23336	MAT 5:33	“Gwur wukigwuril tayir wadaal, ‘Li agwa jaav tayib nikidi duwak aban takaminil mayra sar yiminil Yitaypika Duw God dikidi saam, a jaav min akwur. Wapa-tikwa.’
23341	MAT 5:38	“Gwur bwutaay wukigwuril ki tayir wadaal maaj, ‘Li duw nak wariyakuw, nikidi duw diki milaam viyadik, gwalik, aw adi duwaam maa diki mil awarabab gwa-kigwuraala. Li duw nak wariyakuw, nikidi duw diki wuk viyatikwiya-kida, awarabab adi duw diki wuk viyatikwiya-kigwuraala.’
23538	MAT 11:10	“God diki lapa nyigaam maaj wanaad dikidi Tasakwudidi Duwak Jon diki yawiyik. God wanaad: ‘Taay maaj kariyanadi duw wayakituwaad. Yin niki jaav niki jaav minak kwulapwu-kinaad.’
23546	MAT 11:18	“Jon yakuw, di gwuradiy kikwagwuradiy kikipatawa wain akis kikwanaad. Alik adiy nyanugw kaytika duw taakw wadana, ‘Kad wudib mawulaar yidalik, alik kwam yinaad.’ Aw wun, duw taakw dayadi Mwamad, yakuw, kikipatawa wain kikuw, day wadana, ‘Kidi duwab av! Bwal kaytik, kamnaagw kida kida kinaad. Ki kwam tikwadana guw samasam kikwanaad. Di takis kwurkwanadiy duwawa nuwukadiy kupwarapa duw taakw dayadi kapa duw-ad.’ Ginyir kidiy kwurtuwadiy ababa yawiyim vikuw, lakwu-kigwura God di wunawa tad.” Jisas atawa wadidiy.
23565	MAT 12:7	“Diki lapa nyigaam God wanaad, ‘Gwur yikuw, duw takwak sugwiyaan akwur. Wunak niki jaav niki jaav jaaw kwatiya-tikwa.’ Gwur ki God wadil maaj liki mwiya maw maaj gwur mwiyir maa laakw. Alik gwur maa wagwura adiy kupwarapa jaav kwar maarnadiy duw takwak.
23623	MAT 13:15	“God Aysayak ata wadid adiy duw takwak, ‘Kidiy duw taakw dayadiy mawul bwu pakwudiy. Dayadiy waan bwu takatipi-dadiy. Dayadiy mil bwu tipidadiy. Atawa tikwanadiy, wunak tipatiyakwuk-dana, aw sipwutiyik-tuwadiy.’ God ata wadidiy dayak.”
23823	MAT 18:27	“Adi dikidi masta dikik samasam wukikuw, ata wadid, ‘Yaakiya, min maay! Wun mina dinau yibwiy-kituwa.’
23826	MAT 18:30	“Aw li adi duw kwasik yad wadil majik. Kwasik yikuw, adi duw kwurkuw, kalabus ir kwusawuladid. ‘Min kilim kwaan minadiy dinau kwatiya-jibirakuw, ata wakwu-kinadimin.’ Wakuw wadid.
23864	MAT 20:3	“Ganib, nyi abaliy tilik, adi duw sibinin yikuw nyidi tipaar, di vididiy nuwukadiy duw day kip tidiy. Dayaam vikuw, di dayak wadidiy, ‘Gwurabab wunadi mayim yin yawiy kwurgwur, wun saan kwatiya-kituwadiygwurik.’
24017	MAT 23:30	“Atawa kwurgwur, gwur wakwanadiygwurik, ‘Aw li nyan tayir nyanadiy warag kwadaal sikir kwakik-bana, nyan day God diki maaj wasapwiydiy duwaam viyasipadal pik akis kwurik-nadiyan.’
24103	MAT 25:26	“Adi dikidi sapakwa duw ata wadid, ‘Min kupwarapa sip sakwiy sakwiy yawiy tinadi duw-adimin! Min lakwumina wun nuwukadiy duw taakw mayim sikwadanadiy jaav kwur-kwanadiwun, ay? Min atawa lakwumina, agwa javik min wunadiy saan beng aam tak maarminil? Aw li min wunadiy saan beng aam takak-mina, aw kita nuwukadiy saan ab kwurik-tuwadiy.’
24154	MAT 26:31	Jisas dikidiy kalivadidiy duwak ata waad, “Ki gaan gwur abab wunaam wapakuw, tabwu-kinadiygwur. God diki lapa nyig ata wana, ‘God sipsip van tinadiy duwaam viyadik, kiyakinaad. Kiyadik, sipsip kapakap kapakap tabwu-kinadiy.’
24260	MAT 27:62	God Wapadidiy bayaki kikipaat kwulapwu-dana nyi tilik, sira pik, adiy sapakwa nyanugw pris awa Parasiy bapa duw day Paylatawa vagaluwkuw, wadaad, “Sapakwa duw, nyan wukibana adi suwaal takadidi duw Jisas, kidi kupwaam kwadik waad, ‘Wun kiyakuw, nyi mugwul yidaak, God wunaam kirapitaka-kidadiwun.’
24262	MAT 27:64	“Min maaj akwiy kidiy vay sawdiy duwak adi dipwu kabakim van tidakikik nyi mugwul. Aw adiy dikidiy kalivadidiy duw yakuw, dikidi amwiy luwkuw kwurkuw, yin tipa duw takwak suwaal takakuw, wakik-nadiy, ‘Jisasaam God bwutaay kirapitaka-daad.’ Jisas takadil suwaal, ‘God wunaam kirapitaka-kidadiwun,’ aal kupwaraapa. Aw li Jisas dikidiy kalivadidiy duw Jisas dikidi amwiy luwkuw kwurkuw, wakidana, ‘God Jisasaam bwutaay kirapitaka-daad,’ aal mwiya kupwaraap tikina.”
24850	MRK 14:27	Jisas dayak ata waad, “Gwur abab wunaam wapakuw, tabwu-kinadiygwur. God diki lapa nyig ata wana, ‘God sipsip van tinadiy duwaam viyadik, kiyakinaad. Kiyadik, sipsip kapakap kapakap tabwu-kinadiy.’
24994	LUK 1:32	Di yitaypika duw tidik, duw taakw wakinadiy, ‘Di nimadi God dikidi Nyan-ad.’ God wadik, di yitaypika duw dikidi waraga duw, Davit, kitik tikinaad. Tikuw, di Jakap dikidiy gwalugwak van tikinaad nyanyi nyanyi. Ki diki yawiy kwas maa.”
25016	LUK 1:54	Tayir God Aparamawa nyanadiy waraga duw takwak wadidiy, ‘Wun Yisrayil jaka tipa kidiy duw takwak wukikuw, ki nyab karayrib wun gwurak sugwiyaan kwur-kituwadiygwurik.’ Aw God diki wadil abanik wukin kariyakuw, di adiy dikik yawiy kwurdiy Yisrayil jaka tipa kidiy duw takwak sugwiyaan kwurdidiy.” Maria ata waal.
25032	LUK 1:70	Tayir God mwugiydik, diki maaj wasapwiydiy duw ki maaj wadaal, ‘Nyanadiy mama nibawa nyanak yaal giraan tinadiy duw, day nyanaam dayadiy tabaam takak kwurdaak, God nyigil-kidadiyan.’
25034	LUK 1:72	God nyanadiy waraga duw takwak wadidiy, ‘Wun gwurak yarakara wuki-kidiwun.’ Nyanadi warag Aparamak takadil aban God di maa wukimar.
25291	LUK 7:27	“Diki lapa nyigaam God ki maaj dikidi Tasakwudidi Duwak wanaad Jon diki yawiyik: ‘Taay maaj kariyadi duw wayaki-kituwaad. Yin niki jaav niki jaav minak kwulapwu-kinaad.’
25297	LUK 7:33	“Jon yakuw, di gwuradiy kikwagwuradiy kikipatawa wain akis kikwanaad. Alik adiy nyanugw kaytik gwur wagwura, ‘Kad wudib mawulaar yidalik, alik kwam yinaad.’ Aw wun, duw taakw dayadi Mwaamad, yakuw, kikipatawa wain kikuw, day wadana, ‘Kidi duwak av! Bwal kaytik kamnaagw kida kida kinaad. Ki kwam tikwadana guw samasam kikwanaad. Di takis kwurkwanadiy duwawa nuwukadiy kupwarapa duw taakw dayadi kapa duw-ad.’
25442	LUK 10:10	“Aw li gwur tipaar wulagwur, a tipa kidiy duw taakw day maa wadaak gwurak, gwur a tipa yabir yikuw, dayak aw, ‘Nyan maa wabana gwurak. Alik gwura tipa kupw nyanadiy manim tidanalik, alik gwurak viyawarakitaya-banadiy gwur lakwugwurakik God maa wanaad gwurak. Aw gwur ki javik alaakw. God dikidi gwalugw bwutaay gwurawa walibab tinaad, aw gwur kwasik yinadiygwur wula-wulak.’
25536	LUK 12:8	“Li duw nak duw taakw mwutamaam tan dayak wakida, ‘Wun Jisas dikidi duw-adiwun’ waan, wun, duw taakw dayadi Mwaam, wunabab God dikidiy maaj kardadiy duw mwutamaam wakituwadiy, ‘Adi duw wunadi duw-ad.’
25716	LUK 16:27	“Di Aparamak ata wadid, ‘Wunadi asaay wiyaam wunadiy nyamwus mamugw tabab kwanadiy. Min Lasaras dayak awayak di dayak yikuw, kidi wun kwatuwadi tipak yarik yikwaad aw day kilir yakik-nadiy.’
25782	LUK 18:25	“Gwur ki maaj wakwagwura: ‘Jaay tupwur kamil kwusawula-kwusawulak a nima yawiy-al.’ Aw wun watuwadiygwurik samasama jaav tinadi duw God dikidi gwalugwur varavarak, dayadiy niki jaav niki javiwa sanak wukikuw, aal mwiya nima yawiya.”
25822	LUK 19:22	“Adi yitaypika duw dikik ata wadid, ‘Min kupwarapa yawiy duw-adimin! Wun min minadiy waminadiy majir kotiy-kituwadimin. Min lakwumina wun wasap wasap tikwanadi duw-adiwun titaay, nuwukadiy duw taakw dayadiy jaav kip kwur-kwatuwadiy, aw nuwukadiy duw taakw mayim sikwadanadiy taba jaav kip kwur-kwatuwadiy. Agwa javik tikuw, min atawa lakwun tikuw, wunadiy saan beng taka maarminidiy? Aw li min wunadiy saan beng takak-mina, aw kita nuwukadiy saan ab kwurik-tuwadiy.’
25958	LUK 22:25	Aw Jisas dayak ata wadidiy, “Nuwukadiy jaka tipa kidiy yitaypika duw ap tikwanadiy dayadiy duw takwak van tidakikik. Adiy van tinadiy duw day dayadiy duw takwak tasakwu-kwadanadiy day adiy van tinadiy duwak sikiy-kwadanadiy, ‘Duw takwak sukwasukw kwurkwanadi duw-adiy.’
26371	JHN 6:45	“God dikidiy diki maaj wasapwiydiy duw God diki lapa nyigaam sukwudaal, ‘Ginyir God miyawa duw takwak kaliva-kidadiy.’ Alik adiy wunad Asaay majib wukikinadiy, adiy duw taakw-adiy lakwukinadiy mwiyir adiy di kalivakidadiy miyawa jaav. Aw adiy duw taakw wunak yakinadiy.
27102	ACT 4:11	“God diki maaj Jisasak wana: ‘Adi kabaak tayir gwur wiy kwurnadiy duw maa wagwura dikik, kita kabaka giliy dikidi taay bapa kabaak di adi nimadi maan kabaak-ad.’
27198	ACT 7:13	“Ginyir jaab vitiy yidaak, Jasip dayak wadidiy, ‘Wun Jasip-adiwun.’ Para Jasip dikidiy nyamwusawa, mamugwawa, asaywa ata wukididiy.
27217	ACT 7:32	“Di wadid, ‘Wun minadiy warag dayadi God-adiwun. Aparam, Aysak, Jakap dayadi God-adiwun.’ Diki maaj wukikuw, Mawsis samasam yagaad. Dikim maa vi.
27219	ACT 7:34	‘Wun vituwil adiy Yijip jaka tipa kidiy duw day jawjaay kwurdiy wunadi bapa duw takwak. Bwutaay wukituwadiy dayadiy gir. Alik kita wun kupwaar daan dayaam nyigilik. Min arap ya. Min Yijipaar wayaki-kituwadimin.’
27465	ACT 13:34	“Nikibir maaj ab God waad Jisas kiyakuw ridik, di kirapitaka-kidaad. Di maa wanaad dikidi pwus pwuk yayik. Taay maaj wana: ‘Adiy viyakita jaav tayir Davitak kwiytuwdiy, adiy minak ab kwiy-kituwadiy.’
27620	ACT 17:28	“Maaj vitiy gwuradiy maaj lakwudiy duw wadabir. Nak: ‘Di nyanadiy mawul kwiydidiy. Di wadik, tiytiyan tan kidi kupwaam kwanadiyan.’ Niki maaj wadaal: ‘Nyan dikidiy nyanugw-adiyan.’
27994	ACT 28:27	Kidiy duw taakw dayadiy mawul bwu pakwunadiy. Dayadiy waan bwu takatipi-dadiy. Dayadiy mil bwu takatipi-dadiy. Atawa tikwanadiy wunak tipatiyakwuk-dana, aw sipwutiyik-tuwadiy.’ God atawa wadidiy.”
28248	ROM 9:25	God diki lapa nyigaam Awsaya ki God wadil maaj sukwudil, “Adiy duw taakw, tayir day wunadiy duw taakw ti maardiy, wun sikiytaka-kituwadiy, ‘Wunadiy duw taakw-adiy.’ Adi tayir mawul yi maartuwdi jaka tip, aw kita wun sikiytaka-tuwaad, ‘Wunadi mawul yituwadi jaka tipad.’
28275	ROM 10:19	Aw wun jaab nakab bas sinadiwun. Yisrayil jaka tipa kidiy duw taakw, day ki Viyakita Maaj maa laakw, ay? Taay Mawsis ki God wadil maaj sukwudil ki javik, “Wun mwugiytuwik, gwur gwuradiy mawulaar wasupw supwakidiy nuwukadiy jaka tipa kidiy duw takwak, gwur dayaam sikiytaka-kwagwuradiy, ‘Kipa duw taakw-adiy.’ Aw wun mwugiytuwik, gwuradiy yaal girakidiy nuwukadiy saal viyanadiy jaka tipa kidiy duw takwak.”
31069	REV 18:7	“Ki tip li likik kitawa waal, ‘Wun aka yitaypika taakw kaytik van tinawun. Aw wun tawtakw kwana taakw maa. Wun kip nyanyi nyanyi rakarakawa kwaya-kinawun.’ Aw li atawa mawulaar wukikuw, li liki kapa saam kirasik tikuw, aw adiy li liki kwurik mawul yikwaladiy jaav kwurtaay, adiy javik tikuw, God, min likik nimadi vaat akwiy liki mawul kapakap kapakap titaay sarmabap rilikikik.