23324	MAT 5:21	“Muissanammia' pepatudu mangka dipalanda' lako neneta nakua: ‘Daua' papatean; benna-benna papatean, la dipabambanni sangka'.’
23488	MAT 10:2	Indemi sapulo dua rasulnae: Bunga'na disanga Simon, sidikuaan duka' Petrus; anna sirondongna disanga Andreas; Yakobus anna sirondongna disanga Yohanes anakna Zebedeus; Filipus; Bartolomeus; Tomas; Matius tuang passima; Yakobus anakna Alfeus; Tadeus; Simon to nakala' kombongan Zelot; anna Yudas Iskariot to la umpa'perososan Puang Yesus.
23576	MAT 12:18	“Petua'i, iamo te Pesuangkue to mangka kupile, to kukamasei anna to umpomasannang penawangku; la kupatama kalena Penawangku, anna la ussewangan kamaloloangku lako mentu'na ma'rupa tau botto-ma'botto.
23755	MAT 16:14	Natimba'mi nakua: “Dengan tau ungkuai: ‘Yohanes to simantedok tuo sule;’ dengan ungkuai: ‘Nabi Elia sae sule;’ dengan duka' ungkuai: ‘Nabi Yeremia tuo sule;’ anna pira ungkuai: ‘Sala' bennanna nabi tuo sule.’ ”
24338	MRK 2:9	Aka la kupogau' lako inde to balimbinganne kupolalan la umpa'paitaan kakuasaangku? La kukuaraka: ‘Digarri'iammoko kasalaammu;’ Iaraka anna la kukua: ‘Ke'de'ko, angka'i ampa'mu ammu menono'?’
24597	MRK 8:28	Natimba'mi nakua: “Dengan tau ungkuai Yohanes to simantedok tuo sule; dengan duka' ungkuai nabi Elia sae sule; dengan toi ungkuai sala' bennanna nabi yolona tuo sule.”
24807	MRK 13:21	Susi toi duka', ianna dengan tau ungkuangkoa': ‘Indemi To nabassei bayu-bayu Puang Allata'allae,’ battu nakua: ‘Diomio;’ Daua' perangngii!
25272	LUK 7:8	Annu to diparentana' duka' tee anna pira-pira toi duka' tantara kupatandarokkoan. Ianna kukua lako mesa tantara: ‘Mengkalaoko,’ le'ba siami. Anna lako senga'na kukua: ‘Maiko,’ sae siami; battu lakoraka sabua'ku kukua: ‘Karangngi indee,’ nakarang siami.”
26838	JHN 17:10	Angganna petauangku, petauammu duka'; anna angganna petauammu, petauangku duka'. Iamo te mai taue umpakawanan kamatandeangku.
26953	JHN 20:17	Nakuammi Puang Yesus: “Dau ammu anda'ina' annu ta'pa' dengan lao langngan Ambeku. Sapo laomoko umpellambi'i angganna sa'do'dorangku ammu paissannii kumua: ‘Temo, la laona' langngan Ambeku anna Ambemua'; langngan Puang Allata'alla Dewatangku anna Dewatammua'.’ ”
26967	JHN 20:31	Sapo angganna te maie diuki' anna malara muoreanna' kumua Puang Yesusmo To dibassei bayu-bayu la ma'pasalama', Anakna Puang Allata'alla; anna la ullolongangkoa' katuoan ummolai kapangngoreanammu lako kalena.
27028	ACT 2:10	Frigia, Pamfilia, Mesir, to lu dio mai lembangna Libia sikadappi'na Kirene; anna to sae dio mai Roma.
27029	ACT 2:11	Susi to Yahudi tenni tau senga' salianna to Yahudi sapo' ma'aluk Yahudi, to lu dio mai Kreta anna Arab; tarangngi asan umpake basata untetteran kara-kara memangnga-mangnga napogau' Puang Allata'alla.”
27116	ACT 4:25	Mangkamoko umpaombo' battakadammu ummolai kuasanna Penawa Masero napalanda' sabua'mu Daud neneki kumua: ‘Maakaria anna kakeara'-ara' angganna to salianna to Yahudi; anna anggamo kara-kara tala malanna nalambi' iamo la umbali Puang Allata'alla napasalui penawa to buda?
27302	ACT 9:17	Mengkalao siami Ananias umpellambi'i Saulus dio banuanna Yudas. Tappana sae lako umballa'imi pala' Saulus anna ma'kada nakua: “O siulu'ku Saulus; Puang Yesus, to mangka umpa'paitaan kalena matin dio lalan ammu lu dio mai Yerusalem sae inde, ussuana' sae umpellambi'iko ammu malara paita sule sola nakuasai Penawa Masero.”
27395	ACT 11:19	Mangkanna dipatei Stefanus kendekmi pandarraan napolalan tisembu' angganna to mangngorean; dengan lu lako Fenisia, lako Siprus, anna dengan lu lako Antiokhia. Tontong liu umpalanda' Kareba Kadoresan sapo' anggami lako to Yahudi.
27464	ACT 13:33	naganna'imi lako kita peampoanna, annu ummangka'mi Puang Yesus la umpasalama'ki'. Annu dengan battakadanna Puang Allata'alla tiuki' illalan sura' Pampudian kaduanna nakua: ‘Ikomo Anakku; mengkalao allo temo makalesomi kumua Kaomo Ambemu.’
27500	ACT 14:17	Sapo' tontong liu umpakawanan kalena ummolai ma'rupa-rupa kamapiaan lako ma'rupa tau susinna: umpasae liu uran yao mai langi'; umpakendek pa'taunan; nabeen liukoa' nande anna kamasannangan.”
27536	ACT 15:25	Iamo kingei ussituru'-turu'i umpile dua tau to la ussolaan Barnabas anna Paulus to kikamasei;
27540	ACT 15:29	Tae'koa' mala ummande andean mangka dipopemala' lako dewata senga'; tae'koa' mala ummande rara anna balena olo'-olo' mate ditekke, ammu daua' ullullu' pa'bannetauan. Umpogau'mokoa' to kamapiaanno ke ta'mo mupogau' kara-kara iatoo. Padami te pepasangkie. Salama'ki matin.”
27635	ACT 18:9	Pissan attu bongi, taman Paulus napolalan ummita Puang Yesus sae umpa'kadaii nakua: “Dau marea'; dau torroanni umpalanda' Kareba Kadoresan.
27911	ACT 26:20	Bunga'-bunga'na kupakareba lako to Yahudi dio Damsyik, anna mane dio Yerusalem, anna mane illalan lembangna Yudea; susi duka' lako tau senga' salianna to Yahudi, kumua: ‘Pengkatoba'koa' ammu ma'palulako Puang Allata'alla ammu pogau' kara-kara situru' pengkatobasammu.’
28145	ROM 6:9	Taissanan duka' kumua mangkami dipatuo sule Kristus dio mai alla'na to mate anna ta'mo dengan la mate pole; ta'mo la mala nakuasai kamatean.
28382	ROM 15:11	Anna nakua polepa: “O anggammua' to salianna to Yahudi, pakasallekoa' sanganna Dewata; anna anggammua' ma'rupa tau angka'koa' pampudian langngan Dewata!”
28584	1CO 7:29	Anggammua' sa'do'dorangku, kalembasanna tula'ku iamo ta'mo masae attunta. Iamo too mengkalao temo, lako to kebainemo, la susimi to tae' kebaine illalan katuoanna battu' dikua tangngia pendaposan la napatutui penawa;
28585	1CO 7:30	to tumangi' la susimi to tae' masussa penawanna battu' dikua tangngia kamasussaanna la napikki'; lako to metawa la susimi to tae' dore'; lako to mangka mangngalli, la susimi to tae' dengan aka naampui;
29033	2CO 9:9	Susi tiuki' illalan Buku Masero nakua: “Untawa-tawa pa'tamba'na lako to mase-mase; kamapiaan penawanna la tontong sae lako-lakona.”
29840	1TI 5:10	anna kawanan kumua ma'gau' mapia susinna: untaranak manappa anakna, untarima manappa to saena, ungkandapa siulu'na to mangngorean, umpamoloi to masussa; kapotti'na kada angga mapianna napogau'.
30035	HEB 1:5	Annu tae' dengan kadanna Puang Allata'alla lako malaeka' nakua: “Ikomo Anakku; allo temo kupa'peassakan kumua: Kaomo Ambemu.” Tae' toi dengan ma'kada lako mesa malaeka' nakua: “Kaomo la napoambe anna Iamo la kupoanak.”
30102	HEB 5:5	Susimi duka' Kristus, tae' ummangka' kalena mendadi Pongkena Imam la naola untandean kalena, sapo melolo Puang Allata'alla untandeanni, annu nakua: “Ikomo Anakku; allo temo kupa'peassakan kumua: Kaomo Ambemu.”
30237	HEB 10:37	Annu dengan tiuki' illalan Buku Masero nakua: “Ta'mo masae anna saemo to diampai; anna ta'mo la napadende attu kasaeanna.
30644	1JN 2:27	Sapo mangkamokoa' napaturunan Penawa Masero Puang Yesus. Anna inde Penawa Maseroe tontong liu torro illaan kalemua' napolalan ta'mokoa' parallu napatudu tau senga'. Aka napatudu liumokoa' iko Penawa Masero diona angga lako; anna inde pepatudunnae tonganna, tangngia pepa'guruan sala. Dadi, la mesa kappa' liukoa' Kristus situru' pepatudunna Penawa Masero.
30650	1JN 3:4	Benna-benna umpogau' kasalaan, ullenda parentana Puang Allata'alla; annu' dipokasalaan ke dilendai parentana Puang Allata'alla.
30699	1JN 5:8	Penawa Masero, wai, anna rara; inde tallue siundu' kasa'bianna.
30958	REV 11:18	Keara' asammi angganna to tangngummissanangko; sapo nalambi'mi attunna la mungei umpasoa ara'mu, anna attunnamo la mungei umbisara angganna to mate. Nalambi'mi attunna la mungei umbeen sarona angganna sabua'mu iamo angganna nabi, anna angganna petauammu to mengkarea' anna to umpakasalle sangammu, susi to kamai tenni to barinni'; Anna attunnamo la mungei untallanni angganna to ussanggangngi lino.”
31064	REV 18:2	Metamba-tamba nakua: “Loppo'mi! Loppo'mi Babel kota kamai! Natongkonnimi pole' ma'rupa-rupa setang; anna nakesserangngimo angganna dassi meko'do'-ko'do' nakasinnang ma'rupa tau.
31160	REV 22:11	Benna-benna ma'gau' kadake, pabeaii umpogau' liu kakadakean; benna-benna meko'do'-ko'do' pa'palakona, pabeaii ungkarang liu gau' meko'do'-ko'do'; benna-benna ma'gau' mapia, pabeaii umpogau' liu kamapiaan; anna benna-benna masero salu katuoanna, pabeaii umpalako liu gau' masero.”