndai Jesu í sɔ̃ zamaau, ci ya fɔ ide iyi kù jɛ do mɔnda.
23656	MAT 13:48	Bii í mu cɛ̃ɛ ŋau í tã, sɔɔkɔ ŋau à ya faa wa icei. Nɔ a buba a cica cɛ̃ɛ jiida ŋau a dasi kɔlɔ, cɛ̃ɛ ŋa iyi a kù ce ncɛɛu mɔ nɔ a nikã ŋa.
23663	MAT 13:55	Í jɔ amai woo ɡbe jĩi nɔu mbɛ ya. Kù jɛ iyeɛi à ya kpe Maariu? Zaaki do Zozɛfu do Simɔɔ do Zudu ŋa si à jɛ ifɔɛ ŋa?
23665	MAT 13:57	To, lasabu nŋu ŋau bɛi í ɡanji ŋa a dasiɛ naanɛ. Nɔ Jesu í sɔ̃ ŋa í ni, kù nɛ bii walii ci ya nɛ bɛɛrɛ bii kù jɛ si ilɛi ideɛ do si kpasɛ̃ɛ.
23666	MAT 13:58	Kù nɔ kù ce maamaake nkpɔ bɛ si na iyi í jɔ̀ a kù dasiɛ naanɛ.
23669	MAT 14:3	Mii iyi í jɔ̀ Herodu í fɔ bɛɛbe wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i ɡba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiu í jɔ̀ Herodu í ni a muu a dũu a dasiɛ piisɔ̃ɔ.
23682	MAT 14:16	Amma Jesu í sɔ̃ ŋa í ni, a kù nɛ bukaatai a nɛ. Iŋɛ taka nŋɛ, i na ŋa ijɛ a jɛ.
23683	MAT 14:17	Ŋɔi à ni, pɛ̃ɛ iyi à nɛ ihɛ̃ kù re ara miu do cɛ̃ɛ minji.
23697	MAT 14:31	Nɔ ɡbakã Jesu í yɔ awɔ í muu nɔ í ni, na mii í ce ì waa sika sika má. Naanɛɛ kù la.
23704	MAT 15:2	na mii í ce mɔcɔɛ ŋa a kù waa too dedembai bala nwa ŋa. Na mii í ce a ci ya wɔɔ a bɛi a jɛ.
23705	MAT 15:3	Nɔ Jesu í jɛ nŋa do ide ku bee í ni, na mii í ce iŋɛ mɔ dedemba nŋɛ ŋa ku too í jɔ̀ i kù waa jirima woodai Ilaaɔ̃ ŋa.
23713	MAT 15:11	Kù jɛ mii iyi wa lɔ hai do ɡɛlɛi amanɛi í ya dasiɛ riisi. Amma mii iyi í ya fita hai si ɡɛlɛi amanɛi á dasiɛ riisi.
23714	MAT 15:12	Nɔ mɔcɔɛ ŋau à na à sɔ̃ɔ à ni, i kù mà ide iyi ì fɔu bɛ í jɛa Farisi ŋau taale?
23715	MAT 15:13	Nɔ Jesu í jɛ nŋa í ni, jĩi baa yooma iyi Baam iyi í wa lele kù lɔ fei, aa tuui.
23718	MAT 15:16	Nɔ Jesu í ni, iŋɛ mɔ, i kù nɛ bisi ŋai?
23719	MAT 15:17	I kù mà ŋa, mii iyi wa lɔ hai do ɡɛlɛi amanɛ fei, si inɔɛi wa bɔ? Si anyiɛ nɔ ku fita hai si ara.
23722	MAT 15:20	nɔ nŋu ŋau bɛi í ya dasi amanɛ riisi. Amma kù jɛ kujɛ hai wɔɔi á dasi inɛ riisi.
23725	MAT 15:23	Amma Jesu kù jɛaa ide kãma. Nɔ mɔcɔɛ ŋa à naa à tɔɔɛ à ni, abou ihɛ̃ wa dɔ̃ anu wa too anyi nwa. I kaa leleɛ?
23728	MAT 15:26	Nɔ Jesu í ni, kù sĩa a ɡba ijɛi amu ŋa a na aja keeke ŋa.
23734	MAT 15:32	Jesu í kpe mɔcɔɛ ŋa í ni, araarei inɛ ŋau ihɛ̃ wa mum, domi ajɔ mɛɛta nŋai ihɛ̃ iyi à wa bi tom, nɔ sɔnda kãma kù ɡbe nŋa má. Nɔ n kù bi n jɔ̀ a nɛò ariu ku ba a maà na a koo a cuku kpãa.
23744	MAT 16:3	Bii daakɔi í ya ni ŋa, ijĩ á rɔ domi ijĩ í dũ í we manɡo. Ì waa mà yaasei lele ŋa amma i kù waa mà yaasei waati iyi à wa si nsɛi ŋa.
23745	MAT 16:4	Inɛ laalɔi nsɛi ŋa iyi a kù leekĩò Ilaaɔ̃ nŋu akã, nyindai à ya maa bi ku yɛ. Amma nyinda ɡɔ kù wɛɛ iyi aa nyisi ŋa má bii kù jɛ ide iyi í ba walii Zonasiu. Iyi Jesu í fɔ bɛɛbɛ í tã ŋɔi í jɔ̀ ŋa í nɛ.
23748	MAT 16:7	Ŋɔi mɔcɔ ŋau à waa lasabu si idɔ nŋa à waa ni, na iyi í jɔ̀ a kù so pɛ̃ɛ kosĩai í jɔ̀ wa fɔ bɛɛbɛ.
23749	MAT 16:8	Amma Jesu í mà lasabu nŋa iyi à waa ce nɔ í bee ŋa í ni, na mii í ce ì waa ni ŋa, na iyi í jɔ̀ iŋɛ i kù so pɛ̃ɛ kosĩai í jɔ̀ ǹ wa n fɔ bɛɛbɛ. Naanɛ nŋɛ kù la.
23750	MAT 16:9	I kù ɡbɔ yaaseɛ hee nsɛi ŋa? I kù waa ye ɡiɡii pɛ̃ɛ ara miu iyi ǹ bu ǹ kpɛ̃a amanɛ dubu miu do jiai pɛ̃ɛ kɔlɔ iyi í ɡbe má ŋa?
23751	MAT 16:10	Mà i kù waa ye ɡiɡii pɛ̃ɛ ara mɛɛje iyi ǹ bububu ǹ na amanɛ dubu mɛɛ ŋau do jiai pɛ̃ɛ kɔlɔ iyi í ɡbe má ŋa?
23752	MAT 16:11	Na mii í ce i kù mà ŋa iyi pɛ̃ɛ si ǹ wa n fãa. I ce laakai do lefeei Farisi ŋa do Sadusi ŋau.
23753	MAT 16:12	Bɛbɛi mɔcɔ ŋau à mà iyi kù jɛ lefee iyi í ya jɔ̀ pɛ̃ɛ ku wui wa fãa, amma à mà iyi cioi Farisi do ti Sadusi ŋaui wa fãa.