13945	PSA 1:2	Ketla, di suma ka lomomo atla di mumu asu Laulis Linga at Leeme Silok, la dim doma mumu amisix i at levenaleng kangking la at levenaleng kanimin bok.
13947	PSA 1:4	Ketla limixin kapmek dixok lok kuren. Di lok ngan mun levempusuvus at levenbeo, lamanman it mas kepe i.
13959	PSA 2:10	Kuren la nemi lavaorong, mina xasep at levelinga rak la nemi lubung amgomgo at na lavatbung menemen, mina ronga avukat na levempapaase aronga.
13965	PSA 3:4	Ketla nenu, Leeme Silok, amisik nenu Lenban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.
13974	PSA 4:4	Ketla mina xasep do Leeme Silok ira soxolik ka vam limixin manmanton kusu tin, la ing tonga ia do a toro rin.
13978	PSA 4:8	Ketla mo lomomo rak tu, ne Moroa, i volo mo lomomo nedi dinaba ruuna i, ap mo laaleng levempipisik at leventaamang piao eburu mi laxadan vaen na umsu aleng.
13987	PSA 5:8	Ketla mumu mene labalamu silok taram, u ke avolo ia xusu ana vubeles at loogu laplavang taram i melemelengan. La ana lotu saparav u go, la ana xis tintiding saparav u mi loklok ngangao.
13991	PSA 5:12	Ketla nedi dik lok keneng at loklok tatao ram, dina momo la dinak pixan momo amisik. Una lok see atnedi di vavara aleng u. Nedi di momo aleng mumu mun u.
14011	PSA 7:8	Kuren la unak lok bubua ka axap limixin saparav u, la unam gomgonga di boro vana at lixitkis orong taram.
14019	PSA 7:16	Ketla nedi xa di onon at larapelixo di lili i ri leventaba vetpes.
14020	PSA 7:17	Kuren la di ruuna ka losongsongot mumu xa laxakapmek atnedi. La lemusak mi leesep di gagas min ti leventaba vetpes i lok kapmek axa di.
14039	PSA 9:8	Ketla Leeme Silok, neni Loorong Avolo la naba nemen amisik kuren, la kopmen tekavaxap teren. Ira lox agagas li vam loxonin orong teren ti viila mumu loklok at limixin.
14047	PSA 9:16	Lavamolon diga xe lemet kusu ti sep limixin taram. Ketla nedi xa diga subu tup teren, nedi xa diga onon at larapelixo atdi.
14057	PSA 10:5	Laradi xapmek ipnovos at levempanga axap ni ik lox i. Ketla ni ixo epovo na xasep avukat at lavapaase ramtaba ina at ne Moroa. Neni i paase aksaksa ri limixin munepen min.
14058	PSA 10:6	Neni ik lok tin axa xeretna, “Kopmen tepanga naba lox abulu ia la ana ekip tangarang mi levenmumuat at lorooro axap tarak.”
14062	PSA 10:10	Kopmen tara go ti lok tooro di, kuren la ip sev asi di la di subu uto xopok, la lolos silok teren ik lok kakapmek tino di.
14065	PSA 10:13	Kereva lodoxoma at limixin kakapmek? Dim taba sinta ne Moroa, la dim doma i do, “Neni noxo lox asongot dik.”
14066	PSA 10:14	Ketla nenu, Leeme Silok, u ven lenget ka mo levenmumuat la levesongsongot dik lox i ri limixin baava, la u gagas amisik kusu una lok tooro di. Limixin pakpakes di vot pasa u xusu una lok tooro di atla nenu laradi loklok tooro at limixin pakpakes.
14071	PSA 11:1	Nia a nunu saga at Leeme Silok, ni laradi xumkubak pe ria. Kuren la anoxo ronga res at limixin tangtangku di tong i ria dola, “Una rava oo ngan lapka uto vana at lempatkaana,
14079	PSA 12:2	O Leeme Silok. Lok tooro nema. Kopmen bok ba taradi avukat go i nemen. U noxo ven kaka bok ba taradi ruturun go ik lok kantubu at limixin axap.
14083	PSA 12:6	Ketla Leeme Silok i vaase xeretna, “Na nia anaba vot, atla di lox abaava limixin dik pakes. La nedi di sev asongot labantuxu atdi mo dit mes silok mi losongsongot. Anaba raba nedi limixin baava mi nom lixitkis avukat ding kongkat tin.”
14088	PSA 13:2	O Leeme Silok, ningisa ba unaba doma su rak? Kereva, u domampe rino nga ia? Tila rinotno la u lipe lamaram basinge ia?
14092	PSA 13:6	Ketla a nunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge limixin munepen minia. O Leeme Silok. Anabak pixan tu, atla ugara lox anarong pam ia.
14093	PSA 14:1	Mo limixin di doma i do, “Kopmen tomoroa go.” Nedi limixin tangtangku. Lodoxoma atnedi i bilingot axap tino mi laxakapmek. La dira lok pam levempanga ik lok kapmek aleng tinotno, kopmen tara atdi i lok levempanga i lox avukat.
14095	PSA 14:3	Ketla nedi axap digara oon soogong pam, lorooro atnedi axap ira mau axap pam. Kopmen tinotno tara atdi ik lok lempanga i lox avukat, kopmen tinotno tegesara.
14096	PSA 14:4	Leeme Silok i sue xeretna, “Kopmen dinaklen leventaangas nunuan? Kereva, nedi axap na dik lok laxakapmek, kopmen takleklen atdi? Dip kip pilo amisik limixin tarak, la kopmen tinotno dina ngising tia.”
14097	PSA 14:5	Ketla melemu dinaba lingun aleng, atla ne Moroa i nemen eburu minedi limixin di mumu asu levelinga ren.
14098	PSA 14:6	Nedi dik lox aekarakat levempanga luvuttadi banbalo di vara i do dina lox i. Ketla Leeme Silok nabak lok see atdi.
14102	PSA 15:3	La kopmen ni na paase asi taasen at tara ukopok. Kopmen na lok tibilinga ri larapen tangas teren, kopla na paase mumu nedi dik lox auret tin.
14103	PSA 15:4	Neni i rexes nedi no ne Moroa i raba rulu nedi. Ketla neni ip kiv aurut levenasen atnedi di mumu asu levelinga at Leeme Silok. Ik lox epovo amisik leveng kakaape ren, keke i do i lolos aleng tin, ni ixo epovo na ke xepe i.
14113	PSA 16:9	Kuren la lorooro rak i umsu mi lomomo, la levelinga rak i paase asu mun lososoro. La kopmen tinotno nia na marat tangarang ka tepanga,
14125	PSA 17:10	Kopmen dina balamu leventaba vetpes. Dit las amisik di.
14130	PSA 17:15	Ketla nia anaba ven lamaram atla nia goxo lok tibilinga. Dola ana aus, anaba umsu mi lososoro atla anaba nemen eburu minu.
14155	PSA 18:25	Kuren la im taba ia mi luunun atla nia aga lok mun leveloklok manmanton la iklen i do nenia laradi sepsen.
14157	PSA 18:27	La uk lok lempanga i dadat tinedi loklok atdi i dadat. Ketla do tentaba dik lok laxakapmek, nenu u lok ngan laradi munepen midi.
14185	PSA 19:4	Kopmen dina vaase asu tevelinga la kopmen bok ata ronga asu i.
14188	PSA 19:7	Laxangking i ravasu ro at lenep kavaxap at lavatbung menemen la ik sixit korop uto at lara lenep kavaxap bok. Kopmen tempanga i epovo na lipe basinge liplivi ren.
14196	PSA 19:15	Nia a vara i do levempapaase rak mi lodoxoma rak nan manton at lamaram. O Leeme Silok, nenu Loxot Loklox Alipe rak, la nenu Lentu Korop Pe rak.
14204	PSA 20:8	Leventaba di nunu saga at leveng karis esep atnedi, la leventaba di nunu saga laxanos atdi. Ketla nedik ta nunu saga at lolos at Leeme Silok, ni ne Moroa atdik.
14224	PSA 22:4	Ketla nenu ut kis at loxonin orong taram ngan Laradi Melemelengan. Nenu mun limixin me Israel di emi asu minu.
14227	PSA 22:7	Ketla nia xopmen bok ba ana ngan laradi, a lok ngan ta laxalon. Limixin axap di lele abulubun ia!
14253	PSA 23:1	Leeme Silok, ni laradi ik lok tatao ia ngan laradi ik lok tatao levesipsip teren. Kuren la a ruuna ka axap levempanga ak pakes tin.
14256	PSA 23:4	Keke i do ana vas beles keneng at langsangan lamain bonot, nia noxo marat. Leeme Silok, u nemen eburu amisik minia, luvuukup mi lakdak taram ik lox amenemen amisix ia.
14276	PSA 25:8	Loklok at Leeme Silok in manton tino la i lox avukat. Kuren la i lox ase limixin kakapmek mi langas i epovo dina mumu asu i.
14301	PSA 26:11	Ketla nenia, ak lox amisik leveloklok in manton. Una lox asuusu lebelen tuntun tia la una lox asepsu ia basinge di!
14303	PSA 27:1	Leeme Silok ni Laxasep la Laradi Loklox Asepsu rak. Nia anoxo marat tangarang ka teta. Leeme Silok neni Loogu Matmatkun tarak ti pe levenaniu. Kuren la nia noxo marat bok ba.
14305	PSA 27:3	Keke i do buaang atnedi limixin esep dina ru xangkan ia, nenia noxo marat. Dola limixin munepen dina lox agagas do dina sev asi ia, nenia move anaba nunu saga at ne Moroa.
14311	PSA 27:9	Kuren la nemen gat uta lipe rak! Nemen uta belemamao ia. Nemen uta musak kepe ia, lasaxaruki ram, atla nenu Laradi Loklok Tooro rak. Nemen uta on basinge ia! Nemen uta raba rulu ia atla nenu ne Moroa, Laradi Loklox Asepsu rak.
14312	PSA 27:10	Keke i do ne tamak mi ne naga duna raba rulu ia, ketla nenu, Leeme Silok, unabak lok tatao ia.
14316	PSA 27:14	Kuren la minam doma ngangais ti Leeme Silok, la mina lolos. Nemen gat mita doma abulubun kepe i, mina nunu saga at Leeme Silok.
14321	PSA 28:5	Kopmen dina ven kisip levempanga Leeme Silok gara lok pam i, kopla at levempanga neni ga rudum li i. Kuren la ni naba lox asongot di la naba sele utut kepe axap tino di.
14333	PSA 29:8	Laxaka ren i lox angne lamatbin, la ingnengne bok lamatbin to Kades.
14342	PSA 30:6	Lumukmusak teren kopmen nak lox abao, ketla loklok nunuan teren i nemen at levenaleng axap at lorooro rak. Kuren la levengkamkabili dan ba sesen su at luxatli rak at laxanimin, ketla lomomo naba ravasu maxantamak suubu.
14344	PSA 30:8	Leeme Silok, ugak lok lempanga nunuan tia. Uga rupe ia ngan loogu matmatkun to at lempatkaana silok. Ketla melemu uga lox alipe manga rak la nia aga marat.
14346	PSA 30:10	O Leeme Silok, uba ruuna ka lavanga salai at lanmet tarak? Luunun salai uba ruuna ka i do nia ana si uto at lamaaut? Kereva, i epovo limixin diga met pam dina emi asu minu? I epovo bok dina tong asu lebelen tuntun lexen taram?
14348	PSA 30:12	Ketla monga lingina ura lok kun pam lanbulu rak mi liriti momo. Ura lok kepe vam lumumuat at labalak, la ura lox aumsu ia mi lososoro.
14349	PSA 30:13	Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.
14356	PSA 31:7	U belengatngas tinedi di lotu saparap leven moroa xaxarang. Ketla nia a nunu saga ram.
14367	PSA 31:18	Leeme Silok, na nia a ro ke ram. Nemen gat uta ke avolo limixin munepen minia dina lox amangan ia. Keke nedi limixin bilinga dina lok mamangan. La dina rakdu aleng kusu dina lok pilo mun at loxonaleng dina si uto xopok at lemenemen at labarongan.
14372	PSA 31:23	Nia aga marat la nia aga nua i do ni ga lok kepe ia basinge loklok tatao ren. Ketla ni ga ronga lanteng tarak, at levenaleng nia aga sing i ri loklok tooro.
14373	PSA 31:24	Nemi luvuttadi mi nunu saga at levelinga at Leeme Silok. Lebelen nimi na ngaongao rin. Leeme Silok ik lok see atnedi luvuttadi ruturun teren. Ketla ni ik lox asongot nedi dit las di, mo losongsongot i epovo rinedi limixin kerepmo.
14378	PSA 32:4	At levenaleng kangking la kanimin, nenu Leeme Silok ugap sev aleeng ia. Kuren la lolos tarak gara ravasu axap pam. Ik lok ngan laxangking at lamaares ik lox avatmang laxangka.
14380	PSA 32:6	Kuren la i lox avukat do limixin tuturun taram dinaba sing saparav u at levenaleng at levenmumuat. Dola langsangan lekarakat i rava beles mu nedi ngan ladanut, kopmen noxo lox abaava di.
14396	PSA 33:11	Ketla leven doxoma gagas teren i nemen amisik, la mo do ni i doma i xusu na lok tavanga, ni nabak lox epovo amisik axa i.
14403	PSA 33:18	Ketla Leeme Silok i reven tatao nedi dik lok ngangao aleng teren, la nedi di nunu saga at labalamu lexen teren.
14424	PSA 34:17	Ketla ik sok tixirixes kepe nedi dik lok laxakapmek, kusu dola dina met, limixin axap dinaba domampe soso mun nedi.
14436	PSA 35:6	Keke langas atnedi na main pe la na gagai, ap mo loxonaleng laangelo at Leeme Silok na sev asubu di!
14438	PSA 35:8	Ketla langsangan lumumuat naba vor asangu nedi, la nedi xa dinaba on at lara pelixo atnedi, la dinaba subu tup at langsangan leeteke!
14439	PSA 35:9	Kuren la nia anaba momo ri Leeme Silok. Nia anabak lek atla neni ga lox asepsu ia basinge di.
14440	PSA 35:10	Anaba tong i ri Leeme Silok mi lodoxoma axap tarak keretna, “Kopmen teta i lok ngan u. Uk lok see amisik at limixin kopmen tololos atnedi basinge limixin lolos, la limixin banbalo basinge limixin loklok papavas.”
14445	PSA 35:15	Ketla do nia aga ekip tangarang mi levenmumuat, diga lok momo. Diga tu xangkan ia, la diga paase aksaksa ria. Limixin kadiong bok digak lox asongor ia, amisik digap sev ia.
14447	PSA 35:17	Leeme Silok. Kereva ura reven kepe amisik di? Una lox asepsu ia basinge leveloklox asongot atdi. Lox asepsu ia basinge na lubunglaion!
14450	PSA 35:20	Kopmen dina paase atnaasan, dim doma xaka levelinga xaxarang kusu dina bala raba limixin loklok mulus min.
14452	PSA 35:22	Ketla nenu, Leeme Silok, ugara ven pam i do nenia ap sepsen. O Leeme Silok, nemen bok ba uta vamngus. Nemen uta nemen paxalom!
14454	PSA 35:24	O Leeme Silok, loklok taram in manton tino. Kuren la una tong atkatla li i ria do nia ap sepse. Nemen uta ke avolo limixin munepen minia dina lok momo aksaksa ria mumu mo lumumuat tarak.
14463	PSA 36:5	Im doma agagas li levempanga xakapmek do ik midi ro at loora ren. Kopmen nak lok tevempanga avukat, la kopmen tinotno nak sok sisixe lempanga xapmek.
14474	PSA 37:3	Ketla nemi mina nunu saga at Leeme Silok la mina lok luvukat mun, kusu minaba nemen at lenep kangka aulis atnimi la minaba rooro avukat.
14482	PSA 37:11	Ketla nedi di lox alixilik nedi, dinaba ruuna ka lenep kangka aulis atdi, la dinaba ngasang kobot la dinaba momo rino mi limila.
14484	PSA 37:13	Ketla Leeme Silok ing longon arup limixin kapmek, atla ni iklen i do ni naba sele utut kepe di.
14486	PSA 37:15	Ketla nedi xa dinaba uu at levenise esep atnedi xa, la levesoso atnedi naba repirivit.
14487	PSA 37:16	I lox avukat do laradi nunuan i ruuna lempanga xakalik mene. Ketla i lok kapmek do laradi i ruuna lapnovos silok la ik lok keneng at laxakapmek.
14491	PSA 37:20	Ketla limixin kapmek dinaba seeve, limixin munepen mi Leeme Silok dinaba xap ngan levempusuvus to laxairing, dinaba sonao ngan lusuxa.
14492	PSA 37:21	Laradi xapmek i ngising panga ketla kopmen na porang amlong i. Ketla laradi avukat ik lok momo rim taba mi leventamtaba ren.
14493	PSA 37:22	Nedi nom Leeme Silok ik lox anarong di, dinaba ruuna ka lenep kangka aulis atdi. Ketla nedi nom Leeme Silok ira lok li vam lasaxaek mavana atdi, ni naba saksu di basinge mo lenep kangka.
14499	PSA 37:28	Atla Leeme Silok, i vavara ri loklok i lox avukat, la kopmen ni na raba rulu luvuttadi di nemen tuturun teren. At levenaleng axap ik lok see atdi. Ketla livipisik li at limixin kakapmek ni naba saksu di basinge mo lenep kangka aulis atdi.
14504	PSA 37:33	Ketla Leeme Silok noxo raba rulu taradi manmanton ti limixin munepen min kusu ni na subu tup at levengkikngen di, kopla ni noxo ke avolo i xusu ni na subu at loxonaleng at lavapaase.
14507	PSA 37:36	Ketla melemu nia aga volo go, la kopmen ta i go, nia aga reven tin, ketla agoxo vuse xaka i.
14527	PSA 38:16	Ketla a nunu saga ram, Leeme Silok. La nenu Leeme Silok, unaba vaase porang ia.
14532	PSA 38:21	Nedi di sepo lununuan mi laxakapmek. Kopmen dina etaba belen minia atla nia a mumu asu langas mokmokso.
14537	PSA 39:3	Nia agak lox atnaasan, la agoxo tong toxolinga. I ruturun tinotno, nia agoxo tong tepanga mumu levempanga nunuan! Ketla lumumuat tarak ga sisilox amisik,
14554	PSA 40:6	O Leeme Silok, nenu ne Moroa atnema. Buaang laxampanga avukat ugara lok pam i rinema. Kopmen tara i nunuan polo u! Ugara lox asuusu vam buaang lempanga sangsangu nunuan tinema. Ixo epovo xusu nia ana tong ampana leexes atdi atla mo levempanga i umsu aleng!
14555	PSA 40:7	Nenu uxo vavara solo ri levelaplavang mi leventamtaba, nenu uxo ngising ti levempanga mi lavanuet kangkedek kusu mana kotos asonao i ro vana at loxonin laplavang, kopla ri levelaplavang ti ves kepe laxakapmek. Ketla uga raba ia mi lubaalung ting tonga res taram.
14556	PSA 40:8	Kuren la nia aga lok tu xeretna, “Nenia nga na, levelinga mumu ia i nemen keneng at Laulis Linga.”
14559	PSA 40:11	Agoxo vam luxun kaka lagale lavavang ti loklok tooro ria xusuk. Nia a tong asu amisik pam i do uk lok tooro limixin la uk lox asoorun levelinga ram tidi. Kopmen agoxo vamngus ti tong asu lixitkis esogo mi labalamu lexen taram to melamgo at lovotpot buru at limixin taram.
14587	PSA 42:7	Lanbulu i suxuna ia nade at loxokoxo xeneng at lemenemen xadiong. Kuren la lodoxoma rak i repukus tin. Im taba ia mi lanbulu silok ngan leretepit paxanao i tepit pavaa ia. Lentaba ik sak pavaa ia ngan ladanut, la ngan ladan i tem soobang su ro at ladan Joridan mo i sesen boro vana at lukaana Emon la Misar.
14601	PSA 44:4	Lubung mixin taram di goxo ruuna xaka nom lenep kangka at teesep. Kopmen di goxo ruuna xaka box i mi lolos atnedi. Diga ruuna ka i mi lolos mun taram, la digaklen i do uga nemen eburu minedi. Nom i ga lox asuusu i do uga balamu di.
14603	PSA 44:6	La mi lolos mun taram, nema ma sak tup mi limixin munepen minema. Keneng at laasen taram ma sev asi di.