14046	PSA 9:15	kusu anaba tu ro melamgo at limixin to Jerusalem, la ana tong asu i ridi ri levempanga nia a emi asu minu min. La ana lox asuusu lomomo rak atla uga lox asepsu ia.
14198	PSA 20:2	Ma sing Leeme Silok, ni ne Moroa at ne Jakop, do ni naba ronga ram dola una ekip tangarang mi lumumuat, la naba lok see ram!
14244	PSA 22:24	Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Mina raba asinorong i la mina lotu saparap amisix i!
14264	PSA 24:6	Limixin kerepmo di ngaongao ri ne Moroa, la dit pas amisik ti lotu saparap ne Moroa at ne Jakop.
14587	PSA 42:7	Lanbulu i suxuna ia nade at loxokoxo xeneng at lemenemen xadiong. Kuren la lodoxoma rak i repukus tin. Im taba ia mi lanbulu silok ngan leretepit paxanao i tepit pavaa ia. Lentaba ik sak pavaa ia ngan ladanut, la ngan ladan i tem soobang su ro at ladan Joridan mo i sesen boro vana at lukaana Emon la Misar.
14650	PSA 46:8	Leeme Silok, ni Lanaraavuk la i nemen eburu midik. Moroa at ne Jakop ni Loxot Loklox Alipe atnedik.
14654	PSA 46:12	Leeme Silok ni Lanaraavuk la i nemen eburu midik. Moroa at ne Jakop ni loogu matmatkun atdik.
14659	PSA 47:5	Neni ga lok katling ka na lenep kangka atnedik livipisik li at ne Jakop ua tana nemen teren. Ni i balamu limixin teren mo di lok momo mi lenep kangka atnedi.
14676	PSA 48:12	Kuren la limixin axap di nemen to at lakaana Saion dina momo! Nu ung tonga linga mi lodoxoma mokmokso. Kuren la limixin axap boro at levengkot silok Juda dina momo.
14743	PSA 51:20	O Moroa, una balamu limixin me Saion la una lok tooro di. Una ii aurut amu levenngas uat to Jerusalem.
14860	PSA 60:9	Nia a ruuna mo lunep Gileat, la Manase. La lenep Epraem bok ni lavatkiam tarak i tupe ia at leesep. La lenep Juda ik lox asuusu lubung amgomgo ri limixin tarak.
14979	PSA 68:27	La digak pixan, “Ata emi asu mi ne Moroa ro xeneng at lovotpot buru at limixin teren. Nemi axap livipisik li at ne Jakop, mina emi asu mi Leeme Silok!”
14980	PSA 68:28	Loxonabung mixin at ne Beniamin dimgomgo, nedi di xakalik ti levenabung mixin axap. Melemu ren lubung amgomgo at leme Juda eburu mi loxon binam tadi atnedi, la lubung amgomgo me Sebulon la Napitali di mumupit to melemu.
14982	PSA 68:30	Una lox asuusu lolos taram boro xa at loogu laplavang taram to Jerusalem, ap mo loxot lavaorong silok dim taba u mi leventamtaba ve.
15024	PSA 69:36	Neni naba lox asepsu leme Jerusalem basinge limixin munepen midi la na vaxaru amlong levenmenemen silok at lenep Juda. Limixin teren dinaba ruuna ka mo lenep kangka la dinaba nemen amisik go.
15075	PSA 72:20	Neni na laxavaxap at levesingising at ne Devit, lamdak at ne Jesi.
15136	PSA 75:10	Ketla nenia noxo xap at lavapaase asu levelinga mumu Lomoroa at ne Jakop kopla anak pixan emi asu rin.
15139	PSA 76:2	Limixin to Juda dikleklen ne Moroa, la dim taba asinorong laasen teren to Israel.
15140	PSA 76:3	I ruuna langkolonu ro Jerusalem. Loogu ren i nemen to at loxongkaana Saion.
15144	PSA 76:7	O Moroa at ne Jakop, at loxonaleng uga paase lolos tinedi, lempaaros eburu mi luvuttadi ro vana ren digam subu ri lanmet.
15166	PSA 77:16	La mumu mun mo lolos taram, uga lox epovo i xusu una lox asepmus limixin taram, nedi livipisik li at ne Jakop la at ne Josep.
15176	PSA 78:5	Neni ga raba leventaangas manmanton mi Laulis Linga ren ti limixin me Israel, nedi livipisik li at ne Jakop. Neni ga paase alolos i ri lavalabat atnedik kusu dinaba anasa laxamdak mi laxaalik atnedi mi Laulis Linga,
15238	PSA 78:67	Ketla neni ga lox abulubun kepe livipisik li at ne Josep, nedi lubung mixin me Epraem. Ni goxo soxolik ka di.
15239	PSA 78:68	Ketla ni ga soxolik ka manga lubung mixin me Juda mi lakaana Saion, mo loxot ua lebelen ga tu rinotno i.
15244	PSA 79:1	O Moroa, lavamolon digara buxup beles pam at lenep kangka ram. Digara lox amexexe vam loogu laplavang taram i xaala la ira lok kapmek axap. La diga sele utut kepe lemenemen silok Jerusalem.
15246	PSA 79:3	Digap sev asu ladaada at limixin taram ngan ta ladan, la ladaada ga sesen ngan ladan to at lengkot axap keneng Jerusalem. Goxopmen tara ga roo su xusu tik mikmit avukat limixin diga remet.
15278	PSA 81:2	Nemi minap kup mi leklek ti ne Moroa, neni Lentupe rinedik. Minak pixan emi asu ri ne Moroa at ne Jakop!
15281	PSA 81:5	Neni na Laulis Linga at leme Israel, la neni langas ne Moroa at ne Jakop ga tong taba di min.
15311	PSA 83:10	Unap sep kapmek bok di ngan ugap sep kapmek leme Midien, Sisera, la Jabin to at ladan Kison.
15329	PSA 84:9	O Leeme Silok nu Lanaraavuk ne Moroa, una ronga res at lisingising tarak. O Moroa at ne Jakop, tonga ia!
15366	PSA 87:2	La lavavara ren ti mo lemenemen silok Jerusalem i volo axap mo levenmenemen petpes bok keneng at lenep silok Israel.
15368	PSA 87:4	“At loxonaleng ana siam ka nedi limixin at levenabung mixin no ding tonga res tarak, anaba lox abeles bok leme Isip mi leme Babilon. Anaba siam abeles ka bok nedi leme Pilistia, Taia, la Itiopia ukeneng la dinaba nemen go ngan limixin bus tinotno me Jerusalem.”
15370	PSA 87:6	Leeme Silok naba malagan levenasen ap mo limixin me xadiong la naba lox abeles axap di kusu dina ravasu ngan leme Jerusalem tino nga.
15552	PSA 97:8	O Leeme Silok, limixin me Saion dik lek, la laramenemen silok at leme Juda di sosoro atla u tong asu lavapaase ramtaba ina ram mi lodoxoma mokmokso.
15609	PSA 102:22	Kuren la limixin dinabap kip aurut laasen taram to Saion, la dinaba emi asu minu ro xeneng Jerusalem.
15678	PSA 105:5	Nemi livipisik li at ne Abaram, laradi gugu at ne Moroa, la nemi livipisik li at ne Jakop, mo laradi ne Moroa ga soxolik ka i. Minam doma aklen ti lempanga sangsangu ne Moroa ga lox i, la mo levenmumuat neni ga raba limixin munepen min.
15683	PSA 105:10	Leeme Silok ga lok lekabus mi ne Jakop, mo lekabus ua naba nemen amisik la noxo xap.
15684	PSA 105:11	Ni ga lok ti ne Jakop keretna, “Nia anaba raba u mi na lenep silok Kanan, la na lenep kangka naba nemen ngan ataram axa.”
15690	PSA 105:17	Ketla neni ga riki amgo lara laradi uto Isip, laasen teren ne Josep, mo diga sesep min kusu naba ravasu ngan lasaxaruki go.
15692	PSA 105:19	Josep ga nemen ngan laradi xokoxo, ga se ap mo laaleng lavapaase ali ren ga soorun. Levelinga at Leeme Silok ti ne Josep ga lox asuusu i do neni goxo raba rulu i.
15694	PSA 105:21	Neni ga lok li ne Josep kusu nam gomgonga lagavaman teren. La ga lok li box i ri lok tatao mavana ap mo lenep silok Isip.
15696	PSA 105:23	Melemu ne Jakop eburu mi limixin teren diga beles ukeneng Isip, la digara nemen ta go ap mo lenep silok.
15818	PSA 108:9	Nia a ruuna mo lunep Gileat la Manase, la lenep Epraem bok ni lavatkiam tarak i tu katling ia at leesep. La lenep Juda ik lox asuusu lubung amgomgo ri limixin tarak.
15891	PSA 114:1	At laaleng limixin me Israel, nedi livipisik li at ne Jakop, diga vas kaxat boro Isip. Diga on basinge lara lubung mixin at lavapaase vetpes.
15892	PSA 114:2	Nedi leme Juda diga ravasu ngan limixin kaala at ne Moroa, la nedi leme Israel diga ravasu bok ngan limixin tinotno ren.
15893	PSA 114:3	At lavatpas atdi boro Isip, Loxontas Memele ga ven tangarang di la ga sonao, la ladan sen Joridan ga mes korop,
15895	PSA 114:5	Tila ba la nenu loxontas uga sonao, la tila ba la nenu ladan sen Joridan uga mes korop?
15897	PSA 114:7	Lavatkangka axap, una dede at lovotpot at Leeme Silok, atla ne Moroa at ne Jakop naba ru asaxaven.
15935	PSA 116:19	Anaba lox i na ro at lemelua saparap loogu xaala ram, keneng tinotno at lemenemen Jerusalem. Leemi asu ri Leeme Silok.
15936	PSA 117:1	Nemi axap limixin kopmen nemi me Juda, mina emi asu mi Leeme Silok. Limixin at lengkot axap, mina xip aurut laasen teren.
16159	PSA 122:2	La ananga nedik tara vubeles pam at langas povolo la tara tu nga ro xeneng at lemenemen silok Jerusalem.
16163	PSA 122:6	Nemi mina sing kusu limila nak lok to lemenemen Jerusalem keretna, “Nedi di vavara aleng na lemenemen, dina ngasang kobot.
16165	PSA 122:8	Nia a lok lisingising mumu lemenemen Jerusalem keretna, “Limila nak lok keneng teren.” Ak lox i xerepmo kusu lentaba rak la larapentangas tarak dinaban tuuna lorooro nunuan.
16180	PSA 125:2	Larakaana dit kis kangkan lemenemen Jerusalem, la kerepmo bok Leeme Silok nabang kan pe axap limixin teren monga la at levenaleng axap i tu melamgo.
16199	PSA 128:5	Naba lox avukat do Leeme Silok boro Saion, naba lox anarong nimi. Naba lox avukat bok do at levenaleng axap at lorooro atnimi minaba ven lemenemen Jerusalem na vosok.
16221	PSA 132:2	Leeme Silok, una doxoma aklen ti mo laxakaape ren gara lok pam i ru. Nenu Lanaraavuk ne Moroa at ne Jakop. Devit ga lok keretna,
16224	PSA 132:5	naba se rinotno at loxonaleng anaba lok katling tenep kangka ri Leeme Silok ngan ta lang kolonu ri lok loogu ri Lanaraavuk ne Moroa at ne Jakop.”
16225	PSA 132:6	Nema maga ronga levelinga ro Betilem mumu lobokis at lekabus la maga long lenget kaka i ro at laraamang gak lok saparap lemenemen Jaar.
16247	PSA 135:4	Neni ga soxolik kaka limixin at ne Jakop kusu tin. Neni ga soxolik ka limixin me Israel kusu ateren akmokso.
16264	PSA 135:21	Mina emi asu mi Leeme Silok to xeneng Saion, neni ik lok to xeneng at langkolonu aulis teren Jerusalem. Leemi asu ri Leeme Silok!
16295	PSA 137:5	Do ana domampe lemenemen aulis tarak Jerusalem, ba lox avukat anoxo epovo xusu ana sak bok ba ligita rak mo!
16296	PSA 137:6	Do ana domampe lemenemen Jerusalem la anoxo doma bok ba i ngan neni lavanga loklox amomo rinotno rak, ba lox avukat do anoxo epovo xusu ana vixan bok ba.
16297	PSA 137:7	Leeme Silok, una vorang mo levelinga xapmek leme Edom diga lox i gano. Ap mo laaleng leme Babilon diga sele utut lemenemen Jerusalem la digara vaxat kaka nema. Una vorang mo levelinga atnedi leme Edom diga tong amisik i do, “Mina sele utut asi Jerusalem ukopok at laxangka!”
16416	PSA 146:5	Laradi naba ruuna xaka lomomo mo do neni na siam kaka ne Moroa at ne Jakop kusu tik lok tooro i, la neni i nunu saga at Leeme Silok ne Moroa ren,
16423	PSA 147:2	Leeme Silok ira vaxaru li amu lemenemen Jerusalem. Neni ira lam kaka amlong limixin kokoxo.
16433	PSA 147:12	O leme Jerusalem, mina emi asu mi Leeme Silok! O leme Saion, mina emi asu mi ne Moroa atnimi!
23215	MAT 1:2	Abaram neni temen ne Aisak; Aisak neni temen ne Jakop; Jakop neni temen ne Juda eburu mi luvutneton;
23216	MAT 1:3	Juda neni temen ne Peres mi ne Sara. (Nenen du laasen teren ne Tema); Peres neni temen ne Esron; Esron neni temen ne Ram;
23218	MAT 1:5	Salmon neni temen ne Boas (Raap neni nenen); Boas neni temen ne Obet (Rut neni nenen); Obet neni temen ne Jesi.
23219	MAT 1:6	Jesi neni temen ne Devit, loorong. Devit neni temen ne Solomon (nenen ni latkin at ne Uraia);
23221	MAT 1:8	Asa neni temen ne Josepat; Josepat neni temen ne Joram; Joram neni temen ne Usaia;
23222	MAT 1:9	Usaia neni temen ne Jotam; Jotam neni temen ne Eas; Eas neni temen ne Esekia;
23223	MAT 1:10	Esekia neni temen ne Manase; Manase neni temen ne Amon; Amon neni temen ne Josaia;
23224	MAT 1:11	Josaia neni temen ne Jekonia eburu mi luvutneton. Ap mo levenaleng limixin esep boro Babilon diga lok ka limixin me Israel uto Babilon ti loxokoxo.
23225	MAT 1:12	Melemu at nai, ne Jekonia neni temen ne Salatiel; Salatiel neni temen ne Serababel;
23228	MAT 1:15	Eliuda neni temen ne Eliasa; Eliasa neni temen ne Matan; Matan neni temen ne Jakop;
23229	MAT 1:16	Jakop neni temen ne Josep, latlok at ne Maria, nenen ne Iesu, ga ruuna ka laasen do Lanarong.
23231	MAT 1:18	Anai ni leretere ri livipisik at ne Iesu Karisito. Maria, nenen ne Iesu diga ora ka i xusu latkin ti ne Josep, ketla kovisi du goxo epot, Maria ga long lenget ka i do neni mo ga balan madak mi lolos at Loroonan Kaala.
23232	MAT 1:19	Ne Josep, latlok teren, neni lagale laradi la ga mumu asu avukat Laulis Linga at ne Moses. Ga lok lodoxoma ren kusu na ke xepe ne Maria. Ketla neni goxo vara i xusu na lox amangan i ro at lemeren limixin axap. Neni ga lok do na lok kepe nemnem mene i.
23233	MAT 1:20	Josep gam doma mumu i na la at lara laxanimin laangelo at ne Moroa ga vot saparav i at loromtobo la ga lok, “Josep. Livisik li at ne Devit. Nemen gat uta marat kusu una lok ka ne Maria ngan latkin tu, mila mo labalan madak neni i ruuna i, neni at Loroonan Kaala.
23237	MAT 1:24	La ne Josep ga xatu kaxat ap mo laaleng petpes la ga mu asu levelinga at laangelo at Leeme Silok ne Moroa, la ni ga epot ka ne Maria.
23238	MAT 1:25	Ketla neni goxo midi eburu mi ne Maria, se neni ga visik lamdak teren. La ne Josep ga so asen i mi ne Iesu.
23239	MAT 2:1	Maria ga visik ne Iesu ro Betilem, at lenep silok Judaia. Ap mo levenaleng ne Erodes ga nemen ngan loorong. Melemu lentaba luvuttadi leklen at larapenti digat pas boro at lenep laxangking it losu e uto Jerusalem
23240	MAT 2:2	la diga sue limixin me go, “Lumumulum ua diga visix i kusu neni Loorong Silok ti limixin me Judaia? Maga ven lenti ren to at lenep laxangking it losu e, la marat pas ude xusu mana lotu saparav i.”
23241	MAT 2:3	Erodes ga ronga i na, la lebelen ga xatu, la limixin axap go Jerusalem lebelendi ga xatu bok.
23243	MAT 2:5	La diga vorang i rin keretna, “To at lemenemen Betilem at lenep Judaia, mila leeme vapaase ali ga malagan i xeretna,
23244	MAT 2:6	‘Lemenemen Betilem at lenep Juda, neni i silok aleng ti levenmenemen petpes to Juda. Tara me dom naba vot ngan laradi gomgo la naba lok tatao limixin tarak mede Israel kerekngan laradi loklok tatao sipsip.’”
23251	MAT 2:13	Se mo luvuttadi leklen diga vas kaxat pam, laangelo at Leeme Silok ne Moroa ga vot parap ne Josep keneng at loromtobo. La ga lok, “Una xatu kaxat la una lok kaka lamdak eburu mi nenen la mina sixiro uto Isip. Mina nemen go se nenia anaba tong i rinimi do mina on basinge mo lenep, mila ne Erodes mo naba reven pupuke ri lamdak kusu na sev amer i.”
23252	MAT 2:14	Kuren la ne Josep ga xatu kaxat, la ga lok kaka lamdak eburu mi nenen, la ap mo mene laxanimin diga vas kaxat basinge mo lemenemen Betilem la uto Isip.
23255	MAT 2:17	La mo levelinga, ne Moroa ga vaase i at lungusno at leeme vapaase ali ren ne Jeremaia ga soorun, la ga lok keretna,
23257	MAT 2:19	Melemu at lanmet at ne Erodes, laangelo at Leeme Silok ne Moroa ga vot saparap ne Josep keneng at loromtobo to Isip.
23259	MAT 2:21	Kuren la ne Josep ga xatu kaxat, la ga lok ka lamdak eburu mi nenen la digamlong uto Israel.
23260	MAT 2:22	Se ne Josep ga ronga i do ne Akeleas mo ga lok ka lixitkis at ne temen, ne Erodes, ngan loorong boro Judaia, neni ga marat kusu ti nemen go. La laangelo ga raba linga manga i xeneng at loromtobo, kuren la digat pas uto at lenep silok Galili.