13955	PSA 2:6	Ni i lok tidi, “To Saion at lakaana xaala rak, ara vaxaxis aulis li vam loorong tarax e.”
13956	PSA 2:7	Loorong i lok, “Nia anaba vaase asu bok levempanga Leeme Silok i tong atkatla li i. La ni ga lok tia, ‘Nenu ne Nuruk. Ningina nia a lok ngan ne Tamam.
13961	PSA 2:12	Minat kis tintiding to melamgo ren. Naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.
13965	PSA 3:4	Ketla nenu, Leeme Silok, amisik nenu Lenban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.
13968	PSA 3:7	Nia axo marat at legesa sangaun larabin sangaun kobot limixin munepen minia di tu xangkan ia at levengkot axap.
13982	PSA 5:3	Una ronga res at lerengteng tarak ti loklok tooro. Nu ne Moroa rak la Loorong Silok tarak! Nia a sing tu. O Leeme Silok,
13984	PSA 5:5	Nenu xopmen lomoroa no uk lok momo ri libilinga. Uxo esuuxun mi libilinga.
13985	PSA 5:6	Nenu uxo tu ebelen tinotno minedi limixin loklox aaso. U belengatngas tino rinedi axap limixin kapmek.
13989	PSA 5:10	Levempanga salai limixin munepen minia dina tong i, anoxo mu asu i. Nedi mun limixin sepsep tadi. Levelinga atnedi ik sixit nunuan ketla ni levelinga loklox atdan mun la i umsu mi laxaxarang arup kusu dina sev amet limixin.
13990	PSA 5:11	O Moroa, una vaase asi di la una lox asongot di. Naba lox avukat do mo leveloklok kakapmek atnedi naba lox asuusu levenmumuat silok tidi. Una xala xepe di basinge u, mumu loklok kakapmek mi lorongtonga xepe atnedi saparav u.
13991	PSA 5:12	Ketla nedi dik lok keneng at loklok tatao ram, dina momo la dinak pixan momo amisik. Una lok see atnedi di vavara aleng u. Nedi di momo aleng mumu mun u.
13994	PSA 6:2	O Leeme Silok, nemen uta musak la uta vaase sox ia. Nemen uta lox asongor ia keneng mun at lebelemamao ram.
14001	PSA 6:9	Nemi limixin kapmek, uto nimi basinge ia. Leeme Silok ing tonga lerengteng tarak.
14006	PSA 7:3	Naba lok kapmek do dina lok ngan lavatlaion la dina xip kepe ia uto vaxalom la kopmen tara go ri lok tooro ia, la dinaba lais axakalik labantuxu rak.
14010	PSA 7:7	O Leeme Silok, una lox asuusu lebelemamao ram. Una beleku kaxat, la una tupe lumukmusak silok at limixin munepen minia, la una lok tooro ia. Nenu u vavara mene limixin dina rooro ngan limixin manmanton.
14012	PSA 7:9	Nenu laradi rongtonga linga at limixin axap. O Leeme Silok, una ru ria, uklen i do nia laradi sepse.
14013	PSA 7:10	Nenu ne Moroa manmanton la u viila mumu levendoxoma atnema, la lavavara bok atnema. Una lox axap loklok kakapmek at limixin kapmek. La una raba luunun ti limixin nunuan.
14014	PSA 7:11	Moroa ni Lurutu See Pe rak. Neni ik lox asepsu nedi di mumu asu levelinga ren.
14017	PSA 7:14	Ni naba lok kaka levempanga esep teren, la na lok dola na so asu mi levesoso xao ren.
14026	PSA 8:5	Limixin nedi lempanga salai, la uram doma mu solo di. Nedi lempanga gamasa mun, ketla uk lok tatao avukat tino di.
14027	PSA 8:6	Nenu uga raba di mi lolos pana at lempanga axap, ketla lolos atdi i lixilik mun ti lolos taram ne Moroa. La uga lox asilok di mi levenasen silok la lisisinang nunuan.
14040	PSA 9:9	Ni im gomgonga lavatbung menemen mi lavapaase mokmokso. Mi lodoxoma mokmokso i viila mumu loklok at limixin boro at larabung mixin.
14044	PSA 9:13	Moroa im doma su amisik atnedi ding songot mi laxanmumuat. Neni ixong tonga xepe lerengteng atnedi, ketla ik lox asongot nedi di lox abaava di.
14051	PSA 9:20	Leeme Silok, ude u! Nemen uta ke xepe limixin dina lox abulubun kepe levelinga ram! Una lam kaka lavamolon uto melamgo ram la una vaxaru di at lavapaase.
14057	PSA 10:5	Laradi xapmek ipnovos at levempanga axap ni ik lox i. Ketla ni ixo epovo na xasep avukat at lavapaase ramtaba ina at ne Moroa. Neni i paase aksaksa ri limixin munepen min.
14058	PSA 10:6	Neni ik lok tin axa xeretna, “Kopmen tepanga naba lox abulu ia la ana ekip tangarang mi levenmumuat at lorooro axap tarak.”
14060	PSA 10:8	Neni it kis alipe ro at laramenemen, la i gagas kusu nap sev amet limixin nunuan. La neni i kuxut tangais luvuttadi mokmokso,
14065	PSA 10:13	Kereva lodoxoma at limixin kakapmek? Dim taba sinta ne Moroa, la dim doma i do, “Neni noxo lox asongot dik.”
14068	PSA 10:16	Leeme Silok, neni Loorong Avolo la kopmen tekavaxap teren. Nedi di lotu saparap lomoroa vetpes, dinaba sonao rino basinge lenep kangka ren.
14071	PSA 11:1	Nia a nunu saga at Leeme Silok, ni laradi xumkubak pe ria. Kuren la anoxo ronga res at limixin tangtangku di tong i ria dola, “Una rava oo ngan lapka uto vana at lempatkaana,
14075	PSA 11:5	I viila mumu loklok at limixin avukat la limixin kapmek bok. Neni i belengatngas tino ti limixin di los polo Laulis Linga ren.
14076	PSA 11:6	Neni naba soli asi laxao bokbolot la nabak bolot limixin kapmek mi la salpa (sulfur). La naba lox asongot di mi lamanman kapmek iplivi aleng.
14080	PSA 12:3	Nedi axap di vekarang taba, la di velox atdan ka la kerepmo dira xaxarang arup bok di.
14083	PSA 12:6	Ketla Leeme Silok i vaase xeretna, “Na nia anaba vot, atla di lox abaava limixin dik pakes. La nedi di sev asongot labantuxu atdi mo dit mes silok mi losongsongot. Anaba raba nedi limixin baava mi nom lixitkis avukat ding kongkat tin.”
14089	PSA 13:3	Ningisa ba unaba lox axap na levenmumuat nia arap kip tutu min? Lavanisa aleng kangking la kanimin lanbulu silok i nemen keneng at lorooro rak? Ningisa ba unaba lok tooro ia xusu anoxok lok bok ba at loklok tatao at limixin munepen minia?
14091	PSA 13:5	Nemen uta ke avolo limixin munepen minia dina tong i do, “Nedik tara sev asubu vam i.” Nemen uta ke avolo di kusu dina lok momo aksaksa ria mumu i nom.
14093	PSA 14:1	Mo limixin di doma i do, “Kopmen tomoroa go.” Nedi limixin tangtangku. Lodoxoma atnedi i bilingot axap tino mi laxakapmek. La dira lok pam levempanga ik lok kapmek aleng tinotno, kopmen tara atdi i lok levempanga i lox avukat.
14098	PSA 14:6	Nedi dik lox aekarakat levempanga luvuttadi banbalo di vara i do dina lox i. Ketla Leeme Silok nabak lok see atdi.
14099	PSA 14:7	Nia a vara aleng tinotno i do ne Moroa na sak tiki tara boro Saion kusu na lox asepsu limixin me Israel basinge limixin munepen midi. Melemu limixin me Israel dinaba lok momo dola Leeme Silok na lox asang kobot amu manga di.
14100	PSA 15:1	Leeme Silok, nege i epovo na vubeles at loogu xaala ram? Nege i epovo na nemen eburu minu ro Saion at lakaana xaala ram?
14101	PSA 15:2	Neni laradi i mumu asu lavavara at ne Moroa at leventaangas axap, la ik lox amisik leveloklok in manton la levelinga ren i ruturun amisik.
14103	PSA 15:4	Neni i rexes nedi no ne Moroa i raba rulu nedi. Ketla neni ip kiv aurut levenasen atnedi di mumu asu levelinga at Leeme Silok. Ik lox epovo amisik leveng kakaape ren, keke i do i lolos aleng tin, ni ixo epovo na ke xepe i.
14106	PSA 16:2	A tong i ri Leeme Silok, “Nenu Leeme Silok tarak. Levempanga nunuan axap tarak, nenia a ruuna i, nenu axa um taba ia min.”
14108	PSA 16:4	Limixin dit pas uto at levenmoroa vetpes, dinaba ekip tangarang mi laxanmumuat solo. Nia noxo nemen eburu midi at levelaplavang atnedi. La nia noxo lotu saparap levenmoroa atnedi.
14112	PSA 16:8	Nia a xasep amisik ti Leeme Silok i nemen to melamgo rak. Mi mo i tu saparap lakngak tino la kopmen tavanga noxo sev asubu ia.
14117	PSA 17:2	Nenu uklen leveloklok in manton, kuren la unaba ronga linga rak la unaba ru ria.
14118	PSA 17:3	Uklen lorooro rak. Uga vot pasa ia at laxanimin la uga viila mumu axap lorooro rak, u goxo vuse kaka tibilinga rak. Nenia axo paase kapmek,
14122	PSA 17:7	Una lox asuusu nom labalamu avukat taram la una lox asepsu ia. Nia at kis esogo minu la kopmen nia ana marat at limixin munepen minia.
14126	PSA 17:11	Nanga ding kan ia, at levengkot nia a tepukus taba ve, di mamat mu amisix ia kusu dina sev asubu ia.
14132	PSA 18:2	O Leeme Silok. A vavara aleng tu! Nenu Lentupe ria.
14140	PSA 18:10	Ni ga vaxat kuang laxalibet la ni ga vas si ude xopok, mi loxontakabu bibi maxopok at luxangkedek teren.
14141	PSA 18:11	Ni ga xis pana at lavanga raptava ren (cherubim) la ga rava si soso min ude xopok ngan lamanman silok.
14142	PSA 18:12	Ni ga xua pe i mi lubuxumin. Lengkon takabu lolos ga umsu mi laxadan gak lok kangkan i.
14145	PSA 18:15	Ni ga so limixin munepen mi laxasoso ren, la diga oo epeseves, la diga sixiro basinge laxasep at lavanga ga mam etitit.
14148	PSA 18:18	Ni ga lox asepsu ia basinge limixin lolos diga munepen minia, la basinge bok di, di belengatngas tia. Nedi diga lolos polo ia.
14149	PSA 18:19	Nia ga nemen keneng at lumumuat, diga esep minia, ketla Leeme Silok ga lok see rak.
14150	PSA 18:20	Ni ga lok tooro ia basinge laniu, la ga lox asepsu ia atla ni ga lok momo minia.
14153	PSA 18:23	Agara mumu asu amisik leventaangas axap teren. Nia goxo ronga xepe at levempapaase ali ren.
14161	PSA 18:31	Na ne Moroa, loklok teren in manton tino. Dola ni na xaape mi tavanga, ni naba lox i. La neni Lenban tinedi di vot pasa i xusu na lok see atdi.
14163	PSA 18:33	Neni mun ne Moroa ik lox alolos ia, la neni mun ik lok tatao lavatpas tarak.
14164	PSA 18:34	Neni mun i su auru ia at lavatpas tarak ngan lavanga mi lavanuet kangkedek it pas matmatkun. Ik lok tatao box ia rovana at lempatkaana.
14168	PSA 18:38	Nia ga xala limixin munepen la aga rebeng alis kaka di. Nia goxo lok mamas se aga sev amet axap di.
14180	PSA 18:50	Ni lavasuun teren la nia ana emi asu minu kantubu at limixin at levenabung mixin petpes. Anak pixan emi asu mi laasen taram.
14195	PSA 19:14	Una lok tooro ia xusu nia noxo lok laxapmek ua nenia a vara i. Nemen uta ke xepe i na sak pavaa ia xusu nia anaban manton la anaba sepmus basinge lolos at libilinga.
14196	PSA 19:15	Nia a vara i do levempapaase rak mi lodoxoma rak nan manton at lamaram. O Leeme Silok, nenu Loxot Loklox Alipe rak, la nenu Lentu Korop Pe rak.
14203	PSA 20:7	Na nia aklen i do Leeme Silok im taba lolos ti loorong soksoxolik teren kusu ti sak tup mi limixin munepen min. Neni i paase porang levelinga ro at loxot melemelengan teren keneng at lebelen laxalibet at ne Moroa. At lolos axa ren neni im taba i mi lolos avolo aleng ti sev asi limixin munepen.
14211	PSA 21:5	Ni ga sing u ri lorooro, la nu ga raba vam i min, lorooro abao naba baalom aleng.
14214	PSA 21:8	Loorong i nunu saga at Leeme Silok, ni Lanaraavuk. Nom labalamu lexen at Leeme Silok naba tu amisik, kuren la lixitkis orong teren nabak lox amisik.
14219	PSA 21:13	Ni naba xala di mi levesoso ren, la dinaba repukus la dinaba sixiro.
14224	PSA 22:4	Ketla nenu ut kis at loxonin orong taram ngan Laradi Melemelengan. Nenu mun limixin me Israel di emi asu minu.
14229	PSA 22:9	Dik lok tia xeretna, “Nenu ga nunu saga at Leeme Silok, tila neni xopmen na mulus ti lox asepsu u? Dola Leeme Silok i vavara ru, tila ni xopmen na lok tooro u?”
14230	PSA 22:10	Nenu mene, ne Moroa, uga lox asu avukar ia at lebelen ne naga at laaleng pipisik tarak. Nenia nove aga xadede, uga lok tatao avukar ia.
14232	PSA 22:12	Nemen uta nemen paxalom basinge ia! Levenmumuat mo i auret, la kopmen tara ri lok tooro ia.
14236	PSA 22:16	Luxukung tarak ira vatmang axap ngan laxakup, la lagam tarak i xis pe langsuk. Nenu xa u ke xepe ia la ak midi ro at laxangka xusu ana met.
14243	PSA 22:23	Nenia anaba tong asu laasen taram ti luvutnetak. Anaba emi asu minu ro at lovotpot buru atnedi.
14244	PSA 22:24	Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Mina raba asinorong i la mina lotu saparap amisix i!
14247	PSA 22:27	Limixin banbalo dinaba an mais at leveluxa di vavara rin. Nedi di repukus taba Leeme Silok, dinaba emi asu min. A sing ne Moroa na lox anarong di xusu dina ngasang kobot amisik at levenaleng axap i tu melamgo!
14255	PSA 23:3	Neni im taba ia mi lolos maxat. La im lam ase ia keneng at larangas mokmokso, ngan ni gara vaase ali vam i.
14262	PSA 24:4	Nedi mene di dadat at loklok atnedi la lodoxoma atnedi, la kopmen dina lotu saparap laxampoovo moroa la kopmen dina tong asu leveng kakaape xaxarang.
14266	PSA 24:8	Nege na Loorong i silok solo? Ni Leeme Silok la Lanaraavuk. Lolos teren i volo la ik sak tup mi limixin munepen min at levenaleng at leesep. Neni Leeme Silok.
14268	PSA 24:10	Nege na Loorong i silok solo? Neni Leeme Silok, la Lanaraavuk. Neni Loorong Silok.
14270	PSA 25:2	O Moroa rak, a nunu mene ram. Una lok tooro ia kusu ana sak tup mi limixin munepen minia la nia anoxo ruuna ka lainmangan at leesep. Nemen uta ke xepe di xusu dina sev asubu ia la dina lok momo aksaksa ria.
14277	PSA 25:9	Nedi dik lox axakalik di, neni im gomgonga di at langas ik mokso. La i lox ase bok di mi lavavara ren.
14278	PSA 25:10	Nedi di mumu asu lekabus teren eburu mi levempapaase ali ren, neni im gomgonga nedi mi loklok tuturun la labalamu.
14280	PSA 25:12	Nedi ding tonga res at Leeme Silok, ni naba anasa di mi langas dina mumu asu i.
14289	PSA 25:21	Nia a sing u xusu unaba lok tatao amisix ia atla a nunu saga ram, la loklok tarak i nunuan la i ruturun.
14294	PSA 26:4	Nia xopmen ana vemu eburu mi luvuttadi ekarakat. Nia axot kis esogo mi luvuttadi sosolo arup.
14295	PSA 26:5	Nia axo vesum mi limixin kakapmek, la a tu asepsu basinge di.