1	GEN 1:1	Indeeŋe ta matapopoten kat na, Anutu iur saamba mi toono mi koroŋ ta boozomen.
26	GEN 1:26	Tona Anutu iso: “Iti ko tuur tomtom sa ma kembei ta iti. Ito itundu ruŋgundu. Mi ni ko imboro toono, mi ye, man, mbili, mi koroŋ boozomen ta tikarra pa toono na.”
27	GEN 1:27	Tana Anutu iur tomtom ma kembei itunu ruŋguunu. Ni iuri ma irao kat itunu ruŋguunu. Iur tomooto mi moori.
31	GEN 1:31	Anutu ire koroŋ boozomen ta iur zin na mi iso: “Wai! Iŋgi ambai komboono.” Mbeŋ imar ila, mi mankwoono mini na, aigule iwe lamata mi ta.
32	GEN 2:1	Ina zaala ta saamba, toono, mi koroŋ ta boozomen tipet.
33	GEN 2:2	Indeeŋe aigule iwe lamata mi ru pa na, Anutu keteene su pa uraata kini. Pa uraata kini ta boozomen, ta ni iposop ma imap kek.
35	GEN 2:4	Ina mbol ta iso pa zaala ta saamba mi toono tipet.
36	GEN 2:5	Indeeŋe Merere Anutu iur saamba mi toono matapopoten na, kosa sa indom ma ise pa toono zen. Ke som, mbutmbuutu som. Paso, ni ikam yaŋ ma isu pa toono zen, mi tomtom sa imbot be ikam uraata pa toono zen.
42	GEN 2:11	Namaana ta, zaana Pison. Ina ireere ma ila pa toono Abila. Toono Abila tina na, gol ambaiŋana mi pat ndabokbokŋan pakan timbotmbot pa.
44	GEN 2:13	Mi yok namaana toro ta iwe ru pa, zaana Gion. Ina ireere ma ila pa toono Kus.
45	GEN 2:14	Mi namaana toro ta iwe tel pa, zaana Tigris. Ina ireere ma ila pa lele pakaana ki Asiria ta zoŋ ise pa i. Mi namaana ta iwe paŋ pa na, zaana Euprates.
54	GEN 2:23	Beso tomooto ire i na iso: “Aa buri. Tiroono kembei ta nio tiroŋ, mi mazaana kembei ta nio mozoŋ. Iŋgi Adam ri. Tana nio ko aŋpaati be waeŋ. Paso, ni iyooto pa ituŋ.”
56	GEN 2:25	Indeeŋe mazwaana tana na, tomooto ziru waene len mburu sa be ipakaala zin som. Tamen kan miaŋ som.
57	GEN 3:1	Mooto, ni tomini imbotmbot mokleene. Mi ni le ŋgar biibi kat pa pakaamŋana ma ilip pa koroŋ boozomen ta Merere Anutu iur zin na. Aigule ta na, ni imaŋga mi iwi moori. Iso: “Parei, Anutu iŋgalsek pa niomru be kakan ke ŋonoono sa ta imbot mokleene tiŋgi pepe? Ina ŋonoono?”
78	GEN 3:22	To Merere Anutu iso: “Wai! Iŋgi tomtom le ŋgar kembei ta iti. Pa iute ŋgar ambaiŋana mi ŋgar sananŋana kek. Kokena isemboron namaana pa ke ki mbotŋana mata yaryaaraŋana tomini ma ikan sorok, to imbotmbot ta kembei ma alok.”
80	GEN 3:24	Iziiri zin ma tipet, to iur aŋela mbolŋan ma timbot la mokleene Eden zilŋaana ta imbot la ki zoŋ uunu na, ramaki buza ta you ikanan la mi itortoori, bekena tipakaala zaala ta ila pa ke ki mbotŋana mata yaryaaraŋana.
88	GEN 4:8	Tona Kain isu mi iso pa tiziini Abel. Iso: “A barau, mar na ituru tala tawwa lende ri.” Ziru tipa ma tilae ri, to Kain burup mi ipun tiziini Abel ma imeete.
93	GEN 4:13	Kain ileŋ sua tana, to iso pa Merere ma isombe: “Kadoono ta ur pio na, biibi mete. Irao be aŋbaada na som.
98	GEN 4:18	Timbot ma Enok iwoolo, to ipeebe Irad. Irad imbot ma iwoolo, to ipeebe Meuyael. Meuyael imbot ma iwoolo, to ipeebe Metusael. Mi Metusael, ni ipeebe Lamek.
106	GEN 4:26	Kaimer to, Set ipeebe pikin tomooto ta, mi ipaata zaana be Enos. Indeeŋe gorgor tana na, zin tomtom timaŋga be tikam suŋŋana pa Merere mi tipakur zaana.
107	GEN 5:1	Iŋgi Adam popoŋana kini tipet ta kembei: Indeeŋe Anutu iur zin tomtom na, iur zin kembei ta itunu ruŋguunu.
108	GEN 5:2	Iur tomooto mi moori. Iur zin makiŋ, to ipombol zin mi ipaata zin be ‘tomtom.’
139	GEN 6:1	Indeeŋe tana zin tomtom timasak ma tiwe boozo kek. Mi Anutu lutuunu bizin tire zin tomtom lutun moori bizin ruŋgun ambaimbaiŋan, tona tikam zin mi tiwoolo zin. To tipeebe.
147	GEN 6:9	Iŋgi Noa ziŋan popoŋana kini mbol kizin. Noa ipeebe pikin tomooto tel, zan Sem, Ham, mi Yapet. Mi Noa, ni le sosor sa som. Ni itutamen ta tomtom ndeeŋeŋana imbot la wal ta boozomen lelen. Mi ileŋleŋ la Anutu kalŋaana mi ziru tiwwa.
149	GEN 6:11	Indeeŋe tana Anutu ire mbulu sananŋana kat ilol toono ma imap. Pa malmal imbot pa lele ta boozomen. Tana Anutu ire toono isaana kek. Pa tomtom timap ma tikamam mbulu sananŋana men.
160	GEN 6:22	Anutu iso sua tana ma imap, tona Noa ila ma ikam ka uraata. Ito Anutu sua kini ta boozomen.
165	GEN 7:5	Merere iso sua tana makiŋ, tona Noa ila ma ikam ka uraata. Ito Merere sua kini ta boozomen.
166	GEN 7:6	Indeeŋe Noa ndaama kini 600 na, nonor biibi be ipet pa toono.
171	GEN 7:11	Indeeŋe ta Noa ndaama kini iwe 600 na, ka puulu iwe ru pa mi ka mbeŋ iwe lamoromata mi ru na, toono kwoono ikaaga, mi yok biibi ta imbot meleeba na, ise raama mburaana biibi. Mi saamba tomini, kwoono ikaaga mi yok ta imbot kor na itop ma zaza.
173	GEN 7:13	Indeeŋe kat aigule tana na, Noa ma kusiini mi lutuunu bizin tel Sem, Ham, mi Yapet ziŋan kusin bizin tilela wooŋgo leleene
183	GEN 7:23	Ina zaala ta Merere ipambiriizi koroŋ ta boozomen pa toono. Zin tomtom, mbili, koroŋ karraŋan, mi man ta tirie sala maŋaanaŋana na, sa imbot mini som. Timap ma tila len. Tamen Noa ziŋan wal kini, zin timbot ambai lela wooŋgo leleene.
187	GEN 8:3	Tana yok ikamam be izzu. Puulu lamata imap na, yok matapot. Indeeŋe puulu iwe lamata mi ru ka mbeŋ lamoro mata mi ru na, wooŋgo ileege sala abal Ararat uteene.
198	GEN 8:14	Indeeŋe puulu toro ka mbeŋ tomoota lamata mi ru na, toono iraraaza ma sek kat.
205	GEN 8:21	Mi Merere iyoozo patoronŋana tana kuziini ambaiŋana kat, tona ikam ŋgar ta kembei: “Kaimer ko irao aŋpasaana toono pa sanaana mi sosor kizin tomtom mini na som. Paso, nio aŋute: Indeeŋe zin naŋgaŋŋan mi imar na, ŋgar kizin izanzaana men. Tana nio ko aŋpasaana koroŋ kalaŋan mini kembei ta aŋkam kek na som.
223	GEN 9:17	Tana Anutu iso pa Noa ta kembei. Iso: “Za, ina iwe kilalan pa sua ta aŋbuk pa koroŋ kalaŋan boozomen ta timbotmbot pa toono na.”
225	GEN 9:19	Iwal boozomen ta timbotmbot su toono na, tiyooto pa Noa lutuunu bizin tel tana.
232	GEN 9:26	To iseeŋge sua kini ma iso: “Iti tapakur Merere Anutu ki Sem. Tamen zin Kanaan ko tiwe mbesooŋo sorok pa wal ki Sem. Yapet lutuunu bizin, Anutu ko ipamasak zin ma tiwe boozo, mi iseeŋge toono kizin ma iwe biibi. Mi ziŋan wal ki Sem ko timbot la mbata mi timbot ambai men. Tamen zin Kanaan ko tiwe mbesooŋo sorok pa wal ki Yapet.”
236	GEN 10:1	Iŋgi mbol ki Noa lutuunu bizin mi popoŋana kizin. Noa ipeebe lutuunu bizin tel, zan Sem, Ham, mi Yapet. Nonor biibi imap, to popoŋana kizin tipet ta kembei:
246	GEN 10:11	Kaimer to Nimrot izem lele tana, mi ila pa lele pakaana ki Asiria mi iur kar bibip paŋ ta zan Ninibe, Reobot-Ir, Kala, mi Resen. Kar Resen, ina imbot la kar Ninibe mi kar Kala mazwan. Mi kar biibi kat ta Ninibe.
250	GEN 10:15	Kanaan lutuunu bizin na: Sidon, ta pikin muŋgamuŋga, to Et, Yebus, Amor, Girgas, Ep, Aki, Sini, Arbad, Semar, mi Amat. Kaimer to zin popoŋana ki Kanaan tiparreege zin ma tiwe un un, mi tila timbot pa lele pakaana ta ka seŋgaaŋa uunu isu kar Sidon, mi isula pa kar Gerar mi kar Gasa, to ikakat ma ilae pa lele ta kar Sodom, Gomora, Adma, mi Seboim timbot pa na. To isala mini, mi imap su kar Lasa. Ina lele kizin Kanaan.
260	GEN 10:25	Eber lutuunu bizin ru. Ta zaana Pelek, mi toro zaana Yoktan. Indeeŋe tana, zin tomtom timureege, mi tila timbot leŋaleŋa. Tanata tipaata pikin ta zaana be Pelek.
277	GEN 11:10	Sem popoŋana kini tipet ta kembei: Indeeŋe nonor biibi imap mi ndaama ru ilae na, Sem ipeebe pikin tomooto ta, zaana Apaksat. Mazwaana tana Sem ndaama kini irao 100 kek.
294	GEN 11:27	Iŋgi Tera ziŋan popoŋana kini mbol kizin: Tera ipeebe Abaram, Naor, mi Aran. Aran, ni ipeebe Lot.
296	GEN 11:29	Abaram iwoolo Sarai, mi Naor iwoolo Milka. Milka ziru Iska taman ta Aran.
299	GEN 11:32	Indeeŋe Tera ndaama kini irao 205, to imeete su kar tana.
300	GEN 12:1	Aigule ta, Merere ipet ki Abaram mi iso pini ta kembei. Iso: “Abaram, zem toono ku, mi tomom ma nom ma toŋmatiziŋ ku, mi maŋga ma la pa toono tabe aŋso u pa i.
303	GEN 12:4	Merere iso sua tana, to Abaram ito kalŋaana, mi imaŋga ma izem kar Aran. Mi tiziini lutuunu Lot igaabi ma ziŋan tila. Indeeŋe tana Abaram ndaama kini irao 75 kek.
305	GEN 12:6	Abaram bizin tiwwa pa toono Kanaan, mi tila tipet kar Sekem. Kar tina, ke biibi ta imbotmbot, zaana More. Indeeŋe tana, zin tomtom ki Kanaan timbotmbot pa toono tana.
306	GEN 12:7	To Merere ipet ki Abaram isu tana, mi iso pini. Iso: “Toono tabe aŋkam pa popoŋana ku ta tiŋgi.” To Abaram indou pat isu lele tana be iwe patoronŋana muriini. Paso, Merere ipet kini isu tana.
310	GEN 12:11	Tila ma tigarau pa Aikuptu, to Abaram iso pa kusiini Sarai ta kembei. Iso: “Leŋ. Nio aŋute nu moori kaibiim kat.
317	GEN 12:18	Tana king iboobo Abaram ma imar, mi iyaambi i ta kembei: “Parei ta nu kam mbulu tiŋgi pio? Ni sa nu kusim na! Parei ta nu sombe lumri? Nio aŋurla sua ku, tana aŋsombe aŋkami ma iwe kusiŋ. Is, kam kusim mi niomru kala leyom.”
326	GEN 13:7	To Lot mbesooŋo kini mi Abaram mbesooŋo kini timaŋga mi tiparzooro. (Indeeŋe tana zin wal ki Kanaan mi zin wal ki Peres, zin tomini timbotmbot lele tana.)
327	GEN 13:8	Tabe Abaram iso pa Lot ma iso: “Ituru toŋmatiziŋ tau. Tana leleŋ be ketende malmal par piti pepe. Mi mbesooŋo kiti tomini, tiparzooro pepe.
332	GEN 13:13	Indeeŋe mazwaana tana, zin tomooto mi moori ki kar Sodom tikamam mbulu bozboozo ma tisosor biibi kat pa Merere mataana.
333	GEN 13:14	Lot izem Abaram, mana Merere iso pa Abaram. Iso: “Kozo mender mi motom lela, pera, sula, sala, mi tiiri lele.
338	GEN 14:1	Indeeŋe mazwaana tina, Bera ni king ki kar Sodom, mi Birsa ni king ki kar Gomora, mi Sinap ni king ki kar Adma, mi Semeba ni king ki kar Zebo, mi Kedoleoma ni king ki kar Elam. Kedoleoma tina, ni imboro king paŋ tana ramaki king ki kar Bela, ta zaana toro Zoar na, ma irao ndaama laamuru mi ru kek. Mi indeeŋe ndaama iwe laamuru mi tel pa, to king lamata tana timaŋga mi tizooro king Kedoleoma kalŋaana. Tana indeeŋe ndaama iwe laamuru mi paŋ pa, to king Kedoleoma iboobo la pa gaabaŋana kini tel ta zan tis: Amrapel, ni king ki kar Sinar, Ariok, ni king ki kar Elasa, mi Tidal, ni king ki kar Goi. Mi king paŋ tina ziŋan malmal kan kizin tila, to ziŋan zin wal ki Repaim tiporou isu kar Asterot-Karnaim ma tilip pizin. To tila pa kar Am, mi ziŋan zin wal ki Zuzim tiporou ma tilip pizin. To tila pa toono keteeneŋana ki Kiriataim, mi ziŋan zin wal ki Enim tiporou ma tilip pizin. To tila pa lele abalabalŋana ki Seir, mi ziŋan zin wal ki Or tiporou ma tilip pizin. To tiketoto zin ma tila pa kar El Paran, ta imbot kolouŋana pa lele bilimŋana na. Mana timiili mini ma tila pa kar Kades ta imbot la ki yok Mispat na. To ziŋan zin wal ki Amalek mi zin wal ki Amor ta timbotmbot pa kar Azezon Tamar na, tiporou. Tiporou na, tilip pizin tomini. Kedoleoma ziŋan zin wal kini tilip pa wal uunu lamata mi ta tina makiŋ, tona king lamata ki Sodom, Gomora, Adma, Zebo, mi Bela tilup zin ma tila pa toono keteeneŋana ta zaana Sidim na, mi timendernder mi timbotmbot. Tizaŋzaaŋa Kedoleoma ziŋan gaabaŋana kini tel tana be ziŋan tiporou. Zin timaŋga pa malmal isu tana ma Kedoleoma ziŋan gaabaŋana kini tilip pa zin lamata tana.
353	GEN 14:16	Tana Abaram iyo koroŋ ta boozomen mi ikam ma imiili mini. Ikam lutuunu Lot, ramaki mburu kini ta boozomen, mi zin tomooto ma moori ta king paŋ tana tikoki zin na tomini.
366	GEN 15:5	To Merere ikam Abaram ma tipera mat, mi iso pini ta kembei: “Motom sala mi re pitik ta timbot saamba a. Irao nin? Popoŋana ku kola tipet ma tiwe munŋaana ka tieene kembei ta pitik tiŋga.”
374	GEN 15:13	To Merere iso pini ta kembei. Iso: “Iŋgi be aŋpaute u pa mbulu tabe ipet pa kaimer i. Popoŋana ku ko tiwe leembe pa lele toro. Mi lele tana ka tomtom bizin ko tikam zin ma tiwe len mbesooŋo, mi tiseseeze matan ma irao ndaama 400.
378	GEN 15:17	Indeeŋe zoŋ isula ma lele zugut to, you ta ipet mi iyaara ma biibi ila buzur pakan pakan mazwan.
392	GEN 16:10	Mi iseeŋge sua kini mini ma iso: “Nio ko aŋkam popoŋana ku ma tipet ma tiwe munŋaana ka tieene. Irao tinin zin na som. Mi leŋ.
393	GEN 16:11	Nu kopom kek Mi ko peebe pikin tomooto ta. Kozo paata zaana be Ismael. Pa Merere ileŋ tiŋiizi ku kek.
397	GEN 16:15	Tana indeeŋe Abaram ndaama kini irao 86 na, Agar ipeebe le pikin tomooto ta. Mi Abaram ipaata pikin zaana be Ismael.
399	GEN 17:1	Indeeŋe Abaram ndaama kini irao 99 na, Merere ipet kini mini mi iso pini ta kembei: “Nio Anutu mburoŋ keskeezeŋoŋ. Tana pa pai ku ma ndabok men pa nio motoŋ. Naso ituru taparlup ti ma tewe tamen, mi aŋkam popoŋana ku ma tipet ma tiwe boozo.”
416	GEN 17:18	Tana Abaraam iso pa Anutu: “Ina ambai. Mi lutuŋ Ismael imbotmbot i. Nio leleŋ be kampe i mi motom pini.”
417	GEN 17:19	Tamen Anutu iso: “Soom. Kusim Sara, ta ko ipeebe lem pikin tomooto. Mi pikin tana, kozo paata zaana be Isak. Sua ta aŋbuk ima ku, nako iur ŋonoono se kini mi popoŋana kini tabe tipet pa kaimer i, mi iseeŋge iseeŋge ma ila.
418	GEN 17:20	Mi nu wi yo be motoŋ pa Ismael, tana nio ko aŋkam ta kembena. Nio ko aŋpomboli mi aŋkam popoŋana kini ma tipet ma tiwe boozo kat. Uunu laamuru mi ru ko tiyooto pini. Mi nio ko aŋkam zin ma tiwe wal boozo kat.
419	GEN 17:21	Tamen ndaama tiŋgi imap, tonabe Sarai ipeebe Isak. Mi sua ta aŋbuk ima ku, nako iur ŋonoono se kini mi popoŋana kini.”
421	GEN 17:23	Indeeŋe kat aigule tana na, Abaraam ito Anutu kalŋaana mi ireete tomooto kini ta boozomen. Ireete lutuunu Ismael, mi zin mbesooŋo ta ni iŋgiimi zin na, mi zin mbesooŋo ta nan bizin tipeebe zin su ruumu kini na.
422	GEN 17:24	Tana indeeŋe Abaraam ndaama kini irao tomto paŋ kwoono lamoromata mi paŋ (99), mi lutuunu Ismael ndaama kini irao laamuru mi tel na, tireete ziru. Mi aigule tamen ta tana na, tireete zin mbesooŋo kini tomini. Zin ta Abaraam iŋgiimi zin na, mi zin ta nan bizin tipeebe zin su ruumu kini na.
426	GEN 18:1	Kaimer to Merere ila ipet ki Abaraam isu lele Mamre ta ke bibip timbotmbot pa na. Indeeŋe tana na, aigule palakuutu mi zoŋ mataana men. Tabe Abaraam imbutultul su beeze kini kwoono.
427	GEN 18:2	Beso mataana pok se na, ire la pa tomtom tel timendernder. Tabe imaŋga mi iloondo ma ila kizin. Ila tuŋ la kizin, to ilek kumbuunu mi iso:
431	GEN 18:6	Tona Abaraam iloondo ma ilela beeze leleene, mi ipiyar Sara. Iso: “Nomom karau pa kan narabu sa, mi nio aŋla aŋru kan buzur.”
435	GEN 18:10	To tomtom kizin ta, isu mi iso: “Ndaama ti imap, to aŋmiili ma aŋmar mini. Mi sombe aŋmar, na kusim Sara ko ipeebe lem pikin tomooto ta kek.” Izzo sua tana na, Sara imbotbot la ndemeene uunu su beeze kwoono, mi ileŋleŋ la.
445	GEN 18:20	Tona Merere iso pa Abaraam. Iso: “Zin Sodom mi Gomora kan tinoknok mbulu ta sananŋana kat. Mi sanaana kizin uruunu ramaki tiŋiizi biibi kizin wal ta tikamam ŋoobo zin na, imar ma aŋleŋ kek. Tana aŋsombe aŋsula mi aŋre zin. Naso aŋute kat: Urun mi tiŋiizi biibi ta izze ma aŋleŋleŋ i, ka uunu ŋonoono, som som? Mi sombe tikamam ta kembei, to aŋpambiriizi zin ma timap.”
448	GEN 18:23	Tana Abaraam ila kolouŋana pini, to iwi i ta kembei. Iso: “Ambai. Mi parei pizin tomtom ndeeŋeŋan ta ziŋan zin sananŋan timbotmbot na, ko pambiriizi zin raama?
455	GEN 18:30	To Abaraam isu mi iso mini: “O biibi tio, nio aŋsombe aŋso sua mini. Mi ketem malmal pio pepe. Sombe tomoota laamuru men, inako parei?” Merere ipekel kwoono ma iso: “Inako som tomini.”
456	GEN 18:31	Tona Abaraam iso mini: “Merere, nio aŋute aŋbel wiŋom kek. Tamen aŋsombe aŋwi u mini. Sombe ndeeŋe tomtom ndeeŋeŋan tomoota men, ko parei?” Merere iso: “Inako som tomini.”
473	GEN 19:15	Igarau be berek na, aŋela ru tipiyar Lot. Tiso: “Loŋa mi kam kusim mi lutum moori bizin ru tina, mi koko ma kala leyom. Pa iŋgi be Merere iur kadoono pa sanaana ki kar ti. Kokena ipasaana yom raama zin.”
478	GEN 19:20	Re kar musaana tiŋga. Iŋga imbot kolouŋana. Tana irao be loŋa aŋla ma aŋpet. Parei, ko irao aŋla ma aŋbot tiŋga? Naso aŋbot ambai.”
483	GEN 19:25	Ni ipambiriizi kar bibip tina, ramaki lele keteeneŋana, mi iwal boozomen ta timbotmbot lele tana, mi koroŋ boozomen tau tindom pa toono tana. Ina ta timap ma you ikan zin lup.
489	GEN 19:31	Aigule ta na, lutuunu moori tau kolmanŋana i, isu mi iso pa tiziini moori ta kembei. Iso: “Re. Tamanda ra, iwe kolman kek. Mi tomooto sa imbot lele pakaana tiŋgi be iwoolo iti som. Tana ko parei piti?
498	GEN 20:2	Indeeŋe ta Abaraam imbotmbot kar Gerar na, izzo pizin wal kar kan ta kembei: “Sara, ina nio luŋri.” Tabe Abimelek, king ki kar Gerar, iŋgo mbesooŋo kini pakan ma tila, mi tikam Sara ma imar ruumu kini.
499	GEN 20:3	Tamen mbeŋ na, Abimelek imiu be Anutu imar kini mi iso pini ta kembei: “Abimelek, leŋ! Iŋgi be meete i. Pa moori ta kami na, ni ulaŋana.”
504	GEN 20:8	Mankwoono mbeŋbeŋŋana kat, to Abimelek imaŋga mi iboobo la pa menderŋan kini ta boozomen ma timar, mi iso zin pa sua boozomen ta Anutu iso pini na. Iso makiŋ, to motoŋana biibi ikam zin.
515	GEN 21:1	Kaimer mana Anutu ikampe Sara mi ikam ma kopoono. Ito sua ta muŋgu imbuk pini na. Tana indeeŋe ka nol tau Anutu iur pini be ipeebe pikin, to Sara ipeebe kolman Abaraam le pikin tomooto ta.
517	GEN 21:3	Mi Abaraam ipaata pikin zaana be Isak.
518	GEN 21:4	Mi aigule iwe lamata mi tel pa to, Abaraam ito sua ki Anutu mi ireete lutuunu Isak.
519	GEN 21:5	Indeeŋe Sara ipeebe Isak na, Abaraam ndaama kini irao tomto lamata.
523	GEN 21:9	Tamen lutuunu Ismael ta naana Agar imar pa Aikuptu na, ni ikam mbulu pakan be ipasom Isak.
524	GEN 21:10	Mi Sara ire i, to isu na iso pa Abaraam ta kembei. Iso: “Mbesooŋo moori tiŋga ziru lutuunu, ziiri zin ma tila len. Ni lutuunu irao igaaba nio lutuŋ Isak, mi ziru timender pa koroŋ ta nu zom pa i na som.”