13944	PSA 1:1	Lomomo rinedi di raba rulu levelinga loklok tooro at limixin kapmek la dixo mumu asu lampoovo at limixin di lok laxakapmek, kopla dinak lok esogo minedi di paase aksaksa ri ne Moroa.
13946	PSA 1:3	Di lok ngan larauna di suusu ro at lisigege dan, la di pisix akmokso levempeven at levengaaling pipisik at laxampeeve, la levenang atdi kopmen nak mada si, la na mamang. Mo limixin di ngasang kobot at levempanga axap di lox i.
13948	PSA 1:5	At laaleng ne Moroa na viila mumu loklok at limixin axap, ni naba lok li lumumuat mavana at limixin kapmek, la naba solasu xepe di basinge limixin akmokso ren.
13949	PSA 1:6	Limixin manmanton dit pas keneng at loklok tatao at Leeme Silok, ne Moroa, ketla nedi di mumu asu langas kapmek, dinaba seeve.
13950	PSA 2:1	Tila ba, limixin at levenabung mixin petpes di sevut li leventaangas kapmek kusu dinoxok lok maxopok at ne Moroa? Tila ba limixin di mumu asu lodoxoma gamasa xerepmo?
13951	PSA 2:2	Lavaorong at na lavatbung menemen, di gagas ti esep eburu mi ne Moroa. La luvuttadi amgomgo dit kis buru ri puse ngas ti lox asi Leeme Silok, eburu mi Lanarong no neni ga soxolik ka i.
13960	PSA 2:11	Mina lotu saparap ne Moroa mi loklok ngangao, la mina pavanga i mi lanmarat.
13961	PSA 2:12	Minat kis tintiding to melamgo ren. Naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.
13964	PSA 3:3	La di paase mumu ia la dik lok keretna, “Moroa noxo lok tooro i.”
13969	PSA 3:8	Ude u, Leeme Silok! Lox asepsu ia, Moroa rak! Unaba lox i atla uk lox asongot limixin munepen minia, la uk lok kepe lolos basinge di kusu di noxo lox asongor ia.
13972	PSA 4:2	O Moroa, nenu Lentupe ria! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Monga una lox asuusu lebelen tuntun taram tia la una ronga lising tarak.
13975	PSA 4:5	Mi guta ke gat lebelemamao na sat arup nimi at laxapmek, la mina ke xepe libilinga. Do minak midi at laraora atnimi, minak midi pilo la minam doma mumu avukat na levelinga.
13976	PSA 4:6	Minaplavang ti Leeme Silok mi levempanga naba lox epovo at lodoxoma ren, la minat kis la mina nunu saga ren.
13978	PSA 4:8	Ketla mo lomomo rak tu, ne Moroa, i volo mo lomomo nedi dinaba ruuna i, ap mo laaleng levempipisik at leventaamang piao eburu mi laxadan vaen na umsu aleng.
13982	PSA 5:3	Una ronga res at lerengteng tarak ti loklok tooro. Nu ne Moroa rak la Loorong Silok tarak! Nia a sing tu. O Leeme Silok,
13990	PSA 5:11	O Moroa, una vaase asi di la una lox asongot di. Naba lox avukat do mo leveloklok kakapmek atnedi naba lox asuusu levenmumuat silok tidi. Una xala xepe di basinge u, mumu loklok kakapmek mi lorongtonga xepe atnedi saparav u.
14005	PSA 7:2	O Leeme Silok, nu ne Moroa rak. Anaa nia a vot saparav u kusu una lok see rak. Una lok tooro ia la una lox asepsu box ia basinge nedi di xala mu rak.
14007	PSA 7:4	O Leeme Silok, la nu ne Moroa rak, dola aga lok pam tibilinga ri tara, la dola aga bala vukpuk tara tarapentangas tarak, kopla aga lok tavanga i lok kapmek tino ti laradi munepen minia la kopmen tavasuun teren, kopla aga xarang taba tara. Dola nia agara lok pam tevempanga at na i,
14013	PSA 7:10	Nenu ne Moroa manmanton la u viila mumu levendoxoma atnema, la lavavara bok atnema. Una lox axap loklok kakapmek at limixin kapmek. La una raba luunun ti limixin nunuan.
14014	PSA 7:11	Moroa ni Lurutu See Pe rak. Neni ik lox asepsu nedi di mumu asu levelinga ren.
14015	PSA 7:12	Moroa ni lagale laradi rongtonga linga la levelinga ren ik mokso. Amisik ni i paase asi limixin kapmek.
14016	PSA 7:13	Dola kopmen dinak lox ekun loklok atdi, Moroa naba sua ka lavarise esep teren la naba rep tong pen labanara ren la na lox agagas li i.
14018	PSA 7:15	Moroa, una ven ba limixin kapmek di doxoma gagas li leventaangas ti laxakapmek. Dik soxovo li levenmumuat la di xaxarang arup limixin.
14027	PSA 8:6	Nenu uga raba di mi lolos pana at lempanga axap, ketla lolos atdi i lixilik mun ti lolos taram ne Moroa. La uga lox asilok di mi levenasen silok la lisisinang nunuan.
14034	PSA 9:3	Anabak pixan mi lomomo, lavasuun teren ataram. Anabak pixan emi asu minu, ne Moroa, nu Lanaraavuk.
14040	PSA 9:9	Ni im gomgonga lavatbung menemen mi lavapaase mokmokso. Mi lodoxoma mokmokso i viila mumu loklok at limixin boro at larabung mixin.
14043	PSA 9:12	Minak pixan emi asu ri Leeme Silok, mo it kis ngan Lamgomgo rovana Saion. Mina tong axasev i ri limixin at larabung mixin axap mumu levempanga ni gak lox i.
14044	PSA 9:13	Moroa im doma su amisik atnedi ding songot mi laxanmumuat. Neni ixong tonga xepe lerengteng atnedi, ketla ik lox asongot nedi di lox abaava di.
14049	PSA 9:18	Lanmet ni langas at limixin axap dik lok laxakapmek, la tinedi axap bok dik sok sisixe ne Moroa.
14050	PSA 9:19	Moroa noxo domampe rino amisik limixin dik pakes. Moroa noxo ke xepe amisik levendoxoma voovo at limixin banbalo ti loklok tooro la ni noxo lox abulubun kepe amisik di.
14056	PSA 10:4	Laradi xapmek kopmen nak lok ngangao at Leeme Silok. Ik lox aaso, kuren la at lodoxoma ren i lox abulubun ne Moroa.
14057	PSA 10:5	Laradi xapmek ipnovos at levempanga axap ni ik lox i. Ketla ni ixo epovo na xasep avukat at lavapaase ramtaba ina at ne Moroa. Neni i paase aksaksa ri limixin munepen min.
14063	PSA 10:11	Laradi xapmek im doma i do, “Moroa xopmen nam doma solo limixin! Ira vamet pam la kopmen na epovo ri ven ia!”
14065	PSA 10:13	Kereva lodoxoma at limixin kakapmek? Dim taba sinta ne Moroa, la dim doma i do, “Neni noxo lox asongot dik.”
14082	PSA 12:5	“Mi levelinga atdik dik ta lok kaka levempanga dik ta vara rin. La dik ta tong levempanga nedik ta vara i do ata tong i, la ixo epovo tara na sep pepe dik.”
14090	PSA 13:4	O Leeme Silok, nu ne Moroa rak. Doma su rak. Una sep siam at lising tarak. Una raba amlong ia mi lolos tarak. La nemen uta ke xepe ia xusu ana met.
14093	PSA 14:1	Mo limixin di doma i do, “Kopmen tomoroa go.” Nedi limixin tangtangku. Lodoxoma atnedi i bilingot axap tino mi laxakapmek. La dira lok pam levempanga ik lok kapmek aleng tinotno, kopmen tara atdi i lok levempanga i lox avukat.
14097	PSA 14:5	Ketla melemu dinaba lingun aleng, atla ne Moroa i nemen eburu minedi limixin di mumu asu levelinga ren.
14099	PSA 14:7	Nia a vara aleng tinotno i do ne Moroa na sak tiki tara boro Saion kusu na lox asepsu limixin me Israel basinge limixin munepen midi. Melemu limixin me Israel dinaba lok momo dola Leeme Silok na lox asang kobot amu manga di.
14101	PSA 15:2	Neni laradi i mumu asu lavavara at ne Moroa at leventaangas axap, la ik lox amisik leveloklok in manton la levelinga ren i ruturun amisik.
14103	PSA 15:4	Neni i rexes nedi no ne Moroa i raba rulu nedi. Ketla neni ip kiv aurut levenasen atnedi di mumu asu levelinga at Leeme Silok. Ik lox epovo amisik leveng kakaape ren, keke i do i lolos aleng tin, ni ixo epovo na ke xepe i.
14105	PSA 16:1	O Moroa, una lok see rak, a nunu saga ram kusu una kubak pe ia basinge limixin munepen minia.
14112	PSA 16:8	Nia a xasep amisik ti Leeme Silok i nemen to melamgo rak. Mi mo i tu saparap lakngak tino la kopmen tavanga noxo sev asubu ia.
14114	PSA 16:10	atla nenu u noxo raba rulu ia xusu anat pas uto at lemenemen at labarongan, la u noxo ke xepe Laradi Melemelengan taram la labantuxu ren napso.
14121	PSA 17:6	O Moroa, a sing saparav u atla uk lox epovo levesingising tarak. Una xa roolong tia la una ronga levelinga rak.
14133	PSA 18:3	Leeme Silok ik lok see rak basinge limixin munepen, atla neni Loogu Matmatkun tarak. Moroa rak, neni Lurutu See Pe rak, la keneng mun teren nia a nemen matmatkun. I tupe ia ngan Lenban. I tu tooro ia, la i kubak pe ia basinge limixin munepen minia.
14137	PSA 18:7	At lumumuat keneng at lorooro rak, aga ro ke at Leeme Silok. Aga ro ke at ne Moroa rak ti loklok tooro ro xeneng at loogu laplavang teren la ni ga ronga laxaka rak. La ga ronga bok lerengteng tarak ti loklok tooro basinge limixin munepen minia.
14138	PSA 18:8	La ne Moroa ga musak di la ga lox angne lavatkangka la lempar abuxumkun at lempatkaana gang nengne.
14152	PSA 18:22	Agara mumu asu Laulis Linga at Leeme Silok. A goxo raba sinta ne Moroa rak.
14161	PSA 18:31	Na ne Moroa, loklok teren in manton tino. Dola ni na xaape mi tavanga, ni naba lox i. La neni Lenban tinedi di vot pasa i xusu na lok see atdi.
14162	PSA 18:32	Leeme Silok, neni xusuk ne Moroa. Moroa xusuk i lok ngan Lentupe ridik.
14163	PSA 18:33	Neni mun ne Moroa ik lox alolos ia, la neni mun ik lok tatao lavatpas tarak.
14177	PSA 18:47	Leeme Silok ni Luntoo Avolo rak. A emi asu min, ni Lentupe ria. Ana tong asu i ri limixin do ne Moroa i silok aleng la ik lox asepsu ia basinge limixin munepen minia.
14181	PSA 18:51	Moroa im taba lolos silok ti loorong teren kusu nak sak tup mi limixin munepen min. Ik lox asuusu labalamu lexen teren ti no lara neni xa ga soxolik kaka i, ti ne Devit la ri luvuttubuno avolo umelemu.
14183	PSA 19:2	Laxalibet ik lox asuusu lisisixam at ne Moroa. La levempanga axap go ik lox asuusu lugugu silok neni ga lox i.
14186	PSA 19:5	Levempapaase atdi i ravasu ri limixin at lavatbung menemen axap. La levelinga atdi it pas ti latnese at na lavatkangka. Moroa ga lok loxot kitkis to vana at lamavangkap ti laxangking.
14190	PSA 19:9	Laulis Linga at Leeme Silok ik mokso aleng, la nedi di mumu asu i di momo. Levempapaase ali at ne Moroa i nunuan, la im taba lodoxoma avukat ti limixin.
14198	PSA 20:2	Ma sing Leeme Silok, ni ne Moroa at ne Jakop, do ni naba ronga ram dola una ekip tangarang mi lumumuat, la naba lok see ram!
14199	PSA 20:3	Ma sing box i do loklok tooro ru naba laa boro xeneng at loogu laplavang teren, la loklok tooro bok tu naba vot boro Saion at lakaana ren.
14200	PSA 20:4	Ma sing box i do ni naba siam ka ampana letaba ram, la ni naba momo rino bok mi levelaplavang taram.
14201	PSA 20:5	Ma sing box i do ni naba raba box u mi lempanga ung kongkat tin, la ni naba lox asoxos levendoxoma gagas taram.
14202	PSA 20:6	Do Leeme Silok na lox epovo na levesingising la una sak tup mi limixin munepen minu, manabap kup mi lomomo, la manaba lok katling i mi leemi asu ri ne Moroa. Ma sing Leeme Silok naba lox asoxos axap levesingising taram.
14203	PSA 20:7	Na nia aklen i do Leeme Silok im taba lolos ti loorong soksoxolik teren kusu ti sak tup mi limixin munepen min. Neni i paase porang levelinga ro at loxot melemelengan teren keneng at lebelen laxalibet at ne Moroa. At lolos axa ren neni im taba i mi lolos avolo aleng ti sev asi limixin munepen.
14204	PSA 20:8	Leventaba di nunu saga at leveng karis esep atnedi, la leventaba di nunu saga laxanos atdi. Ketla nedik ta nunu saga at lolos at Leeme Silok, ni ne Moroa atdik.
14220	PSA 21:14	Leeme Silok, ma emi asu minu, ti mo langsangan lolos taram! Manabak pixan la mana emi asu mi leveloklok taram i lolos aleng.
14222	PSA 22:2	Moroa rak, Moroa rak, tila u raba rulu ia? Arang teng pupuse aleng ti loklok tooro ram, ketla uxo lok tooro ia.
14223	PSA 22:3	Moroa rak, a toro ru at laxanaleng kangking, la uxo vorang lisingising tarak. La at levengkanimin bok a toro ru, ketla uxok lox amamana labalak.
14224	PSA 22:4	Ketla nenu ut kis at loxonin orong taram ngan Laradi Melemelengan. Nenu mun limixin me Israel di emi asu minu.
14230	PSA 22:10	Nenu mene, ne Moroa, uga lox asu avukar ia at lebelen ne naga at laaleng pipisik tarak. Nenia nove aga xadede, uga lok tatao avukar ia.
14231	PSA 22:11	Agam doma saga ram, ga ru xaka i at laaleng ne naga ga visix ia ren, la at levenaleng axap tarak, nenu mun ne Moroa rak.
14244	PSA 22:24	Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Mina raba asinorong i la mina lotu saparap amisix i!
14247	PSA 22:27	Limixin banbalo dinaba an mais at leveluxa di vavara rin. Nedi di repukus taba Leeme Silok, dinaba emi asu min. A sing ne Moroa na lox anarong di xusu dina ngasang kobot amisik at levenaleng axap i tu melamgo!
14263	PSA 24:5	Leeme Silok naba lox anarong di. Moroa ni Luntoo Avolo atdi la naba tong atkatla li i ridi do nedi limixin sepse.
14264	PSA 24:6	Limixin kerepmo di ngaongao ri ne Moroa, la dit pas amisik ti lotu saparap ne Moroa at ne Jakop.
14265	PSA 24:7	Mina suang soso mene lempatban at langas uat, mina suang axap lempatban diga lox i ganoxa kusu Loorong Silok na vubeles.
14267	PSA 24:9	Mina suang soso mene lempatban at langas uat, mina suang axap lempatban diga lox i ganoxa, kusu Loorong Silok na vubeles.
14270	PSA 25:2	O Moroa rak, a nunu mene ram. Una lok tooro ia kusu ana sak tup mi limixin munepen minia la nia anoxo ruuna ka lainmangan at leesep. Nemen uta ke xepe di xusu dina sev asubu ia la dina lok momo aksaksa ria.
14273	PSA 25:5	Una anasa ia xusu ana rooro mu asu levelinga ruturun taram, atla nenu ne Moroa rak, la uk lox asepsu ia. A nunu saga amisik taram.
14290	PSA 25:22	O Moroa, una lox asepsu leme Israel basinge levenmumuat axap atdi. Una lox asepsu leme Israel, nedi limixin tinotno ram.
14303	PSA 27:1	Leeme Silok ni Laxasep la Laradi Loklox Asepsu rak. Nia anoxo marat tangarang ka teta. Leeme Silok neni Loogu Matmatkun tarak ti pe levenaniu. Kuren la nia noxo marat bok ba.
14305	PSA 27:3	Keke i do buaang atnedi limixin esep dina ru xangkan ia, nenia noxo marat. Dola limixin munepen dina lox agagas do dina sev asi ia, nenia move anaba nunu saga at ne Moroa.
14311	PSA 27:9	Kuren la nemen gat uta lipe rak! Nemen uta belemamao ia. Nemen uta musak kepe ia, lasaxaruki ram, atla nenu Laradi Loklok Tooro rak. Nemen uta on basinge ia! Nemen uta raba rulu ia atla nenu ne Moroa, Laradi Loklox Asepsu rak.
14327	PSA 29:2	Mina emi asu mi laasen silok at Leeme Silok. Mina xis tintiding to melamgo at Laradi Melemelengan do ni na ru asuvos.
14328	PSA 29:3	Limixin di ronga laxaka at Leeme Silok to at levengkot axap at laras la lagale lo Moroa silok ik lox asuusu leretepaavat. Laxaka at Leeme Silok i onon to mavana at laras aaxa.
14334	PSA 29:9	Laxaka at Leeme Silok ingne larauna Ok la it mas kepe larapavaxan una, at loxonaleng limixin axap to xeneng at loogu laplavang teren dinabap kup silok keretna, “Leemi asu ri ne Moroa.”
14339	PSA 30:3	O Leeme Silok, nia agang teng saparav u ri loklok tooro. Nenu ne Moroa rak, la uga lox aroo ia basinge lanmeres.
14341	PSA 30:5	Nemi luvuttadi ruturun teren, minak pixan emi asu ri Leeme Silok! Mina doma lempanga silok Laradi Melemelengan gara lok pam i, la mina tong loklox avukat tin.
14349	PSA 30:13	Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.
14355	PSA 31:6	A lok li loroonan tarak at lukngam. Leeme Silok, nenu ne Moroa u ruturun amisik ti limixin tarak, la unaba lox asepsu ia.
14364	PSA 31:15	O Leeme Silok, lununu rak i tu mun taram, la nenu ne Moroa rak.