23285	MAT 4:7	Jisas Satanak ata wadid, “Atawa maa. Aw ki maaj ab God diki lapa nyigaam rina: ‘Min kidi Yitaypika Duw God, dim wasupwu-vasibariykin kwur-tikwa.’”
23595	MAT 12:37	“Gwuradiy ababa majim wukikuw, God wakinaad, ‘Min viyakita duw-adimin’ ay, ‘Min kupwarapa duw-adimin.’”
23838	MAT 19:7	Adiy Parasiy Jisasak ata bas sidaad, “Agwa javik mwiya tayir Mawsis ki maaj sukwudil God diki lapa nyigaam? ‘Duw diki takwaam wapaak tidik, aw di wapa-kwadanadiy lapa nyig likik kwiykuw, diki takwaam ata wapa-kwaad.’”
23898	MAT 21:3	“Li duw taakw birak bas sikidiy, ‘Agwa javik kwurbiraad?’ bir dayak aw, ‘Nyanadi sapakwa nyan di yawiy kwurdikik birakiwa. Yawiy kwusilik, yabiyib sibinin wayaki-kidabir.’”
23954	MAT 22:13	Adi yitaypika duw dikidiy yawiy duwak ata wadidiy, ‘Gwur kidi duw dikidiy maan taab yaav jitakakuw, ayakisakw. Kawaar gaan van tina tamiyaam kwakwaad. A tamiyaam di kwataay, nimadib girataay, dikidiy wuk vatikirikiy-kwaad.’”
24404	MRK 4:12	“Alik ‘Day van van wak maa. Day wukin wukin laakw maa. Li atawa kwurkuw, Godak mawul wukikuw, di dayadiy vaal yibwiyik-dadiy.’”
25136	LUK 4:4	Jisas dikik ata wadid, “Atawa maa. Aw God diki maaj kitawa wana, ‘Duw taakw bret-adikanir akis kwaya-kwanadiy.’”
25144	LUK 4:12	Jisas Satanak ata wadid, “Atawa maa. Aw ki maaj ab God diki lapa nyigaam rina: ‘Min kidi Yitaypika Duw minadi God, dim wasapwun vasibariyik kwur-tikwa.’”
25467	LUK 10:35	“Sirapik nuwukadiy saan kwurkuw, adi wiyaam van tidi duwak kwiykuw, ata wadid, ‘Min kidi duwaam van ada. Aw li kidiy saan rav maardaak mina yawiyik, aw wun sibinin yakuw, nuwukadiy saan minak kwatiya-kituwadiy.’”
25476	LUK 11:2	Jisas ata dikidiy kalivadidiy duwak ata wadidiy, “Gwur kitawa Godak maaj aw: ‘Asaay, nyanadiy mawul wakwanadiy duw taakw minadi saam yakisuw-dakik. Min yakuw, ababa duw takwak van ada. Ababa nyi kikibanadiy kikipaat nyanak akwutay. Adiy nuwukadiy duw taakw nyanaam yidadiy vaal bwutaay yibwiy-kwabana pik atampik minabab nyanadiy minaam yibanadiy vaal ayibwiy. Min nyanawa walibab yarip tuwun ada vaal nyanaam kakilik-ladiyan.’”
25768	LUK 18:11	“Adi Parasiy kap kwasa sikaam tikuw, Godak kitawa maaj bwulaad, ‘Ababa nuwukadiy duw day suwaal kwurtaay, nuwukadiy duw taakw dayadiy jaav kwurik, day kupwarapa yawiy kwurkwanadiy, day vaal yikwanadiy nuwukadiy takwaam. Alik tikuw, wun wayapiy sinadiwun minak wun dayadiy kwurkwadanadiy kupwarapa yawiy pik akis kwurkwanadiwun. Wun kidi kupwarapa takis saan kwurkwanadi duw kaytik maa. Alik tikuw, wun minak wayapiy sinadiwun. Nyi vitiy vitiy ababa wik wun kamnaagw akis kikwanadiwun gaba maaj minak sukwuk titaay. Wunadiy ababa kwurkwatuwadiy saan ab tabatiy sikuw, nak minak kwatiya-kwatuwa.’”
26006	LUK 23:2	Paylatak yikuw, kipa sukwupir maaj dikik wadaad Jisasak. Day wadaad, “Kidi duw nyanadiy duw takwak jawjaay kalivadidiy. Di dayak wakwadidiy, ‘Gwur takis saan Rom dayadi yitaypika duwak kwiy-tikwa,’ waan wakwadidiy. Di dayak wakwadidiy, ‘Wun Krais, Yitaypika Duw-adiwun.’”
26065	LUK 24:5	Adiy taakw day samasam yagakuw, day makiy gwalikidaak abir duw dayak ata wabiridiy, “Agwa javik gwur kidiy kiyanadiy duw dayaki tamiyaam kwaki-nadiygwurik adi kip kwanadi duwak? Di kilim maa kwu. God bwutaay kirapitakadaad. Gwur lakwugwura di Galiliyaam tikuw, gwurak wadil maaj? Di wadidiygwur, ‘Day duw taakw dayadi Mwaam vaal yikwanadiy duw tabaam takadaak, maap tinadi miyaam katidaak, kiyakuw ridik, nyi mugwula yawaam God kirapitaka-kidaad.’”
26136	JHN 1:23	Dayak Jon maa wadidiy, “Mwiya tayir God dikidi diki maaj wasapwiydi duw Aysaya ki wuna yawiy maaj wadil. Di kitawa waad, ‘Duw nak kipa duw taakw ri maarkidana kipa tamiyka tamiyaam titaay, gaam sikinaad. Aw di adi ginyir yakinadi Yitaypika Duw dikidi yakidadi yaab kwulapwu-kidaad.’”
27054	ACT 2:36	“Yisrayil tipa kidiy duw taakw, awuk! Kidi Jisas gwur viyasipakuw maap tidi miyaam, dikik God ki maaj wadil, ‘Min wunadi Tasakwutuwadi Duw-adimin. Duw taakw dayadi Yitaypika Duw-adimin.’” Pita wakuw, wadidiy.
27183	ACT 6:13	Kwurin karaykuw, nuwukadiy duw day ata kwurin karaydadiy suwaal takadakik Stivinak. Day wadiy, “Nyan wukibaal kidi duw nyanyi kupwarapa sapis jikid God dikidi wiyawa Mawsis diki lo wak. Nyan ki wadil maaj wukibaal, ‘Kidi Jisas, Nasarit tipa kid, God dikidi wiy takwukinaad. Di Mawsis nyanak kalivadadiy sukw warapiy-kidadiy.’”
27788	ACT 22:16	“‘Aw kita kavin kwatikwa. Min arap. Rapikuw, baptais akwur. Min Jisas dikidi saam gaam simin, di minadiy vaal yibwiy-kidadiy.’”
27858	ACT 24:21	“Aw jaav naka wun dayak gaam situwdiy, ‘Wun lakwutuwa duw taakw kiyadaak, God ata kirapitaka-kidadiy. Ki javik gwur nibwul kotiy-gwuradiwun.’”