21	GEN 1:21	Tama tiyu, Godigo te tamu ąįde bidabo moni dobo dwai sųgų dabe nigilali, tama te węde bidabo haniani ąį hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai.
26	GEN 1:26	Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai.
28	GEN 1:28	Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali.
52	GEN 2:21	Tialima, Yawe Godigo te bidi piao olama, isai tiwai elaluali. Tama bidi pila mubadi, Godigo te bidigo punali dili me deli selama, tama te pesagede te mi ma dąų walali.
71	GEN 3:15	Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.
156	GEN 6:18	Tiali goli, eno nage dali da, te eno bomai po dąų walaibao. Nage da, naga we dali badi, te naga ogwa dabego augwa we dabe dali, dage da te moni geba sip tomoba bula sao.
188	GEN 8:4	Tama te polua a naga me badu si wali, te polua dei nogo si olama, a naga, me badu si, te 17, tede te moni geba sip te bulu du me deliba dąų wagi pali, te bulu du dabe nogi Ararat dao.
208	GEN 9:2	Te tigidali tǫde hasa sibi me, te ba dabe me, te dwasianu hasa sibi dabe me, te sųgų dabe, te augwali dagede wi mu yaibao. Eno te augwali dagego nogoba muyu, tama dagego te augwali tonaluaibao.
215	GEN 9:9	“Megi ena da, eno bomo yai po dage dali, me te dagego nosali ame neyu elalua pabo bulai wai dabe dali te dąų obao.
216	GEN 9:10	Tama eno te tigidali bidibo ula elalubo nai sibi dali me te bomo yai dwagi yai po dąų obao, te ba dabe me, te bidigo negebo hasa dabe me, tama te bulude bidalubo uni hasa sibi dabe me, tigidali te dage dali sip tomode bidaluai.
217	GEN 9:11	Eno dage dali e tama pogo dąų obao, eno po dąų mu weyu, te bidibo ula elalubo tigidali nai dabe te eno munu me ma te ąįgo me dologobeo. Tama wę asiyu, te e tǫ munu ma dologobeo,” Godigo te po wai.
218	GEN 9:12	Tama Godigo te po wali, “Eno te dagalude unigi bidi mubo, te eno dage dali, me te hasa sibi dali, sesemane sogo yali te dąį tiwai mubao. Te unigi bidi te eno tigidali tǫde bidi dali po dąų wali dąį dao, tama te dąų wali dwagi yai po munu me siligobeo.
221	GEN 9:15	Tama tiyu, eno te po dage dali, me te hasa sibi dabe dali, te dąų wali po eno homugo konealu, teda te tiwai wę asiyu, te bidibo ula elalubo tigidali nai dabe me dologobeo.
222	GEN 9:16	Te eno te unigi bidi te dagalude pedalubo subo sogo da, teda eno te elalua pabo gamonabo dąų wali po sesemane sogo kone palu, te megi eno te tigidali tǫde bidibo ula elalubo nai dabe dali me tiaibao.”
223	GEN 9:17	Tama Godigo po weyu, Noabolo te po wali, “Te e unigi bidi da, te eno dąų wabo dwagi yai po te tǫde bidibo ula elalubo tigidali nai dabe dali dąį ilibao,” te po wai.
270	GEN 11:3	Nosali augwa hasi po minama, augwaligo tama tiwai po wai, “Awe, abagi dedeo! Dago te dwagi yai mama yai tǫ meba begelama, te siaba ulama, te masigi tiwai pedalumainu ilinao,” wai. Tama tilama, te be sę yabo masigi meni baso augwaligo te be sę ebo nai tama nigali. Tama te masigi dąų wabo simen meni baso, augwaligo te be sę eyu, dąų walobo nai kolta me selama, elaluai.
359	GEN 14:22	Tiali goli, Abramgo te po wali, “Yawe da, te Ugwadu Mu Bidibo God da, agai te dagalu dali tǫ si nigali. Tama eno nogo me deli ugwaba siyu, tama aga gedude te dąų wabo po wai, ‘Eno te Sodom bidigo doado bage me sogobeo, te dwasianunu nai me deli sogobeo. Eno tiyu da, teda Yawe nago ena ela muao,’ eno te dąų wabo bomai po wali. Magi baso meni, nage Sodom tuni bidi nago te po weyu, ‘Ena digi eno te Abram te doado bage hauwa elalubo bidi pedalumainu ilai da,’ po waidalio.
367	GEN 15:6	Tama Abramgo te po mu po naga dao homu eyu, tama te Yawego wali po aga homude dąų wai. Tama tibaso, Yawego aga doloba pai bidi nogi poai dao.
379	GEN 15:18	Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.
382	GEN 15:21	te Amor dabe me, te Kenan me, te Girgas me Jebus, te tama hani bidi dabe augwali tǫ saibao. Eno tama po mu dąų obao,” Yawego Abrambolo te po wai.
400	GEN 17:2	Te nage dali eno dwagi yai tau sabo bomai po dąų wali po, tede eno megi usu da po weyu, tama nagebolo menama, tama eno nago hani wai dabe te umabo hauwa pedalumainu ilaibao,” wali.
402	GEN 17:4	“Te enade da, te eno nage dali te tama tiwai dwagi yai tau sabo bomo yai po dąų waibao, te nage umabo hauwa we bidi hanigo wąį monu pedelaibao.
405	GEN 17:7	Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.
407	GEN 17:9	Tama Godigo Abrahambolo te tiwai po wai, “Te nagede, nage badi, te nago hani wąį dabe augwali badi, te dage tigidaligo eno dwagi yai tau sabo bomai po dąų wali te wali piąo.
409	GEN 17:11	Dagego te duga ame nabo ogwa wai dabe tigidali tigiwali togobo sę te a naga olama, me badu sela wabo side silibo si, te tigiwali togwao. Tama dagego te duga sę ebo bidi dabe augwaligo tigiwali me togwao, te tigidali sę ebo bidi, te augwa ida duga bede ame nani sę bidi, me te digibulu bulude abelali sę ebo bidi dabe tigidali, te augwali tigiwali me togwao, te nosali pedalubo ogwa wai dabe augwalide me tama eyu, bidada piduao. Te dąį ebo da, te eno dage dali dąų wabo bomai po te dao. Mu tama dao. Dagego duga bidi dabe tigidali te tigiwali togoiąo. Tama te dąį ilali te duga tigide elalubo, te bidi dabe augwaligo koneama, te eno dwagi yai tau sabo dąų walali po te bomo sesemane sogo elaluaibao.
412	GEN 17:14	Te bidi me deligo hagela homu eyu, tama augwaligo aga tigiwali togosiąbaso da, te agai eno bomai dąų wali po sela sąbao. Tama tibaso, te bidi aga te aga hani dali hodobo me bidilamuo,” wali.
417	GEN 17:19	Tiali goli, Godigo te po wai, “Awe. Tiali goli, nago we Sarago te wai ogwa me deli ame naibao, tama nago aga nogi Aisak poao. Te eno aga dali, me te aga hani wai dabe dali, te dwagi yai tau sabo bomai po dąų waibao. Te dąų wabo bomai po te sesemane sogo bomo elaluaibao.
419	GEN 17:21	Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.
450	GEN 18:25	Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.
468	GEN 19:10	Tiali goli, te be tomode bidali bidi sigo te be tų dalama, tama nogo buluba dįnama, tama Lot be tomoba kegali, tama augwali sigo te be sunumi paliali.
515	GEN 21:1	Te Yawego agai polobadu dąų walali po wali peyu, tama agai wiegi yai olo tau sabo kolesagago te Sara dali dwagi yai sę yali.
537	GEN 21:23	Tialima, nago te God gedude po dąų walao, te nago enabolo me, te eno wai puluba dali me, te eno wąį hani dabe dali me, te tibo po wabo kolesaga me egobeo, te po wao. Eno wiegi yai kolesaga nagebolo yai. Tama tiwai naga nago te tibo sę isiąbo wiegi yai homu kęą pali kolesaga enaba ebadi, te nage megi bidibo tǫde bidibo we bidi me te tiwai kolesaga yao,” wali.
538	GEN 21:24	Tama Abrahamgo te po wali, “Eno tama tiwai po dąų walobao.”
541	GEN 21:27	Tama tibaso, Abrahamgo te sipsip me bulmakau meba te Abimelek mawai, tama augwa si tomode po dąų walai.
545	GEN 21:31	Augwa si te bulude po minama, dąų wai. Tama tibaso, te bulu nogi augwaligo Berseba nogi poai dao.
546	GEN 21:32	Augwa si te Bersebade po minama dąų olama, tama Abimelek aga ami tonalubo polalubo bidi Fikol dali, te augwali si te Filistia tǫba ma geasa pai dao.
560	GEN 22:12	Tama Mobo Bidi Enselgo te po wali, “Nago te wai elamuo. Nago magi sę me deli aga dali me igio. Nago ogwa deli naga elalubadi, tama nago aga yogo eyu, dąų me wabeo. Tama tibaso, eno koneani, nage te Godigo po odobo bidi dao,” Yawego Ensel Mobo Bidigo te po wai.
561	GEN 22:13	Tama Abrahamgo tonono bilibadi, tama sipsip omai me deli suali, te aga gąų te dwasianu ni nologo abe sai ni nologode habela sai elaluali. Aga pelama, tama te sipsip sigi pai. Agai elama, tama tigidali siaba ulalio. Tama tiyu, agai te ofa Godibolo mawai. Tama te sipsipgo te Aisakgo pesage hasegelai dao.
564	GEN 22:16	“Yawego te tiwai wali, ‘Te ena nogide digi eno mu dąų walai bomai po obao. Nago naga te deli naga elalubo ogwa me yoga sabeo. Tama tibaso, mu tama, eno nage dali wiegi yai sę mu yaibao.
576	GEN 23:4	“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.
578	GEN 23:6	“Woo, genuai bidio, nago dago po odao. Nage te da tomode bidibo genuai tobolu bidi deli dao. Nago we te dago wiegi yai gų pagede pubulao,” wali. “Te da me deli te dago te nago we pubulainu te gų page sainu ebaso, te dago me yogo eyu, dąų me wagobeo. Menio.” Te po wai.
581	GEN 23:9	Eno te ola be augwaligo te nogi weyu, te Makpela nogi yali, te eno abelaibao. Te Efrongo tǫ sesege pedai badu elalubao. Te dagego agabolo olama, te dage tigidali gedude te ola be agai enabolo momainu yaibao. Te eno agabolo te mone dolo bugagia mayu, tama dagego tǫ tomode te gų page eno gų page mu elaluaibao,” Abrahamgo te po wai.
583	GEN 23:11	“Mu menio, genuai bidi. Eno po odao. Te eno te tǫ pedai tigidali me, te ola be gų page dali elalubo, te eno nage olo mu mawaibao,” po wai. “Te ena hani gedude te megi eno nagebolo menama, te nago we tede pubulagameo.” Te po wai.
591	GEN 23:19	Nosali Abrahamgo aga we Sara te ola be gų page te Makpela tǫde pubulai dao. Te tǫ bulu Mamre pąde dao, te augwaligo megi gasa nogi wabo Hebron, te Kenan tǫ pedai badu tomode elalubao.
592	GEN 23:20	Te tama tiyu, tama Hit bidi hani dabego tǫ, te gų page ola be elaluali dali, te Abrahamgo gų page tǫ mu gagawai dao.
594	GEN 24:2	Tama Abrahamgo aga sę yali monu dabe bidi i wali. Te bidigo te Abrahamgo doado bage tigidali tonalubo bidi da. Abrahamgo agabolo te po wali, “Naga nogo guni sisu muyu, nago dila pai po ena dali dąų walao.
595	GEN 24:3	Nago te Yawego nogide te po bomo yai po dąų wao, te dagalu de tǫ dali sigo God dao, te tama tibaso, nago eno ogwago we te Kenan tomode we dabe me te noma sigio, te ena e bidibo tǫde.
599	GEN 24:7	Yawe, te dagalude bidibo Godigo ena te eno ayago bede, me te ena hani dabego tǫde selama, asali. Tama agai bomai dąų wabo po wali, te agai e elalubo tǫ te eno hani wąį dabebolo mawaibao wai. Yawego digi te aga mobo bidi ensel te nage pabodu polasa tagala palaibao. Tama tibaso, nago tede te eno ogwago we gegela sueibao.
600	GEN 24:8	Tiali goli, te we nage dali asisąbaso da, teda nago enabolo te dąų wali po te pogo nage dali munu me kęalugobeo. Tiali goli, nago eno ogwa te eno page buluba me odasa pelamuo.” Te po wai.
601	GEN 24:9	Tialima, sę ebo bidigo nogo guni sisu muyu, aga genuai bidi dali bomo yai po dąų wai. Agai po dąų waliyu, te Abrahamgo agabolo ya wali sę tigidali agai mu yaibao po walio.
606	GEN 24:14	Te eno wegi ogwa me deli dali te tiwai po waibao, ‘Ae, nago genuai botol aiyaba munama, te ena wę dwasianu tuaio,’ po waibao. Tama agai te po olama, ‘Nage te wę tuao, tama te eno nago kamel dabe me te wę mawaibao,’ tama obaso da, teda eno homugo nago sę bidi Aisakgo sabo we te tama da po waibao. Tama te tiwai pedalubaso da, teda eno koneyu, nago te eno genuai bidi dali dąų wali tau sabo po te mu tama usu nubao po waibao,” te tiwai gedu haluasa po wai.
619	GEN 24:27	Tama agai te po wai, “Dago Yawe nogi ugwaba sao, te eno genuai bidi Abrahamgo God dao. Agai te eno genuai bidibolo dąų wali po te mu usu nanio, te aga dwagi yai tau sabo kolesaga ebo me, te Abraham dali homu kolesaga kęą pai bidi kolesaga ebo me, te Yawego tagalobeo. Yawego te eno genuai bidi aga amago hanigo beba dolo ena sela asama, tagalagasali dao,” tama wali.
629	GEN 24:37	Agai enabolo po bomo elama weyu, te po wai, ‘Nago eno ogwa we te Kenan dabe augwali tomode te we munu me gegelamuo. Menio. Nage pelama, tama eno hani, te eno ayago hani tomode digi, tede te we me deli gegelama, tama eno ogwa Aisakgo somainu yao,’ wai. Agai tama po obaso, tama eno te po wali peyu, tama ena aga dali po dąų wai.
633	GEN 24:41	Te nago tama tibaso da, teda te dąų wali pogo te nage me kęalugobeo. Te nage eno haniba pelama, tama augwaligo nago po obadi usu da po wasiąyu da, teda te tiwai naga eyu, te dąų wali pogo nage me kęalugobeo,’ Abrahamgo enabolo te po wai.”
648	GEN 24:56	Tama Abrahamgo sę bidigo te tiwai po wei ponai, “Dagego ena dąų ola sigimio. Yawego eno sę wiegi yai ilama pedelai. Ae, te ena genuai bidi bidibo madi ma painu ebao.”
668	GEN 25:9	Aga ogwa si te Aisak me Ismael sigo aga pubulali, te gų page dedage page te Mamre, te badu te Makpela ola be gų page te giliga pedalubo badu muani. Polobadu te tǫ pedai te Sohargo ogwa Efrongo tǫ, aga te Hit bidi hani me deli dao.
676	GEN 25:17	Ismael te kibu be hauwa 137 kibu be bidama isibaso, tama augwaligo aga pubulali. Tama aga te aga polobadu isali wąį nǫų dabe dali deliba sisinama, bidigi pai dao, tama wabo.
692	GEN 25:33	Tama Jekopgo te po wali, “Tiali goli, nago hasia bolo te nago po dąų weyu, tama po wao, ‘Eno te enade elalubo gomunai bidi nogi te Jekopbolo mu mobao. Tede eno tibo po obaso da, teda eno homugo te Godigo ena ela muao,’ tama po hasia bolo wao,” Jekopgo te po wai. Isogo te mu po naga da dąų wabo po ola silibo si, tama aga te gomunai ogwa nogi elaluali te nogi Jekopba mawai.
696	GEN 26:3	“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.
708	GEN 26:15	Te Abraham tede bidali sogo, agai sę bidi dabe augwaligo te wę ulu dabe nigali. Megi te Filistia dabe augwaligo te Aisak dali dwai homu ebaso, augwaligo te tǫde ulu wę pedalubo te ma dąų olama, te tǫgo ma paliali.
721	GEN 26:28	Tama augwaligo te tiwai po wei ponani, “Megi dago koneani, te Yawe nage dali bidibao. Tama dago homugo te dago dage dali te mu po naga dao weyu, te boi homu ebo silabo po me deli dąų waibao. Dago nagebolo dwai sę me ilibeo. Tama dago homugo te nago bomo yai po dąų weyu,
724	GEN 26:31	Te kigamu digi mu augwali hogodaluama, tama augwali dali, Aisak dali, augwaligo augwa nogo guni sisu muyu, augwa hasi e tiwai po dąų wali, “Te dago dage dali sesemane sogo te wiegi yai homu deli naga elama, bidaibao.” Aisakgo augwaliba dage tao olama, tama augwali nogo menama, tama augwali pali.
794	GEN 28:20	Tama Jekopgo te tiwai po God dali dąų wali, “Te nage ena dali bidiyu, tama nago ena e bobobage sunumidu pobadi tonaluyu, tama nago ena te nai me, ugwa me menama,
830	GEN 29:34	Tama Lea te haliga ma elama, tama ogwa gasa me ame nani. Tama agai te po wai, “Megi da, te eno bidigo ena godolo mu elama, tama ena dali dąų olama, bugagia bidaibao, magi baso meni, te eno agai wai te ogwa sela ame nani.” Te po wai. Tama agai te wai nogi Livai poai.
887	GEN 31:13	Te God nageba te Betel buluba pedelali, te ena tama dao. Te Betel bulude nago te homu hodolubo masigi me deli dodolali, tama te wel ugwadu daiba gelali. Tama nago bomo yai dąų wali po me deli ena dali dąų walai. Tialima, megi da, te nago doado bage sisi ilao, tama nago te bulu taga peyu, tama naga page buluba ma pagameo,’ agai enabolo te po wali,” Jekopgo aga we sibolo te po wai.
918	GEN 31:44	Tialima, da si te bomai po dąų waibao. Tama dago te masigi dabe pesage holama, tama te pesage ede elalubaso, da sigo te dąų wali po homude konealuaibao,” wali.
922	GEN 31:48	Labango te po wali, “Te e masigi pesage holali te da sigo te bomai po dąų wali, te homugo gegeda palidali weyu, te dąį tiwai muani.” Tama tibaso, augwaligo te bulu nogi te Galet poai.
925	GEN 31:51	Nosali Labango te Jekopbolo te po wai, “Nago te da si tomode te masigi pesage holali sulama, tama eno te bobage masigi muani, te po dąų wali te homugo konealumainu ebao.
927	GEN 31:53	Eno homugo te Abrahamgo God me Nahorgo God, agai te da sigo ebo kolesaga dagalaibao,” Labango te po wai. Tialima, Jekopgo te Godigo nogide bomai po dąų wali, te aga aya Aisakgo lotu wabo Bidi Wi Ilibo God dao.
941	GEN 32:13	Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.
1032	GEN 35:20	Tama Jekopgo aga pubulali gų page homugo konealumainu tama masigi me deli dodolali. Tama te Reselgo dąį ilali te megi me elalubo dao.
1102	GEN 37:18	Aga te digibulu digi asobadi, tama aga ama dede augwaligo aga suali. Aga te pąba asisąbadi, tama aga ama dedego aga elabo po minama, dąų wali.
1119	GEN 37:35	Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.
1137	GEN 38:17	Judago te po wali, “Eno te meme elalubo, tama te ogwa bidi me deli eno te nageba tolaibao.” Wego te po wali, “Te usu da, tiali goli nago te meme enaba tolabo te po dąų walobo dąį ilibo nai me deli te enabolo mao,” te po wai.
1138	GEN 38:18	Tialima, Judago te po wali, “Te eno magi nai te po dąų waliyu, eno nagebolo magawe?” Tama wego te po wali, “Te naga te nogi asębo nai me, aga naga dogonide walobo bono me, te megi nago tolalubo te tolasa bilibo au yai dono me, te enabolo mao,” wai. Tialima, Judago te nai dabe te webolo mani. Te augwa si te sogo pagela pilama, tama nosali te we tabi yali.
1141	GEN 38:21	Tama agai te bulu bidi dabebolo hanalu wali, “Te Enaim te sunumi tųnu age side te penani we bidali, te menade bidibawe?” Tama augwaligo te po wali, “Te penani we me deli te badu me bidibo menio.”
1228	GEN 41:32	Godigo te sę yabo te homugo konea selama, tama mu dąų walali. Tama agai nago aga dąų walali homu konemainogo iliyu, nago na si sogo emainu yali. Tama te sesabi elama bidisiąbadi, te pąde sogo tama Godigo te sę pedalumainu yaibao,” wali.
1277	GEN 42:24	Josepgo odama, tama augwali taga pelama, tama aga gela wagi pali. Aga gela wali silama, te aga ma aselama, tama augwali dali po miagasali. Tialima, agai Simeon nogo tų ilama, tama augwaligo Simeon te ama dede augwa gedude nogo tulama, bidali.
1278	GEN 42:25	Nosali Josepgo te sę ebo bidi dabebolo olama, augwaligo te ama dedego begba te wit bulali, tama augwa beg deli deli tomoba te augwa mone ma bubulu pali, tama augwali te sunumidu peyu, tųdu pabo nai me te augwali tau siyu mawai. Tialima, augwaligo Josepgo wali po tiwai gilama yai.
1301	GEN 43:10	Tama nago da dąų wagi menigi sogo da, teda da pelama, tama si sogo ma asigi da,” wali.
1322	GEN 43:31	Aga te gela ola silama, tama aga gesabi te węgo tedelama, tama aga ma asali. Agai te homu dene ebo te aga homu tomode dąų olama, tama aga sę bidibolo te po wai, “Te tebol saiba nai muao,” wali.
1355	GEN 44:30	“Genuai bidi, megi da, te ena olo ma pobaso, tama ayago te ogwa ena dali ma asobo susiąbaso da, teda aga isaibao, magi baso meni, agai bidibo homu kolesaga te waigo bidibo homu kolesagaba mu dąų wagi pai. Te dago aya te monu dabe dwai mu. Tama te wai da dali ma hodobo asisąbaso da, teda dago te aya aga homu dene ilibogo te aga digi ela mubo tiwai mu yaibao.
1357	GEN 44:32	Eno te tiwai po me agabolo dąų wali, te eno te wai te ma odasa asisąbaso da, teda te sę yabo page te enade elalubadi, te ena isibo si usu naibao.
1382	GEN 45:23	Tama Josepgo te Isipde ebo wiegi yai doado bage hauwa te nogo si donkiba munama, tama aga ayabolo tolali. Tama agai gasa nogo si so donki dali, te wit me bret badi, tama te haniani nai te aga aya sunumidu asobadi te tau selama tųdu asabo nai me tolali.
1385	GEN 45:26	Augwaligo te po wali, “Josep te isibe yalio. Menio. Aga bidali, tama megi agai te Isip tǫ pedai tigidali tonalubao,” wali. Jekop te midigi dwai mu selama, tama agai te augwaligo wabo poba te homu dąų me wabeo.
1446	GEN 47:25	Tama augwaligo te po wai, “Genuai bidi, nago da tau mu saligo, tama da me deli te gų pageba me mubeo. Tialima, megi da, nago homugo usu eyu da, da tigidali te Ferogo sę olo mu ebo bidi dabe pedelaibao,” wali.
1450	GEN 47:29	Te pąde Jekop isainu yali. Tama tibaso, aga ogwa Josep i olama, agabolo te po wali, “Te nago enabolo usu da po weyu da, teda nago nogo si te eno sągą si tomoba munama, tama nago bomai po dąų mu weyu, te nago ena bugagia tonaluama, tama ena isibode nago ena te Isipde munu me pubulamuo.
1451	GEN 47:30	Eno homugo nago ena te ena aya dede pąba pubaligi pao. Te ena Isipdu ugwaba tolasa pelama, tama ena te augwali muani gų pageba pubaligi pao,” wali. Josepgo te tiwai po wei ponani, “Te eno nago po wabo gilama tama tiaibao,” wali.
1452	GEN 47:31	Tiali goli, Jekopgo te po wali, “Megi nago te sę mu yaibao olama, tama mu dao po wao.” Josepgo te bomo yai po dąų walama, tama agabolo nage usu da po omainogo eyu, Jekopgo tobolu te aga betiba pǫgulali.
1490	GEN 49:16	“Dan te aga hani bidi dabe augwali te Israel hani me deli dao, tama agai te aga we bidi dali te po tų dodolobo sę bugagia yaibao.
1491	GEN 49:17	Dan te sunumi sesegede te hasamani me deli tiwai elaluaibao. Te hwįbo hasamani me deli da. Aga te sunumi sesegede bidaibao, tama te posoga paliyu, te hos sągąde gąų kelaiba, tama bidi te hosde dualama udabaso da, te aga tula muaibao.”
1504	GEN 49:30	Te ola be te giliga ge pedalubo badu te Mamre, te Makpela bulude elaluali, te Kenan tǫ badu elaluali. Abrahamgo te tǫ te Hit bidi dabe, te Efrongo tǫde abelali. Agai te tǫ me, te ola be me, te gų page nigainu abelai dao.
1505	GEN 49:31	Augwaligo Abraham de aga we Sara si te gų pagede pubulali. Tama augwaligo Aisak me aga we Rebeka te gų pagede pubulali. Tama eno te Lea me te gų pagede pubulali.
1512	GEN 50:5	‘Te eno aya isainogo ebo sogo, agai enade po dąų walu, te eno aga te aga tigi te Kenande nigali gų pageba pubaligi pao po wai. Tama tibaso, nago ena tagala paloyu da, te eno aya bolo pubaligi pelama, tama nosali te ena ma asaibao,’ te po wao,” Josepgo te po wali.
1513	GEN 50:6	Ferogo te tiwai po wei ponani, “Nago te naga ayago nagebolo te po dąų wali gilama tama naga aya pubaligi pao,” wali.
1520	GEN 50:13	Augwaligo aga te Kenan tǫba tolasa pelama, tama augwaligo aga te Makpela ola bede pubulali, te bulu te Mamre te giliga pedalubo badu elaluali. Abrahamgo te tǫ te Efrongo tǫ pedaide abelali, aga te Hit hani bidi me deli da. Agai te tǫ abelali, te gų page nigabo pesage abelali.
1527	GEN 50:20	Polobadu dagego ena dolabo homu dąų wali. Tiali goli, Godigo te dwai kolesaga begelali, tama agai te bidi hauwa bidibo ula elaluyu, tama augwali me hagaidali weyu, wiegi yai sę pedalumainu ilali. Tama tialigo da, megi te we bidi dabe bidaluali.
1531	GEN 50:24	Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.