23231	MAT 1:18	Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do ɡbuɡbãi Hundei Ilaaɔ̃.
23233	MAT 1:20	Si bɛi wa lasabu bɛɛbɛ ŋɔi amalekai Aɔ̃ Lafɛ̃ɛ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muɛu. Dasiɛ kpasɛ̃. Asĩ iyi í nɛu bɛ, do ɡbuɡbãi Hundei Ilaaɔ̃i.
23236	MAT 1:23	iyi í ni, Mudɛ̃ɛ ɡɔ iyi kù mà mɔkɔ á na ku nɛ asĩ. Á bí ama inɛmɔkɔ, Nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.
23237	MAT 1:24	Iyi Zozɛfu í jĩ ŋɔi í ce bɛi amalekau í sɔ̃ɔ, í dasi Maari kpasɛ̃ɛ.
23247	MAT 2:9	Iyi à ɡbɔ ideɛu à tã, ŋɔi à dasi kpãa. Nɔ andaiya iyi à tako à yɛ hai nunui daakɔu í nyi í cua nŋa má hee tenɡi bii amau í wa, í bɛi í leekĩ lele bɛ cau.
23248	MAT 2:10	Iyi à yɛ andaiyau í leekĩ bɛɛbɛ, ŋɔi idɔ nŋa í dɔ̃ hee í caa.
23260	MAT 2:22	Amma í ɡbɔ iyi Aakelausii í jɛ bommai baaɛ Herodu si ilɛi Zudeeu, ŋɔi wa ce njoi ku bɔ ku buba bɛ. Nɔ Ilaaɔ̃ í sɔ̃ɔ si ala má í ni ku bɔ ilɛi Galilee. Ŋɔi í tekĩ í bɔ Galilee si bɛi Ilaaɔ̃ í sɔ̃ɔ.
23265	MAT 3:4	Zãa wa dasi ibɔi ntoi kpookpo, nɔ wa dĩ santikii bata. Kɛtɛnɡbo do nyikɔ̃i sakoi í jɛ ijɛɛ.
23271	MAT 3:10	Wee daɡba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daa a dasi ina.
23277	MAT 3:16	Iyi í dasi Jesu inyi í tã, bɛ ɡbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ Zãa í yɛ Hundei Ilaaɔ̃ wa de siɛ wa bɛi ankasiidi.
23280	MAT 4:2	Ŋɔi Jesu í ce anu ku dĩ dasã ciiji do idũ ciiji, si anyiɛ nɔ ari wa kpaa.
23296	MAT 4:18	Ajɔ nŋu ɡɔ Jesu wa nɛ si itĩi tenku iyi à ya kpe Galilee, ŋɔi í yɛ sɔɔkɔ minji ɡɔ ŋa, Simɔɔ iyi à ya kpe Piɛɛ do ifɔɛ Anderee, à waa le taao si inɔ tenkuu.
23332	MAT 5:29	Na nŋu, bii iju njɛɛi wa dasiɛ dulum, nyaa i nyɔɔ ku jĩiɛ. Á tiaɛ i nyɔ ikɔ̃ akãi araɛ ɡɔ do iyi aa sɔsi araɛ fei si ina iyi ci ya ku.
23333	MAT 5:30	Bii í jɛ awɔ njɛɛi wa dasiɛ dulum, buu i nyɔɔ ku jĩiɛ. Á tiaɛ i nyɔ ikɔ̃ akãi araɛ ɡɔ do iyi aa sɔsi araɛ fei si ina iyi ci ya ku.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23356	MAT 6:5	Jesu í ni, bii ì waa ce kutɔɔ ŋa i maà ya ce bɛi ilu muafiti ŋa à ya ce. À ya bi aŋa a leekĩ a ce kutɔɔ ile bii à ya ce kutɔtɔɔ ŋa do bi tafa ŋa ku ba inɛ fei ku yɛ ŋa. Ntɔ ntɔ, inɛ nŋu ŋa à ba riba nŋa fei tã.
23357	MAT 6:6	Amma iŋɛ, bii ì waa ce kutɔɔ ŋa, i lɔ hee ilaawa i cĩmbo ŋa, i tɔɔ Ilaaɔ̃ Baa nŋɛ bɛ tenɡi bii inɛ ɡɔ kù waa yɛ ŋɛ, nɔ Baa nŋɛ iyi wa yɛ mii iyi wa manji fei á sã nŋɛ.
23360	MAT 6:9	Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, Jɔ̀ inɛ fei ku mà iyi awɔi ì jɛ inɛ kumá.
23367	MAT 6:16	Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛ́i ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.
23368	MAT 6:17	Amma iŋɛ, bii ì waa dĩ anu, i wɛɛju sãa sãa ŋa nɔ i jɔsi waju nŋɛ ikpo
23369	MAT 6:18	ku ba inɛ ŋa a maà mà iyi ì waa dĩ anu ŋa, í ɡbe Ilaaɔ̃ Baa nŋɛ iyi í wa bii a kù waa yɔɔ. Nɔ Baa nŋɛ iyi wa yɛ mii iyi wa manji fei, á sã nŋɛ.
23372	MAT 6:21	Ntɔ ntɔ, í sĩa i dɛdɛ amanii lele ŋa domi bii amanii inɛ í wa, bɛ mɔi laakaɛ í ya wa.
23376	MAT 6:25	Na nŋu ǹ wa n sɔ̃ ŋɛi, i maà ya maa weewea do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.
23379	MAT 6:28	To, na mii í ce ì ya maa weewea do idei jĩnɛ ŋa. I cɔ bɛi wua ŋa à ya da koko si inɔ sako mɛɛ. A kù waa ce icɛ a ci ya nɔ a wɔ̃ acɔ.
23380	MAT 6:29	Amma ǹ wa n sɔ̃ ŋɛ, baa Salomɔɔ ilaalu nlau, do amboe nla nlaɛ fei kù nɛ jĩnɛ iyi boodaɛ í to kokoi jĩi ŋau bɛ baa akã.
23381	MAT 6:30	Fɔfɔ í wɛɛi nnyi do kusĩaɛ amma ala aa dasiɛ inai. To, bii Ilaaɔ̃ í mua fɔfɔ ŋa iyi aa na a dasi ina booda ku sĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?
23388	MAT 7:3	Na mii í ce ì waa yɛ fɔfɔ keeke iyi í wa si ijui kpaasiɛ nɔ i kù yɛ jĩi ite iyi í wa si titɛɛ.
23389	MAT 7:4	Bɛirei aa ce i sɔ̃ kpaasiɛ i ni, jɔ̀ n nyaɛ fɔfɔ si ijuɛ, awɔ iyi jĩi ite í wa si tɛɛ.
23390	MAT 7:5	Awɔ ilu muafitii, jɔ̀ i tako i nya jĩi ite iyi í wa si ijuɛ titã ku ba i yɛ ilu sãa sãa, i bɛi i nya fɔfɔ iyi í wa si ijui kpaasiɛ.
23392	MAT 7:7	Jesu í ni má, i ya tɔɔ ŋa, aa mu nŋɛ. I ya dɛdɛ ŋa, aa ba ŋa. I ya cã ɡambo ŋa, aa cĩ nŋɛ.
23393	MAT 7:8	Ntɔ ntɔ, inɛ iyi í ya tɔɔ fei, aa mua. Inɛ mɔ iyi wa dɛdɛ fei, á ba. Inɛ mɔ iyi wa cã ɡambo fei, aa cĩa lafɛ̃ɛ.
23398	MAT 7:13	Í sɔ̃ ŋa má í ni, koofa nla do kpãa ku cĩ ɡɔ í wɛɛ, do minjisia ku monɡolo ɡɔ iyi wa bɔ ala nwa. Í lɔ do koofa ku monɡolou ŋa, domi koofa nlau do kpãa ku cĩu, bi ikui wa bɔ, nɔ inɛ nkpɔi wa too do bɛ.
23399	MAT 7:14	Amma kpãa iyi wa bɔ bi kuwɛɛ hai tã í mante, andɛɛ kù cĩ. Nɔ inɛ ŋa iyi à yɛ kpãau à waa tooɛ a kù kpɔ.
23401	MAT 7:16	Aa yɔkɔ i mà ŋa ŋai si kookoosu nŋa ŋa bɛi à ya mà jĩi hai si isoɛ. A ci ya ka isoi rezɛ̃ɛ si aɡũ. Nɔ a ci ya ka fiɡi si aɡũ fũfũ.
23402	MAT 7:17	Jĩi jiida fei iso jiidai í ya so, nɔ jĩi laalɔ mɔ ku so iso laalɔ.
23403	MAT 7:18	Jĩi jiida kaa yɔkɔ ku so iso laalɔ, bɛɛbɛ mɔi jĩi laalɔ kaa yɔkɔ ku so iso jiida.
23404	MAT 7:19	Nɔ jĩi iyi kù waa so iso jiida fei à ya daai a dasi ina.
23405	MAT 7:20	Si bɛi à ya mà jĩi hai si isoɛ, bɛɛbɛ mɔi aa mà walii ilu ibo ŋa hai si kookoosu ŋa.
23410	MAT 7:25	Ijĩ í rɔ, ido í kɔ̃ í nikã, nɔ fufu nla nla í dede si ileu, amma kù cuku, domi si kutai à maa.
23412	MAT 7:27	Ijĩ í rɔ, ido í kɔ̃ í nikã, nɔ fufu nla nla í dede si ileu, nɔ í cuku í lɛɡɛ fei.
23419	MAT 8:5	Ŋɔi Jesu í bɔ Kapɛranumu. Waati iyi í lɔ inɔ iluu ŋɔi inɛ nɡboi sooɡe cĩɔ ɡɔ í koo í tɔɔɛ ku faaba nŋu,
23421	MAT 8:7	Ŋɔi Jesu í ni, í sĩa, an koo n faabaɛ.
23434	MAT 8:20	Nɔ Jesu í sɔ̃ɔ í ni, iŋa ŋa à nɛ kolo ŋa nɔ baa yɛi ŋa mɔ à nɛ bi ku sũ. Amma amu Amai Amanɛ n kù nɛ bii an koo n sũ n sĩmi.
23438	MAT 8:24	Iyi à waa nɛ ŋɔi fufu nla ɡɔ í dede si tenkuu hee kutãnɡãm ndii inyiu wa bii akɔu. Amma Jesu wa sĩ njoo.
23458	MAT 9:10	Si anyiɛ Jesu wa jɛ kpasɛ̃i mɔkɔu, ŋɔi woo ɡba fiai lɛmpoo do inɛ nkpɔ ɡɔ ŋa má iyi kuwɛɛ nŋa kù sĩa à naa à buba bi Jesu do mɔcɔɛ ŋau.
23462	MAT 9:14	Wee Zãa woo dasi inyiu mɔ í nɛ mɔcɔ ŋa. Mɔcɔɛ ŋau à naa bi Jesu nɔ à beeɛ à ni, na mii í ce awa do Farisi ŋau à ya ka dĩ anu amma awɔ, mɔcɔɛ ŋa a ci ya dĩ anu.
23463	MAT 9:15	Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ ɡɔ waati iyi mɔkɔ titɔ̃u í wa inɔ nŋai? Aawo, amma ajɔ ɡɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛ aa dĩ anu.
23466	MAT 9:18	Si waati iyi Jesu wa sɔ̃ ŋa ideu ihɛ̃ ŋɔi inɛ nɡbo ɡɔ í naa í sɛɛbata si wajuɛ í ni, ama inaabom wee í ku nsɛi nsɛi, amma naa le siɛ awɔ ku jĩ má.
23468	MAT 9:20	Waati iyi à dasi kpãa à waa nɛ, inaabo ɡɔ wa too ŋa. Abou wa ce bɔ̃ɔi awɔ ku mu hai adɔ̃ maateeji wa. Ŋɔi í bɔ do anyii Jesu í koo í lu itĩi ibɔɛ.
23472	MAT 9:24	Nɔ í ni, i fita hai ihɛ̃. Ama inaabou kù ku, wa sĩ njooi, nɔ à waa yaakoɛ.
23480	MAT 9:32	Nɔ Jesu do mɔcɔɛ ŋa à nɛ hai bɛ, ŋɔi à naa Jesu inɛ ɡɔ wa. Inɛɛu inɛi inɔɔko dekĩ ɡɔ í muu.
23485	MAT 9:37	Ŋɔi í sɔ̃ mɔcɔɛ ŋa í ni, amaajɛ iyi í jĩa í to ku da í kpɔ, amma woo da ŋau a kù kpɔ.
23494	MAT 10:8	Nɔ i jɔ̀ bɔ̃ɔ ŋa a ba iri nɔ i jĩ iku ŋa, i jɔ̀ dintɛ ŋa a ba iri a jɛ inɛ kumá, nɔ i lele inɛi inɔɔko ŋa iyi à wa si inɛ ŋa. Si bɛi ì ba hai nɛ kusã ŋa, iŋɛ mɔ i na hai nɛ kusã.
23511	MAT 10:25	Na nŋu, í sĩa ama cio ku jɛsi a cea nŋu bɛi à cea woo kɔsiɛ. Bɛɛbɛ mɔi, í sĩa amaacɛ mɔ ku jɛsi a cea nŋu bɛi à cea lafɛ̃ɛɛ. Bii à waa kpe amu ilu kpasɛ̃u Seetam, aa sɔ iŋɛ inɛi kpasɛ̃ɛ ŋau iri laalɔ iyi í re bɛɛbɛ.
23516	MAT 10:30	Iŋɛ mɔ, hee do ntoi iri nŋɛ ŋa fei Ilaaɔ̃ í mà jĩa nŋa.
23517	MAT 10:31	Na nŋu, i maà ce njo ŋa, bɛɛrɛ nŋɛ í re yɛi ŋa hee bii í jĩ.
23524	MAT 10:38	Inɛ iyi kù jɛsi nŋu ku so jĩi ku ɡaauɛ ku toom do wa, kù to ku jɛ inɛm.
23533	MAT 11:5	Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumá, dekĩ ŋa à waa ɡbɔ ide, iku ŋa à jĩ, nɔ a waa sisia ilu are ŋa laabaau jiida.
23536	MAT 11:8	To, mii ì bɔ ku cɔ ŋa. Mà mɔkɔ iyi wa dasi ibɔ ku sĩau. Aawo, inɛ ŋa iyi à waa dasi ibɔi fia nkpɔ, aŋai à ya wa kabai ilaalu ŋa.
23543	MAT 11:15	Inɛ iyi í nɛ itĩ iyi á ɡbɔò ide, ku ɡbɔ.
23546	MAT 11:18	Ǹ ni bɛɛbɛi si na iyi í jɔ̀ waati iyi Zãa woo dasi inyiu í naa í ya dĩ anu nɔ ci ya mɔ vɛ̃ɛ, nɔ à ni í nɛ inɛi inɔɔkoi.
23549	MAT 11:21	Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi . à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.
23554	MAT 11:26	Í sĩa Baaba, si na iyi í jɔ̀ bɛɛbɛi ì bi.
23556	MAT 11:28	Iŋɛ iyi ì ɡbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.
23557	MAT 11:29	I jɛsi n lesi ŋɛ zuuɡum nɔ i ɡba idei ciom ŋa, si na iyi í jɔ̀ amuu amanɛ kurɔ do woo kaye arai. Bii ì waa ce bɛɛbɛ ŋa, aa ba kusĩmii hunde nŋɛ ŋa.
23559	MAT 12:1	Si anyii ajɔ minji, ajɔi kusĩmi ɡɔ, Jesu do mɔcɔɛ ŋa à waa too kɔɔi ilɛ ɡɔ. Nɔ wee ari wa kpa mɔcɔɛ ŋau ŋɔi à wɔ amaajɛ iyi à ɡbɛ̃ si ilɛu à nunu ijuɛ si awɔ à waa ŋɔ.
23560	MAT 12:2	Wee Farisi ɡɔ ŋa à wa bɛ. Iyi à yɔɔ ŋɔi à sɔ̃ Jesu à ni, cɔ, mɔcɔɛ ŋa à waa ce mii iyi a kù nɛ kpãai ku ce si ajɔi kusĩmi.
23563	MAT 12:5	Mà i kù cioɛ si tiai woodai Moizi ŋa iyi si ajɔi kusĩmi woo wee ŋa iyi à ya nɛ icɛ si kpasɛ̃i Ilaaɔ̃ a kù waa jirima ajɔi kusĩmi? Do nŋu fei, a kù jɛ ilu taale ŋa.
23566	MAT 12:8	Nɔ aa mà ŋa iyi amu Amai Amanɛi ǹ jɛ inɛ nɡboi ajɔi kusĩmi.
23568	MAT 12:10	Wee mɔkɔ ɡɔ í wa bɛ, awɔ akãɛ í ku í ɡbɛ. Nɔ inɛ ŋa iyi à wa bɛu à bee Jesu à ni, wooda í na inɛ kpãa ku jɔ̀ inɛ ku ba iri si ajɔi kusĩmi? À waa fɔ bɛɛbɛi ku ba a yɛ taaleɛ.
23569	MAT 12:11	Nɔ Jesu í jɛ nŋa í ni, bii inɛ ɡɔ nŋɛ í nɛ anɡudã akã nɔ í koo í dasi inɔ isa baa bii ajɔi kusĩmii, lafɛ̃ɛ kaa nyaa?
23570	MAT 12:12	Amanɛ í bɛi í re anɡudã hee bii í jĩ. Na nŋu, inɛ í nɛ kpãa ku ce mii jiida si ajɔi kusĩmi.
23578	MAT 12:20	Kaa tambɔ ama jĩi iyi í kɔmba wa bi ku cɛ, Nɔ kaa kpa fitila iyi inya kumáɛ kù la, Hee waati koo to si bii á jɔ̀ dee dee ku jɛm ku kãmia inɛ fei,
23580	MAT 12:22	Si anyii nŋu, à naa Jesu mɔkɔ ɡɔ wa iyi inɛi inɔɔko í jɔ̀ í fɛɛju nɔ í dekĩ. Nɔ Jesu í faaba inɛɛu, í jɔ̀ wa yɛ ilu nɔ wa fɔ ide.
23587	MAT 12:29	Bɛirei inɛ á ce ku lɔ kpasɛ̃i inɛ iyi í nɛ ɡbuɡbã ku coo ile bii kù jɛ í tako í dĩ ilu ɡbuɡbãu. Amma bii í dũu á yɔkɔ ku coo ile.
23591	MAT 12:33	Jesu í sɔ̃ ŋa má í ni, à ya mà jĩii hai si isoɛ. Jĩi jiida iso jiidai í ya so, amma jĩi laalɔ, iso laalɔi í ya so.
23597	MAT 12:39	Amma Jesu í jɛ nŋa í ni, inɛ laalɔi nsɛi ŋa iyi a kù waa leekĩ do Ilaaɔ̃ nŋu akã, maamaakei à ya maa bi, amma maamaake ɡɔ kù wɛɛ iyi aa nyisi ŋa má bii kù jɛ ti walii Zonasi,
23600	MAT 12:42	Si ajɔi kiitiu, ilaalu inaabo iyi í naa hai awɔ canɡai kpãai inunu á dede si inɛi nnyi ŋa ku yɛ taale nŋa, si na iyi í jɔ̀ hai jĩijĩi í dede í naa ku ɡbɔ idei bisii Salomɔɔ, ilaalu nlau. Nɔ wee nsɛi inɛ iyi wa sɔ̃ ŋɛ ideu ihɛ̃ í re Salomɔɔ.
23601	MAT 12:43	Ŋɔi Jesu í kpa nŋa mɔndau ihɛ̃ í ni, bii inɛi inɔɔko í fita si inɛ, í ya maa dabii si ɡbaa ŋai ku maa dɛ bi ku sĩmi. Bii í kua,
23604	MAT 12:46	Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.
23608	MAT 12:50	Ntɔ ntɔ inɛ iyi wa ce idɔɔbii Baam iyi í wa lele, lafɛ̃ɛi í jɛ ifɔm wala wecĩm wala iyem.
23609	MAT 13:1	Si ajɔ akãu bɛ má, Jesu í fita hai kpasɛ̃ í koo í buba itĩi tenku.
23610	MAT 13:2	Nɔ zamaa nla nla ɡɔ í tɔtɔɔ siɛ. Ŋɔi í lɔ akɔi inyi ɡɔ í buba ku ba ku kɔ ŋa si cio. Nɔ zamaau fei wa leekĩ itĩ tenkuu bɛ.
23616	MAT 13:8	Nɔ ɡɔɡɔ ŋa mɔ à cuku si ilɛ jiida nɔ à bí. Gɔɡɔ ŋa à nɛ iju cĩɔ, ɡɔɡɔ ŋa mɔ kita, ɡɔɡɔ ŋa mɔ kuntaa.
23617	MAT 13:9	Iyi Jesu í kpa mɔndau í tã ŋɔi í ni, inɛ iyi í nɛ itĩ iyi á ɡbɔò ide, ku ɡbɔ.
23622	MAT 13:14	Mii iyi í ba ŋau bɛ Ezai í tako í ce waliiɛ í ni, Aa ya desi ide itĩ amma ì kaa ɡbɔ yaaseɛ ŋa, Nɔ aa maa cɔ ilu amma ì kaa yɛ nɡɔɡɔ ŋa.
23623	MAT 13:15	Idɔ nŋa í baa í le. À dĩ itĩ nŋa ku ba a maà ɡbɔ ide ɡɔ, Nɔ à bii iju nŋa ku ba a maà yɛ nɡɔɡɔ, Nɔ idɔ nŋa mɔ ku maà mà nɡɔɡɔ. Bii kù jɛ bɛɛbɛ aa naa a sinda wa bi Ilaaɔ̃ nɔ ku jɔ̀ a ba iri.
23624	MAT 13:16	Amma Jesu í sɔ̃ mɔcɔɛ ŋau í ni, iŋɛ ilu inɔ didɔ̃ ŋai, si na iyi í jɔ̀ iju nŋɛ wa yɛ ilu, nɔ itĩ nŋɛ wa ɡbɔ ide má.
23626	MAT 13:18	Jesu í sɔ̃ ŋa má í ni, i de itĩ i ɡbɔ yaasei mɔndai woo ɡbɛ̃u ŋa.