23377	MAT 6:26	I cɔ yɛi ŋa iyi à waa fo lele. A kù waa ɡbɛ̃ hee a da nɡɔɡɔ a dasi suu. Do nŋu fei, Baa nŋɛ iyi í wa lele wa wo ŋa. I kù mà ŋa iyi bɛɛrɛ nŋɛ í re ti yɛi ŋau bɛ?
23381	MAT 6:30	Fɔfɔ í wɛɛi nnyi do kusĩaɛ amma ala aa dasiɛ inai. To, bii Ilaaɔ̃ í mua fɔfɔ ŋa iyi aa na a dasi ina booda ku sĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?
23396	MAT 7:11	Debɛi, bii iŋɛ iyi ì ya ce laalɔ ŋa ì mà mii jiida ku na ama nŋɛ ŋa, ì waa tamaa mà Baa nŋɛ iyi í wa lele kaa yɔkɔ ku mua inɛ ŋa iyi à waa tɔɔɛ mii jiida ku re bɛɛbɛ ŋa?
23407	MAT 7:22	Ajɔ nŋu bɛ, inɛ nkpɔi á maa ni, Lafɛ̃ɛ Lafɛ̃ɛ, a kù ce walii do iriɛ? A kù lele inɛi inɔɔko ŋa do iriɛ? A kù ce maamaake nkpɔ do iriɛ?
23443	MAT 8:29	Nɔ à dɔ̃ anu à ni, mii í wa si ɡãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?
23463	MAT 9:15	Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ ɡɔ waati iyi mɔkɔ titɔ̃u í wa inɔ nŋai? Aawo, amma ajɔ ɡɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛ aa dĩ anu.
23476	MAT 9:28	Ŋɔi Jesu í nɛ hee í to kpasɛ̃. Nɔ fɛɛju ŋau à naa bi tɛɛ nɔ í bee ŋa í ni, ì dasi naanɛ ŋa iyi an yɔkɔ n coo? Nɔ aŋa mɔ à ni, oo, Lafɛ̃ɛ.
23531	MAT 11:3	a koo a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka deɡbe inɛ mmu ɡɔ.
23535	MAT 11:7	Iyi mɔcɔi Zãa ŋau à ɡbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ si ɡbabuau ŋa. Fɔfɔ iyi fufu wa yaya? Aawo.
23551	MAT 11:23	Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi ku wai iku ŋa. Ntɔ ntɔ, maamaake nkpɔ nkpɔ iyi ǹ ce si ilu nŋɛ, bii í jɛ Sodomui ǹ coo wo, iluu á wɛɛ baa nnyi.
23561	MAT 12:3	Amma Jesu í jɛ nŋa í ni, i kù cio mii iyi Davidi í ce si waati iyi ari wa kpa nŋu do inɛɛ ŋa?
23563	MAT 12:5	Mà i kù cioɛ si tiai woodai Moizi ŋa iyi si ajɔi kusĩmi woo wee ŋa iyi à ya nɛ icɛ si kpasɛ̃i Ilaaɔ̃ a kù waa jirima ajɔi kusĩmi? Do nŋu fei, a kù jɛ ilu taale ŋa.
23568	MAT 12:10	Wee mɔkɔ ɡɔ í wa bɛ, awɔ akãɛ í ku í ɡbɛ. Nɔ inɛ ŋa iyi à wa bɛu à bee Jesu à ni, wooda í na inɛ kpãa ku jɔ̀ inɛ ku ba iri si ajɔi kusĩmi? À waa fɔ bɛɛbɛi ku ba a yɛ taaleɛ.
23569	MAT 12:11	Nɔ Jesu í jɛ nŋa í ni, bii inɛ ɡɔ nŋɛ í nɛ anɡudã akã nɔ í koo í dasi inɔ isa baa bii ajɔi kusĩmii, lafɛ̃ɛ kaa nyaa?
23636	MAT 13:28	Ŋɔi í sɔ̃ ŋa í ni, mbɛɛ ɡɔi í coo. Nɔ amaacɛɛ ŋau à beeɛ à ni, ì bi kaa loɡoo fɔfɔ laalɔu?
23659	MAT 13:51	Jesu í bee ŋa í ni, ì ɡbɔ yaasei ideu fei ŋa? Nɔ à jɛ à ni, oo.
23663	MAT 13:55	Í jɔ amai woo ɡbe jĩi nɔu mbɛ ya. Kù jɛ iyeɛi à ya kpe Maariu? Zaaki do Zozɛfu do Simɔɔ do Zudu ŋa si à jɛ ifɔɛ ŋa?
23714	MAT 15:12	Nɔ mɔcɔɛ ŋau à na à sɔ̃ɔ à ni, i kù mà ide iyi ì fɔu bɛ í jɛa Farisi ŋau taale?
23718	MAT 15:16	Nɔ Jesu í ni, iŋɛ mɔ, i kù nɛ bisi ŋai?
23719	MAT 15:17	I kù mà ŋa, mii iyi wa lɔ hai do ɡɛlɛi amanɛ fei, si inɔɛi wa bɔ? Si anyiɛ nɔ ku fita hai si ara.
23725	MAT 15:23	Amma Jesu kù jɛaa ide kãma. Nɔ mɔcɔɛ ŋa à naa à tɔɔɛ à ni, abou ihɛ̃ wa dɔ̃ anu wa too anyi nwa. I kaa leleɛ?
23750	MAT 16:9	I kù ɡbɔ yaaseɛ hee nsɛi ŋa? I kù waa ye ɡiɡii pɛ̃ɛ ara miu iyi ǹ bu ǹ kpɛ̃a amanɛ dubu miu do jiai pɛ̃ɛ kɔlɔ iyi í ɡbe má ŋa?
23751	MAT 16:10	Mà i kù waa ye ɡiɡii pɛ̃ɛ ara mɛɛje iyi ǹ bububu ǹ na amanɛ dubu mɛɛ ŋau do jiai pɛ̃ɛ kɔlɔ iyi í ɡbe má ŋa?
23793	MAT 17:24	Si anyii nŋu Jesu do mɔcɔɛ ŋa à bɔ Kapɛranumu, ŋɔi woo ɡba fia iyi à nɛ ku sã na icɛi kpasɛ̃i Ilaaɔ̃ ŋau à naa bi Piɛɛ à beeɛ à ni, Mɛɛtu nŋɛ ci ya sã fiai kpasɛ̃i Ilaaɔ̃?
23808	MAT 18:12	Bɛirei ì waa lasabu ŋa. Bii inɛ ɡɔ í nɛ anɡudã cĩɔ nɔ akãɛ í nyɔ, kaa jɔ̀ cĩɔ fakã kù wa siu titã si ɡeete bii à wau koo dɛdɛ akã iyi í nyɔu wa?
23817	MAT 18:21	Ŋɔi Piɛɛ í bɔ bi Jesu í beeɛ í ni, Lafɛ̃ɛ, bii kpaasim í ceem kurara isɛ fɛloi an ceaa suuru. Hee isɛ ɡbɛɛje?
23834	MAT 19:3	Ŋɔi Farisi ɡɔ ŋa à naa bi tɛɛ ku ba a cɔ laakaɛ. Nɔ à beeɛ à ni, amanɛ í nɛ kpãa ku kɔsi aboɛ si ide baa yooma fei?
23835	MAT 19:4	Nɔ í jɛ nŋa í ni, i kù cio iyi kukɔi idei Ilaaɔ̃ wa fɔ ŋa? Í ni, hai sinte, Woo taka í ce ŋai inɛmɔkɔ do inaabo.
23876	MAT 20:15	Kù jɛ bɛi ǹ bii an ceò fiam? Mà ì waa ce iɡu si na iyi í jɔ̀ ǹ ce jiidai.
23883	MAT 20:22	Ŋɔi Jesu í sɔ̃ mɔcɔ minji ŋau í ni, i kù mà mii iyi ì waa tɔɔm ŋa mɔm. Aa yɔkɔ i temuaò ijuukpã iyi an yɛ ŋa? Nɔ à ni aŋa aa yɔkɔ.
23911	MAT 21:16	Nɔ à bee Jesu à ni, ì bɛi ì ɡbɔ iyi à waa fɔ mbɛ? Nɔ í jɛ nŋa í ni, oo. Mii iyi wa ceu ihɛ̃, i kù cio ideɛ ŋa tenɡi bii à ni, Ilaaɔ̃ í jɔ̀ à ɡbɔ saabuɛ hai si ɡɛlɛi amu ŋa do si ɡɛlɛi ama kpɔtɔɔ ŋa.
23958	MAT 22:17	Na nŋu, sɔ̃ wa bɛi ì yɛ. Í sĩa ka sãa ilaalu Sezaa fiai lɛmpoo? Ma ka maà sãa.
23972	MAT 22:31	Iyi í jɛ ti idei kujĩi iku ŋa, à kɔɔ wo à ni, Ilaaɔ̃ í ni nŋu Ilaaɔ̃, Lafɛ̃ɛi Aburahamui, do ti Izaaki, do ti Zakɔbu. I kù cio ideu bɛ ŋa iyi Ilaaɔ̃ í sɔ̃ ŋɛi? Ilaaɔ̃ kù jɛ Lafɛ̃ɛi iku ŋa, Lafɛ̃ɛi inɛ ŋa iyi à wɛɛi.
24004	MAT 23:17	Iŋɛ fɛɛju nnyɛi ŋai. Yoomai í la í re. Wurau? Mà kpasɛ̃ iyi í jɔ̀ wurau í jɛ ti Ilaaɔ̃.
24006	MAT 23:19	Iŋɛ fɛɛju ŋai. Yoomai í la í re. Iŋai kuweeu? Mà bi kuwee iyi í jɔ̀ iŋai kuweeu í jɛ ti Ilaaɔ̃.
24163	MAT 26:40	Si anyiɛ ŋɔi í nyi wa bi mɔcɔ mɛɛta ŋau í ba ŋa à waa sĩ njoo. Ŋɔi í bee Piɛɛ í ni, debɛi, i kù yɔkɔ i kù bam njoo ku wɔ baa lɛɛu akã ŋa?
24168	MAT 26:45	Nɔ í nyi wa bi tu ŋa má í sɔ̃ ŋa í ni, ì sũ ì waa sĩmi ŋai hee nsɛi? I cɔ, waati í ɡbe keeke iyi aa mu amu Amai Amanɛ a daa ilu dulum ŋa si awɔ.
24176	MAT 26:53	I kù mà iyi bii ǹ bi an yɔkɔ n tɔɔ Baam, nɔ ɡbakã ku sambaam amaleka dubu nkpɔ nkpɔ wa a naa a sobim?
24178	MAT 26:55	Ŋɔi Jesu í bee zamaau í ni, amui ì naa ku mu bɛ ŋa do taakuba do ɡolo ŋa bɛi woo ce ile? Ǹ ya n wa si inɔ nŋɛ ajɔ fei n maa n kɔ inɛ ŋa si cio kpasɛ̃i Ilaaɔ̃, nɔ i kù mum ŋa.
24185	MAT 26:62	Ŋɔi woo wee nlai Ilaaɔ̃u í dede í bee Jesu í ni, i kù waa ni ide ɡɔ? Ide mii inɛ ŋau ihɛ̃ à waa yɛò taaleɛ.
24209	MAT 27:11	Ŋɔi à koo à leekĩ Jesu si wajui Pilati ilu ilɛu, nɔ í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, oo, si bɛi ì fɔ.
24238	MAT 27:40	a maa ni, kù jɛ awɔi ì ni aa lɛɡɛ kpasɛ̃i Ilaaɔ̃ nɔ i maa má si afei ajɔ mɛɛta? To, bii awɔu Amai Ilaaɔ̃i, faaba araɛ bɛ, kita wa hai si antai jĩi ku ɡaauu.
24240	MAT 27:42	í faaba inɛ ɡɔ ŋa amma í mɔnɡɔ ku faaba araɛ. Kù jɛ í ni nŋu ilaalui inɛi Izirɛli ŋai? To, ku kita wa hai si antai jĩi nɔu ku ba ka dasiɛ naanɛ.
24308	MRK 1:24	mii í wa si ɡãmɛi awaɛ ŋa, Jesu, awɔ inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ Inɛ kumá iyi Ilaaɔ̃ í bɛ wa.
24348	MRK 2:19	Ŋɔi Jesu í jɛ nŋa í ni, kpaasii mɔkɔ titɔ̃ ŋa aa yɔkɔ a dĩ anu waati iyi mɔkɔ titɔ̃u í wa inɔ nŋa? Ntɔ ntɔ, waati iyi mɔkɔ titɔ̃u í wa inɔ nŋa fei, a kaa yɔkɔ a dĩ anu.
24353	MRK 2:24	Ŋɔi Farisi ŋau à bee Jesu à ni, i kù waa yɔɔi? Na mii í ce à waa ce mii iyi a kù nɛ kpãai ku ce si ajɔi kusĩmi.
24354	MRK 2:25	Nɔ í jɛ nŋa í ni, i kù cio ajɔ kãma ŋa mii iyi Davidi í ce si waati iyi í wa si wahala nɔ ari wa kpa nŋu do inɛɛ ŋa?
24405	MRK 4:13	Ŋɔi Jesu í bee ŋa má í ni, debɛi i kù ɡbɔ yaasei mɔndau bɛ ŋa? Nɔ bɛirei aa ce i ɡbɔ yaasei mɔnda ŋa iyi à ɡbe fei.
24430	MRK 4:38	Amma Jesu wa sĩ njoo si anyii akɔu, í lesi iriɛ si lɛfɛu ɡɔ. Ŋɔi à jũu à beeɛ à ni, Mɛɛtu, kù jɛɛ ide kãma bii à waa bi ka ce nfe?
24464	MRK 5:31	Ŋɔi mɔcɔɛ ŋa à sɔ̃ɔ à ni, debɛi i kù waa yɛ zamaa iyi wa manteɛi, nɔ ì waa ni yooi í luɛ?
24479	MRK 6:3	Kù jɛ woo ɡbe jĩi nɔu mbɛ ya, amai Maariu mɛɛ. Mà kù jɛ iɡbãi Zaaki do Zozee, do Zudu do Simɔɔ mbɛ ba. Nɔ wecĩɛ ŋa a kù wa inɔ nwa ihɛ̃? To, lasabu nŋu ŋau bɛi wa ɡanji ŋa a dasiɛò naanɛ.
24550	MRK 7:18	Ŋɔi í bee ŋa í ni, i kù nɛ bisi ŋai? I kù mà ŋa mii iyi á lɔ inɔi amanɛ hai waduude kaa dasiɛ riisi?
24586	MRK 8:17	Wee Jesu í mà iyi à waa fɔ ŋɔi í ni, na mii í ce ì fɔ ì waa ni ŋa, si na iyi í jɔ̀ a kù nɛ pɛ̃ɛi. Iŋɛ mɔ i kù mà ŋa hee nsɛi? I kù ɡbɔ yaasei ideu ŋai? I kù nɛ bisi ŋai? Idɔ nŋɛ mɔ í lei?
24587	MRK 8:18	Í jɔ ì nɛ iju ŋa mɛɛ, i ci ya yɛ ilu ŋai? I kù nɛ itĩ ŋa ba. I ci ya ɡbɔ ide ŋai? I ci ya ye ɡiɡi ŋai?
24590	MRK 8:21	Ŋɔi Jesu í sɔ̃ ŋa í ni, i kù ɡbɔ hee nsɛi ŋa?
24592	MRK 8:23	Ŋɔi í mu awɔi fɛɛjuu í bɔòɛ alalai iluu. Ŋɔi í daa antɔ si ijuɛ í lesiɛ awɔ í ni, ì waa yɛ nɡɔɡɔ?
24695	MRK 10:38	Nɔ Jesu í ni, i kù mà mii iyi ì waa tɔɔm ŋa mɔm. Aa yɔkɔ i temuaò ijuukpã iyi an yɛ ŋa? Zaka bɛi inɛ ŋa aa kpãm iju á caa. Aa jɛsi aa ce nŋɛ dimiɛ ŋa?
24756	MRK 12:14	Iyi à to bi tɛɛ nɔ à sɔ̃ɔ à ni, Mɛɛtu, à mà iyi ì ya fɔ ntɔ. Bɛɛbɛ mɔi i kù waa ce njoi inɛ ɡɔ, domi i ci ya cɔ ijui amanɛ ŋa, amma ì waa kɔ inɛ ŋa si idei Ilaaɔ̃ do ntɔ. Í sĩa ka sãa ilaalu Sezaa fiai lɛmpoo? Mà ka maà sãa.
24768	MRK 12:26	Iyi í jɛ ti idei kujĩi iku ŋa, Moizi í kɔ si tiaɛ tenɡi bii wa fɔ idei ama jĩi nɔu. Tenɡi bɛi Ilaaɔ̃ í sɔ̃ɔ ide ɡɔ. Í ni nŋu Aɔ̃ Lafɛ̃ɛi Aburahamui, do ti Izaaki, do ti Zakɔbu. I kù cio ideu bɛ ŋa?
24769	MRK 12:27	Bii Ilaaɔ̃ í ni nŋu í jɛ Lafɛ̃ɛi inɛ ɡɔ ŋa iyi à kú, iyi bɛ wa nyisi iyi inɛ ŋau à wɛɛ baa bii à ku. Ntɔ ntɔ, Ilaaɔ̃ kù jɛ Lafɛ̃ɛi iku ŋa, Lafɛ̃ɛi inɛ ŋa iyi à wɛɛi. Debɛi i kù yɛ iyi ì wa si kurara nla nla ŋa?
24788	MRK 13:2	Ŋɔi Jesu í ni, ì waa yɛ ile nla ŋau ihɛ̃? Kuta baa akã kaa na ku maa lesi njɛ bɛ má, aa kɛkɛɛ mbɛ fei.
24860	MRK 14:37	Si anyiɛ ŋɔi í nyi wa bi mɔcɔ mɛɛta ŋau í ba ŋa à waa sĩ njoo. Ŋɔi í bee Piɛɛ í ni, Simɔɔ, ì waa sĩ njooi? Debɛi, i kù yɔkɔ i kù wɔ njoo baa lɛɛu akã?
24864	MRK 14:41	Ŋɔi í nyi í koo í ce kutɔɔ má nɔ í baa bi tu ŋa isɛ ɡbɛɛtasiaɛ í bee ŋa í ni, ì sũ ì waa sĩmi ŋai hee nsɛi? Í to bɛɛbɛ. Wee, awaatiu í to tã, iyi aa mu amu Amai Amanɛ, á daa ilu dulum ŋa si awɔ.
24871	MRK 14:48	Ŋɔi Jesu í bee ŋa í ni, amui ì naa ku mu ŋa do taakuba do ɡolo ŋa bɛi woo ce ile?
24883	MRK 14:60	Ŋɔi woo wee nlau í dede í leekĩ si wajui aŋa fei, nɔ í bee Jesu í ni, i kù waa ni ide ɡɔ? Ide mii inɛ ŋau ihɛ̃ à waa yɛò taaleɛ.
24884	MRK 14:61	Amma Jesu wa cokoɛ, kù fɔ ide ɡɔ. Ŋɔi woo wee nlau í beeɛ má í ni, awɔi ì jɛ inɛ iyi Ilaaɔ̃ í cica, Amai Ilaaɔ̃?
24897	MRK 15:2	Ŋɔi Pilati í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, oo, si bɛi ì fɔ.
24899	MRK 15:4	Ŋɔi Pilati í beeɛ má í ni, i kù waa fɔ ide ɡɔ? I kù ɡbɔ bɛi à waa niɛ?
24904	MRK 15:9	Ŋɔi Pilati í bee ŋa í ni, ì bi n jɔ̀ nŋɛ ilaalui Zuifu ŋau ŋa?
24924	MRK 15:29	Woo lɔ ŋa à ya maa ɡuɡbã iri a buu a maa ni, ahã, kù jɛ awɔi ì ni aa lɛɡɛ kpasɛ̃i Ilaaɔ̃u nɔ i maa ma si afei ajɔ mɛɛta?
25091	LUK 2:49	Ŋɔi í bee ŋa í ni, na mii í ce ì waa dɛdɛɛm ŋa. I kù mà ŋa iyi wũai Baam nii ǹ nɛ n ce?
25166	LUK 4:34	mii í wa si ɡãmɛi awaɛ ŋa awɔ Jesu inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ inɛ kumá iyi Ilaaɔ̃ í bɛ wa.
25210	LUK 5:34	Ŋɔi Jesu í bee ŋa í ni, aa yɔkɔ i jɔ̀ kpaasii mɔkɔ titɔ̃ ŋa à dĩ anu si waati iyi mɔkɔ titɔ̃u í wa inɔ nŋa?
25218	LUK 6:3	Ŋɔi Jesu í bee ŋa í ni, i kù cio mii iyi Davidi í ce, nŋu do inɛɛ ŋa, si waati iyi ari wa kpa ŋau?
25254	LUK 6:39	Nɔ í kpa nŋa mɔnda ɡɔ í ni, fɛɛju á yɔkɔ ku mua fɛɛju akpa? Bii fɛɛju ŋa à waa mua njɛ akpa aŋa minji fei a kaa dasi isa?
25283	LUK 7:19	í bɛ ŋa bi Lafɛ̃ɛ a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka deɡbe inɛ mmu ɡɔ.
25284	LUK 7:20	Iyi à to wa bi Jesu, ŋɔi à sɔ̃ɔ à ni, Zãa woo dasi inyiui í bɛ wa ka naa ka beeɛ ka ni, awɔi ì jɛ inɛ iyi Ilaaɔ̃ á na ku bɛ wau? Mà ka deɡbe inɛ mmu ɡɔ.
25288	LUK 7:24	Iyi ama abɛi Zãa ŋau à ɡbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ ɡbabuau ŋa. Fɔfɔ iyi fufu wa yaya? Aawo.
25289	LUK 7:25	To, mii ì bɔ ku cɔ ŋa. Mà mɔkɔ iyi wa dasi jaaɛ jiidau? Aawo, inɛ ŋa iyi à waa dasi jaaɛi fia nkpɔ nɔ à wa si inɔi amani nla nla, aŋai à ya wa kabai ilaalu ŋa.
25308	LUK 7:44	Iyi í ni bɛɛbɛ í tã, ŋɔi í sinda si inaabou nɔ í sɔ̃ Simɔɔ í ni, ì yɛ abou ihɛ̃? Iyi ǹ lɔ wa kpasɛ̃ɛ i kù muum inyi n wiɛ kutɛm, amma abou ihɛ̃ í cɔ̀ kutɛm do cikãajuɛ ŋa, nɔ í ɡbãa do ntoi iriɛ ŋa.
25424	LUK 9:54	Iyi Zaaki do Zãa à ɡbɔ bɛɛbɛ, ŋɔi à beeɛ à ni, Lafɛ̃ɛ, ì bi ka jɔ̀ ina ku kita si ŋa wa hai lele ku kpa ŋa?
25447	LUK 10:15	Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi ku wai iku ŋa.
25472	LUK 10:40	Amma Maata nŋu í wasi ku mante araɛ do caka ku tɛkɛ. Ŋɔi í naa í ni, Lafɛ̃ɛ, kù jɛɛ si ide kãma iyi ifɔm í jɔ̀ɔm icɛu amu akã? I kaa jɔ̀ ku naa ku sobim?
25486	LUK 11:12	Walakɔ bii í tɔɔɛ njɛi ajɛɛ á naa cencee? Aawo, kaa ce.
25487	LUK 11:13	Iŋɛ iyi ì ya ce laalɔ ŋa ì mà mii jiida ku na ama nŋɛ ŋa, mà irei. To, Ilaaɔ̃ Baa nŋɛ iyi í wa lele kaa ce ku re zaka bɛɛbɛ? Kaa so Hundeɛ ku na inɛ ŋa iyi à waa tɔɔɛ?
25514	LUK 11:40	Iŋɛ hai nɛ yaase ŋa, inɛ iyi í taka anyii ara, lafɛ̃ɛ si í ce inɔɛ mɔ?
25552	LUK 12:24	I ce laakai kunɡbã ŋa í cɔ. A kù waa ɡbɛ̃ hee a da nɡɔɡɔ, a kù nɔ a kù nɛ suu. Ilaaɔ̃ í nɔ wa wo ŋa. Bɛɛrɛ nŋɛ kù re yɛi ŋa hee bii í jĩ?
25556	LUK 12:28	Fɔfɔ í wɛɛi nnyi do kusĩaɛ amma ala aa dasiɛ ina. To, bii Ilaaɔ̃ í mua fɔfɔ ŋa iyi aa na a dasi ina booda ku sĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?
25569	LUK 12:41	Ŋɔi Piɛɛ í ni, Lafɛ̃ɛ, awai ì kpaa mɔndau ihɛ̃? Mà inɛ fei.
25579	LUK 12:51	Ì tamaa bɛi laakai ku sũi ǹ naa nŋɛ wa si andunya ŋa? Aawo, ǹ wa n sɔ̃ ŋɛi, njɛ ku fɛɛfɛi ǹ naaò wa.
25589	LUK 13:2	Amma Jesu í sɔ̃ ŋa í ni, iŋɛ ì waa tamaa dulum dii inɛi Galilee ŋau bɛ í re ti inɛi Galilee ŋa iyi à ɡbei? Ì waa tamaa dulum du ŋai í jɔ̀ à kpa ŋa bɛɛbɛ ŋa?
25591	LUK 13:4	Ì waa ye ɡiɡii amanɛ maatũ do mɛɛta ŋa iyi ile ku ɡbokai Siloe í cuku í bata í kpau ŋa? Debɛi, ì waa tamaa kurara nŋai í re ti inɛi Zeruzalɛmu ŋa iyi à ɡbe fei ŋa?
25602	LUK 13:15	Ŋɔi Lafɛ̃ɛ í jɛaa í ni, iŋɛ ilu muafiti ŋai, iŋɛ fei i ci ya fũ kɛtɛ nŋɛ ŋa do ɡbankɛlɛ nŋɛ ŋa a koo a mɔ inyi si ajɔi kusĩmi?
25603	LUK 13:16	Abou ihɛ̃ mɔ dimii Aburahamui. Nɔ wee Seetam wa dũu hai zakai adɔ̃ maatũ do mɛɛta. Kù sĩa a fũu si ajɔi kusĩmi?
25610	LUK 13:23	Si isɛɛnɛu ŋɔi inɛ ɡɔ í naa bi tɛɛ nɔ í beeɛ í ni, Lafɛ̃ɛ, inɛ ŋa iyi aa ba faaba a kaa kpɔ? Ŋɔi í jɛ í ni,
25625	LUK 14:3	Ŋɔi Jesu í bee woo kɔ inɛ ŋa si wooda do Farisi ŋau í ni, wooda í wɛɛ a jɔ̀ inɛ ɡɔ ku ba iri si ajɔi kusĩmi? Mà kù wɛɛ.
25653	LUK 14:31	Bɛɛbɛ mɔi ilaalu ŋa mɔ à ya ce a bɛi a bɔ iɡũ. Bii ilaalu ɡɔ í nɛ sooɡe dubu mɛɛwa, nɔ í yɛ ilaalu mmu ɡɔ wa naa siɛ iɡũ do sooɡe dubu kɔnfia, á dedei ɡbakã ku ce iɡũ? Aawo, á bubai titã ku lasabu ku cɔ mà nŋu á yɔkɔ ku kãmiaɛ.
25738	LUK 17:18	Isɛ mmuu ihɛ̃ nŋu akãi í sinda wa ku saabu Ilaaɔ̃?
25764	LUK 18:7	Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa kiiti ŋa bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku ɡbɔ nŋa.
25765	LUK 18:8	Ǹ wa n sɔ̃ ŋɛi, á ce nŋa kiitii ɡbãa ɡbãa. Amma waati iyi amu Amai Amanɛ an nyi wa má an na n ba naanɛ ku dasi si ilɛu ihɛ̃?