13945	PSA 1:2	Ketla, di suma ka lomomo atla di mumu asu Laulis Linga at Leeme Silok, la dim doma mumu amisix i at levenaleng kangking la at levenaleng kanimin bok.
13949	PSA 1:6	Limixin manmanton dit pas keneng at loklok tatao at Leeme Silok, ne Moroa, ketla nedi di mumu asu langas kapmek, dinaba seeve.
13951	PSA 2:2	Lavaorong at na lavatbung menemen, di gagas ti esep eburu mi ne Moroa. La luvuttadi amgomgo dit kis buru ri puse ngas ti lox asi Leeme Silok, eburu mi Lanarong no neni ga soxolik ka i.
13953	PSA 2:4	To vana at loxonin orong teren at lebelen laxalibet, Leeme Silok ing longon mumu mo lodoxoma atdi, la i paase kalise ba ridi.
13955	PSA 2:6	Ni i lok tidi, “To Saion at lakaana xaala rak, ara vaxaxis aulis li vam loorong tarax e.”
13956	PSA 2:7	Loorong i lok, “Nia anaba vaase asu bok levempanga Leeme Silok i tong atkatla li i. La ni ga lok tia, ‘Nenu ne Nuruk. Ningina nia a lok ngan ne Tamam.
13963	PSA 3:2	Leeme Silok, limixin solo di munepen minia. La buaang bok limixin di vas taba rulu xepe nga ia, dira munepen minia.
13965	PSA 3:4	Ketla nenu, Leeme Silok, amisik nenu Lenban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.
13966	PSA 3:5	A sing lolos Leeme Silok mo ik lok tovana at lakaana kaala ren Saion la ing tonga ka lanteng tarak kusu ti loklok tooro.
13967	PSA 3:6	A subu midi xopok la a unga, la a nemen avukat at laxanimin axap atla Leeme Silok ik lok see rak.
13969	PSA 3:8	Ude u, Leeme Silok! Lox asepsu ia, Moroa rak! Unaba lox i atla uk lox asongot limixin munepen minia, la uk lok kepe lolos basinge di kusu di noxo lox asongor ia.
13970	PSA 3:9	Leeme Silok ik lok tooro limixin teren la di sak tup mi limixin munepen midi. La a sing i xusu neni naba lox anarong limixin teren.
13974	PSA 4:4	Ketla mina xasep do Leeme Silok ira soxolik ka vam limixin manmanton kusu tin, la ing tonga ia do a toro rin.
13976	PSA 4:6	Minaplavang ti Leeme Silok mi levempanga naba lox epovo at lodoxoma ren, la minat kis la mina nunu saga ren.
13977	PSA 4:7	Buaang nedi di ngising keretna, “O Leeme Silok, una raba nema mi laxaloklox anarong solo. Una lox asuusu amisik lebelemulus tinama.”
13979	PSA 4:9	Dola a subu midi, a unga xeneng at lenmila. O Leeme Silok nenu xusuk, u xok nunuan ia.
13981	PSA 5:2	O Leeme Silok. Una ronga levelinga rak. Una ronga ia, at mes silok.
13982	PSA 5:3	Una ronga res at lerengteng tarak ti loklok tooro. Nu ne Moroa rak la Loorong Silok tarak! Nia a sing tu. O Leeme Silok,
13988	PSA 5:9	O Leeme Silok, buaang limixin di munepen minia! Unamgonga ia xusu ana mumu asu lavavara xa ram. Una lox axasep langas taram kusu nia ana mumu asu i.
13992	PSA 5:13	O Leeme Silok, uk lox anarong nedi di mumu asu levelinga ram. Labalamu ram i tupe di ngan lenban.
13994	PSA 6:2	O Leeme Silok, nemen uta musak la uta vaase sox ia. Nemen uta lox asongor ia keneng mun at lebelemamao ram.
13995	PSA 6:3	O Leeme Silok, lengkot tarak i molo axap; una lox asuusu lebelen tuntun tia! Una lox alolos ia, nia na ara molos axap.
13996	PSA 6:4	O Leeme Silok, labalak i reng aleng. Lingisa ba unaba lok tooro ia?
13997	PSA 6:5	O Leeme Silok, ude u, la una lox asepsu ia. At lebelen tuntun taram una lox asepsu ia basinge lanmet,
14001	PSA 6:9	Nemi limixin kapmek, uto nimi basinge ia. Leeme Silok ing tonga lerengteng tarak.
14003	PSA 6:11	Limixin munepen minia dinaba ekip tangarang mi lainmangan la langsangan lumumuat atla Leeme Silok naba sak tup midi. Soso mun dinaba lok tangtangku la ni naba xala oo di.
14005	PSA 7:2	O Leeme Silok, nu ne Moroa rak. Anaa nia a vot saparav u kusu una lok see rak. Una lok tooro ia la una lox asepsu box ia basinge nedi di xala mu rak.
14007	PSA 7:4	O Leeme Silok, la nu ne Moroa rak, dola aga lok pam tibilinga ri tara, la dola aga bala vukpuk tara tarapentangas tarak, kopla aga lok tavanga i lok kapmek tino ti laradi munepen minia la kopmen tavasuun teren, kopla aga xarang taba tara. Dola nia agara lok pam tevempanga at na i,
14010	PSA 7:7	O Leeme Silok, una lox asuusu lebelemamao ram. Una beleku kaxat, la una tupe lumukmusak silok at limixin munepen minia, la una lok tooro ia. Nenu u vavara mene limixin dina rooro ngan limixin manmanton.
14012	PSA 7:9	Nenu laradi rongtonga linga at limixin axap. O Leeme Silok, una ru ria, uklen i do nia laradi sepse.
14014	PSA 7:11	Moroa ni Lurutu See Pe rak. Neni ik lox asepsu nedi di mumu asu levelinga ren.
14021	PSA 7:18	A tong aorong ti Leeme Silok atla i tong asu lavapaase ramtaba ina mi lodoxoma mokmokso. Ak pixan emi asu ri Leeme Silok, ni Leeme Avolo.
14023	PSA 8:2	Leeme Silok, nenu xusuk mun Leeme Silok atnema. Limixin axap at na lavatbung menemen di ven lempanga uga rudum li i, la kerepmo di ven kibis i do nu u silok aleng. Leemi asu saparav u di ronga i rovana at lebelen laxalibet.
14031	PSA 8:10	O Leeme Silok, nenu xusuk mun Leeme Silok atnema. Limixin axap at na lavatbung menemen di ven lempanga uga rudum li i, la kerepmo di ven kibis i do nu u silok aleng.
14033	PSA 9:2	Leeme Silok, nia ana emi asu minu mi labalak axap. Anaba tong asu axap nom levempanga nunuan nu ga lox i.
14039	PSA 9:8	Ketla Leeme Silok, neni Loorong Avolo la naba nemen amisik kuren, la kopmen tekavaxap teren. Ira lox agagas li vam loxonin orong teren ti viila mumu loklok at limixin.
14041	PSA 9:10	Leeme Silok i tu ngan Loxot Loklox Alipe, la limixin baava di epovo dina vubeles ap mo Loxot Loklox Alipe ren, la dina nemen nunuan e at levenaleng kakapmek.
14042	PSA 9:11	Leeme Silok, nedi dikleklen u, dinaba nunu saga ram. La uxo raba rulu tara do lebelen i ngaongao ru.
14043	PSA 9:12	Minak pixan emi asu ri Leeme Silok, mo it kis ngan Lamgomgo rovana Saion. Mina tong axasev i ri limixin at larabung mixin axap mumu levempanga ni gak lox i.
14045	PSA 9:14	O Leeme Silok, una lox asuusu lebelen tuntun tia! Una ven na levesongsongot limixin munepen minia dik lox i ria! O Leeme Silok. Lox asepsu ia basinge lanmet,
14048	PSA 9:17	Leeme Silok ira lox asuvos pam i keneng at lorongtonga linga at langas ik mokso, la limixin kakapmek dinaba tu at lavapaase mumu leveloklok atnedi.
14051	PSA 9:20	Leeme Silok, ude u! Nemen uta ke xepe limixin dina lox abulubun kepe levelinga ram! Una lam kaka lavamolon uto melamgo ram la una vaxaru di at lavapaase.
14052	PSA 9:21	O Leeme Silok. Una lox amarat di, la una lox asuma xibis di do nedi luvuttadi mun kuren la dina ekip tangarang mi lanmet.
14053	PSA 10:1	Leeme Silok, tila ba u nemen paxalom basinge nama? Tila u lipe basinge nema, dola nema ma ekip tangarang mi lumumuat?
14055	PSA 10:3	Laradi xapmek it las i mi levendoxoma xakapmek teren. Laradi mokmorong i paase aksaksa ri Leeme Silok la im taba sinta i.
14056	PSA 10:4	Laradi xapmek kopmen nak lok ngangao at Leeme Silok. Ik lox aaso, kuren la at lodoxoma ren i lox abulubun ne Moroa.
14064	PSA 10:12	O Leeme Silok, una lox asongot mo limixin kakapmek la una doma nedi limixin ua dim suma mo losongsongot!
14066	PSA 10:14	Ketla nenu, Leeme Silok, u ven lenget ka mo levenmumuat la levesongsongot dik lox i ri limixin baava, la u gagas amisik kusu una lok tooro di. Limixin pakpakes di vot pasa u xusu una lok tooro di atla nenu laradi loklok tooro at limixin pakpakes.
14068	PSA 10:16	Leeme Silok, neni Loorong Avolo la kopmen tekavaxap teren. Nedi di lotu saparap lomoroa vetpes, dinaba sonao rino basinge lenep kangka ren.
14069	PSA 10:17	O Leeme Silok, unabang tonga levesing at limixin di lox alixilik di maxopok taram. La unaba lox abelemes nedi.
14071	PSA 11:1	Nia a nunu saga at Leeme Silok, ni laradi xumkubak pe ria. Kuren la anoxo ronga res at limixin tangtangku di tong i ria dola, “Una rava oo ngan lapka uto vana at lempatkaana,
14074	PSA 11:4	Leeme Silok, mo it kis at loogu laplavang teren i melemelengan. Loxonin orong teren ik lok toxun pana at lebelen laxalibet. I reven tatao limixin axap at lavatbung menemen la ikleklen levempanga axap dik lox i.
14077	PSA 11:7	Loklok at Leeme Silok in manton la i vara mun leven gugu nunuan. Laradi ik lok lempanga avukat nabat kis esogo eburu min to at lemenemen teren.
14079	PSA 12:2	O Leeme Silok. Lok tooro nema. Kopmen bok ba taradi avukat go i nemen. U noxo ven kaka bok ba taradi ruturun go ik lok kantubu at limixin axap.
14081	PSA 12:4	O Leeme Silok. Una vamngus nedi limixin di velox atdan ka, la una vamngus bok nedi limixin dim simi aurut di la dik lok keretna,
14083	PSA 12:6	Ketla Leeme Silok i vaase xeretna, “Na nia anaba vot, atla di lox abaava limixin dik pakes. La nedi di sev asongot labantuxu atdi mo dit mes silok mi losongsongot. Anaba raba nedi limixin baava mi nom lixitkis avukat ding kongkat tin.”
14084	PSA 12:7	I epovo rinotno do ata nunu at leveng kakaape at Leeme Silok atla leveng kakaape ren i lok ngan loxon siliva uat gamgames din tin i at laxao bokbolot ise at lavanuti rintin axap la i nunuan axap.
14085	PSA 12:8	Limixin kakapmek di umsu at lengkot axap la nedi axap di emi asu mi laxakapmek. O Leeme Silok. Una lok tatao avukat nema basinge di. La una lok tooro nema xusu limixin kerepmo di noxo lok kapmek nema.
14088	PSA 13:2	O Leeme Silok, ningisa ba unaba doma su rak? Kereva, u domampe rino nga ia? Tila rinotno la u lipe lamaram basinge ia?
14090	PSA 13:4	O Leeme Silok, nu ne Moroa rak. Doma su rak. Una sep siam at lising tarak. Una raba amlong ia mi lolos tarak. La nemen uta ke xepe ia xusu ana met.
14092	PSA 13:6	Ketla a nunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge limixin munepen minia. O Leeme Silok. Anabak pixan tu, atla ugara lox anarong pam ia.
14094	PSA 14:2	Leeme Silok ik milik si boro vana at lebelen laxalibet, la i reven limixin axap, do ni naba epovo ri ven kaka taradi leklen la tara bok i lotu saparav i.
14096	PSA 14:4	Leeme Silok i sue xeretna, “Kopmen dinaklen leventaangas nunuan? Kereva, nedi axap na dik lok laxakapmek, kopmen takleklen atdi? Dip kip pilo amisik limixin tarak, la kopmen tinotno dina ngising tia.”
14098	PSA 14:6	Nedi dik lox aekarakat levempanga luvuttadi banbalo di vara i do dina lox i. Ketla Leeme Silok nabak lok see atdi.
14099	PSA 14:7	Nia a vara aleng tinotno i do ne Moroa na sak tiki tara boro Saion kusu na lox asepsu limixin me Israel basinge limixin munepen midi. Melemu limixin me Israel dinaba lok momo dola Leeme Silok na lox asang kobot amu manga di.
14100	PSA 15:1	Leeme Silok, nege i epovo na vubeles at loogu xaala ram? Nege i epovo na nemen eburu minu ro Saion at lakaana xaala ram?
14103	PSA 15:4	Neni i rexes nedi no ne Moroa i raba rulu nedi. Ketla neni ip kiv aurut levenasen atnedi di mumu asu levelinga at Leeme Silok. Ik lox epovo amisik leveng kakaape ren, keke i do i lolos aleng tin, ni ixo epovo na ke xepe i.
14106	PSA 16:2	A tong i ri Leeme Silok, “Nenu Leeme Silok tarak. Levempanga nunuan axap tarak, nenia a ruuna i, nenu axa um taba ia min.”
14107	PSA 16:3	Limixin tuturun at Leeme Silok, nedi limixin nunuan. Ak lok momo amisik ti nemen eburu midi.
14109	PSA 16:5	Leeme Silok, nenu mun tarak la kopmen tomoroa bok. Ang sang kobot mumu mun u, la kopmen bok ba tepanga vetpes nia anak pakes tin. Lorooro axap tarak i nemen at lukngam.
14111	PSA 16:7	A emi asu mi Leeme Silok, atla neni im lam lorooro rak, la at leveng kanimin lodoxoma rak i anasa ia mi loklox avukat.
14112	PSA 16:8	Nia a xasep amisik ti Leeme Silok i nemen to melamgo rak. Mi mo i tu saparap lakngak tino la kopmen tavanga noxo sev asubu ia.
14116	PSA 17:1	O Leeme Silok, una ronga lorotoro rak la una ru ria mi levelinga ruturun. Una ronga res at lerengteng tarak saparav u ri loklok tooro. Una ronga na lising tuturun tarak saparav u.
14128	PSA 17:13	O Leeme Silok, ude u. Una esep tangarang limixin di munepen minia, la una sak tup midi. Una lox asepsu ia basinge limixin kapmek mi lavarise esep taram.
14129	PSA 17:14	O Leeme Silok, una lox asepsu ia mi lolos taram basinge nedi limixin at na lorooro di ruuna ka levempanga axap nedi xa di vara i. Una lox asongot di mi levesongsongot nu ga gagas li i ridi, teventaba bok ti laxamdak mi laxaalik atdi, la teventaba naba volo bok ti luvuttubuno avolo atdi.
14132	PSA 18:2	O Leeme Silok. A vavara aleng tu! Nenu Lentupe ria.
14133	PSA 18:3	Leeme Silok ik lok see rak basinge limixin munepen, atla neni Loogu Matmatkun tarak. Moroa rak, neni Lurutu See Pe rak, la keneng mun teren nia a nemen matmatkun. I tupe ia ngan Lenban. I tu tooro ia, la i kubak pe ia basinge limixin munepen minia.
14134	PSA 18:4	A toro ri Leeme Silok, la i lox asepsu ia basinge limixin munepen minia. Leemi asu ri Leeme Silok!
14137	PSA 18:7	At lumumuat keneng at lorooro rak, aga ro ke at Leeme Silok. Aga ro ke at ne Moroa rak ti loklok tooro ro xeneng at loogu laplavang teren la ni ga ronga laxaka rak. La ga ronga bok lerengteng tarak ti loklok tooro basinge limixin munepen minia.
14144	PSA 18:14	To vana at laxalibet, Leeme Silok gap kup butbutki ngan lerepaavat. La limixin axap diga ronga laxaka at Leeme Avolo.
14146	PSA 18:16	To maxopok at lebelen laras gamdi saxaven, la lavara buxumkun at lavatkangka bok gamdi saxaven, at loxonaleng nu Leeme Silok uga musak limixin munepen minu, la uga vaase lolos aleng tidi.
14147	PSA 18:17	Leeme Silok ga song asi boroxun pana la ga rebeng tu rak. La ni ga rev asu ka ia boro xeneng at lamaxat.
14149	PSA 18:19	Nia ga nemen keneng at lumumuat, diga esep minia, ketla Leeme Silok ga lok see rak.
14151	PSA 18:21	Leeme Silok im taba ia mi luunun atla nia laradi manmanton la ni ik lox anarong ia atla nia laradi sepsen.
14152	PSA 18:22	Agara mumu asu Laulis Linga at Leeme Silok. A goxo raba sinta ne Moroa rak.
14156	PSA 18:26	O Leeme Silok, nenu u ruturun tinedi di ruturun saparav u. La uk lox avukat tinotno rinedi din manton tino.
14159	PSA 18:29	O Leeme Silok, um taba ia mi laxasep, la uk lok kepe ia basinge loklok at lamain.
14162	PSA 18:32	Leeme Silok, neni xusuk ne Moroa. Moroa xusuk i lok ngan Lentupe ridik.
14166	PSA 18:36	O Leeme Silok, uk lok see rak la uk lox asepsu ia. Loklok tooro ram ira lox asilok pam ia, la lolos bok taram ga kubak pe ia basinge limixin munepen minia.
14172	PSA 18:42	Digang teng ti loklok tooro, ketla tara goxo lox asepsu di. Diga toro ri Leeme Silok, ketla ni goxo ronga res atdi.
14177	PSA 18:47	Leeme Silok ni Luntoo Avolo rak. A emi asu min, ni Lentupe ria. Ana tong asu i ri limixin do ne Moroa i silok aleng la ik lox asepsu ia basinge limixin munepen minia.
14179	PSA 18:49	la ik lox asepsu ia basinge limixin munepen minia. O Leeme Silok, u raba vam ia mi lolos kusu ti sak tup mi limixin munepen minia, la u lok see rak kusu limixin sepsep di noxo sev asi ia.
14189	PSA 19:8	Laulis Linga at Leeme Silok ik mokso axap. Im taba lolos maxat ti limixin di mu asu i. Levempapaase ali at Leeme Silok, i epovo do dik ata nunu saga ren. La im taba lodoxoma avukat tinedi xopmen todoxoma avukat atnedi.
14190	PSA 19:9	Laulis Linga at Leeme Silok ik mokso aleng, la nedi di mumu asu i di momo. Levempapaase ali at ne Moroa i nunuan, la im taba lodoxoma avukat ti limixin.