13946	PSA 1:3	Di lok ngan larauna di suusu ro at lisigege dan, la di pisix akmokso levempeven at levengaaling pipisik at laxampeeve, la levenang atdi kopmen nak mada si, la na mamang. Mo limixin di ngasang kobot at levempanga axap di lox i.
13947	PSA 1:4	Ketla limixin kapmek dixok lok kuren. Di lok ngan mun levempusuvus at levenbeo, lamanman it mas kepe i.
13972	PSA 4:2	O Moroa, nenu Lentupe ria! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Monga una lox asuusu lebelen tuntun taram tia la una ronga lising tarak.
13975	PSA 4:5	Mi guta ke gat lebelemamao na sat arup nimi at laxapmek, la mina ke xepe libilinga. Do minak midi at laraora atnimi, minak midi pilo la minam doma mumu avukat na levelinga.
13979	PSA 4:9	Dola a subu midi, a unga xeneng at lenmila. O Leeme Silok nenu xusuk, u xok nunuan ia.
14007	PSA 7:4	O Leeme Silok, la nu ne Moroa rak, dola aga lok pam tibilinga ri tara, la dola aga bala vukpuk tara tarapentangas tarak, kopla aga lok tavanga i lok kapmek tino ti laradi munepen minia la kopmen tavasuun teren, kopla aga xarang taba tara. Dola nia agara lok pam tevempanga at na i,
14016	PSA 7:13	Dola kopmen dinak lox ekun loklok atdi, Moroa naba sua ka lavarise esep teren la naba rep tong pen labanara ren la na lox agagas li i.
14018	PSA 7:15	Moroa, una ven ba limixin kapmek di doxoma gagas li leventaangas ti laxakapmek. Dik soxovo li levenmumuat la di xaxarang arup limixin.
14025	PSA 8:4	Dola a ven laxalibet nu ga rudum li i, lagaaling mi laxampenti uga vaxaxis di at levengkot atnedi la am doma xeretna.
14065	PSA 10:13	Kereva lodoxoma at limixin kakapmek? Dim taba sinta ne Moroa, la dim doma i do, “Neni noxo lox asongot dik.”
14072	PSA 11:2	atla limixin kapmek di gagas kusu dina so u mi levesoso atdi. Di kuxut tangais luvuttadi avukat to at levengkot buxumin kusu do dina soso di.
14090	PSA 13:4	O Leeme Silok, nu ne Moroa rak. Doma su rak. Una sep siam at lising tarak. Una raba amlong ia mi lolos tarak. La nemen uta ke xepe ia xusu ana met.
14096	PSA 14:4	Leeme Silok i sue xeretna, “Kopmen dinaklen leventaangas nunuan? Kereva, nedi axap na dik lok laxakapmek, kopmen takleklen atdi? Dip kip pilo amisik limixin tarak, la kopmen tinotno dina ngising tia.”
14125	PSA 17:10	Kopmen dina balamu leventaba vetpes. Dit las amisik di.
14127	PSA 17:12	Di lok ngan lubunglaion, di kuxut tangais ia, di vara i xusu dina lais koxorop axakalik labantuxu rak.
14130	PSA 17:15	Ketla nia anaba ven lamaram atla nia goxo lok tibilinga. Dola ana aus, anaba umsu mi lososoro atla anaba nemen eburu minu.
14161	PSA 18:31	Na ne Moroa, loklok teren in manton tino. Dola ni na xaape mi tavanga, ni naba lox i. La neni Lenban tinedi di vot pasa i xusu na lok see atdi.
14169	PSA 18:39	Aga bobo amet di, la digoxo epovo na xatu kaxar amlong. Digak midi etaba ro melamgo rak.
14172	PSA 18:42	Digang teng ti loklok tooro, ketla tara goxo lox asepsu di. Diga toro ri Leeme Silok, ketla ni goxo ronga res atdi.
14175	PSA 18:45	Limixin boro xadiong dit kis tintiding mi levempatgulom atnedi saparav ia. Dola di ronga ia, di ronga res at levelinga rak.
14176	PSA 18:46	Dixo abelemes bok ba, la di dede aleng, mo do di on basinge laraogu matmatkun atdi.
14181	PSA 18:51	Moroa im taba lolos silok ti loorong teren kusu nak sak tup mi limixin munepen min. Ik lox asuusu labalamu lexen teren ti no lara neni xa ga soxolik kaka i, ti ne Devit la ri luvuttubuno avolo umelemu.
14202	PSA 20:6	Do Leeme Silok na lox epovo na levesingising la una sak tup mi limixin munepen minu, manabap kup mi lomomo, la manaba lok katling i mi leemi asu ri ne Moroa. Ma sing Leeme Silok naba lox asoxos axap levesingising taram.
14218	PSA 21:12	Di epaase li la di sevut li leventaangas kusu dinaba lok kapmek loorong, ketla di noxo lox epovo i.
14225	PSA 22:5	Lavalabat atnema diga nunu saga ram. Diga nunu at levelinga ram, la uga lox asepsu di.
14226	PSA 22:6	Diga ro ke ram la di goxo ekip tangarang mi levenaniu. Diga nunu saga ram la uga lox epovo levendoxoma atdi.
14228	PSA 22:8	Limixin di ven ia, la di paase aksaksa ria. Dim lem gam tia la dira piripat patlak.
14229	PSA 22:9	Dik lok tia xeretna, “Nenu ga nunu saga at Leeme Silok, tila neni xopmen na mulus ti lox asepsu u? Dola Leeme Silok i vavara ru, tila ni xopmen na lok tooro u?”
14234	PSA 22:14	Di vavangangba la di booro ngan ta lubunglaion, di gagas ti atat lalais ka ia ngan levempanga anan.
14237	PSA 22:17	Libinam tadi at limixin kakapmek nanga di ru xangkan pam ia. Di lok ngan ta lubung man di xala sa rak, di atat lais koxorop luxangkedek tarak mi lukngak.
14239	PSA 22:19	Diga lu buru mi lengkon uat kusu ti lok kisip ka nege ba lok ka levempanga singsiga rak.
14304	PSA 27:2	Dola limixin kakapmek dina esep tangarang minia xusu dina sev amer ia, dinaba sak kikixin la dinaba subu.
14305	PSA 27:3	Keke i do buaang atnedi limixin esep dina ru xangkan ia, nenia noxo marat. Dola limixin munepen dina lox agagas do dina sev asi ia, nenia move anaba nunu saga at ne Moroa.
14314	PSA 27:12	Nemen gat uta on taba rulu xepe ia ri levengkikngen limixin di munepen minia. Di xaxarang taba amisix ia, la di lok momo aleng ti vaaban ia.
14317	PSA 28:1	O Leeme Silok, nenu Lentupe ria, na nia a ro ke ram! Una ronga lanteng tarak! Dola u noxo ronga ia, nenia anaba lok ngan nedi diba si uto xopok at lemenemen at labarongan.
14361	PSA 31:12	Limixin munepen minia, la nedi di nemen aurer ia, di ven ia la di paase aksaksa ria mumu lanmeres tarak. Nedi dikleklen ia, dik marat tarak. Dola di ven ia at pas to at langas, dik sixiro rak.
14363	PSA 31:14	A ronga buaang limixin munepen di paase siksikma mu ia. Lanmarat silok i suxuna ia. Di seput li leventaangas kusu dina rebeng alis ia la dina sev amer ia.
14376	PSA 32:2	Do taradi go la Leeme Silok kopmen na vuse ka taxapmek teren la kopmen bok taxaxarang teren, ni na lok momo.
14380	PSA 32:6	Kuren la i lox avukat do limixin tuturun taram dinaba sing saparav u at levenaleng at levenmumuat. Dola langsangan lekarakat i rava beles mu nedi ngan ladanut, kopmen noxo lox abaava di.
14420	PSA 34:13	Do nemi mi vara i xusu mina ruuna lorooro nunuan, la mi vara i xusu mina ven levenaleng avukat,
14427	PSA 34:20	Do laradi nunuan na ekip tangarang mi laxanmumuat solo, Leeme Silok naba lox asepmus i basinge axap mo lempanga.
14442	PSA 35:12	Dip sepo loklox avukat tarak mi laxakapmek, kuren la lodoxoma abulubun i suxuna ia.
14445	PSA 35:15	Ketla do nia aga ekip tangarang mi levenmumuat, diga lok momo. Diga tu xangkan ia, la diga paase aksaksa ria. Limixin kadiong bok digak lox asongor ia, amisik digap sev ia.
14446	PSA 35:16	Diga lok ngan limixin di lok sese laradi luxangkedek teren i molo, la diga reven angtungun bok tia mi lebelengatngas.
14448	PSA 35:18	Do kuren, nia anaba tong loklox avukat tu ro melamgo at lovotpot buru at limixin taram. Nia anaba emi asu minu ro melamgo atnedi axap.
14451	PSA 35:21	Dik sok taba ia mi levelinga, la dip kup keretna, “Maga ven u, uga lok nom levempanga xapmek!”
14490	PSA 37:19	Di noxo suma losongsongot at levenaleng kapmek. Dinaba ruuna epovo leveluxa at levenaleng at loroxo.
14495	PSA 37:24	Dola dina subu, di noxok midi ro xopok, atla Leeme Silok naba rebeng axatu di upana.
14505	PSA 37:34	Mina doma lolos ngangais ti Leeme Silok la minang tonga res at levempapaase ali ren. Dola mina lox i xuren, ni naba raba asinorong nimi mi laramtaba, neni lenep kangka aulis atnimi. La minaba ven limixin kakapmek, Leeme Silok naba saksu di basinge lenep kangka aulis atdi.
14524	PSA 38:13	Mo limixin di vara na sev amer ia di lili larapelixo ria, la nedi di vara na lox asongor ia, di lok do dina lok kakapmek axav ia. Dixo vaxap ti vengit ia, kusu dina lok kapmex ia.
14541	PSA 39:7	di lok ngan mun lamamau. Levempanga axap, limixin dik lox i, naba ravasu gamasa mun. Dipnovos li lempanga, ketla di xoklen i do nege naba ruuna ka i.
14561	PSA 40:13	Laxanmumuat solo i tu xangkan ia la nia xo epovo xusu ana exes ampana di! Laxaloklok kakapmek tarak i sak pavaa rino ia, la axo epovo nga ri milik kadas. Di volo aleng ti leexes at levengkabinim at lavatlak tarak, la labalak i doma abulubun.
14570	PSA 41:4	Dola dina meres, Leeme Silok naba lok tooro di. La ni naba lok kepe levenanmeres basinge di, la na lox alolos manga nedi.
14572	PSA 41:6	Limixin munepen minia di vaase kuxurung mumu ia. Di vara i do nia ana met kusu limixin axap dinaba domampe ia.
14575	PSA 41:9	Di lok do, “Lanmeres lolos mo ira sogo xaka vam i la ixo epovo do naba roo xat basinge loora mekmeres teren.”
14578	PSA 41:12	Di noxo epovo ri sak tup minia, la kerepmo nia anabaklen i do uk lok momo minia.
14595	PSA 43:3	Una lox asuusu laxasep taram eburu mi levelinga ruturun tia. Dunam gomgonga ia la duna lam ka amlong ia uto Saion, lakaana xaala ram, la uto bok at loogu laplavang taram nenu u nemen teren.
14601	PSA 44:4	Lubung mixin taram di goxo ruuna xaka nom lenep kangka at teesep. Kopmen di goxo ruuna xaka box i mi lolos atnedi. Diga ruuna ka i mi lolos mun taram, la digaklen i do uga nemen eburu minedi. Nom i ga lox asuusu i do uga balamu di.
14614	PSA 44:17	dit kis munepen minia la atnedi bok di belengatngas tia. Di tong asu lavapaase aksaksa la levelinga kapmek mumu nama.
14623	PSA 44:26	Diga vas amdamda nama, la maga subu midi xopok at laxangka. Mak midi ngan ta luvuttadi met!
14640	PSA 45:16	Di vubeles at loogu at loorong mi lomomo la lososoro.
14657	PSA 47:3	Leeme Silok, ni Leeme Avolo. Dik atana lok ngangao aleng teren. Neni Loorong Silok, im gomgonga na lavatbung menemen axap.
14671	PSA 48:7	Diga dede xapmek tino mi lanmarat, la diga lingun, ngan ta latkin i gagas kusu na visik.
14693	PSA 49:14	Limixin di nunu saga atnedi xa, diba ekip tangarang mi lavanga salai mo? Lanmet ni laxavaxap atnedi. Di momo gamasa mene mi leven apnovos atdi.
14712	PSA 50:12	Dola nia gita roxo, nia gitoxo sing nimi ri toxompanga anan, atla lavatbung menemen mi levempanga axap keneng teren, ni atarak kusuk.
14760	PSA 53:5	Moroa i sue xeretna, “Kereva, kopmen dinaklen leventaangas nunuan? Kereva, nedi axap na dik lok laxakapmek, kopmen takleklen atdi? Dip kip pilo amisik limixin tarak, la kopmen tinotno dina ngising tia.”
14775	PSA 55:4	Labantuxu rak i marat aleng atla limixin munepen minia di kiilu ia. Na limixin kapmek di lok do dina sev amdamda ia mi levenmumuat. Di musax ia la di belengatngas bok tia.
14784	PSA 55:13	Dola tara at limixin munepen minia na lok kalise kapmex ia, i epovo do nia noxo doxoma solo i. Dola ni natlas i mavana rak, nia giba tu asepsu basinge i.
14799	PSA 56:4	Nu Leeme Silok, nu Lanaraavuk. Dola nia ana marat, ana nunu saga mun taram.
14801	PSA 56:6	Limixin munepen minia dip sev ia mi levenmumuat at levenaleng kudun axap. Dim doma agagas li amisik leventaangas kusu dina lox asongor ia.
14802	PSA 56:7	Dit pot buru ri kuxut tangais ia at levengkot lipe, la di reven levempanga axap nia ak lox i, la dit kis tangais ia do dina sev amer ia.
14814	PSA 57:5	Nia ak lok kantubu at limixin munepen minia di lok ngan lubunglaion. Di lok gagas kusu dina sev amet limixin la dina anan di. Leven gisangsa atnedi i anan ngan ta lempatsoso, la leven gam atnedi i anan ngan ta lemparise esep.
14816	PSA 57:7	Limixin munepen minia dira sat pam laxatkat kusu dina rebeng alis kaka ia. Lorooro rak i umsu mi levenmumuat i sak pavaa ia. Diga sep pe langas patpas tarak mi lavatmet i si aleng, ketla nedi xa diga subu tup teren.
14825	PSA 58:4	Limixin kakapmek dik lok laxakapmek at levenaleng axap at lorooro atdi. Di paase asu amisik levelinga xaxarang, ga ruka axa i at levenaleng diga visik di ren.
14826	PSA 58:5	Di lok ngan laxasii angkang atla mo levelinga xaxarang atnedi i umsu mi losomamao. La di lok ngan bok lisii xapmek di so asen i mi la Kobra, ua kopmen na ronga levelinga
14840	PSA 59:7	Dimlomlong at levengkantinao bungbung main uto at lemenemen silok, la dip kup saasaa ngan lubung man, do dit pas saasaa go.
14849	PSA 59:16	Di lok ngan lubung man dik sixit pupuse panga anan, la di booro do kopmen dina anan mais.
14865	PSA 60:14	Do ne Moroa na ru eburu minedik, tanaba sak tup mi limixin munepen, neni naba sev asubu di.
14884	PSA 62:10	Ketla nemen gat mita nunu saga at limixin atla di lok ngan mene legesa mamas silok laradi i mas abeles ka i. Limixin silok la lixilik di lok ngan levempanga gamasa mun. Do mina lok li di at lisikel, kopmen tumumuat atnedi. Di balalak ngan mene lamamas gamasa.
14894	PSA 63:7	Dola nia ak midi ro at loora rak, am doma su ram. At laxanimin axap nia am doma u,
14898	PSA 63:11	Dinaba met keneng at leesep, la lubung man sio dinaba anan levenbaaxin tadi atnedi.
14905	PSA 64:6	Nedi xa di epang aru kusu dina lok laxakapmek. Di epaase do dinaba li lara pelixo atnedi ua. La di tong i do, “Kopmen tara naba ven dik.”
14906	PSA 64:7	Di seput li leventaangas kakapmek la di tong i do, “Dik tara gagas li vam langas i nunuan aleng.” Lebelen mi lodoxoma at limixin kerepmo ing tangku axap.
14910	PSA 64:11	Nedi axap limixin manmanton dinaba momo ap mo levempanga Leeme Silok gara lok pam i. Dinaba nemen matmatkun maxopok at loklok tatao ren. Limixin axap di nunuan, dinaba emi asu min.
14928	PSA 66:4	Limixin axap at lavatbung menemen di lotu saparav u. Dik pixan emi asu saparav u, dik pixan emi asu ri laasen taram.”
14942	PSA 66:18	Dola lorooro rak gi umsu mi laxakapmek, Leeme Silok gixo ronga rak.
14956	PSA 68:4	Ketla limixin manmanton dik lek la di momo at lemeren ne Moroa. Dik lok momo la dip kup mi lososoro.
14993	PSA 69:5	Nedi limixin munepen minia, kopmen tavasuun at lebelengatngas atdi saparav ia, la di umsu aleng tino polo leexes at levengkabinim at lavatlak tarak. Di xaxarang taba ia. Di lolos aleng la di lok do dina sev amer ia. Di xaxarang taba ia do aga xip pilo xaka lempanga nia agoxo xip pilo xaka i. La di tong i ria do ana raba amlong i.
15001	PSA 69:13	Di paase mumu ia ro xeneng at larangas silok, la limixin inin tangtangku di voovo lengkompixan mumu ia.
15015	PSA 69:27	Dik lox asongot nedi no nenu uga lox aleeng nedi. La di paase mumu nedi no nenu uga sev abi nedi.
15041	PSA 71:10	Lavamunepen minia di vara i do dina sev amer ia. Di vepaase nemnem levendoxoma ri levempanga diba lox i ria.
15042	PSA 71:11	Di paase xeretna do, “Moroa ira raba rulu vam i. Ata mu arup ta i la ata lox epovo lodoxoma atnedik. Kopmen bok ba teta go xusu naba lok tooro i.”
15075	PSA 72:20	Neni na laxavaxap at levesingising at ne Devit, lamdak at ne Jesi.
15079	PSA 73:4	Dixo ekip tangarang mi levesongsongot, la di lolos la dixok meres.
15080	PSA 73:5	Dixong songot ngan lentaba luvuttadi ding songot kuren. Dixon tuuna bok tevenekarakat ngan leventaba vetpes din tuuna i.